ရောမ 8
8
သက်အဝ်ႏမွန်သော့ꩻဝိညာဉ်ႏကို
1ယိုခါ လိုꩻကအဝ်ႏအုံငီꩻ တလွောင်ႏတဗူႏချင်ႏဒါႏ တွမ်ႏဗွေႏခရစ်တောႏ ယေသျုသားနဝ်ꩻ ခံႏဗာႏတဝ်း အပဲစ်တံႏ ထာꩻစီႏရင်ႏသွူ။ 2ပွိုးဝိညာဉ်ႏတောႏတရာꩻ ပသာနီ အသက်ကအဝ်ႏမွန် တလွောင်ႏတဗူႏချင်ႏ စွဉ်ႏခရစ်တောႏ ယေသျုနဝ်ꩻ အဝ်ႏအွဉ်ႏစွꩻ လွစ်ဖေႏခွေ အပဲစ်တရာꩻ တွမ်ႏထာꩻသီနဝ်ꩻသွူ။ 3လိုꩻဇာႏတိနဝ်ꩻ ကွပ်ပွိုး အာႏဆေ့ꩻနဝ်ꩻမꩻ နုဲင်းပညတ်တရာꩻ တမာꩻနွောင်ꩻတဝ်းနဝ်ꩻ ဗွေႏဘုရာꩻ မာꩻဖေႏလဲဉ်းသွူ။ ကအီႏစီႏရင်ႏဒါႏ လိုꩻဇာႏတိ အပဲစ်နဝ်ꩻ ဝွေꩻဗွေႏအွဉ်ႏစွꩻလွဉ် စွဉ်ႏဝွေꩻဗွေႏ အပိုခိုရင်ꩻ၊ အီႏစီႏရင်ႏကုဲင်ထိုꩻ လိုꩻအပဲစ်ဖုံႏနဝ်ꩻ ပိုခိုတောႏ ခံႏထူႏလိုꩻဇာႏတိ ဗွိုန်နုဲင်း အပဲစ်သားသွူ။ 4ဗွေႏဘုရာꩻ ကမာꩻဗာႏ နုဲင်းယိုနဝ်ꩻ သက်ဖေႏကအဝ်ႏမွဉ် မဲဉ်ႏလွဉ်ꩻစွဉ်ႏ လိုꩻဇာႏတိ တမွေးတဝ်း၊ သက်ဖေႏကအဝ်ႏမွန် မဲဉ်ႏလွဉ်ꩻဒျာႏ ဝိညာဉ်ႏတောႏ အလိုႏတောႏတဲင် ဖေႏနေး ပညတ်တရာꩻ ကမဉ်လꩻဒါႏ ထာꩻစွို့ꩻစွဉ်ႏတရာꩻ ဖေႏကဗွေသော့ꩻ နီကိုနဝ်ꩻသွူ။ 5လိုꩻဖုံႏအသက် ကအဝ်ႏမွန် နုဲင်းဝွေꩻသီး ဇာႏတိကထွဉ်ႏ ဝွေꩻသီးအတွိုင်ꩻ ဝွေꩻသီးသꩻကို အဝ်ႏစွဲꩻဒျာႏ လိုꩻဇာႏတိ ထာꩻအဝ်ႏလိုႏဖုံႏနဝ်ꩻသွူ။ လိုꩻဖုံႏအသက် အဝ်ႏမွန် နုဲင်းဝိညာဉ်ႏတောႏ ကထွဉ်ႏဝွေꩻသီးအတွိုင်ꩻ ဝွေꩻသီးသꩻကို အဝ်ႏစွဲꩻဒျာႏ နုဲင်းဝိညာဉ်ႏတောႏ အလိုႏတောႏနဝ်ꩻသွူ။ 6သꩻကအဝ်ႏစွဲꩻဒါႏ လိုꩻဇာႏတိသဘော်ꩻနဝ်ꩻ ထွာထာꩻသီသွူ။ သꩻကစွဲꩻဒါႏ ဝိညာဉ်ႏသဘော်ꩻနဝ်ꩻ လꩻသက်အဝ်ႏမွန် တွမ်ႏထာꩻငိမ်ꩻချမ်ꩻသာႏ နဝ်ꩻသွူ။ 7နဝ်ꩻမꩻ လိုꩻဖုံႏအသꩻကို ဝွေꩻသီး မဉ်ႏစွဲꩻဒျာႏ လိုꩻဇာႏတိသဘော်ꩻနဝ်ꩻ ဝွေꩻသီး အီႏထွာလွဉ်ဗာႏ ဗွေႏဘုရာꩻ အရန်ႏသူႏ။ ပွိုးဝွေꩻသီးနဝ်ꩻ တလွောက်ꩻနာႏတဝ်း ဗွေႏဘုရာꩻ အပညတ်တရာꩻတွမ်ႏ တလွောက်ꩻလွဉ်ꩻနွောင်ꩻတဝ်း ပညတ်တရာꩻနဝ်ꩻသွူ။ 8လိုꩻကလွောက်ꩻနာႏလွဉ်ꩻဒါႏ ဝွေꩻသီး လိုꩻဇာႏတိ သဘော်ꩻနဝ်ꩻ ဗွေႏဘုရာꩻ တနစ်သက်နွောင်ꩻတဝ်းသွူ။
9ကွဲႏတွော့ꩻ ဗွေႏဘုရာꩻ အဝိညာဉ်ႏတောႏ မဉ်ႏအဝ်ႏငီꩻသော့ꩻ သီအကိုနဝ်ꩻမꩻ နုဲင်းသီလိုꩻဇာႏတိ ကနိုꩻဆော်ႏသီနဝ်ꩻ သီသက်တွမ်ႏ အဝ်ႏမွန်မွိုန်း။ သီသက် အဝ်ႏမွန်သွော့ နုဲင်းဝိညာဉ်ႏတောႏ ကနိုꩻဆော်ႏသီ နဝ်ꩻဟုဲင်း။ ပါꩻမုဲင်ꩻတယဝ်း ဗွေႏခရစ်တောႏ အဝိညာဉ်ႏတောႏ မဉ်ႏတအဲဉ်ထဝ်းနဝ်ꩻ အတဆဲင်ႏတဝ်း ဝွေꩻဗွေႏ နဝ်ꩻသွူ။ 10ကွဲႏတွော့ꩻ ဗွေႏခရစ်တောႏ မဉ်ႏအဝ်ႏငီꩻ သီအကိုနဝ်ꩻ ပွိုးအပဲစ်တဲင် သီရုပ်ခန္ဓာႏ လဲင်ꩻသီဗာႏစွဉ်ႏတဲ့ ဝိညာဉ်ႏတောႏနဝ်ꩻ အီႏဖေႏသီ အသက်မွန်၊ ကွပ်ပွိုး သီနဝ်ꩻလꩻလဲဉ်း ထာꩻစွို့ꩻစွဉ်ႏခွင်ꩻ ဗွေႏဘုရာꩻဆꩻငါ အတွက်သွူ။ 11#၂ကော ၃:၁၆။ ဗွေႏဘုရာꩻ ကမာꩻထွိုင်ႏမွန် ဖေႏဒါႏ ဗွေႏယေသျု အဝ်ႏထာꩻသီကို အဝိညာဉ်ႏတောႏ မဉ်ႏအုံသော့ꩻ သီအကိုနဝ်ꩻ ကသီထိုꩻဒါႏ သီရုပ်ခန္ဓာႏနဝ်ꩻတဲ့ စွဉ်ႏဝွေꩻဗွေႏ အဝိညာဉ်ႏတောႏ ကအဝ်ႏငီꩻသီ အကိုနဝ်ꩻ အီႏမာꩻမွန်ဖေႏ သီအသက်နဝ်ꩻသွူ။
