SAHRUOTHUNA 34
34
Dinah Hruohra Ta Amaa Ziehne
1Jakob hne Leah sacanung Dinah ca capa ruo ming canung tie kha a parie yi. 2Capa ruo lie uvtuv ta a cuopa Hiv ming Hamor sacapaa Shekhem ta a hmung ca patuv te hruohra ta aa ziehne. 3A pathiypalung kha Dinah cunglie dyi ca aw te a khingsa nakawta, Dinah kha bie nesapa ta a chaw. 4Caacuonakawta Shekhem ta a paa kyihuo khata, “Hingpa nung hing i napuv riypata na hiepa tie,” a ta.
5Jakob ta Shekhem na a sacanung a papya a palyi tapa kha a thyi; cuorasala a sacapaa zaw kha ruo lie cue ama khie nakawta iema ama vya chiy hluo li ca a dieta tah a aw. 6Shekhem paa Hamor ta Jakob'a luo kha bie a rue riypata a vaa cuo ning kha, 7Jakob sacapaa zaw ca ruo taata ama vya chiy. Capa thuo ca ama thyi tiyta, ama hi a haa hringhruo, tahematapakieca Jakob sacanung kha hruohra ta a ziehne te Israel ming cunglie tue byi lipa, esenutaana hmang a tue nakawta a cuo.
8Cuorasala Hamor ta iema kyihuo khata, “I sacapaa Shekhem pathiypalung ca nama sacanung'a lie dyina a aw tli; napuv riypata pi thi tie ung,” a ta. 9Kiema hne a chiyhie tie ung; nama sacanung zaw kha malie pi ung la, ma sacanung zaw kha a la tie ung. 10Kiema'a lie hing khysa ra ung la; nama khingnapa lie hing aw ung la, sung pali ung la, hnyirung tie ung. 11Shekhem zaw khata Dinah paa hne a caapaapa tie kha, “Hmiephaa na pi thi tie ung, ina hupa bangkhuo ung ca kha ica pi'a yi,” a ta. 12Ina hupa ung ciy sue hne lasaw bangkhuo, khazaa a cuo zaw ica pi'a yi; lesaanung dyi hing i napuv riypata na pi tie ung,” a ta yi.
13Jakob sacapaa zaw khata Shekhem hne a paa Hamor kha dung yi te bie ama palie, tahematapakieca ama ta ama sietanung Dinah kha a papya a palyi tli nakawta a cuo. 14Iema ta, “Capa hmang ca tue khu'a vapuv, vangdaw a te lipa paa'a luo ma sietanung pipa ca ima cuota nangzaa aa chiypa hmang tana a cuo. 15Kiema haa hingta capaa bangkhuo vangdaw namaa te kie dyina ma naa a tla khu aa. 16Cakhutaa cata ma sieta tie kha ca pi'a yi pate, kiema zaw nama sieta tie kha maa la'a yi, niema'a lie kha khysa'a pate mingphang phang kha ta ma cuo aa. 17Cuorasala ma bie hing naathlie khing lipa ung cata vangdaw namaa te li kieca ma sacanung hing la'a pate ma si aa,” ama ta.
18Ama bie ca ta Hamor hne Hamor sacapaa Shekhem palung kha a patluo sa. 19Jakob sacanung kha a khingsa nakawta, cuo paru li pata ama ripa hmang kha a tue paluo. Ama ca ama chungkhue lieta ama pa-uvsathyi cepa pakha ta a cuo. 20Caacuonakawta Hamor hne a sacapaa Shekhem ca ama khypuv hukaa luo kha pya yi te ama khypuv capaa tie'a lie kha bie ama ri. 21“Hingpa cawsaa tie hing kiema hne maa viesaa sa tli; ma ruo lie hing aw ra yi sala sung pali yi se, ma ruo hing iema aw khang riypata a ku sa kalie thluo; ama sacanung zaw hing chiyhie'a yi pate, ma sacanung zaw hing iema kha pi ra'a ung puv. 22Iema vangdaw amaa tepa haata capaa bangkhuo vangdaw maa te kie kyalya dyina kiema hrawlie aw pata mingphang phang kha cuo riypa hing ama palung a tling aa. 23Ama sahring bangkhuo hne ama suethiy bangkhuo hing kiema huopa cuo'a va ma? Capa suokhata ca ima naa tla sala kiema hrawlie hing aw ra yi se,” ama ta. 24Hukaa luo a pyapa bangkhuo ca Hamor hne a sacapaa Shekhem bie kha ama naa tla te, capaa bangkhuo ca ama vangdaw amaa te diy.
Dinah Caapaapa Zaw Ta Ama Sietanung Phuv Ama La
25A ning thungnapa lie, ama hmaa a pasa liyciy ta, Jakob sacapaa pahning, Simeon hne Levi, Dinah caapaapa tie khata ama zueziy kha a la yi te, khy chung luo kha ama pachang li chungta a ngie chiy yi te capaa bangkhuo kha ama thie diy. 26Hamor hne a sacapaa Shekhem kha ama zueziy ta thie yi te, Dinah kha Shekhem ing chung taa khata la yi te ama si. 27Ama sietanung ama papyapalyi nakaw khata Jakob sacapaa hrangpa tie zaw khata ama thieciepa tie'a luo kha vaa yi te, khy chung lie hmang bangkhuo kha ama la diy. 28Ama tuv, ama mie, sahring bangkhuo, laa zaw hne ama khypuv chunglie hne lu chunglie a awpa bangkhuo kha ama la diy. 29Ama hnyirungna bangkhuo, canung hne haatiy bangkhuo, ama ing lie a awpa bangkhuo kha amaa la diy. 30Cakhutaata Jakob ta Simeon hne Levi kha, “Ruvnaana na ina phya ung ciy; hingpa ruo lie khy a sapa Kanaan ming hne Periz ming hue riypata ina tue tli ung ciy. Mingluv ca ta ma cawsa, a pakiy yi sala ina vya tuv kie yi ca, kama hne i ingchungkhue ca ina para diy'a yi,” a ta yi. 31Cuorasala iema ta, “Ma sietanung kha siyhrawnung haata ama tue riypata a cuo ma?” ama ta.
ទើបបានជ្រើសរើសហើយ៖
SAHRUOTHUNA 34: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 34
34
Dinah Hruohra Ta Amaa Ziehne
1Jakob hne Leah sacanung Dinah ca capa ruo ming canung tie kha a parie yi. 2Capa ruo lie uvtuv ta a cuopa Hiv ming Hamor sacapaa Shekhem ta a hmung ca patuv te hruohra ta aa ziehne. 3A pathiypalung kha Dinah cunglie dyi ca aw te a khingsa nakawta, Dinah kha bie nesapa ta a chaw. 4Caacuonakawta Shekhem ta a paa kyihuo khata, “Hingpa nung hing i napuv riypata na hiepa tie,” a ta.
5Jakob ta Shekhem na a sacanung a papya a palyi tapa kha a thyi; cuorasala a sacapaa zaw kha ruo lie cue ama khie nakawta iema ama vya chiy hluo li ca a dieta tah a aw. 6Shekhem paa Hamor ta Jakob'a luo kha bie a rue riypata a vaa cuo ning kha, 7Jakob sacapaa zaw ca ruo taata ama vya chiy. Capa thuo ca ama thyi tiyta, ama hi a haa hringhruo, tahematapakieca Jakob sacanung kha hruohra ta a ziehne te Israel ming cunglie tue byi lipa, esenutaana hmang a tue nakawta a cuo.
8Cuorasala Hamor ta iema kyihuo khata, “I sacapaa Shekhem pathiypalung ca nama sacanung'a lie dyina a aw tli; napuv riypata pi thi tie ung,” a ta. 9Kiema hne a chiyhie tie ung; nama sacanung zaw kha malie pi ung la, ma sacanung zaw kha a la tie ung. 10Kiema'a lie hing khysa ra ung la; nama khingnapa lie hing aw ung la, sung pali ung la, hnyirung tie ung. 11Shekhem zaw khata Dinah paa hne a caapaapa tie kha, “Hmiephaa na pi thi tie ung, ina hupa bangkhuo ung ca kha ica pi'a yi,” a ta. 12Ina hupa ung ciy sue hne lasaw bangkhuo, khazaa a cuo zaw ica pi'a yi; lesaanung dyi hing i napuv riypata na pi tie ung,” a ta yi.
