JOHAN 19
19
1Cakhutaata Pilat ta Zingsuv kha la te sungpe ta a pachi sa yi. 2Rieka tie ta ahling lakhuv kha phie yi te a luv lie ama pakhuv, cakhutaata pang sepa kha ama pabuv. 3Vaahnue yi te, “Judah siepahruo ca a hringtaa pasiy se!” ta yi te a hmie lie kha ama cabe. 4Pilat ca pya pakhaa te, “Mang tie ung, ama ca a suena suokha hmuo hmung va ang tapa kha ica pachang sa khing nakaw yi ta i kya pyakhyi hing,” a ta. 5Zingsuv ca ahling lakhuv a khuv te a pang sepa hne cata a kya pya. Pilat ta, “Mang tie ung, cawsaapa hing!” a ta yi. 6Tluobyi lepa tie hne paliy tie ca ta ama kha ama hmung pahne ta, “Vieluo lie thie tie! Vieluo lie thie tie!” ta pata ama khi. Pilat ta, “A la ung la vieluo cunglie ca va thie tie ung; Kama ca a suena hmung va ang,” a ta yi. 7Judah ming ta, “Ama ca Khazing Sacapaa tana i cuo a ta nakawta ima hnyipa phungbie haata thiy aa phuvpa tana a cuo,” ama ta.
8Capa bie ca a thyi pahne ta Pilat ca a ciy vie hryly. 9A zung chung luo kha a ngie pakhaa te Zingsuv kyihuo khata, “Khaapa taata ma na cuo?” ta pata a hiehriy. Cuorasala Zingsuv ta kaa kha hmuo palie vyi. 10Caacuonakaw Pilat ta, “Na chaw khing va ca ma? Nama pathlie khuna, acuolikie vieluo cunglie thie khuna naw i hnyipa hing pachang va ca ma?” a ta. 11Zingsuv ta, “Cungluo taata pi li pata ca i cunglie naw hnyi khu vaciy; caacuonakawta kama kha na kuv cungluo caa pituv hingna a sue vie,” a ta. 12Capa khutaa cata Pilat ca Zingsuv pathlie khuna riypa luo kha a huv. Cuorasala Judah ming ca khi yi te, “Hingpa cawsaa hing na pathlie kieca Rom siepahruo viesaa ta cuo'a vaciy. Ahunghmuo cuose siepahruo tana i cuo a tapa ca Rom siepahruo cariepa tana a cuo,” ama ta.
13Pilat ta hingpa bie a thyi tiyta, Zingsuv kha ale luo kya pyakhyi te Hebru ryi ta Gabbatha ama tapa, bieripana thude, Lungphie Phaa lie kha aa kya tu. 14Capa cuo ca Lawsena Pyi cuota Atingdawna ning, ningchung hraw ta a cuo. Judah ming kyihuo khata, “Nama Siepahruo hing mang tie ung!” a ta yi. 15Khi yi te, “Thie tie! Thie tie! Vieluo lie thie tie,” ama ta. Pilat ta, “Nama Siepahruo hing ma vieluo lie i thie aa?” a ta yi. Tluobyi lepa tie ta, “Rom siepahruo ta li pata siepahruo hnyi vapuv,” ama ta. 16Cakhutaata Pilat ta Zingsuv kha vieluo lie thie riypata iema kuv luo a pi yi.
Zingsuv Vieluo Lie Ama Thie
(Mat 27.32-44; Mar 15.21-32; Luk 23.26-43)
Caacuonakawta Zingsuv ca ama sikhyi. 17A vieluo kha amata tah a puv te Hebru ryi ta Golgotha ama tapa, Luvruv Hmang tapa luo kha a pha. 18Capa lie ca vieluo cunglie ama khepuo, a hrangpa pahning zaw kha khepuo ra yi te Zingsuv ca lielie ama patlung. 19Pilat ta caa suokha cape te vieluo cunglie ca a taa. A capepa ca, “Nazareth khypa Zingsuv, Judah Siepahruo,” ta pata a cuo. 20Zingsuv vieluo lie ama taana hmang ca khypuv hne aa hla li nakawta hne a caa ca Hebru ryi, Latin ryi, hne Grik ryi ta ama cape nakawta Judah ming hluvpuv ta ama ri. 21Caacuonakawta Judah ming tluobyi lepa tie ta Pilat kha, “'Judah siepahruo,’ ta pata cape khah, cuorasala ‘Hingpa paa hingta Judah ming siepahruo tana i cuo, aa ta,’ ta pata cape tie,” ama ta. 22Pilat ta, “I cape tlipa ca i cape tlipa tana a cuo,” a ta. 23Rieka tie ta Zingsuv kha vieluo cunglie ama thie tiyta, a caw kha la yi te che paliy ta che yi te che kha law ta amaa la. A raw luo a patlungpa buohryi pasiypa zaw kha la yi te, a bienapa a caw aw li pata a luv taata a lie te ama taapa ta a cuo. 24#Slm 22.18 Caacuonakawta, pakha hne pakha kha, “Hingpa hing ca thlaa li pata vyisung ta a da ung siy,” amaa ta. Caapathe ta,
“Iema ca i caw kha a che yi te,
I buohryi kha vyisung amaa da,”
a tapa a tlingna riypa tana a cuo.
