ရောမ 9
9
ဗွေႏဘုရာꩻတွမ်ႏဝွေꩻဗွေႏလိုꩻဖုံႏ
1ခွေနဝ်ꩻ ဆဲင်ႏဒျာႏတွမ်ႏ ဗွေႏခရစ်တောႏတဲင် ခွေတလဲဉ်တဝ်း။ ခွေကဒေါ့ꩻနဝ်ꩻ အမွေးအမဲဉ်ႏဒျာႏကျောင်ꩻ စွဉ်ႏကြောင်းစင် ဝိညာဉ်ႏတောႏ ကအဝ်ႏအုပ်စိုꩻဒါႏ ခွေဩတ္တပ္ပသꩻနဝ်ꩻ အဝ်ႏခံႏဖေႏ သက်သေႏနဝ်ꩻသွူ။ 2ခွေကဒေါ့ꩻဒါႏချိန်ႏ ခွေသꩻပေႏငါႏ ခွိုင်းကားမုဲင်ꩻ၊ ခွေသꩻကိုဆာငါႏ ခွိုင်းကားမုဲင်ꩻ၊ 3ခွေလိုꩻမျိုꩻဖုံႏတာႏ၊ ခွေသွီႏယာႏဖုံႏတာႏ သꩻဆွာꩻငါႏ ခွိုင်းကားမုဲင်ꩻ၊ ပွိုးဝွေꩻသီး တာႏနဝ်ꩻ ခွေနမ်း မဉ်ခံႏနေးစွဉ်ႏ ဗွေႏဘုရာꩻ စိန်ႏတရေႏတဲင် အဝ်ႏဗွေႏခရစ်တောႏထျꩻနဝ်ꩻ မဉ်ဖညာꩻထိုꩻစွဉ်ႏသွူ။ 4#ထလ ၄:၂၂။ ဝွေꩻသီးနဝ်ꩻ ထွာဗွေႏဘုရာꩻလိုꩻဖုံႏတဲင် ဝွေꩻသီးနဝ်ꩻ ဝွေꩻဗွေႏမာꩻထွာလဲဉ်း ဝွေꩻဗွေႏ အပိုဖုံႏတွော့ꩻ ဝွေꩻဗွေႏ ဘွုန်ꩻသရေႏတောႏနဝ်ꩻ ဖေါႏနယ်ဖေႏလဲဉ်း ဝွေꩻသီးသွူ။ စွဉ်ႏဝွေꩻသီးနဝ်ꩻ ဝွေꩻဗွေႏမာꩻ ပဋိညာဉ်ႏဖုံႏတဲင် ဖေႏဝွေꩻသီး ပညတ်တရာꩻဖုံႏသွူ။ ဝွေꩻသီးလꩻလဲဉ်း ဝုဲင်ႏကိုꩻကွယ်ႏ အနယ်ꩻမဲဉ်ႏ၊ ဝွေꩻသီး လက်ခံႏလꩻလဲဉ်း ဗွေႏဘုရာꩻ ဂတိတောႏဖုံႏနဝ်ꩻသွူ။ 5ဝွေꩻသီးနဝ်ꩻ ထွာမဉ်ꩻကကျော်ႏငါႏ အဖါဖြား ဟေဗြဲ ပိုလီꩻစွိုးခွိုꩻဖုံႏဒျာႏတဲင် နုဲင်းဗွေႏခရစ်တောႏ ကခံႏထူႏဒါႏ လိုꩻဇာႏတိနဝ်ꩻ ထွာဒျာႏဝွေꩻသီး လိုꩻမျိုꩻသွူ။ ဗွေႏဘုရာꩻ ကအဝ်ႏအုပ်စိုꩻလို့ဒါႏ ထာꩻကားကအဝ်ႏနဝ်ꩻ ယံကအုပ်ꩻထင်ႏ သေႏသေႏသွော့။ အာမေင်။
6ဗွေႏဘုရာꩻ ကအွဉ်ႏခါꩻဒါႏ ဂတိတောႏနဝ်ꩻ ဗွေတဝ်း ခွေမဉ်ရိုꩻနုဲင်းနဝ်ꩻ တမွေးတဝ်း၊ ပွိုးတွော့ꩻ ဗွေႏဘုရာꩻ အလိုꩻဖုံႏကိုနဝ်ꩻ ဣသရေး လိုꩻမျိုꩻဖုံႏ ကားကအဝ်ႏ တပါလို့တဝ်းသွူ။ 7#ကမ္ဘာႏ ၂၁:၁၂။ အဗြာဟံ အပိုလီꩻဖုံႏ ကားကအဝ်ႏနဝ်ꩻ ထွာလို့ဗွေႏဘုရာꩻပိုဖုံႏ တမွေးတဝ်းသွူ။ ဗွေႏဘုရာꩻ ဒေါ့ꩻဖေႏ အဗြာဟံ၊ “စွဉ်ႏဣသဲစ်နဝ်ꩻ နာꩻအီႏလꩻ ပိုလီꩻစွိုးခွိုꩻဖုံႏ ခွေအွဉ်ႏ ဂတိ ဖေႏနာꩻ၊” နုဲင်းနဝ်ꩻသွူ။ 8ယိုအဓိပ္ပါယ်ႏနဝ်ꩻ ပိုဖုံႏ ကလွူးလွဉ်ဒါႏ ရိုꩻရိုꩻသားဖုံႏနဝ်ꩻ ထွာဗွေႏဘုရာꩻပိုဖုံႏ တမွေးတဝ်းသွူ။ ပိုဖုံႏ ကလွူးလွဉ် ဆဲင်ႏဒျာႏတွမ်ႏ နုဲင်းဗွေႏဘုရာꩻ ဂတိတောႏနဝ်ꩻ ထွာပိုလီꩻစွိုးခွိုꩻ အစဲစ်အမဲဉ်ႏဖုံႏ နဝ်ꩻသွူ။ 9#ကမ္ဘာႏ ၁၈:၁၀။ ပွိုးဗွေႏဘုရာꩻ ဂတိတောႏနဝ်ꩻ မာꩻအီစွဉ်ႏ ငဝ်းနုဲင်းယိုဖုံႏ၊ “အချိန်ႏမဉ်ႏတွိုႏနဝ်ꩻ ခွေအီႏသဲင်ꩻလွဉ်ချာ တဲင်သာရာနဝ်ꩻ အီႏလꩻပိုခိုတဖြာꩻ” နုဲင်းနဝ်ꩻသွူ။
10တဲင်ယိုလွုမ်ꩻ တကာႏတဝ်း ရီဗက္က ပိုခိုဝင်ꩻနီနဝ်ꩻ ထွာဖါတဖြာꩻချင်ႏ ကထွာနီဖါဖြား ဣသဲစ်နဝ်ꩻသွူ။ 11-12#ကမ္ဘာႏ ၂၅:၂၃။ ကွဲႏတွော့ꩻ ခလားဝွေꩻသီး ကလွူးလွဉ်ခါကာႏ၊ ခလား ဝွေꩻသီးကမာꩻဒါႏ အဟဝ်အကုဲင် တစွိုးစွိုး ခါကာႏ ဝွေꩻဗွေႏ မိန်းဖေႏ နုဲင်းယို၊ ဗွေႏဘုရာꩻဒေါ့ꩻဖေႏ ဝွေꩻမူႏ၊ “အဖြာꩻတန်နဝ်ꩻ အီႏခံႏဖေႏဗာႏ အဖြာꩻပေႏသွဉ်း၊” ပိုခိုအဖြာꩻ ကလွိုက်ထူႏနဝ်ꩻ အီႏမာꩻဗွေစွုံႏလင်ႏဖေႏ ဗွေႏဘုရာꩻ အကျံႏတောႏ နဝ်ꩻသွူ။ နဝ်ꩻမꩻ ဗွေႏဘုရာꩻ ကအဝ်ႏလွိုက် ဟဲ့ꩻဒါႏနဝ်ꩻ အထျꩻအွဉ်ႏဒျာႏ ဝွေꩻဗွေႏ လွိုက်ဟဲ့ꩻလောင်း၊ အွဉ်ႏဝွေꩻသီး အထာꩻမာꩻ တစွိုးစွိုးလောင်း တမွေးတဝ်းသွူ။ 13#မိတ် ၁:၂၊၃။ နုဲင်းလိတ်ကျမ်ꩻကိုရိုꩻ၊ ခွေကျွိုက်နစ်သက် ယာကုပ်၊ ကွဲႏတွော့ꩻ ခွေလွꩻထီႏဧသော” နုဲင်းနဝ်ꩻသွူ။
14နဝ်ꩻထွူ ဗွေႏဘုရာꩻနဝ်ꩻ တရာꩻတဝ်း နီအီႏရိုꩻဗာႏ နုဲင်းနဝ်ꩻဟောင်း။ နုဲင်းနဝ်ꩻ မွေးတဝ်းသွူ။ 15#ထလ ၃၃:၁၉။ ပွိုးဝွေꩻဗွေႏ မိန်းဖေႏမောသျေ၊ “ခွေမဉ်အွဉ်ႏ ကရုဏာႏ ပါꩻအဖြာꩻမုဲင်ꩻလောင်းတဲ့ ခွေအီႏအွဉ်ႏဒျာႏ။ ခွေမဉ်အွဉ်ႏသꩻညင်ꩻ ပါꩻအဖြာꩻမုဲင်ꩻလောင်းတဲ့ ခွေအီႏသꩻညင်ꩻဒျာႏ” နုဲင်းနဝ်ꩻသွူ။ 16နဝ်ꩻမꩻ ထာꩻစွုမ်ႏစွိုးနဝ်ꩻ အုံဒေါင်လူးဒျာႏ နီလိုꩻထာꩻမဉ်လꩻလောင်း မဉ်ႏမွေးတဝ်း ထာꩻမာꩻလောင်းနဝ်ꩻ တမွေးတဝ်း။ အုံဒေါင်လူးဒျာႏ ဗွေႏဘုရာꩻ အထာꩻသꩻညင်ꩻလောင်း လွုမ်ꩻသွူ။ 17#ထလ ၉:၁၆ (LXX)။ ပွိုးလိတ်ကျမ်ꩻနဝ်ꩻ ရိုꩻဖေႏ အီဂျစ်ခမ်း ခွန်တန်၊ “ဖေႏနေး ကအွဉ်ႏနယ် ခွေတန်ꩻခိုꩻတဲင် ဖေႏနေး ခွေမဉ်ꩻ ကကျော်ႏစွစ်ꩻလီထိုꩻ တဟံႏတန်လွုမ်းနဝ်ꩻ ခွေမာꩻထွာ ခန်ꩻနာꩻ ခွန်တန်တွော့ꩻ သွုံꩻဒျာႏနာꩻ” နုဲင်းနဝ်ꩻသွူ။ 18နဝ်ꩻမꩻ ဗွေႏဘုရာꩻနဝ်ꩻ ဝွေꩻဗွေႏမဉ် အွဉ်ႏသညင်ꩻ အဖြာꩻမုဲင်ꩻလောင်းတဲ့ သညင်ꩻဒျာႏတွော့ꩻ ဝွေꩻဗွေႏမဉ်မာꩻနုတ်ꩻ အဖြာꩻမုဲင်ꩻသꩻတဲ့ ဝွေꩻဗွေႏမာꩻနုတ်ꩻဒျာႏသွူ။
ဗွေႏဘုရာꩻထာꩻသꩻလျားတွမ်ႏထာꩻသꩻညင်ꩻကရုဏာႏ
