SAHRUOTHUNA 43
43
Uvcanu Tie Ta Benjamin Zaa Chiy Yi Te Izipt Luo Ama Za Chiy Pakhaa
1Ruo chunglie cakuo ca a pasa hringhruo. 2Izipt taata ama kya phyapa sa kha ama pachuo tiyta, ama paa ta, “Zuv pakhaa ung la sa ca a cawta chuo za calyi tie ung,” a ta yi. 3Cuorasala Judah ta, “Cawsaapa ta a cusa pata bie malie taa pacie te, ‘Nama nuta namaa zaa chiy li kieca i hmie hmuo na hmung khu'a va ung ciy,’ malie a ta. 4Ma nuta hingna kiema hneta na pasi sa ra tapa kieca zuv'a pate na cuota sa ma za calyi aa; 5cuorasala kiema hneta na pasi sa ra li kieca zuv the'a vapuv. Tahematapakieca cawsaapa ta kiema kha, “Nama nuta kha namaa zaa chiy li kieca i hmie na hmung khu'a va ung ciy,’” malie a ta, a ta. 6Israel ta, “Khaapanakawma nuta hrangpa na ma hnyi tapa kha capa cawsaapa ca chang ung cate hing haa hingta ina tuechie ung ciy?” a ta yi. 7Iema ta, “Cawsaapa ta kiema hrahring hne ma tieriy kaw kha, ‘Nama paa a hring kalie ma? Uvnu hrangpa nama hnyi ma? ta pata a siesa pata malie a hiehriy. A bie hiehriypa khana kiema ta ma palie. Nama nuta zaa chiy ung la malie a ta thlu'a mang tapa ca ma pachang ma,’” ama ta. 8Cakhutaata Judah ta a paa Israel kha, “Satliepa hing kama'a lie pasi sa tie, nama hne kiema hne ma saata zaw bangkhuo ma hring thena riypata a pachie'a pate a tha'a puv. 9Ama cuo hingta kama hringnapa hing tana bie icaa kuo. Kama cunglie hing khang diy tie. Ama hing kya kaakhyi li pata, na hmiekung luo i kya chiykhyi li kieca chuozaa ta chiesana ang se ang. 10Palaw li pata aw se pala, yi hning ca maa lie'a tli,” a ta.
11Cakhutaata ama paa Israel ta, “Cahaacata a cuo riypata a cuo kieca, hing haa hingta tue tie ung, hingpa ruo chunglie a pyapa hrawtaata a pha cepa ta a cuopa: thing cathliy rang pa-uepa a cawta, khyitiy a cawta, raabaa, cariy, atuv mathliy thyi hne almond thyi zaw kha nama chawkue lie a suole ung la cawsaapa ca lasaw phya tie ung. 12Tuokaa kha le hning ta a phya tie ung. Nama chawkue daw lie aca pasuopapa yi tuokaa kha phya pakhaa tie ung, maw yi te ama tuesuepa tana a cuo aa. 13Nama nuta zaw ca a chiy tie ung, a ting ung la cawsaapa'a luo ca si tie ung. 14Nama uvnupa pakha hne Benjamin a kya pasi sa pakhaa riypa yi ta Lesyice Khazing ta cawsaapa hmiekunglie ca nang ca due yi se. Kama tuv ca, i saata zaw na naa thiyse yi tapa kiema, thiysepa tana i cuo thluo'a tle,” a ta yi. 15Caacuonakawta lasaw kha cuose, tuokaa le hning kha cuose, a phya yi te Benjamin zaw kha amaa chiy. Cahaacata Izipt luo ca sibung yi te, Josef hmiekung luo ca ama chiy.
