ရောမ 3
3
1တွိုႏနဝ်ꩻ ဂျူးလိုꩻမျိုꩻဖုံႏ သာႏကယ်ꩻ လိုꩻမျိုꩻလင်ဖုံႏ နုဲင်းမုဲင်ꩻဟောင်း။ မဉ်ႏတမွေးတဝ်း နဝ်ꩻကို ကသွို့ꩻလဲဉ်း လိုꩻခိုအင်္ဂါႏနာပီ မင်္ဂလာႏနဝ်ꩻ အကျိုꩻတမုဲင်ꩻအဝ်ႏဟောင်း။ 2အကျိုꩻအဝ်ႏမွေး စွုမ်ႏဖဲ့ꩻဖဲ့ꩻသွူ။ အရီးသွတ်ꩻ ဗွေႏဘုရာꩻ အတရာꩻတောႏနဝ်ꩻ ဝွေꩻဗွေႏအပ်ဖေႏ ဂျူးလိုꩻမျိုꩻဖုံႏ စူကိုသွူ။ 3ကွဲႏတွော့ꩻ နုဲင်းဝွေꩻသီးကို ယင်ဟန်ႏသားနဝ်ꩻ သစ္စာႏ တအဲဉ်ထဝ်းဟောင်း။ ထာꩻယိုအဓိပ္ပါယ်ႏ ဗွေႏဘုရာꩻနဝ်ꩻတဲ့ သစ္စာႏအီႏ တအဲဉ်ထဝ်းဟောင်း။ 4#သာ ၅၁:၄ (LXX)။ အမဲဉ်ႏနဝ်ꩻ နုဲင်းနဝ်ꩻ တမွေးတဝ်း၊ လိုꩻဖုံႏကားကအဝ်ႏနဝ်ꩻ ထွာလိန်ႏလဲဉ်သား လွဉ်းလွဉ်း စွဉ်ႏတဲ့ ဗွေႏဘုရာꩻနဝ်ꩻ ထွာဗာႏဒျာႏ အမဲဉ်ႏသွူ။ နုဲင်းလိတ်ကျမ်ꩻ ကရိုꩻအတွိုင်ꩻ၊
“နီဗွေႏ ကဒေါ့ꩻထာꩻချိန်ႏနဝ်ꩻ နီဗွေႏ အီႏအွဉ်ႏနယ်ဗာႏ အမဲဉ်ႏသွူ။
နီဗွေႏကအဝ်ႏ ကျံႏခေးပြဲင်ႏ နီဗွေႏ အမုချိန်ႏနဝ်ꩻတဲ့ နီဗွေႏ အီႏအောင်ႏနွောင်ꩻဗာႏ” နုဲင်းနဝ်ꩻသွူ။
5ကွဲႏတွော့ꩻ နီမဉ်ႏ အဝ်ႏမာꩻမာႏထာꩻနဝ်ꩻ ကယိန်းအွဉ်ႏနယ် သျင်ꩻစဲင်းထဲင်း ဗွေႏဘုရာꩻ မာꩻထာꩻ မဲဉ်ႏဒျာႏကျောင်ꩻ တမွေးတဝ်းဟောင်း။ ဗွေႏဘုရာꩻ ကဖေႏဒါႏနီ အပဲစ်တံႏချိန်ႏနဝ်ꩻ နီရိုꩻနွောင်ꩻနေ ဗွေႏဘုရာꩻနဝ်ꩻ မာꩻမာႏထာꩻ နုဲင်းနဝ်ꩻဟောင်း။ (ကရိုꩻဒါႏယိုနဝ်ꩻ အီႏထွာဒျာႏ လိုꩻဖုံႏ ကအဝ်ႏရီခွိုꩻခွိုꩻဒါႏ ငဝ်းရီနဝ်ꩻသွူ။) 6အဓိပ္ပါယ်ႏနုဲင်းနဝ်ꩻ တမွေးတဝ်း။ ဗွေႏဘုရာꩻ မဉ်ႏတတရာꩻတဝ်းနဝ်ꩻ ဝွေꩻဗွေႏ အီႏစီႏရင်ႏနွောင်ꩻ ဟံႏတန် နုဲင်းမုဲင်ꩻဟောင်း။
7ကွဲႏတွော့ꩻ ခွေသစ္စာႏ မဉ်ႏတအဲဉ်ထဝ်းတွော့ꩻ မာꩻဒျာႏ အမုတောႏ ထာꩻမာꩻနဝ်ꩻ ဗွေႏဘုရာꩻ ဘွုန်ꩻသရေႏနဝ်ꩻ ယိန်းမာꩻထင်ႏသျာꩻထဲင်း ဝွေꩻဗွေႏ သစ္စာႏတရာꩻ တမွေးတဝ်းဟောင်း။ ပွိုးတမုဲင်ꩻ ခွေဟဝ်ခံႏဗာႏတွိုႏ အပဲစ်တံႏ ထာꩻစီႏရင်ႏ၊ နုဲင်းအပဲစ်သား တဖြာꩻဟောင်း။ 8“ဖေႏနေး ထာꩻဟဝ်မျတ် ကပေါႏလွဉ်စဲင်းနဝ်ꩻ နီမာꩻတွမ် ထာꩻကုဲင်” တွိုႏနဝ်ꩻ ပွိုးတမုဲင်ꩻ တရိုꩻတဝ်းတွိုႏ နုဲင်းနဝ်ꩻဟောင်း။ စွဉ်ႏကအဝ်ႏစွယ်ႏ တရာꩻ ဒေါ့ꩻဒါႏခွေ စွဉ်ႏထာꩻနုဲင်းယို လိုꩻယင်ဟန်ႏနဝ်ꩻ ကဲ့ꩻရဲ့ꩻ မွေးနေးစွဉ်ႏခွေသွူ။ နုဲင်းဝွေꩻသီး ကအီႏခံႏထွိုက်ဒါႏ အပဲစ်တံႏ ထာꩻစီႏရင်ႏ အတွိုင်ꩻနဝ်ꩻ အီႏခံႏဗာႏမွေးသွူ။
လိုꩻစွို့ꩻစွဉ်ႏတဖြာꩻဖြာꩻအဲဉ်တဝ်း
9မွေးလဲဉ်းသွူ၊ နီဂျူးလိုꩻမျိုꩻဖုံႏကိုနဝ်ꩻ ဟဝ်မျတ်လွိုကယ်ꩻ လိုꩻမျိုꩻလင် အခေႏနေႏ အဝ်ႏနေ တဖြာꩻဖြာꩻဟောင်း။ တအဲဉ်ထဝ်း။ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏနဝ်ꩻ အဝ်ႏသော့ꩻ နုဲင်းနုဲင်းဒျာႏဝင်ꩻ အပဲစ်တန်ꩻခိုꩻ ဆꩻလဖုံႏကျောင်ꩻ ခွေဖေါႏနယ် ဖေႏထွူလဲဉ်း သီနဝ်ꩻသွူ။ 10#သာ ၁၄:၁–၃ (LXX)၊ သာ ၅၃:၁–၃ (LXX)။ နုဲင်းလိတ်ကျမ်ꩻ ကရိုꩻအတွိုင်ꩻ၊
“လိုꩻစွို့ꩻစွဉ်ႏ တဖြာꩻငါ အဲဉ်ထဝ်း၊
11လိုꩻဉာဏ်ႏအဝ်ႏသား တဖြာꩻငါ အဲဉ်ထဝ်း၊
မဉ်ႏမွေးတဝ်း လိုꩻကဝုဲင်ႏ ကိုꩻကွယ်ႏဒါႏ ဗွေႏဘုရာꩻ တဖြာꩻဖြာꩻ အဲဉ်ထဝ်းသွူ။
12လိုꩻဖုံႏကားကအဝ်ႏ အဝ်ႏဗွေႏဘုရာꩻထျꩻနဝ်ꩻ ခွယ်ညာꩻထိုꩻ လို့လဲဉ်းသွူ။
ဝွေꩻသီး ကားကအဝ်ႏနဝ်ꩻ တဖူꩻမာႏထိုꩻလို့လဲဉ်း။
မာꩻထာꩻစွို့ꩻစွဉ်ႏ တဖြာꩻငါတဲ့ အဲဉ်ထဝ်းသွူ၊ တဖြာꩻငါတဲ့ အဲဉ်ထဝ်း။
13 #
သာ ၅:၉ (LXX)၊
သာ ၁၄၀:၃။ ဝွေꩻသီး ကဒေါ့ꩻဒါႏ ငဝ်းဖုံႏနဝ်ꩻ အဝ်ႏဗွေစွဉ်ႏ ထာꩻလိန်ႏလဲဉ် မာꩻသီအီဝင်ꩻနဝ်ꩻသွူ။
ထာꩻမွိုက်ကုဲင် လိန်ႏလဲဉ်ဖုံႏနဝ်ꩻ အဝ်ႏတကြွီႏသော့ꩻဒျာႏထာꩻ ဝွေꩻသီး ဖြောင်းကိုတဲင်၊
အဝ်ႏဗွေဝွေꩻသီး ဖြောင်းဗီႏလောင်း ဗွိုန်နုဲင်းရူးစွူႏနဝ်ꩻ မာꩻအန္တရာယ်ႏတန်ဒျာႏထာꩻသွူ။
14 #
သာ ၁၀:၇ (LXX)။ ဝွေꩻသီးထာꩻဒေါ့ꩻနဝ်ꩻ အဝ်ႏဗွေစွဉ်ႏ ခွန်းစိန်ႏတရေႏ ကုဲင်ခါႏကရစ်ꩻထာသွူ။
15 # ဟေသျာ ၅၉:၇၊ ၈။ ကအီႏမာꩻဆာဝင်ꩻတဲင် မာꩻသီဗာႏဝင်ꩻနဝ်ꩻ ဝွေꩻသီး မွိုင်ဟဝ်ငါႏသွူ။
16ဝွေꩻသီး ထန်ႏလွေꩻ ခင်ႏလမ်း အရပ်မုဲင်ꩻတယဝ်း ဝွေꩻသီး အွဉ်ႏကုဲင်ဒျာႏ ထာꩻကုဲင်ပြင်ꩻဖုံႏသွူ။
17ထာꩻငိမ်ꩻချမ်ꩻသာႏ တဖူꩻနဝ်ꩻ မုဲင်ꩻခါတဲ့ ဝွေꩻသီး တသေတဝ်းသွူ။
18 #
