JOHAN 17
17
Zingsuv Ta Ziytuv Tie Cuota Thlaa A Chuo
1Zingsuv ta capa bie a ri khutaata avuo luo kha mang te, “I Paa, a cuo ca a vya pha tli; na Sacapaa ta rungnaana aca pi the riypata, na Sacapaa hing rungnaana pi tie. 2Nama ta na pipa cawsaa zaw bangkhuo kha chuozaa hringna pi riypata nawhnyina kha na pi tli. 3Chuozaa hringna tapa ca nama dyi aa hmuopa Khazing na cuopa pachangna, hne na pathliepa Zingsuv Khrih pachangna hing tana a cuo. 4Hrie riypata ina pipa ciy re patlung tli angte hing alyi lie hing na ming ica parungnaa sa mangtli. 5Caacuonakawta, i Paa, chuelyi sa hluota namaa lie i za hnyipa rungnaana khata na minghmungna lie hing na parungnaa sa thi tie.
6“Chuelyi taata ku yi cate ina pipa tie cunglie na ming kha i paluo sa tli. Na huopa ta cuo yi te nama ta kama kha ina pi ciy, na bie kha ziy yi te 7kama ina pipa mekaa ca hing nama'a taa tana a cuo tapa kha ama pachang. 8Ina pipa ciy na bie kha i chang yi, iema ta cuhluo yi te nama'a taata a vawpa i cuopa kha pachang hmisi yi te nama pathliepa i cuopa zaw kha ama zang. 9Iema cuota thlaa i chuo, chuelyi cuota thlaachuo va ang, cuorasala na huopa ta a cuopa ina pipa tie cuo khata thlaa i chuo. 10Kama huopa bangkhuo hing nama huopa ta cuo yi te iema chung taa hingta i rungnaana aa luo. 11Cakhutaata ata hing kama ca chuelyi lie aw'a va tli ang, nama'a luo i vaw'a tli; cuorasala iema ca chuelyi lie ama aw kalie aa. A pathepa i Paa, nama hne kama ca pang kha ma cuopa haata pang kha ama cuo the ra riypata, ina pipa tie yi ca hing na ming cahrana ta mangchiy thi tie yi. 12Iema'a lie i aw ning hing ca, ina pipa tie ca hingna na ming cahrana ta i mangchiy yi. Kama ta mangchiy yi angte, Caapathe a tlingna riypata, vie riypa hrahring ta lieriy uopuopa paa ta li pata pakha hmuo vie va yi. 13Ata hing kama ca nama'a luo i vaw aa; kama palungtluona kha iema chunglie tluotlingsa pata ama hnyina riypata hingpa bie hing chuelyi lie i aw ning ta i ri pata a cuo. 14Na bie kha chang yi angte chuelyi ta iema ca a hue yi, tahematapakieca kama ca chuelyi huopa i cuo lipa haa khata iema zaw chuelyi huopa ama cuo li nakawta a cuo. 15Iema hing chuelyi taata la riypata ica hiepa ta cuo vyi, cuorasala cawsaa pha lipa paa'a taata naa daakhuole riypa yi tana ica hie. 16Kama hing chuelyi huopa i cuo lipa haata iema zaw chuelyi huopa ta cuo ra va yi. 17Iema hing biehmisipa ta pathe sa tie yi; na bie ca biehmisipa tana a cuo. 18Nama ta chuelyi luo ina pathliepa haa cata kama ta chuelyi luo i pathlie ra yi. 19Iema zaw biehmisipa lie pathe sapa ama cuo riypata kama zaw i pathe sa.
20“Iema cuo dyi hingta thlaa i chuopa cuo vyi, cuorasala iema ama ripa bie thueta kama naa zangpa tie bangkhuo pang kha ama cuo the riypa cuo zaw ta thlaa i chuo. 21I Paa, chuelyi ming ta kama ca nama pathliepa i cuopa kha ama zang the riypata nama ca kama chunglie aw cate kama ca nama chunglie i awpa haata iema zaw kiema chunglie ama aw riypata thlaa i chuo. 22Kiema pang kha ta ma cuopa haata iema zaw pang kha ama cuo riypata rungnaana ina pipa ca kha i pi yi. 23Chuelyi ta kama ca nama pathliepa cuo angte kama ina duepa haa cata iema zaw na duepa yi kha ama pachang riypa hne iema zaw pang kha ama cuokaruv riypata kama ca iema chunglie aw angte nama ca kama chunglie na aw pata a cuo. 24I Paa, kama kha chuelyi sa hluo taata ina due tli nakaw ca ta ina pipa ciy cawsaa tie hingta ina pipa ciy i rungnaana ama hmungna riypata kama i awna lie aw ra yi sala ta pata i khing.
25“Aa dangpa i Paa, chuelyi ta nama kha ca pachang vyi, cuorasala kama ta ica pachang; hingpa tie hingta ina pathliepa ca kha ama pachang. 26Nama ta ina duenapa ciy duena kha iema chunglie aw sala kama kha iema chunglie i aw riypata na ming ca iema kha pachang sa tli yi angte i pachang sa kalie'a yi,” a ta.