19ကွဲႏတွော့ꩻ သီအကို တဖြာꩻနဝ်ꩻ အီႏရိုꩻဖေႏဒါႏခွေ၊ “မဉ်ႏထွာနုဲင်းယိုနဝ်ꩻ ဗွေႏဘုရာꩻ ပဲစ်တင်ႏနွောင်ꩻ ပါꩻမုဲင်ꩻတဖြာꩻဟောင်း။ ပါꩻမုဲင်ꩻတဖြာꩻ အီႏဆန်ချာနွောင်ꩻ ဗွေႏဘုရာꩻ အလိုႏတောႏဟောင်း” နုဲင်းနဝ်ꩻသွူ။ 20#ဟေသျာ ၂၉:၁၆၊ ၄၅:၉။ ကွဲႏတွော့ꩻ ခွေသွꩻဖုံႏ၊ သီနဝ်ꩻထွာ ပါꩻမုဲင်ꩻတွော့ꩻ အီႏဒေါ့ꩻချာနွောင်ꩻ ဗွေႏဘုရာꩻဟောင်း။ ဖွိုင်ꩻဟံႏတဖြုံႏနဝ်ꩻ တရီချာနွောင်ꩻတဝ်း လိုꩻကောဗွော့ꩻမာꩻဒါႏ ဖွိုင်ꩻသား၊ “ပွိုးတမုဲင်ꩻ နာꩻမာꩻဗာႏတွိုႏခွေ အပွုံႏစံႏ နုဲင်းယိုဟောင်း” နုဲင်းနဝ်ꩻသွူ။ 21ကားကအဝ်ႏထွူ ပါꩻကမာꩻ ဖွိုင်ꩻဟံႏသားနဝ်ꩻ ထူႏဟံႏဗော့ꩻတွော့ꩻ ဝွေꩻကမဉ်မာꩻဒါႏနဝ်ꩻ မာꩻခွင်ꩻအဝ်ႏဒျာႏတဲင် ဟံႏဗော့ꩻ တတူႏချင်ႏနဝ်ꩻ မာꩻဖွိုင်ꩻနီဖြုံႏ၊ တဖြုံႏနဝ်ꩻ အဟဝ်စားတဲင် တဖြုံႏနဝ်ꩻ အညံးစားတဲ့ မာꩻနွောင်ꩻဒျာႏ တမွေးတဝ်းဟောင်း။
22ဗွိုန်နုဲင်းနဝ်ꩻနေနေ နုဲင်းဗွေႏဘုရာꩻ ကမာꩻလဲဉ်းနဝ်ꩻ မွေးမဲဉ်ႏဒျာႏသွူ။ မာꩻဖေႏကသေ ဝွေꩻဗွေႏတန်ꩻခိုꩻနဝ်ꩻ ဝွေꩻဗွေႏ မဉ်အွဉ်ႏနယ်ဒျာႏ ဝွေꩻဗွေႏ ထာꩻသꩻလျား၊ ကွဲႏတွော့ꩻ လိုꩻကခံႏထွိုက်ဒါႏ ဝွေꩻဗွေႏ ထာꩻသꩻလျား ကအီႏခံႏထွိုက်ဗာႏဒါႏ အမင်္ဂလာႏ အယားကုဲင် ထိုꩻသားဖုံႏနဝ်ꩻ ဝွေꩻဗွေႏ အဝ်ႏယွိုန်းယော သယ်ꩻခံႏဗာႏ မွေးနေးစွဉ်ႏသွူ။ 23တဲင်ဝွေꩻဗွေႏနဝ်ꩻ မဉ်ဖေါႏထန်ႏနယ် ဖေႏပါကဒွိုန်း ကလွိုင်ႏကွိုန်ꩻ ဟဝ်ငါႏ ဝွေꩻဗွေႏ ဘွုန်ꩻသရေႏတောႏနဝ်ꩻ အီႏထောက်ꩻထန်ႏဖေႏ ပါꩻဖုံႏ ဝွေꩻဗွေႏ ကသညင်ꩻဒါႏ၊ ကရုဏာႏ ကအဝ်ႏငါႏ နီအလောင်းသွူ။ ဖေႏကလက်ခံႏ စံႏစာꩻဗာႏ ဝွေꩻဗွေႏ အဘွုန်ꩻသရေႏနဝ်ꩻ နီနဝ်ꩻတဲ့ ဝွေꩻဗွေႏ ဖျင်ရဲဉ်ꩻဖေႏသွူ။ 24ပွိုးတွော့ꩻ နီနဝ်ꩻ ထွာဒျာႏ ဝွေꩻဗွေႏ ကလွိုက်ဟဲ့ꩻခါꩻ လိုꩻဖုံႏသွူ။ ကလွိုက်ဟဲ့ꩻထူႏ နီနဝ်ꩻ ဟဲ့ꩻလွိုက်ထူႏ ယုဒလိုꩻဖုံႏကိုလွုမ်ꩻ တမွေးတဝ်း လိုꩻမျိုꩻလင်ဖုံႏကိုတဲ့ အဝ်ႏပါသွူ။ 25#ဟောသျေ ၂:၂၃။ နုဲင်းဝွေꩻဗွေႏ ကမိန်းဖေႏဒါႏ ဟောသျေ ကျမ်ꩻကိုနဝ်ꩻ နုဲင်းယို၊
“လိုꩻစွိုꩻဖုံႏ ကထွာ ခွေလိုꩻစွိုꩻ တမွေးတဝ်းဖုံႏနဝ်ꩻ၊
ခွေအီႏဟဲ့ꩻ ခွေလိုꩻစွိုꩻဖုံႏသွူ၊၊’
လိုꩻမျိုꩻဖုံႏ ခွေတရက်တဝ်းနဝ်ꩻ၊
ခွေအီႏဟဲ့ꩻဒျာႏ၊ ‘ခွေကရက်ငါႏ လိုꩻမျိုꩻဖုံႏ’ နုဲင်းနဝ်ꩻသွူ။
