LUKA 11
11
Abyipa Thlaachuona
(Mat 6.9-13; 7.7-11)
1Zingsuv ca suv kha lie thlaa a chuo. A pachuo pahne ta a ziytuv pakha ta, “Abyipa, Johan ta a ziytuv tie thlaachuo a changpa haa yi ta thlaachuo malie chang ra tie,” a ta. 2Zingsuv ta, “Thlaa nama chuo tiyta:
Ima Paa,#11.2 Kuvtie caataw chekha tie lie ca Vuoruo lie a awpa ma Paa a ta
Na ming ca
pa-uvsathyi pata cuo mang sue.
Na pena tlung paatie se.
3Ningting ta maa hupa sa ca malie pi tie.
4Ma cunglie a suepa tie maa ngiethepa haa yi ta,
ma suena kha malie a ngiethe ra tie.
Pasupaliyna luo malie papha sa thi khah,”
nama ta aa, a ta.
Palung Pasiysa Pata Thlaachuona
5Cakhutaata iema kyihuo khata, “Abiephungpa ta niema hrawlie pakhakha ta viesaa pakha nama hnyi, a ing luo kha zuocang ta vaa ung cate, ‘I viesaapa, viechuo tluo thung du na cyi caw thi tie; 6i viesaa pakha atabala hing vya chiy te i pi riy hnyi va ang,’ a ta. 7Ama ta ingchung taata, ‘Hnaa na pahnaw khah; ingchiy khaa tli pate i saata zaw hne maa zie tli; kya thu pata ca pi khu va tli ang,’ a ta. 8Ica chang yi, a viesaa a cuo nakawta kya thu li pata hne viechuo kha pi paluo li pata aw ra hmuo sala a hie byalya nakawta kya thu'a te a khingpa mekaa kha a pi aa.
9“Caacuonakawta ica chang yi, hie ung la pi pata nama cuo aa; huv ung la nama hmung aa; cakhaw ung la nama cuota ingchiy pahaw pata a cuo aa. 10Tahematapakieca a hiepa bangkhuo ca pi pata cuo'a yi te, a huvpa bangkhuo ta ama hmung aa, a cakhawpa bangkhuo ca ingchiy kha pahawpa pata ama cuo aa. 11Niema hrawlie hing na saata tah ngaa caa hie yi sala#11.11 Kuvtie caataw chekha tie lie ca viechuo caa hie yi sala alung a pipa nama aw'a ma? a ta viepuo ngaa cuopa ta pariy a pipa pakha chuo nama aw'a ma? 12Aatiy acaa hie pata tluociekuo a pipa nama aw'a ma? 13Niema a pha lipa tie ta nama saata zaw kha tuokhaatama hmang phapa i pi aa tapa nama pachang kieca, vuoruo lie a awpa nama Paa changchiy ta ca ama'a lie a hiepa tie kha Thlaapa Pathe ca khatluv tama a pi tyly'a yi,” a ta.
Zingsuv Hne Beelzebul
(Mat 12.22-30; Mar 3.20-27)
14Zingsuv ta bie a ri the lipa khuevuo kha papya te, khuevuo a pya khutaata bie a ri the lipa cawsaapa ca ta bie a ri ca cawsaazaapuv ca ama nang ta a uo. 15#Mat 9.34; 10.25 Cuorasala cawsaa chekha ta, “Khuevuo tie byipa Beelzebul ming tana khuevuo tie a papya yi,” ama ta. 16#Mat 12.38; 16.1; Mar 8.11 A hrangpa tie ta ama kha ama dyapasya khing nakawta, vuoruo taata a cuopa pamangsana suokha ama hie. 17Cuorasala Zingsuv ta ama ruenapa kha a pachang nakawta iema kha, “Tuokhaapa pena hmuo cuose iema hne iema a che yi te amaa du kieca ama ra aa, iema'a na iema a dupa chungkhue ca amaa chepatlaa. 18Setaa zaw a phuv a phuv ta amaa du kieca, tuokhaatama a pena ca aa daa khu aa? Niema ta Beelzebul ming tana khuevuo a papya ina ta ung ciy. 19Kama ta khuevuo kha Beelzebul ming ta i papya kie, niema cawsaa, khuevuo papyatuv tie#11.19 Gk nama sacapaa zaw kha ahung ming tama ama papya? Caacuonakawta iema cana nama bie caa ripatuv ta a cuo'a yi. 20Cuorasala kama na Khazing cahrana ta khuevuo kha a papya ang ta pata a cuo kieca, Khazing Pena ca niema'a luo a vya pha tli. 21A thaaruvpa paa ta a cehre bangkhuo hneta a ing kha a huo kieca a hnyipa hmang ca aa bang taw. 22Cuorasala a thaaruv viepa paa ta a du te a te tiyta, aa buchuopa cehre kha lapa diy te a paruvpa chechiy kha a re diy yi. 23#Mar 9.40 Kama naa daakhyi lipa ca naa dutuv tana a cuo; pahmya pakhaw naa bya lipa ca a cadaapatlaatuv tana a cuo,” a ta.