16Josef ta Benjamin kha iema hneta a hmung tiyta, a ing lie kingkaatuv kha, “Cawsaa zaw hing ing chung luo kha a ngiekhyi tie yi, sahring kha thie ung la sa kha chang tie ung, tahematapakieca kama hne tana ningchung sa ama ning aa,” a ta. 17Mangchiykingkaatuv ca ta Josef a ripa haa cata tue te cawsaa tie ca Josef ing luo kha a cakuokhyi yi. 18Iema kha Josef ing luo ama cakuokhyi nakawta uvnu tie ca ama thlaa zang te, “A yikhanapa lieta ma chawkue lie malie ama pasuopa pakhaapa tuokaa kawlie kha tana ing chung luo hing malie amaa ngiekhyipa a cuo aa. Sii ta a ziy riypa hne ma laa zaw chuv diy riypata ma cunglie bie ama tue'a tli hing haw!” amaa ta. 19Caacuonakawta Josef ing lie kingkaatuv ing luo kha cakuo yi te a ing luo a ngienapa lie kha ama hneta bie amaa rue. 20Iema ca ta, “Vya, ma byipaapa, sa calyi riypata yi kha maa zuv mangtli. 21Arina hmang luo ma chiy tiyta, ma chawkue kha ma pahaw ca, ma chawkue daw lie kha ma tuokaa cyicuo ca a tlingsa pata a aw kaluo. Caacuonakawta capa tuokaa ca ma za phyale pakhaa. 22Ca hlyitaw taata sa calyina riypa zaw kha tuokaa a hlyi ta maa zaa phya. Ahungma ma chawkue lie tuokaa a pasuo tapa kha pachang vapuv,” ama ta. 23Ama ta, “Nama thlaa zang khah se, ciy khah ung; nama Khazing hne nama paa Khazing na tuokaa kha nama chawkue lie caa pasuopa yi; sa muo tuokaa kha a tling pata i hmung,” a ta yi. Cakhutaata Simeon kha iema'a luo a kya pyakhyi. 24Kingkaatuv ta iema ca Josef ing chung luo kha aa ngiekhyi yi. Tiy kha pi yi te ama phyi kha amaa siy. Ama laa kha a la a pi yi. 25Ningchung ta Josef aa vaw thue pi riypata ama lasaw kha ama pachie pacie, tahematapakieca capa lie ca na sa ma ning aa tapa kha ama pachang. 26Josef kha ing luo a vya chiy tiyta, ing chung luo ama vya cyipa lasaw kha pi yi te a hmiekunglie kha amaa bung. 27Ama thuohlaa kha khie yi te, “A kaw ina changpa ung ciy nama paa, macuopa ca a tluo ma? A hring kalie ma?” a ta yi. 28Iema ta, “Na changtaapa, ma paa ca a tluo; a hring kalie,” ama ta. A bung yi te pa-uvsathyina ama pi. 29Cakhutaa cata hmiehmie pase te a nung sacapaa, a nuta Benjamin kha a hmung ca, “A kaw ina changpa ung ciy nama nuta a syi cepa ca ama hingta ma a cuo? I sacapaa, Khazing ta vi ca hnyi thi se!” a ta. 30Cakhutaata Josef ca a catlisa pata a cakuo, tahematapakieca a nuta kawlieta a palung a kya panu. Caacuonakawta a khuo luo kha a ngie te a caa. 31Cakhutaata a hmie kha a siy te a kya pya; khaapahmuo a ta lipa haa khata a pa-aw sa te, “Sa ca pachie tie ung,” a ta. 32Josef cuota a nanang ta suv kha, a uvnu zaw cuota suv kha, ama'a lie a ning rapa Izipt ming cuota suv kha ta pata ama pachie. Tahematapakieca Izipt ming ca Hebru tie hneta sa ning pakhaw khing va yi, capa hmang ca ama pasiypa tana a cuo. 33Josef hmiekunglie kha ama patu tiyta, a uvthyi ce taata a syi ce te ta aa paziy pata ama patu sa. Uvcanu tie ca ama nang uosa pata pakha hne pakha kha amaa mang. 34Josef cabya taata ama savu cyicuo kha ama pi ca Benjamin cuvu ca a uvnu zaw pakha cyicuo laata le pangaa a hluv vie. Cahaacata ning yi dang yi te amaa nuo.
