JOHAN 3
3
Zingsuv Hne Nikodemu
1Judah ming luochiytuv pakha, Nikodemu ama tapa Farasi ming pakha a za aw. 2Zingsuv'a luo kha zuo ta vaa te, “Rabbi, nama ca Khazing'a taata a vawpa pacuvtuv na cuo tapa kha ma pachang; tahematapakieca kharuehaa hmang na tuepa zaw hing Khazing ta a awpuo lipa a ahungtahmuo tue khu'a va yi,” a ta. 3Zingsuv ta, “Biehmisi tana ica chang, ahunghmuota cungluo taata papuv sapa#3.3 a thaa ta puvna a cuo li kieca Khazing Pena kha hmung khu'a vyi,” a ta. 4Nikodemu ta, “Tuokhaatama uvthyita pakha a cuo tlipa ca a puv pakhaa khu aa? A nung riy chung luo a ngie pakhaa pata puv pakhaapa ca a cuo khu'a ma?” a ta. 5Zingsuv ta, “Biehmisi tana ica chang, ahunghmuota tiy hne Thlaapa ta a puv pakhaa li kieca Khazing Pena chung luo a ngie khu'a vyi. 6Saapa ta sapa ca saapa cuo te, Thlaapa ta sapa ca thlaapa#3.6 Thliy hne thlaapa hing Grik biesuo lie ca aa lu ta a cuo. 7‘Cungluo taata a puv pakhaapa nama cuo hrahring na a hu,’ ica ta nakaw yi ta nama kharue haa khah se. 8Thliy ca a khingna luo na aa hruo, a pu ca na thyi, cuorasala khaapa taata a vaw te ma khaapa luo a si tapa kha pachang vaciy. Thlaapa ta sapa a cuopa ca cahaaca tana ama cuo ra,” a ta. 9Nikodemu ta, “Tuokhaatama capa ca a cuo khu aa?” a ta. 10Zingsuv ta palie te, “Nama ca Israel ming pacuvtuv na cuo pata hingpa zaw hing hmuo pachang va ca ma? a ta.
11“Biehmisi tana ica chang, kiema ca ma pachangpa kha tehte khuo pate ma hmungpa kha ma pathyi sa, cuorasala ahungtahmuo ma tehte khuopa kha cuhluo va ung ciy. 12Hingpa alyi hmang kaw ica changpa yi hmuo nama zang li kieca, vuoruo hmang kaw ica chang tiy yi ta tuokhaatama nama zang khu the aa? 13Vuoruo taata zaa cungpa Cawsaa Sacapaa ta li pata ahunghmuota vuoruo luo a kiepa aw buo va yi. 14Moses ta ruocaapa lie daa pariy a taapa haata, Cawsaa Sacapaa ca taa pata a cuo aa; 15ama a zangpa mekaa ca chuozaa hringna ama hmung aa.
16“Khazing ta chuelyi hing a due hringhruo nakawta a hnyi tlakuopa a Sacapaa kha a pi, caacuonakawta ama a zangpa mekaa ca thiy'a va yi, chuozaa hringna ama hnyi aa.
17“Hmisi ta ripa kieca, Khazing ta a Sacapaa ca chuelyi luo hing chuelyi suebieripana tue riypata za pathlie vyi, chuelyi khuo riypa tana a za pathlie. 18Ama a zangpa ca suebieripana ang'a vyi, cuorasala a zang lipa ca suebieripana a ang tli, tahematapakieca Khazing Sacapaa pakha dyipa ming kha a zang li nakawta a cuo. 19Bieripana tapa ca hing haa hing tana a cuo, khena ca chuelyi luo hing a vya tlung tli, cuorasala cawsaa ta khena laata zingna kha ama khing vie, tahematapakieca ama tuepa kha hmang pha lipa ta a cuo nakawta a cuo. 20Hmang pha lipa a tuepa bangkhuo ca khena kha hue yi te khena luo a vaw khing va yi, tahematapakieca ama tuepa aa luo li riypa kha tana a cuo. 21Cuorasala aa hmuopa a tuepa tie ca khena luo kha a vaw yi te ama tuepa ca Khazing khingna haa tana a cuo tapa kha khena ta a siesa pata a paluo sa,” a ta.
Zingsuv Hne Tiynawtuv Johan
22Cakhutaata Zingsuv hne ziytuv tie ca Judea pe khyta luo kha si yi te iema'a lie ca cuo kha chung aw te tiynawna zaw a pi yi. 23Johan zaw ta Salim taata aa hla linapa Aenon lie kha tiynawna a pi ra yi, tahematapakieca capa hmang lie ca tiy a hluvsa a aw. Cawsaa ca ama'a luo kha a vaw yi te tiynawna kha a pi yi. 24Johan kha thaw pathla valie yi.
