ရောမ 10
10
1ခွေသွꩻဖုံႏ၊ ခွေနမ်းလိုꩻမျိုꩻဖုံႏ ဖေႏကလꩻ ထာꩻကယ်ႏတင်ႏနဝ်ꩻ စွဉ်ႏသွိုန်ႏလို့သꩻစင် ခွေမဉ်လꩻငါႏ ခွိုင်းကားမုဲင်ꩻ။ ဝွေꩻသီးတာႏနဝ်ꩻ ခွေဆုတောင်ꩻထေ့ ဗွေႏဘုရာꩻ ခွိုင်းကားမုဲင်ꩻ။ 2ဝွေꩻသီးနဝ်ꩻ ရိုႏသေႏ ရေႏမတ် မွေးနေးစွဉ်ႏ ဗွေႏဘုရာꩻကျောင်ꩻ ခွေခံႏဖေႏနွောင်ꩻ သက်သေႏနဝ်ꩻသွူ။ ကွဲႏတွော့ꩻ ဝွေꩻသီး ထာꩻရိုႏသေႏ ရေႏမတ်နဝ်ꩻ အထျꩻ အွဉ်ႏထာꩻသေပညာႏ စင်ႏစဲစ်လောင်း တမွေးတဝ်းသွူ။ 3ဗွေႏဘုရာꩻ ကအွဉ်ႏဒါႏ ဖေႏကစွို့ꩻစွဉ်ႏ တွမ်ႏဝွေꩻဗွေႏ အနယ်ꩻနဝ်ꩻ ဝွေꩻသီး တသေတဝ်း၊ ဝွေꩻသီး အဝ်ႏကျံႏအွဉ်ႏတောထိုꩻဒျာႏ ဝွေꩻသီး အနယ်ꩻဖုံႏသွူ။ နဝ်ꩻမꩻ ဗွေႏဘုရာꩻထျꩻအနယ်ꩻ ကအွဉ်ႏလိုꩻဖုံႏ ဖေႏကလꩻ ထာꩻစွို့ꩻစွဉ်ႏခွင်ꩻနဝ်ꩻ ဝွေꩻသီး တခံႏနွမ်ꩻတဝ်း ဝွေꩻသီးနမ်းသွူ။ 4ပွိုး ဗွေႏခရစ်တောႏနဝ်ꩻ အွဉ်ႏသွတ်ꩻထိုꩻလဲဉ်း ပညတ်တောႏ ခေတ်ကာႏလနဝ်ꩻမꩻ၊ ပါꩻမုဲင်ꩻတယဝ်း ကယွုမ်းဒါႏသားနဝ်ꩻ လꩻထာꩻစွို့ꩻစွဉ်ႏခွင်ꩻ တွမ်ႏဗွေႏဘုရာꩻသွူ။
လိုꩻကားကအဝ်ႏတာႏထာꩻကယ်ႏတင်ႏ
5 #
ဝိ ၁၈:၅။ ပွိုင်းဝွို့တွမ်ႏ ကအဝ်ႏ လွောက်ꩻနာႏဒါႏ ပညတ်တရာꩻနဝ်ꩻ အွဉ်ႏစွို့ꩻစွဉ်ႏငီꩻတွမ်ႏ ဗွေႏဘုရာꩻ မောသျေ ကတဲမ်းခါꩻဒါႏ ကျမ်ꩻကိုယိုနဝ်ꩻ၊ “ပါꩻမုဲင်ꩻတယဝ်း ကလွောက်ꩻနာႏဒါႏ ပညတ်တရာꩻနဝ်ꩻ အီႏလꩻအသက်မွန်” နုဲင်းနဝ်ꩻသွူ။ 6#ဟော်ꩻ ၃၀:၁၂–၁၄။ ကွဲႏတွော့ꩻ စွဉ်ႏထာꩻယွုမ်းယို ပွိုင်းဝွို့တွမ်ႏ စွို့ꩻစွဉ်ႏငီꩻ တွမ်ႏဗွေႏဘုရာꩻ ခရာႏယို နုဲင်းလိတ်ကျမ်ꩻ ကရိုꩻဒါႏနဝ်ꩻ၊ “သီရီချာမွိုန်း သီနမ်း၊ ပါꩻမုဲင်ꩻ အီႏထင်ႏကီ မို့ꩻလောင်းဟောင်း” (နုဲင်းနဝ်ꩻနဝ်ꩻ ထွာဖစ်ဟဲ့ꩻလင်ꩻဒျာႏ ဗွေႏခရစ်တောႏ။) 7ပါꩻမုဲင်ꩻ အီႏလင်ꩻသော့ꩻ ဟံႏကင်လနဝ်ꩻ တွမ်ႏရီမွိုန်း။” (နုဲင်းနဝ်ꩻနဝ်ꩻ ထွာအဝ်ႏထာꩻသီခမ်း အီႏဖစ်ဟဲ့ꩻထင်ႏ ဗွေႏခရစ်တောႏဒျာႏ။) 8နုဲင်းလိတ်ကျမ်ꩻ ကရိုꩻနဝ်ꩻ နုဲင်းယို။ “ဗွေႏဘုရာꩻ တရာꩻနဝ်ꩻ အဝ်ႏဗော့ꩻသီ၊ အဝ်ႏသီဖြောင်းဗီႏ လောင်းစွဉ်ႏ သီသꩻကို” နုဲင်းနဝ်ꩻနဝ်ꩻ ထွာထာꩻယွုမ်းတရာꩻ နီကအဝ်ႏဟော်ꩻနဝ်ꩻသွူ။ 9နာꩻမဉ်ႏဝွန်ႏခံႏ ယေသျုနဝ်ꩻထွာ ဗွေႏဘုရာꩻတဲင် ဝွေꩻဗွေႏနဝ်ꩻ အဝ်ႏထာꩻသီကို ဗွေႏဘုရာꩻ မာꩻထွိုင်ႏမွန်ဖေႏလဲဉ်းကျောင်ꩻ မဉ်ႏယွုမ်းနဝ်ꩻ နာꩻအီႏလꩻ ထာꩻကယ်ႏတင်ႏသွူ။ 10နီနဝ်ꩻ ကစွို့ꩻစွဉ်ႏတွမ်ႏ ဗွေႏဘုရာꩻနဝ်ꩻနဝ်ꩻ စွဉ်ႏနီထာꩻယွုမ်းဒျာႏသွူ။ နီလꩻ ထာꩻကယ်ႏတင်ႏနဝ်ꩻနဝ်ꩻ စွဉ်ႏနီထာꩻဝွန်ႏခံႏဒျာႏသွူ။ 11#ဟေသျာ ၂၈:၁၆ (LXX)။ လိတ်ကျမ်ꩻနဝ်ꩻရိုꩻ၊ “ပါꩻမုဲင်ꩻယွုမ်း ဝွေꩻဗွေႏနဝ်ꩻ သꩻအီႏတကုဲင်ထိုꩻဗာႏတဝ်း” နုဲင်းနဝ်ꩻသွူ။ 12ပွိုးတွော့ꩻ နဝ်ꩻကိုနဝ်ꩻ ဂျူးလိုꩻမျိုꩻတွမ်ႏ လိုꩻမျိုꩻလင်ဖုံႏ ဗွိုန်လို့ဒျာႏဝင်ꩻ ယိုနဝ်ꩻ အဝ်ႏဆဲင်ႏလို့ဒျာႏ လိုꩻစွုမ်ႏဖြာꩻသွူ။ ဗွေႏဘုရာꩻနဝ်ꩻ ထွာလိုꩻမျိုꩻ ကားကအဝ်ႏနဝ်ꩻ အဗွေႏတဲင် ပါꩻမုဲင်ꩻ ဆုတောင်ꩻ ဝွေꩻဗွေႏတဲ့ အီႏလꩻပြန်ꩻပြော်ꩻမွေး မင်္ဂလာႏဖုံႏနဝ်ꩻသွူ။ 13#ယောလ ၂:၃၂။ နုဲင်းလိတ်ကျမ်ꩻ ကရိုꩻအတွိုင်ꩻ၊ “ဖေႏကစွဲကိုတာႏ လိုꩻစွုမ်ႏဖြာꩻ ကလဝ်းထင်ႏဒါႏ ဗွေႏဘုရာꩻနဝ်ꩻ အီႏလꩻထာꩻကယ်ႏတင်ႏ” နုဲင်းနဝ်ꩻသွူ။
