ရောမ 2
2
ဗွေႏဘုရာꩻထာꩻစီႏရင်ႏချက်
1 #
မ ၇:၁၊ လု ၆:၃၇။ ခွေသွꩻဖုံႏ၊ သီနဝ်ꩻ စီႏရင်ႏဗာႏတွိုႏ လိုꩻလင်ဖုံႏ အပဲစ်ဟောင်း။ သီနဝ်ꩻ ထွာခန်းစွဉ်ႏ ပါꩻမုဲင်ꩻတယဝ်း သီတစီႏရင်ႏဗာႏတဝ်းဝင်ꩻ၊ သီကစီႏရင်ႏ လိုꩻလင်ဖုံႏချိန်ႏထွူ နုဲင်းဝွေꩻသီး ကမာဒါႏဖုံႏနဝ်ꩻ သီတဲ့ အဝ်ႏမာꩻဗွိုန်ဗွိုန်ဒျာႏ နဝ်ꩻမꩻ သီစီႏရင်ႏချာဒျာႏ သီနမ်းဖုံႏသွူ။ 2လိုꩻကမာꩻထာꩻ အစားနုဲင်းယိုဖုံႏ ဝွေꩻဗွေႏ ကစီႏရင်ႏဒါႏချိန်ႏ ဗွေႏဘုရာꩻနဝ်ꩻ အဝ်ႏမဲဉ်ႏကျောင်ꩻ နီသေဗာႏနဝ်ꩻသွူ။ 3ကွဲႏတွော့ꩻ ခွေသွꩻဖုံႏ၊ သီကစီႏရင်ႏဒါႏ ပါꩻလင်အမုဖုံႏနဝ်ꩻ သီနမ်းတဲ့ အဝ်ႏမာꩻဒျာႏ ထာꩻနဝ်ꩻဖုံႏ ကားကအဝ်ႏနဝ်ꩻ သီထင်းဒျာႏ သီအီႏသျောင်ႏလဲ့လꩻ ဗွေႏဘုရာꩻ ထာꩻစီႏရင်ႏဟောင်း။ 4မဉ်ႏတမွေးတဝ်း ဝွေꩻဗွေႏကအွဉ်ႏ ကရုဏာႏ၊ ထာꩻသꩻဆွာꩻ တွမ်ႏထာꩻသယ်ꩻခံႏ တန်ငါႏနဝ်ꩻ နာꩻအဝ်ႏသွင်ꩻဖွီဒျာႏသွူ။ ဗွေႏဘုရာꩻ ကအွဉ်ႏဒါႏ ကရုဏာႏနဝ်ꩻ ဖေႏကလꩻ ထာꩻကော့ꩻမာႏ ကွပ်ပွိုးဝွေꩻဗွေႏ အဝ်ႏကျိုꩻစာꩻ အွဉ်သီကျောင်ꩻ သီအဝ်ႏသေစဲင်း ဒျာႏနဝ်ꩻသွူ။ 5ကွဲႏတွော့ꩻ သီနဝ်ꩻ ကတူႏအဝ်ႏဆွော့ꩻဒျာႏ၊ သꩻအဝ်ႏနုတ်ꩻဒျာႏ နဝ်ꩻမꩻ ဗွေႏဘုရာꩻ ထာꩻသꩻလျား တွမ်ႏကစီႏရင်ႏ စွို့ꩻစွဉ်ႏထာꩻချိန်ႏ အနီꩻထွိုင်ႏဖျော်လွဉ်နဝ်ꩻ သီအဝ်ႏစီႏရင်ႏချာဒျာႏ သီနမ်း ထာꩻစီႏရင်ႏတန် နဝ်ꩻသွူ။ 6#သာ ၆၂:၁၂၊ ပညာႏ ၂၄:၁၂။ နုဲင်းနီ ကမာꩻလဲဉ်းဒါႏ အတွိုင်ꩻနဝ်ꩻ ဗွေႏဘုရာꩻနဝ်ꩻ အီႏဖေႏနီတဖြာꩻစီႏ ဆုအကျိုꩻသွူ။ 7လိုꩻယင်ဟန်ႏ သားဖုံႏနဝ်ꩻ အဝ်ႏမာꩻသွုပ်ဒျာႏ ထာꩻဟဝ်တဲင် ထုမ်ႏဒျာႏဘွုန်ꩻသရေႏ၊ ဂွုဏ်ႏသရေႏတွမ်ႏ တသီမားဒါႏတဝ်း အသက်နဝ်ꩻသွူ။ ဝွေꩻသီးနဝ်ꩻ ဗွေႏဘုရာꩻအီႏဖေႏ ထာဝရအသက် နဝ်ꩻသွူ။ 8လိုꩻလင်ဖုံႏနဝ်ꩻ ဟဝ်ဒျာႏ နမ်းတာႏတဲင် ထာꩻအမဲဉ်ႏနဝ်ꩻ ပယ်ႏထိုꩻဒျာႏတွော့ꩻ၊ ထောင်လွဉ်ꩻဒျာႏ ထာꩻအမာႏနဝ်ꩻသွူ။ ဝွေꩻသီးလောင်းနဝ်ꩻ ဗွေႏဘုရာꩻ အီႏထောက်ꩻထန်ႏဖေႏ ဝွေꩻဗွေႏ ထာꩻသꩻလျား စွဉ်ႏဒေါသ နဝ်ꩻသွူ။ 9နဝ်ꩻကိုနဝ်ꩻ အရီးသွတ်ꩻ ကထွာဂျူးလိုꩻမျိုꩻဖုံႏ တွမ်ႏလိုꩻမျိုꩻလင်ဖုံႏတာႏ နဝ်ꩻတဲ့ ကမာꩻဒါႏ ထာꩻကုဲင်သားဖုံႏ ကားကအဝ်ႏ အီႏခံႏစာꩻဗာႏမွေး ထာꩻဒုက္ခဖုံႏတွမ်ႏ ထာꩻဆာဝေႏဒနာႏဖုံႏ နဝ်ꩻသွူ။ 10အရီးသွတ်ꩻ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ လိုꩻကမာꩻဒါႏ ထာꩻဟဝ်သားဖုံႏ ကားကအဝ်ႏ၊ ဗွေႏဘုရာꩻအီႏဖေႏ ဘွုန်ꩻသရေႏ၊ အီႏထူႏဂွုဏ်ႏတွမ်ႏ ထာꩻငိမ်ꩻချမ်ꩻသာႏနဝ်ꩻသွူ။ 11#ဟော်ꩻ ၁၀:၁၇။ ဗွေႏဘုရာꩻ ကစီႏရင်ႏဒါႏ လိုꩻစွုမ်ႏဖြာꩻနဝ်ꩻ ပွိုးစီႏရင်ႏ ဗွိုန်ဗွိုန်ဒျာႏ တရန်းချင်ႏနဝ်ꩻသွူ။
12လိုꩻမျိုꩻလင်ꩻဖုံႏနဝ်ꩻ မောသျေပညတ်ကျမ်ꩻ တအဲဉ်ထဝ်းတွော့ꩻ ဝွေꩻသီးမာꩻ အပဲစ်နဝ်ꩻမꩻ အီႏသွုမ်ꩻကုဲင် ထိုꩻဗာႏဒျာႏသွူ။ ဂျူးလိုꩻမျိုꩻဖုံႏနဝ်ꩻ ပညတ်ကျမ်ꩻ အဝ်ႏဒျာႏတွော့ꩻ စွဉ်ႏပညတ်ကျမ်ꩻ နဝ်ꩻတဲင် အီႏစီႏရင်ႏ ဝွေꩻသီးအပဲစ်သွူ။ 13လိုꩻဖုံႏနဝ်ꩻ စွဉ်ႏကဟွိုန်နာႏဗာႏဒါႏ ပညတ်တရာꩻနဝ်ꩻ ထွာလိုꩻဆွုပ်ဆံႏမဲဉ်ႏစွဉ်ႏ ဗွေႏဘုရာꩻ တမွေးတဝ်းသွူ။ ကွဲႏတွော့ꩻ စွဉ်ႏကမာꩻလွဉ်ꩻဒါႏ ပညတ်ကျမ်ꩻ အမိန်းအတွိုင်ꩻ နဝ်ꩻဒျာႏသွူ။ 14လိုꩻမျိုꩻလင်ဖုံႏနဝ်ꩻ ပညတ်ကျမ်ꩻ တအဲဉ်ထဝ်း၊ ကွဲႏတွော့ꩻ နုဲင်းဝွေꩻသီးကမာꩻထာꩻ အချိန်ႏမုဲင်ꩻ တယဝ်း ဝွေꩻသီး မာꩻဒျာႏတွမ်ႏ ထာꩻသေတရာꩻ နဝ်ꩻမꩻ ဝွေꩻသီးပညတ်တရာꩻ အဲဉ်ထဝ်းစွဉ်ႏတဲ့ ဗွိုန်နုဲင်းဒျာႏ ဝွေꩻသီးနမ်းပဲင်ႏ ပညတ်ဥပဒေႏသွူ။ 15ပညတ်တောႏကို ကဖေါႏနယ်ဒါႏ အချက်ဖုံႏနဝ်ꩻ ဗွိုန်နုဲင်း ကတဲမ်းမတ်ခါꩻ ဝွေꩻသီး အသꩻကိုတွော့ꩻ ပေါႏထန်ႏလွဉ်နယ်ဒျာႏ ဝွေꩻသီးထာꩻဒေါ့ꩻ၊ ထာꩻအုံအဝ်ႏကို နဝ်ꩻမꩻ ယိုနဝ်ꩻ မဲဉ်ႏဒျာႏကျောင်ꩻ ဝွေꩻသီး ဩတ္တပ္ပသꩻ နဝ်ꩻတဲ့ ပဉ်လဲင်ႏလဲင်ႏနဝ်ꩻ အဝ်ႏပဲစ်တင်ႏဒျာႏတဲင် ယလဲင်ႏလဲင်ႏနဝ်ꩻ ထောက်ခံႏဒျာႏသွူ။ 16နဝ်ꩻမꩻ နုဲင်းခွေကအဝ်ႏဟော်ꩻဒါႏ သတင်ꩻဟဝ်ဖုံႏ အတွိုင်ꩻ လိုꩻဖုံႏကယူႏစဉ်ꩻစာꩻ ကျံႏတေ့ꩻဒါႏထာꩻဖုံႏ ကားကအဝ်ႏနဝ်ꩻ စွဉ်ႏဗွေႏယေသျု ခရစ်တောႏတဲင် ဗွေႏဘုရာꩻ ကအီႏစီႏရင်ႏဒါႏ ထာꩻစီႏရင်ႏမွူးနီꩻနဝ်ꩻ ဗွေမဲဉ်ႏလွဉ်ꩻစွဉ်ႏသွူ။
