SAHRUOTHUNA 39
39
Josef Hne Potifar Napuvnung
1Josef ca Izipt ruo luo kha sikhyi yi te, Siepahruo ing a huotuv tie uvtuv, Faro riekabyi, Izipt ming Potifar ta capa hmang luo zaa sikhyipa Ishmael ming'a lie kha a calyi. 2#Lct 7.9 Abyipa ta Josef ca awpuo te, a tuepa bangkhuo lie tena a hmunglepa pakha ta a vya cuo. Ama ca Izipt ming a byipaapa ing lie kha a aw. 3Abyipa ta awpuo te, a tuepa bangkhuo kha Abyipa ta tluo a patlingsa le tapa kha a byipaapa ta a hmung. 4Caacuonakawta Josef kha hmiephaa pi te a ing hne a hnyipa bangkhuo mangchiytuv ta a chi. 5A ing hne a hnyipa bangkhuo cunglie Josef kha mangchiytuv ta a chi ning taata Izipt cawsaapa ing ca Josef thue khata Abyipa ta thluechiy pi te, a ing, a lu hne a hnyipa bangkhuo cunglie kha Abyipa thluechiy a tlung. 6Caacuonakawta a hnyipa bangkhuo kha Josef kuv cunglieta chi diy te, a ningpa sa ta li pata ca khaapa kawlie hmuo a palung rie thyi vyi.
Josef ca a pangruepa phasa te a puvthepa pakha ta a cuo. 7Cuo kha khutaata a byipaapa napuvnung ta Josef kha tlechuo te, “Naa vya ziehne tie,” a ta. 8Cuorasala bu te, a byipaapa napuvnung kyihuo khata, “Kama i aw nakawta ing chunglie a awpa khaapa kawlie hingta hmuo i byipaapa a palung rie thyi vyi, a hnyipa bangkhuo kha i kuv chunglieta a chi diy. 9Hingpa ing chunglie hing ama tluv ta naw hnyi angte, a napuv nama ta li pata ca i cuota a pahya lipa aw vyi. Tuokhaatama hing tluv ta a lepa pha lina ca tue'a angte Khazing hmiekunglie i sue aa?” a ta. 10Ning kha hnang ning kha ta a ripasa pari raalaa pata ama hne a ziehne riypa hne awhne riypa kha a palung tling buo vyi. 11Cuorasala ning kha ca Josef kha re hrie riypata ing chung luo aa ngie pata, pakha hmuo ing chunglie ama aw li chung ta, 12a buohryi ta vya patuv te, “Naa ziehne tie!” a ta. Cuorasala Josef ta a buohryi kha a kuv chunglie thuse te ale luo aa ruo. 13A buohryi kha a kuv chunglie thuse te aa ruopa kha a hmung tiyta, 14a ingchungkhue cawsaa tie kha ku yi te, “Mang tie ung, malie a ese riypata hingpa Hebrupa hing i navaapa ta a vya chiykhyi hing! Kama kha a ziekhyi riypata zaa ngie tena khuosa ta i khi. 15I ue pachiy angte i khipa kha a thyi tiyta i thaalie a buohryi thuse te ale luo aa ruo,” a ta. 16A byipaapa a vya chiyna te ta a buohryi kha aa thaalie a chi. 17A ri ciepa haa khata, “Kiema'a luo na vya chiykhyipa sii, Hebrupa khana i thuo pachi riypata i khuo chung luo naa ngie chiy; 18cuorasala khuosa ta i khi pahne ta a buohryi hing i thaalie chi siy te ale luo aa ruo,” a ta.
19A byipaapa ca a napuvnung ta, “Na siipaapa na cahaacata naa tue,” ta pata a napuvnung a changpa bie kha a thyi ca a hi a haa suesaa. 20Caacuonakawta a byipaapa ta Josef ca patuv sa yi te, siepahruo ta thaw a pathlapa tie a ma khungnapa lie kha thaw pathla te capa lie ca a aw. 21#Lct 7.9 Cuorasala Abyipa ta Josef kha awpuo te aa hmangpa a duena ta a due nakawta, thaw-ing uvtuv hmielie kha hmiephaa a pahmung sa. 22Thaw-ing uvtuv ca ta thaw-ing lie a awpa thaw a tlapa bangkhuo kha Josef kuv cung luo kha pi te, thaw-ing lie khaapa hmang ama tue zawta Josef ta a patung a paphyi diy. 23Josef ta a hriepa bangkhuo ca thaw-ing uvtuv ta mangpakhaa a hu va tli, tahematapakieca Abyipa ta awpuo te a tuepa hmang bangkhuo kha tluo a tling nakawta a cuo.
