မာကု 1
1
ဗတ္တိဇံႏဆရာႏယောဟန်တရာꩻဟော်ꩻချက်
(မတဲ ၃:၁–၁၂၊ လုကာ ၃:၁–၁၈၊ ယောဟန် ၁:၁၉–၂၈။)
1ယိုနဝ်ꩻထွာဒျာႏ ဗွေႏဘုရာꩻ ပိုခိုတောႏ ဗွေႏယေသျု ခရစ်တောႏ အခရာႏ သတင်ꩻဟဝ်သွူ။ 2#မိတ် ၃:၁။ ကျမ်ꩻနဝ်ꩻ စအီစွဉ်ႏ နုဲင်းပရောဖဲစ် ဟေသျာယ ကအဝ်ႏတဲမ်း သေꩻခါꩻလဲဉ်းဒါႏ၊
“ဗွေႏဘုရာꩻမိန်း၊ ‘အီႏဗွောင်ဖေႏ နာꩻတဖူတာႏနဝ်ꩻ
ခွေအီႏအွဉ်ႏစွꩻလွဉ် ရီးဖေႏနာꩻ ခွေသတင်ꩻဖေႏသား။’
3 # ဟေသျာ ၄၀:၃ (LXX)။ ပါꩻတဖြာꩻနဝ်ꩻ အဝ်ႏခြောဝ်သော့ꩻထာꩻ ကန္တာရတခြာကိုနဝ်ꩻ၊
‘ ထာဝရဘုရာꩻတာႏနဝ်ꩻ ဖျင်သေꩻမꩻသွော့ တဖူꩻတန်ဟုဲင်း။
ဝွေꩻဗွေႏ ကအီႏထောင်လွေꩻတာႏနဝ်ꩻ မာꩻစွဉ်ႏဖေႏသွော့ တဖူꩻဟုဲင်း’” နုဲင်းနဝ်ꩻသွူ။
4နဝ်ꩻမꩻ ယောဟန်နဝ်ꩻ ပေါႏလွဉ်သော့ꩻ ကန္တာရတခြာကို၊ ဖေႏဗတ္တိဇံႏ ထီမင်္ဂလာႏတဲင် ဟော်ꩻဖေႏတရာꩻနဝ်ꩻသွူ။ ဝွေꩻဒေါ့ꩻဖေႏ လိုꩻဖုံႏ၊ “အဝ်ႏသီအပဲစ်ဖုံႏကိုနဝ်ꩻ လꩻချာသွော့ ထာꩻကော့ꩻမာႏတွော့ꩻ ခံႏသွော့ဗတ္တိဇံႏ ထီမင်္ဂလာႏ။ နဝ်ꩻမꩻဗွေႏဘုရာꩻ အီႏအွဉ်ႏစွꩻလွစ်ဖေႏ သီအပဲစ်ဖုံႏ” နုဲင်းနဝ်ꩻသွူ။ 5ဖေႏကဟွိုန် ယောဟန်တရာꩻနဝ်ꩻ လိုꩻဖုံႏ အဝ်ႏယုဒနယ်ႏကိုတွမ်ႏ ဝေင်ꩻယေရုသလမ်ႏ ထန်ႏလွေꩻအာငါႏနဝ်ꩻသွူ။ ဝွေꩻသီး ဝွန်ႏခံႏချာ ဝွေꩻသီး အပဲစ်ဖုံႏတဲင် ဝွေꩻဖေႏဝွေꩻသီး ဗတ္တိဇံႏ ထီမင်္ဂလာႏ ယော်ဒန် ထီခြောင်တန်ကိုနဝ်ꩻသွူ။
6 # ၂ရာႏ ၁:၈။ ယောဟန်နဝ်ꩻ ကွဉ်ကꩻခွမ်ꩻလာꩻ ကမာꩻနေးတွမ်ႏ ကလာအုတ်ဆွဉ်ႏဖုံႏ၊ ဝွေꩻစွိုင်ခါꩻ ငင်းဒေင်စီႏ တဖြို့ꩻတဲင် ဝွေꩻထာꩻအံႏနဝ်ꩻ ထွာဒျာႏ ကီးပုဲင်ႏစွဉ်ႏ တမူထီတခြာသွူ။ 7ဝွေꩻကေႏညာႏဖေႏ လိုꩻဖုံႏ၊ “ပါꩻခို ကအီႏကျွꩻလွဉ်ဆုဲင်ꩻ ကယ်ꩻဒါႏခွေနဝ်ꩻ တန်မျတ်ကယ်ꩻက ခွေနဝ်ꩻသွူ။ ခွေအုံလင်ꩻစေငါ ဝွေꩻခင်ႏဖါႏဖြွီꩻဖုံႏငါတဲ့ လဲင်ꩻတထွိုက်တဝ်းသွူ။ 8ခွေနဝ်ꩻဖေႏသီ ဗတ္တိဇံႏ ထီမင်္ဂလာႏ စွဉ်ႏထီ၊ ကွဲႏတွော့ꩻ ဝွေꩻနဝ်ꩻ အီႏဖေႏသီ ဗတ္တိဇံႏမင်္ဂလာꩻ စွဉ်ႏကြောင်းစင် ဝိညာဉ်ႏတောႏ” နုဲင်းနဝ်ꩻသွူ။
ဗွေႏယေသျုခံႏဗတ္တိဇံႏထီမင်္ဂလာႏတွမ်ႏခံႏဗာႏထာꩻသွေꩻကုဲင်
(မတဲ ၃:၁၃—၄:၁၁။ လုကာ ၃:၂၁၊ ၂၂။ ၄:၁–၁၃)
