JOHAN 18
18
Zingsuv Ama Lyina Hne Ama Patuvna
(Mat 26.47-56; Mar 14.43-50; Luk 22.47-53)
1Hingpa bie zaw hing a ri khutaata Zingsuv ca a ziytuv tie hneta Kidron bawphie kha va te yi te capa lie a awpa diedung chung luo kha a ziytuv tie hneta amaa ngie. 2Capa hmang lie ca Zingsuv hne ziytuv tie kha amaa taw lawmaw nakawta ama a lyituv Judas zaw ta capa hmang ca a pachang. 3Caacuonakawta Judas ca tluobyi lepa tie hne Farasi tie ta ama pathliepa riekaphuv cawta hne paliy tie hne khata myi-ing hne myisaa hne cehre zaw kha a vya cyi yi te amaa vaw. 4Zingsuv ca a cunglie a tlung riypa bangkhuo kha a pachang nakawta hmieluo kha pya te, “Ahungma nama huv,” ta pata a hiehriy yi. 5Iema ta, “Nazareth khypa Zingsuv,” ama ta. Zingsuv ta, “Kama hing tana i cuo,” ta pata a palie yi. Ama a lyituv Judas ca iema hne khata amaa daa pakhaw. 6Zingsuv ta, “Kama hing tana i cuo,” a ta pahne yi ta ama hnangluo a saw yi te alyi lie kha amaa yapatyi diy. 7“Ahungma nama huv?” a ta pakhaa yi. “Nazareth khypa Zingsuv,’ ama ta. 8Zingsuv ta, “Kama hing tana i cuo ica ta yi. Caacuonakawta kama na ina huv ung ciy tapa kieca hingpa cawsaa tie hing ca cakuo yi se,” a ta yi. 9“Ina pipa tie yi ca hing pakha hmuo pavie va yi ang,” a tapa a bie kha a tlingna riypata hing haa hingta a ri pata a cuo. 10Simon Piter ta a zueziy kha a phie te tluobyi lepa sii a cacuoluo naakue kha a sa pathla. Capa sii a ming ca Malkhas ta a cuo. 11#Mat 26.39; Mar 14.36; Luk 22.42 Zingsuv ta Piter kha, “Na zueziy kha a bya chung luo pasuo tie. Paa ta ina pipa panuo hing dang li pata ma i aw aa?” a ta.
Tluobyi Le Cepa Hmiekung Luo Zingsuv Ama Chiykhyi
12Caacuonakawta rieka tie, abyi tie hne Judah paliy tie ta Zingsuv ca patuv yi te ama ciy khutaata 13Kaiafas a napuvnung a paa ta a cuopa, capa kung ningta tluobyi lepa a hriepa Annas'a luo kha ama vaakhyi taa. 14#Jhn 11.49,50 Kaiafas ca cawsaazaapuv cuota cawsaa pakha thiypa a pha vie ta pata Judah ming ruena a pituvpa khata a cuo.
Piter Ta Zingsuv A Thaw
(Mat 26.69-70; Mar 14.66-68; Luk 22.55-57)
15Simon Piter hne a hrangpa ziytuv pakha ta Zingsuv kha ama ziy. Capa ziytuv hrangpa paa ca tluobyi lepa hne khata amaa pachang nakawta Zingsuv hne khata tluobyi lepa tlawhmie luo ca aa ngie ra. 16Cuorasala Piter ca thlake athaalie, ale lie khata aa daa. Caacuonakawta tluobyi lepa hne a pachangpa ziytuv hrangpa ca va pya te, thlake a huo nung kha chang te Piter ca a chung luo a pangie. 17Cawsaanung ca ta Piter kyihuo khata, “Nama zaw hing hingpa paa a ziytuv pakha ta cuo va ca ma?” a ta. Ama ta, “Cuo va ang,” a ta. 18A kangsa nakawta sii tie hne paliy tie ca myihyi ta myi kha patiy yi te amaa daa luota amaa e. Piter zaw aa daa luota myi ca aa e ra.
Tluobyi Le Cepa Ta Zingsuv Bie A Hiehriy
(Mat 26.59-66; Mar 14.55-64; Luk 22.66-71)
19Cakhutaata tluobyi lepa ta Zingsuv ca a ziytuv tie kaw hne a pacuvna kaw kha a hiehriy. 20Zingsuv ta, “Kama ca a luohuo tana chuelyi lie hing bie i ri; Judah ming bangkhuo amaa hmyanapa apungna-ing lie hne biena-ing lieta muo i pacuv pari yi ta. A paruv ta suokha hmuo ri buo va ang. 21Khaapanakawma kama ca ina hiehriy ciy? Khaapama i chang yi tapa a thyipa tie kha hiehriy tie yi; i ripa kha iema ta ama pachang thluo,” a ta. 22Cahaacata a ri pahne ta a thaalie a daapa paliy pakha ta Zingsuv kha a hmie lie cabe te, “Tluobyi le cepa ma cahaacata na palie?” a ta. 23Zingsuv ta, “I ripa aa hmuo li kieca a hmuo lina kaw kha pasie sa tie. Cuorasala aa hmuopa kha i ri kieca khaapanakawma ina cabe ciy?” a ta. 24Cakhutaata ama cakhiy yalya cata, Annas ta tluobyi lepa Kaiafas'a luo kha a paphya.
