မာကု 3
3
ပါꩻစူတပင်သီ
(မတဲ ၁၂:၉–၁၄။ လုကာ ၆:၆–၁၁)
1နဝ်ꩻထွူ ဗွေႏယေသျုသဲင်ꩻချာ တရာꩻစရွပ်၊ နဝ်ꩻကိုနဝ်ꩻ ပါꩻခိုစူ တပင်သီ အဝ်ႏတဖြာꩻသွူ။ 2နဝ်ꩻကို လိုꩻဖုံႏယင်ဟန်ႏနဝ်ꩻ အဝ်ႏမဉ်စွဲꩻတရာꩻ ဗွေႏယေသျု မာꩻမာႏထာꩻနဝ်ꩻသွူ။ နဝ်ꩻမꩻ ဖေႏကထီႏ ဝွေꩻဗွေႏ အီႏလုမ်ꩻလာꩻ မာꩻဟဝ်ဖေႏနေ ပါꩻခို ဥပုသ်မွူးနီꩻကိုနဝ်ꩻ ဝွေꩻသီး အဝ်ႏအုံဗော့ꩻပွေါးထွား ဝွေꩻဗွေႏနဝ်ꩻသွူ။ 3ဗွေႏယေသျု ဒေါ့ꩻဖေႏပါꩻခို၊ “ထင်ႏလွဉ်ငါ ယိုကိုဟုဲင်း၊” နုဲင်းနဝ်ꩻထွူ၊ 4ဝွေꩻဗွေႏရီလိုꩻဖုံႏ၊ “နီပညတ်ကျမ်ꩻနဝ်ꩻ ဥပုသ်မွူးနီꩻကို ဖေႏနီအခွင်ꩻ မာꩻတမုဲင်ꩻဟောင်း။ ဖေႏကစွဲကိုဗာႏနဲ့ မဉ်ႏမွေးတဝ်း ဖေႏကမာꩻဆာဗာႏနဲ့ဟောင်း။ အီႏကယ်ႏဗာႏ ပါꩻတဖြာꩻဖြာꩻ အသက်နဲ့ မဉ်ႏမွေးတဝ်း ဖေႏကမာꩻသီဗာႏနဲ့ဟောင်း” နုဲင်းနဝ်ꩻသွူ။
ကွဲႏတွော့ꩻ ဝွေꩻသီး တဒေါ့ꩻချာတဝ်း တမုဲင်ꩻမုဲင်ꩻသွူ။ 5ဗွေႏယေသျု ထွားခူလွေꩻ ဝွေꩻသီးတွော့ꩻ ဝွေꩻဗွေႏ သꩻလျားထာꩻတဲင် တချိန်ႏချင်ႏ ကွပ်ပွိုး ဝွေꩻသီးနဝ်ꩻ နုတ်ꩻငါႏတဲင် မာႏငါႏဖုံႏအတွက် ဝွေꩻသီးတာႏနဝ်ꩻ ဝွေꩻဗွေႏ သꩻပေႏငါႏသွူ။ ဝွေꩻဗွေႏဒေါ့ꩻဖေႏ ပါꩻခို၊ “ယောင်းစွဉ်ႏထန်ႏ နာꩻစူဟုဲင်း” နုဲင်းနဝ်ꩻသွူ။ ဝွေꩻယောင်းစွဉ်ႏထန်ႏ အစူတဲင် အစူနဝ်ꩻ ဟဝ်ရေꩻလွဉ်ချာယင်းသွူ။ 6နဝ်ꩻမꩻ ဖါရိသဲဖုံႏ အဝ်ႏတရာꩻစရွပ်နဝ်ꩻ ထန်ႏထိုꩻတဲင် တလဲင်ႏချင်ꩻ မော့ꩻခွဲစွဉ်ႏ ဟေရုဒ် အစွုမ်ꩻစွိုꩻသား ယင်ဟန်ႏတွော့ꩻ ဖေႏကမာꩻသီထိုꩻ ဗွေႏယေသျုနဝ်ꩻ ဝွေꩻသီး မာꩻစွဉ်ႏ အစီႏအစဲဉ်ႏနဝ်ꩻသွူ။
လိုꩻအာတစွိုꩻအဝ်ႏလွေꩻထီနောင်ထျꩻ
7ဗွေႏယေသျုတွမ်ႏ ဝွေꩻဗွေႏတပဲ့တောႏဖုံႏ လွေꩻထိုꩻကာလိလဲ ထီနောင်တဲင် လိုꩻစွိုꩻအာဖုံႏ အဝ်ႏလွေꩻလွဉ်ꩻ ဝွေꩻဗွေႏနဝ်ꩻသွူ။ ဝွေꩻသီးနဝ်ꩻ အဝ်ႏကာလိလဲခမ်း၊ အဝ်ႏယုဒခမ်း၊ 8အဝ်ႏဝေင်ꩻယေရုသလမ်ႏ၊ အဝ်ႏဣဒုမဲခမ်း၊ အဝ်ႏယော်ဒန် ထီခြောင်တန် ဖင်ႏကွဉ်ႏ ဟံႏနယ်ႏဖုံႏ၊ အဝ်ႏဝေင်ꩻတုရုတွမ်ႏ ဝေင်ꩻသိဒုန် အသောင်အရင်ꩻ ဝေင်ꩻဖုံႏတဲင် ကွပ်ပွိုး ဝွေꩻသီးဟွိုန် ဝွေꩻဗွေႏကမာꩻဒါႏ ထာꩻဖုံႏအတွက် ဝွေꩻသီးလွဉ် ဗွေႏယေသျုထျꩻနဝ်ꩻသွူ။ 9#မာ ၄:၁၊ လု ၅:၁–၃။ လိုꩻစွိုꩻဖုံႏနဝ်ꩻ ကွပ်ပွိုး အာငါႏနဝ်ꩻမꩻ ဖေႏနေးလိုꩻဖုံႏ ကတွူႏဗာႏမွိုန်း ဝွေꩻဗွေႏနဝ်ꩻ ဗွေႏယေသျုဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ ဖေႏကဖျင်ရဲဉ်ꩻသေꩻမꩻ ဝွေꩻဗွေႏတာႏ ဖြီတဆွိုင်ꩻနဝ်ꩻသွူ။ 10ဝွေꩻဗွေႏလုမ်ꩻလာꩻ မာꩻဟဝ်ဖေႏ လိုꩻအာဖုံႏနဝ်ꩻမꩻ လိုꩻဆာဖုံႏ ကားကအဝ်ႏနဝ်ꩻ အဝ်ႏတနဲဉ်တွူႏ ဖေႏကခွေါင်းဗာႏ ဝွေꩻဗွေႏနဝ်ꩻသွူ။ 11လိုꩻဖုံႏ လူꩻကုဲင် ကစောင်ꩻဒါႏသားဖုံႏ ထီႏဝွေꩻဗွေႏ ချိန်ႏမုဲင်ꩻတရိုꩻတဝ်း ဝွေꩻသီး အွပ်ꩻလင်ꩻ ဝွေꩻဗွေႏဆꩻငါတဲင်၊ “နီဗွေႏနဝ်ꩻထွာ ဗွေႏဘုရာꩻ ပိုခိုတောႏ” ခြဝ်စွဉ်ႏနုဲင်းနဝ်ꩻသွူ။
12ဝွေꩻဗွေႏထွာ ပါꩻမုဲင်ꩻကျောင်ꩻ ဖေႏကဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းဖေႏ ဝိညာဉ်ႏကုဲင်ဖုံႏနဝ်ꩻသွူ။
ဗွေႏယေသျုလွိုက်တမန်ႏတောႏတဆီနီပါꩻ
(မတဲ ၁၀:၁–၄။ လုကာ ၆:၁၂–၁၆)
13နဝ်ꩻထွူ ဗွေႏယေသျုထင်ႏလွေꩻ ကောင်ပူႏပေႏ တဖြုံႏလောင်းတဲင် ဝွေꩻဗွေႏ ကမဉ်ဟဲ့ꩻဒါႏလိုꩻနဝ်ꩻ ဝွေꩻဗွေႏနမ်း ဟဲ့ꩻစွဉ်ႏနဝ်ꩻသွူ။ ဝွေꩻသီးလွဉ်ထေ့ ဝွေꩻဗွေႏထျꩻတဲင်၊ 14ဝွေꩻဗွေႏလွိုက် တဆီနီဖြာꩻ၊ ဝွေꩻဗွေႏ ဖန်ဟဲ့ꩻဖေႏအမဉ်ꩻ တမန်ႏတောႏဖုံႏ နဝ်ꩻသွူ။ ဝွေꩻဗွေႏ ဒေါ့ꩻဖေႏဝွေꩻသီး၊ “ဖေႏကအဝ်ႏငီꩻခွေနဝ်ꩻ ခွေလွိုက်သေꩻခါꩻလဲဉ်းသီ၊ ဖေႏကဟော်ꩻ တရာꩻနဝ်ꩻ ခွေအီႏအွဉ်ႏစွꩻထန်ႏ ပါကသီတဲင်၊ 15ဖေႏကဝါးထန်ႏ လူꩻကုဲင်ဖုံႏနဝ်ꩻ သီအီႏလꩻ အာႏဏာႏတန်ꩻခိုꩻ” နုဲင်းနဝ်ꩻသွူ။
16ဝွေꩻဗွေႏ ကလွိုက်သေꩻခါꩻဒါႏ တဆီနီဖြာꩻယိုနဝ်ꩻ သိမုန် (ဗွေႏယေသျု ကဖေႏဒါႏဝွေꩻမဉ်ꩻ ပေတရု)။ 17ဇေဗေဒဲပိုခိုဖုံႏ၊ ယာကုပ်တွမ်ႏ ဝွေꩻဖူးခိုယောဟန်။ (ဗွေႏယေသျု ကဖေႏဒါႏ ဝွေꩻသီးမဉ်ꩻ ဗောနာဂတ်၊ အဓိပ္ပါယ်ႏနဝ်ꩻ “လိုꩻခမ်းခြွိုင်ꩻ”)။ 18အန္ဒြေ၊ ဖိလိပ္ပု၊ ဗာတောလမဲ၊ မတဲ၊ တောမ၊ အာလဖဲပိုခို ယာကုပ်၊ တဒ္ဒဲ၊ လိုꩻကရက်အခမ်း သိမုန်တွမ်ႏ၊ 19ပါꩻသစ္စာႏကဖေါက်ဒါႏ ဗွေႏယေသျု ယုဒရှာကာရုတ် နဝ်ꩻသွူ။
