SAHRUOTHUNA 45
45
Josef Ta A Uvta Zaw Kha Aa Pachang Sa Yi
1 #
Lct 7.13
Josef ca a thaalie a tupa tie zaw hmiekunglie kha a ang khu li tli pata, “Cawsaa bangkhuo hing kama'a taata papya diy ung,” a ta. Caacuonakawta Josef ta a uvta zaw aa pachang sa ning yi kha a thaalie ahunghmuo aw va yi. 2Khuosa ta a caa nakawta Izipt ming ta thyi yi te, Faro chungkhue zaw ta ama thyi pachaa. 3Josef ta a uvta zaw kha, “Kama ca Josef tana i cuo. I paa ca a hring kalie ma?” a ta yi. Cuorasala a uvta zaw ta palie khu va yi, a hmiekunglie kha a ca-ang ta ama ca-ang.
4Cakhutaata Josef ta a uvta zaw kha, “A vaw ung la naa vie ngie vie tie ung,” a ta yi. Iema ta amaa vya ngie vie. Ama ta, “Kama hing Izipt luo nama zaapa nama nuta Josef tana i cuo. 5Kama kha hingpa ruo luo hing ina za zaa nakaw ung cata niema hne niema kha nama palung rie thyi pata sue a phaw khah ung. Tahematapakieca cawsaa hringna khuo riypa tana Khazing ta niema hmieluo ta ina pathlielu. 6Ruo chunglie cakuo a tlungpa hing kung hning a ta tli. Kung pangaa a ngaa kalie te capa cuo chunglie ca lu thlu hne sa hrie tapa aw'a vyi. 7Niema hing hingpa chuelyi lie hing a ngaa pata nama hring the riypa hne cawsaa hluvpuv khuona riypata Khazing ta nama hmieluo ta ina pathliepa tana a cuo. 8Caacuonakawta hingpa luo naa paphyapa hing niema ta cuo va ung ciy, Khazing tana a cuo; Faro cuota a paa haata na tue te, a ing uvtuv byi hne Izipt ruo bangkhuo uvtuv ta ina tue. 9#Lct 7.14 I paa'a luo ca a catli pata si ung la, ‘Na sacapaa Josef ca Khazing na Izipt ruo bangkhuo uvtuv ta a tue tli, haasaa li pata a zuv se. 10Nama, na saata zaw hne na samingta zaw, na tuv, na mie, na sahring zaw bangkhuo hne na hnyipa zaw bangkhuo hneta Goshen lie hing khysa'a ung cate, i thaa liena nama aw aa. 11Capa lie ca kama ta ica ring'a yi. A vaw riypa kung pangaa chung cakuo a tlung kalie'a nakawta nama hne na ingchungkhue, na sahring zaw bangkhuo sa ning riy hnyi li pata ruvnaana namaa taw li riypata capa lie ca kama ta ica ring'a yi, kya ta tie ung. 12Niema hne i nuta Benjamin ming hmungna lie kama pakaa hrahring ta ica chang yi hing. 13Izipt ruo lie hing kha tluv tama ina pa-uvsathyi yi tapa hne nama hmungpa bangkhuo hing kya chang tie ung. Catli ung la i paa ca zaa chiy tie ung,” a ta yi. 14Cakhutaa cata a nuta Benjamin kha a paw te a caa. Benjamin zaw a caa ra. 15A uvta zaw bangkhuo kha a paw yi te a caa. Cakhutaa cata a uvta zaw khata bie ama rihne.
16“Josef uvnu zaw na a zuv yi,” tapa kha Faro chungkhue luo thuohlaa a thyi te, Faro hne a changtaapa zaw ca ama palung a tluo. 17Faro ta Josef kyihuo khata, “Na uvnu zaw ca chang tie yi. ‘Ama sahring hmang kha pachie yi sala Kanaan ruo luo ca si yi se. 18Na paa hne ama chungkhue zaw kha kya la yi sala kama'a luo za si yi se. Tahematapakieca Izipt lie a pha cenapa ruo kha pi'a yi angte, aa nuosa pata na nama hring aa,’ ta tie yi. 19Ica chang kalie, ‘Nama saata zaw, nama napuv zaw a khang riypata aruole kha a phya ung la nama paa kha a zaa chiy tie ung. 20Nama hnyipa hmang kawlie nama palung rie thyi khah se, tahematapakieca Izipt ruo chunglie a pha cena bangkhuo ca niema huo tana a cuo,’ ta tie yi,” a ta.
21Israel sacapaa zaw ta cahaacata ama tue. Faro ta a changpa haata Josef ta aruole kha pi yi te, luopuv lie ning riypa zuorie zaw a rawpa yi. 22Pakha cyicuo kha yi kha a thlena riypa caw zaw a pi kaluo yi. Cuorasala Benjamin kha ngu tuokaa zathung hne yi pangaa a thlena riypa caw a pi. 23A paa kha Izipt ruo lie a pyapa chechiy pha cepa laa sahraa phya, luopuv lie ning riypa sa, viechuo hne ning riypa phangting zaw kha laapuvnung sahraa phya a paphya. 24Cakhutaa cata a uvnu zaw ca pa si yi te, ama sipuolepa khata, “Luopuv lie a hrule khya ung,” a ta yi.
25Caacuonakawta Izipt taa cata pya yi te Kanaan ruo ama paa Jakob awna luo kha ama kya si. 26Ama paa kha, “Josef kha a hring kalie. Izipt ruo bangkhuo uvtuv tana a za cuo,” ama ta. Ama ca a ca-ang ta ca-ang te, zang khu va yi. 27Cuorasala iema ta Josef bie bangkhuo kha ama chang. Ama aa khang riypata Josef ta a kya paphyapa aruole zaw kha a hmung tiyta a lawsa te a palung a cahra pakhaa. 28Israel ta, “Aa de! I sacapaa Josef na a hring kalie. I thiy hluo hingta si'a angte na i zaa taw aa,” a ta.
ទើបបានជ្រើសរើសហើយ៖
SAHRUOTHUNA 45: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 45
45
Josef Ta A Uvta Zaw Kha Aa Pachang Sa Yi
1 #
Lct 7.13
Josef ca a thaalie a tupa tie zaw hmiekunglie kha a ang khu li tli pata, “Cawsaa bangkhuo hing kama'a taata papya diy ung,” a ta. Caacuonakawta Josef ta a uvta zaw aa pachang sa ning yi kha a thaalie ahunghmuo aw va yi. 2Khuosa ta a caa nakawta Izipt ming ta thyi yi te, Faro chungkhue zaw ta ama thyi pachaa. 3Josef ta a uvta zaw kha, “Kama ca Josef tana i cuo. I paa ca a hring kalie ma?” a ta yi. Cuorasala a uvta zaw ta palie khu va yi, a hmiekunglie kha a ca-ang ta ama ca-ang.