Thlaapa Pyalyipa A Vya Kaa
(Mat 12.43-45)
24“A pyalyipa thlaapa ca cawsaa chungtaa khata pya te, tiy aw linapa ruocaapa chunglie kha a pahyna hmang huv riypata aa khie. Suv kha hmuo a hmung khu li tiyta, ama ta, ‘I pyase ciepa i ing luo khana i kaa pakhaa aa,’ a ta. 25A kaa ca, a ing kha a pathesa pata hne aa chikaky pata a za awpa kha a hmung. 26Cakhutaata vaa te ama laata a chie viepa thlaapa chiepa pasariy kha a vya chiy yi te, a ngie yi te capa lie ca ama aw. Capa cawsaapa a chuona lie aa daahmang ca a za cuo taana laa khata a chie vie,” a ta.
Thluechiy Hmisi
27Zingsuv ta hingpa bie a ri nguoluopa khata cawsaazaapuv chungtaata canung pakha kya khi te, “Nama caa phyapa pawpya hne nama na pazawpa ahnung ca thluechiypa tana a cuo! a ta. 28Cuorasala Zingsuv ta, “Khazing bie kha thyi yi te a ziypa tie na thluechiy viepa ta a cuo yi,” a ta.
Jonah Pamangsana
(Mat 12.38-42)
29 #
Mat 16.4; Mar 8.12 Cawsaa ama vya hluv vie hryly tiyta, Zingsuv ta, “Ata chuo cawsaa hing a pha lipa tana ama cuo; pamangsana tuepa riypa ama hie, cuorasala Jonah pamangsana ta li pata pamangsana hrangpa khaapahmuo pahmung sa pata cuo'a va yi. 30#Jon 3.4 Jonah ca Nineveh cawsaa zaw cuota pamangsana a za cuopa haa khata Cawsaa Sacapaa zaw hing ata chuo cawsaa zaw cuota pamangsana tana a cuo ra aa. 31#1Sie 10.1-10; 2Chr 9.1-12 Bieripana ning lieta sungluo ruo siepahruonung ca a daa'a te ata chuo cawsaa zaw hing sue a phaw'a yi, tahematapakieca Solomon singna kha naathlie riypa tana alyi dena luo taata a vya si; mang tie ung, Solomon laata a le viepa na hingpa lie hing a aw. 32#Jon 3.5 Bieripana ning thueta Nineveh khy ming zaw kha a daa'a yi te ata chuo cawsaa zaw kha sue ama phaw aa, tahematapakieca iema ca Jonah phupa bie tana sue amaa zaa ngiepachiy, mang tie ung, Jonah laata a le viepa na hingpa lie hing a aw!
Pangpa Khena
(Mat 5.15; 6.22-23)
33 #
Mat 5.15; Mar 4.21; Luk 8.16 “Ahunghmuota myi-ing ama vuo tiyta aa nuna hmang lieta chi buo va yi, cuorasala ingchung luo zaa ngiepa tie ta ama hmung the riypa tana myi-ing vuona tung cunglie khana ama chi. 34Nama ming ca nama pangpa cuota myi-ing tana a cuo. Nama ming a tluo kieca nama pangpa yalya ta a khe aa; cuorasala nama ming a tluo li kieca nama pangpa ca a zing diy aa. 35Caacuonakawta nama chunglie khena hing zingna a cuo li riypa kha pachangpasie tie ung. 36Nama pangpa bangkhuo ca khe diy te, a khaapa kha hmuo zingna chunglie a aw li kieca, myi-ing ta aca khepa haa yi khata a khe diy aa,” a ta.
