ရောမ 1
1
1ဖေႏကဟော်ꩻ ဗွေႏဘုရာꩻ သတင်ꩻဟဝ်နဝ်ꩻ ဝွေꩻဗွေႏလွိုက်တဲင် ဟဲ့ꩻဖေႏကထွာ တမန်ႏတောႏတပါꩻ ဗွေႏခရစ်တောႏ ယေသျု အသွဉ်းတဖြာꩻ အဝ်ႏပေါလုနဝ်ꩻထျꩻ တဲမ်းဒျာႏသွူ။
2သတင်ꩻဟဝ်နဝ်ꩻ ထွာဒျာႏ စခါကာႏ စွဉ်ႏဗွေႏဘုရာꩻ အပရောဖဲစ်ဖုံႏ ကအွဉ်ႏ ဂတိခါꩻဒါႏ နုဲင်းကအဝ်ႏတဲမ်း သော့ꩻဒါႏ ကကြောင်းစင်ငါႏ လိတ်ကျမ်ꩻကို အတွိုင်ꩻနဝ်ꩻသွူ။ 3သတင်ꩻနဝ်ꩻနဝ်ꩻ ထွာဒျာႏ ဝွေꩻဗွေႏပိုခို၊ နီဗွေႏယေသျု ခရစ်တောႏ ခရာႏနဝ်ꩻသွူ။ ဝွေꩻဗွေႏနဝ်ꩻ အီႏခံႏထူႏ လိုꩻဇာႏတိတဲင် ဝွေꩻဗွေႏနဝ်ꩻ အဝ်ႏလွူးဖွာꩻလွဉ် ဒါဝိဒ်ပိုလီꩻ စွိုးခွိုꩻကိုသွူ။ 4နုဲင်းဝွေꩻဗွေႏကထွာ ဘုရာꩻကြောင်းစင်မျတ် ဇာႏတိအတွိုင်ꩻ ဝွေꩻဗွေႏနဝ်ꩻ အီႏထွာ ဗွေႏဘုရာꩻ ပိုခိုဒျာႏကျောင်ꩻ ဖေႏကထင်ႏသျာꩻနဝ်ꩻ ဗွေႏဘုရာꩻနဝ်ꩻ အွဉ်ႏနယ်စွဉ်ႏ ကတန်မျတ်ငါႏတန်ꩻခိုꩻ အဝ်ႏထာꩻသီကို မာꩻထွိုင်ႏမွန်ဖေႏသွူ။ 5စွဉ်ႏဝွေꩻဗွေႏနဝ်ꩻ ဗွေႏဘုရာꩻ ဖေႏမွေးနေးစွဉ်ႏ ခွေအခွင်ꩻအရေꩻ ကတန်မျတ် ဗွေႏခရစ်တောႏ တွက်တာႏ တမန်ႏတောႏ တပါꩻအရာႏ၊ ဖေႏနေးကအွဉ်နယ် လိုꩻမျိုꩻဖုံႏ ကားကအဝ်ႏ ဖေႏကယွုမ်းတဲင် ဖေႏကလွောက်ꩻနာႏ မာꩻလွဉ်ꩻနဝ်ꩻသွူ။ 6သီကထွာ ရောမခမ်းကိုသား နဝ်ꩻတဲ့ ဖေႏကထွာ ဗွေႏယေသျု ခရစ်တောႏ အလိုꩻနဝ်ꩻ ဗွေႏဘုရာꩻ အဝ်ႏလွိုက်ဟဲ့ꩻနဝ်ꩻမꩻ အဝ်ႏပါဝင်ႏသော့ꩻပါက အစွိုꩻကိုယိုသွူ။
7နဝ်ꩻမꩻ ဗွေႏဘုရာꩻ ကရက်တဲင် အဝ်ႏဟဲ့ꩻ ဖေႏကထွာ ဝွေꩻဗွေႏ အလိုꩻပဲင်ႏဖုံႏ ကားကအဝ်ႏ ဝွေꩻဗွေႏ ကဟဲ့ꩻလဲဉ်းဒါႏ သီရောမခမ်းကိုသားဖုံႏ ထျꩻနဝ်ꩻ ခွေတဲမ်းထေ့ဖေႏ လိတ်နဝ်ꩻသွူ။
ယံဖေႏ နီဖါဗွေႏဘုရာꩻတွမ်ႏ ဗွေႏယေသျု ခရစ်တောႏ ကဖေႏသီ ကေꩻဇူꩻတောႏတွမ်ႏ ထာꩻငိမ်ꩻချမ်ꩻသာႏ နုဲင်းနဝ်ꩻသွူ။
ကအုပ်ꩻထင်ႏဒါႏကေꩻဇူꩻတောႏထာꩻဆုတောင်ꩻ
8ပွိုင်းဝွို့တွမ်ႏ သီထာꩻယွုမ်းခရာႏ သတင်ꩻနဝ်ꩻ ကွပ်ပွိုး တဟံႏတန်လွုမ်း အဝ်ႏဟွိုန်နဝ်ꩻမ အရီးသွတ်ꩻ သီကားကအဝ်ႏတာႏ စွဉ်ႏဗွေႏယေသျု ခရစ်တောႏနဝ်ꩻ ခွေကေꩻဇူꩻတင်ႏငါႏ ခွေဗွေႏဘုရာꩻ နဝ်ꩻသွူ။ 9ဗွေႏဘုရာꩻအပါꩻ စွဉ်ႏသွိုန်ႏလို့သꩻစင် ခွေကအဝ်ႏမာꩻဖေႏဒါႏ အမုတောႏထာꩻမာꩻ စွဉ်ႏကအဝ်ႏဟော်ꩻဖေႏဒါႏ ဝွေꩻဗွေႏပိုခိုခရာႏ သတင်ꩻဟဝ်ခရာႏ နုဲင်းခွေကဒေါ့ꩻနဝ်ꩻ မဲဉ်ႏဒျာႏကျောင်ꩻ ဗွေႏဘုရာꩻနဝ်ꩻထွာ ခွေသက်သေႏသွူ။ ခွေအဝ်ႏယူႏလꩻ သေႏသေႏဒျာႏ သီကျောင်ꩻနဝ်ꩻ ဗွေႏဘုရာꩻ အဝ်ႏသေသွူ။ 10ဗွေႏဘုရာꩻ အလိုႏတောႏ မဉ်ႏအဝ်ႏ အဆုဲင်ꩻသွတ်ꩻ မဉ်ႏထွာနွောင်ꩻ ယိုခါ ဖေႏကလွဉ်လယ်ႏ ဗာႏသီထျꩻနဝ်ꩻ ခွေကွီ ဆုတောင်ꩻထင်ႏ ဗွေႏဘုရာꩻ စွုမ်ႏလဲင်ႏသွူ။ 11ဖေႏနေး သီကတဉ်ႏခွေါင်တွော့ꩻ ဖေႏနေးကလꩻဖ ဝိညာဉ်ႏဆုကေꩻဇူꩻနဝ်ꩻ ခွေမဉ်ထီႏ မွေးနေးစွဉ်ႏ သီသွူ၊ 12နုဲင်းခွေကမဉ်ရိုꩻ အဓိပ္ပါယ်ႏနဝ်ꩻ သီတွမ်ႏခွေ တချိန်ႏချင်ႏ နီဝင်ꩻနီလွုမ်း ဖေႏကဖေႏအာႏ စွဲကိုလူႏလုဲင်ႏလို့ဝင်ꩻ၊ စွဥ်ႏခွေထာꩻယွုမ်း ဖေႏကစွဲကို သီတဲင် စွဉ်ႏသီထာꩻယွုမ်း ဖေႏကစွဲကိုခွေသွူ။
13 #
တ ၁၉:၂၁။ ခွေသွꩻဖုံႏ၊ နုဲင်းခွေကမာꩻလဲဉ်း လိုꩻမျိုꩻလင်အကို ကအောင်ႏမျင်ႏ အတွိုင်ꩻ သီအကိုနဝ်ꩻတဲ့ ခွေမဉ်လꩻငါႏ ထာꩻအောင်ႏမျင်ႏ နဝ်ꩻမꩻ ခွေ အီႏကျံႏလွေꩻသီထျꩻ အာလဲင်ႏလဲဉ်း၊ ကွဲႏတွော့ꩻ ကအီႏလွဉ်နဝ်ꩻ အယား အဝ်ႏသေႏသေႏသွူ။ 14လိုꩻယဉ်ႏငဲဖုံႏ တဲ့နဝ်ꩻ၊ လိုꩻရွိုင်ꩻဖုံႏ တဲ့နဝ်ꩻ၊ ပညာႏ အဝ်ႏသားဖုံႏ တဲ့နဝ်ꩻ၊ ပညာႏဉာဏ်ႏ တအဲဉ်ထဝ်းသားဖုံႏ တဲ့နဝ်ꩻ၊ ပွိုးတွော့ꩻ လိုꩻဖုံႏ ကားကအဝ်ႏလောင်း အတာႏ ခွေတာႏဝွန်ႏအဝ်ႏ။ 15နဝ်ꩻမꩻ သီကအဝ်ႏအုံသော့ꩻဒါႏ ရောမခမ်းကိုသားနဝ်ꩻတဲ့ ကအီႏဟော်ꩻဖေႏဗာႏ သတင်ꩻဟဝ်ဖုံႏနဝ်ꩻ ခွေအာႏတလာငါႏသွူ။
သတင်ꩻဟဝ်တန်ꩻခိုꩻ
16 #
မာ ၈:၃၈။ သတင်ꩻဟဝ် တရာꩻနဝ်ꩻ ခွေယွုမ်း လက္ခံႏလို့စင် မွေးစွဉ်ႏသွူ။ အရီးသွတ်ꩻ ဂျူးလိုꩻမျိုꩻဖုံႏ တွမ်ႏလိုꩻမျိုꩻလင်ဖုံႏ ကအီႏကယ်ႏဒါႏ လိုꩻယွုမ်းသားဖုံႏ ကားကအဝ်ႏနဝ်ꩻ ထွာဒျာႏဗွေႏဘုရာꩻ တန်ꩻခိုꩻသွူ။ 17#ဟဗ ၂:၄။ လိုꩻဖုံႏ ဖေႏကဆွုပ်ဆံႏမဲဉ်ႏတွမ်ႏ ဝွေꩻဗွေႏနမ်း၊ သတင်ꩻဟဝ်နဝ်ꩻ ဗွေႏဘုရာꩻ ဖေါႏနယ်ဖေႏတဲင် နဝ်ꩻနဝ်ꩻထွာ ထာꩻယွုမ်း အဝ်ႏအစ ဗꩻအသွတ်ꩻနဝ်ꩻသွူ။ နုဲင်းလိတ်ကျမ်ꩻ ကရိုꩻအတွိုင်ꩻ၊ “လိုꩻနဝ်ꩻစွဉ်ႏ အထာꩻယွုမ်းတွော့ꩻ ဗွေႏဘုရာꩻမတ် လိုꩻစွို့ꩻစွဉ်ႏနဝ်ꩻမꩻ အသက်အီႏအဝ်ႏမွန်ဗာႏ” နုဲင်းနဝ်ꩻသွူ။
လိုꩻအပဲစ်ဒုစရဲက်
18လိုꩻဖုံႏ ဖေႏကသေဗာႏမွိုန်း အမဲဉ်ႏတရာꩻနယ်ꩻ ကရဲဆီꩻခါꩻတဲင် ဖေႏကကံကျင်ꩻ မာꩻလွဉ်ꩻထိုꩻ အနယ်ꩻကုဲင်ဖုံႏ တွမ်ႏအပဲစ်ကဆန်ချာဒါႏ ထာꩻကားကအဝ်ႏနဝ်ꩻ အဝ်ႏခမ်းထီမို့ꩻလောင်း ဗွေႏဘုရာꩻနဝ်ꩻ သလျားကျောင်ꩻ ဖေါႏနယ် ထင်ႏသျာꩻဖေႏလဲဉ်းသွူ။ 19ကွပ်ပွိုး ဗွေႏဘုရာꩻ နမ်းကိုယ်ႏတဲင်ႏ ဖေါႏနယ်စဲင်းဖေႏလဲဉ်း ဝွေꩻသီး လိုꩻဖုံႏ အဝ်ႏလိုႏသေထွိုက် သေသင်ꩻဒါႏ ဗွေႏဘုရာꩻခရာႏ နုဲင်းမုဲင်ꩻနဝ်ꩻ အွဉ်ႏနယ်ထင်ႏသျာꩻဖေႏလဲဉ်း ဝွေꩻသီးနဝ်ꩻမꩻ ဗွေႏဘုရာꩻ အီႏဖေႏဝွေꩻသီး