SAHRUOTHUNA 31
31
Jakob Ca A Chungkhue Hne A Sahring Zaw Hneta Aa Ruo
1Laban sacapaa zaw ta, “Jakob na ma paa hnyipa bangkhuo a la diy tli. A hnyirungna bangkhuo ca ma paa hnyipa taata a hmungpa tana a cuo,” ama tapa kha Jakob ta a thyi. 2Cakhutaata Laban ta hmiephaa a za pi tawpa haata a pi li tlipa kha a hmung. 3Ca tiyta Abyipa ta Jakob kha, “Na mingchingmingvuo tie ruo luo, na tieriy zaw'a luo kha kaa tie, kama ta ica awpuo aa,” a ta. 4Caacuonakawta Jakob ta Rachel hne Leah kha sahring a khienapa ruo luo kha ama a vya taw riypata a paku sa yi. 5Cakhutaata iema kyihuo khata, “Nama paa hing a hluo haata na tlechuo va tli tapa kha i pachang. Cuorasala i paa Khazing ta ca ina awpuo. 6I thaazuo a awpa bangkhuo ta nama paa re i hriepa kha nama pachang; 7cadyiseca nama paa ta na dung te i hrie muo yi hraa ina thle tli. Cuorasala kama riethyi pi riypa kha Khazing ta pase vyi. 8Ama ta a pecipa hingna na hrie muo ta a cuo aa a ta kieca sahring bangkhuo ta a pecipa ama pachuo; a cikarypa na na hrie muo ta a cuo aa a ta kie sahring bangkhuo ta a cikarypa ama pachuo. 9Khazing ta na paa sahring kha la te kama ina pi.
10Sahring sapaa a kie thlaa ning kha muo sa angte a puvnung sapaa a lepa mietungpa bangkhuo ca a cikarypa, a pecipa hne a peruopa selaw ta ama cuo. 11I muo lie ca ta Khazing avuoming ta, ‘Jakob,’ na ta te kama ta, ‘Hingpa lie hingna i aw,’ i ta. 12Ama ta, ‘Mang tie, mietungpa sapaa a kiepa bangkhuo ca a cikarypa, a pecipa hne a peruopa selaw tana ama cuo; tahematapakieca Laban ta na cunglie a tuepa hmang khana i hmung. 13#Sah 28.18-22 Lungbang kha sathu bya cate kama'a luo bie naa kuonapa Bethel Khazing kha tana i cuo. Ata hingta hingpa ruo hing pyase la na puvna ruo luo kha si tie,’ ina ta,” a ta yi. 14Rachel hne Leah ta, “Ma paa ing lie kiema cuvu hne ru a ngaapa suokha chuo a aw ma? 15Ruohrang ming haa tana malie a hmung cuo va ma? Malie zaa te ma muo a hmungpa tuokaa bangkhuo ca a hmuo diy tli. 16Khazing ta ma paa'a taata a lapa suethiy bangkhuo ca kiema hne ma saata zaw huopa tana a cuo. Khazing ta aca changpa haa khata tue tie,” a ma ta.
17Caacuonakawta Jakob ca thu te, a saata zaw hne a napuv zaw kha kala-uv cung luo a khang yi. 18A sahring bangkhuo kha hmieluo ta pasi sa lu te, Paddan-aram lie a hmungpa sahring bangkhuo hne, a hnyipa suethiy bangkhuo hne khata Kanaan ruo lie a awpa a paa'a luo kha a si.
19Laban ca tuv hming ngu riypata a si chung khata Rachel ta a paa chungkhue khazing kuvtuezuv tie kha a paruv. 20Jakob ta Aramean pa Laban ca dung te, a ruo riypata aa tingpa kha chang vyi. 21Cahaacata a hnyipa bangkhuo hne khata a ruo te, Eufrates cavaa kha va te te Gilead tluocung ruo luo kha a si.
Laban Ta Jakob A Cade Te A Pha
22A ning thungnapa ta Jakob aa ruopa kaw kha Laban ca ama chang. 23Caacuonakawta a phang kha cawsaa kha ku yi te Jakob kha ning sariy chung amaa cade khutaata Gilead tluocung ruo lie kha ama pha. 24Cuorasala Aramean pa Laban'a luo kha zuo a muo ta Khazing a luo te, “Jakob'a lie kha biepha a cuo zaw biechie a cuo zaw kaa kha hmuo na ri li riypata a raaring tie,” a ta.