9ဆုဲင်ꩻတပေါႏညတဝ်း ဗွေႏယေသျု အဝ်ႏကာလိလဲနယ်ႏ ဝေင်ꩻနာဇရဲစ်လွဉ် တဲင် ခံႏထူႏ ဗတ္တိဇံႏထီမင်္ဂလာႏ ယောဟန်ထျꩻ ယော်ဒန် ထီခြောင်ကိုသွူ။ 10ဗွေႏယေသျု အဝ်ႏထီကို ထန်ႏလွဉ် တလဲင်ႏချင်ꩻ ဝွေꩻဗွေႏ ထီႏမို့ꩻဗွောင်တဲင် ဝိညာဉ်ႏတောႏ အဝ်ႏကျွꩻလင်ꩻလွဉ် ဝွေꩻဗွေႏလောင်း ဗွိုန်နုဲင်း ဝါးလွီးတဗာႏနဝ်ꩻသွူ။ 11#ကမ္ဘာႏ ၂၂:၂၊ သာ ၂:၇။ ဟေသျာ ၄၂:၁။ မ ၃:၁၇၊ ၁၂:၁၈၊ မာ ၉:၇။ လု ၃:၂၂။ ငဝ်းအဝ်ႏ ခမ်းထီမို့ꩻလောင်း သင်ႏလင်ꩻလွဉ်ထာꩻနဝ်ꩻ၊ “နာꩻနဝ်ꩻထွာ ခွေကရက်ငါႏ ပိုခိုရင်ꩻ။ တွမ်ႏနာꩻနဝ်ꩻ ခွေနစ်သက်ငါႏ” နုဲင်းနဝ်ꩻသွူ။
12တလဲင်ႏချင်ꩻ ဝိညာဉ်ႏတောႏ အွဉ်လွေꩻသော့ꩻ ဝွေꩻဗွေႏ ကန္တာရထာꩻခြာကို၊ 13နဝ်ꩻကို ဝွေꩻဗွေႏအုံ မွူးနီꩻပေါင်ꩻလစ်ꩻဆီ၊ အဝ်ႏခံႏဗာႏ စာႏတန်ႏ သွေꩻကုဲင်နဝ်ꩻသွူ။ ထာꩻသားမီꩻဖုံႏ နဝ်ꩻတဲ့ အဝ်ႏနဝ်ꩻကို၊ ကွဲႏတွော့ꩻ မို့ꩻလောင်းတမန်ႏဖုံႏ ကျွꩻလွဉ်တဲင် စွဲကိုဝွေꩻဗွေႏသွူ။
ဗွေႏယေသျုဟဲ့ꩻစံႏငါးသားဝင်ꩻလစ်ꩻ
(မတဲ ၄:၁၂–၂၂။ လု ၄:၁၄၊ ၁၅။ ၁၅:၁–၁၁)
14ယောဟန်အဝ်ႏခံသော့ꩻ ထောင်ႏကိုထွူ ဗွေႏယေသျု လွေꩻကာလိလဲခမ်းတဲင် ဟော်ꩻဗွေႏဘုရာꩻ သတင်ꩻဟဝ်နဝ်ꩻသွူ။ 15#မ ၃:၂။ ဝွေꩻဗွေႏဒေါ့ꩻ၊ “အချိန်ႏတွိုႏလွဉ်လဲဉ်း၊ ဗွေႏဘုရာꩻ ခမ်းထီနဝ်ꩻ အဝ်ႏဗော့ꩻငါႏလဲဉ်း။ အဝ်ႏသီအပဲစ်ကိုဖုံႏနဝ်ꩻ လꩻချာသွော့ ထာꩻကော့ꩻမာႏတွော့ꩻ ယွုမ်းသွော့ ဗွေႏဘုရာꩻ သတင်ꩻဟဝ်ဟုဲင်း” နုဲင်းနဝ်ꩻသွူ။
16နုဲင်းဗွေႏယေသျု ကအဝ်ႏထောင်လောင်း ကာလိလဲ ထီနောင်ဖင်ႏ ဝွေꩻဗွေႏထီႏ စံႏငါးသား ဝင်ꩻနီ၊ သိမုန်စွဉ်ႏ ဝွေꩻဖူးခို အန္ဒြေနဝ်ꩻ စွဉ်ႏခြယ်တဖွူꩻ အဝ်ႏဆွမ်ꩻထပေႏသွူ။ 17ဗွေႏယေသျု ဒေါ့ꩻဖေႏဝွေꩻသီး၊ “လွေꩻလွဉ်ꩻခွေတွော့ꩻ ဖေႏကဆွမ်ꩻဒါႏ လိုꩻနဝ်ꩻ ခွေအီႏသွဉ်ဖေႏသီ” နုဲင်းနဝ်ꩻသွူ။ 18တလဲင်ႏချင်ꩻ ဝွေꩻသီးအွဉ်ႏကုဲင် ဝွေꩻသီးခြယ်ဖုံႏတဲင် လွေꩻလွဉ်ꩻစွဉ်ႏ ဝွေꩻဗွေႏသွူ။
19ဝွေꩻဗွေႏ လွေꩻငါထဲင်းယင်း တစိꩻတဲင် ထီႏပါꩻတဖူးဝေး အလင်ဝင်ꩻနီ ဇေဗေဒဲပိုခိုဖုံႏ ကထွာယာကုပ်တွမ်ႏ ယောဟန်နဝ်ꩻသွူ။ ဝွေꩻသီးအဝ်ႏသော့ꩻ ဝွေꩻသီးဖြီကို အဝ်ႏဖျင်ရဲဉ်ꩻမꩻ ဝွေꩻသီး ခြယ်ဖုံႏနဝ်ꩻသွူ။ 20ဗွေႏယေသျုထီႏ ဝွေꩻသီးတဲင် တလဲင်ႏချင်ꩻ ဝွေꩻဗွေႏဟဲ့ꩻဝွေꩻသီး၊ ဝွေꩻသီး အွဉ်ႏကုဲင်စွဉ်ႏ ဝွေꩻသီးအဖါ ဇေဗေဒဲစွဉ်ႏ ဝွေꩻသီး လိုꩻစင်းဖုံႏ ဖြီကိုတဲင် လွေꩻလွဉ်ꩻစွဉ်ႏ ဗွေႏယေသျုနဝ်ꩻသွူ။