အပဲစ်တံႏဖုံႏသွူ။ 20တယ်ႏစွဉ်ႏ ဗွေႏဘုရာꩻ ကဖန်ဆင်ꩻ မာꩻထွာလွဉ်စ ဟံႏတန်ခါကာႏ၊ တွမ်ႏမဲ့တဲင် တထီႏနွောင်ꩻတဝ်းဒါႏ ဝွေꩻဗွေႏစွဉ်ႏတဲ့ အဝ်ႏသေနွောင်ꩻ ဝွေꩻဗွေႏနဝ်ꩻထွာ ထာဝရတန်ꩻခိုꩻ အဗွေႏကျောင်ꩻ တွမ်ႏဝွေꩻဗွေႏနဝ်ꩻ ထွာဗွေႏဘုရာꩻ အဇာႏတိကျောင်ꩻ ထောက်ထွားဗော့ꩻ အထာꩻမာꩻ ကားကအဝ်ႏနဝ်ꩻတဲင် အဝ်ႏသေစဲင်းနွောင်ꩻဒျာႏသွူ။ နုဲင်းဗွေႏဘုရာꩻ ကဖန်ဆင်ꩻ မာꩻထွာလဲဉ်း အကိုနဝ်ꩻ ဝွေꩻသီး အဝ်ႏရိက်ခေႏလꩻ နဝ်ꩻသွူ။ နဝ်ꩻမꩻ ဝွေꩻသီး အပဲစ်ဖုံႏ အဝ်ႏကျောင်ꩻ ကြဲစ်တောကြဲစ်လင်ထာꩻ တလꩻတဝ်းသွူ။ 21#ဧ ၄:၁၇၊ ၁၈။ ဗွေႏဘုရာꩻနဝ်ꩻ ဝွေꩻသီး အဝ်ႏသေစွဉ်ႏတဲ့ ကဆဲင်ႏဒါ အဝ်ႏလိုႏအုပ်ꩻ ဝွေꩻဗွေႏနဝ်ꩻ ဝွေꩻသီး တအုပ်ꩻတဝ်း ဝွေꩻဗွေႏ ဂွုဏ်ႏတောႏ၊ ဝွေꩻဗွေႏ ကေꩻဇူꩻတောႏနဝ်ꩻတဲ့ ဝွေꩻသီး တကေꩻဇူꩻတင်ႏတဝ်းသွူ။ ဝွေꩻသီး ထာꩻယူႏစဉ်ꩻစာꩻဖုံႏနဝ်ꩻ ထွာထိုꩻတောဒျာႏ ထာꩻခြေင်ခြေင်တဲင် သတိဉာဏ်ႏအဲဉ်ထဝ်း ဝွေꩻသီးသဖုံႏနဝ်ꩻတဲ့ အဝ်ႏဗွေသော့ꩻဒျာႏ ထာꩻမွိုက်မာႏ ခေ့ꩻကရစ်ꩻဖုံႏသွူ။ 22ဝွေꩻသီးရိုꩻဒျာႏ အနမ်းနဝ်ꩻ ဉာဏ်ႏပညာႏအဝ်ႏ၊ စွဉ်ႏတဲ့ ထွာဒျာႏ လိုꩻမွိုက်မာႏ ပညာႏအဲဉ်ထဝ်းဖုံႏသွူ။ 23#ဟော်ꩻ ၄:၁၆–၁၈။ အဝ်ႏလိုႏဝုဲင်ႏကိုꩻကွယ်ႏဒျာႏ တသီတမားဒါႏတဝ်း ဗွေႏဘုရာꩻ အခင်ႏလမ်းနဝ်ꩻ ဝွေꩻသီး ဝုဲင်ႏကိုꩻကွယ်ႏ ထိုꩻတောဒျာႏ ကသီ ကမားဒါႏ ကမာꩻနေးဒါႏ ထွားဗွိုန်နုဲင်းဒါႏ လိုꩻတဲ့နဝ်ꩻ၊ ဝါးဖုံႏတဲ့နဝ်ꩻ၊ ထာꩻသား ခင်ႏလစ်ꩻဒဲင်တဲ့နဝ်ꩻ၊ ထာꩻသား ကတွာႏလွေꩻနေးဒါႏ အဟို့ꩻဖုံႏတဲ့နဝ်ꩻ၊ အရွုတ်တုဖုံႏသွူ။
24နဝ်ꩻမꩻ လိုꩻစာႏယိုဖုံႏ ဝွေꩻသီးသꩻကို ကမဉ်မာꩻဒါႏ ထာꩻပသို့ꩻခရာႏဖုံႏတွမ်ႏ ဝွေꩻသီး အချင်ꩻချင်ꩻ တဖြာꩻတွမ်ႏတဖြာꩻ ကမဉ်မာꩻဒါႏ ထာꩻဝင်ꩻသꩻခရာႏဖုံႏ အခွင်ꩻနဝ်ꩻ ဗွေႏဘုရာꩻ ဖေႏထိုꩻစွဉ်ႏသွူ။ 25ပွိုင်းဝွို့တွမ်ႏ ဗွေႏဘုရာꩻ သမ္မာႏတရာꩻနဝ်ꩻ ဝွေꩻသီး လုဲင်ႏထိုꩻတောဒျာႏ စွဉ်ႏထာꩻအမာႏသွူ။ အဝ်ႏလိုႏဝုဲင်ႏ ကိုꩻကွယ်ႏဒျာႏ ကဖန်ဆင်ꩻ မာꩻထွာလွဉ်ဒါႏ အဗွေႏနမ်းနဝ်ꩻ ဝွေꩻသီး ဝုဲင်ႏကိုꩻကွယ်ႏတောဒျာႏ ဗွေႏဘုရာꩻ အကဖန်ဆင်ꩻ သေꩻခါꩻဒါႏ ထာꩻဖုံႏနဝ်ꩻသွူ၊ ကဖန်ဆင်ꩻဒါႏ အဗွေႏနဝ်ꩻ အုပ်ꩻထင်ႏ သေႏသေႏသွော့။ အာမေင်။
