LUKA 13
13
Namaa Ngiepachiy Li Kie Nama Ra Aa
1Capa cuo lie caci ca ta capa lie a awpa cawsaa chekha ta Zingsuv kha, Pilat ta ama hriykhung a rinapa hne ama thiy a pyapatlawpa Galilee ming kaw kha ama chang. 2Zingsuv ta iema kha, “Cahaacata thie pata a cuopa Galilee ming ca a hrangpa tie laata ama sue vie ta pata nama rue ma? 3Sue vie va yi. Ica chang yi; nama suena namaa ngiepachiy li kieca iema haa kha tana nama thiy ra aa. 4Siloam ingsuo a cing ningta a vysapa cawsaa hlyicari tie kha Jerusalem lie a awpa cawsaa hrangpa zaw laata ama sue vie ta pata nama rue ma? 5Cuo vyi! Ica chang yi, nama suena namaa ngiepachiy li kieca, iema haa kha tana nama thiy diy ra aa,” a ta yi.
A Thyi A Pathyi Lipa Thyikuv Kung Pakhingpuona
6Cakhutaata Zingsuv ta hingpa pakhingpuona hing a chang yi: “Cawsaa pakha ta a mingsuv diedung chunglie thyikuv kung kung kha a cyi. A pathyi a pathyi li a va mang tiyta khaapahmuo hmung vyi. 7Caacuonakawta diedung a huotuvpa kha, ‘Mang tie! Kung thung chung bangkhuo a pathyi ma pathyi va ma tapa kha i ve taw pata a thyi thyi kha hmuo hmung buo va ang. Hupatyi tie! Khaapanakawma alyi phapa ca a ning pari aa?’ a ta. 8Diedung a huotuv ta, ‘Abyipa, ata kung chuo hing ca pahlung caw tie; a thabaw vya'a angte aphuvlyi pi taa ang. 9Huokung a pathyi kieca a pha ciemuo aa, a pathyi li kieca hupatyi lavuo ciy,’ a ta,” a ta.
Zingsuv Ta A Phyi Cabie Nung Sabbath Ning Ta A Patluo Sa
10Luo kha ca Sabbath ningta Zingsuv ta apungna-ing lie a pacuv yi. 11Capa lie ca thlaapa chiepa ta a hryi te kung hraa hlyicari chung a phata tah a cakuo khu lipa cawsaanung pakha a aw. A ke a kang te a dangta tah a daa khu vyi. 12Zingsuv ta a hmung tiyta, u te, “Cawsaanung, na pasanapa taata hya na zang tli,” a ta. 13A kuv kha a cunglie chi te, sungkhabala ta capa nung ca a dangta tah a daa te Khazing kha a pathuosa. 14#Pya 20.9-10; Pbp 5.13-14 Cuorasala apungna-ing a uvtuvpa ca Sabbath ning ta Zingsuv ta cawsaa a patluo sa nakawta a hi haa te, cawsaazaapuv kha, “Rehriena riypata ning caruv a aw, capa ning caruv chunglie ca a vaw ung la a vya patluo sa tie ung, Sabbath ning hingta cuo li pata!” a ta yi. 15Cadyiseca Abyipa ta, “Niema phahruocuo tie! Ahunghmuo cuo ung la Sabbath ning ta nama cue hne nama laa kha a khuhriy pathluopa ung cate a ing taata papya ung cate tiy padang sa riypata nama tangle cuo va ma? 16Setaa ta kung hraa hlyicari chung a ciypakipa, Abraham sacanung ta a cuopa hing Sabbath ning ta hingpa ciypakina taa hingta hya pazangpa cuo'a va ma?” a ta. 17Cahaacata a ri tiyta, a dutuv tie kha ama nang pazaa yi te, cawsaazaapuv ca kharuehaa hmang a tuepa cunglie kha ama palung a tluo.
Uotuo Hmung Pakhingpuona
(Mat 13.31-32; Mar 4.30-32)
18Caacuonakawta Zingsuv ta, “Khazing pena hing khaapa hneta ma aa lu? Khaapa hneta ma i pakhingpuo aa? 19Cawsaa pakha ta uotuo hmung kha la te diedung lie a vaapa hne tana aa lu. Uotuo ca kya le te thingkungpa ta kya cuo te, pavaa zaw ta a ce cunglie buv amaa tue,” a ta.