Zingsuv Ta Farasi Tie Hne Phungbie Saya Tie Kha Sue A Be Yi
(Mat 23.1-36; Mar 12.38-40)
37Bie a ri nguoluo ning kha Zingsuv ca Farasi ming pakha ta sa ning a ku; caacuonakawta vaa te sa ning riypata cabya lie kha aa tu. 38Zingsuv ca sa a ning hluota a kuv aa siy lipa kha Farasi ming cata hmung te a kharue a haasa. 39Caacuonakawta Abyipa ta, “Niema Farasi tie ca nama panuo hne nama pakaa kha aleluo dyi pasiy ung cate, cuorasala nama chungluo ca karuo-awna hne pha lina ta nama pabi. 40A ngaapa tie! Aleluo a tuetuv Khazing ta a chungluo zaw kha a tue cuo va ma? 41Caacuonakawta a chunglie a awpa hmang tie kha a siypasapa tie va pi ung la khaapa bangkhuo kha nama cuota a pathe aa.
42 #
Tbr 27.30
“Cuorasala Farasi tie, niema ca bawchie ciemuopa tana nama cuo! Khazing kha putinan, hruohmie, iesing hne uohnaasiyyhnaa phangting kha chehraachekha nama pi pata adangna hne Khazing duena ca hnang nama chaw. Hingpa zaw hing tue'a ung cate muo a cunglie ma ri taapa zaw hing hnangchaw li pata nama aw'a ta. 43Farasi tie, niema ca bawchie ciemuopa tana nama cuo! Apungna-ing pa-uvsathyipa tie thude lie a tupa hne chadawtluo lie pa-uvsathyina hneta bie a changpa ca nama tlechuosa. 44Bawchie ciemuopa tana nama cuo! Niema ca aa hnangna ama tue lipa thluo, cawsaa zaw ta pachang li pata a cunglie ama cakuo tawpa haa kha tana nama cuo,” a ta yi.
45Phungbie saya tie hrawlie pakha ta, “Saya hing haa hingta na ri tiyta kiema thuo zaw malie na pachipuo ra,” a ta. 46Zingsuv ta, “Phungbie saya tie, niema zaw bawchie ciemuopa tana nama cuo! Cawsaa zaw cunglie kha hmang a riypa khang ung cate, cuorasala niema ca phyakhyi riypata nama kuvdaw ta hmuo de khing va ung ciy. 47Bawchie ciemuopa tana nama cuo! Nama mingchingmingvuo tie ta ama za thiepa profet tie cuo khata thluo nama tuepa. 48Caacuonakawta niema ca nama mingchingmingvuo tie ta ama za tuepa kha a daakhyituv hne a pacusatuv tana nama cuo, tahematapakieca iema ta profet tie kha thie yi te niema ta ama thluo nama tue. 49Caacuonakawta muo Khazing Singna ta, ‘Kama ta profet tie hne biephyatuv tie zaw kha i pathliepa'a yi, iema chungtaata chekha kha thie'a yi te chekha kha ama hrisaa aa,’ a ta ta. 50Caacuonakawta ata chuo cawsaa zaw hing Abel ama za nawna taata patha pata bienatluophie hne hmangpathepa alalalieta ama nawpa 51#Sah 4.8; 2Chr 24.20,21 Zekhariah'a nata chuelyi hruothu baataata ama za palangpa profet tie bangkhuo thiyse muo kha hie pata ama cuo aa. A cuo, ica chang yi, ata chuo cawsaa zaw'a lie hingna hie pata a cuo aa. 52Niema Phungbie saya tie, bawchie ciemuopa tana nama cuo! Thesingna ing pahawnapa taw kha cake ung cate, niema zaw a ngie lipa ung cata a ngie khingpa tie zaw kha nama pakhuo,” a ta yi.
53Ale luo a pya tiyta phungbie saya tie hne Farasi tie ta ama kha hue laalaw yi te, hmang a hluvpuv kaw kha bie hluvpuv ama hiehriy, 54a ripa bie mamaapa chungtaata a suena patuv khu riypata mangkhuo yi te ama huo.