ဗွေႏယေသျုတွမ်ႏဗေလဇေဗုလ
(မတဲ ၁၂:၂၂–၃၂။ လုကာ ၁၁:၁၄–၂၃။ ၁၂:၁၀)
20နဝ်ꩻထွူ ဗွေႏယေသျု သဲင်ꩻထိုꩻအလမ်းသွူ။ လိုꩻစွိုꩻအာတစွိုꩻ စားနဝ်ꩻဖုံႏနဝ်ꩻ လွဉ်စုဗူႏဖျင်လို့ဝင်ꩻ နဝ်ꩻမꩻ ဗွေႏယေသျုတွမ်ႏ ဝွေꩻဗွေႏ တမန်ႏတောႏဖုံႏ အံႏထာꩻအံႏငါတဲ့ အချိန်ႏတအဲဉ်ထဝ်း နဝ်ꩻသွူ။ 21ဝွေꩻဗွေႏ တမွိုးဖါပိုစွိုꩻဖုံႏ ထွိုင်ႏဟွိုန် ငဝ်းနုဲင်းနဝ်ꩻချိန်ႏ လိုꩻဖုံႏနဝ်ꩻ ကွပ်ပွိုးအဝ်ႏရိုꩻ၊ “ဝွေꩻဗွေႏနဝ်ꩻ သꩻဖေါက်ပြန်ႏလဲဉ်း၊” နုဲင်းနဝ်ꩻအတွက် ဝွေꩻသီးထန်ႏတဲင် အီႏထိန်ꩻဟဝ်ခါꩻစွဉ်ႏ ဝွေꩻဗွေႏသွူ။
22 #
မ ၉:၃၄၊ ၁၀:၂၅။ အဝ်ႏဝေင်ꩻယေရုသလမ်ႏ ကလွဉ်ဒါႏ ကျမ်ꩻဒါႏဆရာႏဖုံႏ ယင်ဟန်ႏနဝ်ꩻရိုꩻ၊ “ဗေလဇေဗုလနဝ်ꩻ အဝ်ႏသော့ꩻလဲဉ်း ဝွေꩻအကို။ နဝ်ꩻနဝ်ꩻထွာ လူꩻကုဲင်ခေါင်ꩻ ကဖေႏဒါႏ ဝွေꩻတန်ꩻခိုꩻ ကဝါးထန်ႏနွောင်ꩻဒါႏ လူꩻကုဲင်ဖုံႏ” နုဲင်းနဝ်ꩻသွူ။
23နဝ်ꩻမꩻဝွေꩻသီးနဝ်ꩻ ဗွေႏယေသျုဟဲ့ꩻလွဉ် ဝွေꩻဗွေႏထျꩻတဲင် ဒေါ့ꩻဖေႏဝွေꩻသီး စွဉ်ႏငဝ်းဥပမာႏဖုံႏနဝ်ꩻသွူ။ “စာႏတန်ႏနဝ်ꩻ အီႏဝါးထန်ႏနွောင်ꩻ စာႏတန်ႏ နုဲင်းမုဲင်ꩻဟောင်း။ 24ခမ်းထီတခမ်း အချင်ꩻချင်ꩻ မဉ်ႏတတဲ့လို့တဝ်း ဝင်ꩻတွော့ꩻ တစွိုꩻတွမ်ႏတစွိုꩻ မဉ်ႏတွိုက်ꩻလို့ဝင်ꩻ ခမ်းထီနဝ်ꩻနဝ်ꩻ အီႏကုဲင်ထိုꩻဒျာႏနဝ်ꩻသွူ။ 25တမွိုးဖါပိုစွိုꩻ မဉ်ႏတတဲ့လို့တဝ်း ဝင်ꩻတွော့ꩻ အချင်ꩻချင်ꩻ မဉ်ႏရွို့ꩻချာလို့ဒျာႏ ဝင်ꩻနဝ်ꩻ တမွိုးဖါပိုစွိုꩻဖုံႏနဝ်ꩻ အီႏကုဲင်ပြင်ꩻထိုꩻဒျာႏသွူ။ 26နဝ်ꩻမꩻ စာႏတန်ႏအခမ်းထီ မဉ်ႏတတဲ့လို့တဝ်းဝင်ꩻ မဉ်ႏတွိုက်ꩻချာလို့ဝင်ꩻနဝ်ꩻ အီႏတခံႏညတဝ်းတဲင် အီႏသွတ်ꩻဝုဲင်ꩻထိုꩻဒျာႏ နဝ်ꩻသွူ။