Thiynung Pakhingpuona
(Mat 13.33)
20Zingsuv ta thukhyi pakhaa te, “Khazing pena hing khaapa hneta ma i pakhingpuo aa? 21Canung pakha ta viedie beke zung thung lie a pyapa, capa viedie a pathu sapa thiynung hne tana aa lu,” a ta.
Ingchiypakaa Baapa
(Mat 7.13-14,21-23)
22Zingsuv ca Jerusalem luo a sipuo pata khypuv khyta kha capiepaa yi te a pacuv yi. 23Chekha ta, “Abyipa, cawsaa cawta dyi ma khuona a hmung'a yi,” ama ta. Zingsuv ta, 24“Ingchiypakaa baapa taata a ngie riypa kha a zue tie ung; tahematapakieca cawsaa hluvpuv ca a ngie kha amaa zue raalaa pata a ngie khu'a va yi. 25Ing a hnyituvpa ca thu'a te ingchiy kha a khaa aa; niema ca ale lie kha a daa pata ingchiy kha cakhaw'a ung cate, ‘Abyipa, malie pahaw tie,’ nama ta tiyta, ‘Khaapa taata ma namaa vaw tapa kha ca pachang va yi ang,’ ta pata aca palie'a yi. 26Cakhutaata niema ta, ‘Nama hne sa ninghne puv, tiy danghne puv ma za tapa kha, luopuv lie zaw malie na za pacuvpa kha,’ nama ta aa. 27#Slm 6.8 Cuorasala ama ta, ‘Khaapa taata ma namaa vaw tapa kha ca pachang va yi ang; niema pha lina a tuepa cawsaa zaw kama'a taa hingta pya ung la cakuo tie ung!’ aca ta'a yi. 28#Mat 22.13; 25.30 #Mat 8.11-12 Abraham, Isak, Jakob hne profet tie bangkhuo ca Khazing pena chunglie ama awpa kha nama hmung tiyta, niema ca ale luo thaw pata cuo'a ung cate, capa lie ca caana hne haa riena a aw aa! 29Cawsaa ca ningchiy hne ningtla, chaluo hne sungluo taata a vaw'a yi te, Khazing pena chunglie kha sa ama ning aa. 30#Mat 19.30; 20.16; Mar 10.31 Hnang a chuopa ca hmaa sa'a yi te, hmaa a sapa ca hnang ama chuo aa,” a ta.
Zingsuv Jerusalem Cuota Aa Ngiy
(Mat 23.37-39)
31Capa cuo ning ca ta Zingsuv'a luo kha Farasi tie chekha a vaw yi te, “Herod ta aca thie khing nakawta hingpa taa hingta pya tie,” ama ta. 32Zingsuv ta, “Vaa ung la capa cahnie ca, ‘Naathlie tie, ataning hne mawluo ca khuevuo kha papya'a angte a pasapa kha i patluo sa'a yi, a ning thungnapa ning ta i re kha i patlung aa ta pata va chang tie ung. 33Caacuonakawta ataning, mawluo hne hezuoning ca i cakuo nguoluo kalie thluo aa; tahematapakieca Jerusalem lie ta li pata a hrang lieta profet pakha thie riypa ca cuo khu vyi,’ a ta. 34Jerusalem, Jerusalem, profet tie kha thie yi cate nama'a luo vya pathliepa tie kha alung ta a vaasapa khypuv! Yi khazaa ulu ma aapuvnung ta a tachiyta zaw a mathlaa rawlie a pahmyapa haa yi ta na saata zaw hing pahmya pakhaw i khing, cuorasala khing vaciy. 35#Slm 118.26 Mang tie, na ing ca thuse pata a cuo aa. Cakhutaata, ica chang, ‘Abyipa ming ta a vawpa ca thluechiypa tana a cuo,’ ta pata na rina cuo a vya pha hluo li na hmung'a va tli ciy,” a ta.