Piter Ta Zingsuv A Thaw Pakhaa
(Mat 26.71-75; Mar 14.69-72; Luk 22.58-62)
25Piter ca aa daa luota myi aa e nguoluo ning kha, “Nama zaw hing ama a ziytuv pakha cuo va ca ma?” ama ta. Ama ta, “Cuo va ang,” ta pata a i yi. 26Piter ta a naakue a sa pathlapa a tieriy ta a cuopa, tluobyi lepa a sii pakha ta, “Nama hing diedung lie kha Zingsuv hne ica hmung cuo va ma?” a ta. 27Piter ta aa sie pakhaa hyi. Capa cuo lie ca aa a khang.
Pilat Hmiekunglie Zingsuv
(Mat 27.1-2,11-14; Mar 15.1-5; Luk 23.1-5)
28Cakhutaata Zingsuv kha Kaiafas ing taata Pilat zung luo kha ama vaakhyi. Capa cuo ca mawdiy ta a cuo. Iema ca muokiy byi zung chung luo kha a ngie va yi, tahematapakieca ama phung haata a papya a palyi li pata Lawsena Pyi sa kha ama ning khing nakawta a cuo. 29Caacuonakawta Pilat kha pya te, “Hingpa paa hing khaapa suena ma a hnyi?” a ta yi. 30Iema ta, “Hingpa paa hing a suepa a cuo li kieca na kuv luo ca pi'a vapuv,” ama ta. 31Pilat ta, “Vaakhyi ung la nama phungbie haata a bie ca va ripa tie ung,” a ta yi. Judah ming ta, “Kiema ca ahunghmuo thie khuna naw hnyi vapuv,” ama ta. 32#Jhn 3.14; 12.32 (Zingsuv ta tuokhaapa thiyna tama i thiy aa tapa a ri paciepa bie a tlingna riypata hing haa hingta a cuo pata a cuo.)
33Cakhutaata Pilat ca zung chung luo kha a ngie pakhaa te, Zingsuv kha ku te, “Judah ming siepahruo ta na cuo ma?” ta pata a hiehriy. 34Zingsuv ta, “Hingpa bie hing nama palungthu ta ma ina hiehriy ciy, acuolikie malie ta i kaw hing aca chang nakaw yi tama a cuo?” a ta. 35Pilat ta, “Kama hing Judah ming ta i cuo ma? Na mingphang tie hne tluobyi lepa tie ta i kuv luo aca vya chipa yi hing. Na tuepa hmang ca khaapatama a cuo?” a ta. 36Zingsuv ta, “I pena ca hingpa chuelyi lie hingta cuo vyi. I pena ca hingpa chuelyi lie hingta cuo sala ca Judah ming kuv luo i chiy li riypata naa ziytuv tie hingta a maa du aa. Cuorasala i pena ca hingpa chuelyi lie hingta cuo vyi,” a ta. 37Pilat ta, “Caacuokieca siepahruo ta na cuo hmisi ma?” a ta. Zingsuv ta, “Nama ta siepahruo na cuo ina ta ciy. Hingpa repa hing tana i puv, biehmisipa a daakhyi riypa hing tana chuelyi luo hing i vaw. Biehmisipa chunglie a awpa mekaa ta ca i ueryi kha ama naathlie,” a ta. 38Pilat ta, “Biehmisipa ca khaapa khata ma a cuo?” a ta.
Zingsuv Thie Riypata Bie Ama Chi
(Mat 27.15-31; Mar 15.6-20; Luk 23.13-25)
Pilat ca Judah ming'a luo kha pya pakhaa te, “Hingpa paa hing a suenapa hmung va ang. 39Cuorasala nama phung a awpa haata Lawsena Pyi cuo lie cawsaa pakha ica pathliepa taw yi. Judah siepahruo hing ca pathliepa yi ang sala nama khing ma?” a ta yi. 40Khuopuv ta khi yi te, “Hingpa paa hing cuo li pata Barabbas kha malie pathliepa tie,” ama ta. Barabbas ca damie tana a cuo.
