SAHRUOTHUNA 32
32
1Jakob ca a sile nguoluo ning kha Khazing avuoming ta amaa taw. 2Jakob ta a hmung tiy yi ta “Khazing riekaphuv na a cuo yi!” ta te capa hmang ca Mahanaim ta pata ming a sa.
Jakob Ta Esau Paakie Riypata A Pathlie Yi
3Jakob ta Edom ruo Seir ama tapa hmang lieta a awpa a uvta Esau'a luo kha biephyatuv a pathlie yi. 4Bie a taapa yi ca, “I byipaapa Esau kha hing haa hingta nama chang aa: Na changtaapa Jakob na, ‘Laban'a lie kha khychepa haata ata te hing i aw tli; 5cue, laa, tuv hne mie, siicanung siicapaa zaw kha i hnyi. I byipaapa nama hmiekunglie hmiephaa hmung riypa tana i vya pathlie yi, ta pata va chang tie ung,” a ta yi.
6Biephyatuv tie ca Jakob'a luo kha vya kaa yi te, “Na uvta Esau'a luo kha ma va chiy mangtli. Nama a taw riypa tana a rieka za paliy hneta a vya sile nguoluo,” ama ta. 7Jakob ca khuopuv ta kya ciy te a palung rie a thyisa. Caacuonakawta ama'a lie a awpa cawsaa, tuv hne mie, kha che yi te, cue hne kala-uv zaw kha phuv hning ta a che yi. 8“Esau ta phuv kha hing hmung te a para zaw ta, phuv kha chuo hing ca amaa ruo hmuo aa,” ta pata a rue nakawta a cuo.
9Cakhutaata Jakob ta, “Vya i paa Abraham Khazing hne i paa Isak Khazing, Vya Abyipa, nama ta, ‘Na ruo luo hne na tieriy'a luo kha kaa la na cunglie a phapa na i patlung sa aa,’ ina ta ciy. 10Na changtaapa ina pahmung sapa ciy aa hmangpa na duena hne zang tluo naa tlanapa a caw cepa hmuota hmung tluo a tla va ang. Tahematapakieca hingpa Jordan cavaa hing i khuecahryi suokha hne kyalya ta te angte, ata hing ca phuv hning hneta i cuo tli. 11I uvta Esau kuv chung taa hingta na khuo thi tie, tahematapakieca haatiy hne ama nung zaw hne ma yalya hingta malie vya thie diy lie tapa na i ciy. 12#Sah 22.17 Nama ta, na cuota a phapa i patlung sa aa, na samingsahlaa ca riyliy viehnang zaa pa ta sa'a yi angte, ahungtahmuo ri diy khu'a va yi,” ina ta ciy, a ta.
13Capa lie ca zuo kha a ri te, a hnyipa chungtaata a uvta Esau kha lasaw pi riypata, 14miepuvnung zahning hne mietungpa sakiy, tuvpuvnung zahning hne tuvtungpa sakiy, 15aa hnung sue nguoluopa kala-uv sawthung hne a taata zaw, cuepuvnung sawliy hne cuetungpa sahraa, laapuvnung sakiy hne laatungpa sahraa kha aa tlaw. 16Capa bangkhuo ca a phuv nanang ta a changtaapa zaw kuv luo kha pi yi te, a phuv nanang tana nama sikhyi aa, a ta yi. “I hmiekung luo hingta si ung la phuv kha hne phuv kha aa hlapuo pata nama sile aa,” a ta yi. 17Luohmaa a sapa kha, “I uvta Esau ta caa taw te, ‘Ahung cawsaa tama na cuo? Khaapa luo ma nama si aa? Na kya tanglepa sahring zaw hing ahung huopa tama a cuo?’ ta pata aca hiehriy kie yi ca, 18‘Na changtaapa Jakob huopa tana a cuo; i byipaapa Esau nama cuota lasaw ta aca paphyapa tana a cuo; ca hlyitaw taata ama zaw kiema hnangtalie hingna a vya sile,” nama ta aa, a ta yi. 19Ama ta phuvhningnapa hne phuvthungnapa hne phuv hrangpa bangkhuo zaw kha cahaacata bie taa yi te, “Esau namaa taw tiyta aa lusa pata ri'a ung cate, 20‘Ca hlyitaw taata na changtaapa Jakob zaw ma hnangtalie hingna a vya sile', nama ta aa,” a ta yi. Tahematapakieca ama ta, “I hmiekunglie a silepa lasaw hingta paakie'a angte, kama hing na cuhluo'a te hmiephaa i hmung thlu aa,” ta pata a rue. 21Caacuonakawta lasaw kha a hmiekung luota pasilu te, ama ca arina hmang lie kha capa zuo ca aa ri.