25Johan ziytuv tie hne Judah ming pakha alalalie kha a pathe sana kawlieta bie a ina a puv. 26Iema ca Johan'a luo kha a vaw yi te, “Saya, Jordan cavaa huesuo lie nama hne zaa awpa paa, a kawluo tehte na khuopa paa khata tiynawna pi nguoluo yi te cawsaa bangkhuo ca ama'a luo kha ama vaa nguoluo,” ama ta. 27Johan ta, “Vuoruo taata pipa a cuo li kieca ahungtahmuo khaapahmuo cu khu'a va yi. 28Kama pangphie ta, ‘Kama ca Messiah#3.28 Khrih ta cuo va ang, a hmieluo ta pathlie lupa tana i cuo,’ i tapa kawlieta tehte ca niema tana nama cuo. 29Vaahnyituv lesaa a hnyipa ca nungchiytuv satlie tana a cuo. Nungchiytuv satlie athaalie a daa te a ueryi a thyipa a daakhyituv a viesaapa ca khuopuv ta a palung a tluo. Capa kawlie ca ta i palungtluona aa ky. 30Ama ca lethaw'a te, kama ca i zuebung aa,” a ta.
Vuoruo Taata A Vawpa
31A cung taata a zaa cungpa paa ca a hrangpa bangkhuo laata a le vie. Alyi taata a vawpa ca alyi hmang kaw kha a ri. Vuoruo taata a vawpa ca hmangting bangkhuo cunglie tana a aw. 32Ama ta a hmungpa hne a thyipa kha tehte a khuo raalaa pata ahungtahmuo a tehte khuopa kha cuhluo va yi. 33A tehte khuopa kha a cuhluopa ca Khazing ca a hmisipa tana a cuo tapa khana a pacu sa. 34Khazing ta a pathliepa ca a Thlaapa kha tluotling pata a pi nakawta Khazing bie kha a ri. 35Paa ta a Sacapaa kha due te hmangting bangkhuo kha a kuv cung luo a pi diy. 36Sacapaa a zangpa mekaa ca chuozaa hringna ama hnyi; Sacapaa ri a ngie lipa mekaa ca hringna kha hmung'a va yi, Khazing hihaana khana ama ang aa.
ទើបបានជ្រើសរើសហើយ៖
JOHAN 3: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 3
3
Zingsuv Hne Nikodemu
1Judah ming luochiytuv pakha, Nikodemu ama tapa Farasi ming pakha a za aw. 2Zingsuv'a luo kha zuo ta vaa te, “Rabbi, nama ca Khazing'a taata a vawpa pacuvtuv na cuo tapa kha ma pachang; tahematapakieca kharuehaa hmang na tuepa zaw hing Khazing ta a awpuo lipa a ahungtahmuo tue khu'a va yi,” a ta. 3Zingsuv ta, “Biehmisi tana ica chang, ahunghmuota cungluo taata papuv sapa#3.3 a thaa ta puvna a cuo li kieca Khazing Pena kha hmung khu'a vyi,” a ta. 4Nikodemu ta, “Tuokhaatama uvthyita pakha a cuo tlipa ca a puv pakhaa khu aa? A nung riy chung luo a ngie pakhaa pata puv pakhaapa ca a cuo khu'a ma?” a ta. 5Zingsuv ta, “Biehmisi tana ica chang, ahunghmuota tiy hne Thlaapa ta a puv pakhaa li kieca Khazing Pena chung luo a ngie khu'a vyi. 6Saapa ta sapa ca saapa cuo te, Thlaapa ta sapa ca thlaapa#3.6 Thliy hne thlaapa hing Grik biesuo lie ca aa lu ta a cuo. 7‘Cungluo taata a puv pakhaapa nama cuo hrahring na a hu,’ ica ta nakaw yi ta nama kharue haa khah se. 8Thliy ca a khingna luo na aa hruo, a pu ca na thyi, cuorasala khaapa taata a vaw te ma khaapa luo a si tapa kha pachang vaciy. Thlaapa ta sapa a cuopa ca cahaaca tana ama cuo ra,” a ta. 9Nikodemu ta, “Tuokhaatama capa ca a cuo khu aa?” a ta. 10Zingsuv ta palie te, “Nama ca Israel ming pacuvtuv na cuo pata hingpa zaw hing hmuo pachang va ca ma? a ta.
