JOHAN 5
5
Zingsuv Ta Sabbath Ning A Pasapa A Patluo Sa
1Cakhutaata Jerusalem lie Judah ming pyi suokha aw te Zingsuv ca a khaw.
2Jerusalem khy, tuv thlake ama tapa kielie Hebru ryi ta Beth-zatha#5.2 Kuvtie caataw chekha tie lie ca Bethesda ta pata cuose, chekha lie ca Bethsaida ta pata zaw a aw ama tapa tiy-ang suokha aw te a kie lieta thluodaa suopangaa a aw. 3Capa thluodaa chunglie ca, mingcuepa, a phyi cabiepa, a pakyapa ta pata a tluo lipa a hluvsa ama laa patlaw. 4(Cuokhakha lieta Abyipa avuoming kha za cung te tiy kha a za katlu taw. Cahaacata tiy aa katlu pahne ta tiy chung luo a thaw taapa ca ama pasana taata ama tluo. Caacuonakawta a pasapa tie ca tiy aa katlu riypa kha ama huo.)#5.4 Kuvtie caataw chekha tie lie ca tluo 4 hing aw vyi 5Capa lie ca kung sawthung kung cari a pasa tlipa capaa pakha a aw. 6Zingsuv ta capa lie aa zie nguoluopa kha hmung te kung pasiypuv a pasa tlipa kha a pachang nakawta, “Na tluo khing ma?” a ta. 7A pasapa paa ca ta, “Abyipa, tiy aa vya katlu pahne ta tiyliy chung luo naa naw riypa hnyi va ang; cung naase ang i ta pahne ta a hrangpa pakhakha ta i naa naw chuv lawmaw yi,” a ta. 8Zingsuv ta, “Thu la na pangphaa kha a la lah cakuo tie,” a ta. 9Cawsaapa ca sungkha ta tluo te a pangphaa kha la te a cakuo.
Capa ning ca Sabbath ning ta a cuo. 10#Neh 13.19; Jer 17.21 Caacuonakawta Judah uvthyi tie ta tluona a hmungpa paa ca, “Ataning hing Sabbath ning ta cuo te na pangphaa naa puvlepa hing ima phung na a thlu,” ama ta. 11Cuorasala ama ta, “Naa patluo sapa paa na na pangphaa kha a la lah cakuo tie, naa ta,” a ta. 12Iema ta, “Na pangphaa kha a la lah cakuo tie caa tapa ca ahungma?” ama ta. 13Cuorasala tluona a hmungpa paa ta pachang vyi, tahematapakieca Zingsuv ca capa lie a awpa cawsaazaapuv hraw luo kha a ngie te a vie tli. 14Cakhutaata Zingsuv ta khapa paa kha Biena-ing lie hmung te, “Mang tie, patluo sapa na cuo tli hing! Na cunglie a ruv viepa a tlung li riypata suena tue vie khah tie lie ciy,” a ta. 15Cawsaapa ca pya te Judah ming kyihuo khata a patluo sapa paa ca Zingsuv ta a cuopa kha a va chang yi. 16Sabbath ning ta cahaapa hmang a tue nakawta Judah ming ta Zingsuv ca hrisaa hruo ama pathu. 17Cuorasala Zingsuv ta, “I Paa ca ata te hingta re a hrie nguoluo kalie, caacuonakawta kama zaw i hrie nguoluo ra,” a ta yi. 18Sabbath ning a parapa dyi cuo li pata Khazing kha i Paa tana a cuo a ta nakawta Khazing hne tana aa pakhing ta yi te, Judah uvthyi tie ca Zingsuv thie riypa khata luo ama huv hryly.
Sacapaa Nawhnyina
19Zingsuv ta iema kha, “Biehmisi tana ica chang yi, Sacapaa hing amata tah khaapahmuo tue khu vyi, cuorasala a paa ta a tuepa a hmungpa dyi khana a tue; tahematapakieca Paa ta a tuepa haa kha tana Sacapaa ta a tue ra. 20Paa ta Sacapaa ca due te a tuepa bangkhuo kha a pahmung sa. Hingpa laa hingta tue riypa a le viepa kha pahmung sa kalie'a te nama nang a uosa aa. 21Paa ta a thiypa pathu te hringna a pipa haata Sacapaa zaw ta a khingpa kha hringna a pi ra yi. 22Paa ta ahunghmuo bie ripa va yi, cuorasala Sacapaa kha bie ripana naw bangkhuo a pi. 23Caacuonakawta Paa a pa-uvsathyipa bangkhuo ta Sacapaa kha ama pa-uvsathyi ra aa. Ahunghmuo cuose Sacapaa a pa-uvsathyi lipa ca a pathlietuv Paa a pa-uvsathyi lipa tana a cuo. 24Biehmisi tana ica chang yi, i bie thyi te naa pathlietuv a zangpa ca chuozaa hringna a hnyi. Bieripana ang'a vyi, cuorasala thiyna taata hringna luo a caluo tli.
