SAHRUOTHUNA 44
44
Josef Ta Benjamin A Hre
1Josef ta a ing kingkaatuv kha ku te, “Cawsaa tie chawkue lie kha a ma phya khu thiy ta sa kha rawpa yi la ama chawkue daw cyicuo lie kha ama tuokaa kha pasuopa tie yi. 2I panuo, i ngu panuo kha sa muo tuokaa hne khata a syi cepa chawkue daw lie kha pasuo tie,” a ta. Josef a ripa haa khata a tue. 3Mawluo khy a dyi pahne ta ama laa hne khata ama pasi sa. 4Khypuv taata a syi ama chiy hluo khata, Josef ta kingkaatuv kha ku te, “Cakuo la, cawsaa tie kha a cade yi la na pha pahne yi ta, “Khaapanakawma hmang phapa kha hmang chiepa ta malie nama thung? Khaapanakawma i ngu panuo kha nama paruv? 5I byipaapa ca hingpa hing tana a dang cuo va ma? Hingpa hingna hmungdawluna ta a hmuo cuo va ma? Hmang pha li ciemuopa na nama hrie,” ta tie yi, a ta.
6Mangchiykingkaatuv ta va pha yi te, Josef ta a taapa dala haa khata a ta yi. 7Iema ta, “Khaapanakawma ma byipaapa ta cahaapa bie ca na ri? Na changtaapa zaw hing cahaapa hmang a tue riypa cuo chiyhie vade puv! 8Ma chawkue daw lie ma hmungpa tuokaa kha Kanaan ruo taata ma za phya pakhaapa malie na pachang. Khaapanakawma na byipaapa ing lie siy hne ngu ca ma paruv aa? 9Na changtaapa zaw hraw taa hingta pakhakha cunglie na hmung pata a cuo kieca capa paa ca thiy se. Ca hlyitaw taata aa ngaapa kiema bangkhuo hing na sii ta ma cuo aa,” ama ta. 10Ama ta, “A cuo; nama ripa haata cuo se. A cunglie ma hmungpa ca kama sii ta a cuo aa, cuorasala aa ngaapa niema bangkhuo ca nama si khu thluo aa,” a ta yi. 11Ama hmang kha pachung yi te, ama chawkue kha ama pahaw kaluo. 12Mangchiykingkaatuv ca ta a uvthyi cepa chawkue taata a syi cepa chawkue te a huv tiyta, ngu panuo ca Benjamin chawkue lie kha a hmung. 13Capa hne cata ama caw kha ama thlaa. Cakhutaata ama hmang kha laa cung luo khang yi te khypuv luo ca ama kaa.
14Josef kha ing lie a aw kaliepa ta Judah hne a uvnu zaw ca Josef ing luo kha ama za chiy. 15Josef ta iema kha, “Nama tuepa hing khaapatama a cuo? Kama haapa cawsaa hingta ca hmungdawluna a hnyi tapa kha na pachang the va ung ca ma?” a ta yi. 16Judah ta, “Ma byipaapa'a lie kha khaapa bie ca ma ma ri khu aa? Khaapama ma ri the aa? Khaapa ca ma maa pasie ri aa? Khazing na na changtaapa zaw suenapa kha malie a phu tli; ma byipaapa na sii tana ma cuo, kiema hne na panuo ama hmungnapa paa hne tana na sii ta ma cuo aa,” ama ta. 17Cuorasala ama ta, “Cuo vyi, cahaacata tue'a va ang. A hmang chunglie panuo ama hmungnapa paa dyina i sii ta a cuo aa; cuorasala niema ca nama paa'a luo kha thlaalungna hne si tie ung,” a ta yi.