25Laban ta Jakob ca ava pha. Jakob ca tluocung lie kha thluodaa za sa tli te, Laban hne a phang kha cawsaa zaw ca Gilead tluocung ruo lie ca amaa ri ra. 26Laban ta Jakob kha, “Khaapama na tue? Na dung cate, hruocawsaa haata i sacanung zaw kha naa ruokhyi yi. 27Khaapanakawma na chang lipa cata na dung cate a paruv ta naa ruo? Palungtluosa pata hlaa hne akhang hne tingtuo hneta ica pathlie'apa puv? 28Khaapanakawma i tuvsaa hne i sacanung zaw kha pahnuo pata muopha mya ung ta riypa hmuo cuo ina pi vaciy? Na hmang tuepa hing na ngaa suesaa de! 29Nama hing riethyi ica pi khu thluo; cuorasala na paa Khazing ta azuohnie kha bie na chang te, ‘Jakob cunglie kha biechie a cuo zaw biephaa a cuo zaw khaapahmuo ri khya,’ ina ta. 30Na paa ing kha vuo laalaw tli cate na si riypata a cuo zaw, khaapanakawma i khazing tie kha na paruv?” a ta. 31Jakob ta Laban ca palie te, “Na sacanung zaw kha hruohra ta na chuv'a kie ciy ta pata i rue nakaw tana a cuo. 32Cuorasala ahung cunglie hmuo cuose na khazing tie kha na hmung kieca capa cawsaa ca thie pata cuo se. Kama'a lie na huopa na hmungpa a aw kieca na phang kha cawsaa zaw hmiekunglie hing na kuvdaw ta daw la a la tie,” a ta. Rachel ta khazing tie a paruvpa kha Jakob ta pachang vyi.
33Caacuonakawta Laban ca Jakob thluodaa chung luo hne Leah thluodaa chung luo hne ama siicanung pahning zaw thluodaa chung luo kha a ngie te a khazing zaw kha hmung vyi. Leah thluodaa taata kya pya te Rachel thluodaa luo kha aa ngie. 34Rachel ta ingchungkhue khazing zaw ca kala-uv kedie chunglie kha pasuo te aa tusue. Laban ta thluodaa chung bangkhuo kha a huv diy, cuorasala hmung vyi. 35Rachel ta a paa ca, “Canung phungpa aa vaw nakawta na hmiekunglie i daa khu lipa hing i byipaapa na hi haa thi khah se,” a ta. Cahaacata Laban ta a huv raalaa ca ingchungkhue khazing tie kha hmung vyi.
36Jakob ca a hi haa te Laban kha, “Khaapa suena tue angte ma khaapa pha lina i tue nakawta inaa cade ciy? 37I chechiy bangkhuo catla diy cate na huv mangtli; na huopa suokha chuo na hmung ma? Na phang kha cawsaa hne i phang kha cawsaa zaw hmiekunglie hing vya pazya tie. Maa lalalie hing biechina malie tuepa naase yi. 38Kung kiy chung bangkhuo nama'a lie aw angte, na tuvpuvnung hne na miepuvnung zaw saasa hruv buo va yi; na tuvrung chungtaata tuvtungpa zaw ce buo va ang. 39Saa ta a siepa sakha hmuo nama'a luo vya chiykhyi va ang, kamata tana ica thung. Ningchung ta ama paruvpa cuose, zuo ta ama paruvpa cuose, inaa pathung sa ciy. 40Ningchung ta ning lingpa kha i ang, zuo ta thlasiy kha ang angte mingkuv zaw kha i hruv taw. 41Kung kiy chung bangkhuo na ing lie za aw angte, na sacanung zaw pahning cuota kung hraa hlyipaliy, na sahring zaw cuota kung caruv na re hrie angte, cadyiseca i hrie muo kha yi hraa ina thle ciy. 42I paa Khazing, Abraham Khazing, Isak ta a za ciyzaapa#31.42 Hebru lie a ri khingna sie vyi Khazing na naa awpuo va tapa cuo sala, i kuv cahripa tana ina pasi sa'a ciy. Khazing ta ruvnaana i angpa hne i re hriepa kha hmung te azuohnie aca chuo tli kha,” a ta.
