မာကု 2
2
ဗွေႏယေသျုလုမ်ꩻလာꩻဟဝ်ဖေႏလိုꩻမာႏရေႏတဖြာꩻ
(မတဲ ၉:၁–၈။ လုကာ ၅:၁၇–၂၆)
1မွူးနီꩻထွိုင်ႏည ပသာႏနဝ်ꩻ ဗွေႏယေသျုသဲင်ꩻချာ ဝေင်ꩻကပေရနောင်တဲင် ဝွေꩻဗွေႏ အဝ်ႏဒျာႏ လမ်းကျောင်ꩻနဝ်ꩻ သတင်ꩻစွစ်ꩻလီစွဉ်ႏ နဝ်ꩻသွူ။ 2နဝ်ꩻမꩻ လိုꩻအာဖုံႏ လွဉ်စုဗူႏ လို့ဝင်ꩻ နဝ်ꩻကိုတဲင် အခန်ꩻခြေင် အဲဉ်ထဝ်းဒွုမ်၊ လဲင်ꩻဗွေတွိုႏနေးစွဉ်ႏ တခါꩻကောင်းထန်ႏဖဲ့ꩻတဲင် ဗွေႏယေသျု ဟော်ꩻဖေႏ ဝွေꩻသီး တရာꩻနဝ်ꩻသွူ။ 3လိုꩻဝင်ꩻလစ်ꩻထွိုင်ႏ ဖျော်လွဉ်နဝ်ꩻ အဝ်ႏထမ်ႏလွဉ်ပါ လိုꩻဆာမာႏရေႏတဖြာꩻ ဗွေႏယေသျုထျꩻသွူ။ 4ကွဲႏတွော့ꩻ ကွပ်ပွိုး လိုꩻအာဖုံႏအတွက် ဝွေꩻသီး အီလွဉ်ပါꩻခို ဗွေႏယေသျုထျꩻ တလꩻတဝ်းနဝ်ꩻသွူ။ နဝ်ꩻမꩻ ဝွေꩻသီး မာꩻတအို လမ်းသꩻလောင်း ကတနꩻလင်ꩻဒါႏစွဉ်ႏ ဝွေꩻဗွေႏ ကအဝ်ႏဒါႏ ခင်ႏလမ်းနဝ်ꩻသွူ။ ဝွေꩻသီး ထွိုင်ႏမာꩻတအိုထွူ ဝွေꩻသီး အွဉ်ႏဗေင်ႏလင်ꩻ ပါꩻခိုမာႏရေႏ တွေလောင်းတွော့ꩻ အွဉ်ႏလွဉ်းလင်ꩻစွဉ်ႏ ဝွေꩻဗွေႏဆꩻငါနဝ်ꩻသွူ။ 5ထွိုင်ႏထီႏ ဝွေꩻသီး ထာꩻယွုမ်းနဝ်ꩻ ဗွေႏယေသျုဒေါ့ꩻဖေႏ ပါꩻခိုမာႏရေႏ၊ “ခွေပိုခို၊ နာꩻအပဲစ်ဖုံႏ လွစ်လဲဉ်း” နုဲင်းနဝ်ꩻသွူ။
6ကျမ်ꩻဒါႏဆရာႏဖုံႏ ယင်ဟန်ႏ ကအဝ်ႏအုံလင်ꩻ နဝ်ꩻကိုနဝ်ꩻ ဝွေꩻသီးယူႏချာ အသꩻကိုဖုံႏ၊ 7ဝွေꩻဒေါ့ꩻဗွိုန်ႏစွဉ်ႏထာꩻ နုဲင်းယို နုဲင်းမုဲင်ꩻဟောင်း။ ယိုနဝ်ꩻ ပဲစ်မာႏလဲဉ်းသွူ ဗွေႏဘုရာꩻ။ ဗွေႏအပါꩻ ကအွဉ်ႏစွꩻလွစ်နွောင်ꩻဒါႏ အပဲစ်ဖုံႏနဝ်ꩻ အဝ်ႏဒျာႏ ဗွေႏဘုရာꩻ တပါꩻလွုမ်ꩻ” နုဲင်းနဝ်ꩻသွူ။
8ဝွေꩻသီး ကအဝ်ႏယူႏဒါႏနဝ်ꩻ တလဲင်ႏချင်ꩻ ဗွေႏယေသျု အဝ်ႏသေ နဝ်ꩻမꩻ၊ ဝွေꩻဗွေႏ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီအဝ်ႏယူႏဗာႏတွိုႏထာꩻ စားနဝ်ꩻဟောင်း။ 9ကအီႏရိုꩻဖေႏ လိုꩻဆာမာႏရေႏယို၊ ‘နာꩻအပဲစ်လွစ်လဲဉ်း၊ မဉ်ႏမွေးတဝ်း ထွိုင်ႏတဲင် တွမ်ထူႏနာꩻတွေတွော့ꩻ ထောင်လွေꩻဟုဲင်း’၊ နဝ်ꩻ အစွိုးမုဲင်ꩻယိုꩻဟောင်း။ 10နဝ်ꩻထွူ လိုꩻပိုခိုနဝ်ꩻ ဟံႏတန်လောင်းယို အွဉ်ႏစွꩻလွစ်ဖေႏ အပဲစ်အာႏဏာႏ အဝ်ႏကျောင်ꩻ ခွေအီႏအွဉ်ႏနယ်ဖေႏနာꩻ သက်သေႏ” နုဲင်းနဝ်ꩻမꩻ ဝွေꩻဗွေႏဒေါ့ꩻဖေႏ လိုꩻဆာမာႏရေႏ၊ 11ခွေဒေါ့ꩻဖေႏနာꩻ၊ ထွိုင်ႏတဲင် တွမ်ထူႏနာꩻတွေတွော့ꩻ သဲင်ꩻခန်းလမ်းဟုဲင်း” နုဲင်းနဝ်ꩻသွူ။
12ဝွေꩻသီး ကားကအဝ်ႏ အဝ်ႏအုံပွေါးထွားကျာꩻ ပါꩻခိုနဝ်ꩻထွိုင်ႏ၊ တွမ်ထူႏ ဝွေꩻတွေတွော့ꩻ နဲစ်လွေꩻညာꩻမွိုင်စွဉ်ႏသွူ။ ဝွေꩻသီး ကားကအဝ်ႏ အံႏဖြာႏမွေးနေးစွဉ်ႏတဲင် အုပ်ꩻထင်ႏစွဉ်ႏ ဗွေႏဘုရာꩻ ကေꩻဇူꩻတောႏတွော့ꩻရိုꩻ၊ “ထာꩻဗွိုန်နုဲင်းယိုနဝ်ꩻ မုဲင်ꩻခါတဲ့ နီတထီႏဗာႏဖိုတဝ်း” နုဲင်းနဝ်ꩻသွူ။
ဗွေႏယေသျုဟဲ့ꩻလေဝိ
(မတဲ ၉:၉–၁၃။ လုကာ ၅:၂၇–၃၂)
13ဗွေႏယေသျု သဲင်ꩻချာဖျင်ယင်း ကာလိလဲနောင်ဖင်ႏ တလဲင်ႏသွူ။ လိုꩻတစွိုꩻနဝ်ꩻ လွဉ်ထေ့ ဝွေꩻဗွေႏထျꩻတဲင် ဝွေꩻဗွေႏ သွဉ်သင်စဖေႏစွဉ်ႏ ဝွေꩻသီးသွူ။ 14နုဲင်းဝွေꩻဗွေႏ ကအဝ်ႏထောင်လွေꩻထာꩻနဝ်ꩻ ဝွေꩻဗွေႏထီႏ အခွဉ်ႏကောက်သား တဖြာꩻ ကထွာ အာလဖဲပိုခို လေဝိ အဝ်ႏအုံလင်ꩻထာꩻ ဝွေꩻရွုမ်ꩻကိုနဝ်ꩻသွူ။ ဗွေႏယေသျု ဒေါ့ꩻဖေႏဝွေꩻ၊ လွေꩻလွဉ်ꩻခွေဟုဲင်း” နုဲင်းနဝ်ꩻသွူ။ လေဝိထွိုင်ႏတဲင် လွေꩻလွဉ်ꩻစွဉ်ႏ ဝွေꩻဗွေႏနဝ်ꩻသွူ။
15ဆုဲင်ꩻဗွေႏယေသျု အဝ်ႏအံႏထာꩻအံႏ လေဝိအလမ်းကိုသွူ။ စွဉ်ႏအခွဉ်ႏကောက် စွဉ်ႏလိုꩻ ဝင်ꩻကပယ်ႏဒါႏသား လိုꩻအာဖုံႏ ကအဝ်ႏလွေꩻလွဉ်ꩻ ဗွေႏယေသျုနဝ်ꩻ ပေါင်ꩻဝွေꩻဗွေႏတွော့ꩻ အံႏငီꩻဝွေꩻဗွေႏစွဉ်ႏ ဝွေꩻဗွေႏ တပဲ့တောႏဖုံႏ ထာꩻအံႏခွုံႏလောင်းနဝ်ꩻသွူ။ 16ကျမ်ꩻဒါႏဆရာႏဖုံႏ ဖါရိသဲဂွိုဏ်ꩻဖုံႏနဝ်ꩻ အဝ်ႏထီႏ ဗွေႏယေသျု အဝ်ႏအံႏငီꩻတွမ်ႏ လိုꩻဝင်ꩻကပယ်ႏဒါႏသားစွဉ်ႏ အခွဉ်ႏကောက်သားဖုံႏ၊ နဝ်ꩻမꩻ ဝွေꩻသီးရီ ဝွေꩻဗွေႏတပဲ့တောႏဖုံႏ၊ “ပွိုးတမုဲင်ꩻ ဝွေꩻနဝ်ꩻ အံႏငီꩻဗာႏတွိုႏ လိုꩻစားယိုဖုံႏဟောင်း” နုဲင်းနဝ်ꩻသွူ။