4Cakhutaata Josef ta a uvta zaw kha, “A vaw ung la naa vie ngie vie tie ung,” a ta yi. Iema ta amaa vya ngie vie. Ama ta, “Kama hing Izipt luo nama zaapa nama nuta Josef tana i cuo. 5Kama kha hingpa ruo luo hing ina za zaa nakaw ung cata niema hne niema kha nama palung rie thyi pata sue a phaw khah ung. Tahematapakieca cawsaa hringna khuo riypa tana Khazing ta niema hmieluo ta ina pathlielu. 6Ruo chunglie cakuo a tlungpa hing kung hning a ta tli. Kung pangaa a ngaa kalie te capa cuo chunglie ca lu thlu hne sa hrie tapa aw'a vyi. 7Niema hing hingpa chuelyi lie hing a ngaa pata nama hring the riypa hne cawsaa hluvpuv khuona riypata Khazing ta nama hmieluo ta ina pathliepa tana a cuo. 8Caacuonakawta hingpa luo naa paphyapa hing niema ta cuo va ung ciy, Khazing tana a cuo; Faro cuota a paa haata na tue te, a ing uvtuv byi hne Izipt ruo bangkhuo uvtuv ta ina tue. 9#Lct 7.14 I paa'a luo ca a catli pata si ung la, ‘Na sacapaa Josef ca Khazing na Izipt ruo bangkhuo uvtuv ta a tue tli, haasaa li pata a zuv se. 10Nama, na saata zaw hne na samingta zaw, na tuv, na mie, na sahring zaw bangkhuo hne na hnyipa zaw bangkhuo hneta Goshen lie hing khysa'a ung cate, i thaa liena nama aw aa. 11Capa lie ca kama ta ica ring'a yi. A vaw riypa kung pangaa chung cakuo a tlung kalie'a nakawta nama hne na ingchungkhue, na sahring zaw bangkhuo sa ning riy hnyi li pata ruvnaana namaa taw li riypata capa lie ca kama ta ica ring'a yi, kya ta tie ung. 12Niema hne i nuta Benjamin ming hmungna lie kama pakaa hrahring ta ica chang yi hing. 13Izipt ruo lie hing kha tluv tama ina pa-uvsathyi yi tapa hne nama hmungpa bangkhuo hing kya chang tie ung. Catli ung la i paa ca zaa chiy tie ung,” a ta yi. 14Cakhutaa cata a nuta Benjamin kha a paw te a caa. Benjamin zaw a caa ra. 15A uvta zaw bangkhuo kha a paw yi te a caa. Cakhutaa cata a uvta zaw khata bie ama rihne.
16“Josef uvnu zaw na a zuv yi,” tapa kha Faro chungkhue luo thuohlaa a thyi te, Faro hne a changtaapa zaw ca ama palung a tluo. 17Faro ta Josef kyihuo khata, “Na uvnu zaw ca chang tie yi. ‘Ama sahring hmang kha pachie yi sala Kanaan ruo luo ca si yi se. 18Na paa hne ama chungkhue zaw kha kya la yi sala kama'a luo za si yi se. Tahematapakieca Izipt lie a pha cenapa ruo kha pi'a yi angte, aa nuosa pata na nama hring aa,’ ta tie yi. 19Ica chang kalie, ‘Nama saata zaw, nama napuv zaw a khang riypata aruole kha a phya ung la nama paa kha a zaa chiy tie ung. 20Nama hnyipa hmang kawlie nama palung rie thyi khah se, tahematapakieca Izipt ruo chunglie a pha cena bangkhuo ca niema huo tana a cuo,’ ta tie yi,” a ta.
21Israel sacapaa zaw ta cahaacata ama tue. Faro ta a changpa haata Josef ta aruole kha pi yi te, luopuv lie ning riypa zuorie zaw a rawpa yi. 22Pakha cyicuo kha yi kha a thlena riypa caw zaw a pi kaluo yi. Cuorasala Benjamin kha ngu tuokaa zathung hne yi pangaa a thlena riypa caw a pi. 23A paa kha Izipt ruo lie a pyapa chechiy pha cepa laa sahraa phya, luopuv lie ning riypa sa, viechuo hne ning riypa phangting zaw kha laapuvnung sahraa phya a paphya. 24Cakhutaa cata a uvnu zaw ca pa si yi te, ama sipuolepa khata, “Luopuv lie a hrule khya ung,” a ta yi.
25Caacuonakawta Izipt taa cata pya yi te Kanaan ruo ama paa Jakob awna luo kha ama kya si. 26Ama paa kha, “Josef kha a hring kalie. Izipt ruo bangkhuo uvtuv tana a za cuo,” ama ta. Ama ca a ca-ang ta ca-ang te, zang khu va yi. 27Cuorasala iema ta Josef bie bangkhuo kha ama chang. Ama aa khang riypata Josef ta a kya paphyapa aruole zaw kha a hmung tiyta a lawsa te a palung a cahra pakhaa. 28Israel ta, “Aa de! I sacapaa Josef na a hring kalie. I thiy hluo hingta si'a angte na i zaa taw aa,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.