သာ ၃၆:၁။ အီႏငမ်းသꩻရိုႏသေႏဗာႏ ဗွေႏဘုရာꩻနဝ်ꩻတဲ့ ဝွေꩻသီးတသေတဝ်း” နုဲင်းနဝ်ꩻသွူ။
19ပညတ်တောႏကို ကဖေါႏနယ်ဖေႏဒါႏဖုံႏ ကားကအဝ်ႏနဝ်ꩻ ဆဲင်ႏဒျာႏ လိုꩻကအုံဒါႏ ပညတ်တရာꩻ ဆꩻလသားဖုံႏ ကျောင်ꩻနဝ်ꩻ ယိုခါ နီအဝ်ႏသေနဝ်ꩻသွူ။ ကထွာဗာႏ နုဲင်းယိုနဝ်ꩻ ဖေႏနေး ကရဲဆီꩻခါꩻလꩻ လိုꩻဖုံႏကားကအဝ်ႏ ကြဲစ်တော ကြဲစ်လင်ဒါႏထာꩻဖုံႏတဲင် ဟဲ့ꩻလွဉ်ဒျာႏ လိုꩻတဟံႏတန်လွုမ်း ဖေႏကလွဉ်ခံႏထူႏ ဗွေႏဘုရာꩻ ထာꩻစီႏရင်ႏ သွူ။ 20#သာ ၁၄၃:၂၊ ဂလာ ၂:၁၆။ ပွိုးလိုꩻဖုံႏနဝ်ꩻ စွဉ်ႏကလွောက်ꩻနာႏ မာꩻလွဉ်ꩻဒါႏ နုဲင်းပညတ်တောႏ ကဖေါႏနယ်အတွိုင်ꩻနဝ်ꩻ တဖြာꩻတဲ့ တစွို့ꩻစွဉ်ႏနွောင်ꩻတဝ်း ဗွေႏဘုရာꩻ ဆꩻငါနဝ်ꩻသွူ။ နီအပဲစ်အဝ်ႏကျောင်ꩻ ပညတ်တောႏ ဖေါႏနယ်နဝ်ꩻမꩻ နီသေသွူ။
နီအီႏစွို့ꩻစွဉ်ႏဗာႏတွမ်ႏဗွေႏဘုရာꩻနုဲင်းမုဲင်ꩻ
21ကွဲႏတွော့ꩻ ယိုခါ ဗွေႏဘုရာꩻစွဉ်ႏ လိုꩻဖုံႏ ဆွုပ်ဆံႏစွို့ꩻစွဉ်ႏဒါႏ အနယ်ꩻနဝ်ꩻ ဝွေꩻဗွေႏနမ်း အဖေါႏနယ်ဖေႏလဲဉ်းနဝ်ꩻသွူ။ အနယ်ꩻယိုနဝ်ꩻ တဆဲင်ႏတဝ်းတွမ်ႏ ပညတ်တရာꩻသွူ။ မောသျေ ပညတ်ကျမ်ꩻတွမ်ႏ ပရောဖဲစ်ဖုံႏ ကျမ်ꩻမဉ်ႏတဲ့ လဲင်ꩻခံႏဖေႏလဲဉ်း သက်သေႏနဝ်ꩻသွူ။ 22#ဂလာ ၂:၁၆။ လိုꩻဖုံႏကလꩻ ထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻနဝ်ꩻ စွဉ်ႏဝွေꩻသီးထာꩻယွုမ်း ဗွေႏယေသျု ခရစ်တောႏဒျာႏသွူ။ ကွပ်ပွိုး လိုꩻဖုံႏ ကားကအဝ်ႏနဝ်ꩻ ဗွိုန်လို့ဒျာႏ ဝင်ꩻအတွက် လိုꩻကယွုမ်းဒါႏ ဗွေႏခရစ်တောႏသားဖုံႏ ကားကအဝ်ႏနဝ်ꩻ ဗွေႏဘုရာꩻ မာꩻဗာႏနုဲင်းယိုနဝ်ꩻသွူ။ 23လိုꩻစွုမ်ႏဖြာꩻနဝ်ꩻ ထွာအပဲစ်သားနဝ်ꩻမꩻ အဝ်ႏဗွေႏဘုရာꩻ ထာꩻကယ်ႏတင်ႏ ဆꩻငါနဝ်ꩻ ညာꩻထိုꩻဗာႏစွဉ်ႏသွူ။ 24ကွဲႏတွော့ꩻ စွဉ်ႏကလꩻခြေင်ဒါႏ ဗွေႏဘုရာꩻ ဆုကေꩻဇူꩻနဝ်ꩻ လိုꩻကားကအဝ်ႏ လꩻထာꩻစွို့ꩻစွဉ်ႏခွင်ꩻ ဝွေꩻဗွေႏထျꩻသွူ၊ ကအွဉ်ႏစွꩻလွစ်ဖေႏဒါႏဝွေꩻသီးနဝ်ꩻ စွဉ်ႏခရစ်တောႏ ယေသျုဒျာႏသွူ။ 25-26စွဉ်ႏဝွေꩻဗွေႏ အသွီႏတောႏနဝ်ꩻ ဝွေꩻဗွေႏ အီႏမာꩻထွာလွဉ် လိုꩻကယွုမ်းဒါႏ ဝွေꩻဗွေႏသားဖုံႏ ဖေႏနေး ဝွေꩻသီးအပဲစ် ကလွစ်နဝ်ꩻ ဗွေႏဘုရာꩻ ပူႏဇောႏစွဉ်ႏ ဝွေꩻဗွေႏနဝ်ꩻသွူ။ ဗွေႏဘုရာꩻ ကမာဗာႏ နုဲင်းယိုနဝ်ꩻ ဖေါႏနယ်ဒျာႏ ဝွေꩻဗွေႏနဝ်ꩻ စွို့ꩻစွဉ်ႏ ကျောင်ꩻနဝ်ꩻသွူ။ ကလဲဉ်းခိုႏချာနဝ်ꩻ ဝွေꩻဗွေႏအဝ်ႏ သယ်ꩻခံႏတဲင် အဝ်ႏထွားလွိုဒျာႏ လိုꩻဖုံႏအပဲစ်သွူ။ ကွဲႏတွော့ꩻ ယိုမာꩻငါ ဖေႏနေး ကအီႏဖေါႏနယ် ဝွေꩻဗွေႏ စွို့ꩻစွဉ်ႏကျောင်ꩻနဝ်ꩻ ဝွေꩻဗွေႏအီႏထူႏရေꩻ ဝွေꩻသီးအပဲစ်ဖုံႏသွူ။ ဝွေꩻဗွေႏနမ်းနဝ်ꩻ ထွာထာꩻစွို့ꩻစွဉ်ႏတဲင် လိုꩻကယွုမ်း ဗွေႏယေသျု စွုမ်ႏဖြာꩻနဝ်ꩻ မတ်လက္ခံႏ လိုꩻစွို့ꩻစွဉ်ႏကျောင်ꩻ ဗွေႏဘုရာꩻ ဖေါႏနယ် စွဉ်ႏအနယ်ꩻယိုသွူ။
27ပွိုးနုဲင်းနဝ်ꩻတဲင် နီအီႏကျွားနွောင်ꩻထာꩻ ခရာႏ တမုဲင်ꩻအဝ်ႏဟောင်း။ ကျွားခရာႏ တအဲဉ်ထဝ်း။ ယိုနဝ်ꩻ ထွာအကျောင်ꩻခရာႏ နုဲင်းမုဲင်ꩻဟောင်း။ နဝ်ꩻနဝ်ꩻထွာ နီလွောက်ꩻနာႏ ပညတ်တောႏတွော့ꩻဟောင်း။ တမွေးတဝ်း၊ ကွဲႏတွော့ꩻ နဝ်ꩻနဝ်ꩻ နီထာꩻယွုမ်းဒျာႏ အတွက်သွူ။ 28ပွိုးတွော့ꩻ ပုဂ္ဂိုလ်ႏတဖြာꩻ ကစွို့ꩻစွဉ်ႏအီတွမ်ႏ ဗွေႏဘုရာꩻနဝ်ꩻ စွဉ်ႏထာꩻယွုမ်း အာႏကွိုꩻလွုမ်ꩻတဲင် စွဉ်ႏလွောက်ꩻနာႏ နုဲင်းပညတ်ကျမ်ꩻ မွေးတဝ်းကျောင်ꩻ နီသေဗာႏသွူ။ 29မဉ်ႏတမွေးတဝ်း ဗွေႏဘုရာꩻနဝ်ꩻ ထွာဒျာႏ ဂျူးလိုꩻမျိုꩻဖုံႏ ဗွေႏဘုရာꩻ လွုမ်ꩻဟောင်း။ ဝွေꩻဗွေႏနဝ်ꩻ အဝ်ႏထွာပါ လိုꩻမျိုꩻလင်ဖုံႏ ဗွေႏဘုရာꩻ ယင်ကယ်ႏ မွေးတဝ်းဟောင်း။ ဝွေꩻဗွေႏ ထွာမွေးဒျာႏသွူ။ 30#ဟော်ꩻ ၆:၄၊ ဂလာ ၃:၂၀။ ဗွေႏဘုရာꩻနဝ်ꩻ အဝ်ႏတဆူႏ တပါꩻလွုမ်ꩻတဲင် အထျꩻအထောင်ꩻနဝ်ꩻ အွဉ်ႏဒျာႏ ဝွေꩻသီး ထာꩻယွုမ်း အာႏကွိုꩻလောင်း၊ ဝွေꩻဗွေႏအီႏအွဉ်ႏ ဂျူးလိုꩻမျိုꩻဖုံႏ စွို့ꩻစွဉ်ႏတွမ်ႏ စွဉ်ႏဝွေꩻသီး အထာꩻယွုမ်း အာႏကွိုꩻနဝ်ꩻ ဝွေꩻဗွေႏ အီႏအွဉ်ႏ လိုꩻမျိုꩻလင် စွို့ꩻစွဉ်ႏတွမ်ႏ ဝွေꩻဗွေႏနမ်းသွူ။ 31ပွိုးနဝ်ꩻမꩻ စွဉ်ႏထာꩻယွုမ်းယိုနဝ် မဉ်ရိုꩻ နီပယ်ႏထိုꩻ ပညတ်တရာꩻဟောင်း။ တမွေးတဝ်းသွူ။ ကွပ်စွဉ်ႏ ပယ်ႏနဝ်ꩻ နီမာꩻတဉ်ႏခွေါင်ဒျာႏ ပညတ်တရာꩻ နဝ်ꩻသွူ။
ទើបបានជ្រើសរើសហើយ៖