Laban Hne Jakob Biekuona Ama Tue
43Cakhutaata Laban ta Jakob kha palie te, “Sacanung zaw hing kama sacanung zaw ta ama cuo, haatiy zaw hing kama haatiy ta ama cuo, sahring zaw hing kama sahring ta cuo yi te, na hmungpa bangkhuo hing kama huopa tana ama cuo. Cuorasala ataning hing hingpa i sacanung zaw hne ama sapa i haatiy zaw kawlie hing khaapama i tue khupa a aw? 44A vaw la, nama hne kama alalalieta pachangkhyituv a cuo riypata biekuona tue'a puv. 45Caacuonakawta Jakob ta alung suokha kha la te lungbang ta a bang. 46A phang kha cawsaa zaw kha, “Alung vya pahmya tie ung,” a tapa haa yi ta vya papung yi te capa lungpapung cunglie ca sa ama ning. 47Laban ta capa ca Jegar-sahadutha ta pata ming sa te, cuorasala Jakob ta Galeed ta pata ming a sa. 48Laban ta, “Hingpa lungpapung hing nama hne kama alalalieta pachangkhyituv tana a cuo,” a ta. Caacuonakawta Galeed a ta. 49Laban ngiethie ca ta Mizpah ta pata ming sa pakhaa te, “A nanang ta ma aw chung bangkhuo nama hne kama alalalie hing Abyipaaw mang sue. 50I sacanung zaw hing tuechie yi cate, iema thing taa hingta napuv hrang na chiy pata a cuo kieca, ahunghmuo pachangkhyituv ama aw li zaw ta, nama hne kama alalalieta Khazing na pachangkhyituv a cuo tapa kha maw khya,” a ta.
51Cakhutaata Laban ta Jakob kha, “Kama hne nama alalalie i chipa hingpa lungpapung hne lungbang hing mang tie. 52Kama ta hingpa lungpapung hing vya law pata nama kha ruvnaana ica pi li riypa hne, nama zaw hingpa lungpapung hing vya law pata kama kha ruvnaana ina pi li riypa cata hingpa lungpapung hne lungbang hing tehte tana a cuo. 53Abraham Khazing hne Nahor Khazing, iema paa Khazing ta nama hne kama alalalieta bie malie chipa mang sue,” a ta. Caacuonakawta Jakob ca a paa ta a zaa biepa Khazing'a lie biekuona a tue. 54Jakob ta tluocung lie kha hriykhungrina pihluo te a phang kha cawsaa zaw kha sa ning riypata a ku yi. Sa kha ning yi te tluocung ruo lie ca amaa ri. 55Laban ca mawluo mawdiy ta thu te, a samingta zaw hne a sacanung zaw kha pahnuo yi te thluechiy a pi khutaa yi ta a thu te ing luo kha a kaa.
ទើបបានជ្រើសរើសហើយ៖
SAHRUOTHUNA 31: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 31
31
Jakob Ca A Chungkhue Hne A Sahring Zaw Hneta Aa Ruo
1Laban sacapaa zaw ta, “Jakob na ma paa hnyipa bangkhuo a la diy tli. A hnyirungna bangkhuo ca ma paa hnyipa taata a hmungpa tana a cuo,” ama tapa kha Jakob ta a thyi. 2Cakhutaata Laban ta hmiephaa a za pi tawpa haata a pi li tlipa kha a hmung. 3Ca tiyta Abyipa ta Jakob kha, “Na mingchingmingvuo tie ruo luo, na tieriy zaw'a luo kha kaa tie, kama ta ica awpuo aa,” a ta. 4Caacuonakawta Jakob ta Rachel hne Leah kha sahring a khienapa ruo luo kha ama a vya taw riypata a paku sa yi. 5Cakhutaata iema kyihuo khata, “Nama paa hing a hluo haata na tlechuo va tli tapa kha i pachang. Cuorasala i paa Khazing ta ca ina awpuo. 6I thaazuo a awpa bangkhuo ta nama paa re i hriepa kha nama pachang; 7cadyiseca nama paa ta na dung te i hrie muo yi hraa ina thle tli. Cuorasala kama riethyi pi riypa kha Khazing ta pase vyi. 8Ama ta a pecipa hingna na hrie muo ta a cuo aa a ta kieca sahring bangkhuo ta a pecipa ama pachuo; a cikarypa na na hrie muo ta a cuo aa a ta kie sahring bangkhuo ta a cikarypa ama pachuo. 9Khazing ta na paa sahring kha la te kama ina pi.