12နဝ်ꩻမꩻ ခွေသွꩻဖုံႏ၊ နီနဝ်ꩻ တာႏဝွန်ႏထာꩻမာꩻ အဝ်ႏတစွိုး၊ ကွဲႏတွော့ꩻ အုံအဝ်ႏဗာႏတဝ်း နုဲင်းနီလိုꩻဇာႏတိ အလိုႏဆန္ဒသွူ။ 13ပွိုးသီမဉ်ႏ အုံအဝ်ႏမဲဉ်ႏလွဉ်ꩻဒျာႏ နုဲင်းသီလိုꩻ ဇာႏတိ အလိုႏဆန္ဒနဝ်ꩻ သီအီႏသီထိုꩻဗာႏသွူ။ ကွဲႏတွော့ꩻ သီအကျင်ꩻ ကအဝ်ႏဗွေႏဒါႏစွဉ်ႏ အပဲစ်နဝ်ꩻ စွဉ်ႏဝိညာဉ်ႏတောႏ သီမဉ်ႏမာꩻသီထိုꩻနဝ်ꩻ သီအသက် အီႏအဝ်ႏမွန်ဒျာႏသွူ။ 14လိုꩻကခံႏထူႏဒါႏ ဗွေႏဘုရာꩻ အဝိညာဉ်ႏတောႏ အွဉ်နယ်တဖူꩻနဝ်ꩻ ထွာဗွေႏဘုရာꩻ ပိုဖုံႏသွူ။ 15#ဂလာ ၄:၅–၇။ #မာ ၁၄:၃၆၊ ဂလာ ၄:၆။ပွိုးဗွေႏဘုရာꩻ ကအဝ်ႏဖေႏဒါႏသီ ဝိညာဉ်ႏနဝ်ꩻ မာꩻထွာထိုꩻသီ သွဉ်းတဲင် မာꩻငမ်းသꩻထိုꩻသီ တမွေးတဝ်းသွူ။ ဝိညာဉ်ႏတောႏနဝ်ꩻ မာꩻထွာတောဒျာႏ ဖေႏသီကထွာ ဗွေႏဘုရာꩻ ပိုဖုံႏတဲင် စွဉ်ႏဝိညာဉ်ႏတောႏ တန်ꩻခိုꩻနဝ်ꩻ နီခြောဝ်ထင်ႏထေ့နွောင်ꩻ ၊ “အွိုးဖါ၊ ခွေအဖါ” နုဲင်းနဝ်ꩻသွူ။ 16နီနဝ်ꩻထွာ ဗွေႏဘုရာꩻ ပိုဖုံႏကျောင်ꩻ ဗွေႏဘုရာꩻ ဝိညာဉ်ႏတောႏ နမ်းကိုယ်ႏတဲင်ႏနဝ်ꩻ ပေါင်ꩻငီꩻတွမ်ႏ နီဝိညာဉ်ႏတွော့ꩻ ဖေါႏနယ်ဖေႏသွူ။ 17တယ်ႏစွဉ်ႏနီ ကထွာလဲဉ်း ဝွေꩻဗွေႏ အပိုဖုံႏခါကာႏ ဝွေꩻဗွေႏ ကအွဉ်ႏခါꩻ ဝွေꩻဗွေႏလိုꩻဖုံႏအတာႏ မင်္ဂလာႏနဝ်ꩻ နီအီႏပဲင်ႏဗာႏတဲင် နီအီႏပဲင်ႏ ငီꩻပါက စွဉ်ႏဗွေႏခရစ်တောႏသွူ၊ နုဲင်းဗွေႏဘုရာꩻ ကအွဉ်ႏခါꩻဒါႏ ဝွေꩻဗွေႏအတာႏ ဘွုန်ꩻသရေႏနဝ်ꩻ ပွိုးနီ မဉ်ႏခံႏဖကူ ဗွေႏခရစ်တောႏ ထာꩻဒုက္ခနဝ်ꩻ နီအီႏလꩻဖပါ ဝွေꩻဗွေႏ အဘွုန်ꩻသရေႏတောႏ နဝ်ꩻသွူ။
အနာႏဂတ်ဘွုန်ꩻသရေႏတောႏ
18နုဲင်းအချိန်ႏ ယိုခါနီကအဝ်ႏခံႏဗာႏ ထာꩻဒုက္ခနဝ်ꩻ တဲက်အီစွဉ်ႏ ကအီႏဖေါႏနယ်ဖေႏဒါႏ နီဘွုန်ꩻသရေႏတောႏ တလꩻနွောင်ꩻတဝ်း တစိꩻစိꩻ ခွေယွုမ်း နုဲင်းနဝ်ꩻသွူ။ 19ပွိုးဗွေႏဘုရာꩻ ကအီႏဖေါႏနယ်ဖေႏဒါႏ ဝွေꩻဗွေႏပိုဖုံႏတာႏ ကခံႏဗာႏ အဖန်ဆင်ꩻ မာꩻထွာလွဉ်သား ကားကအဝ်ႏနဝ်ꩻ တွမ်ႏသꩻအာႏတလာ အဝ်ႏကော့ꩻမောင်ꩻသွူ။ 20#ကမ္ဘာႏ ၃:၁၇–၁၉။ ပွိုးကခံႏဗာႏ အဖန်ဆင်ꩻ မာꩻထွာလွဉ်ဖုံႏနဝ်ꩻ ဖေႏကထွာ ထာꩻသွုမ်ꩻခြေင်နဝ်ꩻ အဝ်ႏခံႏဗာႏ အပဲစ်တံႏထာꩻစီႏရင်ႏသွူ။ ကထွာနုဲင်းနဝ်ꩻနဝ်ꩻ ဟံႏတန်လောက အလိုႏဆန္ဒ တမွေးတဝ်း၊ ဗွေႏဘုရာꩻ အလိုႏတောႏဒျာႏနဝ်ꩻမꩻ ထွာလွဉ်ဗာႏနဝ်ꩻသွူ။ ကွဲႏတွော့ꩻ နဝ်ꩻကိုနဝ်ꩻ ထာꩻအဝ်ႏမောင်ꩻ အဝ်ႏနေကသွူ။ 21ကခံႏဗာႏ အဖန်ဆင်ꩻ မာꩻထွာလွဉ်ဖုံႏ အနမ်းနဝ်ꩻ တနီꩻခါ အဝ်ႏကသေင်ဖြင်းကုဲင်ဒါႏ သွဉ်းဘဝနဝ်ꩻ အီႏလွစ်ထန်ႏလꩻတဲင် အီႏလွစ်နမ်း စူꩻသꩻလꩻတွော့ꩻ စံႏစာꩻဖဗာႏ တွမ်ႏဗွေႏဘုရာꩻ ပိုဖုံႏ ဘွုန်ꩻသရေႏနဝ်ꩻသွူ။ 22ပွိုးတွော့ꩻ ကခံႏဗာႏ အဖန်ဆင်ꩻ မာꩻထွာလွဉ်ဖုံႏ ကားကအဝ်ႏနဝ်ꩻ ခံႏဗာႏထာꩻဆာ ဗွိုန်နုဲင်း ကအီႏလွူးလွဉ်ပို နဝ်ꩻတဲင် ဗꩻတွိုႏစွဉ်ႏ အချိန်ႏယိုခါ အဝ်ႏသောင်ခြင်ꩻဗာႏထာꩻနဝ်ꩻ နီအဝ်ႏသေသွူ။ 23#၂ကော ၅:၂–၄။ ကွဲႏတွော့ꩻ ကအဝ်ႏသောင်ခြင်ꩻဒါႏ ထာꩻနဝ်ꩻ ခံႏဗာႏ အဖန်ဆင်ꩻ မာꩻထွာလွဉ်ဖုံႏလွုမ်ꩻ တမွေးတဝ်း၊ နီကလꩻဒါႏ ဝိညာဉ်ႏတောႏ ဗွေႏဘုရာꩻ ကဖေႏရီးဒါႏ ဆုကေꩻဇူꩻသား ဗွေႏဘုရာꩻ ကမာꩻထွာဒါႏနီ ဝွေꩻဗွေႏ အပိုဖုံႏတွမ်ႏ ကအွဉ်ႏစွꩻလွစ်ဖေႏ နီနမ်းတဗာႏလွုမ်းနဝ်ꩻ နီအဝ်ႏကော့ꩻမောင်ꩻ သောင်ခြင်ꩻဗာႏနဝ်ꩻသွူ။ 24နီလꩻလဲဉ်း ထာꩻကယ်ႏတင်ႏနဝ်ꩻနဝ်ꩻ ပွိုးစွဉ်ႏ ထာꩻအဝ်ႏမောင်ꩻ နဝ်ꩻဒျာႏသွူ။ ကွဲႏတွော့ꩻ နုဲင်းနီထာꩻအဝ်ႏမောင်ꩻ အတာႏ နီမဉ်ႏထီႏဗာႏနေးနဝ်ꩻ၊ နဝ်ꩻနဝ်ꩻ ထာꩻအဝ်ႏမောင်ꩻ အစဲစ်အမဲဉ်ႏ တမွေးတဝ်းသွူ။ နီကအဝ်ႏမောင်ꩻဒါႏ ထာꩻတစွိုးစွိုးအတာႏ ထီႏဗာႏလဲဉ်းသွူနဝ်ꩻ အဝ်ႏမောင်ꩻနေကဟောင်း။ 25ကွဲႏတွော့ꩻ နီတထီႏဗာႏတဝ်းဒွိုန်း နီမဉ်ႏအဝ်ႏမောင်ꩻနဝ်ꩻ နီအုံပွေါးဗာႏ ထာꩻသယ်ꩻခံႏစွဉ်ႏ ထာꩻသꩻဆွာꩻသွူ။
26ဗွိုန်နုဲင်းနဝ်ꩻနေနေ ဝိညာဉ်ႏတောႏ နဝ်ꩻတဲ့ ကျွꩻလွဉ်စွဲကို လိုꩻအာႏကဆေ့ꩻငါႏ နီနဝ်ꩻသွူ။ ပွိုးနီ အီႏဆုတောင်ꩻဗာႏ နုဲင်းမုဲင်ꩻငါတဲ့ နီတသေတဝ်းသွူ။ စွဉ်ႏငဝ်း တဖေါႏနယ် နွောင်ꩻတဝ်း ကအဝ်ႏသောင်ခြင်ꩻ ထာꩻအတာႏ ဝိညာဉ်ႏတောႏ နမ်းကိုယ်ႏတဲင်ႏနဝ်ꩻ နီအတာႏ ဆုတောင်ꩻ လဝ်းထင်ႏဖေႏ ဗွေႏဘုရာꩻထျꩻနဝ်ꩻသွူ။ 27ဗွေႏကအဝ်ႏထီႏလို့ထာꩻ နီသꩻကို ဗွေႏဘုရာꩻနဝ်ꩻ ဝိညာဉ်ႏတောႏ အသဘော်ꩻနဝ်ꩻတဲ့ အဝ်ႏသေသွူ။ ကွပ်ပွိုး ဖေႏကမဲဉ်ႏလွဉ်ꩻစွဉ်ႏ ဝွေꩻဗွေႏ အလိုႏတောႏနဝ်ꩻ ဝွေꩻဗွေႏလိုꩻဖုံႏ အနမ်းတင်တာႏ ဝိညာဉ်ႏတောႏနဝ်ꩻ လဝ်းထင်ႏထေ့ဗာႏ ဗွေႏဘုရာꩻထျꩻသွူ။
28လိုꩻကရက်ဒါႏ ဝွေꩻဗွေႏသားတွမ်ႏ လိုꩻဝွေꩻဗွေႏ ကလွိုက်ဟဲ့ꩻ မဲဉ်ႏလွဉ်ꩻစွဉ်ႏ ဝွေꩻဗွေႏ အကျံႏတောႏသားဖုံႏ အကျိုꩻဖုံႏနဝ်ꩻ ဗွေႏဘုရာꩻ မာꩻဖေႏလို့လို့ဒျာႏကျောင်ꩻ နီအဝ်ႏသေသွူ။ 29ဗွေႏဘုရာꩻ အကလွိုက် သေꩻခါꩻလဲဉ်းသားနဝ်ꩻ ဝွေꩻဗွေႏ အွဉ်ႏခေါ်ပါက ဖေႏကထွာဗွိုန်နုဲင်း ဝွေꩻဗွေႏ အပိုခိုနဝ်ꩻသွူ။ လိုꩻကယွုမ်းသားဖုံႏ အာငါႏအကိုနဝ်ꩻ ဖေႏနေး ပိုခိုတောႏနဝ်ꩻ ကထွာဗာႏ အရီးသွတ်ꩻသွူ။ 30နဝ်ꩻမꩻ ဗွေႏဘုရာꩻ ကအွဉ်ႏဖခေါ်ခါꩻဒါႏ လိုꩻဖုံႏနဝ်ꩻ ဝွေꩻဗွေႏဟဲ့ꩻတွော့ꩻ လိုꩻဝွေꩻဗွေႏ ကဟဲ့ꩻသားဖုံႏနဝ်ꩻ ဝွေꩻဗွေႏမတ် လိုꩻစွို့ꩻစွဉ်ႏ တွမ်ႏဝွေꩻဗွေႏနမ်းတဲင် ဝွေꩻသီးနဝ်ꩻ ဝွေꩻဗွေႏဖဖေႏစွဉ်ႏ ဝွေꩻဗွေႏ အဘွုန်ꩻသရေႏတောႏ နဝ်ꩻသွူ။