25“Biehmisi tana ica chang yi: Athiypa tie ta Khazing Sacapaa ueryi thyi'a yi te, a thyipa tie ta hringna ama hmungna cuo kha a vaw'a te ata zaw hing a vya tlung nguoluo tli. 26Paa hrahring ta ama'a na ama chunglie hringna a hnyipa haata Sacapaa zaw hing ama'a na ama chunglie hringna hnyi ra riypata naw a pi. 27Cakhutaata ama ca Cawsaa Sacapaa a cuo nakawta bieripana naw kha a pi. 28Hingpa kawlie hing nama nang uo khah se; a thiypa bangkhuo ta a ueryi kha thyi'a yi te ama thluo taata ama kya thuna cuo ca aa vaw nguoluo tli. 29#Dan 12.2 Hmang pha a tuepa tie ca hringna luo thupakhaa'a yi te, hmang pha lipa a tuepa tie ca suebieripana luo ama thu pakhaa aa,” a ta.
Zingsuv Cuota Pachangkhyituv Tie
30“Kama ri ta khaapahmuo tue khu va ang. I thyipa haa dyi tana bie i ripa yi; caacuonakawta i bieripana ca aa dang, tahematapakieca kama khingna haata tue lipa angta naa pathlietuv khingna haata i tue nakawta a cuo.
31“Kama ta kama kaw kha i ri kieca i ripa ca a hmuo'a vyi. 32Cuorasala kama cuopa ta i kaw naa ripatuv pakha aw te kama kaw a ripa kha aa hmuo ta pata i pachang. 33#Jhn 1.19-27; 3.27-30 Niema ta Johan'a luo kha biephyatuv pathlie ung cate biehmisipa kha a ri. 34Kha haapa pachangkhyituv cawsaa kha i hu nakawta cuo vyi; khuona nama hmung thena riypata i ripa tana a cuo. 35Johan ca a ie nguoluopa a khepa myi-ing tana a cuo; cuo pachangta chung kha a khena chunglie a nuopa nama khing. 36Cuorasala kama ca Johan laata a le viepa tehte khuo riypa na i hnyi. I Paa ta palang riypata ina pipa, i hrie nguoluopa re hingta kama cuota tehte khuo te i Paa ta pathliepa i cuopa kha a paluo sa. 37#Mat 3.17; Mar 1.11; Luk 3.22 Cakhutaata naa pathlietuv i Paa hrahring ta kama cuopa ta tehte a khuo. A ueryi thyi buo va ung ciy, a hmingsuo zaw hmung buo va ung ciy, 38cakhutaata a bie ripa zaw nama palung chunglie pari va ung ciy, tahematapakieca a pathliepa paa kha nama zang li nakawta a cuo.
39“Niema ta Caapathe chunglie nama huv, tahematapakieca capa chunglie ca na chuozaa hringna ma hmung ta pata nama rue. Hingpa Caapathe hing kama kaw a ripa tana a cuo. 40Cuorasala hringna hmung riypata kama'a luo kha a vaw khing hyi va ung ciy. 41Cawsaapa'a taata rungnaana kha cuhluo va ang. 42Cuorasala nama chunglie Khazing duena nama hnyi lipa kha ica pachang yi. 43I Paa ming ta i vaw raalaa pata na cuhluo va ung ciy; cawsaa pakhakha ama ming ta aa vaw kieca nama cuhluo hyi tlung aa. 44Niema ca pakha hne pakha cung taata rungnaana kha a cuhluo ung cate Khazing'a taata rungnaana kha nama huv li kieca tuokhaatama kama ca ina zang khu'a ung ciy? 45Kama hing Paa hmielie sue malie a betuv riypa tana a cuo ta pata na rue khah ung. A cunglie anguopuona nama hnyipa Moses na sue caa betuv riypa yi ta a cuo. 46Moses hing nama zang kieca kama zaw hing ina zang ra'a ung ciy, tahematapakieca ama ca kama kaw khana a cape. 47Cuorasala a capepa kha nama zang li kieca i ripa ca tuokhaatama nama zang the aa?” a ta yi.