10Sahring sapaa a kie thlaa ning kha muo sa angte a puvnung sapaa a lepa mietungpa bangkhuo ca a cikarypa, a pecipa hne a peruopa selaw ta ama cuo. 11I muo lie ca ta Khazing avuoming ta, ‘Jakob,’ na ta te kama ta, ‘Hingpa lie hingna i aw,’ i ta. 12Ama ta, ‘Mang tie, mietungpa sapaa a kiepa bangkhuo ca a cikarypa, a pecipa hne a peruopa selaw tana ama cuo; tahematapakieca Laban ta na cunglie a tuepa hmang khana i hmung. 13#Sah 28.18-22 Lungbang kha sathu bya cate kama'a luo bie naa kuonapa Bethel Khazing kha tana i cuo. Ata hingta hingpa ruo hing pyase la na puvna ruo luo kha si tie,’ ina ta,” a ta yi. 14Rachel hne Leah ta, “Ma paa ing lie kiema cuvu hne ru a ngaapa suokha chuo a aw ma? 15Ruohrang ming haa tana malie a hmung cuo va ma? Malie zaa te ma muo a hmungpa tuokaa bangkhuo ca a hmuo diy tli. 16Khazing ta ma paa'a taata a lapa suethiy bangkhuo ca kiema hne ma saata zaw huopa tana a cuo. Khazing ta aca changpa haa khata tue tie,” a ma ta.
17Caacuonakawta Jakob ca thu te, a saata zaw hne a napuv zaw kha kala-uv cung luo a khang yi. 18A sahring bangkhuo kha hmieluo ta pasi sa lu te, Paddan-aram lie a hmungpa sahring bangkhuo hne, a hnyipa suethiy bangkhuo hne khata Kanaan ruo lie a awpa a paa'a luo kha a si.
19Laban ca tuv hming ngu riypata a si chung khata Rachel ta a paa chungkhue khazing kuvtuezuv tie kha a paruv. 20Jakob ta Aramean pa Laban ca dung te, a ruo riypata aa tingpa kha chang vyi. 21Cahaacata a hnyipa bangkhuo hne khata a ruo te, Eufrates cavaa kha va te te Gilead tluocung ruo luo kha a si.
Laban Ta Jakob A Cade Te A Pha
22A ning thungnapa ta Jakob aa ruopa kaw kha Laban ca ama chang. 23Caacuonakawta a phang kha cawsaa kha ku yi te Jakob kha ning sariy chung amaa cade khutaata Gilead tluocung ruo lie kha ama pha. 24Cuorasala Aramean pa Laban'a luo kha zuo a muo ta Khazing a luo te, “Jakob'a lie kha biepha a cuo zaw biechie a cuo zaw kaa kha hmuo na ri li riypata a raaring tie,” a ta.
25Laban ta Jakob ca ava pha. Jakob ca tluocung lie kha thluodaa za sa tli te, Laban hne a phang kha cawsaa zaw ca Gilead tluocung ruo lie ca amaa ri ra. 26Laban ta Jakob kha, “Khaapama na tue? Na dung cate, hruocawsaa haata i sacanung zaw kha naa ruokhyi yi. 27Khaapanakawma na chang lipa cata na dung cate a paruv ta naa ruo? Palungtluosa pata hlaa hne akhang hne tingtuo hneta ica pathlie'apa puv? 28Khaapanakawma i tuvsaa hne i sacanung zaw kha pahnuo pata muopha mya ung ta riypa hmuo cuo ina pi vaciy? Na hmang tuepa hing na ngaa suesaa de! 29Nama hing riethyi ica pi khu thluo; cuorasala na paa Khazing ta azuohnie kha bie na chang te, ‘Jakob cunglie kha biechie a cuo zaw biephaa a cuo zaw khaapahmuo ri khya,’ ina ta. 30Na paa ing kha vuo laalaw tli cate na si riypata a cuo zaw, khaapanakawma i khazing tie kha na paruv?” a ta. 31Jakob ta Laban ca palie te, “Na sacanung zaw kha hruohra ta na chuv'a kie ciy ta pata i rue nakaw tana a cuo. 32Cuorasala ahung cunglie hmuo cuose na khazing tie kha na hmung kieca capa cawsaa ca thie pata cuo se. Kama'a lie na huopa na hmungpa a aw kieca na phang kha cawsaa zaw hmiekunglie hing na kuvdaw ta daw la a la tie,” a ta. Rachel ta khazing tie a paruvpa kha Jakob ta pachang vyi.
33Caacuonakawta Laban ca Jakob thluodaa chung luo hne Leah thluodaa chung luo hne ama siicanung pahning zaw thluodaa chung luo kha a ngie te a khazing zaw kha hmung vyi. Leah thluodaa taata kya pya te Rachel thluodaa luo kha aa ngie. 34Rachel ta ingchungkhue khazing zaw ca kala-uv kedie chunglie kha pasuo te aa tusue. Laban ta thluodaa chung bangkhuo kha a huv diy, cuorasala hmung vyi. 35Rachel ta a paa ca, “Canung phungpa aa vaw nakawta na hmiekunglie i daa khu lipa hing i byipaapa na hi haa thi khah se,” a ta. Cahaacata Laban ta a huv raalaa ca ingchungkhue khazing tie kha hmung vyi.
