SAHRUOTHUNA 41
41
Josef Ta Faro Muo A Pali
1Kung hning khutaata Faro ta muo sa te, a muo ca ta Nail cavaa kielie kha aa daa. 2Nail cavaa chung taa cata a thusapa cue sasariy kya pya te cavaa kie aphuv hrawlie kha ama tle. 3Cakhutaa cata iema hnang taa khata a zuekaripa cue sasariy Nail cavaa chung taa cata kya pya ra yi te, cavaa kielie cue hrangpa tie athaalie kha amaa daa. 4A zuekaripa cue sasariy tie ca ta a thusapa cue sasariy tie kha ama ce diy. Cakhutaa cata Faro ca aa kya cha. 5A hmung pakhaa te a suohningnapa muo a sa pakhaa. Suo kung kung kha taata a patasapa sa-uv suosariy a kya pya. 6Ningchiy thliy ta a parapa a siykarepa sa-uv suosariy zaw kha iema hnang taa cata a kya pya ra. 7A siykarepa sa-uv suosariy ca ta a patasapa sa-uv suosariy ca a paluo diy yi. Faro kha aa kya cha ca a muo ta a cuo. 8#Dan 2.2 Mawluo maw ca a palung a nuo li pata Izipt ruo chunglie pacuo a thepa bangkhuo kha a paku sa diy yi. Faro ta a muo kha a chang yi, cuorasala a muo siyluo a pali khupa pakha hmuo aw va yi.
9Cakhutaa cata mingsuv pituv byi ta Faro kyihuo khata, “Ataning hing i suenapa na i thyi. 10Luo kha ning, na changtaapa zaw cunglie na hi a za haa ningta, kama hne viechuo tuetuv byi kha siepahruo ing a huotuv tie uvtuv riekabyi ing, thaw chunglie malie na pathla. 11Ama hne kama hneta zuo kha chunglie muo sa pate, ma muo ca ama cyicuo ta siyluo ama hnyi kaluo. 12Siepahruo ing a huotuv tie uvtuv riekabyi changtaapa, Hebru mingnuta pakha kha kiema hne a aw ra. Ama kha ma chang tiyta, ma muo kha malie palipa te, ma muo cyicuo khata a siyluo malie a chang. 13Malie a palipapa haa khata a vya cuo hmisi; kama ca i re tawpa kha pahrie sa pakhaa pata cuo angte, viechuo pituv byi ca pathliesa pata a cuo,” a ta.
14Cakhutaata Faro ta Josef kha va paku sa yi te, ama ca thaw chung taa khata a catlisa pata ama papya. A hmyahming a ngu te caw aa thle khu pahne ta Faro hmiekung luo kha aa vaw. 15Faro ta Josef kha, “Muo suokha sa angte ahunghmuo na palipa khu va yi. Nama ca muo a siyluo na a pali khu ta pata na ica thyi,” a ta. 16Josef ta Faro kyihuo khata, “Kama cuo li pata Khazing ta Faro kha khing aa chiypa siyluo aca chang aa,” a ta. 17Cakhutaata Faro ta Josef kha, “I muo ta Nail cavaa kielie i daa. 18A thusapa cue sasariy kha Nail cavaa chungtaata kya pya te cavaa kielie kha ama tle. 19Cakhutaa cata a zuekaripa cuo sasariy kha iema hnang taa cata a kya pya. Izipt ruo chung bangkhuo lie hing cahaacata a zuepa hne a chiepa cue ca hmung buo va ang. 20A zuekaripa cue tie ca ta a thusapa cue sasariy ca a ce diy. 21Cuorasala ama ce diy khutaa zaw khata a hluo haa khata ama zuekari thluo nakawta, ama ce diy, tapa kha ahungtahmuo pachang'a va yi. Cakhutaa cata i kya cha. 22A hmung pakhaa angte, i muo cata a patasapa sa-uv suosariy kha suo kung suokha taata a kya pyapa kha i hmung. 23Ningchiy thliy ta a parapa, a siykarepa sa-uv suosariy zaw kha iema hnang taa cata a kya pya ra. 24A siykarepa sa-uv suosariy ca ta a patasapa sa-uv suosariy ca ama paluo diy. Pacuo a thepa tie kha i chang raalaa pa yi ta, a siyluo naa chang khupa ahunghmuo aw va yi,” a ta.