27“ပါꩻမုဲင်ꩻတဖြာꩻတဲ့ နွို့ရိမ်ထူႏနွောင်ꩻတဝ်း ကလသာꩻ လိုꩻအာႏတလာတဖြာꩻ ကပဲင်ႏဒါႏထာꩻခြိုꩻ ဝွေꩻအလမ်းကို၊ မဉ်ႏစွိုင်လꩻရီးထွူ ကလသာꩻ လိုꩻအာႏတလာနဝ်ꩻမꩻ ဝွေꩻအီႏနွို့ရိမ်ထူႏနွောင်ꩻ ကလသာꩻနဝ်ꩻ အလမ်းသွူ။
28“ခွေဒေါ့ꩻဖေႏသီ အမွေးအမဲဉ်ႏ၊ လိုꩻဖုံႏအပဲစ် ကားကအဝ်ႏစွဉ်ႏ ဝွေꩻသီး ကဒေါ့ꩻကုဲင်ဒါႏထာꩻ ကားကအဝ်ႏနဝ်ꩻ အွဉ်ႏစွꩻလွစ်ဖေႏနွောင်ꩻဒျာႏ ဝွေꩻသီးအပဲစ်ဖုံႏသွူ။ 29#လု ၁၂:၁၀။ ကွဲႏတွော့ꩻ လိုꩻကဒေါ့ꩻကုဲင်ဆန်ဒါႏ ဝိညာဉ်ႏကြောင်းစင်နဝ်ꩻ မုဲင်ꩻခါတဲ့ အီႏတအွဉ်ႏစွꩻလွစ်ဖေႏတဝ်း အပဲစ်၊ ကွပ်ပွိုး ဝွေꩻနဝ်ꩻ ထာဝရ အဝ်ႏပဲစ်မာႏ စွူစွူဒျာႏ အတွက်သွူ။ 30ကွပ်ပွိုး လိုꩻယင်ဟန်ႏသားဖုံႏနဝ်ꩻ အဝ်ႏဒေါ့ꩻ ၊ “ဝွေꩻဗွေႏနဝ်ꩻ ဝိညာဉ်ႏကုဲင် အဝ်ႏသော့ꩻ ဝွေꩻဗွေႏအကို” နုဲင်းနဝ်ꩻအတွက် ဗွေႏယေသျု ဒေါ့ꩻဗာႏ နုဲင်းယိုသွူ။
ဗွေႏယေသျုမွိုးတွမ်ႏအဖူးခိုဖုံႏ
(မတဲ ၁၂:၄၆–၅၀။ လုကာ ၈:၁၉–၂၁)
31နဝ်ꩻထွူ ဗွေႏယေသျု မွိုးတွမ်ႏ ဝွေꩻဗွေႏဖူးခိုဖုံႏနဝ်ꩻ ဖျော်လွဉ်နဝ်ꩻသွူ။ ဝွေꩻသီးအုံထွိုင်ႏ လမ်းကောင်းထန်ႏဖဲ့ꩻတဲင် အွဉ်ႏစွꩻနွို့သော့ꩻ သတင်ꩻဖေႏသားတဖြာꩻ ဖေႏကရီ ဝွေꩻဗွေႏသွူ။ 32လိုꩻတစွိုꩻ အဝ်ႏအုံလင်ꩻခူ ဝွေꩻဗွေႏထျꩻတဲင် ဝွေꩻသီးဒေါ့ꩻဖေႏ ဝွေꩻဗွေႏ၊ “ထွားဟုဲင်း၊ နီဗွေႏမွိုးတွမ်ႏ နီဗွေႏဖူးခိုဖုံႏစွဉ်ႏ ဖူးမူႏဖုံႏ အဝ်ႏအုံထွိုင်ႏထာꩻ ကောင်းထန်ႏဖဲ့ꩻတဲင် ဝွေꩻသီး မဉ်မော့ꩻ နီဗွေႏ” နုဲင်းနဝ်ꩻသွူ။
33ဗွေႏယေသျုလဝ်းချာ၊ “ခွေမွိုး၊ ခွေဖူးခိုဖုံႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻတဲင်၊ 34ဝွေꩻဗွေႏထွား လိုꩻဖုံႏ ကအဝ်ႏအုံလင်ꩻခူဒါႏ ဝွေꩻဗွေႏနဝ်ꩻတဲင်ဒေါ့ꩻ၊ “ထွားဟုဲင်း၊ ယိုနဝ်ꩻ ခွေမွိုး၊ ခွေဖူးခိုဖုံႏဒျာႏ။ 35ပါꩻမုဲင်ꩻမာꩻနုဲင်း ဗွေႏဘုရာꩻ အလိုႏတောႏနဝ်ꩻ ထွာခွေဖူးခို၊ ခွေဖူးမူႏ၊ ခွေမွိုး” နုဲင်းနဝ်ꩻသွူ။
ទើបបានជ្រើសរើសហើយ៖
မာကု 3: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 3