25Cahaa dala cata rieka tie ta ama tue.
Capa ning ca ta Zingsuv vieluo athaalie a daapa ca a nung, a nung nutanung, Klopas napuvnung Mary, hne Mary Magdalin zaw khata ama cuo. 26Zingsuv ta a nung hne athaalie a daapa a duepa a ziytuv kha a hmung tiy yi ta, a nung kha, “Cawsaanung, ama kha na sacapaa ta a cuo kha,” a ta. 27A ziytuvpa zaw kha, “Hingpa lie hing na nung a aw hing,” a ta. Capa cuo taa cata a ziytuvpa ca ta Zingsuv nung kha a ing luo aa chiy.
28 #
Slm 69.21; 22.15 Capa khutaa cata Zingsuv ta zezaw bangkhuo a tlung tli tapa kha pachang te (caapathe bie a tlingna riypata), “I tiy na a hrie,” a ta. 29Capa lie ca bi suokha a bipa ta mingsuvtiy thuepa a aw. Caacuonakawta mingsuvtiy thuepa chung luo kha pangcaw naw yi te hissop aarasung daw lie kha ciypuo yi te Zingsuv ca a pakaa luo ama kya tuv. 30Zingsuv ca mingsuvtiy thuepa kha vya saw te, “Aa lang tli,” a ta. A luv kha pangie te a huv a ci.
A Vuo Lie Asyi Ta Ama Daw
31Capa ning ca Atingdawna ning a cuo nakawta ama thiepa tie riyy sabbath ning ta vieluo cunglie aa pathliepa kha Judah ming ta khing va yi. Tahematapakieca capa sabbath ning ca a pathe cepa ning ta a cuo. Caacuonakawta vieluo cunglie ama thiepa tie ngieluo kha thli pata ama riyy la riypata Pilat kha amaa hie. 32Rieka tie kha vaa yi te Zingsuv hne ama thiehnepa pahning tie ngieluo kha ama thli. 33Cuorasala Zingsuv'a luo ama chiy tiyta a thiy tlipa kha hmung yi te a ngieluo kha thli va yi. 34Cadyiseca rieka pakha ta a vuo kha asyi ta kya daw te sungkha ta thiy hne tiy kha a kya pya. 35(A ming ta a hmungpa paa hrahring ta tehte a khuopa cuo te niema zaw nama zang thena riypata a cuo. A tehte khuopa ca aa hmuopa cuo te ama ta biedangpa a ripa kha a pachang.) 36#Pya 12.46; Mlr 9.12; Slm 34.20 Hingpa hmang hing Caapathe lieta, “A ruv suokha hmuo thli'a va yi,” a tapa a tlingna riypata a cuopa a cuo. 37#Zek 12.10; Bie 1.7 Caapathe a hrang lie zaw, “Iema ta ina dawpahlipa yi kama kha ina mang'a yi,” a ta.
Zingsuv Pabyna
(Mat 27.57-61; Mar 15.42-47; Luk 23.50-56)
38Cakhutaa cata Judah ming a ciy nakaw yi ta a paruvta tah Zingsuv hnang ziytuv a cuopa Arimathea khy ming Josef ta Zingsuv riyy la riypata Pilat kha a hie. Pilat ta a pi nakawta a riyy kha a la. 39#Jhn 3.1,2 Zingsuv a taw riypata zuo ta a vaa buopa paa Nikodemu zaw kha Josef'a luo vaa te mura hne aloes pyapa ziyhmyi paw zakha tluv aa riypa kha aa cyi. 40A riyy kha la yi te Judah ming riyy a pabyna phung haata ziyhmyi bya yi te pawruo ta ama cataw. 41Zingsuv ama thiena hmang lie kha diedung suokha aw te capa diedung chunglie ca ahunghmuo ama paby buo linapa thluo thaapa suokha a aw. 42Judah ming Atingdawna ning a cuo nakaw hne aa ngie lie thluo a aw nakawta capa lie ca Zingsuv kha ama paby.