17ဗွေႏယေသျုဟွိုန် ဝွေꩻသီးငဝ်းတဲင် လဝ်းချာ၊ “လိုꩻအုံဟဝ် ခြွိုင်ႏသန်ꩻသားနဝ်ꩻ တအဝ်ႏလိုႏတဝ်း ဆရာႏဝွန်ႏ၊ ကွဲႏတွော့ꩻ အဝ်ႏလိုႏဒျာႏ လိုꩻဆော့ဆာသားဖုံႏလွုမ်ꩻ။ ခွေကကျွꩻလွဉ်ဗာႏနဝ်ꩻ အီႏဟဲ့ꩻလိုꩻ ဝင်ꩻကရိုႏသေႏတွော့ꩻ ခွေကျွꩻလွဉ် တမွေးတဝ်း၊ အီႏဟဲ့ꩻဒျာႏလိုꩻ ဝင်ꩻကပယ်ႏဒါႏသားတွော့ꩻ ခွေကျွꩻလွဉ်ဒျာႏ” နုဲင်းနဝ်ꩻသွူ။
ရီပွိုင်းဝွို့တွမ်ႏသျောင်ႏကံထာꩻအံႏခရာႏ
(မတဲ ၉:၁၄–၁၇။ လုကာ ၅:၃၃–၃၉)
18တလဲင်ႏသားနဝ်ꩻ ဗတ္တိဇံႏ ဆရာႏယောဟန် တပဲ့ဖုံႏတွမ်ႏ ဖါရိသဲဖုံႏနဝ်ꩻ အဝ်ႏသျောင်ႏကံ ထာꩻအံႏနဝ်ꩻသွူ။ လိုꩻယင်ဟန်ႏနဝ်ꩻ လွဉ်ထေ့ ဗွေႏယေသျုထျꩻတဲင် ရီဝွေꩻဗွေႏ၊ “ပွိုးတမုဲင်ꩻ ဗတ္တိဇံႏဆရာႏ ယောဟန်တွမ်ႏ ဖါရိသဲဖုံႏနဝ်ꩻ အဝ်ႏသျောင်ႏကံ ထာꩻအံႏစွဉ်ႏတဲ့ နီဗွေႏလိုꩻဖုံႏနဝ်ꩻ တသျောင်ႏကံတဝ်း နုဲင်းမုဲင်ꩻဟောင်း” နုဲင်းနဝ်ꩻသွူ။
19ဗွေႏယေသျုလဝ်းချာ၊ “သီအဝ်ႏမောင်ꩻ ထဉ်ႏကအဝ်ႏနေက ပွယ်ꩻမင်္ဂလာႏသား စွိုꩻနဝ်ꩻ အီႏသျောင်ႏကံထာꩻအံႏ လꩻနေဟောင်း။ ဝွေꩻသီး အဝ်ႏငီꩻနေက စွဉ်ႏ ခွန်မောင်ႏမန်ႏသမျနဝ်ꩻ ဝွေꩻသီး အီႏသျောင်ႏကံ ထာꩻအံႏ တလꩻတဝ်းနဝ်ꩻသွူ။ 20ကွဲႏတွော့ꩻ ခွန်မောင်ႏ အဝ်ႏဝွေꩻသီးထျꩻ အီႏထန်ႏလွေꩻညာꩻထိုꩻ အနီꩻနဝ်ꩻ အီႏဖျော်လွဉ်၊ တွိုႏနဝ်ꩻမꩻ ဝွေꩻသီး အီႏသျောင်ႏကံလꩻ နဝ်ꩻသွူ။
21“ပိတ်ခဝ်တသာနဝ်ꩻ ပါꩻမုဲင်ꩻတဖြာꩻတဲ့ သွုံꩻပြဝ်ႏလူးတဝ်း ခွမ်ꩻလာꩻယလောင်း၊ ပွိုးတွော့ꩻ ပိတ်ယာႏတသာနဝ်ꩻ အီႏထွို့ꩻငင်ႏထိုꩻတဲင် ခွမ်ꩻလာꩻယနဝ်ꩻ ကယိန်းသဲ့လုဲင်းထဲင်း နဝ်ꩻသွူ။ 22ဝုဲင် တသာနဝ်ꩻ ပါꩻမုဲင်ꩻတဖြာꩻတဲ့ တသော့ꩻတဝ်း တဖြို့ꩻဗူးလီꩻကို၊ ပွိုးတွော့ꩻ ဝုဲင်တသာနဝ်ꩻ အဲင်ႏကုဲင်ထိုꩻ တဖြို့ꩻဗူးလီꩻတဲင် ဝုဲင်စွဉ်ႏ တဖြို့ꩻနီစွိုးနဝ်ꩻ အီႏကုဲင်ထိုꩻ၊ ခလားကသော့ꩻ နုဲင်းနဝ်ꩻနဝ်ꩻ ဝုဲင် တသာနဝ်ꩻ သော့ꩻဗာႏဒျာႏ တဖြို့ꩻဗူး တသာကို” နုဲင်းနဝ်ꩻသွူ။