13Jakob sacapaa zaw khata Shekhem hne a paa Hamor kha dung yi te bie ama palie, tahematapakieca ama ta ama sietanung Dinah kha a papya a palyi tli nakawta a cuo. 14Iema ta, “Capa hmang ca tue khu'a vapuv, vangdaw a te lipa paa'a luo ma sietanung pipa ca ima cuota nangzaa aa chiypa hmang tana a cuo. 15Kiema haa hingta capaa bangkhuo vangdaw namaa te kie dyina ma naa a tla khu aa. 16Cakhutaa cata ma sieta tie kha ca pi'a yi pate, kiema zaw nama sieta tie kha maa la'a yi, niema'a lie kha khysa'a pate mingphang phang kha ta ma cuo aa. 17Cuorasala ma bie hing naathlie khing lipa ung cata vangdaw namaa te li kieca ma sacanung hing la'a pate ma si aa,” ama ta.
18Ama bie ca ta Hamor hne Hamor sacapaa Shekhem palung kha a patluo sa. 19Jakob sacanung kha a khingsa nakawta, cuo paru li pata ama ripa hmang kha a tue paluo. Ama ca ama chungkhue lieta ama pa-uvsathyi cepa pakha ta a cuo. 20Caacuonakawta Hamor hne a sacapaa Shekhem ca ama khypuv hukaa luo kha pya yi te ama khypuv capaa tie'a lie kha bie ama ri. 21“Hingpa cawsaa tie hing kiema hne maa viesaa sa tli; ma ruo lie hing aw ra yi sala sung pali yi se, ma ruo hing iema aw khang riypata a ku sa kalie thluo; ama sacanung zaw hing chiyhie'a yi pate, ma sacanung zaw hing iema kha pi ra'a ung puv. 22Iema vangdaw amaa tepa haata capaa bangkhuo vangdaw maa te kie kyalya dyina kiema hrawlie aw pata mingphang phang kha cuo riypa hing ama palung a tling aa. 23Ama sahring bangkhuo hne ama suethiy bangkhuo hing kiema huopa cuo'a va ma? Capa suokhata ca ima naa tla sala kiema hrawlie hing aw ra yi se,” ama ta. 24Hukaa luo a pyapa bangkhuo ca Hamor hne a sacapaa Shekhem bie kha ama naa tla te, capaa bangkhuo ca ama vangdaw amaa te diy.
Dinah Caapaapa Zaw Ta Ama Sietanung Phuv Ama La
25A ning thungnapa lie, ama hmaa a pasa liyciy ta, Jakob sacapaa pahning, Simeon hne Levi, Dinah caapaapa tie khata ama zueziy kha a la yi te, khy chung luo kha ama pachang li chungta a ngie chiy yi te capaa bangkhuo kha ama thie diy. 26Hamor hne a sacapaa Shekhem kha ama zueziy ta thie yi te, Dinah kha Shekhem ing chung taa khata la yi te ama si. 27Ama sietanung ama papyapalyi nakaw khata Jakob sacapaa hrangpa tie zaw khata ama thieciepa tie'a luo kha vaa yi te, khy chung lie hmang bangkhuo kha ama la diy. 28Ama tuv, ama mie, sahring bangkhuo, laa zaw hne ama khypuv chunglie hne lu chunglie a awpa bangkhuo kha ama la diy. 29Ama hnyirungna bangkhuo, canung hne haatiy bangkhuo, ama ing lie a awpa bangkhuo kha amaa la diy. 30Cakhutaata Jakob ta Simeon hne Levi kha, “Ruvnaana na ina phya ung ciy; hingpa ruo lie khy a sapa Kanaan ming hne Periz ming hue riypata ina tue tli ung ciy. Mingluv ca ta ma cawsa, a pakiy yi sala ina vya tuv kie yi ca, kama hne i ingchungkhue ca ina para diy'a yi,” a ta yi. 31Cuorasala iema ta, “Ma sietanung kha siyhrawnung haata ama tue riypata a cuo ma?” ama ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.