ទើបបានជ្រើសរើសហើយ៖
LUKA 13: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 13
13
Namaa Ngiepachiy Li Kie Nama Ra Aa
1Capa cuo lie caci ca ta capa lie a awpa cawsaa chekha ta Zingsuv kha, Pilat ta ama hriykhung a rinapa hne ama thiy a pyapatlawpa Galilee ming kaw kha ama chang. 2Zingsuv ta iema kha, “Cahaacata thie pata a cuopa Galilee ming ca a hrangpa tie laata ama sue vie ta pata nama rue ma? 3Sue vie va yi. Ica chang yi; nama suena namaa ngiepachiy li kieca iema haa kha tana nama thiy ra aa. 4Siloam ingsuo a cing ningta a vysapa cawsaa hlyicari tie kha Jerusalem lie a awpa cawsaa hrangpa zaw laata ama sue vie ta pata nama rue ma? 5Cuo vyi! Ica chang yi, nama suena namaa ngiepachiy li kieca, iema haa kha tana nama thiy diy ra aa,” a ta yi.
A Thyi A Pathyi Lipa Thyikuv Kung Pakhingpuona
6Cakhutaata Zingsuv ta hingpa pakhingpuona hing a chang yi: “Cawsaa pakha ta a mingsuv diedung chunglie thyikuv kung kung kha a cyi. A pathyi a pathyi li a va mang tiyta khaapahmuo hmung vyi. 7Caacuonakawta diedung a huotuvpa kha, ‘Mang tie! Kung thung chung bangkhuo a pathyi ma pathyi va ma tapa kha i ve taw pata a thyi thyi kha hmuo hmung buo va ang. Hupatyi tie! Khaapanakawma alyi phapa ca a ning pari aa?’ a ta. 8Diedung a huotuv ta, ‘Abyipa, ata kung chuo hing ca pahlung caw tie; a thabaw vya'a angte aphuvlyi pi taa ang. 9Huokung a pathyi kieca a pha ciemuo aa, a pathyi li kieca hupatyi lavuo ciy,’ a ta,” a ta.
Zingsuv Ta A Phyi Cabie Nung Sabbath Ning Ta A Patluo Sa
10Luo kha ca Sabbath ningta Zingsuv ta apungna-ing lie a pacuv yi. 11Capa lie ca thlaapa chiepa ta a hryi te kung hraa hlyicari chung a phata tah a cakuo khu lipa cawsaanung pakha a aw. A ke a kang te a dangta tah a daa khu vyi. 12Zingsuv ta a hmung tiyta, u te, “Cawsaanung, na pasanapa taata hya na zang tli,” a ta. 13A kuv kha a cunglie chi te, sungkhabala ta capa nung ca a dangta tah a daa te Khazing kha a pathuosa. 14#Pya 20.9-10; Pbp 5.13-14 Cuorasala apungna-ing a uvtuvpa ca Sabbath ning ta Zingsuv ta cawsaa a patluo sa nakawta a hi haa te, cawsaazaapuv kha, “Rehriena riypata ning caruv a aw, capa ning caruv chunglie ca a vaw ung la a vya patluo sa tie ung, Sabbath ning hingta cuo li pata!” a ta yi. 15Cadyiseca Abyipa ta, “Niema phahruocuo tie! Ahunghmuo cuo ung la Sabbath ning ta nama cue hne nama laa kha a khuhriy pathluopa ung cate a ing taata papya ung cate tiy padang sa riypata nama tangle cuo va ma? 16Setaa ta kung hraa hlyicari chung a ciypakipa, Abraham sacanung ta a cuopa hing Sabbath ning ta hingpa ciypakina taa hingta hya pazangpa cuo'a va ma?” a ta. 17Cahaacata a ri tiyta, a dutuv tie kha ama nang pazaa yi te, cawsaazaapuv ca kharuehaa hmang a tuepa cunglie kha ama palung a tluo.
Uotuo Hmung Pakhingpuona
(Mat 13.31-32; Mar 4.30-32)
18Caacuonakawta Zingsuv ta, “Khazing pena hing khaapa hneta ma aa lu? Khaapa hneta ma i pakhingpuo aa? 19Cawsaa pakha ta uotuo hmung kha la te diedung lie a vaapa hne tana aa lu. Uotuo ca kya le te thingkungpa ta kya cuo te, pavaa zaw ta a ce cunglie buv amaa tue,” a ta.