ရီပွိုင်းဝွို့တွမ်ႏဥပုသ်မွူးနီꩻခရာႏ
(မတဲ ၁၂:၁–၈။ လုကာ ၆:၁–၅)
23 #
ဟော်ꩻ ၂၃:၂၅။ ဥပုသ်မွူးနီꩻ တနီꩻကိုနဝ်ꩻ ဗွေႏယေသျု အဝ်ႏထောင် ဖျတ်ကာႏလွေꩻ ဗွူကလာꩻခြံဖုံႏ ယင်ဟန်ႏသွူ။ နုဲင်းဝွေꩻဗွေႏ တပဲ့တောႏဖုံႏ ကအဝ်ႏထောင်လွေꩻငီꩻ စွဉ်ႏဝွေꩻဗွေႏနဝ်ꩻ ဝွေꩻသီး ဖြွꩻစစွဉ်ႏ ဗွူကလာꩻခြီႏဖုံႏသွူ။ 24နဝ်ꩻမꩻ ဖါရိသဲဖုံႏ ဒေါ့ꩻဖေႏ ဗွေႏယေသျု၊ “ထွားမွိုင်၊ နာꩻတပဲ့ဖုံႏ ကမာꩻဒါႏထာꩻ ဥပုသ်မွူးနီꩻကိုနဝ်ꩻ တလွိုလွဉ်ꩻထိုꩻတဝ်း နီပညတ်ကျမ်ꩻဟောင်း” နုဲင်းနဝ်ꩻသွူ။
25 # ၁သျာ ၂၁:၁–၆။ ဗွေႏယေသျုလဝ်းချာ၊ “နုဲင်းဒါဝိဒ်စိုး ဝွေꩻတွမ်ႏ ဝွေꩻလိုꩻဖုံႏ ထွိုင်ႏဟို့ꩻခိုး ထာꩻအံႏ၊ ဝွေꩻကအဝ်ႏလိုႏဒါႏ ထာꩻအံႏ တစွိုးတမျိုꩻချိန်ႏ ဝွေꩻကမာꩻလဲဉ်းဒါႏနဝ်ꩻ သီတဖတ်ဗာႏဖိုတဝ်း နဲ့ဟောင်း။ 26#ဝိ ၂၄:၉။ ဝွေꩻနွို့လွေꩻသော့ꩻ ဗွေႏဘုရာꩻ လမ်းကိုတဲင် အံႏစွဉ်ႏ တခိုးကပူႏဇောႏဒါႏ ဗွေႏဘုရာꩻနဝ်ꩻသွူ။ ကအဝ်ႏထွာထာꩻ နုဲင်းယိုနဝ်ꩻ ထွာဒျာႏ ယဇ်ပရော ဟိတ် ခွန်အဗျာတာစိုး နဝ်ꩻသွူ။ မဉ်ႏနေးအမဲဉ်ႏနဝ်ꩻ တခိုးယို နီပညတ်ကိုနဝ်ꩻ အံႏထွိုက်ဒျာႏ ယဇ်ပရောဟိတ်ဖုံႏလွုမ်ꩻ နဝ်ꩻသွူ။ ကွဲႏတွော့ꩻ ဒါဝိဒ်အံႏတခိုးနဝ်ꩻတဲင် တခိုးနဝ်ꩻ လဲင်ꩻဖေႏပါက ဝွေꩻလိုꩻဖုံႏ” နုဲင်းနဝ်ꩻသွူ။
27နဝ်ꩻထွူ ဗွေႏယေသျု အွဉ်ႏသွတ်ꩻငဝ်း။ “ဥပုသ်မွူးနီꩻနဝ်ꩻ မာꩻဖေႏလိုꩻဖုံႏ ကဟဝ်အီတာႏဒျာႏ။ လိုꩻနဝ်ꩻ မာꩻဖေႏ ဥပုသ်မွူးနီꩻတာႏ တမွေးတဝ်းသွူ။ 28နဝ်ꩻမꩻ လိုꩻပိုခိုနဝ်ꩻ လဲင်ꩻထွာ ဥပုသ်မွူးနီꩻ အဗွေႏ” နုဲင်းနဝ်ꩻသွူ။
ទើបបានជ្រើសរើសហើយ៖
မာကု 2: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 2