ဗွေႏဘုရာꩻအထာꩻရက်မေတ္တာႏအဝ်ႏသော့ꩻဗွေႏခရစ်တောႏယေသျုကို
31ထွားထာꩻယိုဖုံႏ ကားကအဝ်ႏနဝ်ꩻ နီအီႏရိုꩻဗာႏ နုဲင်းမုဲင်ꩻဟောင်း။ ဗွေႏဘုရာꩻမဉ်ႏ အဝ်ႏနီဖဲ့ꩻနဝ်ꩻ ပါꩻမုဲင်ꩻ အီႏဆန်ချာနွောင်ꩻ နီဟောင်း။ 32ဝွေꩻဗွေႏလဲင်ꩻ တလောက်ꩻကာႏတဝ်း ဝွေꩻဗွေႏ အပိုခိုရင်ꩻတဲင် ပူႏဇောႏဖေႏ နီ ကားကအဝ်ႏတာႏသွူ။ ဝွေꩻဗွေႏဖေႏလဲဉ်းနီ ဝွေꩻဗွေႏ အပိုခိုတောႏနဝ်ꩻမꩻ ထာꩻဖုံႏ ကားကအဝ်ႏနဝ်ꩻတဲ့ တဖေႏခြေင်တဝ်း နီနဝ်ꩻ အီႏအဝ်ႏနေဟောင်း။ 33ဗွေႏဘုရာꩻ ကလွိုက်သေꩻခါꩻဒါႏ လိုꩻဖုံႏနဝ်ꩻ ပါꩻမုဲင်ꩻ အီႏစွဲꩻတရာꩻလꩻဟောင်း။ ဝွေꩻသီးနဝ်ꩻ အပဲစ်အဲဉ်ထဝ်းကျောင်ꩻ ဗွေႏဘုရာꩻ နမ်းကိုယ်ႏတဲင်ႏ ကေႏညာႏလဲဉ်းသွူ။ 34နဝ်ꩻမꩻ ပါꩻမုဲင်ꩻ အီႏစီႏရင်ႏပဲစ်တံႏ ဝွေꩻသီးဟောင်း။ ဗွေႏခရစ်တောႏ ယေသျုနဝ်ꩻ ခံႏသီဖေႏလဲဉ်း လွုမ်ꩻတကာႏတဝ်း ထွိုင်ႏမွန် ချာလဲဉ်းတဲင် အဝ်ႏဗွေႏဘုရာꩻ စူထွေဖဲ့ꩻတွော့ꩻ အဝ်ႏကွီထင်ႏဖေႏ နီတာႏ ဝွေꩻဗွေႏထျꩻသွူ။ 35နဝ်ꩻထွူ အဝ်ႏဗွေႏခရစ်တောႏ မေတ္တာႏကိုနဝ်ꩻ ပါꩻမုဲင်ꩻအီႏ ဖꩻထိုꩻနွောင်ꩻနီဟောင်း။ မာꩻဒုက္ခထိုꩻစွဉ်ႏ တဲ့နဝ်ꩻ၊ မာꩻသꩻယပ်ꩻစွဉ်ႏ တဲ့နဝ်ꩻ၊ မာꩻနစ်စက်ထိုꩻစွဉ်ႏ တဲ့နဝ်ꩻ မာꩻဟို့ꩻခိုးထိုꩻစွဉ်ႏ တဲ့နဝ်ꩻ၊ မာꩻကေန်ꩻခြောထိုꩻစွဉ်ႏ တဲ့နဝ်ꩻ၊ မာꩻအန္တရာယ်ႏထိုꩻစွဉ်ႏ တဲ့နဝ်ꩻ၊ မာꩻသီထိုꩻစွဉ်ႏ တဲ့နဝ်ꩻ၊ ဖဖြယ်နွောင်ꩻနေဟောင်း။ 36#သာ ၄၄:၂၂။ နုဲင်းလိတ်ကျမ်ꩻ ကရိုꩻအတွိုင်ꩻ၊
“ပွိုးနီဗွေႏအတွက် နီမော့ꩻဗာႏ ထာꩻသီအန္တရာယ်ႏ တချိန်ႏလွုမ်းသွူ။
နီနဝ်ꩻ ဗွိုန်နုဲင်းသွိုꩻ ကအီႏလွေꩻမာꩻသီထိုꩻ” နုဲင်းနဝ်ꩻသွူ။
37ဖဖြယ်ထိုꩻ တလꩻတဝ်း။ နီအဝ်ႏခံႏဗာႏလို့ ထာꩻယိုဖုံႏ စွဉ်ႏတဲ့ စွဉ်ႏဝွေꩻဗွေႏ အကရက်ဒါႏနီနဝ်ꩻ နီအီႏလꩻလို့ ထာꩻအောင်ႏမျင်ႏသွူ။ 38အဝ်ႏဝွေꩻဗွေႏ ထာꩻရက် မေတ္တာႏကိုနဝ်ꩻ စွဉ်ႏထာꩻအမျိုꩻမုဲင်ꩻတဲ့ ဖထိုꩻနီ တလꩻတဝ်းနဝ်ꩻ ပွိုးခွေအဝ်ႏသေမွေးသွူ။ စွဉ်ႏထာꩻသီတဲ့နဝ်ꩻ၊ အသက်မွန် တဲ့နဝ်ꩻ၊ စွဉ်ႏမို့ꩻလောင်းတမန်ႏဖုံႏ တဲ့နဝ်ꩻ၊ မို့ꩻလောင်းအာႏဏာႏပဲင်ႏ အလင်ဖုံႏ တဲ့နဝ်ꩻ၊ တန်ꩻခိုꩻတဲ့နဝ်ꩻ၊ စွဉ်ႏအချိန်ႏယိုခါ တဲ့နဝ်ꩻ ဆုဲင်ꩻခါတဲ့နဝ်ꩻ၊ 39ဟံႏတန်ဆꩻကီ တဲ့နဝ်ꩻ၊ ဟံႏတန်ဆꩻလ တဲ့နဝ်ꩻ၊ ကခံႏဗာႏ အဖန်ဆင်ꩻ မာꩻထွာလွဉ်နေးဖုံႏ တဲ့နဝ်ꩻ၊ စွဉ်ႏနီဗွေႏခရစ်တောႏ ယေသျုနဝ်ꩻ အဝ်ႏဗွေႏဘုရာꩻ အထာꩻရက် မေတ္တာႏကိုနဝ်ꩻ မုဲင်ꩻခါတဲ့ အီႏဖဖြယ်ထိုꩻတွမ်ႏနီ တလꩻတဝ်းသွူ။
ទើបបានជ្រើសរើសហើយ៖
ရောမ 8: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 8
