JOHAN 4
4
Zingsuv Hne Samaria Cawsaanung
1“Zingsuv ca Johan laata ziytuv a hluv vie hnyi te tiynawna zaw a pi yi,” tapa khana Farasi ming ta ama thyi tapa kha Zingsuv ta a pachang. 2Zingsuv pangphie cuo li pata ziytuv tie ta tiynawna ama pipa ta a cuo. 3Caacuonakawta Judea ruo taa khata pya te Galilee ruo luo kha a kaa. 4Cuorasala Samaria ruo kha a cahraw. 5#Pya 33.19; Jos 24.32 Caacuonakawta Jacob ta a sacapaa Josef a pipa luruo hne aa ngieta tah a awpa Samaria pe Saikhar khy luo kha a pha. 6Capa lie ca Jacob takhue kha aw te Zingsuv ca a nang a buosa nakawta takhue kie lie ca aa tu. Capa cuo ca ningchung hraw ta a cuo.
7Samaria cawsaanung pakha ca tiy the riypata a vaw te, Zingsuv ta, “Tiy dang riypa na siy tie,” a ta. 8(A ziytuv tie ca ning riypa calyi riypata khy chung luo ama vaa ningta a cuo.) 9#Ezr 4.1-5; Neh 4.1,2 Samaria cawsaanung ca ta, “Judah ming pakha a cuopa ta Samaria canung pakha a cuopa kama'a lie dang riypa tiy inaa hiepa ca hing khaapanakawma?” a ta. (Judah ming ca Samaria ming hneta hmang a hraw pata hmuo khing va yi.)#4.9 Kuvtie caataw chekha tie lie ca hingpa caatluo hing aw vyi 10Zingsuv ta, “Khazing lasaw hing khaapatama a cuo tapa hne tiy dang riypa caa hiepa paa hing ahungma tapa kha pachang la ca ama pali hing a hie'a cate hringna tiy kha aca pi aa,” a ta. 11Cawsaanung ta, “Abyipa, tiypung ta na hnyi va, takhue ta aa thuvsa hyi. Khaapaliema capa hringna tiy ca na la aa? 12Hingpa takhue malie a pipa mingpa Jacob laata i le vie ta pata ma naa rue? Ama hne a saata zaw hne a sahring zaw bangkhuo ta ama dangpa takhue tana a cuo,” a ta. 13Zingsuv ta, “Hingpa tiy a dangpa bangkhuo ca ama tiy a hrie pakhaa aa, 14cuorasala kama ta i pipa tiy a dangpa tie ca khatiy tahmuo ama tiy hrie pakhaa'a va tli. I pi riypa yi tiy ca ama chunglie kha chuozaa hringna a pipa acaatiy ta aa li aa,” a ta. 15Cawsaanung ta, “Abyipa, i tiy a hrie li tli riypa hne, hingpa luo zaw hing tiy the riypata i vaw li tli riypata capa tiy ca na pi tie!” a ta.
16Zingsuv ta, “Cakuo la na navaapa kha va ku la a vaw pakhaa tie,” a ta. 17Cawsaanung ta, “Navaa hnyi va ang,” ta pata a palie. Zingsuv ta, “'Navaa hnyi va ang na tapa hing aa hmuo'; 18cuorasala navaa papangaa hnyi tli cate ata lie naa hlawpa zaw hing na navaapa hmisi ta cuo vyi. Na ripa hing aa hmuo!” a ta. 19Cawsaanung ta, “Abyipa, profet ta na cuopa ica pachang. 20Kiema mingchingmingvuo tie ta ca hingpa tluo lie hing Khazing kha amaa zaa bie, cuorasala niema ta ca Khazing ca Jerusalem liena abie riypata a cuo nama ta,” a ta. 21Zingsuv ta, “Cawsaanung, kama hing na zang tie, niema ta hingpa tluo lie cuose, Jerusalem lie cuose Paa kha namaa bie lina riypa cuo ca aa vaw nguoluo tli. 22Niema ca nama pachang lipa khana namaa bie; kiema ca ma pachangpa kha maa bie, tahematapakieca khuona ca Judah ming'a taata a vawpa tana a cuo. 23Khazing abie hmisipa tie ta thlaapa hne biehmisipa ta Paa amaa biena cuo kha a vaw nguoluo te a vya tlung tli, tahematapakieca cahaacata a biepa cana Paa ta a khingpa a cuo. 24Khazing ca Thlaapa ta cuo te abiepa tie ta Thlaapa hne biehmisipa ta amaa bie riypa tana a cuo,” a ta. 25Cawsaanung ta, “Messiah ca aa vaw aa tapa kha i pachang” (Khrih ta pata zaw ama kupa). “Ama aa vaw thueta hmangting bangkhuo kha a pathyi sa diy aa,” a ta. 26Zingsuv ta, “Nama hne bie a ri nguoluopa kama hing ama ca tana i cuo,” a ta.