36Jakob ca a hi haa te Laban kha, “Khaapa suena tue angte ma khaapa pha lina i tue nakawta inaa cade ciy? 37I chechiy bangkhuo catla diy cate na huv mangtli; na huopa suokha chuo na hmung ma? Na phang kha cawsaa hne i phang kha cawsaa zaw hmiekunglie hing vya pazya tie. Maa lalalie hing biechina malie tuepa naase yi. 38Kung kiy chung bangkhuo nama'a lie aw angte, na tuvpuvnung hne na miepuvnung zaw saasa hruv buo va yi; na tuvrung chungtaata tuvtungpa zaw ce buo va ang. 39Saa ta a siepa sakha hmuo nama'a luo vya chiykhyi va ang, kamata tana ica thung. Ningchung ta ama paruvpa cuose, zuo ta ama paruvpa cuose, inaa pathung sa ciy. 40Ningchung ta ning lingpa kha i ang, zuo ta thlasiy kha ang angte mingkuv zaw kha i hruv taw. 41Kung kiy chung bangkhuo na ing lie za aw angte, na sacanung zaw pahning cuota kung hraa hlyipaliy, na sahring zaw cuota kung caruv na re hrie angte, cadyiseca i hrie muo kha yi hraa ina thle ciy. 42I paa Khazing, Abraham Khazing, Isak ta a za ciyzaapa#31.42 Hebru lie a ri khingna sie vyi Khazing na naa awpuo va tapa cuo sala, i kuv cahripa tana ina pasi sa'a ciy. Khazing ta ruvnaana i angpa hne i re hriepa kha hmung te azuohnie aca chuo tli kha,” a ta.
Laban Hne Jakob Biekuona Ama Tue
43Cakhutaata Laban ta Jakob kha palie te, “Sacanung zaw hing kama sacanung zaw ta ama cuo, haatiy zaw hing kama haatiy ta ama cuo, sahring zaw hing kama sahring ta cuo yi te, na hmungpa bangkhuo hing kama huopa tana ama cuo. Cuorasala ataning hing hingpa i sacanung zaw hne ama sapa i haatiy zaw kawlie hing khaapama i tue khupa a aw? 44A vaw la, nama hne kama alalalieta pachangkhyituv a cuo riypata biekuona tue'a puv. 45Caacuonakawta Jakob ta alung suokha kha la te lungbang ta a bang. 46A phang kha cawsaa zaw kha, “Alung vya pahmya tie ung,” a tapa haa yi ta vya papung yi te capa lungpapung cunglie ca sa ama ning. 47Laban ta capa ca Jegar-sahadutha ta pata ming sa te, cuorasala Jakob ta Galeed ta pata ming a sa. 48Laban ta, “Hingpa lungpapung hing nama hne kama alalalieta pachangkhyituv tana a cuo,” a ta. Caacuonakawta Galeed a ta. 49Laban ngiethie ca ta Mizpah ta pata ming sa pakhaa te, “A nanang ta ma aw chung bangkhuo nama hne kama alalalie hing Abyipaaw mang sue. 50I sacanung zaw hing tuechie yi cate, iema thing taa hingta napuv hrang na chiy pata a cuo kieca, ahunghmuo pachangkhyituv ama aw li zaw ta, nama hne kama alalalieta Khazing na pachangkhyituv a cuo tapa kha maw khya,” a ta.
51Cakhutaata Laban ta Jakob kha, “Kama hne nama alalalie i chipa hingpa lungpapung hne lungbang hing mang tie. 52Kama ta hingpa lungpapung hing vya law pata nama kha ruvnaana ica pi li riypa hne, nama zaw hingpa lungpapung hing vya law pata kama kha ruvnaana ina pi li riypa cata hingpa lungpapung hne lungbang hing tehte tana a cuo. 53Abraham Khazing hne Nahor Khazing, iema paa Khazing ta nama hne kama alalalieta bie malie chipa mang sue,” a ta. Caacuonakawta Jakob ca a paa ta a zaa biepa Khazing'a lie biekuona a tue. 54Jakob ta tluocung lie kha hriykhungrina pihluo te a phang kha cawsaa zaw kha sa ning riypata a ku yi. Sa kha ning yi te tluocung ruo lie ca amaa ri. 55Laban ca mawluo mawdiy ta thu te, a samingta zaw hne a sacanung zaw kha pahnuo yi te thluechiy a pi khutaa yi ta a thu te ing luo kha a kaa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.