Judah Ta Benjamin Pathlie Riypata Paa A Kie
18Cakhutaata Judah kha a daa te Josef kyihuo khata, “Vya, I byipaapa, I byipaapa na thyi riypata bie suokha na pari sa thi la, na changtaapa cunglie hing na hi haa thi khah se; tahematapakieca Faro hrahring haa tana na cuo thluo. 19I byipaapa ta na changtaapa zaw kha, ‘Paa nama hnyi ma? Uvnu hrangpa haw nama hnyi kalie ma?’ ta pata malie na hiehriy. 20Kiema ta, ‘A macuosa tlipa paa ma hnyi. Ma paa ta a macuo tli pata a sapa nuta pakha zaw ma hnyi. A uvta ca a thiy tli. A nung ta a sapa zaw hrawlie ama dyi hing a ngaa te a paa ta a due hringhruo,’ maca ta. 21Cakhutaata nama ta na changtaapa zaw kyihuo khata, ‘I hmung thena riypata kama'a luo zaa chiy tie ung,’ malie na ta. 22Kiema ta ma byipaapa kha, ‘Haatiypa ta a paa kha thuse khu'a vyi, a thuse kieca a paa na a thiy aa,’ maca ta. 23Cakhutaata nama ta na changtaapa zaw kha, ‘Nama nuta a syi cepa kha namaa zaa chiy li kieca i hmie na hmung khu'a va ung ciy,’ malie na ta. 24Na changtaapa i paa'a luo i kaa tiyta i byipaapa na bie kha ma chang. 25Ma paa ta, ‘Si pakhaa ung la sa ca a cawta chuo malie za calyipa tie ung,’ ma lie a ta tiyta, 26kiema ta, ‘Si khu'a vapuv, ma nuta a syi cepa a za si ra kie dyina ma si aa, ma nuta a syi cepa na zaa si ra va tapa kieca cawsaapa kha a taw khu'a vapuv,’ ma ta. 27Cakhutaata na changtaapa, ma paa ca ta, ‘I napuvnung ta sacapaa pahning ina sapa tapa kha nama pachang. 28Pakha ca na thiyse tli te, saa na a caphi patlaa diy, i ta. Capa yalya taa cata hmung va tli ang. 29Hingpa paa hing kama'a taata la'a ung cate, a cunglie ruvna a tlung sue kieca, suo paa cang hing tana ngiechina hne Sheol luo ina pasi'a ung ciy,’ malie a ta. 30Caacuonakawta ata hingta na changtaapa hing i paa'a luo kha haatiypa li pata i chiy kieca, a hringna ca haatiypa hringna hne hingta aa pazue nakawta, 31haatiypa kiema'a lie a hmung li pahne ta thiy'a te, na changtaapa zaw hingta na changtaapa ma paa, a suo paapa ca ngiechina hne Sheol luo ma pasi sasaw aa. 32Na changtaapa kama ca haatiypa cuopa hingta i hringna ta i pa'a lie biekuona tue angte, “Haatiypa hing nama'a luo i kya chiykhyi pakhaa li kieca i chuo chung bangkhuo suebena ca na hmiekunglie hing ang lavuo ang,’ i ta. 33Caacuonakawta haatiypa cuopa hingta na changtaapa hing i byipaapa na sii ta a ngaa thi ang sala, haatiypa hing a uvta zaw hne hingta pasi sa thi tie. 34Tuokhaatama haatiypa li pata i paa luo ca i si nguo aa? I paa cunglie a tlung riypa ruvnaana ca hmung nguo'a va ang,” a ta.
ទើបបានជ្រើសរើសហើយ៖
SAHRUOTHUNA 44: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 44
44
Josef Ta Benjamin A Hre
1Josef ta a ing kingkaatuv kha ku te, “Cawsaa tie chawkue lie kha a ma phya khu thiy ta sa kha rawpa yi la ama chawkue daw cyicuo lie kha ama tuokaa kha pasuopa tie yi. 2I panuo, i ngu panuo kha sa muo tuokaa hne khata a syi cepa chawkue daw lie kha pasuo tie,” a ta. Josef a ripa haa khata a tue. 3Mawluo khy a dyi pahne ta ama laa hne khata ama pasi sa. 4Khypuv taata a syi ama chiy hluo khata, Josef ta kingkaatuv kha ku te, “Cakuo la, cawsaa tie kha a cade yi la na pha pahne yi ta, “Khaapanakawma hmang phapa kha hmang chiepa ta malie nama thung? Khaapanakawma i ngu panuo kha nama paruv? 5I byipaapa ca hingpa hing tana a dang cuo va ma? Hingpa hingna hmungdawluna ta a hmuo cuo va ma? Hmang pha li ciemuopa na nama hrie,” ta tie yi, a ta.
6Mangchiykingkaatuv ta va pha yi te, Josef ta a taapa dala haa khata a ta yi. 7Iema ta, “Khaapanakawma ma byipaapa ta cahaapa bie ca na ri? Na changtaapa zaw hing cahaapa hmang a tue riypa cuo chiyhie vade puv! 8Ma chawkue daw lie ma hmungpa tuokaa kha Kanaan ruo taata ma za phya pakhaapa malie na pachang. Khaapanakawma na byipaapa ing lie siy hne ngu ca ma paruv aa? 9Na changtaapa zaw hraw taa hingta pakhakha cunglie na hmung pata a cuo kieca capa paa ca thiy se. Ca hlyitaw taata aa ngaapa kiema bangkhuo hing na sii ta ma cuo aa,” ama ta. 10Ama ta, “A cuo; nama ripa haata cuo se. A cunglie ma hmungpa ca kama sii ta a cuo aa, cuorasala aa ngaapa niema bangkhuo ca nama si khu thluo aa,” a ta yi. 11Ama hmang kha pachung yi te, ama chawkue kha ama pahaw kaluo. 12Mangchiykingkaatuv ca ta a uvthyi cepa chawkue taata a syi cepa chawkue te a huv tiyta, ngu panuo ca Benjamin chawkue lie kha a hmung. 13Capa hne cata ama caw kha ama thlaa. Cakhutaata ama hmang kha laa cung luo khang yi te khypuv luo ca ama kaa.