ရောမ 3: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 3
3
1တွိုႏနဝ်ꩻ ဂျူးလိုꩻမျိုꩻဖုံႏ သာႏကယ်ꩻ လိုꩻမျိုꩻလင်ဖုံႏ နုဲင်းမုဲင်ꩻဟောင်း။ မဉ်ႏတမွေးတဝ်း နဝ်ꩻကို ကသွို့ꩻလဲဉ်း လိုꩻခိုအင်္ဂါႏနာပီ မင်္ဂလာႏနဝ်ꩻ အကျိုꩻတမုဲင်ꩻအဝ်ႏဟောင်း။ 2အကျိုꩻအဝ်ႏမွေး စွုမ်ႏဖဲ့ꩻဖဲ့ꩻသွူ။ အရီးသွတ်ꩻ ဗွေႏဘုရာꩻ အတရာꩻတောႏနဝ်ꩻ ဝွေꩻဗွေႏအပ်ဖေႏ ဂျူးလိုꩻမျိုꩻဖုံႏ စူကိုသွူ။ 3ကွဲႏတွော့ꩻ နုဲင်းဝွေꩻသီးကို ယင်ဟန်ႏသားနဝ်ꩻ သစ္စာႏ တအဲဉ်ထဝ်းဟောင်း။ ထာꩻယိုအဓိပ္ပါယ်ႏ ဗွေႏဘုရာꩻနဝ်ꩻတဲ့ သစ္စာႏအီႏ တအဲဉ်ထဝ်းဟောင်း။ 4#သာ ၅၁:၄ (LXX)။ အမဲဉ်ႏနဝ်ꩻ နုဲင်းနဝ်ꩻ တမွေးတဝ်း၊ လိုꩻဖုံႏကားကအဝ်ႏနဝ်ꩻ ထွာလိန်ႏလဲဉ်သား လွဉ်းလွဉ်း စွဉ်ႏတဲ့ ဗွေႏဘုရာꩻနဝ်ꩻ ထွာဗာႏဒျာႏ အမဲဉ်ႏသွူ။ နုဲင်းလိတ်ကျမ်ꩻ ကရိုꩻအတွိုင်ꩻ၊
“နီဗွေႏ ကဒေါ့ꩻထာꩻချိန်ႏနဝ်ꩻ နီဗွေႏ အီႏအွဉ်ႏနယ်ဗာႏ အမဲဉ်ႏသွူ။
နီဗွေႏကအဝ်ႏ ကျံႏခေးပြဲင်ႏ နီဗွေႏ အမုချိန်ႏနဝ်ꩻတဲ့ နီဗွေႏ အီႏအောင်ႏနွောင်ꩻဗာႏ” နုဲင်းနဝ်ꩻသွူ။
5ကွဲႏတွော့ꩻ နီမဉ်ႏ အဝ်ႏမာꩻမာႏထာꩻနဝ်ꩻ ကယိန်းအွဉ်ႏနယ် သျင်ꩻစဲင်းထဲင်း ဗွေႏဘုရာꩻ မာꩻထာꩻ မဲဉ်ႏဒျာႏကျောင်ꩻ တမွေးတဝ်းဟောင်း။ ဗွေႏဘုရာꩻ ကဖေႏဒါႏနီ အပဲစ်တံႏချိန်ႏနဝ်ꩻ နီရိုꩻနွောင်ꩻနေ ဗွေႏဘုရာꩻနဝ်ꩻ မာꩻမာႏထာꩻ နုဲင်းနဝ်ꩻဟောင်း။ (ကရိုꩻဒါႏယိုနဝ်ꩻ အီႏထွာဒျာႏ လိုꩻဖုံႏ ကအဝ်ႏရီခွိုꩻခွိုꩻဒါႏ ငဝ်းရီနဝ်ꩻသွူ။) 6အဓိပ္ပါယ်ႏနုဲင်းနဝ်ꩻ တမွေးတဝ်း။ ဗွေႏဘုရာꩻ မဉ်ႏတတရာꩻတဝ်းနဝ်ꩻ ဝွေꩻဗွေႏ အီႏစီႏရင်ႏနွောင်ꩻ ဟံႏတန် နုဲင်းမုဲင်ꩻဟောင်း။
7ကွဲႏတွော့ꩻ ခွေသစ္စာႏ မဉ်ႏတအဲဉ်ထဝ်းတွော့ꩻ မာꩻဒျာႏ အမုတောႏ ထာꩻမာꩻနဝ်ꩻ ဗွေႏဘုရာꩻ ဘွုန်ꩻသရေႏနဝ်ꩻ ယိန်းမာꩻထင်ႏသျာꩻထဲင်း ဝွေꩻဗွေႏ သစ္စာႏတရာꩻ တမွေးတဝ်းဟောင်း။ ပွိုးတမုဲင်ꩻ ခွေဟဝ်ခံႏဗာႏတွိုႏ အပဲစ်တံႏ ထာꩻစီႏရင်ႏ၊ နုဲင်းအပဲစ်သား တဖြာꩻဟောင်း။ 8“ဖေႏနေး ထာꩻဟဝ်မျတ် ကပေါႏလွဉ်စဲင်းနဝ်ꩻ နီမာꩻတွမ် ထာꩻကုဲင်” တွိုႏနဝ်ꩻ ပွိုးတမုဲင်ꩻ တရိုꩻတဝ်းတွိုႏ နုဲင်းနဝ်ꩻဟောင်း။ စွဉ်ႏကအဝ်ႏစွယ်ႏ တရာꩻ ဒေါ့ꩻဒါႏခွေ စွဉ်ႏထာꩻနုဲင်းယို လိုꩻယင်ဟန်ႏနဝ်ꩻ ကဲ့ꩻရဲ့ꩻ မွေးနေးစွဉ်ႏခွေသွူ။ နုဲင်းဝွေꩻသီး ကအီႏခံႏထွိုက်ဒါႏ အပဲစ်တံႏ ထာꩻစီႏရင်ႏ အတွိုင်ꩻနဝ်ꩻ အီႏခံႏဗာႏမွေးသွူ။