ទើបបានជ្រើសរើសហើយ៖
JOHAN 19: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 19
19
1Cakhutaata Pilat ta Zingsuv kha la te sungpe ta a pachi sa yi. 2Rieka tie ta ahling lakhuv kha phie yi te a luv lie ama pakhuv, cakhutaata pang sepa kha ama pabuv. 3Vaahnue yi te, “Judah siepahruo ca a hringtaa pasiy se!” ta yi te a hmie lie kha ama cabe. 4Pilat ca pya pakhaa te, “Mang tie ung, ama ca a suena suokha hmuo hmung va ang tapa kha ica pachang sa khing nakaw yi ta i kya pyakhyi hing,” a ta. 5Zingsuv ca ahling lakhuv a khuv te a pang sepa hne cata a kya pya. Pilat ta, “Mang tie ung, cawsaapa hing!” a ta yi. 6Tluobyi lepa tie hne paliy tie ca ta ama kha ama hmung pahne ta, “Vieluo lie thie tie! Vieluo lie thie tie!” ta pata ama khi. Pilat ta, “A la ung la vieluo cunglie ca va thie tie ung; Kama ca a suena hmung va ang,” a ta yi. 7Judah ming ta, “Ama ca Khazing Sacapaa tana i cuo a ta nakawta ima hnyipa phungbie haata thiy aa phuvpa tana a cuo,” ama ta.
8Capa bie ca a thyi pahne ta Pilat ca a ciy vie hryly. 9A zung chung luo kha a ngie pakhaa te Zingsuv kyihuo khata, “Khaapa taata ma na cuo?” ta pata a hiehriy. Cuorasala Zingsuv ta kaa kha hmuo palie vyi. 10Caacuonakaw Pilat ta, “Na chaw khing va ca ma? Nama pathlie khuna, acuolikie vieluo cunglie thie khuna naw i hnyipa hing pachang va ca ma?” a ta. 11Zingsuv ta, “Cungluo taata pi li pata ca i cunglie naw hnyi khu vaciy; caacuonakawta kama kha na kuv cungluo caa pituv hingna a sue vie,” a ta. 12Capa khutaa cata Pilat ca Zingsuv pathlie khuna riypa luo kha a huv. Cuorasala Judah ming ca khi yi te, “Hingpa cawsaa hing na pathlie kieca Rom siepahruo viesaa ta cuo'a vaciy. Ahunghmuo cuose siepahruo tana i cuo a tapa ca Rom siepahruo cariepa tana a cuo,” ama ta.
13Pilat ta hingpa bie a thyi tiyta, Zingsuv kha ale luo kya pyakhyi te Hebru ryi ta Gabbatha ama tapa, bieripana thude, Lungphie Phaa lie kha aa kya tu. 14Capa cuo ca Lawsena Pyi cuota Atingdawna ning, ningchung hraw ta a cuo. Judah ming kyihuo khata, “Nama Siepahruo hing mang tie ung!” a ta yi. 15Khi yi te, “Thie tie! Thie tie! Vieluo lie thie tie,” ama ta. Pilat ta, “Nama Siepahruo hing ma vieluo lie i thie aa?” a ta yi. Tluobyi lepa tie ta, “Rom siepahruo ta li pata siepahruo hnyi vapuv,” ama ta. 16Cakhutaata Pilat ta Zingsuv kha vieluo lie thie riypata iema kuv luo a pi yi.
Zingsuv Vieluo Lie Ama Thie
(Mat 27.32-44; Mar 15.21-32; Luk 23.26-43)
Caacuonakawta Zingsuv ca ama sikhyi. 17A vieluo kha amata tah a puv te Hebru ryi ta Golgotha ama tapa, Luvruv Hmang tapa luo kha a pha. 18Capa lie ca vieluo cunglie ama khepuo, a hrangpa pahning zaw kha khepuo ra yi te Zingsuv ca lielie ama patlung. 19Pilat ta caa suokha cape te vieluo cunglie ca a taa. A capepa ca, “Nazareth khypa Zingsuv, Judah Siepahruo,” ta pata a cuo. 20Zingsuv vieluo lie ama taana hmang ca khypuv hne aa hla li nakawta hne a caa ca Hebru ryi, Latin ryi, hne Grik ryi ta ama cape nakawta Judah ming hluvpuv ta ama ri. 21Caacuonakawta Judah ming tluobyi lepa tie ta Pilat kha, “'Judah siepahruo,’ ta pata cape khah, cuorasala ‘Hingpa paa hingta Judah ming siepahruo tana i cuo, aa ta,’ ta pata cape tie,” ama ta. 22Pilat ta, “I cape tlipa ca i cape tlipa tana a cuo,” a ta. 23Rieka tie ta Zingsuv kha vieluo cunglie ama thie tiyta, a caw kha la yi te che paliy ta che yi te che kha law ta amaa la. A raw luo a patlungpa buohryi pasiypa zaw kha la yi te, a bienapa a caw aw li pata a luv taata a lie te ama taapa ta a cuo. 24#Slm 22.18 Caacuonakawta, pakha hne pakha kha, “Hingpa hing ca thlaa li pata vyisung ta a da ung siy,” amaa ta. Caapathe ta,
“Iema ca i caw kha a che yi te,
I buohryi kha vyisung amaa da,”
a tapa a tlingna riypa tana a cuo.