ទើបបានជ្រើសរើសហើយ៖
SAHRUOTHUNA 39: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 39
39
Josef Hne Potifar Napuvnung
1Josef ca Izipt ruo luo kha sikhyi yi te, Siepahruo ing a huotuv tie uvtuv, Faro riekabyi, Izipt ming Potifar ta capa hmang luo zaa sikhyipa Ishmael ming'a lie kha a calyi. 2#Lct 7.9 Abyipa ta Josef ca awpuo te, a tuepa bangkhuo lie tena a hmunglepa pakha ta a vya cuo. Ama ca Izipt ming a byipaapa ing lie kha a aw. 3Abyipa ta awpuo te, a tuepa bangkhuo kha Abyipa ta tluo a patlingsa le tapa kha a byipaapa ta a hmung. 4Caacuonakawta Josef kha hmiephaa pi te a ing hne a hnyipa bangkhuo mangchiytuv ta a chi. 5A ing hne a hnyipa bangkhuo cunglie Josef kha mangchiytuv ta a chi ning taata Izipt cawsaapa ing ca Josef thue khata Abyipa ta thluechiy pi te, a ing, a lu hne a hnyipa bangkhuo cunglie kha Abyipa thluechiy a tlung. 6Caacuonakawta a hnyipa bangkhuo kha Josef kuv cunglieta chi diy te, a ningpa sa ta li pata ca khaapa kawlie hmuo a palung rie thyi vyi.
Josef ca a pangruepa phasa te a puvthepa pakha ta a cuo. 7Cuo kha khutaata a byipaapa napuvnung ta Josef kha tlechuo te, “Naa vya ziehne tie,” a ta. 8Cuorasala bu te, a byipaapa napuvnung kyihuo khata, “Kama i aw nakawta ing chunglie a awpa khaapa kawlie hingta hmuo i byipaapa a palung rie thyi vyi, a hnyipa bangkhuo kha i kuv chunglieta a chi diy. 9Hingpa ing chunglie hing ama tluv ta naw hnyi angte, a napuv nama ta li pata ca i cuota a pahya lipa aw vyi. Tuokhaatama hing tluv ta a lepa pha lina ca tue'a angte Khazing hmiekunglie i sue aa?” a ta. 10Ning kha hnang ning kha ta a ripasa pari raalaa pata ama hne a ziehne riypa hne awhne riypa kha a palung tling buo vyi. 11Cuorasala ning kha ca Josef kha re hrie riypata ing chung luo aa ngie pata, pakha hmuo ing chunglie ama aw li chung ta, 12a buohryi ta vya patuv te, “Naa ziehne tie!” a ta. Cuorasala Josef ta a buohryi kha a kuv chunglie thuse te ale luo aa ruo. 13A buohryi kha a kuv chunglie thuse te aa ruopa kha a hmung tiyta, 14a ingchungkhue cawsaa tie kha ku yi te, “Mang tie ung, malie a ese riypata hingpa Hebrupa hing i navaapa ta a vya chiykhyi hing! Kama kha a ziekhyi riypata zaa ngie tena khuosa ta i khi. 15I ue pachiy angte i khipa kha a thyi tiyta i thaalie a buohryi thuse te ale luo aa ruo,” a ta. 16A byipaapa a vya chiyna te ta a buohryi kha aa thaalie a chi. 17A ri ciepa haa khata, “Kiema'a luo na vya chiykhyipa sii, Hebrupa khana i thuo pachi riypata i khuo chung luo naa ngie chiy; 18cuorasala khuosa ta i khi pahne ta a buohryi hing i thaalie chi siy te ale luo aa ruo,” a ta.
19A byipaapa ca a napuvnung ta, “Na siipaapa na cahaacata naa tue,” ta pata a napuvnung a changpa bie kha a thyi ca a hi a haa suesaa. 20Caacuonakawta a byipaapa ta Josef ca patuv sa yi te, siepahruo ta thaw a pathlapa tie a ma khungnapa lie kha thaw pathla te capa lie ca a aw. 21#Lct 7.9 Cuorasala Abyipa ta Josef kha awpuo te aa hmangpa a duena ta a due nakawta, thaw-ing uvtuv hmielie kha hmiephaa a pahmung sa. 22Thaw-ing uvtuv ca ta thaw-ing lie a awpa thaw a tlapa bangkhuo kha Josef kuv cung luo kha pi te, thaw-ing lie khaapa hmang ama tue zawta Josef ta a patung a paphyi diy. 23Josef ta a hriepa bangkhuo ca thaw-ing uvtuv ta mangpakhaa a hu va tli, tahematapakieca Abyipa ta awpuo te a tuepa hmang bangkhuo kha tluo a tling nakawta a cuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.