25Cakhutaata Josef ta Faro kha, “Faro na muo zaw hing aa lupa hne suokha tana a cuo; Khazing na a tue riypa hmang kha caa pahmung sa. 26A thusapa cue sasariy ca kung sariy ta cuo te, a patasapa sa-uv suosariy zaw ca kung sariy ta a cuo; na muo hing suokha tana a cuo. 27Iema hnang taata a kya pyapa, a zuekaripa cue sasariy hing kung sariy ta cuo te, cahaacata ningchiy thliy ta a parapa a siykarepa sa-uv suosariy ca kung sariy ta a cuo ra. 28Faro kha ica chang tlipa haata; Khazing na Faro kha a tue khingpa hmang caa chang. 29Izipt ruo chung bangkhuo lie hing kungvyi kung kung sariy a tlung aa. 30Cakhutaa cata cakuo kung sariy tlung'a te, Izipt ruo chunglie kungvyisana kung bangkhuo kha maw pata a cuo aa. Cakuo kha ta ruo kha a para aa. 31A vya paziy riypa cakuo ca a ruv tuv hringhruo nakawta kungvyi kung kha ruo chung bangkhuo lie maw diy pata a cuo aa. 32Faro ta yi hning te muo na sapa hing, Khazing ta hingpa hmang hing pacusa tli te, a vya patlung sa patang aa tanapa tana a cuo. 33Caacuonakawta Faro ta thleduo khuna a hnyipa hne a singpa cawsaa pakha kha a tlaw la, Izipt ruo bangkhuo hrievu a hnyituv ta chi tie. 34Re mangpatuv tie zaw kha hrievu pi vie yi la, kungvyisana kung kung sariy chunglie a vyipa sa che pangaa lie che kha kha pahmya yi se. 35A vaw riypa kungvyisana kung chunglieta sa bangkhuo kha pahmya yi sala, Faro nawhnyina rawlie kha khypuv chunglie kha sa ca papung yi sala mangchiy yi se. 36Capa sa ca Izipt ruo chung bangkhuo lie kung sariy chung a vya tlung riypa cakuo kung chung cuota pacung paciepa cuo'a te, cakuo chung bangkhuo ruo kha ra'a vyi,” a ta.
Josef Uvtuv Cuonapa
37Josef chiykhyipa bie ta Faro hne a changtaapa bangkhuo kha ama palung a patluo yi. 38Faro ta a changtaapa tie kha, “Khazing Thlaapa ta a awpuopa hingpa paa haapa hing khaapaliema ma hmung khu aa,” a ta. 39Caacuonakawta Faro ta Josef kha, “Khazing ta hingpa bangkhuo hing aca pahmung sa tli, ahung pakha hmuo nama haata thleduo khuna a hnyipa hne a singpa aw va yi. 40#Lct 7.10 Nama hing i siepahruo ing uvtuv ta cuo'a cate, nama naw pina haata i cawsaa zaw ta ama hrie aa; i siepahruo thude kawlie dyi hingna nama laata i lesyi vie aa,” a ta. 41Cakhutaata Faro ta Josef kha, “Mang tie, Nama kha Izipt ruo bangkhuo uv riypata ica chi tli,” a ta. 42#Dan 5.29 Faro ta a caakhenapa kuvpahryi kha thlie te Josef kuv lie kha a pahryi. Cawthang phapa kha pahryi te a rue lie kha siy pachiy a pa-ya. 43Siepahruo a tuna a paziypa aruole kha pakhang sa te, a hmieluo khata, “A bung ung,” ta pata ama khile. Cahaacata Josef ca Izipt ruo bangkhuo uvtuv ta a chi. 44Ca hlyitaw taata Faro ta Josef kha, “Kama ca Faro ta i cuo, nama ri ta ta li pata Izipt ruo chunglie hing ahunghmuo a kuv caba pata a phyi calang khu'a vyi,” a ta. 45Faro ta Josef ca, Zafenath-paneah ta pata ming a paphya; a napuv riypata On tluobyipa Potifera sacanung Asenath kha a pi. Cahaacata Josef ca Izipt ruo chung bangkhuo cunglie kha naw a hnyi.
