SAHRUOTHUNA 33
33
Jakob Hne Esau Amaa Taw
1Jakob ta a va suo ca, cawsaa zapaliy hneta Esau a vya silepa kha a va hmung. Caacuonakawta haatiy zaw kha che yi te Leah hne Rachel hne a siicanung pahning tie kha a re yi. 2A siicanung zaw kha ama saata zaw hneta hmieluo ta a chi yi; Leah hne a saata zaw kha a paziy pata chi yi te, Rachel hne Josef kha hnangluo a pachuo yi. 3Ama ca hmaaluo kha sa te, a uvta'a luo a chiy caw khata alyi luo yi sariy aa bung.
4Cuorasala Esau ca ama a taw riypa khata a vya ruo te, cakuv te a pahnuo. Ama pahning ta ama caa. 5Esau ta hmiehmie a pase ca canung zaw hne ama saata zaw kha a hmung tiy yi ta, “Nama hne a vya si rapa tie hing ahung zaw tama ama cuo?,” a ta. Jakob ta, “Khazing ta na changtaapa ina pipa yi haatiy zaw tana ama cuo,” a ta.
6Cakhutaa cata a siicanung zaw hne ama saata zaw kha a vaw yi te amaa vya bung; 7cahaacata Leah hne a saata zaw kha a vaw yi te amaa vya bung, a hnangcaw ce ta Rachel hne Josef kha a vaw yi te amaa vya bung. 8“Phuv hrangpa i tawpa tie kha haw khaapa na khingnapa tama a cuo?” a ta. Jakob ta, “I byipaapa hmiephaa ica hmungna riypa tana a cuo,” a ta. 9Cuorasala Esau ta, “I nuta, aa depa ta i hnyi, na hnyipa kha nama huota a chi tie,” a ta. 10Jakob ta, “Cuo vyi, na hmiephaa na i hmung ta pata a cuo kieca, ngiechina ta i kuv taata lasaw hing cuhluo thi tie; hing haa hingta hmiephaa na pi cate, na hmie i hmungpa hing Khazing hmie hmungpa haa tana a cuo,” a ta. 11Nama'a luo i vya phyapa lasaw ca cuhluo thi tie, tahematapakieca Khazing ta na duesa te i khingpa palang i hnyi diy,” a ta. A hripuo byalya nakawta Esau ta aa la.
12Cakhutaa cata, Esau ta, “Si'a ung puv, Kama hmie ca sapa'a yi ang,” a ta. 13Cuorasala Jakob ta, “Haatiy zaw hing panusa kalie yi te, tuv hne mie hne cue zaw hing a taata cangpa se ta ama cuo nakawta mangchiy byalya amaa hu, ning kha chunglie khuo tuv ta ma tang kie yi ca sahring zaw hing ama thiy diy aa, tapa kha i byipaapa ta na pachang. 14I byipaapa ta na changtaapa hmieluo hingta na sise tie. I hmiekunglie a awpa sahring zaw hne haatiy zaw hne hingta i byipaapa na awnapa Seir luo ma vya chiy hluo li, ama si khu thiyta tah i vya sikhyi'a yi,” a ta.
15Caacuonakawta Esau ta, “I cawsaa chekha hing ca thupase siy'a yi ang,” a ta. Cuorasala Jakob ta, “A hu thi'a vyi, i byipaapa na hmiephaa i hmungpa hingta aa de,” a ta. 16Caacuonakawta Esau ca capa ningpa cata Seir luo kha a kaa. 17Cuorasala Jakob ca Sukkoth luo kha si te ama cuota ing, hne a sahring cuota thluodaa zaw kha a sa. Caacuonakawta capa hmang ca Sukkoth ta pata kupa a cuo.
Jakob Shekhem Luo A Pha
18Jakob ca Paddan-aram taata a vya sinapa luopuv Kanaan ruo chunglie a awpa Shekhem khypuv luo kha aa bangsa pata a chiy. Khypuv hmielie kha thluodaa ca aa sa. 19#Jos 24.32; Jhn 4.5 Shekhem ming Hamor sacapaa zaw'a lieta tuokaa zakha ta a calyipa alyi baata lie kha thluodaa ca a sa. 20Capa lie ca bienatluophie suokha sa te, El-Elohe-Israel ta pata ming a sa.