ဝိညာဉ်ႏကုဲင်ကစောင်ꩻဒါႏလိုꩻခိုတဖြာꩻ
(လုကာ ၄:၃၁–၃၇)
21ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ဖျော်လွဉ် ဝေင်ꩻကပေရနောင်တဲင် ဆုဲင်ꩻဥပုသ်မွူးနီꩻကိုနဝ်ꩻ ဗွေႏယေသျု လွေꩻတရာꩻစရွပ်ကိုတွော့ꩻ သွဉ်သင်စဖေႏစွဉ်ႏ နဝ်ꩻသွူ။ 22#မ ၇:၂၈၊ ၂၉။ လိုꩻဖုံႏကဟွိုန်ဒါႏ ဝွေꩻဗွေႏ ထာꩻသွဉ်သင်နယ်ꩻနဝ်ꩻ ဝွေꩻသီး အံႏဖြာႏငါႏဝွေꩻဗွေႏ၊ ပွိုးဝွေꩻဗွေႏနဝ်ꩻ တဗွိုန်တဝ်း နုဲင်းကျမ်ꩻဒါႏ ဆရာႏဖုံႏသွူ။ ဝွေꩻဗွေႏ သွဉ်သင်နေးဒျာႏ စွဉ်ႏအာႏဏာႏနဝ်ꩻသွူ။
23နဝ်ꩻထွူ ဝိညာဉ်ႏကုဲင် ကစောင်ꩻဒါႏ လိုꩻခိုတဖြာꩻနဝ်ꩻ ဖျော်လွဉ်သော့ꩻ တရာꩻစရွပ်ကိုတဲင် ခြောဝ်အငဝ်း၊ 24“နာဇရဲစ်ဝေင်ꩻသား ယေသျု၊ နာꩻမဉ်မာꩻနီ တမုဲင်ꩻဟောင်း။ နာꩻအီႏ ယားကုဲင်ထိုꩻနီ ယိုကိုဟောင်း။ နာꩻထွာပါꩻမုဲင်ꩻနဝ်ꩻ ခွေအဝ်ႏသေ၊ နာꩻနဝ်ꩻထွာ ဗွေႏဘုရာꩻ ကကြောင်းစင်မျတ်ငါႏ တရာꩻဟော်ꩻသာႏ” နုဲင်းနဝ်ꩻသွူ။
25ဗွေႏယေသျု မိန်းဖေႏဝိညာဉ်ႏ၊ “အုံတေ့ꩻတေ့ꩻ၊ အဝ်ႏပါꩻခိုကိုနဝ်ꩻ ထန်ႏထိုꩻခန်းဟုဲင်း” နုဲင်းနဝ်ꩻသွူ။
26မာꩻတနွော့ꩻ မွေးနေးစွဉ်ႏ ပါꩻခိုတဲင် ခြောဝ်သန်အငဝ်းတွော့ꩻ အဝ်ႏပါꩻခိုကိုနဝ်ꩻ ထန်ႏလွဉ်စွဉ်ႏသွူ။ 27လိုꩻဖုံႏကားကအဝ်ႏနဝ်ꩻ အံႏဖြာႏငါႏတဲင် ဝွေꩻသီး တဖြာꩻစွဉ်ႏတဖြာꩻ ရိုꩻဖေႏလို့ဝင်ꩻ၊ “ယိုနဝ်ꩻ ထွာထာꩻနုဲင်းမုဲင်ꩻဟောင်း။ နဝ်ꩻနဝ်ꩻ ထာꩻသွဉ်သင် တသာ တစွိုးဟောင်း။ ပါꩻခိုယို အာႏဏာႏတန်ꩻခိုꩻနဝ်ꩻ လဲင်ꩻဖေႏနွောင်ꩻနေးစွဉ်ႏ ဝိညာဉ်ႏကုဲင်ဖုံႏ အမိန်းတွော့ꩻ ဝိညာဉ်ႏကုဲင်ဖုံႏနဝ်ꩻ နာႏစွဉ်ႏဝွေꩻငဝ်း နုဲင်းမုဲင်ꩻ” နုဲင်းနဝ်ꩻသွူ။
28နဝ်ꩻမꩻ ဗွေႏယေသျုခရာႏ သတင်ꩻနဝ်ꩻ စွစ်ꩻလီမွိုင်မွေးစွဉ်ႏ ကာလိလဲနယ်ႏကို ခင်ႏလမ်း စွုမ်ႏထွောင်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဖုံႏအာငါႏ
(မတဲ ၈:၁၄–၁၇။ လုကာ ၄:၃၈–၄၁)
29ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ပါစွဉ်ႏယာကုပ် တွမ်ႏယောဟန်နဝ်ꩻ အဝ်ႏတရာꩻစရွပ်ကို ထန်ႏတဲင် လွေꩻစွို့ꩻစွဉ်ႏ သိမုန်တွမ်ႏ အန္ဒြေလမ်းနဝ်ꩻသွူ။ 30သိမုန်အဖီနဝ်ꩻ အဝ်ႏဆော့ထာꩻ အဝ်ႏခင်ႏလမ်းဗေင်ႏကိုတွော့ꩻ နမ်းလျားသန်ငါႏ နဝ်ꩻမꩻ ဗွေႏယေသျု ဖျော်လွဉ်တဲင် တလဲင်ႏချင်ꩻ အွဉ်ႏဒေါ့ꩻနယ်ဆွုမ်ႏဖေႏ ဝွေꩻမူႏခရာႏနဝ်ꩻသွူ။ 31ဝွေꩻဗွေႏ လွေꩻထေ့ဝွေꩻမူႏထျꩻ၊ ခွုမ်ဝွေꩻမူႏစူတဲင် စွီႏထွိုင်ႏစွဉ်ႏ နဝ်ꩻသွူ။ ဝွေꩻမူႏထာꩻဆော့ ရောင်းလင်ႏစွဉ်ႏတဲင် ဝွေꩻမူႏ ခံႏထဉ်ႏဆွုမ်ႏစွဉ်ႏ ဝွေꩻသီးသွူ။