26 # ဟောသျေ ၁:၁၀။ ခင်ႏလမ်ႏစွုမ်ႏထွောင်းကို ဝွေꩻသီး အဝ်ႏဒေါ့ꩻဒါႏ၊ ‘သီနဝ်ꩻထွာ ခွေလိုꩻစွိုꩻ တမွေးတဝ်း’ နုဲင်းနဝ်ꩻနဝ်ꩻ
ခင်ႏလမ်းနဝ်ꩻကိုနဝ်ꩻ ဝွေꩻသီးအီႏခံႏ ဟဲ့ꩻဗာႏ သက်မွန် ဗွေႏဘုရာꩻ ပိုဖုံႏ” နုဲင်းနဝ်ꩻသွူ။
27 # ဟေသျာ ၁၀:၂၂၊၂၃ (LXX)။ ပွိုင်းဝွို့တွမ်ႏ ဣသရေး လိုꩻမျိုꩻခရာႏ ဟေသျာယ ကကေႏညာႏဖေႏဒါႏနဝ်ꩻ၊ “ဣသရေး လိုꩻမျိုꩻဖုံႏနဝ်ꩻ မဉ်ႏလဲင်ꩻအာငါႏ နုဲင်းသုဲင်ꩻပင်ႏလယ်ႏ စွဉ်ႏတဲ့ ဝွေꩻသီး ကအီႏလꩻ ထာꩻကယ်ႏတင်ႏနဝ်ꩻ အဝ်ႏတစိꩻလွုမ်ꩻသွူ။ 28ပွိုး ဗွေႏဘုရာꩻနဝ်ꩻ အီႏစီႏရင်ႏမွိုင်ထိုစွဉ်ႏ ကမ္ဘာႏလောက အတွက်” နုဲင်းနဝ်ꩻသွူ။ 29#ဟေသျာ ၁:၉ (LXX)။ နဝ်ꩻနဝ်ꩻထွာနုဲင်း ဟေသျာယ ကဟော်ꩻခါꩻရီးဒါႏ၊ “အနန္တတန်ꩻခိုꩻ ဗွေႏဘုရာꩻ မဉ်ႏတအွဉ်ႏကုဲင်ဖေႏတဝ်း နီစွိုးခွိုꩻနဝ်ꩻ နီအီႏထွာလွဉ် ဗွိုန်နုဲင်း သောဒုံစွဉ်ႏ ဂေါမောရဝေင်ꩻ ကမေ့ာꩻဒါႏအတွိုင်ꩻ” နုဲင်းနဝ်ꩻသွူ။
ဣသရေးလိုꩻမျိုꩻတွမ်ႏသတင်ꩻဟဝ်တရာꩻ
30နဝ်ꩻမꩻ နီရိုꩻဗာႏ ဖေႏကလꩻ ထာꩻစွို့ꩻစွဉ်ႏခွင်ꩻ ဝွေꩻဗွေႏထျꩻ တကျိုꩻစာꩻတဝ်းဒါႏ လိုꩻမျိုꩻလင်ဖုံႏနဝ်ꩻ စွဉ်ႏထာꩻယွုမ်း လꩻထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻသွူ။ 31အတွင်ꩻ ဗွေႏဘုရာꩻ အလိုꩻစွိုꩻဖုံႏ ဖေႏဝွေꩻသီးကလꩻ ထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻ ကအဝ်ႏထုမ်ႏဒါႏတွမ်ႏ ပညတ်တရာꩻတစွိုး နဝ်ꩻ အတမော့ꩻတဝ်းနဝ်ꩻသွူ။ 32တဲင်ပွိုးတမုဲင်ꩻ တလꩻတဝ်းဟောင်း။ ကွပ်ပွိုး ဝွေꩻသီး တအုံဒေါင်လူးတဝ်း ထာꩻယွုမ်းအလောင်း၊ ဝွေꩻသီး အုံဒေါင်လူးဒျာႏ နုဲင်းဝွေꩻသီး အကျင်ꩻထာꩻမာꩻလောင်း အတွက်သွူ။ နဝ်ꩻမꩻ ဝွေꩻသီး တခူလူးဗာႏဒျာႏလုံး “ကတခူအီဒါႏ လုံးတူႏ”၊ 33#ဟေသျာ ၂၈:၁၆ (LXX)။ နုဲင်းလိတ်ကျမ်ꩻကရိုꩻဒါႏ၊
“ထွားဟုဲင်း၊ ဖေႏနေးလိုꩻဖုံႏ ကတခူအီဗာႏ၊၊
လုံးတူႏတဖြုံႏနဝ်ꩻ ခွေအွဉ်ႏ ကောင်သိအုံလောင်း၊
လုံးတူႏတဖြုံႏနဝ်ꩻ အီႏမာꩻဝꩻလင်ꩻထိုꩻ ဝွေꩻသီးသွူ။
ကွဲႏတွော့ꩻ ပါꩻမုဲင်ꩻယွုမ်း ဝွေꩻဗွေႏနဝ်ꩻ အီႏသꩻကုဲင်ထိုꩻဗာႏတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