3
ပါꩻစူတပင်သီ
(မတဲ ၁၂:၉–၁၄။ လုကာ ၆:၆–၁၁)
1နဝ်ꩻထွူ ဗွေႏယေသျုသဲင်ꩻချာ တရာꩻစရွပ်၊ နဝ်ꩻကိုနဝ်ꩻ ပါꩻခိုစူ တပင်သီ အဝ်ႏတဖြာꩻသွူ။ 2နဝ်ꩻကို လိုꩻဖုံႏယင်ဟန်ႏနဝ်ꩻ အဝ်ႏမဉ်စွဲꩻတရာꩻ ဗွေႏယေသျု မာꩻမာႏထာꩻနဝ်ꩻသွူ။ နဝ်ꩻမꩻ ဖေႏကထီႏ ဝွေꩻဗွေႏ အီႏလုမ်ꩻလာꩻ မာꩻဟဝ်ဖေႏနေ ပါꩻခို ဥပုသ်မွူးနီꩻကိုနဝ်ꩻ ဝွေꩻသီး အဝ်ႏအုံဗော့ꩻပွေါးထွား ဝွေꩻဗွေႏနဝ်ꩻသွူ။ 3ဗွေႏယေသျု ဒေါ့ꩻဖေႏပါꩻခို၊ “ထင်ႏလွဉ်ငါ ယိုကိုဟုဲင်း၊” နုဲင်းနဝ်ꩻထွူ၊ 4ဝွေꩻဗွေႏရီလိုꩻဖုံႏ၊ “နီပညတ်ကျမ်ꩻနဝ်ꩻ ဥပုသ်မွူးနီꩻကို ဖေႏနီအခွင်ꩻ မာꩻတမုဲင်ꩻဟောင်း။ ဖေႏကစွဲကိုဗာႏနဲ့ မဉ်ႏမွေးတဝ်း ဖေႏကမာꩻဆာဗာႏနဲ့ဟောင်း။ အီႏကယ်ႏဗာႏ ပါꩻတဖြာꩻဖြာꩻ အသက်နဲ့ မဉ်ႏမွေးတဝ်း ဖေႏကမာꩻသီဗာႏနဲ့ဟောင်း” နုဲင်းနဝ်ꩻသွူ။
ကွဲႏတွော့ꩻ ဝွေꩻသီး တဒေါ့ꩻချာတဝ်း တမုဲင်ꩻမုဲင်ꩻသွူ။ 5ဗွေႏယေသျု ထွားခူလွေꩻ ဝွေꩻသီးတွော့ꩻ ဝွေꩻဗွေႏ သꩻလျားထာꩻတဲင် တချိန်ႏချင်ႏ ကွပ်ပွိုး ဝွေꩻသီးနဝ်ꩻ နုတ်ꩻငါႏတဲင် မာႏငါႏဖုံႏအတွက် ဝွေꩻသီးတာႏနဝ်ꩻ ဝွေꩻဗွေႏ သꩻပေႏငါႏသွူ။ ဝွေꩻဗွေႏဒေါ့ꩻဖေႏ ပါꩻခို၊ “ယောင်းစွဉ်ႏထန်ႏ နာꩻစူဟုဲင်း” နုဲင်းနဝ်ꩻသွူ။ ဝွေꩻယောင်းစွဉ်ႏထန်ႏ အစူတဲင် အစူနဝ်ꩻ ဟဝ်ရေꩻလွဉ်ချာယင်းသွူ။ 6နဝ်ꩻမꩻ ဖါရိသဲဖုံႏ အဝ်ႏတရာꩻစရွပ်နဝ်ꩻ ထန်ႏထိုꩻတဲင် တလဲင်ႏချင်ꩻ မော့ꩻခွဲစွဉ်ႏ ဟေရုဒ် အစွုမ်ꩻစွိုꩻသား ယင်ဟန်ႏတွော့ꩻ ဖေႏကမာꩻသီထိုꩻ ဗွေႏယေသျုနဝ်ꩻ ဝွေꩻသီး မာꩻစွဉ်ႏ အစီႏအစဲဉ်ႏနဝ်ꩻသွူ။
လိုꩻအာတစွိုꩻအဝ်ႏလွေꩻထီနောင်ထျꩻ
7ဗွေႏယေသျုတွမ်ႏ ဝွေꩻဗွေႏတပဲ့တောႏဖုံႏ လွေꩻထိုꩻကာလိလဲ ထီနောင်တဲင် လိုꩻစွိုꩻအာဖုံႏ အဝ်ႏလွေꩻလွဉ်ꩻ ဝွေꩻဗွေႏနဝ်ꩻသွူ။ ဝွေꩻသီးနဝ်ꩻ အဝ်ႏကာလိလဲခမ်း၊ အဝ်ႏယုဒခမ်း၊ 8အဝ်ႏဝေင်ꩻယေရုသလမ်ႏ၊ အဝ်ႏဣဒုမဲခမ်း၊ အဝ်ႏယော်ဒန် ထီခြောင်တန် ဖင်ႏကွဉ်ႏ ဟံႏနယ်ႏဖုံႏ၊ အဝ်ႏဝေင်ꩻတုရုတွမ်ႏ ဝေင်ꩻသိဒုန် အသောင်အရင်ꩻ ဝေင်ꩻဖုံႏတဲင် ကွပ်ပွိုး ဝွေꩻသီးဟွိုန် ဝွေꩻဗွေႏကမာꩻဒါႏ ထာꩻဖုံႏအတွက် ဝွေꩻသီးလွဉ် ဗွေႏယေသျုထျꩻနဝ်ꩻသွူ။ 9#မာ ၄:၁၊ လု ၅:၁–၃။ လိုꩻစွိုꩻဖုံႏနဝ်ꩻ ကွပ်ပွိုး အာငါႏနဝ်ꩻမꩻ ဖေႏနေးလိုꩻဖုံႏ ကတွူႏဗာႏမွိုန်း ဝွေꩻဗွေႏနဝ်ꩻ ဗွေႏယေသျုဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ ဖေႏကဖျင်ရဲဉ်ꩻသေꩻမꩻ ဝွေꩻဗွေႏတာႏ ဖြီတဆွိုင်ꩻနဝ်ꩻသွူ။ 10ဝွေꩻဗွေႏလုမ်ꩻလာꩻ မာꩻဟဝ်ဖေႏ လိုꩻအာဖုံႏနဝ်ꩻမꩻ လိုꩻဆာဖုံႏ ကားကအဝ်ႏနဝ်ꩻ အဝ်ႏတနဲဉ်တွူႏ ဖေႏကခွေါင်းဗာႏ ဝွေꩻဗွေႏနဝ်ꩻသွူ။ 11လိုꩻဖုံႏ လူꩻကုဲင် ကစောင်ꩻဒါႏသားဖုံႏ ထီႏဝွေꩻဗွေႏ ချိန်ႏမုဲင်ꩻတရိုꩻတဝ်း ဝွေꩻသီး အွပ်ꩻလင်ꩻ ဝွေꩻဗွေႏဆꩻငါတဲင်၊ “နီဗွေႏနဝ်ꩻထွာ ဗွေႏဘုရာꩻ ပိုခိုတောႏ” ခြဝ်စွဉ်ႏနုဲင်းနဝ်ꩻသွူ။
12ဝွေꩻဗွေႏထွာ ပါꩻမုဲင်ꩻကျောင်ꩻ ဖေႏကဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းဖေႏ ဝိညာဉ်ႏကုဲင်ဖုံႏနဝ်ꩻသွူ။
ဗွေႏယေသျုလွိုက်တမန်ႏတောႏတဆီနီပါꩻ
(မတဲ ၁၀:၁–၄။ လုကာ ၆:၁၂–၁၆)
13နဝ်ꩻထွူ ဗွေႏယေသျုထင်ႏလွေꩻ ကောင်ပူႏပေႏ တဖြုံႏလောင်းတဲင် ဝွေꩻဗွေႏ ကမဉ်ဟဲ့ꩻဒါႏလိုꩻနဝ်ꩻ ဝွေꩻဗွေႏနမ်း ဟဲ့ꩻစွဉ်ႏနဝ်ꩻသွူ။ ဝွေꩻသီးလွဉ်ထေ့ ဝွေꩻဗွေႏထျꩻတဲင်၊ 14ဝွေꩻဗွေႏလွိုက် တဆီနီဖြာꩻ၊ ဝွေꩻဗွေႏ ဖန်ဟဲ့ꩻဖေႏအမဉ်ꩻ တမန်ႏတောႏဖုံႏ နဝ်ꩻသွူ။ ဝွေꩻဗွေႏ ဒေါ့ꩻဖေႏဝွေꩻသီး၊ “ဖေႏကအဝ်ႏငီꩻခွေနဝ်ꩻ ခွေလွိုက်သေꩻခါꩻလဲဉ်းသီ၊ ဖေႏကဟော်ꩻ တရာꩻနဝ်ꩻ ခွေအီႏအွဉ်ႏစွꩻထန်ႏ ပါကသီတဲင်၊ 15ဖေႏကဝါးထန်ႏ လူꩻကုဲင်ဖုံႏနဝ်ꩻ သီအီႏလꩻ အာႏဏာႏတန်ꩻခိုꩻ” နုဲင်းနဝ်ꩻသွူ။