14ကွဲႏတွော့ꩻ ဖေႏကစွဲကိုတာႏ ဝွေꩻသီးမဉ်ႏ တယွုမ်းတဝ်းနဝ်ꩻ ဝွေꩻသီး အီႏလဝ်းထေ့နွောင်ꩻ ဝွေꩻဗွေႏထျꩻ နုဲင်းမုဲင်ꩻဟောင်း။ ဝွေꩻသီးမဉ်ႏ တဟွိုန်ဗာႏတဝ်း တရာꩻနဝ်ꩻ အီႏမာꩻနုဲင်းမုဲင်ꩻ ယွုမ်းနွောင်ꩻဟောင်း။ တဲင်မဉ်ႏတဟော်ꩻ ကေႏညာႏဖေႏတဝ်းနဝ်ꩻ အီႏမာꩻနုဲင်းမုဲင်ꩻ ဟွိုန်နွောင်ꩻဟောင်း။ 15#ဟေသျာ ၅၂:၇။ တဲင်မဉ်ႏတအွဉ်ႏစွꩻ ထန်ႏတဝ်း တရာꩻဟော်ꩻသားဖုံႏနဝ်ꩻ အီႏမာꩻနုဲင်းမုဲင်ꩻ ဟော်ꩻကေႏညာႏ ဖေႏနွောင်ꩻ တရာꩻနဝ်ꩻဟောင်း။ နုဲင်းလိတ်ကျမ်ꩻကရိုꩻဒါႏ၊ “လိုꩻကအီလွဉ်ဒါႏ သꩻတင်ꩻဟဝ် ကအဝ်ႏကျွꩻလွဉ်ဒါႏ တရာꩻဟော်ꩻသားဖုံႏနဝ်ꩻ ဟဝ်အံႏဖြာႏ တင်ႏတယ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။ 16#ဟေသျာ ၅၃:၁ (LXX)။ ကွဲႏတွော့ꩻ သတင်ꩻဟဝ်နဝ်ꩻနဝ်ꩻ လိုꩻကားကအဝ်ႏ တလက်ခံႏတဝ်းသွူ။ ဟေသျာယ အနမ်းကိုယ်ႏတဲင်ႏဒေါ့ꩻ၊ “ဗွေႏ၊ နီကဟော်ꩻတရာꩻနဝ်ꩻ ပါꩻမုဲင်ꩻအီႏယွုမ်းဟောင်း” နုဲင်းနဝ်ꩻသွူ။ 17ကွပ်နုဲင်းနဝ်ꩻတွော့ꩻ ဟွိုန်တရာꩻငဝ်း နဝ်ꩻမꩻ ထွာလွဉ်ထာꩻယွုမ်းတဲင် စွဉ်ႏကအဝ်ႏဟော်ꩻ ခရစ်တောႏ တရာꩻငဝ်းနဝ်ꩻမꩻ ဟွိုန်ဗာႏ တရာꩻငဝ်းနဝ်ꩻသွူ။
18 #
သာ ၁၉:၄ (LXX)။ ကွဲႏတွော့ꩻ ခွေရီ၊ ဝွေꩻသီး တဟွိုန်ဗာႏတဝ်း တရာꩻနဝ်ꩻ မွေးနေဟောင်း။ အမဲဉ်ႏနဝ်ꩻ ဝွေꩻသီး အဝ်ႏဟွိုန်ဗာႏဒျာႏ။ ပွိုး နုဲင်းလိတ်ကျမ်ꩻ ကရိုꩻအတွိုင်ꩻ၊
“ဝွေꩻသီး ကဟော်ꩻတရာꩻငဝ်းနဝ်ꩻ ထန်ႏလွေꩻ တွိုႏစွဉ်ႏ တဟံႏတန်လွုမ်း။
ဝွေꩻသီး တရာꩻငဝ်းနဝ်ꩻ တွိုႏလွေꩻစွဉ်ႏ ဟံႏတန် အသွတ်ꩻ” နုဲင်းနဝ်ꩻသွူ။
19 #
ဟော်ꩻ ၃၂:၂၁။ ခွေရီဖျင် တလဲင်ႏ။ ဣသရေး လိုꩻမျိုꩻဖုံႏနဝ်ꩻ တသေနာႏတဝ်းဒွိုန်းဟောင်း။ ကဖြေႏချာငဝ်း အရီးသွတ်ꩻ တဖြာꩻနဝ်ꩻ ထွာဒျာႏ မောသျေနမ်းသွူ။