8
သက်အဝ်ႏမွန်သော့ꩻဝိညာဉ်ႏကို
1ယိုခါ လိုꩻကအဝ်ႏအုံငီꩻ တလွောင်ႏတဗူႏချင်ႏဒါႏ တွမ်ႏဗွေႏခရစ်တောႏ ယေသျုသားနဝ်ꩻ ခံႏဗာႏတဝ်း အပဲစ်တံႏ ထာꩻစီႏရင်ႏသွူ။ 2ပွိုးဝိညာဉ်ႏတောႏတရာꩻ ပသာနီ အသက်ကအဝ်ႏမွန် တလွောင်ႏတဗူႏချင်ႏ စွဉ်ႏခရစ်တောႏ ယေသျုနဝ်ꩻ အဝ်ႏအွဉ်ႏစွꩻ လွစ်ဖေႏခွေ အပဲစ်တရာꩻ တွမ်ႏထာꩻသီနဝ်ꩻသွူ။ 3လိုꩻဇာႏတိနဝ်ꩻ ကွပ်ပွိုး အာႏဆေ့ꩻနဝ်ꩻမꩻ နုဲင်းပညတ်တရာꩻ တမာꩻနွောင်ꩻတဝ်းနဝ်ꩻ ဗွေႏဘုရာꩻ မာꩻဖေႏလဲဉ်းသွူ။ ကအီႏစီႏရင်ႏဒါႏ လိုꩻဇာႏတိ အပဲစ်နဝ်ꩻ ဝွေꩻဗွေႏအွဉ်ႏစွꩻလွဉ် စွဉ်ႏဝွေꩻဗွေႏ အပိုခိုရင်ꩻ၊ အီႏစီႏရင်ႏကုဲင်ထိုꩻ လိုꩻအပဲစ်ဖုံႏနဝ်ꩻ ပိုခိုတောႏ ခံႏထူႏလိုꩻဇာႏတိ ဗွိုန်နုဲင်း အပဲစ်သားသွူ။ 4ဗွေႏဘုရာꩻ ကမာꩻဗာႏ နုဲင်းယိုနဝ်ꩻ သက်ဖေႏကအဝ်ႏမွဉ် မဲဉ်ႏလွဉ်ꩻစွဉ်ႏ လိုꩻဇာႏတိ တမွေးတဝ်း၊ သက်ဖေႏကအဝ်ႏမွန် မဲဉ်ႏလွဉ်ꩻဒျာႏ ဝိညာဉ်ႏတောႏ အလိုႏတောႏတဲင် ဖေႏနေး ပညတ်တရာꩻ ကမဉ်လꩻဒါႏ ထာꩻစွို့ꩻစွဉ်ႏတရာꩻ ဖေႏကဗွေသော့ꩻ နီကိုနဝ်ꩻသွူ။ 5လိုꩻဖုံႏအသက် ကအဝ်ႏမွန် နုဲင်းဝွေꩻသီး ဇာႏတိကထွဉ်ႏ ဝွေꩻသီးအတွိုင်ꩻ ဝွေꩻသီးသꩻကို အဝ်ႏစွဲꩻဒျာႏ လိုꩻဇာႏတိ ထာꩻအဝ်ႏလိုႏဖုံႏနဝ်ꩻသွူ။ လိုꩻဖုံႏအသက် အဝ်ႏမွန် နုဲင်းဝိညာဉ်ႏတောႏ ကထွဉ်ႏဝွေꩻသီးအတွိုင်ꩻ ဝွေꩻသီးသꩻကို အဝ်ႏစွဲꩻဒျာႏ နုဲင်းဝိညာဉ်ႏတောႏ အလိုႏတောႏနဝ်ꩻသွူ။ 6သꩻကအဝ်ႏစွဲꩻဒါႏ လိုꩻဇာႏတိသဘော်ꩻနဝ်ꩻ ထွာထာꩻသီသွူ။ သꩻကစွဲꩻဒါႏ ဝိညာဉ်ႏသဘော်ꩻနဝ်ꩻ လꩻသက်အဝ်ႏမွန် တွမ်ႏထာꩻငိမ်ꩻချမ်ꩻသာႏ နဝ်ꩻသွူ။ 7နဝ်ꩻမꩻ လိုꩻဖုံႏအသꩻကို ဝွေꩻသီး မဉ်ႏစွဲꩻဒျာႏ လိုꩻဇာႏတိသဘော်ꩻနဝ်ꩻ ဝွေꩻသီး အီႏထွာလွဉ်ဗာႏ ဗွေႏဘုရာꩻ အရန်ႏသူႏ။ ပွိုးဝွေꩻသီးနဝ်ꩻ တလွောက်ꩻနာႏတဝ်း ဗွေႏဘုရာꩻ အပညတ်တရာꩻတွမ်ႏ တလွောက်ꩻလွဉ်ꩻနွောင်ꩻတဝ်း ပညတ်တရာꩻနဝ်ꩻသွူ။ 8လိုꩻကလွောက်ꩻနာႏလွဉ်ꩻဒါႏ ဝွေꩻသီး လိုꩻဇာႏတိ သဘော်ꩻနဝ်ꩻ ဗွေႏဘုရာꩻ တနစ်သက်နွောင်ꩻတဝ်းသွူ။
9ကွဲႏတွော့ꩻ ဗွေႏဘုရာꩻ အဝိညာဉ်ႏတောႏ မဉ်ႏအဝ်ႏငီꩻသော့ꩻ သီအကိုနဝ်ꩻမꩻ နုဲင်းသီလိုꩻဇာႏတိ ကနိုꩻဆော်ႏသီနဝ်ꩻ သီသက်တွမ်ႏ အဝ်ႏမွန်မွိုန်း။ သီသက် အဝ်ႏမွန်သွော့ နုဲင်းဝိညာဉ်ႏတောႏ ကနိုꩻဆော်ႏသီ နဝ်ꩻဟုဲင်း။ ပါꩻမုဲင်ꩻတယဝ်း ဗွေႏခရစ်တောႏ အဝိညာဉ်ႏတောႏ မဉ်ႏတအဲဉ်ထဝ်းနဝ်ꩻ အတဆဲင်ႏတဝ်း ဝွေꩻဗွေႏ နဝ်ꩻသွူ။ 10ကွဲႏတွော့ꩻ ဗွေႏခရစ်တောႏ မဉ်ႏအဝ်ႏငီꩻ သီအကိုနဝ်ꩻ ပွိုးအပဲစ်တဲင် သီရုပ်ခန္ဓာႏ လဲင်ꩻသီဗာႏစွဉ်ႏတဲ့ ဝိညာဉ်ႏတောႏနဝ်ꩻ အီႏဖေႏသီ အသက်မွန်၊ ကွပ်ပွိုး သီနဝ်ꩻလꩻလဲဉ်း ထာꩻစွို့ꩻစွဉ်ႏခွင်ꩻ ဗွေႏဘုရာꩻဆꩻငါ အတွက်သွူ။ 11#၂ကော ၃:၁၆။ ဗွေႏဘုရာꩻ ကမာꩻထွိုင်ႏမွန် ဖေႏဒါႏ ဗွေႏယေသျု အဝ်ႏထာꩻသီကို အဝိညာဉ်ႏတောႏ မဉ်ႏအုံသော့ꩻ သီအကိုနဝ်ꩻ ကသီထိုꩻဒါႏ သီရုပ်ခန္ဓာႏနဝ်ꩻတဲ့ စွဉ်ႏဝွေꩻဗွေႏ အဝိညာဉ်ႏတောႏ ကအဝ်ႏငီꩻသီ အကိုနဝ်ꩻ အီႏမာꩻမွန်ဖေႏ သီအသက်နဝ်ꩻသွူ။