16ဝွေꩻဗွေႏ ကလွိုက်သေꩻခါꩻဒါႏ တဆီနီဖြာꩻယိုနဝ်ꩻ သိမုန် (ဗွေႏယေသျု ကဖေႏဒါႏဝွေꩻမဉ်ꩻ ပေတရု)။ 17ဇေဗေဒဲပိုခိုဖုံႏ၊ ယာကုပ်တွမ်ႏ ဝွေꩻဖူးခိုယောဟန်။ (ဗွေႏယေသျု ကဖေႏဒါႏ ဝွေꩻသီးမဉ်ꩻ ဗောနာဂတ်၊ အဓိပ္ပါယ်ႏနဝ်ꩻ “လိုꩻခမ်းခြွိုင်ꩻ”)။ 18အန္ဒြေ၊ ဖိလိပ္ပု၊ ဗာတောလမဲ၊ မတဲ၊ တောမ၊ အာလဖဲပိုခို ယာကုပ်၊ တဒ္ဒဲ၊ လိုꩻကရက်အခမ်း သိမုန်တွမ်ႏ၊ 19ပါꩻသစ္စာႏကဖေါက်ဒါႏ ဗွေႏယေသျု ယုဒရှာကာရုတ် နဝ်ꩻသွူ။
ဗွေႏယေသျုတွမ်ႏဗေလဇေဗုလ
(မတဲ ၁၂:၂၂–၃၂။ လုကာ ၁၁:၁၄–၂၃။ ၁၂:၁၀)
20နဝ်ꩻထွူ ဗွေႏယေသျု သဲင်ꩻထိုꩻအလမ်းသွူ။ လိုꩻစွိုꩻအာတစွိုꩻ စားနဝ်ꩻဖုံႏနဝ်ꩻ လွဉ်စုဗူႏဖျင်လို့ဝင်ꩻ နဝ်ꩻမꩻ ဗွေႏယေသျုတွမ်ႏ ဝွေꩻဗွေႏ တမန်ႏတောႏဖုံႏ အံႏထာꩻအံႏငါတဲ့ အချိန်ႏတအဲဉ်ထဝ်း နဝ်ꩻသွူ။ 21ဝွေꩻဗွေႏ တမွိုးဖါပိုစွိုꩻဖုံႏ ထွိုင်ႏဟွိုန် ငဝ်းနုဲင်းနဝ်ꩻချိန်ႏ လိုꩻဖုံႏနဝ်ꩻ ကွပ်ပွိုးအဝ်ႏရိုꩻ၊ “ဝွေꩻဗွေႏနဝ်ꩻ သꩻဖေါက်ပြန်ႏလဲဉ်း၊” နုဲင်းနဝ်ꩻအတွက် ဝွေꩻသီးထန်ႏတဲင် အီႏထိန်ꩻဟဝ်ခါꩻစွဉ်ႏ ဝွေꩻဗွေႏသွူ။
22 #
မ ၉:၃၄၊ ၁၀:၂၅။ အဝ်ႏဝေင်ꩻယေရုသလမ်ႏ ကလွဉ်ဒါႏ ကျမ်ꩻဒါႏဆရာႏဖုံႏ ယင်ဟန်ႏနဝ်ꩻရိုꩻ၊ “ဗေလဇေဗုလနဝ်ꩻ အဝ်ႏသော့ꩻလဲဉ်း ဝွေꩻအကို။ နဝ်ꩻနဝ်ꩻထွာ လူꩻကုဲင်ခေါင်ꩻ ကဖေႏဒါႏ ဝွေꩻတန်ꩻခိုꩻ ကဝါးထန်ႏနွောင်ꩻဒါႏ လူꩻကုဲင်ဖုံႏ” နုဲင်းနဝ်ꩻသွူ။
23နဝ်ꩻမꩻဝွေꩻသီးနဝ်ꩻ ဗွေႏယေသျုဟဲ့ꩻလွဉ် ဝွေꩻဗွေႏထျꩻတဲင် ဒေါ့ꩻဖေႏဝွေꩻသီး စွဉ်ႏငဝ်းဥပမာႏဖုံႏနဝ်ꩻသွူ။ “စာႏတန်ႏနဝ်ꩻ အီႏဝါးထန်ႏနွောင်ꩻ စာႏတန်ႏ နုဲင်းမုဲင်ꩻဟောင်း။ 24ခမ်းထီတခမ်း အချင်ꩻချင်ꩻ မဉ်ႏတတဲ့လို့တဝ်း ဝင်ꩻတွော့ꩻ တစွိုꩻတွမ်ႏတစွိုꩻ မဉ်ႏတွိုက်ꩻလို့ဝင်ꩻ ခမ်းထီနဝ်ꩻနဝ်ꩻ အီႏကုဲင်ထိုꩻဒျာႏနဝ်ꩻသွူ။ 25တမွိုးဖါပိုစွိုꩻ မဉ်ႏတတဲ့လို့တဝ်း ဝင်ꩻတွော့ꩻ အချင်ꩻချင်ꩻ မဉ်ႏရွို့ꩻချာလို့ဒျာႏ ဝင်ꩻနဝ်ꩻ တမွိုးဖါပိုစွိုꩻဖုံႏနဝ်ꩻ အီႏကုဲင်ပြင်ꩻထိုꩻဒျာႏသွူ။ 26နဝ်ꩻမꩻ စာႏတန်ႏအခမ်းထီ မဉ်ႏတတဲ့လို့တဝ်းဝင်ꩻ မဉ်ႏတွိုက်ꩻချာလို့ဝင်ꩻနဝ်ꩻ အီႏတခံႏညတဝ်းတဲင် အီႏသွတ်ꩻဝုဲင်ꩻထိုꩻဒျာႏ နဝ်ꩻသွူ။