32မွူးထွိုင်ႏနွို့ထွူချိန်ႏ လိုꩻဖုံႏနဝ်ꩻ အီလွဉ်လိုꩻဆော့ဆာဖုံႏ ကားကအဝ်ႏ တွမ်ႏလူꩻကုဲင် ကစောင်ꩻဒါႏ လိုꩻဖုံႏ ဗွေႏယေသျုထျꩻ နဝ်ꩻသွူ။ 33လိုꩻဝေင်ꩻသားဖုံႏ ကားကအဝ်ႏနဝ်ꩻ အုံစုဗူႏလို့ဝင်ꩻ လမ်းဆꩻငါသွူ။ 34လိုꩻဆော့ဆာဖုံႏစွဉ်ႏ ရောႏဂါႏမျိုꩻဖုံႏ ကားကအဝ်ႏနဝ်ꩻ ဗွေႏယေသျု လုမ်ꩻလာꩻဟဝ်တွော့ꩻ လူꩻကုဲင်ကစောင်ꩻဒါႏ လိုꩻဖုံႏနဝ်ꩻ ဝါႏထန်ႏထိုꩻဖေႏ အာငါႏသွူ။ ပွိုးတွော့ꩻ လူꩻကုဲင်ဖုံႏအဝ်ႏသေ ဝွေꩻဗွေႏအတွက် ဝွေꩻဗွေႏ တဖေႏဒေါ့ꩻတဝ်း လူꩻကုဲင်ဖုံႏ တမုဲင်ꩻမုဲင်ꩻနဝ်ꩻသွူ။
ဗွေႏယေသျုသျုဟော်ꩻတရာꩻကာလိလဲခမ်းကို
(လုကာ ၄:၄၂–၄၄)
35တွိုႏဆုဲင်ꩻတရဝ်ꩻ စဝ်းစဝ်း၊ ခလားထာꩻကလေနဝ်ꩻ ဗွေႏယေသျုထွိုင်ႏတဲင် အဝ်ႏလမ်း ထန်ႏလွေꩻနဝ်ꩻသွူ။ ဝွေꩻဗွေႏ အဝ်ႏဝေင်ꩻထန်ႏလွေꩻ ခင်ႏလမ်းယဉ် တထွောင်းတွော့ꩻ၊ နဝ်ꩻကိုနဝ်ꩻ ဝွေꩻဗွေႏ ဆုတောင်ꩻနဝ်ꩻသွူ။ 36ကွဲႏတွော့ꩻ သိမုန်တွမ်ႏ ဝွေꩻသွꩻဖုံႏနဝ်ꩻ ထန်ႏလွေꩻထုမ်ႏ ဝွေꩻဗွေႏတဲင်၊ 37ဝွေꩻသီးထွိုင်ႏမော့ꩻ ဝွေꩻဗွေႏနဝ်ꩻ ဝွေꩻသီးဒေါ့ꩻ၊ “လိုꩻစွုမ်ႏဖြာꩻ အဝ်ႏထုမ်ႏ နီဗွေႏ” နုဲင်းနဝ်ꩻသွူ။
38ကွဲႏတွော့ꩻ ဗွေႏယေသျုလဝ်းချာ၊ “နီအီႏလွေꩻဗာႏ ဒုံအလင်ဖုံႏ ကအဝ်ႏခူဒါႏ ယိုကိုသွူ။ ဝွေꩻသီးနဝ်ꩻတဲ့ ခွေအဝ်ႏလိုႏဟော်ꩻပါက တရာꩻ၊ ကွပ်ပွိုး နုဲင်းနဝ်ꩻမꩻ ခွေကျွꩻလွဉ်ဗာႏ” နုဲင်းနဝ်ꩻသွူ။
39 #
မ ၄:၂၃၊ ၉:၃၅။ နဝ်ꩻမꩻ ဝွေꩻဗွေႏထန်ႏတဖူꩻ ကာလိလဲ တခမ်းလွုမ်းတွော့ꩻ၊ အဝ်ႏဟော်ꩻသော့ꩻဖေႏတရာꩻ တရာꩻစရွပ်ကိုဖုံႏတဲင် ဝါးထန်ႏဖေႏ လူꩻကုဲင်ဖုံႏနဝ်ꩻသွူ။
ဗွေႏယေသျုလုမ်ꩻလာꩻဟဝ်ဖေႏလိုꩻခိုတဖြာꩻ
(မတဲ ၈:၁–၄။ လုကာ ၅:၁၂–၁၆)
40ပါꩻခိုတဖြာꩻ ကအဝ်ႏခံႏစာꩻဗာႏ အတွတ်ꩻရောႏဂါႏနဝ်ꩻ လွဉ်ထေ့ ဗွေႏယေသျုထျꩻတဲင် ဖေႏကစွဲကိုနဝ်ꩻ အုံအွပ်ꩻလင်ꩻ တောင်ꩻပြန်ႏ ဝွေꩻဗွေႏနဝ်ꩻသွူ။ ဝွေꩻဒေါ့ꩻ၊ “နီဗွေႏအလိုႏတောႏ မဉ်ႏအဝ်ႏနဝ်ꩻ၊ နီဗွေႏ မာꩻကြောင်းစင်နွောင်ꩻ ခွေသွဉ်း” နုဲင်းနဝ်ꩻသွူ။