ទើបបានជ្រើសរើសហើយ៖
SAHRUOTHUNA 43: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 43
43
Uvcanu Tie Ta Benjamin Zaa Chiy Yi Te Izipt Luo Ama Za Chiy Pakhaa
1Ruo chunglie cakuo ca a pasa hringhruo. 2Izipt taata ama kya phyapa sa kha ama pachuo tiyta, ama paa ta, “Zuv pakhaa ung la sa ca a cawta chuo za calyi tie ung,” a ta yi. 3Cuorasala Judah ta, “Cawsaapa ta a cusa pata bie malie taa pacie te, ‘Nama nuta namaa zaa chiy li kieca i hmie hmuo na hmung khu'a va ung ciy,’ malie a ta. 4Ma nuta hingna kiema hneta na pasi sa ra tapa kieca zuv'a pate na cuota sa ma za calyi aa; 5cuorasala kiema hneta na pasi sa ra li kieca zuv the'a vapuv. Tahematapakieca cawsaapa ta kiema kha, “Nama nuta kha namaa zaa chiy li kieca i hmie na hmung khu'a va ung ciy,’” malie a ta, a ta. 6Israel ta, “Khaapanakawma nuta hrangpa na ma hnyi tapa kha capa cawsaapa ca chang ung cate hing haa hingta ina tuechie ung ciy?” a ta yi. 7Iema ta, “Cawsaapa ta kiema hrahring hne ma tieriy kaw kha, ‘Nama paa a hring kalie ma? Uvnu hrangpa nama hnyi ma? ta pata a siesa pata malie a hiehriy. A bie hiehriypa khana kiema ta ma palie. Nama nuta zaa chiy ung la malie a ta thlu'a mang tapa ca ma pachang ma,’” ama ta. 8Cakhutaata Judah ta a paa Israel kha, “Satliepa hing kama'a lie pasi sa tie, nama hne kiema hne ma saata zaw bangkhuo ma hring thena riypata a pachie'a pate a tha'a puv. 9Ama cuo hingta kama hringnapa hing tana bie icaa kuo. Kama cunglie hing khang diy tie. Ama hing kya kaakhyi li pata, na hmiekung luo i kya chiykhyi li kieca chuozaa ta chiesana ang se ang. 10Palaw li pata aw se pala, yi hning ca maa lie'a tli,” a ta.
11Cakhutaata ama paa Israel ta, “Cahaacata a cuo riypata a cuo kieca, hing haa hingta tue tie ung, hingpa ruo chunglie a pyapa hrawtaata a pha cepa ta a cuopa: thing cathliy rang pa-uepa a cawta, khyitiy a cawta, raabaa, cariy, atuv mathliy thyi hne almond thyi zaw kha nama chawkue lie a suole ung la cawsaapa ca lasaw phya tie ung. 12Tuokaa kha le hning ta a phya tie ung. Nama chawkue daw lie aca pasuopapa yi tuokaa kha phya pakhaa tie ung, maw yi te ama tuesuepa tana a cuo aa. 13Nama nuta zaw ca a chiy tie ung, a ting ung la cawsaapa'a luo ca si tie ung. 14Nama uvnupa pakha hne Benjamin a kya pasi sa pakhaa riypa yi ta Lesyice Khazing ta cawsaapa hmiekunglie ca nang ca due yi se. Kama tuv ca, i saata zaw na naa thiyse yi tapa kiema, thiysepa tana i cuo thluo'a tle,” a ta yi. 15Caacuonakawta lasaw kha cuose, tuokaa le hning kha cuose, a phya yi te Benjamin zaw kha amaa chiy. Cahaacata Izipt luo ca sibung yi te, Josef hmiekung luo ca ama chiy.