26ကွပ်ပွိုး ဝွေꩻသီး မာꩻထာꩻ နုဲင်းယိုအတွက် ဝွေꩻသီးနဝ်ꩻ ဗွေႏဘုရာꩻ အပ်ထိုꩻဖေႏ ထာꩻဟဝ်ဝင်ꩻသꩻခရာႏ ကိလေသာႏ တဏာႏ အစူကိုသွူ။ လိုꩻမူႏဖုံႏတဲ့ စွဉ်ꩻအွဉ်ႏကုဲင်ထိုꩻ အသဘာႏဝ ထွုံꩻစံႏတွော့ꩻ ဝွေꩻသီးလွူꩻလောႏ ကာႏမဂုဏ်ႏနဝ်ꩻ ဆန်ꩻထိုꩻတောဒျာႏ သဘာႏဝဖုံႏသွူ။ 27ဗွိုန်နုဲင်းနဝ်ꩻနေနေ လိုꩻခိုဖုံႏနဝ်ꩻတဲ့ စွဉ်ꩻအွဉ်ႏကုဲင်ထိုꩻ လိုꩻခိုသဘာႏဝတွော့ꩻ အဝ်ႏလိုႏ ဗေင်ႏလွူꩻငီꩻဒျာႏ တွမ်ႏလိုꩻမူႏနဝ်ꩻ ကိလေသာႏ တန်တောဒျာႏ လိုꩻခိုအချင်ꩻချင်ꩻ ဗေင်ႏလွူꩻငီꩻလို့ဝင်ꩻ နဝ်ꩻသွူ။ လိုꩻခိုဖုံႏနဝ်ꩻ တဖြာꩻတွမ်ႏတဖြာꩻ မာꩻဒျာႏထာꩻဝင်ꩻသꩻ ခရာႏဖုံႏတဲင် အဆုဲင်ꩻသွတ်ꩻနဝ်ꩻ ဝွေꩻသီး ကအဝ်ႏမာꩻမာႏဒါႏ ထာꩻအတာႏ ဝွေꩻသီး ကထွိုက်တန်ႏဒါႏ အပဲစ်တံႏဖုံႏနဝ်ꩻ ဝွေꩻသီးအီလွဉ် လူးချာဒျာႏ ဝွေꩻသီး အနမ်းလောင်းဖုံႏသွူ။
28လိုꩻစားယိုဖုံႏနဝ်ꩻ ထာꩻသေ ဗွေႏဘုရာꩻခရာႏ ပညာႏ အစဲစ်အမဲဉ်ႏနဝ်ꩻ ကွပ်ပွိုး တအွဉ်ႏသော့ꩻတဝ်း ဝွေꩻသီးအသꩻကို နဝ်ꩻမꩻ ဝွေꩻသီး သꩻထာꩻယူႏဖုံႏနဝ်ꩻ ဝွေꩻဗွေႏ အပ်ဖေႏဒျာႏ ထာꩻကုဲင်စူကို နဝ်ꩻမꩻ ဝွေꩻသီး တဟဝ်မာꩻတဝ်း ဒါႏဖုံႏနဝ်ꩻ ဝွေꩻသီးမာꩻစွဉ်ႏသွူ။ 29ဝွေꩻသီးနဝ်ꩻ အဝ်ႏဗွေဒျာႏစွဉ်ႏ ထာꩻမွိုက်မာႏဖုံႏ၊ ထာꩻကုဲင်ဖုံႏ၊ ထာꩻလောဘတန်တွမ်ႏ အကျင်ꩻကုဲင်ဖုံႏ ကားကအဝ်ႏနဝ်ꩻသွူ။ ဝွေꩻသီးနဝ်ꩻ အဝ်ႏဗွေဒျာႏ ထာꩻတကေးဝင်ꩻ၊ မာꩻသီလိုꩻအသက်၊ ရွို့ꩻနက်လို့ဝင်ꩻ၊ လိန်ႏလဲဉ်ထာꩻတွမ်ႏ ရန်ႏစင်ꩻလို့ဝင်ꩻ နဝ်ꩻသွူ။ ဝွေꩻသီးဒေါ့ꩻဒျာႏ ဝင်ꩻမဉ်ꩻဝင်ꩻပွုံႏဖုံႏ၊ 30တဲင်တဖြာꩻတွမ်ႏတဖြာꩻ ယားတရေႏဒျာႏ ဝင်ꩻဖုံႏသွူ။ ဝွေꩻသီးနဝ်ꩻ လွꩻထီႏသန် မွေးစွဉ်ႏ ဗွေႏဘုရာꩻ နဝ်ꩻသွူ၊ ဒေါ့ꩻစောက်ꩻကာꩻထာꩻ၊ မာန်ႏမာႏနတန်တဲင် ကျွားသန်ဒျာႏထာꩻဖုံႏသွူ။ ဝွေꩻသီးနဝ်ꩻ ကယိန်းယူႏစဉ်ꩻစာꩻဒျာႏ မာꩻထာꩻမာꩻ အနယ်ꩻကုဲင်ဖုံႏသွူ။ ဝွေꩻသီး တလွောက်ꩻနာႏတဝ်း အမွိုးဖါဖုံႏငဝ်းသွူ။ 31ဝွေꩻသီးနဝ်ꩻ ဩတ္တပ္ပသꩻ တအဲဉ်ထဝ်းသွူ။ ဂတိနဝ်ꩻ ဝွေꩻသီး တအွဉ်ႏတီႏတဝ်းတဲင် လိုꩻအလင်ဖုံႏ တာႏနဝ်ꩻ ဝွေꩻသီး တအွဉ်ႏနယ်တဝ်း ကရုဏာႏ မဉ်ႏတမွေးတဝ်း ထာꩻသꩻညင်ꩻနဝ်ꩻသွူ။ 32လိုꩻကအုံအဝ်ႏဒါႏ အနယ်ꩻယိုသားဖုံႏနဝ်ꩻ အီႏထွိုက်တန်ႏဒျာႏ ထာꩻသီတံႏကျောင်ꩻ ဗွေႏဘုရာꩻ ပညတ်ကျမ်ꩻကို ကဒေါ့ꩻနဝ်ꩻ ဝွေꩻသီး အဝ်ႏသေဒျာႏသွူ။ ကွဲႏတွော့ꩻ တလွောက်ꩻနာႏ မာꩻလွဉ်ꩻတဝ်းလွုမ်ꩻ တကာႏတဝ်း ဝွေꩻသီး အဝ်ႏသွုပ်မာꩻဒျာႏ ထာꩻကုဲင်ယိုဖုံႏသွူ။ ကွဲႏတွော့ꩻ လိုꩻလင်ဖုံႏ ကမာꩻဒါႏ ထာနဝ်ꩻဖုံႏနဝ်ꩻ ဝွေꩻသီး လဲင်ꩻထောက်ခံႏ နေးစွဉ်ႏသွူ။
ទើបបានជ្រើសរើសហើយ៖
ရောမ 1: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ရောမ 1