41ဗွေႏယေသျုနဝ်ꩻ အဝ်ႏဗွေစွဉ်ႏ ထာꩻသညင်ꩻတဲင် ယောင်းထန်ႏ အစူတောႏတွော့ꩻ ခွိုင်းစွဉ်ႏဝွေꩻနဝ်ꩻသွူ။ ဝွေꩻဗွေႏ လဝ်းချာ၊ “ခွေအလိုႏတောႏအဝ်ႏ၊ ကြောင်းစင်ဟုဲင်း” နုဲင်းနဝ်ꩻသွူ။ 42တလဲင်ႏချင်ꩻ ပါꩻခိုနဝ်ꩻ ရောႏဂါႏထိုꩻမားစွဉ်ႏတဲင် ဝွေꩻကြောင်းစင် စွဉ်ႏနဝ်ꩻသွူ။ 43နဝ်ꩻထွူ ဗွေႏယေသျု မိန်းခြေင်းဖေႏဝွေꩻတဲင် အွဉ်ႏစွꩻလွေꩻညာꩻစွဉ်ႏဝွေꩻ တလဲင်ႏချင်ꩻတွော့ꩻ 44#ဝိ ၁၄:၁–၃၂။ ဒေါ့ꩻဖေႏဝွေꩻ၊ “နာႏသွော့၊ ယိုခရာႏနဝ်ꩻ တွမ်ႏဒေါ့ꩻနယ်မွိုန်း ပါꩻမုဲင်ꩻ တဖြာꩻဖြာꩻဟုဲင်း။ ကွဲႏတွော့ꩻ လွေꩻစွဉ်ႏစွဉ်ႏ ယဇ်ပရောဟိတ်ထျꩻတွော့ꩻ အွဉ်ႏဝွေꩻစဲစ်ထွား နာꩻဟုဲင်း။ နာꩻဟဝ်လဲဉ်းကျောင်ꩻ ဖေႏနေးကထွာ လိုꩻစွုမ်ႏဖြာꩻသက်သေႏ၊ နုဲင်းမောသေ ကပညတ်ခါꩻအတွိုင်ꩻ ပူႏဇောႏသွော့ ယဇ်ထာꩻပူႏဇောႏ” နုဲင်းနဝ်ꩻသွူ။
45ကွဲႏတွော့ꩻ ပါꩻခိုနဝ်ꩻ လွေꩻညာꩻစွဉ်ႏတဲင် အွဉ်ႏစွစ်ꩻလီစစွဉ်ႏ သတင်ꩻ ခင်ႏလမ်း စွုမ်ႏထွောင်းနဝ်ꩻသွူ။ ဝွေꩻဒေါ့ꩻအာငါႏလွဉ်ꩻထာꩻ နဝ်ꩻမꩻ ဗွေႏယေသျု နွို့ထင်ႏသျာꩻ ဗွန်ႏတဝ်းတောဒွုမ် ဝေင်ꩻကို လိုꩻအမျာꩻခြာနဝ်ꩻသွူ။ ဝွေꩻဗွေႏအုံ ဝေင်ꩻကောင်းထန်ႏ ခင်ႏလမ်းယဉ်ကိုတဲင် လိုꩻဖုံႏ အဝ်ႏခမ်းစွုမ်ႏထွောင်းနဝ်ꩻ လွဉ်ထေ့စွဉ်ႏ ဝွေꩻဗွေႏထျꩻသွူ။
ទើបបានជ្រើសរើសហើយ៖
မာကု 1: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 1
1
ဗတ္တိဇံႏဆရာႏယောဟန်တရာꩻဟော်ꩻချက်
(မတဲ ၃:၁–၁၂၊ လုကာ ၃:၁–၁၈၊ ယောဟန် ၁:၁၉–၂၈။)
1ယိုနဝ်ꩻထွာဒျာႏ ဗွေႏဘုရာꩻ ပိုခိုတောႏ ဗွေႏယေသျု ခရစ်တောႏ အခရာႏ သတင်ꩻဟဝ်သွူ။ 2#မိတ် ၃:၁။ ကျမ်ꩻနဝ်ꩻ စအီစွဉ်ႏ နုဲင်းပရောဖဲစ် ဟေသျာယ ကအဝ်ႏတဲမ်း သေꩻခါꩻလဲဉ်းဒါႏ၊
“ဗွေႏဘုရာꩻမိန်း၊ ‘အီႏဗွောင်ဖေႏ နာꩻတဖူတာႏနဝ်ꩻ
ခွေအီႏအွဉ်ႏစွꩻလွဉ် ရီးဖေႏနာꩻ ခွေသတင်ꩻဖေႏသား။’
3 # ဟေသျာ ၄၀:၃ (LXX)။ ပါꩻတဖြာꩻနဝ်ꩻ အဝ်ႏခြောဝ်သော့ꩻထာꩻ ကန္တာရတခြာကိုနဝ်ꩻ၊
‘ ထာဝရဘုရာꩻတာႏနဝ်ꩻ ဖျင်သေꩻမꩻသွော့ တဖူꩻတန်ဟုဲင်း။
ဝွေꩻဗွေႏ ကအီႏထောင်လွေꩻတာႏနဝ်ꩻ မာꩻစွဉ်ႏဖေႏသွော့ တဖူꩻဟုဲင်း’” နုဲင်းနဝ်ꩻသွူ။