12နဝ်ꩻမꩻ ခွေသွꩻဖုံႏ၊ နီနဝ်ꩻ တာႏဝွန်ႏထာꩻမာꩻ အဝ်ႏတစွိုး၊ ကွဲႏတွော့ꩻ အုံအဝ်ႏဗာႏတဝ်း နုဲင်းနီလိုꩻဇာႏတိ အလိုႏဆန္ဒသွူ။ 13ပွိုးသီမဉ်ႏ အုံအဝ်ႏမဲဉ်ႏလွဉ်ꩻဒျာႏ နုဲင်းသီလိုꩻ ဇာႏတိ အလိုႏဆန္ဒနဝ်ꩻ သီအီႏသီထိုꩻဗာႏသွူ။ ကွဲႏတွော့ꩻ သီအကျင်ꩻ ကအဝ်ႏဗွေႏဒါႏစွဉ်ႏ အပဲစ်နဝ်ꩻ စွဉ်ႏဝိညာဉ်ႏတောႏ သီမဉ်ႏမာꩻသီထိုꩻနဝ်ꩻ သီအသက် အီႏအဝ်ႏမွန်ဒျာႏသွူ။ 14လိုꩻကခံႏထူႏဒါႏ ဗွေႏဘုရာꩻ အဝိညာဉ်ႏတောႏ အွဉ်နယ်တဖူꩻနဝ်ꩻ ထွာဗွေႏဘုရာꩻ ပိုဖုံႏသွူ။ 15#ဂလာ ၄:၅–၇။ #မာ ၁၄:၃၆၊ ဂလာ ၄:၆။ပွိုးဗွေႏဘုရာꩻ ကအဝ်ႏဖေႏဒါႏသီ ဝိညာဉ်ႏနဝ်ꩻ မာꩻထွာထိုꩻသီ သွဉ်းတဲင် မာꩻငမ်းသꩻထိုꩻသီ တမွေးတဝ်းသွူ။ ဝိညာဉ်ႏတောႏနဝ်ꩻ မာꩻထွာတောဒျာႏ ဖေႏသီကထွာ ဗွေႏဘုရာꩻ ပိုဖုံႏတဲင် စွဉ်ႏဝိညာဉ်ႏတောႏ တန်ꩻခိုꩻနဝ်ꩻ နီခြောဝ်ထင်ႏထေ့နွောင်ꩻ ၊ “အွိုးဖါ၊ ခွေအဖါ” နုဲင်းနဝ်ꩻသွူ။ 16နီနဝ်ꩻထွာ ဗွေႏဘုရာꩻ ပိုဖုံႏကျောင်ꩻ ဗွေႏဘုရာꩻ ဝိညာဉ်ႏတောႏ နမ်းကိုယ်ႏတဲင်ႏနဝ်ꩻ ပေါင်ꩻငီꩻတွမ်ႏ နီဝိညာဉ်ႏတွော့ꩻ ဖေါႏနယ်ဖေႏသွူ။ 17တယ်ႏစွဉ်ႏနီ ကထွာလဲဉ်း ဝွေꩻဗွေႏ အပိုဖုံႏခါကာႏ ဝွေꩻဗွေႏ ကအွဉ်ႏခါꩻ ဝွေꩻဗွေႏလိုꩻဖုံႏအတာႏ မင်္ဂလာႏနဝ်ꩻ နီအီႏပဲင်ႏဗာႏတဲင် နီအီႏပဲင်ႏ ငီꩻပါက စွဉ်ႏဗွေႏခရစ်တောႏသွူ၊ နုဲင်းဗွေႏဘုရာꩻ ကအွဉ်ႏခါꩻဒါႏ ဝွေꩻဗွေႏအတာႏ ဘွုန်ꩻသရေႏနဝ်ꩻ ပွိုးနီ မဉ်ႏခံႏဖကူ ဗွေႏခရစ်တောႏ ထာꩻဒုက္ခနဝ်ꩻ နီအီႏလꩻဖပါ ဝွေꩻဗွေႏ အဘွုန်ꩻသရေႏတောႏ နဝ်ꩻသွူ။
အနာႏဂတ်ဘွုန်ꩻသရေႏတောႏ
18နုဲင်းအချိန်ႏ ယိုခါနီကအဝ်ႏခံႏဗာႏ ထာꩻဒုက္ခနဝ်ꩻ တဲက်အီစွဉ်ႏ ကအီႏဖေါႏနယ်ဖေႏဒါႏ နီဘွုန်ꩻသရေႏတောႏ တလꩻနွောင်ꩻတဝ်း တစိꩻစိꩻ ခွေယွုမ်း နုဲင်းနဝ်ꩻသွူ။ 19ပွိုးဗွေႏဘုရာꩻ ကအီႏဖေါႏနယ်ဖေႏဒါႏ ဝွေꩻဗွေႏပိုဖုံႏတာႏ ကခံႏဗာႏ အဖန်ဆင်ꩻ မာꩻထွာလွဉ်သား ကားကအဝ်ႏနဝ်ꩻ တွမ်ႏသꩻအာႏတလာ အဝ်ႏကော့ꩻမောင်ꩻသွူ။ 20#ကမ္ဘာႏ ၃:၁၇–၁၉။ ပွိုးကခံႏဗာႏ အဖန်ဆင်ꩻ မာꩻထွာလွဉ်ဖုံႏနဝ်ꩻ ဖေႏကထွာ ထာꩻသွုမ်ꩻခြေင်နဝ်ꩻ အဝ်ႏခံႏဗာႏ အပဲစ်တံႏထာꩻစီႏရင်ႏသွူ။ ကထွာနုဲင်းနဝ်ꩻနဝ်ꩻ ဟံႏတန်လောက အလိုႏဆန္ဒ တမွေးတဝ်း၊ ဗွေႏဘုရာꩻ အလိုႏတောႏဒျာႏနဝ်ꩻမꩻ ထွာလွဉ်ဗာႏနဝ်ꩻသွူ။ ကွဲႏတွော့ꩻ နဝ်ꩻကိုနဝ်ꩻ ထာꩻအဝ်ႏမောင်ꩻ အဝ်ႏနေကသွူ။ 21ကခံႏဗာႏ အဖန်ဆင်ꩻ မာꩻထွာလွဉ်ဖုံႏ အနမ်းနဝ်ꩻ တနီꩻခါ အဝ်ႏကသေင်ဖြင်းကုဲင်ဒါႏ သွဉ်းဘဝနဝ်ꩻ အီႏလွစ်ထန်ႏလꩻတဲင် အီႏလွစ်နမ်း စူꩻသꩻလꩻတွော့ꩻ စံႏစာꩻဖဗာႏ တွမ်ႏဗွေႏဘုရာꩻ ပိုဖုံႏ ဘွုန်ꩻသရေႏနဝ်ꩻသွူ။ 22ပွိုးတွော့ꩻ ကခံႏဗာႏ အဖန်ဆင်ꩻ မာꩻထွာလွဉ်ဖုံႏ ကားကအဝ်ႏနဝ်ꩻ ခံႏဗာႏထာꩻဆာ ဗွိုန်နုဲင်း ကအီႏလွူးလွဉ်ပို နဝ်ꩻတဲင် ဗꩻတွိုႏစွဉ်ႏ အချိန်ႏယိုခါ အဝ်ႏသောင်ခြင်ꩻဗာႏထာꩻနဝ်ꩻ နီအဝ်ႏသေသွူ။ 23#၂ကော ၅:၂–၄။ ကွဲႏတွော့ꩻ ကအဝ်ႏသောင်ခြင်ꩻဒါႏ ထာꩻနဝ်ꩻ ခံႏဗာႏ အဖန်ဆင်ꩻ မာꩻထွာလွဉ်ဖုံႏလွုမ်ꩻ တမွေးတဝ်း၊ နီကလꩻဒါႏ ဝိညာဉ်ႏတောႏ ဗွေႏဘုရာꩻ ကဖေႏရီးဒါႏ ဆုကေꩻဇူꩻသား ဗွေႏဘုရာꩻ ကမာꩻထွာဒါႏနီ ဝွေꩻဗွေႏ အပိုဖုံႏတွမ်ႏ ကအွဉ်ႏစွꩻလွစ်ဖေႏ နီနမ်းတဗာႏလွုမ်းနဝ်ꩻ နီအဝ်ႏကော့ꩻမောင်ꩻ သောင်ခြင်ꩻဗာႏနဝ်ꩻသွူ။ 24နီလꩻလဲဉ်း ထာꩻကယ်ႏတင်ႏနဝ်ꩻနဝ်ꩻ ပွိုးစွဉ်ႏ ထာꩻအဝ်ႏမောင်ꩻ နဝ်ꩻဒျာႏသွူ။ ကွဲႏတွော့ꩻ နုဲင်းနီထာꩻအဝ်ႏမောင်ꩻ အတာႏ နီမဉ်ႏထီႏဗာႏနေးနဝ်ꩻ၊ နဝ်ꩻနဝ်ꩻ ထာꩻအဝ်ႏမောင်ꩻ အစဲစ်အမဲဉ်ႏ တမွေးတဝ်းသွူ။ နီကအဝ်ႏမောင်ꩻဒါႏ ထာꩻတစွိုးစွိုးအတာႏ ထီႏဗာႏလဲဉ်းသွူနဝ်ꩻ အဝ်ႏမောင်ꩻနေကဟောင်း။ 25ကွဲႏတွော့ꩻ နီတထီႏဗာႏတဝ်းဒွိုန်း နီမဉ်ႏအဝ်ႏမောင်ꩻနဝ်ꩻ နီအုံပွေါးဗာႏ ထာꩻသယ်ꩻခံႏစွဉ်ႏ ထာꩻသꩻဆွာꩻသွူ။
26ဗွိုန်နုဲင်းနဝ်ꩻနေနေ ဝိညာဉ်ႏတောႏ နဝ်ꩻတဲ့ ကျွꩻလွဉ်စွဲကို လိုꩻအာႏကဆေ့ꩻငါႏ နီနဝ်ꩻသွူ။ ပွိုးနီ အီႏဆုတောင်ꩻဗာႏ နုဲင်းမုဲင်ꩻငါတဲ့ နီတသေတဝ်းသွူ။ စွဉ်ႏငဝ်း တဖေါႏနယ် နွောင်ꩻတဝ်း ကအဝ်ႏသောင်ခြင်ꩻ ထာꩻအတာႏ ဝိညာဉ်ႏတောႏ နမ်းကိုယ်ႏတဲင်ႏနဝ်ꩻ နီအတာႏ ဆုတောင်ꩻ လဝ်းထင်ႏဖေႏ ဗွေႏဘုရာꩻထျꩻနဝ်ꩻသွူ။ 27ဗွေႏကအဝ်ႏထီႏလို့ထာꩻ နီသꩻကို ဗွေႏဘုရာꩻနဝ်ꩻ ဝိညာဉ်ႏတောႏ အသဘော်ꩻနဝ်ꩻတဲ့ အဝ်ႏသေသွူ။ ကွပ်ပွိုး ဖေႏကမဲဉ်ႏလွဉ်ꩻစွဉ်ႏ ဝွေꩻဗွေႏ အလိုႏတောႏနဝ်ꩻ ဝွေꩻဗွေႏလိုꩻဖုံႏ အနမ်းတင်တာႏ ဝိညာဉ်ႏတောႏနဝ်ꩻ လဝ်းထင်ႏထေ့ဗာႏ ဗွေႏဘုရာꩻထျꩻသွူ။
28လိုꩻကရက်ဒါႏ ဝွေꩻဗွေႏသားတွမ်ႏ လိုꩻဝွေꩻဗွေႏ ကလွိုက်ဟဲ့ꩻ မဲဉ်ႏလွဉ်ꩻစွဉ်ႏ ဝွေꩻဗွေႏ အကျံႏတောႏသားဖုံႏ အကျိုꩻဖုံႏနဝ်ꩻ ဗွေႏဘုရာꩻ မာꩻဖေႏလို့လို့ဒျာႏကျောင်ꩻ နီအဝ်ႏသေသွူ။ 29ဗွေႏဘုရာꩻ အကလွိုက် သေꩻခါꩻလဲဉ်းသားနဝ်ꩻ ဝွေꩻဗွေႏ အွဉ်ႏခေါ်ပါက ဖေႏကထွာဗွိုန်နုဲင်း ဝွေꩻဗွေႏ အပိုခိုနဝ်ꩻသွူ။ လိုꩻကယွုမ်းသားဖုံႏ အာငါႏအကိုနဝ်ꩻ ဖေႏနေး ပိုခိုတောႏနဝ်ꩻ ကထွာဗာႏ အရီးသွတ်ꩻသွူ။ 30နဝ်ꩻမꩻ ဗွေႏဘုရာꩻ ကအွဉ်ႏဖခေါ်ခါꩻဒါႏ လိုꩻဖုံႏနဝ်ꩻ ဝွေꩻဗွေႏဟဲ့ꩻတွော့ꩻ လိုꩻဝွေꩻဗွေႏ ကဟဲ့ꩻသားဖုံႏနဝ်ꩻ ဝွေꩻဗွေႏမတ် လိုꩻစွို့ꩻစွဉ်ႏ တွမ်ႏဝွေꩻဗွေႏနမ်းတဲင် ဝွေꩻသီးနဝ်ꩻ ဝွေꩻဗွေႏဖဖေႏစွဉ်ႏ ဝွေꩻဗွေႏ အဘွုန်ꩻသရေႏတောႏ နဝ်ꩻသွူ။