ဂျူးလိုꩻမျိုꩻဖုံႏတွမ်ႏပညတ်တရာꩻ
17သီနဝ်ꩻ တမုဲင်ꩻခရာႏဟောင်း၊ သီဟဲ့ꩻချာ သီနမ်း ဂျူးလိုꩻမျိုꩻ တဖြာꩻတဲင် သီအုံဒေါင် ပညတ်တရာꩻ လောင်းတွော့ꩻ ကျွားဒျာႏ ဗွေႏဘုရာꩻ ခရာႏနဝ်ꩻသွူ။ 18နုဲင်းဗွေႏဘုရာꩻ အလိုႏတောႏ ကမဉ်အွဉ်ႏ သီမာꩻနဝ်ꩻ သီအဝ်ႏသေဒျာႏတဲင် ဖေႏသီကလွိုက် ထာꩻအမဲဉ်ႏနဝ်ꩻ သီအဝ်ႏသွဉ်ထူႏဗာႏလဲဉ်း ပညတ်တရာꩻသွူ။ 19သီနဝ်ꩻထွာမွေး အဝ်ႏအွဉ်ဖေႏ လိုꩻမဲ့ခေ့ꩻသားတဖြာꩻ၊ ထွာလိုꩻကအဝ်ႏသော့ꩻ ထာꩻခေ့ꩻကိုသားတာႏ ထာꩻလေတဖြာꩻ၊ 20ထွာလိုꩻဆွုံꩻမနွောင်ꩻ လိုꩻမွိုက်တဖြာꩻတွော့ꩻ ထွာလိုꩻပညာႏ တအဲဉ်ထဝ်းသား ဆရာႏတဖြာꩻသွူ။ ပညတ်တရာꩻကိုနဝ်ꩻ သီအဝ်ႏလꩻဗွေသော့ꩻ ပညာႏထာꩻသေ အကျောင်ꩻခရာႏတွမ်ႏ ထာꩻအမဲဉ်ႏတရာꩻ ခရာႏနဝ်ꩻ သီအဝ်ႏသေစဲင်းသွူ။ 21သီအဝ်ႏသွဉ်သင်ဖေႏ လိုꩻလင်ဖုံႏ၊ ပွိုးတမုဲင်ꩻ သီတသွဉ်သင်ချာတဝ်း သီနမ်းဟောင်း၊ သီဟော်ꩻဖေႏ၊ “တွမ်ႏတခွန်ꩻမွိုန်း ဝင်ꩻထာꩻခြိုꩻ” ကွဲႏတွော့ꩻ သီနမ်း အဝ်ႏတခွန်ꩻဒျာႏ နုဲင်းမုဲင်ꩻဟောင်း။ 22သီရိုꩻ၊ “တွမ်ႏပဲစ်မာႏမွိုန်း ဝင်ꩻပိုမာဖုံႏ၊” ကွဲႏတွော့ꩻ သီအဝ်ႏပဲစ်မာႏဒျာႏ ဝင်ꩻပိုမာ နုဲင်းမုဲင်ꩻဟောင်း။ သီအဝ်ႏပသို့ꩻ ရွုတ်တု စွဉ်ႏတဲ့ သီအဝ်ႏ စွန်ရိမ်ထူႏဒျာႏ ဗိမာန်ႏတောႏကျောင်ꩻ နုဲင်းမုဲင်ꩻဟောင်း။ 23သီအဝ်ႏကျွားအီထာꩻတွမ်ႏ ဗွေႏဘုရာꩻ အပညတ်တရာꩻခရာႏ စွဉ်ႏတဲ့ ပွိုးတမုဲင်ꩻ စွဉ်ႏသီ ကအဝ်ႏယားကုဲင် ဝွေꩻဗွေႏ ပညတ်တရာꩻ နဝ်ꩻတွော့ꩻ ပွိုးတမုဲင်ꩻ ယားတရေႏထိုꩻဗာႏတွိုႏ ဗွေႏဘုရာꩻ ဂွုဏ်ႏသရေႏ နုဲင်းမုဲင်ꩻဟောင်း။ 24#ဟေသျာ ၅၂:၅ (LXX)။ လိတ်ကျမ်ꩻနဝ်ꩻရိုꩻ၊ “ကွပ်ပွိုး သီဂျူးလိုꩻမျိုꩻဖုံႏအတွက် လိုꩻမျိုꩻလင်ဖုံႏနဝ်ꩻ ဒေါ့ꩻကုဲင်တောဒျာႏ ဗွေႏဘုရာꩻ” နုဲင်းနဝ်ꩻသွူ။