4နဝ်ꩻမꩻ ယောဟန်နဝ်ꩻ ပေါႏလွဉ်သော့ꩻ ကန္တာရတခြာကို၊ ဖေႏဗတ္တိဇံႏ ထီမင်္ဂလာႏတဲင် ဟော်ꩻဖေႏတရာꩻနဝ်ꩻသွူ။ ဝွေꩻဒေါ့ꩻဖေႏ လိုꩻဖုံႏ၊ “အဝ်ႏသီအပဲစ်ဖုံႏကိုနဝ်ꩻ လꩻချာသွော့ ထာꩻကော့ꩻမာႏတွော့ꩻ ခံႏသွော့ဗတ္တိဇံႏ ထီမင်္ဂလာႏ။ နဝ်ꩻမꩻဗွေႏဘုရာꩻ အီႏအွဉ်ႏစွꩻလွစ်ဖေႏ သီအပဲစ်ဖုံႏ” နုဲင်းနဝ်ꩻသွူ။ 5ဖေႏကဟွိုန် ယောဟန်တရာꩻနဝ်ꩻ လိုꩻဖုံႏ အဝ်ႏယုဒနယ်ႏကိုတွမ်ႏ ဝေင်ꩻယေရုသလမ်ႏ ထန်ႏလွေꩻအာငါႏနဝ်ꩻသွူ။ ဝွေꩻသီး ဝွန်ႏခံႏချာ ဝွေꩻသီး အပဲစ်ဖုံႏတဲင် ဝွေꩻဖေႏဝွေꩻသီး ဗတ္တိဇံႏ ထီမင်္ဂလာႏ ယော်ဒန် ထီခြောင်တန်ကိုနဝ်ꩻသွူ။
6 # ၂ရာႏ ၁:၈။ ယောဟန်နဝ်ꩻ ကွဉ်ကꩻခွမ်ꩻလာꩻ ကမာꩻနေးတွမ်ႏ ကလာအုတ်ဆွဉ်ႏဖုံႏ၊ ဝွေꩻစွိုင်ခါꩻ ငင်းဒေင်စီႏ တဖြို့ꩻတဲင် ဝွေꩻထာꩻအံႏနဝ်ꩻ ထွာဒျာႏ ကီးပုဲင်ႏစွဉ်ႏ တမူထီတခြာသွူ။ 7ဝွေꩻကေႏညာႏဖေႏ လိုꩻဖုံႏ၊ “ပါꩻခို ကအီႏကျွꩻလွဉ်ဆုဲင်ꩻ ကယ်ꩻဒါႏခွေနဝ်ꩻ တန်မျတ်ကယ်ꩻက ခွေနဝ်ꩻသွူ။ ခွေအုံလင်ꩻစေငါ ဝွေꩻခင်ႏဖါႏဖြွီꩻဖုံႏငါတဲ့ လဲင်ꩻတထွိုက်တဝ်းသွူ။ 8ခွေနဝ်ꩻဖေႏသီ ဗတ္တိဇံႏ ထီမင်္ဂလာႏ စွဉ်ႏထီ၊ ကွဲႏတွော့ꩻ ဝွေꩻနဝ်ꩻ အီႏဖေႏသီ ဗတ္တိဇံႏမင်္ဂလာꩻ စွဉ်ႏကြောင်းစင် ဝိညာဉ်ႏတောႏ” နုဲင်းနဝ်ꩻသွူ။
ဗွေႏယေသျုခံႏဗတ္တိဇံႏထီမင်္ဂလာႏတွမ်ႏခံႏဗာႏထာꩻသွေꩻကုဲင်
(မတဲ ၃:၁၃—၄:၁၁။ လုကာ ၃:၂၁၊ ၂၂။ ၄:၁–၁၃)
9ဆုဲင်ꩻတပေါႏညတဝ်း ဗွေႏယေသျု အဝ်ႏကာလိလဲနယ်ႏ ဝေင်ꩻနာဇရဲစ်လွဉ် တဲင် ခံႏထူႏ ဗတ္တိဇံႏထီမင်္ဂလာႏ ယောဟန်ထျꩻ ယော်ဒန် ထီခြောင်ကိုသွူ။ 10ဗွေႏယေသျု အဝ်ႏထီကို ထန်ႏလွဉ် တလဲင်ႏချင်ꩻ ဝွေꩻဗွေႏ ထီႏမို့ꩻဗွောင်တဲင် ဝိညာဉ်ႏတောႏ အဝ်ႏကျွꩻလင်ꩻလွဉ် ဝွေꩻဗွေႏလောင်း ဗွိုန်နုဲင်း ဝါးလွီးတဗာႏနဝ်ꩻသွူ။ 11#ကမ္ဘာႏ ၂၂:၂၊ သာ ၂:၇။ ဟေသျာ ၄၂:၁။ မ ၃:၁၇၊ ၁၂:၁၈၊ မာ ၉:၇။ လု ၃:၂၂။ ငဝ်းအဝ်ႏ ခမ်းထီမို့ꩻလောင်း သင်ႏလင်ꩻလွဉ်ထာꩻနဝ်ꩻ၊ “နာꩻနဝ်ꩻထွာ ခွေကရက်ငါႏ ပိုခိုရင်ꩻ။ တွမ်ႏနာꩻနဝ်ꩻ ခွေနစ်သက်ငါႏ” နုဲင်းနဝ်ꩻသွူ။
12တလဲင်ႏချင်ꩻ ဝိညာဉ်ႏတောႏ အွဉ်လွေꩻသော့ꩻ ဝွေꩻဗွေႏ ကန္တာရထာꩻခြာကို၊ 13နဝ်ꩻကို ဝွေꩻဗွေႏအုံ မွူးနီꩻပေါင်ꩻလစ်ꩻဆီ၊ အဝ်ႏခံႏဗာႏ စာႏတန်ႏ သွေꩻကုဲင်နဝ်ꩻသွူ။ ထာꩻသားမီꩻဖုံႏ နဝ်ꩻတဲ့ အဝ်ႏနဝ်ꩻကို၊ ကွဲႏတွော့ꩻ မို့ꩻလောင်းတမန်ႏဖုံႏ ကျွꩻလွဉ်တဲင် စွဲကိုဝွေꩻဗွေႏသွူ။