လိုꩻစွို့ꩻစွဉ်ႏတဖြာꩻဖြာꩻအဲဉ်တဝ်း
9မွေးလဲဉ်းသွူ၊ နီဂျူးလိုꩻမျိုꩻဖုံႏကိုနဝ်ꩻ ဟဝ်မျတ်လွိုကယ်ꩻ လိုꩻမျိုꩻလင် အခေႏနေႏ အဝ်ႏနေ တဖြာꩻဖြာꩻဟောင်း။ တအဲဉ်ထဝ်း။ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏနဝ်ꩻ အဝ်ႏသော့ꩻ နုဲင်းနုဲင်းဒျာႏဝင်ꩻ အပဲစ်တန်ꩻခိုꩻ ဆꩻလဖုံႏကျောင်ꩻ ခွေဖေါႏနယ် ဖေႏထွူလဲဉ်း သီနဝ်ꩻသွူ။ 10#သာ ၁၄:၁–၃ (LXX)၊ သာ ၅၃:၁–၃ (LXX)။ နုဲင်းလိတ်ကျမ်ꩻ ကရိုꩻအတွိုင်ꩻ၊
“လိုꩻစွို့ꩻစွဉ်ႏ တဖြာꩻငါ အဲဉ်ထဝ်း၊
11လိုꩻဉာဏ်ႏအဝ်ႏသား တဖြာꩻငါ အဲဉ်ထဝ်း၊
မဉ်ႏမွေးတဝ်း လိုꩻကဝုဲင်ႏ ကိုꩻကွယ်ႏဒါႏ ဗွေႏဘုရာꩻ တဖြာꩻဖြာꩻ အဲဉ်ထဝ်းသွူ။
12လိုꩻဖုံႏကားကအဝ်ႏ အဝ်ႏဗွေႏဘုရာꩻထျꩻနဝ်ꩻ ခွယ်ညာꩻထိုꩻ လို့လဲဉ်းသွူ။
ဝွေꩻသီး ကားကအဝ်ႏနဝ်ꩻ တဖူꩻမာႏထိုꩻလို့လဲဉ်း။
မာꩻထာꩻစွို့ꩻစွဉ်ႏ တဖြာꩻငါတဲ့ အဲဉ်ထဝ်းသွူ၊ တဖြာꩻငါတဲ့ အဲဉ်ထဝ်း။
13 #
သာ ၅:၉ (LXX)၊
သာ ၁၄၀:၃။ ဝွေꩻသီး ကဒေါ့ꩻဒါႏ ငဝ်းဖုံႏနဝ်ꩻ အဝ်ႏဗွေစွဉ်ႏ ထာꩻလိန်ႏလဲဉ် မာꩻသီအီဝင်ꩻနဝ်ꩻသွူ။
ထာꩻမွိုက်ကုဲင် လိန်ႏလဲဉ်ဖုံႏနဝ်ꩻ အဝ်ႏတကြွီႏသော့ꩻဒျာႏထာꩻ ဝွေꩻသီး ဖြောင်းကိုတဲင်၊
အဝ်ႏဗွေဝွေꩻသီး ဖြောင်းဗီႏလောင်း ဗွိုန်နုဲင်းရူးစွူႏနဝ်ꩻ မာꩻအန္တရာယ်ႏတန်ဒျာႏထာꩻသွူ။
14 #
သာ ၁၀:၇ (LXX)။ ဝွေꩻသီးထာꩻဒေါ့ꩻနဝ်ꩻ အဝ်ႏဗွေစွဉ်ႏ ခွန်းစိန်ႏတရေႏ ကုဲင်ခါႏကရစ်ꩻထာသွူ။
15 # ဟေသျာ ၅၉:၇၊ ၈။ ကအီႏမာꩻဆာဝင်ꩻတဲင် မာꩻသီဗာႏဝင်ꩻနဝ်ꩻ ဝွေꩻသီး မွိုင်ဟဝ်ငါႏသွူ။
16ဝွေꩻသီး ထန်ႏလွေꩻ ခင်ႏလမ်း အရပ်မုဲင်ꩻတယဝ်း ဝွေꩻသီး အွဉ်ႏကုဲင်ဒျာႏ ထာꩻကုဲင်ပြင်ꩻဖုံႏသွူ။
17ထာꩻငိမ်ꩻချမ်ꩻသာႏ တဖူꩻနဝ်ꩻ မုဲင်ꩻခါတဲ့ ဝွေꩻသီး တသေတဝ်းသွူ။
18 #