25သီမဉ်ႏလွောက်ꩻနာႏ ပညတ်တရာꩻနဝ်ꩻ သီကသွို့ꩻဒါႏ လိုꩻခိုအင်္ဂါႏနာပီ မင်္ဂလာႏနဝ်ꩻ အကျိုꩻအဝ်ႏသွူ။ ကွဲႏတွော့ꩻ သီမဉ်ႏ တလွောက်ꩻနာႏတဝ်း ပညတ်တရာꩻနဝ်ꩻ ဗွိုန်စွဉ်ႏ မုဲင်ꩻခါတဲ့ သီတသွို့ꩻဗာႏဖိုတဝ်း လိုꩻခိုအင်္ဂါႏနာပီ မင်္ဂလာႏသွူ။ 26လိုꩻမျိုꩻလင် တသွို့ꩻတဝ်း လိုꩻခိုအင်္ဂါႏနာပီ မင်္ဂလာႏတွော့ꩻ မဉ်ႏလွောက်ꩻနာႏ မာꩻလွဉ်ꩻ ပညတ်တရာꩻ အမိန်းအတွိုင်ꩻနဝ်ꩻ ဗွေႏဘုရာꩻ အီႏမတ်ဝွေꩻ နုဲင်းဝွေꩻကခံႏသွို့ꩻ လိုꩻခိုအင်္ဂါႏနာပီ မင်္ဂလာႏနဝ်ꩻ တမွေးတဝ်းဟောင်း။ 27နဝ်ꩻမꩻ သီနဝ်ꩻ လဲင်ꩻလꩻနေး ကတဲမ်းသေꩻခါꩻ ပညတ်တရာꩻတွမ်ႏ သွို့ꩻလိုꩻခို အင်္ဂါႏနာပီ မင်္ဂလာႏစွဉ်ႏတဲ့၊ ကွပ်ပွိုး သီယားကုဲင်ထိုꩻ ပညတ်တရာꩻအတွက် စွဉ်ႏလိုꩻမျိုꩻလင်နဝ်ꩻ အီႏစီႏရင်ႏဖေႏတံႏ သီဂျူးဖုံႏသွူ။ ပွိုးတွော့ꩻ ဝွေꩻသီးနဝ်ꩻ တသွို့ꩻတဝ်း လိုꩻခိုအင်္ဂါႏနာပီ မင်္ဂလာႏစွဉ်ႏတဲ့ ဝွေꩻသီး လွောက်ꩻနာႏ ပညတ်တရာꩻ အတွက်သွူ။ 28နဝ်ꩻထွူ ကားကအဝ်ႏ ပါꩻကထွာမွေးဒါႏ ဂျူးလိုꩻမျိုꩻစဲစ် တဖြာꩻနဝ်ꩻ သွို့ꩻဗာႏမွေး လိုꩻခိုအင်္ဂါႏနာပီ မင်္ဂလာႏမꩻဟောင်း။ ပါꩻခိုကသွို့ꩻဒါႏ လိုꩻခိုအင်္ဂါႏနာပီ မင်္ဂလာႏ ရုပ်ခန္ဓာႏ အထန်ႏဖဲ့ꩻ လက္ခဏာႏတစွိုးနဝ်ꩻ ထွာထိုစွဉ်ႏ ဂျူးလိုꩻမျိုꩻတဖြာꩻ တမွေးတဝ်းသွူ။ 29#ဟော်ꩻ ၃၀:၆။ ကထွာ ဂျူးလိုꩻမျိုꩻ စဲစ်စဲစ် တဖြာꩻနဝ်ꩻ ပုဂ္ဂိုလ်ႏ ဂျူးတဖြာꩻ အသꩻကောင်းကို ကသွို့ꩻလဲဉ်း လိုꩻခိုအင်္ဂါႏနာပီ မင်္ဂလာႏသား နဝ်ꩻဒျာႏတဲင် ယိုနဝ်ꩻထွာ ဗွေႏဘုရာꩻ ဝိညာဉ်ႏတောႏ ထာꩻမာꩻဒျာႏ၊ ကအဝ်ႏတဲမ်းဒါႏ ပညတ်တရာꩻ တမွေးတဝ်းသွူ။ ပုဂ္ဂိုလ်ႏစားနဝ်ꩻ တဖြာꩻနဝ်ꩻ လက်ခံႏလꩻ ဗွေႏဘုရာꩻ အုပ်ꩻအံႏဖြာႏဒျာႏ၊ အဝ်ႏလိုꩻထျꩻ အုပ်ꩻအံႏဖြာႏ တမွေးတဝ်းသွူ။
ទើបបានជ្រើសរើសហើយ៖
ရောမ 2: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 2