ဗွေႏယေသျုဟဲ့ꩻစံႏငါးသားဝင်ꩻလစ်ꩻ
(မတဲ ၄:၁၂–၂၂။ လု ၄:၁၄၊ ၁၅။ ၁၅:၁–၁၁)
14ယောဟန်အဝ်ႏခံသော့ꩻ ထောင်ႏကိုထွူ ဗွေႏယေသျု လွေꩻကာလိလဲခမ်းတဲင် ဟော်ꩻဗွေႏဘုရာꩻ သတင်ꩻဟဝ်နဝ်ꩻသွူ။ 15#မ ၃:၂။ ဝွေꩻဗွေႏဒေါ့ꩻ၊ “အချိန်ႏတွိုႏလွဉ်လဲဉ်း၊ ဗွေႏဘုရာꩻ ခမ်းထီနဝ်ꩻ အဝ်ႏဗော့ꩻငါႏလဲဉ်း။ အဝ်ႏသီအပဲစ်ကိုဖုံႏနဝ်ꩻ လꩻချာသွော့ ထာꩻကော့ꩻမာႏတွော့ꩻ ယွုမ်းသွော့ ဗွေႏဘုရာꩻ သတင်ꩻဟဝ်ဟုဲင်း” နုဲင်းနဝ်ꩻသွူ။
16နုဲင်းဗွေႏယေသျု ကအဝ်ႏထောင်လောင်း ကာလိလဲ ထီနောင်ဖင်ႏ ဝွေꩻဗွေႏထီႏ စံႏငါးသား ဝင်ꩻနီ၊ သိမုန်စွဉ်ႏ ဝွေꩻဖူးခို အန္ဒြေနဝ်ꩻ စွဉ်ႏခြယ်တဖွူꩻ အဝ်ႏဆွမ်ꩻထပေႏသွူ။ 17ဗွေႏယေသျု ဒေါ့ꩻဖေႏဝွေꩻသီး၊ “လွေꩻလွဉ်ꩻခွေတွော့ꩻ ဖေႏကဆွမ်ꩻဒါႏ လိုꩻနဝ်ꩻ ခွေအီႏသွဉ်ဖေႏသီ” နုဲင်းနဝ်ꩻသွူ။ 18တလဲင်ႏချင်ꩻ ဝွေꩻသီးအွဉ်ႏကုဲင် ဝွေꩻသီးခြယ်ဖုံႏတဲင် လွေꩻလွဉ်ꩻစွဉ်ႏ ဝွေꩻဗွေႏသွူ။
19ဝွေꩻဗွေႏ လွေꩻငါထဲင်းယင်း တစိꩻတဲင် ထီႏပါꩻတဖူးဝေး အလင်ဝင်ꩻနီ ဇေဗေဒဲပိုခိုဖုံႏ ကထွာယာကုပ်တွမ်ႏ ယောဟန်နဝ်ꩻသွူ။ ဝွေꩻသီးအဝ်ႏသော့ꩻ ဝွေꩻသီးဖြီကို အဝ်ႏဖျင်ရဲဉ်ꩻမꩻ ဝွေꩻသီး ခြယ်ဖုံႏနဝ်ꩻသွူ။ 20ဗွေႏယေသျုထီႏ ဝွေꩻသီးတဲင် တလဲင်ႏချင်ꩻ ဝွေꩻဗွေႏဟဲ့ꩻဝွေꩻသီး၊ ဝွေꩻသီး အွဉ်ႏကုဲင်စွဉ်ႏ ဝွေꩻသီးအဖါ ဇေဗေဒဲစွဉ်ႏ ဝွေꩻသီး လိုꩻစင်းဖုံႏ ဖြီကိုတဲင် လွေꩻလွဉ်ꩻစွဉ်ႏ ဗွေႏယေသျုနဝ်ꩻသွူ။
ဝိညာဉ်ႏကုဲင်ကစောင်ꩻဒါႏလိုꩻခိုတဖြာꩻ
(လုကာ ၄:၃၁–၃၇)
21ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ဖျော်လွဉ် ဝေင်ꩻကပေရနောင်တဲင် ဆုဲင်ꩻဥပုသ်မွူးနီꩻကိုနဝ်ꩻ ဗွေႏယေသျု လွေꩻတရာꩻစရွပ်ကိုတွော့ꩻ သွဉ်သင်စဖေႏစွဉ်ႏ နဝ်ꩻသွူ။ 22#မ ၇:၂၈၊ ၂၉။ လိုꩻဖုံႏကဟွိုန်ဒါႏ ဝွေꩻဗွေႏ ထာꩻသွဉ်သင်နယ်ꩻနဝ်ꩻ ဝွေꩻသီး အံႏဖြာႏငါႏဝွေꩻဗွေႏ၊ ပွိုးဝွေꩻဗွေႏနဝ်ꩻ တဗွိုန်တဝ်း နုဲင်းကျမ်ꩻဒါႏ ဆရာႏဖုံႏသွူ။ ဝွေꩻဗွေႏ သွဉ်သင်နေးဒျာႏ စွဉ်ႏအာႏဏာႏနဝ်ꩻသွူ။
23နဝ်ꩻထွူ ဝိညာဉ်ႏကုဲင် ကစောင်ꩻဒါႏ လိုꩻခိုတဖြာꩻနဝ်ꩻ ဖျော်လွဉ်သော့ꩻ တရာꩻစရွပ်ကိုတဲင် ခြောဝ်အငဝ်း၊ 24“နာဇရဲစ်ဝေင်ꩻသား ယေသျု၊ နာꩻမဉ်မာꩻနီ တမုဲင်ꩻဟောင်း။ နာꩻအီႏ ယားကုဲင်ထိုꩻနီ ယိုကိုဟောင်း။ နာꩻထွာပါꩻမုဲင်ꩻနဝ်ꩻ ခွေအဝ်ႏသေ၊ နာꩻနဝ်ꩻထွာ ဗွေႏဘုရာꩻ ကကြောင်းစင်မျတ်ငါႏ တရာꩻဟော်ꩻသာႏ” နုဲင်းနဝ်ꩻသွူ။