27Capa cuo lie ca Zingsuv a ziytuv tie ca vya chiy yi te cawsaanung hne bie amaa rue nguoluopa kha ama hmung tiyta ama nang a uosa. Cuorasala ahungtahmuo, “Khaapama naa hu?” acuolikie, “Khaapanakawma hingpa nung hing bie na rihne?” ta ra va yi. 28Cakhutaata cawsaanung ca a tiybi kha thusesiy te khypuv luo kha a kaa. Cawsaa zaw kyihuo khata, 29“I tue buopa hmang bangkhuo naa chang khu diypa paa hing vya mang tie ung! Ama hing Messiah#4.29 Khrih ta cuo'a va ma?” a ta yi. 30Caacuonakawta khypuv taa cata pya yi te Zingsuv'a luo ca ama vaa.
31Capa cuo ning ca ziytuv tie ta Zingsuv kha, “Saya, sa ning tie,” ama ta. 32Cuorasala ama ta, “Niema ta a kaw nama pachang lipa ning riypa sa na i hnyi,” a ta yi. 33Caacuonakawta ziytuv tie ca pakha hne pakha kha, “Pakhakha ta sa ama vya pi pata a cuo biephung'a ma?” amaa ta. 34Zingsuv ta iema kha, “I sa ca naa pathlietuv khingna tue hne ina changpa re palangpa hing tana a cuo. 35Niema ta, ‘Ata taa hingta thla paliy khu pahne ta sa hrie tiy a ta aa,’ nama ta cuo va ma? Cuorasala ica chang yi, nama cahriy kha suo tie ung; sa ca hming te hrie tiy aa de hringhruo tli tapa kha mang tie ung! 36Sa a hrietuv ca a hrie muo kha pi pata cuo te chuozaa hringna cuota sa kha a papung nguoluo, caacuonakawta ciy a cyituv hne sa a hrietuv kha ama palung a tluo pakhaw aa. 37‘Pakha ta ciy cyi te pakha ta sa a hrie,’ tapa bie ca hingpa lie hingna aa hmuo.
38Nama thlu lina lieta sa hrie riypa tana ica pathlie yi; malie ta thlu yi te niema ta ama thlu ciena lie kha nama hrie,” a ta yi.
39Cawsaanung ta, “I za tue buopa bangkhuo na ina chang diy,” ta pata tehte a khuo nakawta Samaria ming a hluvpuv ta ama zang. 40Caacuonakawta Samaria ming ca Zingsuv'a luo amaa vaw tiyta, iema'a lie a pahy caw riypata paakie yi te, ning hning aa pahy siy. 41A bie ripa kha thyi yi te cawsaa a hluv hryly ta ama zang. 42Cawsaanung kyihuo khata, “Ata hing ca nama na ri nakawta cuo li pata kiema hrahring ta a bie ripa kha thyi pate, ama ca chuelyi Khuotuv a cuo hrahring tapa kha ma pachang,” ama ta.
Zingsuv Galilee Luo A Kaa
43Ning hning khutaata, Zingsuv ca capa hmang taa cata Galilee ruo luo kha a si. 44#Mat 13.57; Mar 6.4; Luk 4.24 (Tahematapakieca Zingsuv hrahring ta, “Profet ca a puvna ruo lie ca pa-uvsathyina hmung vyi,” a ta.) 45#Jhn 2.23 Galilee luo a pha tiyta, Galilee ming ta ama kha ama daw, tahematapakieca Jerusalem pyi luo kha vaa ra yi te pyi chunglieta a tuepa bangkhuo kha ama hmung nakawta a cuo.
