LUCUOTUV Biehmaasa
Biehmaasa
Lucuotuv tie Rehriena kaw hing Luka caa-uv a pazue tana a cuo. Hingpa caa-uv ta aa ting cepa ca Thlaapa Pathe luochiyna thueta Zingsuv kaw Thuophaa kha, “Jerusalem khy, Judea ruo, Samaria ruo bangkhuo hne chuelyi dena te ta ama pathyisana” kaw khata a cuo (1.8). Judah ming'a taata patha pata chuelyi khyzaa ta a cahraw diypa Khrihsaa ming zangna hne rehriena kaw ta a cuo. Cakhutaata hingpa caa-uv a capetuv ta a pasie sa khingpa ca Khrihsaa tie hing Rom acuzaa a dutuv buv cuo li pata Khrihsaa zangna ca Judah ming biena a patling sapa tana a cuo ta pata a cuo.
Lucuotuv caa-uv hing che thung ta che khu pata a cuo. Capa ca ta Thuophaa a ku hryly ta ama phulenapa kaw hne Khrihsaabuv aa daa lena kaw kha a paluo sa:
1. Zingsuv vuoruo luo a kie khutaata Khrihsaa phung ca Jerusalem taata aa pathu;
2. Palestine ruocaapa hmang hrang luo aa zelena kaw hne;
3. Mediterranean Riyliy kie ruo bangkhuo ta a ze te Rom khypuv te a phanapa kaw zaw khata a cuo.
Lucuotuv caa-uv chunglie aa luopa hmang suokha ca Thlaapa Pathe rehriena ta a cuo. Thlaapa Pathe ca Pentekos ning ta Jerusalem lie a awpa zangtuv tie cunglie kha zaa luo te Khrihsaabuv hne luochiytuv tie kha aa pazue pata luo chiy yi te thaazuo a pi yi. Hingpa caa-uv chunglie hing Khrihsaa taapa tie ama phung ripa hne hmang ama tuepa, capa phung ama ripa hne hmang ama tuepa ca ta tuokhaatama cawsaa hringna chunglie re a hrie tapa kha hmung khu pata a cuo.
Bietluopuv
1. Pachangkhyituv cuona riypata a tingtuona 1.1-26
a. Zingsuv nawbie a hnangcaw cepa hne biekuo 1.1-14
b. Judas a thletuv 1.15-26
2. Jerusalem khypuv chunglie pachangkhyituv cuona 2.1—8.3
3. Judea ruo hne Samaria ruo lie pachangkhyituv cuona 8.4—12.25
4. Paul rehriena 13.1—28.31
a. Paul khytlawna a yikhana 13.1—14.28
b. Jerusalem khypuv lie biepatlana 15.1-35
c. Paul khytlawna a yihningna 15.36—18.22
d. Paul khytlawna a yithungna 18.23—21.16
e. Jerusalem, Sisaria hne Rom lie Paul thawtlana 21.7—28.31
ទើបបានជ្រើសរើសហើយ៖
LUCUOTUV Biehmaasa: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.