ទើបបានជ្រើសរើសហើយ៖
LUKA 11: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 11
11
Abyipa Thlaachuona
(Mat 6.9-13; 7.7-11)
1Zingsuv ca suv kha lie thlaa a chuo. A pachuo pahne ta a ziytuv pakha ta, “Abyipa, Johan ta a ziytuv tie thlaachuo a changpa haa yi ta thlaachuo malie chang ra tie,” a ta. 2Zingsuv ta, “Thlaa nama chuo tiyta:
Ima Paa,#11.2 Kuvtie caataw chekha tie lie ca Vuoruo lie a awpa ma Paa a ta
Na ming ca
pa-uvsathyi pata cuo mang sue.
Na pena tlung paatie se.
3Ningting ta maa hupa sa ca malie pi tie.
4Ma cunglie a suepa tie maa ngiethepa haa yi ta,
ma suena kha malie a ngiethe ra tie.
Pasupaliyna luo malie papha sa thi khah,”
nama ta aa, a ta.
Palung Pasiysa Pata Thlaachuona
5Cakhutaata iema kyihuo khata, “Abiephungpa ta niema hrawlie pakhakha ta viesaa pakha nama hnyi, a ing luo kha zuocang ta vaa ung cate, ‘I viesaapa, viechuo tluo thung du na cyi caw thi tie; 6i viesaa pakha atabala hing vya chiy te i pi riy hnyi va ang,’ a ta. 7Ama ta ingchung taata, ‘Hnaa na pahnaw khah; ingchiy khaa tli pate i saata zaw hne maa zie tli; kya thu pata ca pi khu va tli ang,’ a ta. 8Ica chang yi, a viesaa a cuo nakawta kya thu li pata hne viechuo kha pi paluo li pata aw ra hmuo sala a hie byalya nakawta kya thu'a te a khingpa mekaa kha a pi aa.
9“Caacuonakawta ica chang yi, hie ung la pi pata nama cuo aa; huv ung la nama hmung aa; cakhaw ung la nama cuota ingchiy pahaw pata a cuo aa. 10Tahematapakieca a hiepa bangkhuo ca pi pata cuo'a yi te, a huvpa bangkhuo ta ama hmung aa, a cakhawpa bangkhuo ca ingchiy kha pahawpa pata ama cuo aa. 11Niema hrawlie hing na saata tah ngaa caa hie yi sala#11.11 Kuvtie caataw chekha tie lie ca viechuo caa hie yi sala alung a pipa nama aw'a ma? a ta viepuo ngaa cuopa ta pariy a pipa pakha chuo nama aw'a ma? 12Aatiy acaa hie pata tluociekuo a pipa nama aw'a ma? 13Niema a pha lipa tie ta nama saata zaw kha tuokhaatama hmang phapa i pi aa tapa nama pachang kieca, vuoruo lie a awpa nama Paa changchiy ta ca ama'a lie a hiepa tie kha Thlaapa Pathe ca khatluv tama a pi tyly'a yi,” a ta.
Zingsuv Hne Beelzebul
(Mat 12.22-30; Mar 3.20-27)
14Zingsuv ta bie a ri the lipa khuevuo kha papya te, khuevuo a pya khutaata bie a ri the lipa cawsaapa ca ta bie a ri ca cawsaazaapuv ca ama nang ta a uo. 15#Mat 9.34; 10.25 Cuorasala cawsaa chekha ta, “Khuevuo tie byipa Beelzebul ming tana khuevuo tie a papya yi,” ama ta. 16#Mat 12.38; 16.1; Mar 8.11 A hrangpa tie ta ama kha ama dyapasya khing nakawta, vuoruo taata a cuopa pamangsana suokha ama hie. 17Cuorasala Zingsuv ta ama ruenapa kha a pachang nakawta iema kha, “Tuokhaapa pena hmuo cuose iema hne iema a che yi te amaa du kieca ama ra aa, iema'a na iema a dupa chungkhue ca amaa chepatlaa. 18Setaa zaw a phuv a phuv ta amaa du kieca, tuokhaatama a pena ca aa daa khu aa? Niema ta Beelzebul ming tana khuevuo a papya ina ta ung ciy. 19Kama ta khuevuo kha Beelzebul ming ta i papya kie, niema cawsaa, khuevuo papyatuv tie#11.19 Gk nama sacapaa zaw kha ahung ming tama ama papya? Caacuonakawta iema cana nama bie caa ripatuv ta a cuo'a yi. 20Cuorasala kama na Khazing cahrana ta khuevuo kha a papya ang ta pata a cuo kieca, Khazing Pena ca niema'a luo a vya pha tli. 21A thaaruvpa paa ta a cehre bangkhuo hneta a ing kha a huo kieca a hnyipa hmang ca aa bang taw. 22Cuorasala a thaaruv viepa paa ta a du te a te tiyta, aa buchuopa cehre kha lapa diy te a paruvpa chechiy kha a re diy yi. 23#Mar 9.40 Kama naa daakhyi lipa ca naa dutuv tana a cuo; pahmya pakhaw naa bya lipa ca a cadaapatlaatuv tana a cuo,” a ta.
Thlaapa Pyalyipa A Vya Kaa
(Mat 12.43-45)
24“A pyalyipa thlaapa ca cawsaa chungtaa khata pya te, tiy aw linapa ruocaapa chunglie kha a pahyna hmang huv riypata aa khie. Suv kha hmuo a hmung khu li tiyta, ama ta, ‘I pyase ciepa i ing luo khana i kaa pakhaa aa,’ a ta. 25A kaa ca, a ing kha a pathesa pata hne aa chikaky pata a za awpa kha a hmung. 26Cakhutaata vaa te ama laata a chie viepa thlaapa chiepa pasariy kha a vya chiy yi te, a ngie yi te capa lie ca ama aw. Capa cawsaapa a chuona lie aa daahmang ca a za cuo taana laa khata a chie vie,” a ta.
Thluechiy Hmisi
27Zingsuv ta hingpa bie a ri nguoluopa khata cawsaazaapuv chungtaata canung pakha kya khi te, “Nama caa phyapa pawpya hne nama na pazawpa ahnung ca thluechiypa tana a cuo! a ta. 28Cuorasala Zingsuv ta, “Khazing bie kha thyi yi te a ziypa tie na thluechiy viepa ta a cuo yi,” a ta.
Jonah Pamangsana
(Mat 12.38-42)
29 #
Mat 16.4; Mar 8.12 Cawsaa ama vya hluv vie hryly tiyta, Zingsuv ta, “Ata chuo cawsaa hing a pha lipa tana ama cuo; pamangsana tuepa riypa ama hie, cuorasala Jonah pamangsana ta li pata pamangsana hrangpa khaapahmuo pahmung sa pata cuo'a va yi. 30#Jon 3.4 Jonah ca Nineveh cawsaa zaw cuota pamangsana a za cuopa haa khata Cawsaa Sacapaa zaw hing ata chuo cawsaa zaw cuota pamangsana tana a cuo ra aa. 31#1Sie 10.1-10; 2Chr 9.1-12 Bieripana ning lieta sungluo ruo siepahruonung ca a daa'a te ata chuo cawsaa zaw hing sue a phaw'a yi, tahematapakieca Solomon singna kha naathlie riypa tana alyi dena luo taata a vya si; mang tie ung, Solomon laata a le viepa na hingpa lie hing a aw. 32#Jon 3.5 Bieripana ning thueta Nineveh khy ming zaw kha a daa'a yi te ata chuo cawsaa zaw kha sue ama phaw aa, tahematapakieca iema ca Jonah phupa bie tana sue amaa zaa ngiepachiy, mang tie ung, Jonah laata a le viepa na hingpa lie hing a aw!
Pangpa Khena
(Mat 5.15; 6.22-23)
33 #
Mat 5.15; Mar 4.21; Luk 8.16 “Ahunghmuota myi-ing ama vuo tiyta aa nuna hmang lieta chi buo va yi, cuorasala ingchung luo zaa ngiepa tie ta ama hmung the riypa tana myi-ing vuona tung cunglie khana ama chi. 34Nama ming ca nama pangpa cuota myi-ing tana a cuo. Nama ming a tluo kieca nama pangpa yalya ta a khe aa; cuorasala nama ming a tluo li kieca nama pangpa ca a zing diy aa. 35Caacuonakawta nama chunglie khena hing zingna a cuo li riypa kha pachangpasie tie ung. 36Nama pangpa bangkhuo ca khe diy te, a khaapa kha hmuo zingna chunglie a aw li kieca, myi-ing ta aca khepa haa yi khata a khe diy aa,” a ta.