11“Biehmisi tana ica chang, kiema ca ma pachangpa kha tehte khuo pate ma hmungpa kha ma pathyi sa, cuorasala ahungtahmuo ma tehte khuopa kha cuhluo va ung ciy. 12Hingpa alyi hmang kaw ica changpa yi hmuo nama zang li kieca, vuoruo hmang kaw ica chang tiy yi ta tuokhaatama nama zang khu the aa? 13Vuoruo taata zaa cungpa Cawsaa Sacapaa ta li pata ahunghmuota vuoruo luo a kiepa aw buo va yi. 14Moses ta ruocaapa lie daa pariy a taapa haata, Cawsaa Sacapaa ca taa pata a cuo aa; 15ama a zangpa mekaa ca chuozaa hringna ama hmung aa.
16“Khazing ta chuelyi hing a due hringhruo nakawta a hnyi tlakuopa a Sacapaa kha a pi, caacuonakawta ama a zangpa mekaa ca thiy'a va yi, chuozaa hringna ama hnyi aa.
17“Hmisi ta ripa kieca, Khazing ta a Sacapaa ca chuelyi luo hing chuelyi suebieripana tue riypata za pathlie vyi, chuelyi khuo riypa tana a za pathlie. 18Ama a zangpa ca suebieripana ang'a vyi, cuorasala a zang lipa ca suebieripana a ang tli, tahematapakieca Khazing Sacapaa pakha dyipa ming kha a zang li nakawta a cuo. 19Bieripana tapa ca hing haa hing tana a cuo, khena ca chuelyi luo hing a vya tlung tli, cuorasala cawsaa ta khena laata zingna kha ama khing vie, tahematapakieca ama tuepa kha hmang pha lipa ta a cuo nakawta a cuo. 20Hmang pha lipa a tuepa bangkhuo ca khena kha hue yi te khena luo a vaw khing va yi, tahematapakieca ama tuepa aa luo li riypa kha tana a cuo. 21Cuorasala aa hmuopa a tuepa tie ca khena luo kha a vaw yi te ama tuepa ca Khazing khingna haa tana a cuo tapa kha khena ta a siesa pata a paluo sa,” a ta.
Zingsuv Hne Tiynawtuv Johan
22Cakhutaata Zingsuv hne ziytuv tie ca Judea pe khyta luo kha si yi te iema'a lie ca cuo kha chung aw te tiynawna zaw a pi yi. 23Johan zaw ta Salim taata aa hla linapa Aenon lie kha tiynawna a pi ra yi, tahematapakieca capa hmang lie ca tiy a hluvsa a aw. Cawsaa ca ama'a luo kha a vaw yi te tiynawna kha a pi yi. 24Johan kha thaw pathla valie yi.
25Johan ziytuv tie hne Judah ming pakha alalalie kha a pathe sana kawlieta bie a ina a puv. 26Iema ca Johan'a luo kha a vaw yi te, “Saya, Jordan cavaa huesuo lie nama hne zaa awpa paa, a kawluo tehte na khuopa paa khata tiynawna pi nguoluo yi te cawsaa bangkhuo ca ama'a luo kha ama vaa nguoluo,” ama ta. 27Johan ta, “Vuoruo taata pipa a cuo li kieca ahungtahmuo khaapahmuo cu khu'a va yi. 28Kama pangphie ta, ‘Kama ca Messiah#3.28 Khrih ta cuo va ang, a hmieluo ta pathlie lupa tana i cuo,’ i tapa kawlieta tehte ca niema tana nama cuo. 29Vaahnyituv lesaa a hnyipa ca nungchiytuv satlie tana a cuo. Nungchiytuv satlie athaalie a daa te a ueryi a thyipa a daakhyituv a viesaapa ca khuopuv ta a palung a tluo. Capa kawlie ca ta i palungtluona aa ky. 30Ama ca lethaw'a te, kama ca i zuebung aa,” a ta.
Vuoruo Taata A Vawpa
31A cung taata a zaa cungpa paa ca a hrangpa bangkhuo laata a le vie. Alyi taata a vawpa ca alyi hmang kaw kha a ri. Vuoruo taata a vawpa ca hmangting bangkhuo cunglie tana a aw. 32Ama ta a hmungpa hne a thyipa kha tehte a khuo raalaa pata ahungtahmuo a tehte khuopa kha cuhluo va yi. 33A tehte khuopa kha a cuhluopa ca Khazing ca a hmisipa tana a cuo tapa khana a pacu sa. 34Khazing ta a pathliepa ca a Thlaapa kha tluotling pata a pi nakawta Khazing bie kha a ri. 35Paa ta a Sacapaa kha due te hmangting bangkhuo kha a kuv cung luo a pi diy. 36Sacapaa a zangpa mekaa ca chuozaa hringna ama hnyi; Sacapaa ri a ngie lipa mekaa ca hringna kha hmung'a va yi, Khazing hihaana khana ama ang aa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.