Zingsuv Ta Abyi Pakha Sacapaa A Patluo Sa
46 #
Jhn 2.1-11
Cakhutaata Zingsuv ca tiy kha mingsuvtiy ta a za pacuo sanapa Galilee pe Kaanaa khy luo kha a si pakhaa. Capa lie ca acuzaa byi pakha aw te a sacapaa ca Kapernaum khy lie kha a pasa. 47Zingsuv na Judea ruo taata Galilee luo a vaw tapa kha a thyi tiyta, ama'a luo kha cakuo te, Kapernaum khy luo kha a zuv pata vuotaa a thiy'a nangpa a sacapaa kha patluo sa riypata paa a kie. 48Zingsuv ta, “Pamangsana hne kharuehaa hmang nama hmung li kieca zang'a va ung ciy,” a ta yi. 49Acuzaa byipa ca ta, “Abyipa, i saata a thiy hluo hingta a zuv tie,” a ta. 50Zingsuv ta, “Cakuo tie, na sacapaa ca a hring aa,” a ta. Capa paa ca ta Zingsuv bie kha zang te a cakuo. 51A kaabung luo, luopuv lie kha a sii tie ta kya daw yi te, a sacapaa a tluo tlipa kha ama chang. 52Ama ta, khaapa cuo taa khata ma a sacapaa ca a tluo vie? ta pata a hiehriy tiy yi ta, iema ta, “Azuochaning ningchung, siymaluo pakha lie khana a ngelingpa a cakaa,” ama ta. 53Capa cuo ca Zingsuv ta, “Na sacapaa ca a tluo aa,” a za tapa cuo ta a cuopa kha a paa ca aa kya thyi pakhaa. Caacuonakawta ama hne a ingchungkhue tie bangkhuo ta ama zang. 54Hingpa hing Zingsuv ta Judea ruo taata Galilee ruo luo aa vaw khutaata a tuepa kharuehaa hmang a suohningnapa ta a cuo.
ទើបបានជ្រើសរើសហើយ៖
JOHAN 4: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 4
4
Zingsuv Hne Samaria Cawsaanung
1“Zingsuv ca Johan laata ziytuv a hluv vie hnyi te tiynawna zaw a pi yi,” tapa khana Farasi ming ta ama thyi tapa kha Zingsuv ta a pachang. 2Zingsuv pangphie cuo li pata ziytuv tie ta tiynawna ama pipa ta a cuo. 3Caacuonakawta Judea ruo taa khata pya te Galilee ruo luo kha a kaa. 4Cuorasala Samaria ruo kha a cahraw. 5#Pya 33.19; Jos 24.32 Caacuonakawta Jacob ta a sacapaa Josef a pipa luruo hne aa ngieta tah a awpa Samaria pe Saikhar khy luo kha a pha. 6Capa lie ca Jacob takhue kha aw te Zingsuv ca a nang a buosa nakawta takhue kie lie ca aa tu. Capa cuo ca ningchung hraw ta a cuo.
7Samaria cawsaanung pakha ca tiy the riypata a vaw te, Zingsuv ta, “Tiy dang riypa na siy tie,” a ta. 8(A ziytuv tie ca ning riypa calyi riypata khy chung luo ama vaa ningta a cuo.) 9#Ezr 4.1-5; Neh 4.1,2 Samaria cawsaanung ca ta, “Judah ming pakha a cuopa ta Samaria canung pakha a cuopa kama'a lie dang riypa tiy inaa hiepa ca hing khaapanakawma?” a ta. (Judah ming ca Samaria ming hneta hmang a hraw pata hmuo khing va yi.)#4.9 Kuvtie caataw chekha tie lie ca hingpa caatluo hing aw vyi 10Zingsuv ta, “Khazing lasaw hing khaapatama a cuo tapa hne tiy dang riypa caa hiepa paa hing ahungma tapa kha pachang la ca ama pali hing a hie'a cate hringna tiy kha aca pi aa,” a ta. 11Cawsaanung ta, “Abyipa, tiypung ta na hnyi va, takhue ta aa thuvsa hyi. Khaapaliema capa hringna tiy ca na la aa? 12Hingpa takhue malie a pipa mingpa Jacob laata i le vie ta pata ma naa rue? Ama hne a saata zaw hne a sahring zaw bangkhuo ta ama dangpa takhue tana a cuo,” a ta. 13Zingsuv ta, “Hingpa tiy a dangpa bangkhuo ca ama tiy a hrie pakhaa aa, 14cuorasala kama ta i pipa tiy a dangpa tie ca khatiy tahmuo ama tiy hrie pakhaa'a va tli. I pi riypa yi tiy ca ama chunglie kha chuozaa hringna a pipa acaatiy ta aa li aa,” a ta. 15Cawsaanung ta, “Abyipa, i tiy a hrie li tli riypa hne, hingpa luo zaw hing tiy the riypata i vaw li tli riypata capa tiy ca na pi tie!” a ta.