“ခွေအီႏသွုံꩻလိုꩻမျိုꩻ အဗောႏတမဲဉ်ႏတဝ်းနဝ်ꩻ၊
ဖေႏနေး ခွေလိုꩻမျိုꩻဖုံႏ ကတကေးတဲင်
စွဉ်ႏလိုꩻမျိုꩻမွိုက်ဖုံႏနဝ်ꩻ၊
ခွေအီႏမာꩻ ဖေႏကသꩻလျား ခွေလိုꩻမျိုꩻဖုံႏနဝ်ꩻသွူ။
20 # ဟေသျာ ၆၅:၁ (LXX)။ ဟေသျာယ ထွိုင်ႏဒေါ့ꩻချိန်ႏ ဝွေꩻလဲင်ꩻဒေါ့ꩻရုဲင်းနေး၊
“လိုꩻ တထုမ်ႏထွားတဝ်း ခွေနဝ်ꩻ ခွေအဝ်ႏမော့ꩻလဲဉ်း။
လိုꩻတရီတဝ်းခွေနဝ်ꩻ ခွေပေါႏနယ်ထေ့လဲဉ်း” နုဲင်းနဝ်ꩻသွူ။
21 # ဟေသျာ ၆၅:၂ (LXX)။ ကွဲႏတွော့ꩻ ပွိုင်းဝွို့တွမ်ႏ ဣသရေး လိုꩻမျိုꩻဖုံႏနဝ်ꩻ ဝွေꩻရိုꩻ၊ “လိုꩻတနာႏတဝ်းငဝ်းတွမ်ႏ လိုꩻဖုံႏ ကအဝ်ႏတောႏလန်ႏ ဆန်ချာဒါႏ ထာꩻသားဖုံႏနဝ် ခွေယောင်းထန်ႏဖေႏစူ တနီꩻမွူး ကျိုႏဆွုမ်ႏဒျာႏ” နုဲင်းနဝ်ꩻသွူ။
ទើបបានជ្រើសរើសហើយ៖
ရောမ 10: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 10
10
1ခွေသွꩻဖုံႏ၊ ခွေနမ်းလိုꩻမျိုꩻဖုံႏ ဖေႏကလꩻ ထာꩻကယ်ႏတင်ႏနဝ်ꩻ စွဉ်ႏသွိုန်ႏလို့သꩻစင် ခွေမဉ်လꩻငါႏ ခွိုင်းကားမုဲင်ꩻ။ ဝွေꩻသီးတာႏနဝ်ꩻ ခွေဆုတောင်ꩻထေ့ ဗွေႏဘုရာꩻ ခွိုင်းကားမုဲင်ꩻ။ 2ဝွေꩻသီးနဝ်ꩻ ရိုႏသေႏ ရေႏမတ် မွေးနေးစွဉ်ႏ ဗွေႏဘုရာꩻကျောင်ꩻ ခွေခံႏဖေႏနွောင်ꩻ သက်သေႏနဝ်ꩻသွူ။ ကွဲႏတွော့ꩻ ဝွေꩻသီး ထာꩻရိုႏသေႏ ရေႏမတ်နဝ်ꩻ အထျꩻ အွဉ်ႏထာꩻသေပညာႏ စင်ႏစဲစ်လောင်း တမွေးတဝ်းသွူ။ 3ဗွေႏဘုရာꩻ ကအွဉ်ႏဒါႏ ဖေႏကစွို့ꩻစွဉ်ႏ တွမ်ႏဝွေꩻဗွေႏ အနယ်ꩻနဝ်ꩻ ဝွေꩻသီး တသေတဝ်း၊ ဝွေꩻသီး အဝ်ႏကျံႏအွဉ်ႏတောထိုꩻဒျာႏ ဝွေꩻသီး အနယ်ꩻဖုံႏသွူ။ နဝ်ꩻမꩻ ဗွေႏဘုရာꩻထျꩻအနယ်ꩻ ကအွဉ်ႏလိုꩻဖုံႏ ဖေႏကလꩻ ထာꩻစွို့ꩻစွဉ်ႏခွင်ꩻနဝ်ꩻ ဝွေꩻသီး တခံႏနွမ်ꩻတဝ်း ဝွေꩻသီးနမ်းသွူ။ 4ပွိုး ဗွေႏခရစ်တောႏနဝ်ꩻ အွဉ်ႏသွတ်ꩻထိုꩻလဲဉ်း ပညတ်တောႏ ခေတ်ကာႏလနဝ်ꩻမꩻ၊ ပါꩻမုဲင်ꩻတယဝ်း ကယွုမ်းဒါႏသားနဝ်ꩻ လꩻထာꩻစွို့ꩻစွဉ်ႏခွင်ꩻ တွမ်ႏဗွေႏဘုရာꩻသွူ။