2
ဗွေႏယေသျုလုမ်ꩻလာꩻဟဝ်ဖေႏလိုꩻမာႏရေႏတဖြာꩻ
(မတဲ ၉:၁–၈။ လုကာ ၅:၁၇–၂၆)
1မွူးနီꩻထွိုင်ႏည ပသာႏနဝ်ꩻ ဗွေႏယေသျုသဲင်ꩻချာ ဝေင်ꩻကပေရနောင်တဲင် ဝွေꩻဗွေႏ အဝ်ႏဒျာႏ လမ်းကျောင်ꩻနဝ်ꩻ သတင်ꩻစွစ်ꩻလီစွဉ်ႏ နဝ်ꩻသွူ။ 2နဝ်ꩻမꩻ လိုꩻအာဖုံႏ လွဉ်စုဗူႏ လို့ဝင်ꩻ နဝ်ꩻကိုတဲင် အခန်ꩻခြေင် အဲဉ်ထဝ်းဒွုမ်၊ လဲင်ꩻဗွေတွိုႏနေးစွဉ်ႏ တခါꩻကောင်းထန်ႏဖဲ့ꩻတဲင် ဗွေႏယေသျု ဟော်ꩻဖေႏ ဝွေꩻသီး တရာꩻနဝ်ꩻသွူ။ 3လိုꩻဝင်ꩻလစ်ꩻထွိုင်ႏ ဖျော်လွဉ်နဝ်ꩻ အဝ်ႏထမ်ႏလွဉ်ပါ လိုꩻဆာမာႏရေႏတဖြာꩻ ဗွေႏယေသျုထျꩻသွူ။ 4ကွဲႏတွော့ꩻ ကွပ်ပွိုး လိုꩻအာဖုံႏအတွက် ဝွေꩻသီး အီလွဉ်ပါꩻခို ဗွေႏယေသျုထျꩻ တလꩻတဝ်းနဝ်ꩻသွူ။ နဝ်ꩻမꩻ ဝွေꩻသီး မာꩻတအို လမ်းသꩻလောင်း ကတနꩻလင်ꩻဒါႏစွဉ်ႏ ဝွေꩻဗွေႏ ကအဝ်ႏဒါႏ ခင်ႏလမ်းနဝ်ꩻသွူ။ ဝွေꩻသီး ထွိုင်ႏမာꩻတအိုထွူ ဝွေꩻသီး အွဉ်ႏဗေင်ႏလင်ꩻ ပါꩻခိုမာႏရေႏ တွေလောင်းတွော့ꩻ အွဉ်ႏလွဉ်းလင်ꩻစွဉ်ႏ ဝွေꩻဗွေႏဆꩻငါနဝ်ꩻသွူ။ 5ထွိုင်ႏထီႏ ဝွေꩻသီး ထာꩻယွုမ်းနဝ်ꩻ ဗွေႏယေသျုဒေါ့ꩻဖေႏ ပါꩻခိုမာႏရေႏ၊ “ခွေပိုခို၊ နာꩻအပဲစ်ဖုံႏ လွစ်လဲဉ်း” နုဲင်းနဝ်ꩻသွူ။
6ကျမ်ꩻဒါႏဆရာႏဖုံႏ ယင်ဟန်ႏ ကအဝ်ႏအုံလင်ꩻ နဝ်ꩻကိုနဝ်ꩻ ဝွေꩻသီးယူႏချာ အသꩻကိုဖုံႏ၊ 7ဝွေꩻဒေါ့ꩻဗွိုန်ႏစွဉ်ႏထာꩻ နုဲင်းယို နုဲင်းမုဲင်ꩻဟောင်း။ ယိုနဝ်ꩻ ပဲစ်မာႏလဲဉ်းသွူ ဗွေႏဘုရာꩻ။ ဗွေႏအပါꩻ ကအွဉ်ႏစွꩻလွစ်နွောင်ꩻဒါႏ အပဲစ်ဖုံႏနဝ်ꩻ အဝ်ႏဒျာႏ ဗွေႏဘုရာꩻ တပါꩻလွုမ်ꩻ” နုဲင်းနဝ်ꩻသွူ။
8ဝွေꩻသီး ကအဝ်ႏယူႏဒါႏနဝ်ꩻ တလဲင်ႏချင်ꩻ ဗွေႏယေသျု အဝ်ႏသေ နဝ်ꩻမꩻ၊ ဝွေꩻဗွေႏ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီအဝ်ႏယူႏဗာႏတွိုႏထာꩻ စားနဝ်ꩻဟောင်း။ 9ကအီႏရိုꩻဖေႏ လိုꩻဆာမာႏရေႏယို၊ ‘နာꩻအပဲစ်လွစ်လဲဉ်း၊ မဉ်ႏမွေးတဝ်း ထွိုင်ႏတဲင် တွမ်ထူႏနာꩻတွေတွော့ꩻ ထောင်လွေꩻဟုဲင်း’၊ နဝ်ꩻ အစွိုးမုဲင်ꩻယိုꩻဟောင်း။ 10နဝ်ꩻထွူ လိုꩻပိုခိုနဝ်ꩻ ဟံႏတန်လောင်းယို အွဉ်ႏစွꩻလွစ်ဖေႏ အပဲစ်အာႏဏာႏ အဝ်ႏကျောင်ꩻ ခွေအီႏအွဉ်ႏနယ်ဖေႏနာꩻ သက်သေႏ” နုဲင်းနဝ်ꩻမꩻ ဝွေꩻဗွေႏဒေါ့ꩻဖေႏ လိုꩻဆာမာႏရေႏ၊ 11ခွေဒေါ့ꩻဖေႏနာꩻ၊ ထွိုင်ႏတဲင် တွမ်ထူႏနာꩻတွေတွော့ꩻ သဲင်ꩻခန်းလမ်းဟုဲင်း” နုဲင်းနဝ်ꩻသွူ။
12ဝွေꩻသီး ကားကအဝ်ႏ အဝ်ႏအုံပွေါးထွားကျာꩻ ပါꩻခိုနဝ်ꩻထွိုင်ႏ၊ တွမ်ထူႏ ဝွေꩻတွေတွော့ꩻ နဲစ်လွေꩻညာꩻမွိုင်စွဉ်ႏသွူ။ ဝွေꩻသီး ကားကအဝ်ႏ အံႏဖြာႏမွေးနေးစွဉ်ႏတဲင် အုပ်ꩻထင်ႏစွဉ်ႏ ဗွေႏဘုရာꩻ ကေꩻဇူꩻတောႏတွော့ꩻရိုꩻ၊ “ထာꩻဗွိုန်နုဲင်းယိုနဝ်ꩻ မုဲင်ꩻခါတဲ့ နီတထီႏဗာႏဖိုတဝ်း” နုဲင်းနဝ်ꩻသွူ။
ဗွေႏယေသျုဟဲ့ꩻလေဝိ
(မတဲ ၉:၉–၁၃။ လုကာ ၅:၂၇–၃၂)
13ဗွေႏယေသျု သဲင်ꩻချာဖျင်ယင်း ကာလိလဲနောင်ဖင်ႏ တလဲင်ႏသွူ။ လိုꩻတစွိုꩻနဝ်ꩻ လွဉ်ထေ့ ဝွေꩻဗွေႏထျꩻတဲင် ဝွေꩻဗွေႏ သွဉ်သင်စဖေႏစွဉ်ႏ ဝွေꩻသီးသွူ။ 14နုဲင်းဝွေꩻဗွေႏ ကအဝ်ႏထောင်လွေꩻထာꩻနဝ်ꩻ ဝွေꩻဗွေႏထီႏ အခွဉ်ႏကောက်သား တဖြာꩻ ကထွာ အာလဖဲပိုခို လေဝိ အဝ်ႏအုံလင်ꩻထာꩻ ဝွေꩻရွုမ်ꩻကိုနဝ်ꩻသွူ။ ဗွေႏယေသျု ဒေါ့ꩻဖေႏဝွေꩻ၊ လွေꩻလွဉ်ꩻခွေဟုဲင်း” နုဲင်းနဝ်ꩻသွူ။ လေဝိထွိုင်ႏတဲင် လွေꩻလွဉ်ꩻစွဉ်ႏ ဝွေꩻဗွေႏနဝ်ꩻသွူ။
15ဆုဲင်ꩻဗွေႏယေသျု အဝ်ႏအံႏထာꩻအံႏ လေဝိအလမ်းကိုသွူ။ စွဉ်ႏအခွဉ်ႏကောက် စွဉ်ႏလိုꩻ ဝင်ꩻကပယ်ႏဒါႏသား လိုꩻအာဖုံႏ ကအဝ်ႏလွေꩻလွဉ်ꩻ ဗွေႏယေသျုနဝ်ꩻ ပေါင်ꩻဝွေꩻဗွေႏတွော့ꩻ အံႏငီꩻဝွေꩻဗွေႏစွဉ်ႏ ဝွေꩻဗွေႏ တပဲ့တောႏဖုံႏ ထာꩻအံႏခွုံႏလောင်းနဝ်ꩻသွူ။ 16ကျမ်ꩻဒါႏဆရာႏဖုံႏ ဖါရိသဲဂွိုဏ်ꩻဖုံႏနဝ်ꩻ အဝ်ႏထီႏ ဗွေႏယေသျု အဝ်ႏအံႏငီꩻတွမ်ႏ လိုꩻဝင်ꩻကပယ်ႏဒါႏသားစွဉ်ႏ အခွဉ်ႏကောက်သားဖုံႏ၊ နဝ်ꩻမꩻ ဝွေꩻသီးရီ ဝွေꩻဗွေႏတပဲ့တောႏဖုံႏ၊ “ပွိုးတမုဲင်ꩻ ဝွေꩻနဝ်ꩻ အံႏငီꩻဗာႏတွိုႏ လိုꩻစားယိုဖုံႏဟောင်း” နုဲင်းနဝ်ꩻသွူ။
17ဗွေႏယေသျုဟွိုန် ဝွေꩻသီးငဝ်းတဲင် လဝ်းချာ၊ “လိုꩻအုံဟဝ် ခြွိုင်ႏသန်ꩻသားနဝ်ꩻ တအဝ်ႏလိုႏတဝ်း ဆရာႏဝွန်ႏ၊ ကွဲႏတွော့ꩻ အဝ်ႏလိုႏဒျာႏ လိုꩻဆော့ဆာသားဖုံႏလွုမ်ꩻ။ ခွေကကျွꩻလွဉ်ဗာႏနဝ်ꩻ အီႏဟဲ့ꩻလိုꩻ ဝင်ꩻကရိုႏသေႏတွော့ꩻ ခွေကျွꩻလွဉ် တမွေးတဝ်း၊ အီႏဟဲ့ꩻဒျာႏလိုꩻ ဝင်ꩻကပယ်ႏဒါႏသားတွော့ꩻ ခွေကျွꩻလွဉ်ဒျာႏ” နုဲင်းနဝ်ꩻသွူ။
ရီပွိုင်းဝွို့တွမ်ႏသျောင်ႏကံထာꩻအံႏခရာႏ
(မတဲ ၉:၁၄–၁၇။ လုကာ ၅:၃၃–၃၉)
18တလဲင်ႏသားနဝ်ꩻ ဗတ္တိဇံႏ ဆရာႏယောဟန် တပဲ့ဖုံႏတွမ်ႏ ဖါရိသဲဖုံႏနဝ်ꩻ အဝ်ႏသျောင်ႏကံ ထာꩻအံႏနဝ်ꩻသွူ။ လိုꩻယင်ဟန်ႏနဝ်ꩻ လွဉ်ထေ့ ဗွေႏယေသျုထျꩻတဲင် ရီဝွေꩻဗွေႏ၊ “ပွိုးတမုဲင်ꩻ ဗတ္တိဇံႏဆရာႏ ယောဟန်တွမ်ႏ ဖါရိသဲဖုံႏနဝ်ꩻ အဝ်ႏသျောင်ႏကံ ထာꩻအံႏစွဉ်ႏတဲ့ နီဗွေႏလိုꩻဖုံႏနဝ်ꩻ တသျောင်ႏကံတဝ်း နုဲင်းမုဲင်ꩻဟောင်း” နုဲင်းနဝ်ꩻသွူ။
19ဗွေႏယေသျုလဝ်းချာ၊ “သီအဝ်ႏမောင်ꩻ ထဉ်ႏကအဝ်ႏနေက ပွယ်ꩻမင်္ဂလာႏသား စွိုꩻနဝ်ꩻ အီႏသျောင်ႏကံထာꩻအံႏ လꩻနေဟောင်း။ ဝွေꩻသီး အဝ်ႏငီꩻနေက စွဉ်ႏ ခွန်မောင်ႏမန်ႏသမျနဝ်ꩻ ဝွေꩻသီး အီႏသျောင်ႏကံ ထာꩻအံႏ တလꩻတဝ်းနဝ်ꩻသွူ။ 20ကွဲႏတွော့ꩻ ခွန်မောင်ႏ အဝ်ႏဝွေꩻသီးထျꩻ အီႏထန်ႏလွေꩻညာꩻထိုꩻ အနီꩻနဝ်ꩻ အီႏဖျော်လွဉ်၊ တွိုႏနဝ်ꩻမꩻ ဝွေꩻသီး အီႏသျောင်ႏကံလꩻ နဝ်ꩻသွူ။
21“ပိတ်ခဝ်တသာနဝ်ꩻ ပါꩻမုဲင်ꩻတဖြာꩻတဲ့ သွုံꩻပြဝ်ႏလူးတဝ်း ခွမ်ꩻလာꩻယလောင်း၊ ပွိုးတွော့ꩻ ပိတ်ယာႏတသာနဝ်ꩻ အီႏထွို့ꩻငင်ႏထိုꩻတဲင် ခွမ်ꩻလာꩻယနဝ်ꩻ ကယိန်းသဲ့လုဲင်းထဲင်း နဝ်ꩻသွူ။ 22ဝုဲင် တသာနဝ်ꩻ ပါꩻမုဲင်ꩻတဖြာꩻတဲ့ တသော့ꩻတဝ်း တဖြို့ꩻဗူးလီꩻကို၊ ပွိုးတွော့ꩻ ဝုဲင်တသာနဝ်ꩻ အဲင်ႏကုဲင်ထိုꩻ တဖြို့ꩻဗူးလီꩻတဲင် ဝုဲင်စွဉ်ႏ တဖြို့ꩻနီစွိုးနဝ်ꩻ အီႏကုဲင်ထိုꩻ၊ ခလားကသော့ꩻ နုဲင်းနဝ်ꩻနဝ်ꩻ ဝုဲင် တသာနဝ်ꩻ သော့ꩻဗာႏဒျာႏ တဖြို့ꩻဗူး တသာကို” နုဲင်းနဝ်ꩻသွူ။
ရီပွိုင်းဝွို့တွမ်ႏဥပုသ်မွူးနီꩻခရာႏ
(မတဲ ၁၂:၁–၈။ လုကာ ၆:၁–၅)
23 #
ဟော်ꩻ ၂၃:၂၅။ ဥပုသ်မွူးနီꩻ တနီꩻကိုနဝ်ꩻ ဗွေႏယေသျု အဝ်ႏထောင် ဖျတ်ကာႏလွေꩻ ဗွူကလာꩻခြံဖုံႏ ယင်ဟန်ႏသွူ။ နုဲင်းဝွေꩻဗွေႏ တပဲ့တောႏဖုံႏ ကအဝ်ႏထောင်လွေꩻငီꩻ စွဉ်ႏဝွေꩻဗွေႏနဝ်ꩻ ဝွေꩻသီး ဖြွꩻစစွဉ်ႏ ဗွူကလာꩻခြီႏဖုံႏသွူ။ 24နဝ်ꩻမꩻ ဖါရိသဲဖုံႏ ဒေါ့ꩻဖေႏ ဗွေႏယေသျု၊ “ထွားမွိုင်၊ နာꩻတပဲ့ဖုံႏ ကမာꩻဒါႏထာꩻ ဥပုသ်မွူးနီꩻကိုနဝ်ꩻ တလွိုလွဉ်ꩻထိုꩻတဝ်း နီပညတ်ကျမ်ꩻဟောင်း” နုဲင်းနဝ်ꩻသွူ။
25 # ၁သျာ ၂၁:၁–၆။ ဗွေႏယေသျုလဝ်းချာ၊ “နုဲင်းဒါဝိဒ်စိုး ဝွေꩻတွမ်ႏ ဝွေꩻလိုꩻဖုံႏ ထွိုင်ႏဟို့ꩻခိုး ထာꩻအံႏ၊ ဝွေꩻကအဝ်ႏလိုႏဒါႏ ထာꩻအံႏ တစွိုးတမျိုꩻချိန်ႏ ဝွေꩻကမာꩻလဲဉ်းဒါႏနဝ်ꩻ သီတဖတ်ဗာႏဖိုတဝ်း နဲ့ဟောင်း။ 26#ဝိ ၂၄:၉။ ဝွေꩻနွို့လွေꩻသော့ꩻ ဗွေႏဘုရာꩻ လမ်းကိုတဲင် အံႏစွဉ်ႏ တခိုးကပူႏဇောႏဒါႏ ဗွေႏဘုရာꩻနဝ်ꩻသွူ။ ကအဝ်ႏထွာထာꩻ နုဲင်းယိုနဝ်ꩻ ထွာဒျာႏ ယဇ်ပရော ဟိတ် ခွန်အဗျာတာစိုး နဝ်ꩻသွူ။ မဉ်ႏနေးအမဲဉ်ႏနဝ်ꩻ တခိုးယို နီပညတ်ကိုနဝ်ꩻ အံႏထွိုက်ဒျာႏ ယဇ်ပရောဟိတ်ဖုံႏလွုမ်ꩻ နဝ်ꩻသွူ။ ကွဲႏတွော့ꩻ ဒါဝိဒ်အံႏတခိုးနဝ်ꩻတဲင် တခိုးနဝ်ꩻ လဲင်ꩻဖေႏပါက ဝွေꩻလိုꩻဖုံႏ” နုဲင်းနဝ်ꩻသွူ။
27နဝ်ꩻထွူ ဗွေႏယေသျု အွဉ်ႏသွတ်ꩻငဝ်း။ “ဥပုသ်မွူးနီꩻနဝ်ꩻ မာꩻဖေႏလိုꩻဖုံႏ ကဟဝ်အီတာႏဒျာႏ။ လိုꩻနဝ်ꩻ မာꩻဖေႏ ဥပုသ်မွူးနီꩻတာႏ တမွေးတဝ်းသွူ။ 28နဝ်ꩻမꩻ လိုꩻပိုခိုနဝ်ꩻ လဲင်ꩻထွာ ဥပုသ်မွူးနီꩻ အဗွေႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.