ទើបបានជ្រើសរើសហើយ៖
JOHAN 18: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 18
18
Zingsuv Ama Lyina Hne Ama Patuvna
(Mat 26.47-56; Mar 14.43-50; Luk 22.47-53)
1Hingpa bie zaw hing a ri khutaata Zingsuv ca a ziytuv tie hneta Kidron bawphie kha va te yi te capa lie a awpa diedung chung luo kha a ziytuv tie hneta amaa ngie. 2Capa hmang lie ca Zingsuv hne ziytuv tie kha amaa taw lawmaw nakawta ama a lyituv Judas zaw ta capa hmang ca a pachang. 3Caacuonakawta Judas ca tluobyi lepa tie hne Farasi tie ta ama pathliepa riekaphuv cawta hne paliy tie hne khata myi-ing hne myisaa hne cehre zaw kha a vya cyi yi te amaa vaw. 4Zingsuv ca a cunglie a tlung riypa bangkhuo kha a pachang nakawta hmieluo kha pya te, “Ahungma nama huv,” ta pata a hiehriy yi. 5Iema ta, “Nazareth khypa Zingsuv,” ama ta. Zingsuv ta, “Kama hing tana i cuo,” ta pata a palie yi. Ama a lyituv Judas ca iema hne khata amaa daa pakhaw. 6Zingsuv ta, “Kama hing tana i cuo,” a ta pahne yi ta ama hnangluo a saw yi te alyi lie kha amaa yapatyi diy. 7“Ahungma nama huv?” a ta pakhaa yi. “Nazareth khypa Zingsuv,’ ama ta. 8Zingsuv ta, “Kama hing tana i cuo ica ta yi. Caacuonakawta kama na ina huv ung ciy tapa kieca hingpa cawsaa tie hing ca cakuo yi se,” a ta yi. 9“Ina pipa tie yi ca hing pakha hmuo pavie va yi ang,” a tapa a bie kha a tlingna riypata hing haa hingta a ri pata a cuo. 10Simon Piter ta a zueziy kha a phie te tluobyi lepa sii a cacuoluo naakue kha a sa pathla. Capa sii a ming ca Malkhas ta a cuo. 11#Mat 26.39; Mar 14.36; Luk 22.42 Zingsuv ta Piter kha, “Na zueziy kha a bya chung luo pasuo tie. Paa ta ina pipa panuo hing dang li pata ma i aw aa?” a ta.
Tluobyi Le Cepa Hmiekung Luo Zingsuv Ama Chiykhyi
12Caacuonakawta rieka tie, abyi tie hne Judah paliy tie ta Zingsuv ca patuv yi te ama ciy khutaata 13Kaiafas a napuvnung a paa ta a cuopa, capa kung ningta tluobyi lepa a hriepa Annas'a luo kha ama vaakhyi taa. 14#Jhn 11.49,50 Kaiafas ca cawsaazaapuv cuota cawsaa pakha thiypa a pha vie ta pata Judah ming ruena a pituvpa khata a cuo.
Piter Ta Zingsuv A Thaw
(Mat 26.69-70; Mar 14.66-68; Luk 22.55-57)
15Simon Piter hne a hrangpa ziytuv pakha ta Zingsuv kha ama ziy. Capa ziytuv hrangpa paa ca tluobyi lepa hne khata amaa pachang nakawta Zingsuv hne khata tluobyi lepa tlawhmie luo ca aa ngie ra. 16Cuorasala Piter ca thlake athaalie, ale lie khata aa daa. Caacuonakawta tluobyi lepa hne a pachangpa ziytuv hrangpa ca va pya te, thlake a huo nung kha chang te Piter ca a chung luo a pangie. 17Cawsaanung ca ta Piter kyihuo khata, “Nama zaw hing hingpa paa a ziytuv pakha ta cuo va ca ma?” a ta. Ama ta, “Cuo va ang,” a ta. 18A kangsa nakawta sii tie hne paliy tie ca myihyi ta myi kha patiy yi te amaa daa luota amaa e. Piter zaw aa daa luota myi ca aa e ra.