Zingsuv Ta Farasi Tie Hne Phungbie Saya Tie Kha Sue A Be Yi
(Mat 23.1-36; Mar 12.38-40)
37Bie a ri nguoluo ning kha Zingsuv ca Farasi ming pakha ta sa ning a ku; caacuonakawta vaa te sa ning riypata cabya lie kha aa tu. 38Zingsuv ca sa a ning hluota a kuv aa siy lipa kha Farasi ming cata hmung te a kharue a haasa. 39Caacuonakawta Abyipa ta, “Niema Farasi tie ca nama panuo hne nama pakaa kha aleluo dyi pasiy ung cate, cuorasala nama chungluo ca karuo-awna hne pha lina ta nama pabi. 40A ngaapa tie! Aleluo a tuetuv Khazing ta a chungluo zaw kha a tue cuo va ma? 41Caacuonakawta a chunglie a awpa hmang tie kha a siypasapa tie va pi ung la khaapa bangkhuo kha nama cuota a pathe aa.
42 #
Tbr 27.30
“Cuorasala Farasi tie, niema ca bawchie ciemuopa tana nama cuo! Khazing kha putinan, hruohmie, iesing hne uohnaasiyyhnaa phangting kha chehraachekha nama pi pata adangna hne Khazing duena ca hnang nama chaw. Hingpa zaw hing tue'a ung cate muo a cunglie ma ri taapa zaw hing hnangchaw li pata nama aw'a ta. 43Farasi tie, niema ca bawchie ciemuopa tana nama cuo! Apungna-ing pa-uvsathyipa tie thude lie a tupa hne chadawtluo lie pa-uvsathyina hneta bie a changpa ca nama tlechuosa. 44Bawchie ciemuopa tana nama cuo! Niema ca aa hnangna ama tue lipa thluo, cawsaa zaw ta pachang li pata a cunglie ama cakuo tawpa haa kha tana nama cuo,” a ta yi.
45Phungbie saya tie hrawlie pakha ta, “Saya hing haa hingta na ri tiyta kiema thuo zaw malie na pachipuo ra,” a ta. 46Zingsuv ta, “Phungbie saya tie, niema zaw bawchie ciemuopa tana nama cuo! Cawsaa zaw cunglie kha hmang a riypa khang ung cate, cuorasala niema ca phyakhyi riypata nama kuvdaw ta hmuo de khing va ung ciy. 47Bawchie ciemuopa tana nama cuo! Nama mingchingmingvuo tie ta ama za thiepa profet tie cuo khata thluo nama tuepa. 48Caacuonakawta niema ca nama mingchingmingvuo tie ta ama za tuepa kha a daakhyituv hne a pacusatuv tana nama cuo, tahematapakieca iema ta profet tie kha thie yi te niema ta ama thluo nama tue. 49Caacuonakawta muo Khazing Singna ta, ‘Kama ta profet tie hne biephyatuv tie zaw kha i pathliepa'a yi, iema chungtaata chekha kha thie'a yi te chekha kha ama hrisaa aa,’ a ta ta. 50Caacuonakawta ata chuo cawsaa zaw hing Abel ama za nawna taata patha pata bienatluophie hne hmangpathepa alalalieta ama nawpa 51#Sah 4.8; 2Chr 24.20,21 Zekhariah'a nata chuelyi hruothu baataata ama za palangpa profet tie bangkhuo thiyse muo kha hie pata ama cuo aa. A cuo, ica chang yi, ata chuo cawsaa zaw'a lie hingna hie pata a cuo aa. 52Niema Phungbie saya tie, bawchie ciemuopa tana nama cuo! Thesingna ing pahawnapa taw kha cake ung cate, niema zaw a ngie lipa ung cata a ngie khingpa tie zaw kha nama pakhuo,” a ta yi.
53Ale luo a pya tiyta phungbie saya tie hne Farasi tie ta ama kha hue laalaw yi te, hmang a hluvpuv kaw kha bie hluvpuv ama hiehriy, 54a ripa bie mamaapa chungtaata a suena patuv khu riypata mangkhuo yi te ama huo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.