27“ပါꩻမုဲင်ꩻတဖြာꩻတဲ့ နွို့ရိမ်ထူႏနွောင်ꩻတဝ်း ကလသာꩻ လိုꩻအာႏတလာတဖြာꩻ ကပဲင်ႏဒါႏထာꩻခြိုꩻ ဝွေꩻအလမ်းကို၊ မဉ်ႏစွိုင်လꩻရီးထွူ ကလသာꩻ လိုꩻအာႏတလာနဝ်ꩻမꩻ ဝွေꩻအီႏနွို့ရိမ်ထူႏနွောင်ꩻ ကလသာꩻနဝ်ꩻ အလမ်းသွူ။
28“ခွေဒေါ့ꩻဖေႏသီ အမွေးအမဲဉ်ႏ၊ လိုꩻဖုံႏအပဲစ် ကားကအဝ်ႏစွဉ်ႏ ဝွေꩻသီး ကဒေါ့ꩻကုဲင်ဒါႏထာꩻ ကားကအဝ်ႏနဝ်ꩻ အွဉ်ႏစွꩻလွစ်ဖေႏနွောင်ꩻဒျာႏ ဝွေꩻသီးအပဲစ်ဖုံႏသွူ။ 29#လု ၁၂:၁၀။ ကွဲႏတွော့ꩻ လိုꩻကဒေါ့ꩻကုဲင်ဆန်ဒါႏ ဝိညာဉ်ႏကြောင်းစင်နဝ်ꩻ မုဲင်ꩻခါတဲ့ အီႏတအွဉ်ႏစွꩻလွစ်ဖေႏတဝ်း အပဲစ်၊ ကွပ်ပွိုး ဝွေꩻနဝ်ꩻ ထာဝရ အဝ်ႏပဲစ်မာႏ စွူစွူဒျာႏ အတွက်သွူ။ 30ကွပ်ပွိုး လိုꩻယင်ဟန်ႏသားဖုံႏနဝ်ꩻ အဝ်ႏဒေါ့ꩻ ၊ “ဝွေꩻဗွေႏနဝ်ꩻ ဝိညာဉ်ႏကုဲင် အဝ်ႏသော့ꩻ ဝွေꩻဗွေႏအကို” နုဲင်းနဝ်ꩻအတွက် ဗွေႏယေသျု ဒေါ့ꩻဗာႏ နုဲင်းယိုသွူ။
ဗွေႏယေသျုမွိုးတွမ်ႏအဖူးခိုဖုံႏ
(မတဲ ၁၂:၄၆–၅၀။ လုကာ ၈:၁၉–၂၁)
31နဝ်ꩻထွူ ဗွေႏယေသျု မွိုးတွမ်ႏ ဝွေꩻဗွေႏဖူးခိုဖုံႏနဝ်ꩻ ဖျော်လွဉ်နဝ်ꩻသွူ။ ဝွေꩻသီးအုံထွိုင်ႏ လမ်းကောင်းထန်ႏဖဲ့ꩻတဲင် အွဉ်ႏစွꩻနွို့သော့ꩻ သတင်ꩻဖေႏသားတဖြာꩻ ဖေႏကရီ ဝွေꩻဗွေႏသွူ။ 32လိုꩻတစွိုꩻ အဝ်ႏအုံလင်ꩻခူ ဝွေꩻဗွေႏထျꩻတဲင် ဝွေꩻသီးဒေါ့ꩻဖေႏ ဝွေꩻဗွေႏ၊ “ထွားဟုဲင်း၊ နီဗွေႏမွိုးတွမ်ႏ နီဗွေႏဖူးခိုဖုံႏစွဉ်ႏ ဖူးမူႏဖုံႏ အဝ်ႏအုံထွိုင်ႏထာꩻ ကောင်းထန်ႏဖဲ့ꩻတဲင် ဝွေꩻသီး မဉ်မော့ꩻ နီဗွေႏ” နုဲင်းနဝ်ꩻသွူ။
33ဗွေႏယေသျုလဝ်းချာ၊ “ခွေမွိုး၊ ခွေဖူးခိုဖုံႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻတဲင်၊ 34ဝွေꩻဗွေႏထွား လိုꩻဖုံႏ ကအဝ်ႏအုံလင်ꩻခူဒါႏ ဝွေꩻဗွေႏနဝ်ꩻတဲင်ဒေါ့ꩻ၊ “ထွားဟုဲင်း၊ ယိုနဝ်ꩻ ခွေမွိုး၊ ခွေဖူးခိုဖုံႏဒျာႏ။ 35ပါꩻမုဲင်ꩻမာꩻနုဲင်း ဗွေႏဘုရာꩻ အလိုႏတောႏနဝ်ꩻ ထွာခွေဖူးခို၊ ခွေဖူးမူႏ၊ ခွေမွိုး” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.