46Izipt siepahruo Faro re hrie riypata aa pathu ning kha Josef ca kung sawthung na a ta. Josef ca Faro hmiekung taa khata pya te Izipt ruo chung bangkhuo kha a tlaw. 47Kungvyisana kung sariy chunglie kha alyi ta khuopuv ta kung a pavyi. 48Izipt ruo chunglie kungvyisana kung sariy chunglie a vyipa sa bangkhuo kha pahmya te khypuv zaw chunglie kha a pacung. Khypuv bangkhuo lie kha a cahriy cyicuo lie a awpa lu taa khata sa kha a pacungle. 49Josef ca riyliy lie viehnang zaa khata sa ca pacung te, panang khu a aw li tli nakawta panang va tli yi.
50Cakuo a tlung hluota Josef ca On tluobyipa Potifera sacanung Asenath hneta sacapaa pahning ama hnyi. 51Josef ta, “Khazing ta i te-angna bangkhuo hne i paa ing zaw ina pamaw sa tli,” ta te a sacapaa uvthyi ca Manasseh ta pata ming a sa. 52“Khazing na i ruvnaasanapa hmang lie naa papungzaa sa ta te, a pahningnapa kha Efraim ta pata ming a sa.
53Josef a ripa haata, Izipt ruo chunglie kungvyisana kung sariy ca vya chuo te 54#Lct 7.11 cakuo kung sariy ca aa pathu, cuorasala Izipt ruo chung bangkhuo lieta sa a aw. 55#Jhn 2.5 Izipt ruo chung bangkhuo ta cakuo a tlung tiyta, cawsaa ta Faro'a luo kha sa amaa vya hie. Faro ta Izipt ming bangkhuo kyihuo khata, “Josef'a luo kha vaa ung la, tue ung la aca tapa yi kha tue tie ung,” a ta yi. 56Cakuo ca ruo chung bangkhuo lie a tlung tiyta, Josef ta sa-ing bangkhuo kha pahaw te Izipt ming kha a zaa yi, tahematapakieca Izipt ruo chunglie cakuo ca a pasa hringhruo. 57Ca hlyitaw taata, cakuo ca chuelyi khyzaa lie khuosa ta a tlung ra nakawta chuelyi khyzaa taata Izipt ruo Josef'a luo kha sa calyi riypata ama vya pangie.
ទើបបានជ្រើសរើសហើយ៖
SAHRUOTHUNA 41: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 41
41
Josef Ta Faro Muo A Pali
1Kung hning khutaata Faro ta muo sa te, a muo ca ta Nail cavaa kielie kha aa daa. 2Nail cavaa chung taa cata a thusapa cue sasariy kya pya te cavaa kie aphuv hrawlie kha ama tle. 3Cakhutaa cata iema hnang taa khata a zuekaripa cue sasariy Nail cavaa chung taa cata kya pya ra yi te, cavaa kielie cue hrangpa tie athaalie kha amaa daa. 4A zuekaripa cue sasariy tie ca ta a thusapa cue sasariy tie kha ama ce diy. Cakhutaa cata Faro ca aa kya cha. 5A hmung pakhaa te a suohningnapa muo a sa pakhaa. Suo kung kung kha taata a patasapa sa-uv suosariy a kya pya. 6Ningchiy thliy ta a parapa a siykarepa sa-uv suosariy zaw kha iema hnang taa cata a kya pya ra. 7A siykarepa sa-uv suosariy ca ta a patasapa sa-uv suosariy ca a paluo diy yi. Faro kha aa kya cha ca a muo ta a cuo. 8#Dan 2.2 Mawluo maw ca a palung a nuo li pata Izipt ruo chunglie pacuo a thepa bangkhuo kha a paku sa diy yi. Faro ta a muo kha a chang yi, cuorasala a muo siyluo a pali khupa pakha hmuo aw va yi.
9Cakhutaa cata mingsuv pituv byi ta Faro kyihuo khata, “Ataning hing i suenapa na i thyi. 10Luo kha ning, na changtaapa zaw cunglie na hi a za haa ningta, kama hne viechuo tuetuv byi kha siepahruo ing a huotuv tie uvtuv riekabyi ing, thaw chunglie malie na pathla. 11Ama hne kama hneta zuo kha chunglie muo sa pate, ma muo ca ama cyicuo ta siyluo ama hnyi kaluo. 12Siepahruo ing a huotuv tie uvtuv riekabyi changtaapa, Hebru mingnuta pakha kha kiema hne a aw ra. Ama kha ma chang tiyta, ma muo kha malie palipa te, ma muo cyicuo khata a siyluo malie a chang. 13Malie a palipapa haa khata a vya cuo hmisi; kama ca i re tawpa kha pahrie sa pakhaa pata cuo angte, viechuo pituv byi ca pathliesa pata a cuo,” a ta.
14Cakhutaata Faro ta Josef kha va paku sa yi te, ama ca thaw chung taa khata a catlisa pata ama papya. A hmyahming a ngu te caw aa thle khu pahne ta Faro hmiekung luo kha aa vaw. 15Faro ta Josef kha, “Muo suokha sa angte ahunghmuo na palipa khu va yi. Nama ca muo a siyluo na a pali khu ta pata na ica thyi,” a ta. 16Josef ta Faro kyihuo khata, “Kama cuo li pata Khazing ta Faro kha khing aa chiypa siyluo aca chang aa,” a ta. 17Cakhutaata Faro ta Josef kha, “I muo ta Nail cavaa kielie i daa. 18A thusapa cue sasariy kha Nail cavaa chungtaata kya pya te cavaa kielie kha ama tle. 19Cakhutaa cata a zuekaripa cuo sasariy kha iema hnang taa cata a kya pya. Izipt ruo chung bangkhuo lie hing cahaacata a zuepa hne a chiepa cue ca hmung buo va ang. 20A zuekaripa cue tie ca ta a thusapa cue sasariy ca a ce diy. 21Cuorasala ama ce diy khutaa zaw khata a hluo haa khata ama zuekari thluo nakawta, ama ce diy, tapa kha ahungtahmuo pachang'a va yi. Cakhutaa cata i kya cha. 22A hmung pakhaa angte, i muo cata a patasapa sa-uv suosariy kha suo kung suokha taata a kya pyapa kha i hmung. 23Ningchiy thliy ta a parapa, a siykarepa sa-uv suosariy zaw kha iema hnang taa cata a kya pya ra. 24A siykarepa sa-uv suosariy ca ta a patasapa sa-uv suosariy ca ama paluo diy. Pacuo a thepa tie kha i chang raalaa pa yi ta, a siyluo naa chang khupa ahunghmuo aw va yi,” a ta.
25Cakhutaata Josef ta Faro kha, “Faro na muo zaw hing aa lupa hne suokha tana a cuo; Khazing na a tue riypa hmang kha caa pahmung sa. 26A thusapa cue sasariy ca kung sariy ta cuo te, a patasapa sa-uv suosariy zaw ca kung sariy ta a cuo; na muo hing suokha tana a cuo. 27Iema hnang taata a kya pyapa, a zuekaripa cue sasariy hing kung sariy ta cuo te, cahaacata ningchiy thliy ta a parapa a siykarepa sa-uv suosariy ca kung sariy ta a cuo ra. 28Faro kha ica chang tlipa haata; Khazing na Faro kha a tue khingpa hmang caa chang. 29Izipt ruo chung bangkhuo lie hing kungvyi kung kung sariy a tlung aa. 30Cakhutaa cata cakuo kung sariy tlung'a te, Izipt ruo chunglie kungvyisana kung bangkhuo kha maw pata a cuo aa. Cakuo kha ta ruo kha a para aa. 31A vya paziy riypa cakuo ca a ruv tuv hringhruo nakawta kungvyi kung kha ruo chung bangkhuo lie maw diy pata a cuo aa. 32Faro ta yi hning te muo na sapa hing, Khazing ta hingpa hmang hing pacusa tli te, a vya patlung sa patang aa tanapa tana a cuo. 33Caacuonakawta Faro ta thleduo khuna a hnyipa hne a singpa cawsaa pakha kha a tlaw la, Izipt ruo bangkhuo hrievu a hnyituv ta chi tie. 34Re mangpatuv tie zaw kha hrievu pi vie yi la, kungvyisana kung kung sariy chunglie a vyipa sa che pangaa lie che kha kha pahmya yi se. 35A vaw riypa kungvyisana kung chunglieta sa bangkhuo kha pahmya yi sala, Faro nawhnyina rawlie kha khypuv chunglie kha sa ca papung yi sala mangchiy yi se. 36Capa sa ca Izipt ruo chung bangkhuo lie kung sariy chung a vya tlung riypa cakuo kung chung cuota pacung paciepa cuo'a te, cakuo chung bangkhuo ruo kha ra'a vyi,” a ta.