16Zingsuv ta, “Cakuo la na navaapa kha va ku la a vaw pakhaa tie,” a ta. 17Cawsaanung ta, “Navaa hnyi va ang,” ta pata a palie. Zingsuv ta, “'Navaa hnyi va ang na tapa hing aa hmuo'; 18cuorasala navaa papangaa hnyi tli cate ata lie naa hlawpa zaw hing na navaapa hmisi ta cuo vyi. Na ripa hing aa hmuo!” a ta. 19Cawsaanung ta, “Abyipa, profet ta na cuopa ica pachang. 20Kiema mingchingmingvuo tie ta ca hingpa tluo lie hing Khazing kha amaa zaa bie, cuorasala niema ta ca Khazing ca Jerusalem liena abie riypata a cuo nama ta,” a ta. 21Zingsuv ta, “Cawsaanung, kama hing na zang tie, niema ta hingpa tluo lie cuose, Jerusalem lie cuose Paa kha namaa bie lina riypa cuo ca aa vaw nguoluo tli. 22Niema ca nama pachang lipa khana namaa bie; kiema ca ma pachangpa kha maa bie, tahematapakieca khuona ca Judah ming'a taata a vawpa tana a cuo. 23Khazing abie hmisipa tie ta thlaapa hne biehmisipa ta Paa amaa biena cuo kha a vaw nguoluo te a vya tlung tli, tahematapakieca cahaacata a biepa cana Paa ta a khingpa a cuo. 24Khazing ca Thlaapa ta cuo te abiepa tie ta Thlaapa hne biehmisipa ta amaa bie riypa tana a cuo,” a ta. 25Cawsaanung ta, “Messiah ca aa vaw aa tapa kha i pachang” (Khrih ta pata zaw ama kupa). “Ama aa vaw thueta hmangting bangkhuo kha a pathyi sa diy aa,” a ta. 26Zingsuv ta, “Nama hne bie a ri nguoluopa kama hing ama ca tana i cuo,” a ta.
27Capa cuo lie ca Zingsuv a ziytuv tie ca vya chiy yi te cawsaanung hne bie amaa rue nguoluopa kha ama hmung tiyta ama nang a uosa. Cuorasala ahungtahmuo, “Khaapama naa hu?” acuolikie, “Khaapanakawma hingpa nung hing bie na rihne?” ta ra va yi. 28Cakhutaata cawsaanung ca a tiybi kha thusesiy te khypuv luo kha a kaa. Cawsaa zaw kyihuo khata, 29“I tue buopa hmang bangkhuo naa chang khu diypa paa hing vya mang tie ung! Ama hing Messiah#4.29 Khrih ta cuo'a va ma?” a ta yi. 30Caacuonakawta khypuv taa cata pya yi te Zingsuv'a luo ca ama vaa.