16Josef ta Benjamin kha iema hneta a hmung tiyta, a ing lie kingkaatuv kha, “Cawsaa zaw hing ing chung luo kha a ngiekhyi tie yi, sahring kha thie ung la sa kha chang tie ung, tahematapakieca kama hne tana ningchung sa ama ning aa,” a ta. 17Mangchiykingkaatuv ca ta Josef a ripa haa cata tue te cawsaa tie ca Josef ing luo kha a cakuokhyi yi. 18Iema kha Josef ing luo ama cakuokhyi nakawta uvnu tie ca ama thlaa zang te, “A yikhanapa lieta ma chawkue lie malie ama pasuopa pakhaapa tuokaa kawlie kha tana ing chung luo hing malie amaa ngiekhyipa a cuo aa. Sii ta a ziy riypa hne ma laa zaw chuv diy riypata ma cunglie bie ama tue'a tli hing haw!” amaa ta. 19Caacuonakawta Josef ing lie kingkaatuv ing luo kha cakuo yi te a ing luo a ngienapa lie kha ama hneta bie amaa rue. 20Iema ca ta, “Vya, ma byipaapa, sa calyi riypata yi kha maa zuv mangtli. 21Arina hmang luo ma chiy tiyta, ma chawkue kha ma pahaw ca, ma chawkue daw lie kha ma tuokaa cyicuo ca a tlingsa pata a aw kaluo. Caacuonakawta capa tuokaa ca ma za phyale pakhaa. 22Ca hlyitaw taata sa calyina riypa zaw kha tuokaa a hlyi ta maa zaa phya. Ahungma ma chawkue lie tuokaa a pasuo tapa kha pachang vapuv,” ama ta. 23Ama ta, “Nama thlaa zang khah se, ciy khah ung; nama Khazing hne nama paa Khazing na tuokaa kha nama chawkue lie caa pasuopa yi; sa muo tuokaa kha a tling pata i hmung,” a ta yi. Cakhutaata Simeon kha iema'a luo a kya pyakhyi. 24Kingkaatuv ta iema ca Josef ing chung luo kha aa ngiekhyi yi. Tiy kha pi yi te ama phyi kha amaa siy. Ama laa kha a la a pi yi. 25Ningchung ta Josef aa vaw thue pi riypata ama lasaw kha ama pachie pacie, tahematapakieca capa lie ca na sa ma ning aa tapa kha ama pachang. 26Josef kha ing luo a vya chiy tiyta, ing chung luo ama vya cyipa lasaw kha pi yi te a hmiekunglie kha amaa bung. 27Ama thuohlaa kha khie yi te, “A kaw ina changpa ung ciy nama paa, macuopa ca a tluo ma? A hring kalie ma?” a ta yi. 28Iema ta, “Na changtaapa, ma paa ca a tluo; a hring kalie,” ama ta. A bung yi te pa-uvsathyina ama pi. 29Cakhutaa cata hmiehmie pase te a nung sacapaa, a nuta Benjamin kha a hmung ca, “A kaw ina changpa ung ciy nama nuta a syi cepa ca ama hingta ma a cuo? I sacapaa, Khazing ta vi ca hnyi thi se!” a ta. 30Cakhutaata Josef ca a catlisa pata a cakuo, tahematapakieca a nuta kawlieta a palung a kya panu. Caacuonakawta a khuo luo kha a ngie te a caa. 31Cakhutaata a hmie kha a siy te a kya pya; khaapahmuo a ta lipa haa khata a pa-aw sa te, “Sa ca pachie tie ung,” a ta. 32Josef cuota a nanang ta suv kha, a uvnu zaw cuota suv kha, ama'a lie a ning rapa Izipt ming cuota suv kha ta pata ama pachie. Tahematapakieca Izipt ming ca Hebru tie hneta sa ning pakhaw khing va yi, capa hmang ca ama pasiypa tana a cuo. 33Josef hmiekunglie kha ama patu tiyta, a uvthyi ce taata a syi ce te ta aa paziy pata ama patu sa. Uvcanu tie ca ama nang uosa pata pakha hne pakha kha amaa mang. 34Josef cabya taata ama savu cyicuo kha ama pi ca Benjamin cuvu ca a uvnu zaw pakha cyicuo laata le pangaa a hluv vie. Cahaacata ning yi dang yi te amaa nuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.