Peniel Lie Jakob Hne Avuoming Amaa Pie
22Capa zuo cata Jakob ca thu te a napuvnung pahning, a siicanung pahning, hne a saata zaw pahraa hlyikha hne khata Jabbok cavaa kha tiyhaa lieta ama va te. 23Iema bangkhuo hne a hnyipa mekaa kha cavaa huesuo luo kha a paphya diy yi. 24#Hos 12.3-4 Jakob ca ama selaw ta a ngaa siy te cawsaa pakha ta khydyina te ta aa pie. 25Cawsaapa ta te khu va tli ang tapa kha a pachang tiyta, a liyky ruv kha phaw te amaa piepa cata Jakob ca a liyky ruv ca a phie te aa suvhlyi. 26Cawsaapa ca ta, “Khy na a dyi tli, cakuo'a ang,” a ta. Cuorasala Jakob ta, “Thluechiy ina pi hluo li ciy ca pathlie'a va ang,” a ta. 27Caacuonakawta cawsaapa ca ta, “Na ming ahung ma?” a ta ca, “Jakob,” a ta. 28#Sah 35.10 Cawsaapa ca ta, “Nama ca Jakob ta pata kupa cuo'a va tli ciy, Israel tapa tana kupa na cuo'a tli, tahematapakieca nama ca Khazing hne cuose, cawsaa hne cuose a pie cate na te tli yi,” a ta. 29#Brp 13.17-18 Cakhutaa cata Jakob ta, “Na ming na chang thi tie,” ta pata a hiehriy. Cuorasala ama ta, “Khaapanakawma i ming ina hiehriy ciy?” ta te, capa lie ca thluechiy a pi. 30“Khazing kha a hmiepachaw pata i hmung pata i hring kalie,” ta te, Jakob ta capa hmang ca Peniel ta pata ming a sa. 31Peniel a va lawpa khata ning a kya chiy, a laky ruv nakaw khata a cabie. 32Caacuonakawta ataning tepa hingta Israel ming ta a liyky saa kha ce li pata ama aw, tahematapakieca cawsaapa ta Jakob a za phawpa kha a liyky saa lie kha tana a cuo.
ទើបបានជ្រើសរើសហើយ៖
SAHRUOTHUNA 32: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 32
32
1Jakob ca a sile nguoluo ning kha Khazing avuoming ta amaa taw. 2Jakob ta a hmung tiy yi ta “Khazing riekaphuv na a cuo yi!” ta te capa hmang ca Mahanaim ta pata ming a sa.
Jakob Ta Esau Paakie Riypata A Pathlie Yi
3Jakob ta Edom ruo Seir ama tapa hmang lieta a awpa a uvta Esau'a luo kha biephyatuv a pathlie yi. 4Bie a taapa yi ca, “I byipaapa Esau kha hing haa hingta nama chang aa: Na changtaapa Jakob na, ‘Laban'a lie kha khychepa haata ata te hing i aw tli; 5cue, laa, tuv hne mie, siicanung siicapaa zaw kha i hnyi. I byipaapa nama hmiekunglie hmiephaa hmung riypa tana i vya pathlie yi, ta pata va chang tie ung,” a ta yi.
6Biephyatuv tie ca Jakob'a luo kha vya kaa yi te, “Na uvta Esau'a luo kha ma va chiy mangtli. Nama a taw riypa tana a rieka za paliy hneta a vya sile nguoluo,” ama ta. 7Jakob ca khuopuv ta kya ciy te a palung rie a thyisa. Caacuonakawta ama'a lie a awpa cawsaa, tuv hne mie, kha che yi te, cue hne kala-uv zaw kha phuv hning ta a che yi. 8“Esau ta phuv kha hing hmung te a para zaw ta, phuv kha chuo hing ca amaa ruo hmuo aa,” ta pata a rue nakawta a cuo.
9Cakhutaata Jakob ta, “Vya i paa Abraham Khazing hne i paa Isak Khazing, Vya Abyipa, nama ta, ‘Na ruo luo hne na tieriy'a luo kha kaa la na cunglie a phapa na i patlung sa aa,’ ina ta ciy. 10Na changtaapa ina pahmung sapa ciy aa hmangpa na duena hne zang tluo naa tlanapa a caw cepa hmuota hmung tluo a tla va ang. Tahematapakieca hingpa Jordan cavaa hing i khuecahryi suokha hne kyalya ta te angte, ata hing ca phuv hning hneta i cuo tli. 11I uvta Esau kuv chung taa hingta na khuo thi tie, tahematapakieca haatiy hne ama nung zaw hne ma yalya hingta malie vya thie diy lie tapa na i ciy. 12#Sah 22.17 Nama ta, na cuota a phapa i patlung sa aa, na samingsahlaa ca riyliy viehnang zaa pa ta sa'a yi angte, ahungtahmuo ri diy khu'a va yi,” ina ta ciy, a ta.