ទើបបានជ្រើសរើសហើយ៖
SAHRUOTHUNA 33: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 33
33
Jakob Hne Esau Amaa Taw
1Jakob ta a va suo ca, cawsaa zapaliy hneta Esau a vya silepa kha a va hmung. Caacuonakawta haatiy zaw kha che yi te Leah hne Rachel hne a siicanung pahning tie kha a re yi. 2A siicanung zaw kha ama saata zaw hneta hmieluo ta a chi yi; Leah hne a saata zaw kha a paziy pata chi yi te, Rachel hne Josef kha hnangluo a pachuo yi. 3Ama ca hmaaluo kha sa te, a uvta'a luo a chiy caw khata alyi luo yi sariy aa bung.
4Cuorasala Esau ca ama a taw riypa khata a vya ruo te, cakuv te a pahnuo. Ama pahning ta ama caa. 5Esau ta hmiehmie a pase ca canung zaw hne ama saata zaw kha a hmung tiy yi ta, “Nama hne a vya si rapa tie hing ahung zaw tama ama cuo?,” a ta. Jakob ta, “Khazing ta na changtaapa ina pipa yi haatiy zaw tana ama cuo,” a ta.
6Cakhutaa cata a siicanung zaw hne ama saata zaw kha a vaw yi te amaa vya bung; 7cahaacata Leah hne a saata zaw kha a vaw yi te amaa vya bung, a hnangcaw ce ta Rachel hne Josef kha a vaw yi te amaa vya bung. 8“Phuv hrangpa i tawpa tie kha haw khaapa na khingnapa tama a cuo?” a ta. Jakob ta, “I byipaapa hmiephaa ica hmungna riypa tana a cuo,” a ta. 9Cuorasala Esau ta, “I nuta, aa depa ta i hnyi, na hnyipa kha nama huota a chi tie,” a ta. 10Jakob ta, “Cuo vyi, na hmiephaa na i hmung ta pata a cuo kieca, ngiechina ta i kuv taata lasaw hing cuhluo thi tie; hing haa hingta hmiephaa na pi cate, na hmie i hmungpa hing Khazing hmie hmungpa haa tana a cuo,” a ta. 11Nama'a luo i vya phyapa lasaw ca cuhluo thi tie, tahematapakieca Khazing ta na duesa te i khingpa palang i hnyi diy,” a ta. A hripuo byalya nakawta Esau ta aa la.
12Cakhutaa cata, Esau ta, “Si'a ung puv, Kama hmie ca sapa'a yi ang,” a ta. 13Cuorasala Jakob ta, “Haatiy zaw hing panusa kalie yi te, tuv hne mie hne cue zaw hing a taata cangpa se ta ama cuo nakawta mangchiy byalya amaa hu, ning kha chunglie khuo tuv ta ma tang kie yi ca sahring zaw hing ama thiy diy aa, tapa kha i byipaapa ta na pachang. 14I byipaapa ta na changtaapa hmieluo hingta na sise tie. I hmiekunglie a awpa sahring zaw hne haatiy zaw hne hingta i byipaapa na awnapa Seir luo ma vya chiy hluo li, ama si khu thiyta tah i vya sikhyi'a yi,” a ta.
15Caacuonakawta Esau ta, “I cawsaa chekha hing ca thupase siy'a yi ang,” a ta. Cuorasala Jakob ta, “A hu thi'a vyi, i byipaapa na hmiephaa i hmungpa hingta aa de,” a ta. 16Caacuonakawta Esau ca capa ningpa cata Seir luo kha a kaa. 17Cuorasala Jakob ca Sukkoth luo kha si te ama cuota ing, hne a sahring cuota thluodaa zaw kha a sa. Caacuonakawta capa hmang ca Sukkoth ta pata kupa a cuo.
Jakob Shekhem Luo A Pha
18Jakob ca Paddan-aram taata a vya sinapa luopuv Kanaan ruo chunglie a awpa Shekhem khypuv luo kha aa bangsa pata a chiy. Khypuv hmielie kha thluodaa ca aa sa. 19#Jos 24.32; Jhn 4.5 Shekhem ming Hamor sacapaa zaw'a lieta tuokaa zakha ta a calyipa alyi baata lie kha thluodaa ca a sa. 20Capa lie ca bienatluophie suokha sa te, El-Elohe-Israel ta pata ming a sa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.