လိုꩻကားကအဝ်ႏတာႏထာꩻကယ်ႏတင်ႏ
5 #
ဝိ ၁၈:၅။ ပွိုင်းဝွို့တွမ်ႏ ကအဝ်ႏ လွောက်ꩻနာႏဒါႏ ပညတ်တရာꩻနဝ်ꩻ အွဉ်ႏစွို့ꩻစွဉ်ႏငီꩻတွမ်ႏ ဗွေႏဘုရာꩻ မောသျေ ကတဲမ်းခါꩻဒါႏ ကျမ်ꩻကိုယိုနဝ်ꩻ၊ “ပါꩻမုဲင်ꩻတယဝ်း ကလွောက်ꩻနာႏဒါႏ ပညတ်တရာꩻနဝ်ꩻ အီႏလꩻအသက်မွန်” နုဲင်းနဝ်ꩻသွူ။ 6#ဟော်ꩻ ၃၀:၁၂–၁၄။ ကွဲႏတွော့ꩻ စွဉ်ႏထာꩻယွုမ်းယို ပွိုင်းဝွို့တွမ်ႏ စွို့ꩻစွဉ်ႏငီꩻ တွမ်ႏဗွေႏဘုရာꩻ ခရာႏယို နုဲင်းလိတ်ကျမ်ꩻ ကရိုꩻဒါႏနဝ်ꩻ၊ “သီရီချာမွိုန်း သီနမ်း၊ ပါꩻမုဲင်ꩻ အီႏထင်ႏကီ မို့ꩻလောင်းဟောင်း” (နုဲင်းနဝ်ꩻနဝ်ꩻ ထွာဖစ်ဟဲ့ꩻလင်ꩻဒျာႏ ဗွေႏခရစ်တောႏ။) 7ပါꩻမုဲင်ꩻ အီႏလင်ꩻသော့ꩻ ဟံႏကင်လနဝ်ꩻ တွမ်ႏရီမွိုန်း။” (နုဲင်းနဝ်ꩻနဝ်ꩻ ထွာအဝ်ႏထာꩻသီခမ်း အီႏဖစ်ဟဲ့ꩻထင်ႏ ဗွေႏခရစ်တောႏဒျာႏ။) 8နုဲင်းလိတ်ကျမ်ꩻ ကရိုꩻနဝ်ꩻ နုဲင်းယို။ “ဗွေႏဘုရာꩻ တရာꩻနဝ်ꩻ အဝ်ႏဗော့ꩻသီ၊ အဝ်ႏသီဖြောင်းဗီႏ လောင်းစွဉ်ႏ သီသꩻကို” နုဲင်းနဝ်ꩻနဝ်ꩻ ထွာထာꩻယွုမ်းတရာꩻ နီကအဝ်ႏဟော်ꩻနဝ်ꩻသွူ။ 9နာꩻမဉ်ႏဝွန်ႏခံႏ ယေသျုနဝ်ꩻထွာ ဗွေႏဘုရာꩻတဲင် ဝွေꩻဗွေႏနဝ်ꩻ အဝ်ႏထာꩻသီကို ဗွေႏဘုရာꩻ မာꩻထွိုင်ႏမွန်ဖေႏလဲဉ်းကျောင်ꩻ မဉ်ႏယွုမ်းနဝ်ꩻ နာꩻအီႏလꩻ ထာꩻကယ်ႏတင်ႏသွူ။ 10နီနဝ်ꩻ ကစွို့ꩻစွဉ်ႏတွမ်ႏ ဗွေႏဘုရာꩻနဝ်ꩻနဝ်ꩻ စွဉ်ႏနီထာꩻယွုမ်းဒျာႏသွူ။ နီလꩻ ထာꩻကယ်ႏတင်ႏနဝ်ꩻနဝ်ꩻ စွဉ်ႏနီထာꩻဝွန်ႏခံႏဒျာႏသွူ။ 11#ဟေသျာ ၂၈:၁၆ (LXX)။ လိတ်ကျမ်ꩻနဝ်ꩻရိုꩻ၊ “ပါꩻမုဲင်ꩻယွုမ်း ဝွေꩻဗွေႏနဝ်ꩻ သꩻအီႏတကုဲင်ထိုꩻဗာႏတဝ်း” နုဲင်းနဝ်ꩻသွူ။ 12ပွိုးတွော့ꩻ နဝ်ꩻကိုနဝ်ꩻ ဂျူးလိုꩻမျိုꩻတွမ်ႏ လိုꩻမျိုꩻလင်ဖုံႏ ဗွိုန်လို့ဒျာႏဝင်ꩻ ယိုနဝ်ꩻ အဝ်ႏဆဲင်ႏလို့ဒျာႏ လိုꩻစွုမ်ႏဖြာꩻသွူ။ ဗွေႏဘုရာꩻနဝ်ꩻ ထွာလိုꩻမျိုꩻ ကားကအဝ်ႏနဝ်ꩻ အဗွေႏတဲင် ပါꩻမုဲင်ꩻ ဆုတောင်ꩻ ဝွေꩻဗွေႏတဲ့ အီႏလꩻပြန်ꩻပြော်ꩻမွေး မင်္ဂလာႏဖုံႏနဝ်ꩻသွူ။ 13#ယောလ ၂:၃၂။ နုဲင်းလိတ်ကျမ်ꩻ ကရိုꩻအတွိုင်ꩻ၊ “ဖေႏကစွဲကိုတာႏ လိုꩻစွုမ်ႏဖြာꩻ ကလဝ်းထင်ႏဒါႏ ဗွေႏဘုရာꩻနဝ်ꩻ အီႏလꩻထာꩻကယ်ႏတင်ႏ” နုဲင်းနဝ်ꩻသွူ။
14ကွဲႏတွော့ꩻ ဖေႏကစွဲကိုတာႏ ဝွေꩻသီးမဉ်ႏ တယွုမ်းတဝ်းနဝ်ꩻ ဝွေꩻသီး အီႏလဝ်းထေ့နွောင်ꩻ ဝွေꩻဗွေႏထျꩻ နုဲင်းမုဲင်ꩻဟောင်း။ ဝွေꩻသီးမဉ်ႏ တဟွိုန်ဗာႏတဝ်း တရာꩻနဝ်ꩻ အီႏမာꩻနုဲင်းမုဲင်ꩻ ယွုမ်းနွောင်ꩻဟောင်း။ တဲင်မဉ်ႏတဟော်ꩻ ကေႏညာႏဖေႏတဝ်းနဝ်ꩻ အီႏမာꩻနုဲင်းမုဲင်ꩻ ဟွိုန်နွောင်ꩻဟောင်း။ 15#ဟေသျာ ၅၂:၇။ တဲင်မဉ်ႏတအွဉ်ႏစွꩻ ထန်ႏတဝ်း တရာꩻဟော်ꩻသားဖုံႏနဝ်ꩻ အီႏမာꩻနုဲင်းမုဲင်ꩻ ဟော်ꩻကေႏညာႏ ဖေႏနွောင်ꩻ တရာꩻနဝ်ꩻဟောင်း။ နုဲင်းလိတ်ကျမ်ꩻကရိုꩻဒါႏ၊ “လိုꩻကအီလွဉ်ဒါႏ သꩻတင်ꩻဟဝ် ကအဝ်ႏကျွꩻလွဉ်ဒါႏ တရာꩻဟော်ꩻသားဖုံႏနဝ်ꩻ ဟဝ်အံႏဖြာႏ တင်ႏတယ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။ 16#ဟေသျာ ၅၃:၁ (LXX)။ ကွဲႏတွော့ꩻ သတင်ꩻဟဝ်နဝ်ꩻနဝ်ꩻ လိုꩻကားကအဝ်ႏ တလက်ခံႏတဝ်းသွူ။ ဟေသျာယ အနမ်းကိုယ်ႏတဲင်ႏဒေါ့ꩻ၊ “ဗွေႏ၊ နီကဟော်ꩻတရာꩻနဝ်ꩻ ပါꩻမုဲင်ꩻအီႏယွုမ်းဟောင်း” နုဲင်းနဝ်ꩻသွူ။ 17ကွပ်နုဲင်းနဝ်ꩻတွော့ꩻ ဟွိုန်တရာꩻငဝ်း နဝ်ꩻမꩻ ထွာလွဉ်ထာꩻယွုမ်းတဲင် စွဉ်ႏကအဝ်ႏဟော်ꩻ ခရစ်တောႏ တရာꩻငဝ်းနဝ်ꩻမꩻ ဟွိုန်ဗာႏ တရာꩻငဝ်းနဝ်ꩻသွူ။