သာ ၃၆:၁။ အီႏငမ်းသꩻရိုႏသေႏဗာႏ ဗွေႏဘုရာꩻနဝ်ꩻတဲ့ ဝွေꩻသီးတသေတဝ်း” နုဲင်းနဝ်ꩻသွူ။
19ပညတ်တောႏကို ကဖေါႏနယ်ဖေႏဒါႏဖုံႏ ကားကအဝ်ႏနဝ်ꩻ ဆဲင်ႏဒျာႏ လိုꩻကအုံဒါႏ ပညတ်တရာꩻ ဆꩻလသားဖုံႏ ကျောင်ꩻနဝ်ꩻ ယိုခါ နီအဝ်ႏသေနဝ်ꩻသွူ။ ကထွာဗာႏ နုဲင်းယိုနဝ်ꩻ ဖေႏနေး ကရဲဆီꩻခါꩻလꩻ လိုꩻဖုံႏကားကအဝ်ႏ ကြဲစ်တော ကြဲစ်လင်ဒါႏထာꩻဖုံႏတဲင် ဟဲ့ꩻလွဉ်ဒျာႏ လိုꩻတဟံႏတန်လွုမ်း ဖေႏကလွဉ်ခံႏထူႏ ဗွေႏဘုရာꩻ ထာꩻစီႏရင်ႏ သွူ။ 20#သာ ၁၄၃:၂၊ ဂလာ ၂:၁၆။ ပွိုးလိုꩻဖုံႏနဝ်ꩻ စွဉ်ႏကလွောက်ꩻနာႏ မာꩻလွဉ်ꩻဒါႏ နုဲင်းပညတ်တောႏ ကဖေါႏနယ်အတွိုင်ꩻနဝ်ꩻ တဖြာꩻတဲ့ တစွို့ꩻစွဉ်ႏနွောင်ꩻတဝ်း ဗွေႏဘုရာꩻ ဆꩻငါနဝ်ꩻသွူ။ နီအပဲစ်အဝ်ႏကျောင်ꩻ ပညတ်တောႏ ဖေါႏနယ်နဝ်ꩻမꩻ နီသေသွူ။
နီအီႏစွို့ꩻစွဉ်ႏဗာႏတွမ်ႏဗွေႏဘုရာꩻနုဲင်းမုဲင်ꩻ
21ကွဲႏတွော့ꩻ ယိုခါ ဗွေႏဘုရာꩻစွဉ်ႏ လိုꩻဖုံႏ ဆွုပ်ဆံႏစွို့ꩻစွဉ်ႏဒါႏ အနယ်ꩻနဝ်ꩻ ဝွေꩻဗွေႏနမ်း အဖေါႏနယ်ဖေႏလဲဉ်းနဝ်ꩻသွူ။ အနယ်ꩻယိုနဝ်ꩻ တဆဲင်ႏတဝ်းတွမ်ႏ ပညတ်တရာꩻသွူ။ မောသျေ ပညတ်ကျမ်ꩻတွမ်ႏ ပရောဖဲစ်ဖုံႏ ကျမ်ꩻမဉ်ႏတဲ့ လဲင်ꩻခံႏဖေႏလဲဉ်း သက်သေႏနဝ်ꩻသွူ။ 22#ဂလာ ၂:၁၆။ လိုꩻဖုံႏကလꩻ ထာꩻစွို့ꩻစွဉ်ႏခွင်ꩻ ဗွေႏဘုရာꩻထျꩻနဝ်ꩻ စွဉ်ႏဝွေꩻသီးထာꩻယွုမ်း ဗွေႏယေသျု ခရစ်တောႏဒျာႏသွူ။ ကွပ်ပွိုး လိုꩻဖုံႏ ကားကအဝ်ႏနဝ်ꩻ ဗွိုန်လို့ဒျာႏ ဝင်ꩻအတွက် လိုꩻကယွုမ်းဒါႏ ဗွေႏခရစ်တောႏသားဖုံႏ ကားကအဝ်ႏနဝ်ꩻ ဗွေႏဘုရာꩻ မာꩻဗာႏနုဲင်းယိုနဝ်ꩻသွူ။ 23လိုꩻစွုမ်ႏဖြာꩻနဝ်ꩻ ထွာအပဲစ်သားနဝ်ꩻမꩻ အဝ်ႏဗွေႏဘုရာꩻ ထာꩻကယ်ႏတင်ႏ ဆꩻငါနဝ်ꩻ ညာꩻထိုꩻဗာႏစွဉ်ႏသွူ။ 24ကွဲႏတွော့ꩻ စွဉ်ႏကလꩻခြေင်ဒါႏ ဗွေႏဘုရာꩻ ဆုကေꩻဇူꩻနဝ်ꩻ လိုꩻကားကအဝ်ႏ လꩻထာꩻစွို့ꩻစွဉ်ႏခွင်ꩻ ဝွေꩻဗွေႏထျꩻသွူ၊ ကအွဉ်ႏစွꩻလွစ်ဖေႏဒါႏဝွေꩻသီးနဝ်ꩻ စွဉ်ႏခရစ်တောႏ ယေသျုဒျာႏသွူ။ 25-26စွဉ်ႏဝွေꩻဗွေႏ အသွီႏတောႏနဝ်ꩻ ဝွေꩻဗွေႏ အီႏမာꩻထွာလွဉ် လိုꩻကယွုမ်းဒါႏ ဝွေꩻဗွေႏသားဖုံႏ ဖေႏနေး ဝွေꩻသီးအပဲစ် ကလွစ်နဝ်ꩻ ဗွေႏဘုရာꩻ ပူႏဇောႏစွဉ်ႏ ဝွေꩻဗွေႏနဝ်ꩻသွူ။ ဗွေႏဘုရာꩻ ကမာဗာႏ နုဲင်းယိုနဝ်ꩻ ဖေါႏနယ်ဒျာႏ ဝွေꩻဗွေႏနဝ်ꩻ စွို့ꩻစွဉ်ႏ ကျောင်ꩻနဝ်ꩻသွူ။ ကလဲဉ်းခိုႏချာနဝ်ꩻ ဝွေꩻဗွေႏအဝ်ႏ သယ်ꩻခံႏတဲင် အဝ်ႏထွားလွိုဒျာႏ လိုꩻဖုံႏအပဲစ်သွူ။ ကွဲႏတွော့ꩻ ယိုမာꩻငါ ဖေႏနေး ကအီႏဖေါႏနယ် ဝွေꩻဗွေႏ စွို့ꩻစွဉ်ႏကျောင်ꩻနဝ်ꩻ ဝွေꩻဗွေႏအီႏထူႏရေꩻ ဝွေꩻသီးအပဲစ်ဖုံႏသွူ။ ဝွေꩻဗွေႏနမ်းနဝ်ꩻ ထွာထာꩻစွို့ꩻစွဉ်ႏတဲင် လိုꩻကယွုမ်း ဗွေႏယေသျု စွုမ်ႏဖြာꩻနဝ်ꩻ မတ်လက္ခံႏ လိုꩻစွို့ꩻစွဉ်ႏကျောင်ꩻ ဗွေႏဘုရာꩻ ဖေါႏနယ် စွဉ်ႏအနယ်ꩻယိုသွူ။
27ပွိုးနုဲင်းနဝ်ꩻတဲင် နီအီႏကျွားနွောင်ꩻထာꩻ ခရာႏ တမုဲင်ꩻအဝ်ႏဟောင်း။ ကျွားခရာႏ တအဲဉ်ထဝ်း။ ယိုနဝ်ꩻ ထွာအကျောင်ꩻခရာႏ နုဲင်းမုဲင်ꩻဟောင်း။ နဝ်ꩻနဝ်ꩻထွာ နီလွောက်ꩻနာႏ ပညတ်တောႏတွော့ꩻဟောင်း။ တမွေးတဝ်း၊ ကွဲႏတွော့ꩻ နဝ်ꩻနဝ်ꩻ နီထာꩻယွုမ်းဒျာႏ အတွက်သွူ။ 28ပွိုးတွော့ꩻ ပုဂ္ဂိုလ်ႏတဖြာꩻ ကစွို့ꩻစွဉ်ႏအီတွမ်ႏ ဗွေႏဘုရာꩻနဝ်ꩻ စွဉ်ႏထာꩻယွုမ်း အာႏကွိုꩻလွုမ်ꩻတဲင် စွဉ်ႏလွောက်ꩻနာႏ နုဲင်းပညတ်ကျမ်ꩻ မွေးတဝ်းကျောင်ꩻ နီသေဗာႏသွူ။ 29မဉ်ႏတမွေးတဝ်း ဗွေႏဘုရာꩻနဝ်ꩻ ထွာဒျာႏ ဂျူးလိုꩻမျိုꩻဖုံႏ ဗွေႏဘုရာꩻ လွုမ်ꩻဟောင်း။ ဝွေꩻဗွေႏနဝ်ꩻ အဝ်ႏထွာပါ လိုꩻမျိုꩻလင်ဖုံႏ ဗွေႏဘုရာꩻ ယင်ကယ်ႏ မွေးတဝ်းဟောင်း။ ဝွေꩻဗွေႏ ထွာမွေးဒျာႏသွူ။ 30#ဟော်ꩻ ၆:၄၊ ဂလာ ၃:၂၀။ ဗွေႏဘုရာꩻနဝ်ꩻ အဝ်ႏတဆူႏ တပါꩻလွုမ်ꩻတဲင် အထျꩻအထောင်ꩻနဝ်ꩻ အွဉ်ႏဒျာႏ ဝွေꩻသီး ထာꩻယွုမ်း အာႏကွိုꩻလောင်း၊ ဝွေꩻဗွေႏအီႏအွဉ်ႏ ဂျူးလိုꩻမျိုꩻဖုံႏ စွို့ꩻစွဉ်ႏတွမ်ႏ စွဉ်ႏဝွေꩻသီး အထာꩻယွုမ်း အာႏကွိုꩻနဝ်ꩻ ဝွေꩻဗွေႏ အီႏအွဉ်ႏ လိုꩻမျိုꩻလင် စွို့ꩻစွဉ်ႏတွမ်ႏ ဝွေꩻဗွေႏနမ်းသွူ။ 31ပွိုးနဝ်ꩻမꩻ စွဉ်ႏထာꩻယွုမ်းယိုနဝ် မဉ်ရိုꩻ နီပယ်ႏထိုꩻ ပညတ်တရာꩻဟောင်း။ တမွေးတဝ်းသွူ။ ကွပ်စွဉ်ႏ ပယ်ႏနဝ်ꩻ နီမာꩻတဉ်ႏခွေါင်ဒျာႏ ပညတ်တရာꩻ နဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.