Tluobyi Le Cepa Ta Zingsuv Bie A Hiehriy
(Mat 26.59-66; Mar 14.55-64; Luk 22.66-71)
19Cakhutaata tluobyi lepa ta Zingsuv ca a ziytuv tie kaw hne a pacuvna kaw kha a hiehriy. 20Zingsuv ta, “Kama ca a luohuo tana chuelyi lie hing bie i ri; Judah ming bangkhuo amaa hmyanapa apungna-ing lie hne biena-ing lieta muo i pacuv pari yi ta. A paruv ta suokha hmuo ri buo va ang. 21Khaapanakawma kama ca ina hiehriy ciy? Khaapama i chang yi tapa a thyipa tie kha hiehriy tie yi; i ripa kha iema ta ama pachang thluo,” a ta. 22Cahaacata a ri pahne ta a thaalie a daapa paliy pakha ta Zingsuv kha a hmie lie cabe te, “Tluobyi le cepa ma cahaacata na palie?” a ta. 23Zingsuv ta, “I ripa aa hmuo li kieca a hmuo lina kaw kha pasie sa tie. Cuorasala aa hmuopa kha i ri kieca khaapanakawma ina cabe ciy?” a ta. 24Cakhutaata ama cakhiy yalya cata, Annas ta tluobyi lepa Kaiafas'a luo kha a paphya.
Piter Ta Zingsuv A Thaw Pakhaa
(Mat 26.71-75; Mar 14.69-72; Luk 22.58-62)
25Piter ca aa daa luota myi aa e nguoluo ning kha, “Nama zaw hing ama a ziytuv pakha cuo va ca ma?” ama ta. Ama ta, “Cuo va ang,” ta pata a i yi. 26Piter ta a naakue a sa pathlapa a tieriy ta a cuopa, tluobyi lepa a sii pakha ta, “Nama hing diedung lie kha Zingsuv hne ica hmung cuo va ma?” a ta. 27Piter ta aa sie pakhaa hyi. Capa cuo lie ca aa a khang.
Pilat Hmiekunglie Zingsuv
(Mat 27.1-2,11-14; Mar 15.1-5; Luk 23.1-5)
28Cakhutaata Zingsuv kha Kaiafas ing taata Pilat zung luo kha ama vaakhyi. Capa cuo ca mawdiy ta a cuo. Iema ca muokiy byi zung chung luo kha a ngie va yi, tahematapakieca ama phung haata a papya a palyi li pata Lawsena Pyi sa kha ama ning khing nakawta a cuo. 29Caacuonakawta Pilat kha pya te, “Hingpa paa hing khaapa suena ma a hnyi?” a ta yi. 30Iema ta, “Hingpa paa hing a suepa a cuo li kieca na kuv luo ca pi'a vapuv,” ama ta. 31Pilat ta, “Vaakhyi ung la nama phungbie haata a bie ca va ripa tie ung,” a ta yi. Judah ming ta, “Kiema ca ahunghmuo thie khuna naw hnyi vapuv,” ama ta. 32#Jhn 3.14; 12.32 (Zingsuv ta tuokhaapa thiyna tama i thiy aa tapa a ri paciepa bie a tlingna riypata hing haa hingta a cuo pata a cuo.)
33Cakhutaata Pilat ca zung chung luo kha a ngie pakhaa te, Zingsuv kha ku te, “Judah ming siepahruo ta na cuo ma?” ta pata a hiehriy. 34Zingsuv ta, “Hingpa bie hing nama palungthu ta ma ina hiehriy ciy, acuolikie malie ta i kaw hing aca chang nakaw yi tama a cuo?” a ta. 35Pilat ta, “Kama hing Judah ming ta i cuo ma? Na mingphang tie hne tluobyi lepa tie ta i kuv luo aca vya chipa yi hing. Na tuepa hmang ca khaapatama a cuo?” a ta. 36Zingsuv ta, “I pena ca hingpa chuelyi lie hingta cuo vyi. I pena ca hingpa chuelyi lie hingta cuo sala ca Judah ming kuv luo i chiy li riypata naa ziytuv tie hingta a maa du aa. Cuorasala i pena ca hingpa chuelyi lie hingta cuo vyi,” a ta. 37Pilat ta, “Caacuokieca siepahruo ta na cuo hmisi ma?” a ta. Zingsuv ta, “Nama ta siepahruo na cuo ina ta ciy. Hingpa repa hing tana i puv, biehmisipa a daakhyi riypa hing tana chuelyi luo hing i vaw. Biehmisipa chunglie a awpa mekaa ta ca i ueryi kha ama naathlie,” a ta. 38Pilat ta, “Biehmisipa ca khaapa khata ma a cuo?” a ta.
Zingsuv Thie Riypata Bie Ama Chi
(Mat 27.15-31; Mar 15.6-20; Luk 23.13-25)
Pilat ca Judah ming'a luo kha pya pakhaa te, “Hingpa paa hing a suenapa hmung va ang. 39Cuorasala nama phung a awpa haata Lawsena Pyi cuo lie cawsaa pakha ica pathliepa taw yi. Judah siepahruo hing ca pathliepa yi ang sala nama khing ma?” a ta yi. 40Khuopuv ta khi yi te, “Hingpa paa hing cuo li pata Barabbas kha malie pathliepa tie,” ama ta. Barabbas ca damie tana a cuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.