18 #
သာ ၁၉:၄ (LXX)။ ကွဲႏတွော့ꩻ ခွေရီ၊ ဝွေꩻသီး တဟွိုန်ဗာႏတဝ်း တရာꩻနဝ်ꩻ မွေးနေဟောင်း။ အမဲဉ်ႏနဝ်ꩻ ဝွေꩻသီး အဝ်ႏဟွိုန်ဗာႏဒျာႏ။ ပွိုး နုဲင်းလိတ်ကျမ်ꩻ ကရိုꩻအတွိုင်ꩻ၊
“ဝွေꩻသီး ကဟော်ꩻတရာꩻငဝ်းနဝ်ꩻ ထန်ႏလွေꩻ တွိုႏစွဉ်ႏ တဟံႏတန်လွုမ်း။
ဝွေꩻသီး တရာꩻငဝ်းနဝ်ꩻ တွိုႏလွေꩻစွဉ်ႏ ဟံႏတန် အသွတ်ꩻ” နုဲင်းနဝ်ꩻသွူ။
19 #
ဟော်ꩻ ၃၂:၂၁။ ခွေရီဖျင် တလဲင်ႏ။ ဣသရေး လိုꩻမျိုꩻဖုံႏနဝ်ꩻ တသေနာႏတဝ်းဒွိုန်းဟောင်း။ ကဖြေႏချာငဝ်း အရီးသွတ်ꩻ တဖြာꩻနဝ်ꩻ ထွာဒျာႏ မောသျေနမ်းသွူ။
“ခွေအီႏသွုံꩻလိုꩻမျိုꩻ အဗောႏတမဲဉ်ႏတဝ်းနဝ်ꩻ၊
ဖေႏနေး ခွေလိုꩻမျိုꩻဖုံႏ ကတကေးတဲင်
စွဉ်ႏလိုꩻမျိုꩻမွိုက်ဖုံႏနဝ်ꩻ၊
ခွေအီႏမာꩻ ဖေႏကသꩻလျား ခွေလိုꩻမျိုꩻဖုံႏနဝ်ꩻသွူ။
20 # ဟေသျာ ၆၅:၁ (LXX)။ ဟေသျာယ ထွိုင်ႏဒေါ့ꩻချိန်ႏ ဝွေꩻလဲင်ꩻဒေါ့ꩻရုဲင်းနေး၊
“လိုꩻ တထုမ်ႏထွားတဝ်း ခွေနဝ်ꩻ ခွေအဝ်ႏမော့ꩻလဲဉ်း။
လိုꩻတရီတဝ်းခွေနဝ်ꩻ ခွေပေါႏနယ်ထေ့လဲဉ်း” နုဲင်းနဝ်ꩻသွူ။
21 # ဟေသျာ ၆၅:၂ (LXX)။ ကွဲႏတွော့ꩻ ပွိုင်းဝွို့တွမ်ႏ ဣသရေး လိုꩻမျိုꩻဖုံႏနဝ်ꩻ ဝွေꩻရိုꩻ၊ “လိုꩻတနာႏတဝ်းငဝ်းတွမ်ႏ လိုꩻဖုံႏ ကအဝ်ႏတောႏလန်ႏ ဆန်ချာဒါႏ ထာꩻသားဖုံႏနဝ် ခွေယောင်းထန်ႏဖေႏစူ တနီꩻမွူး ကျိုႏဆွုမ်ႏဒျာႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.