ទើបបានជ្រើសរើសហើយ៖
JOHAN 5: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 5
5
Zingsuv Ta Sabbath Ning A Pasapa A Patluo Sa
1Cakhutaata Jerusalem lie Judah ming pyi suokha aw te Zingsuv ca a khaw.
2Jerusalem khy, tuv thlake ama tapa kielie Hebru ryi ta Beth-zatha#5.2 Kuvtie caataw chekha tie lie ca Bethesda ta pata cuose, chekha lie ca Bethsaida ta pata zaw a aw ama tapa tiy-ang suokha aw te a kie lieta thluodaa suopangaa a aw. 3Capa thluodaa chunglie ca, mingcuepa, a phyi cabiepa, a pakyapa ta pata a tluo lipa a hluvsa ama laa patlaw. 4(Cuokhakha lieta Abyipa avuoming kha za cung te tiy kha a za katlu taw. Cahaacata tiy aa katlu pahne ta tiy chung luo a thaw taapa ca ama pasana taata ama tluo. Caacuonakawta a pasapa tie ca tiy aa katlu riypa kha ama huo.)#5.4 Kuvtie caataw chekha tie lie ca tluo 4 hing aw vyi 5Capa lie ca kung sawthung kung cari a pasa tlipa capaa pakha a aw. 6Zingsuv ta capa lie aa zie nguoluopa kha hmung te kung pasiypuv a pasa tlipa kha a pachang nakawta, “Na tluo khing ma?” a ta. 7A pasapa paa ca ta, “Abyipa, tiy aa vya katlu pahne ta tiyliy chung luo naa naw riypa hnyi va ang; cung naase ang i ta pahne ta a hrangpa pakhakha ta i naa naw chuv lawmaw yi,” a ta. 8Zingsuv ta, “Thu la na pangphaa kha a la lah cakuo tie,” a ta. 9Cawsaapa ca sungkha ta tluo te a pangphaa kha la te a cakuo.
Capa ning ca Sabbath ning ta a cuo. 10#Neh 13.19; Jer 17.21 Caacuonakawta Judah uvthyi tie ta tluona a hmungpa paa ca, “Ataning hing Sabbath ning ta cuo te na pangphaa naa puvlepa hing ima phung na a thlu,” ama ta. 11Cuorasala ama ta, “Naa patluo sapa paa na na pangphaa kha a la lah cakuo tie, naa ta,” a ta. 12Iema ta, “Na pangphaa kha a la lah cakuo tie caa tapa ca ahungma?” ama ta. 13Cuorasala tluona a hmungpa paa ta pachang vyi, tahematapakieca Zingsuv ca capa lie a awpa cawsaazaapuv hraw luo kha a ngie te a vie tli. 14Cakhutaata Zingsuv ta khapa paa kha Biena-ing lie hmung te, “Mang tie, patluo sapa na cuo tli hing! Na cunglie a ruv viepa a tlung li riypata suena tue vie khah tie lie ciy,” a ta. 15Cawsaapa ca pya te Judah ming kyihuo khata a patluo sapa paa ca Zingsuv ta a cuopa kha a va chang yi. 16Sabbath ning ta cahaapa hmang a tue nakawta Judah ming ta Zingsuv ca hrisaa hruo ama pathu. 17Cuorasala Zingsuv ta, “I Paa ca ata te hingta re a hrie nguoluo kalie, caacuonakawta kama zaw i hrie nguoluo ra,” a ta yi. 18Sabbath ning a parapa dyi cuo li pata Khazing kha i Paa tana a cuo a ta nakawta Khazing hne tana aa pakhing ta yi te, Judah uvthyi tie ca Zingsuv thie riypa khata luo ama huv hryly.
Sacapaa Nawhnyina
19Zingsuv ta iema kha, “Biehmisi tana ica chang yi, Sacapaa hing amata tah khaapahmuo tue khu vyi, cuorasala a paa ta a tuepa a hmungpa dyi khana a tue; tahematapakieca Paa ta a tuepa haa kha tana Sacapaa ta a tue ra. 20Paa ta Sacapaa ca due te a tuepa bangkhuo kha a pahmung sa. Hingpa laa hingta tue riypa a le viepa kha pahmung sa kalie'a te nama nang a uosa aa. 21Paa ta a thiypa pathu te hringna a pipa haata Sacapaa zaw ta a khingpa kha hringna a pi ra yi. 22Paa ta ahunghmuo bie ripa va yi, cuorasala Sacapaa kha bie ripana naw bangkhuo a pi. 23Caacuonakawta Paa a pa-uvsathyipa bangkhuo ta Sacapaa kha ama pa-uvsathyi ra aa. Ahunghmuo cuose Sacapaa a pa-uvsathyi lipa ca a pathlietuv Paa a pa-uvsathyi lipa tana a cuo. 24Biehmisi tana ica chang yi, i bie thyi te naa pathlietuv a zangpa ca chuozaa hringna a hnyi. Bieripana ang'a vyi, cuorasala thiyna taata hringna luo a caluo tli.