ဗွေႏဘုရာꩻအထာꩻရက်မေတ္တာႏအဝ်ႏသော့ꩻဗွေႏခရစ်တောႏယေသျုကို
31ထွားထာꩻယိုဖုံႏ ကားကအဝ်ႏနဝ်ꩻ နီအီႏရိုꩻဗာႏ နုဲင်းမုဲင်ꩻဟောင်း။ ဗွေႏဘုရာꩻမဉ်ႏ အဝ်ႏနီဖဲ့ꩻနဝ်ꩻ ပါꩻမုဲင်ꩻ အီႏဆန်ချာနွောင်ꩻ နီဟောင်း။ 32ဝွေꩻဗွေႏလဲင်ꩻ တလောက်ꩻကာႏတဝ်း ဝွေꩻဗွေႏ အပိုခိုရင်ꩻတဲင် ပူႏဇောႏဖေႏ နီ ကားကအဝ်ႏတာႏသွူ။ ဝွေꩻဗွေႏဖေႏလဲဉ်းနီ ဝွေꩻဗွေႏ အပိုခိုတောႏနဝ်ꩻမꩻ ထာꩻဖုံႏ ကားကအဝ်ႏနဝ်ꩻတဲ့ တဖေႏခြေင်တဝ်း နီနဝ်ꩻ အီႏအဝ်ႏနေဟောင်း။ 33ဗွေႏဘုရာꩻ ကလွိုက်သေꩻခါꩻဒါႏ လိုꩻဖုံႏနဝ်ꩻ ပါꩻမုဲင်ꩻ အီႏစွဲꩻတရာꩻလꩻဟောင်း။ ဝွေꩻသီးနဝ်ꩻ အပဲစ်အဲဉ်ထဝ်းကျောင်ꩻ ဗွေႏဘုရာꩻ နမ်းကိုယ်ႏတဲင်ႏ ကေႏညာႏလဲဉ်းသွူ။ 34နဝ်ꩻမꩻ ပါꩻမုဲင်ꩻ အီႏစီႏရင်ႏပဲစ်တံႏ ဝွေꩻသီးဟောင်း။ ဗွေႏခရစ်တောႏ ယေသျုနဝ်ꩻ ခံႏသီဖေႏလဲဉ်း လွုမ်ꩻတကာႏတဝ်း ထွိုင်ႏမွန် ချာလဲဉ်းတဲင် အဝ်ႏဗွေႏဘုရာꩻ စူထွေဖဲ့ꩻတွော့ꩻ အဝ်ႏကွီထင်ႏဖေႏ နီတာႏ ဝွေꩻဗွေႏထျꩻသွူ။ 35နဝ်ꩻထွူ အဝ်ႏဗွေႏခရစ်တောႏ မေတ္တာႏကိုနဝ်ꩻ ပါꩻမုဲင်ꩻအီႏ ဖꩻထိုꩻနွောင်ꩻနီဟောင်း။ မာꩻဒုက္ခထိုꩻစွဉ်ႏ တဲ့နဝ်ꩻ၊ မာꩻသꩻယပ်ꩻစွဉ်ႏ တဲ့နဝ်ꩻ၊ မာꩻနစ်စက်ထိုꩻစွဉ်ႏ တဲ့နဝ်ꩻ မာꩻဟို့ꩻခိုးထိုꩻစွဉ်ႏ တဲ့နဝ်ꩻ၊ မာꩻကေန်ꩻခြောထိုꩻစွဉ်ႏ တဲ့နဝ်ꩻ၊ မာꩻအန္တရာယ်ႏထိုꩻစွဉ်ႏ တဲ့နဝ်ꩻ၊ မာꩻသီထိုꩻစွဉ်ႏ တဲ့နဝ်ꩻ၊ ဖဖြယ်နွောင်ꩻနေဟောင်း။ 36#သာ ၄၄:၂၂။ နုဲင်းလိတ်ကျမ်ꩻ ကရိုꩻအတွိုင်ꩻ၊
“ပွိုးနီဗွေႏအတွက် နီမော့ꩻဗာႏ ထာꩻသီအန္တရာယ်ႏ တချိန်ႏလွုမ်းသွူ။
နီနဝ်ꩻ ဗွိုန်နုဲင်းသွိုꩻ ကအီႏလွေꩻမာꩻသီထိုꩻ” နုဲင်းနဝ်ꩻသွူ။
37ဖဖြယ်ထိုꩻ တလꩻတဝ်း။ နီအဝ်ႏခံႏဗာႏလို့ ထာꩻယိုဖုံႏ စွဉ်ႏတဲ့ စွဉ်ႏဝွေꩻဗွေႏ အကရက်ဒါႏနီနဝ်ꩻ နီအီႏလꩻလို့ ထာꩻအောင်ႏမျင်ႏသွူ။ 38အဝ်ႏဝွေꩻဗွေႏ ထာꩻရက် မေတ္တာႏကိုနဝ်ꩻ စွဉ်ႏထာꩻအမျိုꩻမုဲင်ꩻတဲ့ ဖထိုꩻနီ တလꩻတဝ်းနဝ်ꩻ ပွိုးခွေအဝ်ႏသေမွေးသွူ။ စွဉ်ႏထာꩻသီတဲ့နဝ်ꩻ၊ အသက်မွန် တဲ့နဝ်ꩻ၊ စွဉ်ႏမို့ꩻလောင်းတမန်ႏဖုံႏ တဲ့နဝ်ꩻ၊ မို့ꩻလောင်းအာႏဏာႏပဲင်ႏ အလင်ဖုံႏ တဲ့နဝ်ꩻ၊ တန်ꩻခိုꩻတဲ့နဝ်ꩻ၊ စွဉ်ႏအချိန်ႏယိုခါ တဲ့နဝ်ꩻ ဆုဲင်ꩻခါတဲ့နဝ်ꩻ၊ 39ဟံႏတန်ဆꩻကီ တဲ့နဝ်ꩻ၊ ဟံႏတန်ဆꩻလ တဲ့နဝ်ꩻ၊ ကခံႏဗာႏ အဖန်ဆင်ꩻ မာꩻထွာလွဉ်နေးဖုံႏ တဲ့နဝ်ꩻ၊ စွဉ်ႏနီဗွေႏခရစ်တောႏ ယေသျုနဝ်ꩻ အဝ်ႏဗွေႏဘုရာꩻ အထာꩻရက် မေတ္တာႏကိုနဝ်ꩻ မုဲင်ꩻခါတဲ့ အီႏဖဖြယ်ထိုꩻတွမ်ႏနီ တလꩻတဝ်းသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.