ရောမ 9: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 9
9
ဗွေႏဘုရာꩻတွမ်ႏဝွေꩻဗွေႏလိုꩻဖုံႏ
1ခွေနဝ်ꩻ ဆဲင်ႏဒျာႏတွမ်ႏ ဗွေႏခရစ်တောႏတဲင် ခွေတလဲဉ်တဝ်း။ ခွေကဒေါ့ꩻနဝ်ꩻ အမွေးအမဲဉ်ႏဒျာႏကျောင်ꩻ စွဉ်ႏကြောင်းစင် ဝိညာဉ်ႏတောႏ ကအဝ်ႏအုပ်စိုꩻဒါႏ ခွေဩတ္တပ္ပသꩻနဝ်ꩻ အဝ်ႏခံႏဖေႏ သက်သေႏနဝ်ꩻသွူ။ 2ခွေကဒေါ့ꩻဒါႏချိန်ႏ ခွေသꩻပေႏငါႏ ခွိုင်းကားမုဲင်ꩻ၊ ခွေသꩻကိုဆာငါႏ ခွိုင်းကားမုဲင်ꩻ၊ 3ခွေလိုꩻမျိုꩻဖုံႏတာႏ၊ ခွေသွီႏယာႏဖုံႏတာႏ သꩻဆွာꩻငါႏ ခွိုင်းကားမုဲင်ꩻ၊ ပွိုးဝွေꩻသီး တာႏနဝ်ꩻ ခွေနမ်း မဉ်ခံႏနေးစွဉ်ႏ ဗွေႏဘုရာꩻ စိန်ႏတရေႏတဲင် အဝ်ႏဗွေႏခရစ်တောႏထျꩻနဝ်ꩻ မဉ်ဖညာꩻထိုꩻစွဉ်ႏသွူ။ 4#ထလ ၄:၂၂။ ဝွေꩻသီးနဝ်ꩻ ထွာဗွေႏဘုရာꩻလိုꩻဖုံႏတဲင် ဝွေꩻသီးနဝ်ꩻ ဝွေꩻဗွေႏမာꩻထွာလဲဉ်း ဝွေꩻဗွေႏ အပိုဖုံႏတွော့ꩻ ဝွေꩻဗွေႏ ဘွုန်ꩻသရေႏတောႏနဝ်ꩻ ဖေါႏနယ်ဖေႏလဲဉ်း ဝွေꩻသီးသွူ။ စွဉ်ႏဝွေꩻသီးနဝ်ꩻ ဝွေꩻဗွေႏမာꩻ ပဋိညာဉ်ႏဖုံႏတဲင် ဖေႏဝွေꩻသီး ပညတ်တရာꩻဖုံႏသွူ။ ဝွေꩻသီးလꩻလဲဉ်း ဝုဲင်ႏကိုꩻကွယ်ႏ အနယ်ꩻမဲဉ်ႏ၊ ဝွေꩻသီး လက်ခံႏလꩻလဲဉ်း ဗွေႏဘုရာꩻ ဂတိတောႏဖုံႏနဝ်ꩻသွူ။ 5ဝွေꩻသီးနဝ်ꩻ ထွာမဉ်ꩻကကျော်ႏငါႏ အဖါဖြား ဟေဗြဲ ပိုလီꩻစွိုးခွိုꩻဖုံႏဒျာႏတဲင် နုဲင်းဗွေႏခရစ်တောႏ ကခံႏထူႏဒါႏ လိုꩻဇာႏတိနဝ်ꩻ ထွာဒျာႏဝွေꩻသီး လိုꩻမျိုꩻသွူ။ ဗွေႏဘုရာꩻ ကအဝ်ႏအုပ်စိုꩻလို့ဒါႏ ထာꩻကားကအဝ်ႏနဝ်ꩻ ယံကအုပ်ꩻထင်ႏ သေႏသေႏသွော့။ အာမေင်။
6ဗွေႏဘုရာꩻ ကအွဉ်ႏခါꩻဒါႏ ဂတိတောႏနဝ်ꩻ ဗွေတဝ်း ခွေမဉ်ရိုꩻနုဲင်းနဝ်ꩻ တမွေးတဝ်း၊ ပွိုးတွော့ꩻ ဗွေႏဘုရာꩻ အလိုꩻဖုံႏကိုနဝ်ꩻ ဣသရေး လိုꩻမျိုꩻဖုံႏ ကားကအဝ်ႏ တပါလို့တဝ်းသွူ။ 7#ကမ္ဘာႏ ၂၁:၁၂။ အဗြာဟံ အပိုလီꩻဖုံႏ ကားကအဝ်ႏနဝ်ꩻ ထွာလို့ဗွေႏဘုရာꩻပိုဖုံႏ တမွေးတဝ်းသွူ။ ဗွေႏဘုရာꩻ ဒေါ့ꩻဖေႏ အဗြာဟံ၊ “စွဉ်ႏဣသဲစ်နဝ်ꩻ နာꩻအီႏလꩻ ပိုလီꩻစွိုးခွိုꩻဖုံႏ ခွေအွဉ်ႏ ဂတိ ဖေႏနာꩻ၊” နုဲင်းနဝ်ꩻသွူ။ 8ယိုအဓိပ္ပါယ်ႏနဝ်ꩻ ပိုဖုံႏ ကလွူးလွဉ်ဒါႏ ရိုꩻရိုꩻသားဖုံႏနဝ်ꩻ ထွာဗွေႏဘုရာꩻပိုဖုံႏ တမွေးတဝ်းသွူ။ ပိုဖုံႏ ကလွူးလွဉ် ဆဲင်ႏဒျာႏတွမ်ႏ နုဲင်းဗွေႏဘုရာꩻ ဂတိတောႏနဝ်ꩻ ထွာပိုလီꩻစွိုးခွိုꩻ အစဲစ်အမဲဉ်ႏဖုံႏ နဝ်ꩻသွူ။ 9#ကမ္ဘာႏ ၁၈:၁၀။ ပွိုးဗွေႏဘုရာꩻ ဂတိတောႏနဝ်ꩻ မာꩻအီစွဉ်ႏ ငဝ်းနုဲင်းယိုဖုံႏ၊ “အချိန်ႏမဉ်ႏတွိုႏနဝ်ꩻ ခွေအီႏသဲင်ꩻလွဉ်ချာ တဲင်သာရာနဝ်ꩻ အီႏလꩻပိုခိုတဖြာꩻ” နုဲင်းနဝ်ꩻသွူ။