25“Biehmisi tana ica chang yi: Athiypa tie ta Khazing Sacapaa ueryi thyi'a yi te, a thyipa tie ta hringna ama hmungna cuo kha a vaw'a te ata zaw hing a vya tlung nguoluo tli. 26Paa hrahring ta ama'a na ama chunglie hringna a hnyipa haata Sacapaa zaw hing ama'a na ama chunglie hringna hnyi ra riypata naw a pi. 27Cakhutaata ama ca Cawsaa Sacapaa a cuo nakawta bieripana naw kha a pi. 28Hingpa kawlie hing nama nang uo khah se; a thiypa bangkhuo ta a ueryi kha thyi'a yi te ama thluo taata ama kya thuna cuo ca aa vaw nguoluo tli. 29#Dan 12.2 Hmang pha a tuepa tie ca hringna luo thupakhaa'a yi te, hmang pha lipa a tuepa tie ca suebieripana luo ama thu pakhaa aa,” a ta.
Zingsuv Cuota Pachangkhyituv Tie
30“Kama ri ta khaapahmuo tue khu va ang. I thyipa haa dyi tana bie i ripa yi; caacuonakawta i bieripana ca aa dang, tahematapakieca kama khingna haata tue lipa angta naa pathlietuv khingna haata i tue nakawta a cuo.
31“Kama ta kama kaw kha i ri kieca i ripa ca a hmuo'a vyi. 32Cuorasala kama cuopa ta i kaw naa ripatuv pakha aw te kama kaw a ripa kha aa hmuo ta pata i pachang. 33#Jhn 1.19-27; 3.27-30 Niema ta Johan'a luo kha biephyatuv pathlie ung cate biehmisipa kha a ri. 34Kha haapa pachangkhyituv cawsaa kha i hu nakawta cuo vyi; khuona nama hmung thena riypata i ripa tana a cuo. 35Johan ca a ie nguoluopa a khepa myi-ing tana a cuo; cuo pachangta chung kha a khena chunglie a nuopa nama khing. 36Cuorasala kama ca Johan laata a le viepa tehte khuo riypa na i hnyi. I Paa ta palang riypata ina pipa, i hrie nguoluopa re hingta kama cuota tehte khuo te i Paa ta pathliepa i cuopa kha a paluo sa. 37#Mat 3.17; Mar 1.11; Luk 3.22 Cakhutaata naa pathlietuv i Paa hrahring ta kama cuopa ta tehte a khuo. A ueryi thyi buo va ung ciy, a hmingsuo zaw hmung buo va ung ciy, 38cakhutaata a bie ripa zaw nama palung chunglie pari va ung ciy, tahematapakieca a pathliepa paa kha nama zang li nakawta a cuo.
39“Niema ta Caapathe chunglie nama huv, tahematapakieca capa chunglie ca na chuozaa hringna ma hmung ta pata nama rue. Hingpa Caapathe hing kama kaw a ripa tana a cuo. 40Cuorasala hringna hmung riypata kama'a luo kha a vaw khing hyi va ung ciy. 41Cawsaapa'a taata rungnaana kha cuhluo va ang. 42Cuorasala nama chunglie Khazing duena nama hnyi lipa kha ica pachang yi. 43I Paa ming ta i vaw raalaa pata na cuhluo va ung ciy; cawsaa pakhakha ama ming ta aa vaw kieca nama cuhluo hyi tlung aa. 44Niema ca pakha hne pakha cung taata rungnaana kha a cuhluo ung cate Khazing'a taata rungnaana kha nama huv li kieca tuokhaatama kama ca ina zang khu'a ung ciy? 45Kama hing Paa hmielie sue malie a betuv riypa tana a cuo ta pata na rue khah ung. A cunglie anguopuona nama hnyipa Moses na sue caa betuv riypa yi ta a cuo. 46Moses hing nama zang kieca kama zaw hing ina zang ra'a ung ciy, tahematapakieca ama ca kama kaw khana a cape. 47Cuorasala a capepa kha nama zang li kieca i ripa ca tuokhaatama nama zang the aa?” a ta yi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.