2
ဗွေႏဘုရာꩻထာꩻစီႏရင်ႏချက်
1 #
မ ၇:၁၊ လု ၆:၃၇။ ခွေသွꩻဖုံႏ၊ သီနဝ်ꩻ စီႏရင်ႏဗာႏတွိုႏ လိုꩻလင်ဖုံႏ အပဲစ်ဟောင်း။ သီနဝ်ꩻ ထွာခန်းစွဉ်ႏ ပါꩻမုဲင်ꩻတယဝ်း သီတစီႏရင်ႏဗာႏတဝ်းဝင်ꩻ၊ သီကစီႏရင်ႏ လိုꩻလင်ဖုံႏချိန်ႏထွူ နုဲင်းဝွေꩻသီး ကမာဒါႏဖုံႏနဝ်ꩻ သီတဲ့ အဝ်ႏမာꩻဗွိုန်ဗွိုန်ဒျာႏ နဝ်ꩻမꩻ သီစီႏရင်ႏချာဒျာႏ သီနမ်းဖုံႏသွူ။ 2လိုꩻကမာꩻထာꩻ အစားနုဲင်းယိုဖုံႏ ဝွေꩻဗွေႏ ကစီႏရင်ႏဒါႏချိန်ႏ ဗွေႏဘုရာꩻနဝ်ꩻ အဝ်ႏမဲဉ်ႏကျောင်ꩻ နီသေဗာႏနဝ်ꩻသွူ။ 3ကွဲႏတွော့ꩻ ခွေသွꩻဖုံႏ၊ သီကစီႏရင်ႏဒါႏ ပါꩻလင်အမုဖုံႏနဝ်ꩻ သီနမ်းတဲ့ အဝ်ႏမာꩻဒျာႏ ထာꩻနဝ်ꩻဖုံႏ ကားကအဝ်ႏနဝ်ꩻ သီထင်းဒျာႏ သီအီႏသျောင်ႏလဲ့လꩻ ဗွေႏဘုရာꩻ ထာꩻစီႏရင်ႏဟောင်း။ 4မဉ်ႏတမွေးတဝ်း ဝွေꩻဗွေႏကအွဉ်ႏ ကရုဏာႏ၊ ထာꩻသꩻဆွာꩻ တွမ်ႏထာꩻသယ်ꩻခံႏ တန်ငါႏနဝ်ꩻ နာꩻအဝ်ႏသွင်ꩻဖွီဒျာႏသွူ။ ဗွေႏဘုရာꩻ ကအွဉ်ႏဒါႏ ကရုဏာႏနဝ်ꩻ ဖေႏကလꩻ ထာꩻကော့ꩻမာႏ ကွပ်ပွိုးဝွေꩻဗွေႏ အဝ်ႏကျိုꩻစာꩻ အွဉ်သီကျောင်ꩻ သီအဝ်ႏသေစဲင်း ဒျာႏနဝ်ꩻသွူ။ 5ကွဲႏတွော့ꩻ သီနဝ်ꩻ ကတူႏအဝ်ႏဆွော့ꩻဒျာႏ၊ သꩻအဝ်ႏနုတ်ꩻဒျာႏ နဝ်ꩻမꩻ ဗွေႏဘုရာꩻ ထာꩻသꩻလျား တွမ်ႏကစီႏရင်ႏ စွို့ꩻစွဉ်ႏထာꩻချိန်ႏ အနီꩻထွိုင်ႏဖျော်လွဉ်နဝ်ꩻ သီအဝ်ႏစီႏရင်ႏချာဒျာႏ သီနမ်း ထာꩻစီႏရင်ႏတန် နဝ်ꩻသွူ။ 6#သာ ၆၂:၁၂၊ ပညာႏ ၂၄:၁၂။ နုဲင်းနီ ကမာꩻလဲဉ်းဒါႏ အတွိုင်ꩻနဝ်ꩻ ဗွေႏဘုရာꩻနဝ်ꩻ အီႏဖေႏနီတဖြာꩻစီႏ ဆုအကျိုꩻသွူ။ 7လိုꩻယင်ဟန်ႏ သားဖုံႏနဝ်ꩻ အဝ်ႏမာꩻသွုပ်ဒျာႏ ထာꩻဟဝ်တဲင် ထုမ်ႏဒျာႏဘွုန်ꩻသရေႏ၊ ဂွုဏ်ႏသရေႏတွမ်ႏ တသီမားဒါႏတဝ်း အသက်နဝ်ꩻသွူ။ ဝွေꩻသီးနဝ်ꩻ ဗွေႏဘုရာꩻအီႏဖေႏ ထာဝရအသက် နဝ်ꩻသွူ။ 8လိုꩻလင်ဖုံႏနဝ်ꩻ ဟဝ်ဒျာႏ နမ်းတာႏတဲင် ထာꩻအမဲဉ်ႏနဝ်ꩻ ပယ်ႏထိုꩻဒျာႏတွော့ꩻ၊ ထောင်လွဉ်ꩻဒျာႏ ထာꩻအမာႏနဝ်ꩻသွူ။ ဝွေꩻသီးလောင်းနဝ်ꩻ ဗွေႏဘုရာꩻ အီႏထောက်ꩻထန်ႏဖေႏ ဝွေꩻဗွေႏ ထာꩻသꩻလျား စွဉ်ႏဒေါသ နဝ်ꩻသွူ။ 9နဝ်ꩻကိုနဝ်ꩻ အရီးသွတ်ꩻ ကထွာဂျူးလိုꩻမျိုꩻဖုံႏ တွမ်ႏလိုꩻမျိုꩻလင်ဖုံႏတာႏ နဝ်ꩻတဲ့ ကမာꩻဒါႏ ထာꩻကုဲင်သားဖုံႏ ကားကအဝ်ႏ အီႏခံႏစာꩻဗာႏမွေး ထာꩻဒုက္ခဖုံႏတွမ်ႏ ထာꩻဆာဝေႏဒနာႏဖုံႏ နဝ်ꩻသွူ။ 10အရီးသွတ်ꩻ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ လိုꩻကမာꩻဒါႏ ထာꩻဟဝ်သားဖုံႏ ကားကအဝ်ႏ၊ ဗွေႏဘုရာꩻအီႏဖေႏ ဘွုန်ꩻသရေႏ၊ အီႏထူႏဂွုဏ်ႏတွမ်ႏ ထာꩻငိမ်ꩻချမ်ꩻသာႏနဝ်ꩻသွူ။ 11#ဟော်ꩻ ၁၀:၁၇။ ဗွေႏဘုရာꩻ ကစီႏရင်ႏဒါႏ လိုꩻစွုမ်ႏဖြာꩻနဝ်ꩻ ပွိုးစီႏရင်ႏ ဗွိုန်ဗွိုန်ဒျာႏ တရန်းချင်ႏနဝ်ꩻသွူ။
12လိုꩻမျိုꩻလင်ꩻဖုံႏနဝ်ꩻ မောသျေပညတ်ကျမ်ꩻ တအဲဉ်ထဝ်းတွော့ꩻ ဝွေꩻသီးမာꩻ အပဲစ်နဝ်ꩻမꩻ အီႏသွုမ်ꩻကုဲင် ထိုꩻဗာႏဒျာႏသွူ။ ဂျူးလိုꩻမျိုꩻဖုံႏနဝ်ꩻ ပညတ်ကျမ်ꩻ အဝ်ႏဒျာႏတွော့ꩻ စွဉ်ႏပညတ်ကျမ်ꩻ နဝ်ꩻတဲင် အီႏစီႏရင်ႏ ဝွေꩻသီးအပဲစ်သွူ။ 13လိုꩻဖုံႏနဝ်ꩻ စွဉ်ႏကဟွိုန်နာႏဗာႏဒါႏ ပညတ်တရာꩻနဝ်ꩻ ထွာလိုꩻဆွုပ်ဆံႏမဲဉ်ႏစွဉ်ႏ ဗွေႏဘုရာꩻ တမွေးတဝ်းသွူ။ ကွဲႏတွော့ꩻ စွဉ်ႏကမာꩻလွဉ်ꩻဒါႏ ပညတ်ကျမ်ꩻ အမိန်းအတွိုင်ꩻ နဝ်ꩻဒျာႏသွူ။ 14လိုꩻမျိုꩻလင်ဖုံႏနဝ်ꩻ ပညတ်ကျမ်ꩻ တအဲဉ်ထဝ်း၊ ကွဲႏတွော့ꩻ နုဲင်းဝွေꩻသီးကမာꩻထာꩻ အချိန်ႏမုဲင်ꩻ တယဝ်း ဝွေꩻသီး မာꩻဒျာႏတွမ်ႏ ထာꩻသေတရာꩻ နဝ်ꩻမꩻ ဝွေꩻသီးပညတ်တရာꩻ အဲဉ်ထဝ်းစွဉ်ႏတဲ့ ဗွိုန်နုဲင်းဒျာႏ ဝွေꩻသီးနမ်းပဲင်ႏ ပညတ်ဥပဒေႏသွူ။ 15ပညတ်တောႏကို ကဖေါႏနယ်ဒါႏ အချက်ဖုံႏနဝ်ꩻ ဗွိုန်နုဲင်း ကတဲမ်းမတ်ခါꩻ ဝွေꩻသီး အသꩻကိုတွော့ꩻ ပေါႏထန်ႏလွဉ်နယ်ဒျာႏ ဝွေꩻသီးထာꩻဒေါ့ꩻ၊ ထာꩻအုံအဝ်ႏကို နဝ်ꩻမꩻ ယိုနဝ်ꩻ မဲဉ်ႏဒျာႏကျောင်ꩻ ဝွေꩻသီး ဩတ္တပ္ပသꩻ နဝ်ꩻတဲ့ ပဉ်လဲင်ႏလဲင်ႏနဝ်ꩻ အဝ်ႏပဲစ်တင်ႏဒျာႏတဲင် ယလဲင်ႏလဲင်ႏနဝ်ꩻ ထောက်ခံႏဒျာႏသွူ။ 16နဝ်ꩻမꩻ နုဲင်းခွေကအဝ်ႏဟော်ꩻဒါႏ သတင်ꩻဟဝ်ဖုံႏ အတွိုင်ꩻ လိုꩻဖုံႏကယူႏစဉ်ꩻစာꩻ ကျံႏတေ့ꩻဒါႏထာꩻဖုံႏ ကားကအဝ်ႏနဝ်ꩻ စွဉ်ႏဗွေႏယေသျု ခရစ်တောႏတဲင် ဗွေႏဘုရာꩻ ကအီႏစီႏရင်ႏဒါႏ ထာꩻစီႏရင်ႏမွူးနီꩻနဝ်ꩻ ဗွေမဲဉ်ႏလွဉ်ꩻစွဉ်ႏသွူ။