13Capa lie ca zuo kha a ri te, a hnyipa chungtaata a uvta Esau kha lasaw pi riypata, 14miepuvnung zahning hne mietungpa sakiy, tuvpuvnung zahning hne tuvtungpa sakiy, 15aa hnung sue nguoluopa kala-uv sawthung hne a taata zaw, cuepuvnung sawliy hne cuetungpa sahraa, laapuvnung sakiy hne laatungpa sahraa kha aa tlaw. 16Capa bangkhuo ca a phuv nanang ta a changtaapa zaw kuv luo kha pi yi te, a phuv nanang tana nama sikhyi aa, a ta yi. “I hmiekung luo hingta si ung la phuv kha hne phuv kha aa hlapuo pata nama sile aa,” a ta yi. 17Luohmaa a sapa kha, “I uvta Esau ta caa taw te, ‘Ahung cawsaa tama na cuo? Khaapa luo ma nama si aa? Na kya tanglepa sahring zaw hing ahung huopa tama a cuo?’ ta pata aca hiehriy kie yi ca, 18‘Na changtaapa Jakob huopa tana a cuo; i byipaapa Esau nama cuota lasaw ta aca paphyapa tana a cuo; ca hlyitaw taata ama zaw kiema hnangtalie hingna a vya sile,” nama ta aa, a ta yi. 19Ama ta phuvhningnapa hne phuvthungnapa hne phuv hrangpa bangkhuo zaw kha cahaacata bie taa yi te, “Esau namaa taw tiyta aa lusa pata ri'a ung cate, 20‘Ca hlyitaw taata na changtaapa Jakob zaw ma hnangtalie hingna a vya sile', nama ta aa,” a ta yi. Tahematapakieca ama ta, “I hmiekunglie a silepa lasaw hingta paakie'a angte, kama hing na cuhluo'a te hmiephaa i hmung thlu aa,” ta pata a rue. 21Caacuonakawta lasaw kha a hmiekung luota pasilu te, ama ca arina hmang lie kha capa zuo ca aa ri.
Peniel Lie Jakob Hne Avuoming Amaa Pie
22Capa zuo cata Jakob ca thu te a napuvnung pahning, a siicanung pahning, hne a saata zaw pahraa hlyikha hne khata Jabbok cavaa kha tiyhaa lieta ama va te. 23Iema bangkhuo hne a hnyipa mekaa kha cavaa huesuo luo kha a paphya diy yi. 24#Hos 12.3-4 Jakob ca ama selaw ta a ngaa siy te cawsaa pakha ta khydyina te ta aa pie. 25Cawsaapa ta te khu va tli ang tapa kha a pachang tiyta, a liyky ruv kha phaw te amaa piepa cata Jakob ca a liyky ruv ca a phie te aa suvhlyi. 26Cawsaapa ca ta, “Khy na a dyi tli, cakuo'a ang,” a ta. Cuorasala Jakob ta, “Thluechiy ina pi hluo li ciy ca pathlie'a va ang,” a ta. 27Caacuonakawta cawsaapa ca ta, “Na ming ahung ma?” a ta ca, “Jakob,” a ta. 28#Sah 35.10 Cawsaapa ca ta, “Nama ca Jakob ta pata kupa cuo'a va tli ciy, Israel tapa tana kupa na cuo'a tli, tahematapakieca nama ca Khazing hne cuose, cawsaa hne cuose a pie cate na te tli yi,” a ta. 29#Brp 13.17-18 Cakhutaa cata Jakob ta, “Na ming na chang thi tie,” ta pata a hiehriy. Cuorasala ama ta, “Khaapanakawma i ming ina hiehriy ciy?” ta te, capa lie ca thluechiy a pi. 30“Khazing kha a hmiepachaw pata i hmung pata i hring kalie,” ta te, Jakob ta capa hmang ca Peniel ta pata ming a sa. 31Peniel a va lawpa khata ning a kya chiy, a laky ruv nakaw khata a cabie. 32Caacuonakawta ataning tepa hingta Israel ming ta a liyky saa kha ce li pata ama aw, tahematapakieca cawsaapa ta Jakob a za phawpa kha a liyky saa lie kha tana a cuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.