14Josef kha ing lie a aw kaliepa ta Judah hne a uvnu zaw ca Josef ing luo kha ama za chiy. 15Josef ta iema kha, “Nama tuepa hing khaapatama a cuo? Kama haapa cawsaa hingta ca hmungdawluna a hnyi tapa kha na pachang the va ung ca ma?” a ta yi. 16Judah ta, “Ma byipaapa'a lie kha khaapa bie ca ma ma ri khu aa? Khaapama ma ri the aa? Khaapa ca ma maa pasie ri aa? Khazing na na changtaapa zaw suenapa kha malie a phu tli; ma byipaapa na sii tana ma cuo, kiema hne na panuo ama hmungnapa paa hne tana na sii ta ma cuo aa,” ama ta. 17Cuorasala ama ta, “Cuo vyi, cahaacata tue'a va ang. A hmang chunglie panuo ama hmungnapa paa dyina i sii ta a cuo aa; cuorasala niema ca nama paa'a luo kha thlaalungna hne si tie ung,” a ta yi.
Judah Ta Benjamin Pathlie Riypata Paa A Kie
18Cakhutaata Judah kha a daa te Josef kyihuo khata, “Vya, I byipaapa, I byipaapa na thyi riypata bie suokha na pari sa thi la, na changtaapa cunglie hing na hi haa thi khah se; tahematapakieca Faro hrahring haa tana na cuo thluo. 19I byipaapa ta na changtaapa zaw kha, ‘Paa nama hnyi ma? Uvnu hrangpa haw nama hnyi kalie ma?’ ta pata malie na hiehriy. 20Kiema ta, ‘A macuosa tlipa paa ma hnyi. Ma paa ta a macuo tli pata a sapa nuta pakha zaw ma hnyi. A uvta ca a thiy tli. A nung ta a sapa zaw hrawlie ama dyi hing a ngaa te a paa ta a due hringhruo,’ maca ta. 21Cakhutaata nama ta na changtaapa zaw kyihuo khata, ‘I hmung thena riypata kama'a luo zaa chiy tie ung,’ malie na ta. 22Kiema ta ma byipaapa kha, ‘Haatiypa ta a paa kha thuse khu'a vyi, a thuse kieca a paa na a thiy aa,’ maca ta. 23Cakhutaata nama ta na changtaapa zaw kha, ‘Nama nuta a syi cepa kha namaa zaa chiy li kieca i hmie na hmung khu'a va ung ciy,’ malie na ta. 24Na changtaapa i paa'a luo i kaa tiyta i byipaapa na bie kha ma chang. 25Ma paa ta, ‘Si pakhaa ung la sa ca a cawta chuo malie za calyipa tie ung,’ ma lie a ta tiyta, 26kiema ta, ‘Si khu'a vapuv, ma nuta a syi cepa a za si ra kie dyina ma si aa, ma nuta a syi cepa na zaa si ra va tapa kieca cawsaapa kha a taw khu'a vapuv,’ ma ta. 27Cakhutaata na changtaapa, ma paa ca ta, ‘I napuvnung ta sacapaa pahning ina sapa tapa kha nama pachang. 28Pakha ca na thiyse tli te, saa na a caphi patlaa diy, i ta. Capa yalya taa cata hmung va tli ang. 29Hingpa paa hing kama'a taata la'a ung cate, a cunglie ruvna a tlung sue kieca, suo paa cang hing tana ngiechina hne Sheol luo ina pasi'a ung ciy,’ malie a ta. 30Caacuonakawta ata hingta na changtaapa hing i paa'a luo kha haatiypa li pata i chiy kieca, a hringna ca haatiypa hringna hne hingta aa pazue nakawta, 31haatiypa kiema'a lie a hmung li pahne ta thiy'a te, na changtaapa zaw hingta na changtaapa ma paa, a suo paapa ca ngiechina hne Sheol luo ma pasi sasaw aa. 32Na changtaapa kama ca haatiypa cuopa hingta i hringna ta i pa'a lie biekuona tue angte, “Haatiypa hing nama'a luo i kya chiykhyi pakhaa li kieca i chuo chung bangkhuo suebena ca na hmiekunglie hing ang lavuo ang,’ i ta. 33Caacuonakawta haatiypa cuopa hingta na changtaapa hing i byipaapa na sii ta a ngaa thi ang sala, haatiypa hing a uvta zaw hne hingta pasi sa thi tie. 34Tuokhaatama haatiypa li pata i paa luo ca i si nguo aa? I paa cunglie a tlung riypa ruvnaana ca hmung nguo'a va ang,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.