SAHRUOTHUNA 36
36
Esau Ciypathla Zaw
(1Chr 1.34-37)
1Esau (Edom ama tapa) ciypathla zaw ca hingpa zaw hing tana ama cuo. 2#Sah 26.34 Esau ca Kanaan zaanung zaw kha napuv ta a chiy yi. Hit ming Elon sacanung Adah, Hiv ming Zibeon sacapaa Anah sacanung Oholibamah, 3#Sah 28.9 hne Ishmael sacanung Nebaioth sietanung Basemath zaw ta ama cuo. 4Adah ta Elifaz kha a sa; Basemath ta Reuel kha a sa; 5Oholibamah ta Jeush, Jalam, hne Korah kha a sa yi. Hingpa tie hing Esau ta Kanaan ruo lie a sapa sacapaa zaw ta ama cuo.
6Cakhutaata Esau ta a napuv zaw, a sacapaa zaw, a sacanung zaw hne a ingchungkhue cawsaa zaw, a cue hne a sahring bangkhuo, Kanaan ruo chunglie a hnyipa chechiy bangkhuo kha la te a nuta Jakob'a taata a cawta aa hlanapa hmang luo kha aa palaw. 7Tahematapakieca ama hnyipa kha a hluv tuv nakawta awhne the aw va tli; ama sahring zaw kha a hluv tuv tli nakawta ama awnapa ruo lie kha a tlaw va tli yi. 8Caacuonakawta Esau ca tluocung ruo ta a cuopa Seir lie kha khy a sa. Esau ca Edom ta a cuo.
9Seir tluocung ruo lieta Edom ming a pathlatuv Esau ciypathla zaw ca hingpa zaw hing tana ama cuo. 10Esau sacapaa zaw ming ca hingpa zaw hing tana ama cuo: Esau napuvnung Adah sacapaa Elifaz, Esau napuvnung Basemath sacapaa Reuel zaw ta ama cuo. 11Elifaz sacapaa zaw ca Teman, Omar, Zefo, Gatam, hne Kenaz zaw ta ama cuo. 12(Timna ca Esau sacapaa Elifaz nungthangnung ta cuo te, ama ta Amalek a sa). Hingpa zaw hing Esau napuvnung Adah sacapaa zaw ta ama cuo. 13Reuel sacapaa zaw ca hingpa zaw hing tana ama cuo: Nahath, Zerah, Shammah, hne Mizzah. Esau napuvnung Basemath sacapaa zaw ca hingpa zaw hingta ama cuo. 14Zibeon sacapaa Anah sacanung, Esau napuvnung Oholibamah sacapaa zaw ca hingpa zaw hingta ama cuo. Ama ta Esau kha Jeush, Jalam, hne Korah zaw kha a sapa yi.
Edom Ciypathla Hne Siepahruo Tie
15Esau sacapaa zaw ciypathla tie ca hingpa zaw hing tana ama cuo. Esau sacapaa uvthyi Elifaz sacapaa zaw ca: Teman, Omar, Zefo, Kenaz, 16Korah, Gatam, hne Amalek zaw ta cuo yi te Edom ruo lie Elifaz ciypathla zaw ta ama cuo. 17Esau sacapaa Reuel sacapaa zaw ca: Nahath, Zerah, Shammah, hne Mizzah zaw ta cuo yi te Edom ruo lie Reuel ciypathla zaw ta ama cuo. 18Esau napuvnung Oholibamah sacapaa zaw ca: Jeush, Jalam, hne Korah zaw ta cuo yi te, Anah sacanung, Esau napuvnung Oholibamah ta a sapa tie ciypathlatuv zaw ta ama cuo. 19Hingpa zaw hing Esau (Edom ama tapa) sacapaa zaw hne ama ciypathla zaw ta ama cuo.
20Capa ruo lie a awpa Hor ming Seir sacapaa zaw ca: Lotan, Shobal, Zibeon, Anah, 21Dishon, Ezer, hne Dishan zaw ta ama cuo. Edom ruo lie a awpa Seir sacapaa zaw ta cuo yi te Hor mingphang ciypathlatuv zaw ta ama cuo. 22Lotan sacapaa zaw ca Hori hne Heman ta cuo yi te Lotan sietanung ca Timna ta a cuo. 23Shobal sacapaa zaw ca: Alvan, Manahath, Ebal, Shefo, hne Onam zaw ta ama cuo. 24Zibeon sacapaa zaw ca: Aiah hne Anah ta cuo yi te Anah ca a paa laa a khiepa ta ruocaapa lie acaa a hmungpa kha tana a cuo. 25Anah saata zaw ca Dishon hne Oholibamah zaw ta ama cuo. 26Dishon sacapaa zaw ca: Hemdan, Eshban, Ithran, hne Cheran zaw ta ama cuo. 27Ezer sacapaa zaw ca: Bilhan, Zaavan, hne Akan ta ama cuo. 28Dishan sacapaa zaw ca: Uz hne Aran ta ama cuo. 29Hor mingphang ciypathlatuv zaw ca: Lotan, Shobal, Zibeon, Anah, 30Dishon, Ezer, hne Dishan zaw hingta ama cuo. Seir ruo lie a chung a chung ta Hor ming ciypathlatuv zaw ca hingpa tie hing tana ama cuo.
31Israel ming cunglie ahunghmuo siepahruo ama cuo hluota Edom lie siepahruo zaa cuopa tie ca hingpa zaw hing tana ama cuo. 32Beor sacapaa Bela ca Edom lieta siepahruo za cuo te a khypuv ca Dinhabah ta a cuo. 33Bela a thiy khutaata Bozrah ming Zerah sacapaa Jobab ta a thle te siepahruo a cuo. 34Jobab a thiy khutaata Teman ming ruo lie a awpa Husham ta a thle te siepahruo a cuo. 35Husham a thiy khutaata Moab ruo lieta Midian ming zaa tetuv Bedad sacapaa Hadad ta a thle te siepahruo cuo te, a khypuv ming ca Avith ta a za cuo. 36Hadad a thiy khutaata Masrekah ming Samlah ta a thle te siepahruo a cuo. 37Samlah a thiy khutaata Zufrates cavaa kielie a awpa Rehoboth khypa Shaul ta a thle te siepahruo a cuo. 38Shaul a thiy khutaata Akbor sacapaa Baal-hanan ta a thle te siepahruo a cuo. 39Akbor sacapaa Baal-hanan a thiy khutaata Hadar ta a thle te siepahruo a cuo. A khypuv ming ca Pau ta cuo te, a napuvnung ming ca Mehetabel cuo te ama ca Me-zahab sacanung ta a cuo. Me-zahab ca Matred sacanung ta a cuo.
40Hingpa tie hing ama phang hne ama awnapa khy aa ziy pata Esau ciypathla tie ama ming ta a cuo: Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel, hne Iram zaw ta ama cuo. Ama awnapa hmang hne ama ruo aa ziy pata capepa Edom (Edom ming ama paa Esau) ciypathla zaw ca hingpa tie hing tana ama cuo.
ទើបបានជ្រើសរើសហើយ៖
SAHRUOTHUNA 36: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.