10တဲင်ယိုလွုမ်ꩻ တကာႏတဝ်း ရီဗက္က ပိုခိုဝင်ꩻနီနဝ်ꩻ ထွာဖါတဖြာꩻချင်ႏ ကထွာနီဖါဖြား ဣသဲစ်နဝ်ꩻသွူ။ 11-12#ကမ္ဘာႏ ၂၅:၂၃။ ကွဲႏတွော့ꩻ ခလားဝွေꩻသီး ကလွူးလွဉ်ခါကာႏ၊ ခလား ဝွေꩻသီးကမာꩻဒါႏ အဟဝ်အကုဲင် တစွိုးစွိုး ခါကာႏ ဝွေꩻဗွေႏ မိန်းဖေႏ နုဲင်းယို၊ ဗွေႏဘုရာꩻဒေါ့ꩻဖေႏ ဝွေꩻမူႏ၊ “အဖြာꩻတန်နဝ်ꩻ အီႏခံႏဖေႏဗာႏ အဖြာꩻပေႏသွဉ်း၊” ပိုခိုအဖြာꩻ ကလွိုက်ထူႏနဝ်ꩻ အီႏမာꩻဗွေစွုံႏလင်ႏဖေႏ ဗွေႏဘုရာꩻ အကျံႏတောႏ နဝ်ꩻသွူ။ နဝ်ꩻမꩻ ဗွေႏဘုရာꩻ ကအဝ်ႏလွိုက် ဟဲ့ꩻဒါႏနဝ်ꩻ အထျꩻအွဉ်ႏဒျာႏ ဝွေꩻဗွေႏ လွိုက်ဟဲ့ꩻလောင်း၊ အွဉ်ႏဝွေꩻသီး အထာꩻမာꩻ တစွိုးစွိုးလောင်း တမွေးတဝ်းသွူ။ 13#မိတ် ၁:၂၊၃။ နုဲင်းလိတ်ကျမ်ꩻကိုရိုꩻ၊ ခွေကျွိုက်နစ်သက် ယာကုပ်၊ ကွဲႏတွော့ꩻ ခွေလွꩻထီႏဧသော” နုဲင်းနဝ်ꩻသွူ။
14နဝ်ꩻထွူ ဗွေႏဘုရာꩻနဝ်ꩻ တရာꩻတဝ်း နီအီႏရိုꩻဗာႏ နုဲင်းနဝ်ꩻဟောင်း။ နုဲင်းနဝ်ꩻ မွေးတဝ်းသွူ။ 15#ထလ ၃၃:၁၉။ ပွိုးဝွေꩻဗွေႏ မိန်းဖေႏမောသျေ၊ “ခွေမဉ်အွဉ်ႏ ကရုဏာႏ ပါꩻအဖြာꩻမုဲင်ꩻလောင်းတဲ့ ခွေအီႏအွဉ်ႏဒျာႏ။ ခွေမဉ်အွဉ်ႏသꩻညင်ꩻ ပါꩻအဖြာꩻမုဲင်ꩻလောင်းတဲ့ ခွေအီႏသꩻညင်ꩻဒျာႏ” နုဲင်းနဝ်ꩻသွူ။ 16နဝ်ꩻမꩻ ထာꩻစွုမ်ႏစွိုးနဝ်ꩻ အုံဒေါင်လူးဒျာႏ နီလိုꩻထာꩻမဉ်လꩻလောင်း မဉ်ႏမွေးတဝ်း ထာꩻမာꩻလောင်းနဝ်ꩻ တမွေးတဝ်း။ အုံဒေါင်လူးဒျာႏ ဗွေႏဘုရာꩻ အထာꩻသꩻညင်ꩻလောင်း လွုမ်ꩻသွူ။ 17#ထလ ၉:၁၆ (LXX)။ ပွိုးလိတ်ကျမ်ꩻနဝ်ꩻ ရိုꩻဖေႏ အီဂျစ်ခမ်း ခွန်တန်၊ “ဖေႏနေး ကအွဉ်ႏနယ် ခွေတန်ꩻခိုꩻတဲင် ဖေႏနေး ခွေမဉ်ꩻ ကကျော်ႏစွစ်ꩻလီထိုꩻ တဟံႏတန်လွုမ်းနဝ်ꩻ ခွေမာꩻထွာ ခန်ꩻနာꩻ ခွန်တန်တွော့ꩻ သွုံꩻဒျာႏနာꩻ” နုဲင်းနဝ်ꩻသွူ။ 18နဝ်ꩻမꩻ ဗွေႏဘုရာꩻနဝ်ꩻ ဝွေꩻဗွေႏမဉ် အွဉ်ႏသညင်ꩻ အဖြာꩻမုဲင်ꩻလောင်းတဲ့ သညင်ꩻဒျာႏတွော့ꩻ ဝွေꩻဗွေႏမဉ်မာꩻနုတ်ꩻ အဖြာꩻမုဲင်ꩻသꩻတဲ့ ဝွေꩻဗွေႏမာꩻနုတ်ꩻဒျာႏသွူ။
ဗွေႏဘုရာꩻထာꩻသꩻလျားတွမ်ႏထာꩻသꩻညင်ꩻကရုဏာႏ