ဂျူးလိုꩻမျိုꩻဖုံႏတွမ်ႏပညတ်တရာꩻ
17သီနဝ်ꩻ တမုဲင်ꩻခရာႏဟောင်း၊ သီဟဲ့ꩻချာ သီနမ်း ဂျူးလိုꩻမျိုꩻ တဖြာꩻတဲင် သီအုံဒေါင် ပညတ်တရာꩻ လောင်းတွော့ꩻ ကျွားဒျာႏ ဗွေႏဘုရာꩻ ခရာႏနဝ်ꩻသွူ။ 18နုဲင်းဗွေႏဘုရာꩻ အလိုႏတောႏ ကမဉ်အွဉ်ႏ သီမာꩻနဝ်ꩻ သီအဝ်ႏသေဒျာႏတဲင် ဖေႏသီကလွိုက် ထာꩻအမဲဉ်ႏနဝ်ꩻ သီအဝ်ႏသွဉ်ထူႏဗာႏလဲဉ်း ပညတ်တရာꩻသွူ။ 19သီနဝ်ꩻထွာမွေး အဝ်ႏအွဉ်ဖေႏ လိုꩻမဲ့ခေ့ꩻသားတဖြာꩻ၊ ထွာလိုꩻကအဝ်ႏသော့ꩻ ထာꩻခေ့ꩻကိုသားတာႏ ထာꩻလေတဖြာꩻ၊ 20ထွာလိုꩻဆွုံꩻမနွောင်ꩻ လိုꩻမွိုက်တဖြာꩻတွော့ꩻ ထွာလိုꩻပညာႏ တအဲဉ်ထဝ်းသား ဆရာႏတဖြာꩻသွူ။ ပညတ်တရာꩻကိုနဝ်ꩻ သီအဝ်ႏလꩻဗွေသော့ꩻ ပညာႏထာꩻသေ အကျောင်ꩻခရာႏတွမ်ႏ ထာꩻအမဲဉ်ႏတရာꩻ ခရာႏနဝ်ꩻ သီအဝ်ႏသေစဲင်းသွူ။ 21သီအဝ်ႏသွဉ်သင်ဖေႏ လိုꩻလင်ဖုံႏ၊ ပွိုးတမုဲင်ꩻ သီတသွဉ်သင်ချာတဝ်း သီနမ်းဟောင်း၊ သီဟော်ꩻဖေႏ၊ “တွမ်ႏတခွန်ꩻမွိုန်း ဝင်ꩻထာꩻခြိုꩻ” ကွဲႏတွော့ꩻ သီနမ်း အဝ်ႏတခွန်ꩻဒျာႏ နုဲင်းမုဲင်ꩻဟောင်း။ 22သီရိုꩻ၊ “တွမ်ႏပဲစ်မာႏမွိုန်း ဝင်ꩻပိုမာဖုံႏ၊” ကွဲႏတွော့ꩻ သီအဝ်ႏပဲစ်မာႏဒျာႏ ဝင်ꩻပိုမာ နုဲင်းမုဲင်ꩻဟောင်း။ သီအဝ်ႏပသို့ꩻ ရွုတ်တု စွဉ်ႏတဲ့ သီအဝ်ႏ စွန်ရိမ်ထူႏဒျာႏ ဗိမာန်ႏတောႏကျောင်ꩻ နုဲင်းမုဲင်ꩻဟောင်း။ 23သီအဝ်ႏကျွားအီထာꩻတွမ်ႏ ဗွေႏဘုရာꩻ အပညတ်တရာꩻခရာႏ စွဉ်ႏတဲ့ ပွိုးတမုဲင်ꩻ စွဉ်ႏသီ ကအဝ်ႏယားကုဲင် ဝွေꩻဗွေႏ ပညတ်တရာꩻ နဝ်ꩻတွော့ꩻ ပွိုးတမုဲင်ꩻ ယားတရေႏထိုꩻဗာႏတွိုႏ ဗွေႏဘုရာꩻ ဂွုဏ်ႏသရေႏ နုဲင်းမုဲင်ꩻဟောင်း။ 24#ဟေသျာ ၅၂:၅ (LXX)။ လိတ်ကျမ်ꩻနဝ်ꩻရိုꩻ၊ “ကွပ်ပွိုး သီဂျူးလိုꩻမျိုꩻဖုံႏအတွက် လိုꩻမျိုꩻလင်ဖုံႏနဝ်ꩻ ဒေါ့ꩻကုဲင်တောဒျာႏ ဗွေႏဘုရာꩻ” နုဲင်းနဝ်ꩻသွူ။