Thiynung Pakhingpuona
(Mat 13.33)
20Zingsuv ta thukhyi pakhaa te, “Khazing pena hing khaapa hneta ma i pakhingpuo aa? 21Canung pakha ta viedie beke zung thung lie a pyapa, capa viedie a pathu sapa thiynung hne tana aa lu,” a ta.
Ingchiypakaa Baapa
(Mat 7.13-14,21-23)
22Zingsuv ca Jerusalem luo a sipuo pata khypuv khyta kha capiepaa yi te a pacuv yi. 23Chekha ta, “Abyipa, cawsaa cawta dyi ma khuona a hmung'a yi,” ama ta. Zingsuv ta, 24“Ingchiypakaa baapa taata a ngie riypa kha a zue tie ung; tahematapakieca cawsaa hluvpuv ca a ngie kha amaa zue raalaa pata a ngie khu'a va yi. 25Ing a hnyituvpa ca thu'a te ingchiy kha a khaa aa; niema ca ale lie kha a daa pata ingchiy kha cakhaw'a ung cate, ‘Abyipa, malie pahaw tie,’ nama ta tiyta, ‘Khaapa taata ma namaa vaw tapa kha ca pachang va yi ang,’ ta pata aca palie'a yi. 26Cakhutaata niema ta, ‘Nama hne sa ninghne puv, tiy danghne puv ma za tapa kha, luopuv lie zaw malie na za pacuvpa kha,’ nama ta aa. 27#Slm 6.8 Cuorasala ama ta, ‘Khaapa taata ma namaa vaw tapa kha ca pachang va yi ang; niema pha lina a tuepa cawsaa zaw kama'a taa hingta pya ung la cakuo tie ung!’ aca ta'a yi. 28#Mat 22.13; 25.30 #Mat 8.11-12 Abraham, Isak, Jakob hne profet tie bangkhuo ca Khazing pena chunglie ama awpa kha nama hmung tiyta, niema ca ale luo thaw pata cuo'a ung cate, capa lie ca caana hne haa riena a aw aa! 29Cawsaa ca ningchiy hne ningtla, chaluo hne sungluo taata a vaw'a yi te, Khazing pena chunglie kha sa ama ning aa. 30#Mat 19.30; 20.16; Mar 10.31 Hnang a chuopa ca hmaa sa'a yi te, hmaa a sapa ca hnang ama chuo aa,” a ta.
Zingsuv Jerusalem Cuota Aa Ngiy
(Mat 23.37-39)
31Capa cuo ning ca ta Zingsuv'a luo kha Farasi tie chekha a vaw yi te, “Herod ta aca thie khing nakawta hingpa taa hingta pya tie,” ama ta. 32Zingsuv ta, “Vaa ung la capa cahnie ca, ‘Naathlie tie, ataning hne mawluo ca khuevuo kha papya'a angte a pasapa kha i patluo sa'a yi, a ning thungnapa ning ta i re kha i patlung aa ta pata va chang tie ung. 33Caacuonakawta ataning, mawluo hne hezuoning ca i cakuo nguoluo kalie thluo aa; tahematapakieca Jerusalem lie ta li pata a hrang lieta profet pakha thie riypa ca cuo khu vyi,’ a ta. 34Jerusalem, Jerusalem, profet tie kha thie yi cate nama'a luo vya pathliepa tie kha alung ta a vaasapa khypuv! Yi khazaa ulu ma aapuvnung ta a tachiyta zaw a mathlaa rawlie a pahmyapa haa yi ta na saata zaw hing pahmya pakhaw i khing, cuorasala khing vaciy. 35#Slm 118.26 Mang tie, na ing ca thuse pata a cuo aa. Cakhutaata, ica chang, ‘Abyipa ming ta a vawpa ca thluechiypa tana a cuo,’ ta pata na rina cuo a vya pha hluo li na hmung'a va tli ciy,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.