19ကွဲႏတွော့ꩻ သီအကို တဖြာꩻနဝ်ꩻ အီႏရိုꩻဖေႏဒါႏခွေ၊ “မဉ်ႏထွာနုဲင်းယိုနဝ်ꩻ ဗွေႏဘုရာꩻ ပဲစ်တင်ႏနွောင်ꩻ ပါꩻမုဲင်ꩻတဖြာꩻဟောင်း။ ပါꩻမုဲင်ꩻတဖြာꩻ အီႏဆန်ချာနွောင်ꩻ ဗွေႏဘုရာꩻ အလိုႏတောႏဟောင်း” နုဲင်းနဝ်ꩻသွူ။ 20#ဟေသျာ ၂၉:၁၆၊ ၄၅:၉။ ကွဲႏတွော့ꩻ ခွေသွꩻဖုံႏ၊ သီနဝ်ꩻထွာ ပါꩻမုဲင်ꩻတွော့ꩻ အီႏဒေါ့ꩻချာနွောင်ꩻ ဗွေႏဘုရာꩻဟောင်း။ ဖွိုင်ꩻဟံႏတဖြုံႏနဝ်ꩻ တရီချာနွောင်ꩻတဝ်း လိုꩻကောဗွော့ꩻမာꩻဒါႏ ဖွိုင်ꩻသား၊ “ပွိုးတမုဲင်ꩻ နာꩻမာꩻဗာႏတွိုႏခွေ အပွုံႏစံႏ နုဲင်းယိုဟောင်း” နုဲင်းနဝ်ꩻသွူ။ 21ကားကအဝ်ႏထွူ ပါꩻကမာꩻ ဖွိုင်ꩻဟံႏသားနဝ်ꩻ ထူႏဟံႏဗော့ꩻတွော့ꩻ ဝွေꩻကမဉ်မာꩻဒါႏနဝ်ꩻ မာꩻခွင်ꩻအဝ်ႏဒျာႏတဲင် ဟံႏဗော့ꩻ တတူႏချင်ႏနဝ်ꩻ မာꩻဖွိုင်ꩻနီဖြုံႏ၊ တဖြုံႏနဝ်ꩻ အဟဝ်စားတဲင် တဖြုံႏနဝ်ꩻ အညံးစားတဲ့ မာꩻနွောင်ꩻဒျာႏ တမွေးတဝ်းဟောင်း။
22ဗွိုန်နုဲင်းနဝ်ꩻနေနေ နုဲင်းဗွေႏဘုရာꩻ ကမာꩻလဲဉ်းနဝ်ꩻ မွေးမဲဉ်ႏဒျာႏသွူ။ မာꩻဖေႏကသေ ဝွေꩻဗွေႏတန်ꩻခိုꩻနဝ်ꩻ ဝွေꩻဗွေႏ မဉ်အွဉ်ႏနယ်ဒျာႏ ဝွေꩻဗွေႏ ထာꩻသꩻလျား၊ ကွဲႏတွော့ꩻ လိုꩻကခံႏထွိုက်ဒါႏ ဝွေꩻဗွေႏ ထာꩻသꩻလျား ကအီႏခံႏထွိုက်ဗာႏဒါႏ အမင်္ဂလာႏ အယားကုဲင် ထိုꩻသားဖုံႏနဝ်ꩻ ဝွေꩻဗွေႏ အဝ်ႏယွိုန်းယော သယ်ꩻခံႏဗာႏ မွေးနေးစွဉ်ႏသွူ။ 23တဲင်ဝွေꩻဗွေႏနဝ်ꩻ မဉ်ဖေါႏထန်ႏနယ် ဖေႏပါကဒွိုန်း ကလွိုင်ႏကွိုန်ꩻ ဟဝ်ငါႏ ဝွေꩻဗွေႏ ဘွုန်ꩻသရေႏတောႏနဝ်ꩻ အီႏထောက်ꩻထန်ႏဖေႏ ပါꩻဖုံႏ ဝွေꩻဗွေႏ ကသညင်ꩻဒါႏ၊ ကရုဏာႏ ကအဝ်ႏငါႏ နီအလောင်းသွူ။ ဖေႏကလက်ခံႏ စံႏစာꩻဗာႏ ဝွေꩻဗွေႏ အဘွုန်ꩻသရေႏနဝ်ꩻ နီနဝ်ꩻတဲ့ ဝွေꩻဗွေႏ ဖျင်ရဲဉ်ꩻဖေႏသွူ။ 24ပွိုးတွော့ꩻ နီနဝ်ꩻ ထွာဒျာႏ ဝွေꩻဗွေႏ ကလွိုက်ဟဲ့ꩻခါꩻ လိုꩻဖုံႏသွူ။ ကလွိုက်ဟဲ့ꩻထူႏ နီနဝ်ꩻ ဟဲ့ꩻလွိုက်ထူႏ ယုဒလိုꩻဖုံႏကိုလွုမ်ꩻ တမွေးတဝ်း လိုꩻမျိုꩻလင်ဖုံႏကိုတဲ့ အဝ်ႏပါသွူ။ 25#ဟောသျေ ၂:၂၃။ နုဲင်းဝွေꩻဗွေႏ ကမိန်းဖေႏဒါႏ ဟောသျေ ကျမ်ꩻကိုနဝ်ꩻ နုဲင်းယို၊
“လိုꩻစွိုꩻဖုံႏ ကထွာ ခွေလိုꩻစွိုꩻ တမွေးတဝ်းဖုံႏနဝ်ꩻ၊
ခွေအီႏဟဲ့ꩻ ခွေလိုꩻစွိုꩻဖုံႏသွူ၊၊’
လိုꩻမျိုꩻဖုံႏ ခွေတရက်တဝ်းနဝ်ꩻ၊