1
1ဖေႏကဟော်ꩻ ဗွေႏဘုရာꩻ သတင်ꩻဟဝ်နဝ်ꩻ ဝွေꩻဗွေႏလွိုက်တဲင် ဟဲ့ꩻဖေႏကထွာ တမန်ႏတောႏတပါꩻ ဗွေႏခရစ်တောႏ ယေသျု အသွဉ်းတဖြာꩻ အဝ်ႏပေါလုနဝ်ꩻထျꩻ တဲမ်းဒျာႏသွူ။
2သတင်ꩻဟဝ်နဝ်ꩻ ထွာဒျာႏ စခါကာႏ စွဉ်ႏဗွေႏဘုရာꩻ အပရောဖဲစ်ဖုံႏ ကအွဉ်ႏ ဂတိခါꩻဒါႏ နုဲင်းကအဝ်ႏတဲမ်း သော့ꩻဒါႏ ကကြောင်းစင်ငါႏ လိတ်ကျမ်ꩻကို အတွိုင်ꩻနဝ်ꩻသွူ။ 3သတင်ꩻနဝ်ꩻနဝ်ꩻ ထွာဒျာႏ ဝွေꩻဗွေႏပိုခို၊ နီဗွေႏယေသျု ခရစ်တောႏ ခရာႏနဝ်ꩻသွူ။ ဝွေꩻဗွေႏနဝ်ꩻ အီႏခံႏထူႏ လိုꩻဇာႏတိတဲင် ဝွေꩻဗွေႏနဝ်ꩻ အဝ်ႏလွူးဖွာꩻလွဉ် ဒါဝိဒ်ပိုလီꩻ စွိုးခွိုꩻကိုသွူ။ 4နုဲင်းဝွေꩻဗွေႏကထွာ ဘုရာꩻကြောင်းစင်မျတ် ဇာႏတိအတွိုင်ꩻ ဝွေꩻဗွေႏနဝ်ꩻ အီႏထွာ ဗွေႏဘုရာꩻ ပိုခိုဒျာႏကျောင်ꩻ ဖေႏကထင်ႏသျာꩻနဝ်ꩻ ဗွေႏဘုရာꩻနဝ်ꩻ အွဉ်ႏနယ်စွဉ်ႏ ကတန်မျတ်ငါႏတန်ꩻခိုꩻ အဝ်ႏထာꩻသီကို မာꩻထွိုင်ႏမွန်ဖေႏသွူ။ 5စွဉ်ႏဝွေꩻဗွေႏနဝ်ꩻ ဗွေႏဘုရာꩻ ဖေႏမွေးနေးစွဉ်ႏ ခွေအခွင်ꩻအရေꩻ ကတန်မျတ် ဗွေႏခရစ်တောႏ တွက်တာႏ တမန်ႏတောႏ တပါꩻအရာႏ၊ ဖေႏနေးကအွဉ်နယ် လိုꩻမျိုꩻဖုံႏ ကားကအဝ်ႏ ဖေႏကယွုမ်းတဲင် ဖေႏကလွောက်ꩻနာႏ မာꩻလွဉ်ꩻနဝ်ꩻသွူ။ 6သီကထွာ ရောမခမ်းကိုသား နဝ်ꩻတဲ့ ဖေႏကထွာ ဗွေႏယေသျု ခရစ်တောႏ အလိုꩻနဝ်ꩻ ဗွေႏဘုရာꩻ အဝ်ႏလွိုက်ဟဲ့ꩻနဝ်ꩻမꩻ အဝ်ႏပါဝင်ႏသော့ꩻပါက အစွိုꩻကိုယိုသွူ။
7နဝ်ꩻမꩻ ဗွေႏဘုရာꩻ ကရက်တဲင် အဝ်ႏဟဲ့ꩻ ဖေႏကထွာ ဝွေꩻဗွေႏ အလိုꩻပဲင်ႏဖုံႏ ကားကအဝ်ႏ ဝွေꩻဗွေႏ ကဟဲ့ꩻလဲဉ်းဒါႏ သီရောမခမ်းကိုသားဖုံႏ ထျꩻနဝ်ꩻ ခွေတဲမ်းထေ့ဖေႏ လိတ်နဝ်ꩻသွူ။
ယံဖေႏ နီဖါဗွေႏဘုရာꩻတွမ်ႏ ဗွေႏယေသျု ခရစ်တောႏ ကဖေႏသီ ကေꩻဇူꩻတောႏတွမ်ႏ ထာꩻငိမ်ꩻချမ်ꩻသာႏ နုဲင်းနဝ်ꩻသွူ။
ကအုပ်ꩻထင်ႏဒါႏကေꩻဇူꩻတောႏထာꩻဆုတောင်ꩻ
8ပွိုင်းဝွို့တွမ်ႏ သီထာꩻယွုမ်းခရာႏ သတင်ꩻနဝ်ꩻ ကွပ်ပွိုး တဟံႏတန်လွုမ်း အဝ်ႏဟွိုန်နဝ်ꩻမ အရီးသွတ်ꩻ သီကားကအဝ်ႏတာႏ စွဉ်ႏဗွေႏယေသျု ခရစ်တောႏနဝ်ꩻ ခွေကေꩻဇူꩻတင်ႏငါႏ ခွေဗွေႏဘုရာꩻ နဝ်ꩻသွူ။ 9ဗွေႏဘုရာꩻအပါꩻ စွဉ်ႏသွိုန်ႏလို့သꩻစင် ခွေကအဝ်ႏမာꩻဖေႏဒါႏ အမုတောႏထာꩻမာꩻ စွဉ်ႏကအဝ်ႏဟော်ꩻဖေႏဒါႏ ဝွေꩻဗွေႏပိုခိုခရာႏ သတင်ꩻဟဝ်ခရာႏ နုဲင်းခွေကဒေါ့ꩻနဝ်ꩻ မဲဉ်ႏဒျာႏကျောင်ꩻ ဗွေႏဘုရာꩻနဝ်ꩻထွာ ခွေသက်သေႏသွူ။ ခွေအဝ်ႏယူႏလꩻ သေႏသေႏဒျာႏ သီကျောင်ꩻနဝ်ꩻ ဗွေႏဘုရာꩻ အဝ်ႏသေသွူ။ 10ဗွေႏဘုရာꩻ အလိုႏတောႏ မဉ်ႏအဝ်ႏ အဆုဲင်ꩻသွတ်ꩻ မဉ်ႏထွာနွောင်ꩻ ယိုခါ ဖေႏကလွဉ်လယ်ႏ ဗာႏသီထျꩻနဝ်ꩻ ခွေကွီ ဆုတောင်ꩻထင်ႏ ဗွေႏဘုရာꩻ စွုမ်ႏလဲင်ႏသွူ။ 11ဖေႏနေး သီကတဉ်ႏခွေါင်တွော့ꩻ ဖေႏနေးကလꩻဖ ဝိညာဉ်ႏဆုကေꩻဇူꩻနဝ်ꩻ ခွေမဉ်ထီႏ မွေးနေးစွဉ်ႏ သီသွူ၊ 12နုဲင်းခွေကမဉ်ရိုꩻ အဓိပ္ပါယ်ႏနဝ်ꩻ သီတွမ်ႏခွေ တချိန်ႏချင်ႏ နီဝင်ꩻနီလွုမ်း ဖေႏကဖေႏအာႏ စွဲကိုလူႏလုဲင်ႏလို့ဝင်ꩻ၊ စွဥ်ႏခွေထာꩻယွုမ်း ဖေႏကစွဲကို သီတဲင် စွဉ်ႏသီထာꩻယွုမ်း ဖေႏကစွဲကိုခွေသွူ။
13 #
တ ၁၉:၂၁။ ခွေသွꩻဖုံႏ၊ နုဲင်းခွေကမာꩻလဲဉ်း လိုꩻမျိုꩻလင်အကို ကအောင်ႏမျင်ႏ အတွိုင်ꩻ သီအကိုနဝ်ꩻတဲ့ ခွေမဉ်လꩻငါႏ ထာꩻအောင်ႏမျင်ႏ နဝ်ꩻမꩻ ခွေ အီႏကျံႏလွေꩻသီထျꩻ အာလဲင်ႏလဲဉ်း၊ ကွဲႏတွော့ꩻ ကအီႏလွဉ်နဝ်ꩻ အယား အဝ်ႏသေႏသေႏသွူ။ 14လိုꩻယဉ်ႏငဲဖုံႏ တဲ့နဝ်ꩻ၊ လိုꩻရွိုင်ꩻဖုံႏ တဲ့နဝ်ꩻ၊ ပညာႏ အဝ်ႏသားဖုံႏ တဲ့နဝ်ꩻ၊ ပညာႏဉာဏ်ႏ တအဲဉ်ထဝ်းသားဖုံႏ တဲ့နဝ်ꩻ၊ ပွိုးတွော့ꩻ လိုꩻဖုံႏ ကားကအဝ်ႏလောင်း အတာႏ ခွေတာႏဝွန်ႏအဝ်ႏ။ 15နဝ်ꩻမꩻ သီကအဝ်ႏအုံသော့ꩻဒါႏ ရောမခမ်းကိုသားနဝ်ꩻတဲ့ ကအီႏဟော်ꩻဖေႏဗာႏ သတင်ꩻဟဝ်ဖုံႏနဝ်ꩻ ခွေအာႏတလာငါႏသွူ။
သတင်ꩻဟဝ်တန်ꩻခိုꩻ
16 #
မာ ၈:၃၈။ သတင်ꩻဟဝ် တရာꩻနဝ်ꩻ ခွေယွုမ်း လက္ခံႏလို့စင် မွေးစွဉ်ႏသွူ။ အရီးသွတ်ꩻ ဂျူးလိုꩻမျိုꩻဖုံႏ တွမ်ႏလိုꩻမျိုꩻလင်ဖုံႏ ကအီႏကယ်ႏဒါႏ လိုꩻယွုမ်းသားဖုံႏ ကားကအဝ်ႏနဝ်ꩻ ထွာဒျာႏဗွေႏဘုရာꩻ တန်ꩻခိုꩻသွူ။ 17#ဟဗ ၂:၄။ လိုꩻဖုံႏ ဖေႏကဆွုပ်ဆံႏမဲဉ်ႏတွမ်ႏ ဝွေꩻဗွေႏနမ်း၊ သတင်ꩻဟဝ်နဝ်ꩻ ဗွေႏဘုရာꩻ ဖေါႏနယ်ဖေႏတဲင် နဝ်ꩻနဝ်ꩻထွာ ထာꩻယွုမ်း အဝ်ႏအစ ဗꩻအသွတ်ꩻနဝ်ꩻသွူ။ နုဲင်းလိတ်ကျမ်ꩻ ကရိုꩻအတွိုင်ꩻ၊ “လိုꩻနဝ်ꩻစွဉ်ႏ အထာꩻယွုမ်းတွော့ꩻ ဗွေႏဘုရာꩻမတ် လိုꩻစွို့ꩻစွဉ်ႏနဝ်ꩻမꩻ အသက်အီႏအဝ်ႏမွန်ဗာႏ” နုဲင်းနဝ်ꩻသွူ။
လိုꩻအပဲစ်ဒုစရဲက်
18လိုꩻဖုံႏ ဖေႏကသေဗာႏမွိုန်း အမဲဉ်ႏတရာꩻနယ်ꩻ ကရဲဆီꩻခါꩻတဲင် ဖေႏကကံကျင်ꩻ မာꩻလွဉ်ꩻထိုꩻ အနယ်ꩻကုဲင်ဖုံႏ တွမ်ႏအပဲစ်ကဆန်ချာဒါႏ ထာꩻကားကအဝ်ႏနဝ်ꩻ အဝ်ႏခမ်းထီမို့ꩻလောင်း ဗွေႏဘုရာꩻနဝ်ꩻ သလျားကျောင်ꩻ ဖေါႏနယ် ထင်ႏသျာꩻဖေႏလဲဉ်းသွူ။ 19ကွပ်ပွိုး ဗွေႏဘုရာꩻ နမ်းကိုယ်ႏတဲင်ႏ ဖေါႏနယ်စဲင်းဖေႏလဲဉ်း ဝွေꩻသီး လိုꩻဖုံႏ အဝ်ႏလိုႏသေထွိုက် သေသင်ꩻဒါႏ ဗွေႏဘုရာꩻခရာႏ နုဲင်းမုဲင်ꩻနဝ်ꩻ အွဉ်ႏနယ်ထင်ႏသျာꩻဖေႏလဲဉ်း ဝွေꩻသီးနဝ်ꩻမꩻ ဗွေႏဘုရာꩻ အီႏဖေႏဝွေꩻသီး အပဲစ်တံႏဖုံႏသွူ။ 20တယ်ႏစွဉ်ႏ ဗွေႏဘုရာꩻ ကဖန်ဆင်ꩻ မာꩻထွာလွဉ်စ ဟံႏတန်ခါကာႏ၊ တွမ်ႏမဲ့တဲင် တထီႏနွောင်ꩻတဝ်းဒါႏ ဝွေꩻဗွေႏစွဉ်ႏတဲ့ အဝ်ႏသေနွောင်ꩻ ဝွေꩻဗွေႏနဝ်ꩻထွာ ထာဝရတန်ꩻခိုꩻ အဗွေႏကျောင်ꩻ တွမ်ႏဝွေꩻဗွေႏနဝ်ꩻ ထွာဗွေႏဘုရာꩻ အဇာႏတိကျောင်ꩻ ထောက်ထွားဗော့ꩻ အထာꩻမာꩻ ကားကအဝ်ႏနဝ်ꩻတဲင် အဝ်ႏသေစဲင်းနွောင်ꩻဒျာႏသွူ။ နုဲင်းဗွေႏဘုရာꩻ ကဖန်ဆင်ꩻ မာꩻထွာလဲဉ်း အကိုနဝ်ꩻ ဝွေꩻသီး အဝ်ႏရိက်ခေႏလꩻ နဝ်ꩻသွူ။ နဝ်ꩻမꩻ ဝွေꩻသီး အပဲစ်ဖုံႏ အဝ်ႏကျောင်ꩻ ကြဲစ်တောကြဲစ်လင်ထာꩻ တလꩻတဝ်းသွူ။ 21#ဧ ၄:၁၇၊ ၁၈။ ဗွေႏဘုရာꩻနဝ်ꩻ ဝွေꩻသီး အဝ်ႏသေစွဉ်ႏတဲ့ ကဆဲင်ႏဒါ အဝ်ႏလိုႏအုပ်ꩻ ဝွေꩻဗွေႏနဝ်ꩻ ဝွေꩻသီး တအုပ်ꩻတဝ်း ဝွေꩻဗွေႏ ဂွုဏ်ႏတောႏ၊ ဝွေꩻဗွေႏ ကေꩻဇူꩻတောႏနဝ်ꩻတဲ့ ဝွေꩻသီး တကေꩻဇူꩻတင်ႏတဝ်းသွူ။ ဝွေꩻသီး ထာꩻယူႏစဉ်ꩻစာꩻဖုံႏနဝ်ꩻ ထွာထိုꩻတောဒျာႏ ထာꩻခြေင်ခြေင်တဲင် သတိဉာဏ်ႏအဲဉ်ထဝ်း ဝွေꩻသီးသဖုံႏနဝ်ꩻတဲ့ အဝ်ႏဗွေသော့ꩻဒျာႏ ထာꩻမွိုက်မာႏ ခေ့ꩻကရစ်ꩻဖုံႏသွူ။ 22ဝွေꩻသီးရိုꩻဒျာႏ အနမ်းနဝ်ꩻ ဉာဏ်ႏပညာႏအဝ်ႏ၊ စွဉ်ႏတဲ့ ထွာဒျာႏ လိုꩻမွိုက်မာႏ ပညာႏအဲဉ်ထဝ်းဖုံႏသွူ။ 23#ဟော်ꩻ ၄:၁၆–၁၈။ အဝ်ႏလိုႏဝုဲင်ႏကိုꩻကွယ်ႏဒျာႏ တသီတမားဒါႏတဝ်း ဗွေႏဘုရာꩻ အခင်ႏလမ်းနဝ်ꩻ ဝွေꩻသီး ဝုဲင်ႏကိုꩻကွယ်ႏ ထိုꩻတောဒျာႏ ကသီ ကမားဒါႏ ကမာꩻနေးဒါႏ ထွားဗွိုန်နုဲင်းဒါႏ လိုꩻတဲ့နဝ်ꩻ၊ ဝါးဖုံႏတဲ့နဝ်ꩻ၊ ထာꩻသား ခင်ႏလစ်ꩻဒဲင်တဲ့နဝ်ꩻ၊ ထာꩻသား ကတွာႏလွေꩻနေးဒါႏ အဟို့ꩻဖုံႏတဲ့နဝ်ꩻ၊ အရွုတ်တုဖုံႏသွူ။
24နဝ်ꩻမꩻ လိုꩻစာႏယိုဖုံႏ ဝွေꩻသီးသꩻကို ကမဉ်မာꩻဒါႏ ထာꩻပသို့ꩻခရာႏဖုံႏတွမ်ႏ ဝွေꩻသီး အချင်ꩻချင်ꩻ တဖြာꩻတွမ်ႏတဖြာꩻ ကမဉ်မာꩻဒါႏ ထာꩻဝင်ꩻသꩻခရာႏဖုံႏ အခွင်ꩻနဝ်ꩻ ဗွေႏဘုရာꩻ ဖေႏထိုꩻစွဉ်ႏသွူ။ 25ပွိုင်းဝွို့တွမ်ႏ ဗွေႏဘုရာꩻ သမ္မာႏတရာꩻနဝ်ꩻ ဝွေꩻသီး လုဲင်ႏထိုꩻတောဒျာႏ စွဉ်ႏထာꩻအမာႏသွူ။ အဝ်ႏလိုႏဝုဲင်ႏ ကိုꩻကွယ်ႏဒျာႏ ကဖန်ဆင်ꩻ မာꩻထွာလွဉ်ဒါႏ အဗွေႏနမ်းနဝ်ꩻ ဝွေꩻသီး ဝုဲင်ႏကိုꩻကွယ်ႏတောဒျာႏ ဗွေႏဘုရာꩻ အကဖန်ဆင်ꩻ သေꩻခါꩻဒါႏ ထာꩻဖုံႏနဝ်ꩻသွူ၊ ကဖန်ဆင်ꩻဒါႏ အဗွေႏနဝ်ꩻ အုပ်ꩻထင်ႏ သေႏသေႏသွော့။ အာမေင်။