31Capa cuo ning ca ziytuv tie ta Zingsuv kha, “Saya, sa ning tie,” ama ta. 32Cuorasala ama ta, “Niema ta a kaw nama pachang lipa ning riypa sa na i hnyi,” a ta yi. 33Caacuonakawta ziytuv tie ca pakha hne pakha kha, “Pakhakha ta sa ama vya pi pata a cuo biephung'a ma?” amaa ta. 34Zingsuv ta iema kha, “I sa ca naa pathlietuv khingna tue hne ina changpa re palangpa hing tana a cuo. 35Niema ta, ‘Ata taa hingta thla paliy khu pahne ta sa hrie tiy a ta aa,’ nama ta cuo va ma? Cuorasala ica chang yi, nama cahriy kha suo tie ung; sa ca hming te hrie tiy aa de hringhruo tli tapa kha mang tie ung! 36Sa a hrietuv ca a hrie muo kha pi pata cuo te chuozaa hringna cuota sa kha a papung nguoluo, caacuonakawta ciy a cyituv hne sa a hrietuv kha ama palung a tluo pakhaw aa. 37‘Pakha ta ciy cyi te pakha ta sa a hrie,’ tapa bie ca hingpa lie hingna aa hmuo.
38Nama thlu lina lieta sa hrie riypa tana ica pathlie yi; malie ta thlu yi te niema ta ama thlu ciena lie kha nama hrie,” a ta yi.
39Cawsaanung ta, “I za tue buopa bangkhuo na ina chang diy,” ta pata tehte a khuo nakawta Samaria ming a hluvpuv ta ama zang. 40Caacuonakawta Samaria ming ca Zingsuv'a luo amaa vaw tiyta, iema'a lie a pahy caw riypata paakie yi te, ning hning aa pahy siy. 41A bie ripa kha thyi yi te cawsaa a hluv hryly ta ama zang. 42Cawsaanung kyihuo khata, “Ata hing ca nama na ri nakawta cuo li pata kiema hrahring ta a bie ripa kha thyi pate, ama ca chuelyi Khuotuv a cuo hrahring tapa kha ma pachang,” ama ta.
Zingsuv Galilee Luo A Kaa
43Ning hning khutaata, Zingsuv ca capa hmang taa cata Galilee ruo luo kha a si. 44#Mat 13.57; Mar 6.4; Luk 4.24 (Tahematapakieca Zingsuv hrahring ta, “Profet ca a puvna ruo lie ca pa-uvsathyina hmung vyi,” a ta.) 45#Jhn 2.23 Galilee luo a pha tiyta, Galilee ming ta ama kha ama daw, tahematapakieca Jerusalem pyi luo kha vaa ra yi te pyi chunglieta a tuepa bangkhuo kha ama hmung nakawta a cuo.
Zingsuv Ta Abyi Pakha Sacapaa A Patluo Sa
46 #
Jhn 2.1-11
Cakhutaata Zingsuv ca tiy kha mingsuvtiy ta a za pacuo sanapa Galilee pe Kaanaa khy luo kha a si pakhaa. Capa lie ca acuzaa byi pakha aw te a sacapaa ca Kapernaum khy lie kha a pasa. 47Zingsuv na Judea ruo taata Galilee luo a vaw tapa kha a thyi tiyta, ama'a luo kha cakuo te, Kapernaum khy luo kha a zuv pata vuotaa a thiy'a nangpa a sacapaa kha patluo sa riypata paa a kie. 48Zingsuv ta, “Pamangsana hne kharuehaa hmang nama hmung li kieca zang'a va ung ciy,” a ta yi. 49Acuzaa byipa ca ta, “Abyipa, i saata a thiy hluo hingta a zuv tie,” a ta. 50Zingsuv ta, “Cakuo tie, na sacapaa ca a hring aa,” a ta. Capa paa ca ta Zingsuv bie kha zang te a cakuo. 51A kaabung luo, luopuv lie kha a sii tie ta kya daw yi te, a sacapaa a tluo tlipa kha ama chang. 52Ama ta, khaapa cuo taa khata ma a sacapaa ca a tluo vie? ta pata a hiehriy tiy yi ta, iema ta, “Azuochaning ningchung, siymaluo pakha lie khana a ngelingpa a cakaa,” ama ta. 53Capa cuo ca Zingsuv ta, “Na sacapaa ca a tluo aa,” a za tapa cuo ta a cuopa kha a paa ca aa kya thyi pakhaa. Caacuonakawta ama hne a ingchungkhue tie bangkhuo ta ama zang. 54Hingpa hing Zingsuv ta Judea ruo taata Galilee ruo luo aa vaw khutaata a tuepa kharuehaa hmang a suohningnapa ta a cuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.