ခွေအီႏဟဲ့ꩻဒျာႏ၊ ‘ခွေကရက်ငါႏ လိုꩻမျိုꩻဖုံႏ’ နုဲင်းနဝ်ꩻသွူ။
26 # ဟောသျေ ၁:၁၀။ ခင်ႏလမ်ႏစွုမ်ႏထွောင်းကို ဝွေꩻသီး အဝ်ႏဒေါ့ꩻဒါႏ၊ ‘သီနဝ်ꩻထွာ ခွေလိုꩻစွိုꩻ တမွေးတဝ်း’ နုဲင်းနဝ်ꩻနဝ်ꩻ
ခင်ႏလမ်းနဝ်ꩻကိုနဝ်ꩻ ဝွေꩻသီးအီႏခံႏ ဟဲ့ꩻဗာႏ သက်မွန် ဗွေႏဘုရာꩻ ပိုဖုံႏ” နုဲင်းနဝ်ꩻသွူ။
27 # ဟေသျာ ၁၀:၂၂၊၂၃ (LXX)။ ပွိုင်းဝွို့တွမ်ႏ ဣသရေး လိုꩻမျိုꩻခရာႏ ဟေသျာယ ကကေႏညာႏဖေႏဒါႏနဝ်ꩻ၊ “ဣသရေး လိုꩻမျိုꩻဖုံႏနဝ်ꩻ မဉ်ႏလဲင်ꩻအာငါႏ နုဲင်းသုဲင်ꩻပင်ႏလယ်ႏ စွဉ်ႏတဲ့ ဝွေꩻသီး ကအီႏလꩻ ထာꩻကယ်ႏတင်ႏနဝ်ꩻ အဝ်ႏတစိꩻလွုမ်ꩻသွူ။ 28ပွိုး ဗွေႏဘုရာꩻနဝ်ꩻ အီႏစီႏရင်ႏမွိုင်ထိုစွဉ်ႏ ကမ္ဘာႏလောက အတွက်” နုဲင်းနဝ်ꩻသွူ။ 29#ဟေသျာ ၁:၉ (LXX)။ နဝ်ꩻနဝ်ꩻထွာနုဲင်း ဟေသျာယ ကဟော်ꩻခါꩻရီးဒါႏ၊ “အနန္တတန်ꩻခိုꩻ ဗွေႏဘုရာꩻ မဉ်ႏတအွဉ်ႏကုဲင်ဖေႏတဝ်း နီစွိုးခွိုꩻနဝ်ꩻ နီအီႏထွာလွဉ် ဗွိုန်နုဲင်း သောဒုံစွဉ်ႏ ဂေါမောရဝေင်ꩻ ကမေ့ာꩻဒါႏအတွိုင်ꩻ” နုဲင်းနဝ်ꩻသွူ။
ဣသရေးလိုꩻမျိုꩻတွမ်ႏသတင်ꩻဟဝ်တရာꩻ
30နဝ်ꩻမꩻ နီရိုꩻဗာႏ ဖေႏကလꩻ ထာꩻစွို့ꩻစွဉ်ႏခွင်ꩻ ဝွေꩻဗွေႏထျꩻ တကျိုꩻစာꩻတဝ်းဒါႏ လိုꩻမျိုꩻလင်ဖုံႏနဝ်ꩻ စွဉ်ႏထာꩻယွုမ်း လꩻထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻသွူ။ 31အတွင်ꩻ ဗွေႏဘုရာꩻ အလိုꩻစွိုꩻဖုံႏ ဖေႏဝွေꩻသီးကလꩻ ထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻ ကအဝ်ႏထုမ်ႏဒါႏတွမ်ႏ ပညတ်တရာꩻတစွိုး နဝ်ꩻ အတမော့ꩻတဝ်းနဝ်ꩻသွူ။ 32တဲင်ပွိုးတမုဲင်ꩻ တလꩻတဝ်းဟောင်း။ ကွပ်ပွိုး ဝွေꩻသီး တအုံဒေါင်လူးတဝ်း ထာꩻယွုမ်းအလောင်း၊ ဝွေꩻသီး အုံဒေါင်လူးဒျာႏ နုဲင်းဝွေꩻသီး အကျင်ꩻထာꩻမာꩻလောင်း အတွက်သွူ။ နဝ်ꩻမꩻ ဝွေꩻသီး တခူလူးဗာႏဒျာႏလုံး “ကတခူအီဒါႏ လုံးတူႏ”၊ 33#ဟေသျာ ၂၈:၁၆ (LXX)။ နုဲင်းလိတ်ကျမ်ꩻကရိုꩻဒါႏ၊
“ထွားဟုဲင်း၊ ဖေႏနေးလိုꩻဖုံႏ ကတခူအီဗာႏ၊၊
လုံးတူႏတဖြုံႏနဝ်ꩻ ခွေအွဉ်ႏ ကောင်သိအုံလောင်း၊
လုံးတူႏတဖြုံႏနဝ်ꩻ အီႏမာꩻဝꩻလင်ꩻထိုꩻ ဝွေꩻသီးသွူ။
ကွဲႏတွော့ꩻ ပါꩻမုဲင်ꩻယွုမ်း ဝွေꩻဗွေႏနဝ်ꩻ အီႏသꩻကုဲင်ထိုꩻဗာႏတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.