SAHRUOTHUNA 40
40
Thaw A Tlapa Pahning Tie Muo
1Capa khutaa cata a ru hluota mingsuvtiy pituv byi hne viechuo tuetuv byi tie ta ama byipaapa Izipt siepahruo kha a palung lu li pata ama aw. 2Faro ca mingsuvtiy pituv byi hne viechuo tuetuv abyi tie cunglie kha a hi haa te, 3Josef ama khungnapa thaw-ing, siepahruo ing a huotuv tie uvtuv riekabyi ing lie, thaw chunglie kha thaw a pathla yi. 4Thaw-ing byipa ca ta Josef kha iema re a hriepatuv riypata chi te thaw chunglie kha cuo pasiypuv ama aw pakhaw. 5Zuo kha ca Izipt siepahruo mingsuvtiy pituv byi hne viechuo tuetuv byi ca ama pahning ta siyluo a hnyipa muo ama sa kaluo. 6Maw ta Josef kha iema'a luo aa vaw ca ama hmiephya a pha lipa kha a hmung yi. 7Caacuonakawta a byipaapa ing thaw chunglie thaw a tlahnepa Faro abyi tie ca, “Khaapanakawma ataning hing nama hmiephya pha li pata nama aw?” a ta yi. 8Iema ta, “Muo sa pate na a siyluo malie a paliepa riypa aw li pata ama aw,” ama ta. Josef ta, “Muo palie khuna ca Khazing huopa tana a cuo cuo va ma? Nama muo ca na chang tie ung,” a ta yi.
9Caacuonakawta mingsuvtiy pituv byi ta Josef kha a muo ca a chang. “I muo lie ca i hmiekunglieta mingsuv kung suokha aw te, 10a ce suothung a aw. A hnaa a kya pakiy pahne ta a paa kya paa te a thyi kha a hming. 11Faro panuo kha i kuv lie aw te, mingsuv thyi kha la angte Faro panuo chunglie ca sue angte, panuo ca Faro kuv luo kha i pi,” a ta. 12Cakhutaata Josef ta, “A siyluo ca hing haa hing tana a cuo: a ce suothung ca ning thung tana a cuo; 13ning thung chunglie Faro ta ca papya'a te na re kha aca pi pakhaa aa; mingsuv pituv byi na za hrie ning na za tue tawpa haa khata Faro kuv luo kha mingsuv panuo na hluo pakhaa aa. 14Cahaacata na luo aa dang tiyta kama kha naa thyi thi la, hingpa hmang taa hingta ina papya riypata Faro kha na changpa thi mya,” a ta. 15Hmisi ta ripa kieca kama ca Hebru ming ruo taata paruvpa tana i cuo. Hingpa lie zaw hing thaw tlana riypa te ta i tuesuepa khaapahmuo aw vyi,” a ta.
16Viechuo tuetuv byi ta muo a pacuepa kha a phana luo tana a cuo tapa a hmung tiyta, Josef kyihuo khata, “Kama zaw muo suokha i sa ra: i luv cunglie viechuo pakhue suothung aw te, 17a cung ce luo ta a chuopa pakhue lie kha Faro huo chuore phangting ta a aw. Cuorasala i luv cung pakhue lie a awpa chuore bangkhuo kha pavaa ta ama ning diy,” a ta. 18Josef ta, “A siyluo ca hing haa hing tana a cuo: pakhue suothung ca ning thung ta a cuo; 19ning thung chunglieta Faro ta ca papya'a te, na luv kha ca te'a te atung cunglie ca pathlie'a te na saa kha pavaa zaw ta aca ning'a yi,” a ta.
20Ning thungnapa, Faro puvnapa ning kha a changtaapa zaw bangkhuo cuota pyi tue te, mingsuv pituv byi hne viechuo tuetuv byi kha a changtaapa zaw hmiekunglie ca a papya yi. 21Mingsuv pituv byi kha a re pi pakhaa te mingsuv panuo ca Faro kuv luo a pi; 22cuorasala viechuo pituv byi ca Josef ta a muo siyluo a pacuepa haa yi khata a rue lie khuhriy ta pa-uo te a pathlie. 23Mingsuv pituv byi ta Josef kha a thyi li tli pata a maw.
ទើបបានជ្រើសរើសហើយ៖
SAHRUOTHUNA 40: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 40
40
Thaw A Tlapa Pahning Tie Muo
1Capa khutaa cata a ru hluota mingsuvtiy pituv byi hne viechuo tuetuv byi tie ta ama byipaapa Izipt siepahruo kha a palung lu li pata ama aw. 2Faro ca mingsuvtiy pituv byi hne viechuo tuetuv abyi tie cunglie kha a hi haa te, 3Josef ama khungnapa thaw-ing, siepahruo ing a huotuv tie uvtuv riekabyi ing lie, thaw chunglie kha thaw a pathla yi. 4Thaw-ing byipa ca ta Josef kha iema re a hriepatuv riypata chi te thaw chunglie kha cuo pasiypuv ama aw pakhaw. 5Zuo kha ca Izipt siepahruo mingsuvtiy pituv byi hne viechuo tuetuv byi ca ama pahning ta siyluo a hnyipa muo ama sa kaluo. 6Maw ta Josef kha iema'a luo aa vaw ca ama hmiephya a pha lipa kha a hmung yi. 7Caacuonakawta a byipaapa ing thaw chunglie thaw a tlahnepa Faro abyi tie ca, “Khaapanakawma ataning hing nama hmiephya pha li pata nama aw?” a ta yi. 8Iema ta, “Muo sa pate na a siyluo malie a paliepa riypa aw li pata ama aw,” ama ta. Josef ta, “Muo palie khuna ca Khazing huopa tana a cuo cuo va ma? Nama muo ca na chang tie ung,” a ta yi.
9Caacuonakawta mingsuvtiy pituv byi ta Josef kha a muo ca a chang. “I muo lie ca i hmiekunglieta mingsuv kung suokha aw te, 10a ce suothung a aw. A hnaa a kya pakiy pahne ta a paa kya paa te a thyi kha a hming. 11Faro panuo kha i kuv lie aw te, mingsuv thyi kha la angte Faro panuo chunglie ca sue angte, panuo ca Faro kuv luo kha i pi,” a ta. 12Cakhutaata Josef ta, “A siyluo ca hing haa hing tana a cuo: a ce suothung ca ning thung tana a cuo; 13ning thung chunglie Faro ta ca papya'a te na re kha aca pi pakhaa aa; mingsuv pituv byi na za hrie ning na za tue tawpa haa khata Faro kuv luo kha mingsuv panuo na hluo pakhaa aa. 14Cahaacata na luo aa dang tiyta kama kha naa thyi thi la, hingpa hmang taa hingta ina papya riypata Faro kha na changpa thi mya,” a ta. 15Hmisi ta ripa kieca kama ca Hebru ming ruo taata paruvpa tana i cuo. Hingpa lie zaw hing thaw tlana riypa te ta i tuesuepa khaapahmuo aw vyi,” a ta.
16Viechuo tuetuv byi ta muo a pacuepa kha a phana luo tana a cuo tapa a hmung tiyta, Josef kyihuo khata, “Kama zaw muo suokha i sa ra: i luv cunglie viechuo pakhue suothung aw te, 17a cung ce luo ta a chuopa pakhue lie kha Faro huo chuore phangting ta a aw. Cuorasala i luv cung pakhue lie a awpa chuore bangkhuo kha pavaa ta ama ning diy,” a ta. 18Josef ta, “A siyluo ca hing haa hing tana a cuo: pakhue suothung ca ning thung ta a cuo; 19ning thung chunglieta Faro ta ca papya'a te, na luv kha ca te'a te atung cunglie ca pathlie'a te na saa kha pavaa zaw ta aca ning'a yi,” a ta.
20Ning thungnapa, Faro puvnapa ning kha a changtaapa zaw bangkhuo cuota pyi tue te, mingsuv pituv byi hne viechuo tuetuv byi kha a changtaapa zaw hmiekunglie ca a papya yi. 21Mingsuv pituv byi kha a re pi pakhaa te mingsuv panuo ca Faro kuv luo a pi; 22cuorasala viechuo pituv byi ca Josef ta a muo siyluo a pacuepa haa yi khata a rue lie khuhriy ta pa-uo te a pathlie. 23Mingsuv pituv byi ta Josef kha a thyi li tli pata a maw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.