25သီမဉ်ႏလွောက်ꩻနာႏ ပညတ်တရာꩻနဝ်ꩻ သီကသွို့ꩻဒါႏ လိုꩻခိုအင်္ဂါႏနာပီ မင်္ဂလာႏနဝ်ꩻ အကျိုꩻအဝ်ႏသွူ။ ကွဲႏတွော့ꩻ သီမဉ်ႏ တလွောက်ꩻနာႏတဝ်း ပညတ်တရာꩻနဝ်ꩻ ဗွိုန်စွဉ်ႏ မုဲင်ꩻခါတဲ့ သီတသွို့ꩻဗာႏဖိုတဝ်း လိုꩻခိုအင်္ဂါႏနာပီ မင်္ဂလာႏသွူ။ 26လိုꩻမျိုꩻလင် တသွို့ꩻတဝ်း လိုꩻခိုအင်္ဂါႏနာပီ မင်္ဂလာႏတွော့ꩻ မဉ်ႏလွောက်ꩻနာႏ မာꩻလွဉ်ꩻ ပညတ်တရာꩻ အမိန်းအတွိုင်ꩻနဝ်ꩻ ဗွေႏဘုရာꩻ အီႏမတ်ဝွေꩻ နုဲင်းဝွေꩻကခံႏသွို့ꩻ လိုꩻခိုအင်္ဂါႏနာပီ မင်္ဂလာႏနဝ်ꩻ တမွေးတဝ်းဟောင်း။ 27နဝ်ꩻမꩻ သီနဝ်ꩻ လဲင်ꩻလꩻနေး ကတဲမ်းသေꩻခါꩻ ပညတ်တရာꩻတွမ်ႏ သွို့ꩻလိုꩻခို အင်္ဂါႏနာပီ မင်္ဂလာႏစွဉ်ႏတဲ့၊ ကွပ်ပွိုး သီယားကုဲင်ထိုꩻ ပညတ်တရာꩻအတွက် စွဉ်ႏလိုꩻမျိုꩻလင်နဝ်ꩻ အီႏစီႏရင်ႏဖေႏတံႏ သီဂျူးဖုံႏသွူ။ ပွိုးတွော့ꩻ ဝွေꩻသီးနဝ်ꩻ တသွို့ꩻတဝ်း လိုꩻခိုအင်္ဂါႏနာပီ မင်္ဂလာႏစွဉ်ႏတဲ့ ဝွေꩻသီး လွောက်ꩻနာႏ ပညတ်တရာꩻ အတွက်သွူ။ 28နဝ်ꩻထွူ ကားကအဝ်ႏ ပါꩻကထွာမွေးဒါႏ ဂျူးလိုꩻမျိုꩻစဲစ် တဖြာꩻနဝ်ꩻ သွို့ꩻဗာႏမွေး လိုꩻခိုအင်္ဂါႏနာပီ မင်္ဂလာႏမꩻဟောင်း။ ပါꩻခိုကသွို့ꩻဒါႏ လိုꩻခိုအင်္ဂါႏနာပီ မင်္ဂလာႏ ရုပ်ခန္ဓာႏ အထန်ႏဖဲ့ꩻ လက္ခဏာႏတစွိုးနဝ်ꩻ ထွာထိုစွဉ်ႏ ဂျူးလိုꩻမျိုꩻတဖြာꩻ တမွေးတဝ်းသွူ။ 29#ဟော်ꩻ ၃၀:၆။ ကထွာ ဂျူးလိုꩻမျိုꩻ စဲစ်စဲစ် တဖြာꩻနဝ်ꩻ ပုဂ္ဂိုလ်ႏ ဂျူးတဖြာꩻ အသꩻကောင်းကို ကသွို့ꩻလဲဉ်း လိုꩻခိုအင်္ဂါႏနာပီ မင်္ဂလာႏသား နဝ်ꩻဒျာႏတဲင် ယိုနဝ်ꩻထွာ ဗွေႏဘုရာꩻ ဝိညာဉ်ႏတောႏ ထာꩻမာꩻဒျာႏ၊ ကအဝ်ႏတဲမ်းဒါႏ ပညတ်တရာꩻ တမွေးတဝ်းသွူ။ ပုဂ္ဂိုလ်ႏစားနဝ်ꩻ တဖြာꩻနဝ်ꩻ လက်ခံႏလꩻ ဗွေႏဘုရာꩻ အုပ်ꩻအံႏဖြာႏဒျာႏ၊ အဝ်ႏလိုꩻထျꩻ အုပ်ꩻအံႏဖြာႏ တမွေးတဝ်းသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.