ទើបបានជ្រើសរើសហើយ៖
JOHAN 17: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 17
17
Zingsuv Ta Ziytuv Tie Cuota Thlaa A Chuo
1Zingsuv ta capa bie a ri khutaata avuo luo kha mang te, “I Paa, a cuo ca a vya pha tli; na Sacapaa ta rungnaana aca pi the riypata, na Sacapaa hing rungnaana pi tie. 2Nama ta na pipa cawsaa zaw bangkhuo kha chuozaa hringna pi riypata nawhnyina kha na pi tli. 3Chuozaa hringna tapa ca nama dyi aa hmuopa Khazing na cuopa pachangna, hne na pathliepa Zingsuv Khrih pachangna hing tana a cuo. 4Hrie riypata ina pipa ciy re patlung tli angte hing alyi lie hing na ming ica parungnaa sa mangtli. 5Caacuonakawta, i Paa, chuelyi sa hluota namaa lie i za hnyipa rungnaana khata na minghmungna lie hing na parungnaa sa thi tie.
6“Chuelyi taata ku yi cate ina pipa tie cunglie na ming kha i paluo sa tli. Na huopa ta cuo yi te nama ta kama kha ina pi ciy, na bie kha ziy yi te 7kama ina pipa mekaa ca hing nama'a taa tana a cuo tapa kha ama pachang. 8Ina pipa ciy na bie kha i chang yi, iema ta cuhluo yi te nama'a taata a vawpa i cuopa kha pachang hmisi yi te nama pathliepa i cuopa zaw kha ama zang. 9Iema cuota thlaa i chuo, chuelyi cuota thlaachuo va ang, cuorasala na huopa ta a cuopa ina pipa tie cuo khata thlaa i chuo. 10Kama huopa bangkhuo hing nama huopa ta cuo yi te iema chung taa hingta i rungnaana aa luo. 11Cakhutaata ata hing kama ca chuelyi lie aw'a va tli ang, nama'a luo i vaw'a tli; cuorasala iema ca chuelyi lie ama aw kalie aa. A pathepa i Paa, nama hne kama ca pang kha ma cuopa haata pang kha ama cuo the ra riypata, ina pipa tie yi ca hing na ming cahrana ta mangchiy thi tie yi. 12Iema'a lie i aw ning hing ca, ina pipa tie ca hingna na ming cahrana ta i mangchiy yi. Kama ta mangchiy yi angte, Caapathe a tlingna riypata, vie riypa hrahring ta lieriy uopuopa paa ta li pata pakha hmuo vie va yi. 13Ata hing kama ca nama'a luo i vaw aa; kama palungtluona kha iema chunglie tluotlingsa pata ama hnyina riypata hingpa bie hing chuelyi lie i aw ning ta i ri pata a cuo. 14Na bie kha chang yi angte chuelyi ta iema ca a hue yi, tahematapakieca kama ca chuelyi huopa i cuo lipa haa khata iema zaw chuelyi huopa ama cuo li nakawta a cuo. 15Iema hing chuelyi taata la riypata ica hiepa ta cuo vyi, cuorasala cawsaa pha lipa paa'a taata naa daakhuole riypa yi tana ica hie. 16Kama hing chuelyi huopa i cuo lipa haata iema zaw chuelyi huopa ta cuo ra va yi. 17Iema hing biehmisipa ta pathe sa tie yi; na bie ca biehmisipa tana a cuo. 18Nama ta chuelyi luo ina pathliepa haa cata kama ta chuelyi luo i pathlie ra yi. 19Iema zaw biehmisipa lie pathe sapa ama cuo riypata kama zaw i pathe sa.
20“Iema cuo dyi hingta thlaa i chuopa cuo vyi, cuorasala iema ama ripa bie thueta kama naa zangpa tie bangkhuo pang kha ama cuo the riypa cuo zaw ta thlaa i chuo. 21I Paa, chuelyi ming ta kama ca nama pathliepa i cuopa kha ama zang the riypata nama ca kama chunglie aw cate kama ca nama chunglie i awpa haata iema zaw kiema chunglie ama aw riypata thlaa i chuo. 22Kiema pang kha ta ma cuopa haata iema zaw pang kha ama cuo riypata rungnaana ina pipa ca kha i pi yi. 23Chuelyi ta kama ca nama pathliepa cuo angte kama ina duepa haa cata iema zaw na duepa yi kha ama pachang riypa hne iema zaw pang kha ama cuokaruv riypata kama ca iema chunglie aw angte nama ca kama chunglie na aw pata a cuo. 24I Paa, kama kha chuelyi sa hluo taata ina due tli nakaw ca ta ina pipa ciy cawsaa tie hingta ina pipa ciy i rungnaana ama hmungna riypata kama i awna lie aw ra yi sala ta pata i khing.
25“Aa dangpa i Paa, chuelyi ta nama kha ca pachang vyi, cuorasala kama ta ica pachang; hingpa tie hingta ina pathliepa ca kha ama pachang. 26Nama ta ina duenapa ciy duena kha iema chunglie aw sala kama kha iema chunglie i aw riypata na ming ca iema kha pachang sa tli yi angte i pachang sa kalie'a yi,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.