Josef Uvtuv Cuonapa
37Josef chiykhyipa bie ta Faro hne a changtaapa bangkhuo kha ama palung a patluo yi. 38Faro ta a changtaapa tie kha, “Khazing Thlaapa ta a awpuopa hingpa paa haapa hing khaapaliema ma hmung khu aa,” a ta. 39Caacuonakawta Faro ta Josef kha, “Khazing ta hingpa bangkhuo hing aca pahmung sa tli, ahung pakha hmuo nama haata thleduo khuna a hnyipa hne a singpa aw va yi. 40#Lct 7.10 Nama hing i siepahruo ing uvtuv ta cuo'a cate, nama naw pina haata i cawsaa zaw ta ama hrie aa; i siepahruo thude kawlie dyi hingna nama laata i lesyi vie aa,” a ta. 41Cakhutaata Faro ta Josef kha, “Mang tie, Nama kha Izipt ruo bangkhuo uv riypata ica chi tli,” a ta. 42#Dan 5.29 Faro ta a caakhenapa kuvpahryi kha thlie te Josef kuv lie kha a pahryi. Cawthang phapa kha pahryi te a rue lie kha siy pachiy a pa-ya. 43Siepahruo a tuna a paziypa aruole kha pakhang sa te, a hmieluo khata, “A bung ung,” ta pata ama khile. Cahaacata Josef ca Izipt ruo bangkhuo uvtuv ta a chi. 44Ca hlyitaw taata Faro ta Josef kha, “Kama ca Faro ta i cuo, nama ri ta ta li pata Izipt ruo chunglie hing ahunghmuo a kuv caba pata a phyi calang khu'a vyi,” a ta. 45Faro ta Josef ca, Zafenath-paneah ta pata ming a paphya; a napuv riypata On tluobyipa Potifera sacanung Asenath kha a pi. Cahaacata Josef ca Izipt ruo chung bangkhuo cunglie kha naw a hnyi.
46Izipt siepahruo Faro re hrie riypata aa pathu ning kha Josef ca kung sawthung na a ta. Josef ca Faro hmiekung taa khata pya te Izipt ruo chung bangkhuo kha a tlaw. 47Kungvyisana kung sariy chunglie kha alyi ta khuopuv ta kung a pavyi. 48Izipt ruo chunglie kungvyisana kung sariy chunglie a vyipa sa bangkhuo kha pahmya te khypuv zaw chunglie kha a pacung. Khypuv bangkhuo lie kha a cahriy cyicuo lie a awpa lu taa khata sa kha a pacungle. 49Josef ca riyliy lie viehnang zaa khata sa ca pacung te, panang khu a aw li tli nakawta panang va tli yi.
50Cakuo a tlung hluota Josef ca On tluobyipa Potifera sacanung Asenath hneta sacapaa pahning ama hnyi. 51Josef ta, “Khazing ta i te-angna bangkhuo hne i paa ing zaw ina pamaw sa tli,” ta te a sacapaa uvthyi ca Manasseh ta pata ming a sa. 52“Khazing na i ruvnaasanapa hmang lie naa papungzaa sa ta te, a pahningnapa kha Efraim ta pata ming a sa.
53Josef a ripa haata, Izipt ruo chunglie kungvyisana kung sariy ca vya chuo te 54#Lct 7.11 cakuo kung sariy ca aa pathu, cuorasala Izipt ruo chung bangkhuo lieta sa a aw. 55#Jhn 2.5 Izipt ruo chung bangkhuo ta cakuo a tlung tiyta, cawsaa ta Faro'a luo kha sa amaa vya hie. Faro ta Izipt ming bangkhuo kyihuo khata, “Josef'a luo kha vaa ung la, tue ung la aca tapa yi kha tue tie ung,” a ta yi. 56Cakuo ca ruo chung bangkhuo lie a tlung tiyta, Josef ta sa-ing bangkhuo kha pahaw te Izipt ming kha a zaa yi, tahematapakieca Izipt ruo chunglie cakuo ca a pasa hringhruo. 57Ca hlyitaw taata, cakuo ca chuelyi khyzaa lie khuosa ta a tlung ra nakawta chuelyi khyzaa taata Izipt ruo Josef'a luo kha sa calyi riypata ama vya pangie.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.