25Cahaa dala cata rieka tie ta ama tue.
Capa ning ca ta Zingsuv vieluo athaalie a daapa ca a nung, a nung nutanung, Klopas napuvnung Mary, hne Mary Magdalin zaw khata ama cuo. 26Zingsuv ta a nung hne athaalie a daapa a duepa a ziytuv kha a hmung tiy yi ta, a nung kha, “Cawsaanung, ama kha na sacapaa ta a cuo kha,” a ta. 27A ziytuvpa zaw kha, “Hingpa lie hing na nung a aw hing,” a ta. Capa cuo taa cata a ziytuvpa ca ta Zingsuv nung kha a ing luo aa chiy.
28 #
Slm 69.21; 22.15 Capa khutaa cata Zingsuv ta zezaw bangkhuo a tlung tli tapa kha pachang te (caapathe bie a tlingna riypata), “I tiy na a hrie,” a ta. 29Capa lie ca bi suokha a bipa ta mingsuvtiy thuepa a aw. Caacuonakawta mingsuvtiy thuepa chung luo kha pangcaw naw yi te hissop aarasung daw lie kha ciypuo yi te Zingsuv ca a pakaa luo ama kya tuv. 30Zingsuv ca mingsuvtiy thuepa kha vya saw te, “Aa lang tli,” a ta. A luv kha pangie te a huv a ci.
A Vuo Lie Asyi Ta Ama Daw
31Capa ning ca Atingdawna ning a cuo nakawta ama thiepa tie riyy sabbath ning ta vieluo cunglie aa pathliepa kha Judah ming ta khing va yi. Tahematapakieca capa sabbath ning ca a pathe cepa ning ta a cuo. Caacuonakawta vieluo cunglie ama thiepa tie ngieluo kha thli pata ama riyy la riypata Pilat kha amaa hie. 32Rieka tie kha vaa yi te Zingsuv hne ama thiehnepa pahning tie ngieluo kha ama thli. 33Cuorasala Zingsuv'a luo ama chiy tiyta a thiy tlipa kha hmung yi te a ngieluo kha thli va yi. 34Cadyiseca rieka pakha ta a vuo kha asyi ta kya daw te sungkha ta thiy hne tiy kha a kya pya. 35(A ming ta a hmungpa paa hrahring ta tehte a khuopa cuo te niema zaw nama zang thena riypata a cuo. A tehte khuopa ca aa hmuopa cuo te ama ta biedangpa a ripa kha a pachang.) 36#Pya 12.46; Mlr 9.12; Slm 34.20 Hingpa hmang hing Caapathe lieta, “A ruv suokha hmuo thli'a va yi,” a tapa a tlingna riypata a cuopa a cuo. 37#Zek 12.10; Bie 1.7 Caapathe a hrang lie zaw, “Iema ta ina dawpahlipa yi kama kha ina mang'a yi,” a ta.
Zingsuv Pabyna
(Mat 27.57-61; Mar 15.42-47; Luk 23.50-56)
38Cakhutaa cata Judah ming a ciy nakaw yi ta a paruvta tah Zingsuv hnang ziytuv a cuopa Arimathea khy ming Josef ta Zingsuv riyy la riypata Pilat kha a hie. Pilat ta a pi nakawta a riyy kha a la. 39#Jhn 3.1,2 Zingsuv a taw riypata zuo ta a vaa buopa paa Nikodemu zaw kha Josef'a luo vaa te mura hne aloes pyapa ziyhmyi paw zakha tluv aa riypa kha aa cyi. 40A riyy kha la yi te Judah ming riyy a pabyna phung haata ziyhmyi bya yi te pawruo ta ama cataw. 41Zingsuv ama thiena hmang lie kha diedung suokha aw te capa diedung chunglie ca ahunghmuo ama paby buo linapa thluo thaapa suokha a aw. 42Judah ming Atingdawna ning a cuo nakaw hne aa ngie lie thluo a aw nakawta capa lie ca Zingsuv kha ama paby.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.