26ကွပ်ပွိုး ဝွေꩻသီး မာꩻထာꩻ နုဲင်းယိုအတွက် ဝွေꩻသီးနဝ်ꩻ ဗွေႏဘုရာꩻ အပ်ထိုꩻဖေႏ ထာꩻဟဝ်ဝင်ꩻသꩻခရာႏ ကိလေသာႏ တဏာႏ အစူကိုသွူ။ လိုꩻမူႏဖုံႏတဲ့ စွဉ်ꩻအွဉ်ႏကုဲင်ထိုꩻ အသဘာႏဝ ထွုံꩻစံႏတွော့ꩻ ဝွေꩻသီးလွူꩻလောႏ ကာႏမဂုဏ်ႏနဝ်ꩻ ဆန်ꩻထိုꩻတောဒျာႏ သဘာႏဝဖုံႏသွူ။ 27ဗွိုန်နုဲင်းနဝ်ꩻနေနေ လိုꩻခိုဖုံႏနဝ်ꩻတဲ့ စွဉ်ꩻအွဉ်ႏကုဲင်ထိုꩻ လိုꩻခိုသဘာႏဝတွော့ꩻ အဝ်ႏလိုႏ ဗေင်ႏလွူꩻငီꩻဒျာႏ တွမ်ႏလိုꩻမူႏနဝ်ꩻ ကိလေသာႏ တန်တောဒျာႏ လိုꩻခိုအချင်ꩻချင်ꩻ ဗေင်ႏလွူꩻငီꩻလို့ဝင်ꩻ နဝ်ꩻသွူ။ လိုꩻခိုဖုံႏနဝ်ꩻ တဖြာꩻတွမ်ႏတဖြာꩻ မာꩻဒျာႏထာꩻဝင်ꩻသꩻ ခရာႏဖုံႏတဲင် အဆုဲင်ꩻသွတ်ꩻနဝ်ꩻ ဝွေꩻသီး ကအဝ်ႏမာꩻမာႏဒါႏ ထာꩻအတာႏ ဝွေꩻသီး ကထွိုက်တန်ႏဒါႏ အပဲစ်တံႏဖုံႏနဝ်ꩻ ဝွေꩻသီးအီလွဉ် လူးချာဒျာႏ ဝွေꩻသီး အနမ်းလောင်းဖုံႏသွူ။
28လိုꩻစားယိုဖုံႏနဝ်ꩻ ထာꩻသေ ဗွေႏဘုရာꩻခရာႏ ပညာႏ အစဲစ်အမဲဉ်ႏနဝ်ꩻ ကွပ်ပွိုး တအွဉ်ႏသော့ꩻတဝ်း ဝွေꩻသီးအသꩻကို နဝ်ꩻမꩻ ဝွေꩻသီး သꩻထာꩻယူႏဖုံႏနဝ်ꩻ ဝွေꩻဗွေႏ အပ်ဖေႏဒျာႏ ထာꩻကုဲင်စူကို နဝ်ꩻမꩻ ဝွေꩻသီး တဟဝ်မာꩻတဝ်း ဒါႏဖုံႏနဝ်ꩻ ဝွေꩻသီးမာꩻစွဉ်ႏသွူ။ 29ဝွေꩻသီးနဝ်ꩻ အဝ်ႏဗွေဒျာႏစွဉ်ႏ ထာꩻမွိုက်မာႏဖုံႏ၊ ထာꩻကုဲင်ဖုံႏ၊ ထာꩻလောဘတန်တွမ်ႏ အကျင်ꩻကုဲင်ဖုံႏ ကားကအဝ်ႏနဝ်ꩻသွူ။ ဝွေꩻသီးနဝ်ꩻ အဝ်ႏဗွေဒျာႏ ထာꩻတကေးဝင်ꩻ၊ မာꩻသီလိုꩻအသက်၊ ရွို့ꩻနက်လို့ဝင်ꩻ၊ လိန်ႏလဲဉ်ထာꩻတွမ်ႏ ရန်ႏစင်ꩻလို့ဝင်ꩻ နဝ်ꩻသွူ။ ဝွေꩻသီးဒေါ့ꩻဒျာႏ ဝင်ꩻမဉ်ꩻဝင်ꩻပွုံႏဖုံႏ၊ 30တဲင်တဖြာꩻတွမ်ႏတဖြာꩻ ယားတရေႏဒျာႏ ဝင်ꩻဖုံႏသွူ။ ဝွေꩻသီးနဝ်ꩻ လွꩻထီႏသန် မွေးစွဉ်ႏ ဗွေႏဘုရာꩻ နဝ်ꩻသွူ၊ ဒေါ့ꩻစောက်ꩻကာꩻထာꩻ၊ မာန်ႏမာႏနတန်တဲင် ကျွားသန်ဒျာႏထာꩻဖုံႏသွူ။ ဝွေꩻသီးနဝ်ꩻ ကယိန်းယူႏစဉ်ꩻစာꩻဒျာႏ မာꩻထာꩻမာꩻ အနယ်ꩻကုဲင်ဖုံႏသွူ။ ဝွေꩻသီး တလွောက်ꩻနာႏတဝ်း အမွိုးဖါဖုံႏငဝ်းသွူ။ 31ဝွေꩻသီးနဝ်ꩻ ဩတ္တပ္ပသꩻ တအဲဉ်ထဝ်းသွူ။ ဂတိနဝ်ꩻ ဝွေꩻသီး တအွဉ်ႏတီႏတဝ်းတဲင် လိုꩻအလင်ဖုံႏ တာႏနဝ်ꩻ ဝွေꩻသီး တအွဉ်ႏနယ်တဝ်း ကရုဏာႏ မဉ်ႏတမွေးတဝ်း ထာꩻသꩻညင်ꩻနဝ်ꩻသွူ။ 32လိုꩻကအုံအဝ်ႏဒါႏ အနယ်ꩻယိုသားဖုံႏနဝ်ꩻ အီႏထွိုက်တန်ႏဒျာႏ ထာꩻသီတံႏကျောင်ꩻ ဗွေႏဘုရာꩻ ပညတ်ကျမ်ꩻကို ကဒေါ့ꩻနဝ်ꩻ ဝွေꩻသီး အဝ်ႏသေဒျာႏသွူ။ ကွဲႏတွော့ꩻ တလွောက်ꩻနာႏ မာꩻလွဉ်ꩻတဝ်းလွုမ်ꩻ တကာႏတဝ်း ဝွေꩻသီး အဝ်ႏသွုပ်မာꩻဒျာႏ ထာꩻကုဲင်ယိုဖုံႏသွူ။ ကွဲႏတွော့ꩻ လိုꩻလင်ဖုံႏ ကမာꩻဒါႏ ထာနဝ်ꩻဖုံႏနဝ်ꩻ ဝွေꩻသီး လဲင်ꩻထောက်ခံႏ နေးစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.