25ဗွေႏယေသျု မိန်းဖေႏဝိညာဉ်ႏ၊ “အုံတေ့ꩻတေ့ꩻ၊ အဝ်ႏပါꩻခိုကိုနဝ်ꩻ ထန်ႏထိုꩻခန်းဟုဲင်း” နုဲင်းနဝ်ꩻသွူ။
26မာꩻတနွော့ꩻ မွေးနေးစွဉ်ႏ ပါꩻခိုတဲင် ခြောဝ်သန်အငဝ်းတွော့ꩻ အဝ်ႏပါꩻခိုကိုနဝ်ꩻ ထန်ႏလွဉ်စွဉ်ႏသွူ။ 27လိုꩻဖုံႏကားကအဝ်ႏနဝ်ꩻ အံႏဖြာႏငါႏတဲင် ဝွေꩻသီး တဖြာꩻစွဉ်ႏတဖြာꩻ ရိုꩻဖေႏလို့ဝင်ꩻ၊ “ယိုနဝ်ꩻ ထွာထာꩻနုဲင်းမုဲင်ꩻဟောင်း။ နဝ်ꩻနဝ်ꩻ ထာꩻသွဉ်သင် တသာ တစွိုးဟောင်း။ ပါꩻခိုယို အာႏဏာႏတန်ꩻခိုꩻနဝ်ꩻ လဲင်ꩻဖေႏနွောင်ꩻနေးစွဉ်ႏ ဝိညာဉ်ႏကုဲင်ဖုံႏ အမိန်းတွော့ꩻ ဝိညာဉ်ႏကုဲင်ဖုံႏနဝ်ꩻ နာႏစွဉ်ႏဝွေꩻငဝ်း နုဲင်းမုဲင်ꩻ” နုဲင်းနဝ်ꩻသွူ။
28နဝ်ꩻမꩻ ဗွေႏယေသျုခရာႏ သတင်ꩻနဝ်ꩻ စွစ်ꩻလီမွိုင်မွေးစွဉ်ႏ ကာလိလဲနယ်ႏကို ခင်ႏလမ်း စွုမ်ႏထွောင်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဖုံႏအာငါႏ
(မတဲ ၈:၁၄–၁၇။ လုကာ ၄:၃၈–၄၁)
29ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ပါစွဉ်ႏယာကုပ် တွမ်ႏယောဟန်နဝ်ꩻ အဝ်ႏတရာꩻစရွပ်ကို ထန်ႏတဲင် လွေꩻစွို့ꩻစွဉ်ႏ သိမုန်တွမ်ႏ အန္ဒြေလမ်းနဝ်ꩻသွူ။ 30သိမုန်အဖီနဝ်ꩻ အဝ်ႏဆော့ထာꩻ အဝ်ႏခင်ႏလမ်းဗေင်ႏကိုတွော့ꩻ နမ်းလျားသန်ငါႏ နဝ်ꩻမꩻ ဗွေႏယေသျု ဖျော်လွဉ်တဲင် တလဲင်ႏချင်ꩻ အွဉ်ႏဒေါ့ꩻနယ်ဆွုမ်ႏဖေႏ ဝွေꩻမူႏခရာႏနဝ်ꩻသွူ။ 31ဝွေꩻဗွေႏ လွေꩻထေ့ဝွေꩻမူႏထျꩻ၊ ခွုမ်ဝွေꩻမူႏစူတဲင် စွီႏထွိုင်ႏစွဉ်ႏ နဝ်ꩻသွူ။ ဝွေꩻမူႏထာꩻဆော့ ရောင်းလင်ႏစွဉ်ႏတဲင် ဝွေꩻမူႏ ခံႏထဉ်ႏဆွုမ်ႏစွဉ်ႏ ဝွေꩻသီးသွူ။
32မွူးထွိုင်ႏနွို့ထွူချိန်ႏ လိုꩻဖုံႏနဝ်ꩻ အီလွဉ်လိုꩻဆော့ဆာဖုံႏ ကားကအဝ်ႏ တွမ်ႏလူꩻကုဲင် ကစောင်ꩻဒါႏ လိုꩻဖုံႏ ဗွေႏယေသျုထျꩻ နဝ်ꩻသွူ။ 33လိုꩻဝေင်ꩻသားဖုံႏ ကားကအဝ်ႏနဝ်ꩻ အုံစုဗူႏလို့ဝင်ꩻ လမ်းဆꩻငါသွူ။ 34လိုꩻဆော့ဆာဖုံႏစွဉ်ႏ ရောႏဂါႏမျိုꩻဖုံႏ ကားကအဝ်ႏနဝ်ꩻ ဗွေႏယေသျု လုမ်ꩻလာꩻဟဝ်တွော့ꩻ လူꩻကုဲင်ကစောင်ꩻဒါႏ လိုꩻဖုံႏနဝ်ꩻ ဝါႏထန်ႏထိုꩻဖေႏ အာငါႏသွူ။ ပွိုးတွော့ꩻ လူꩻကုဲင်ဖုံႏအဝ်ႏသေ ဝွေꩻဗွေႏအတွက် ဝွေꩻဗွေႏ တဖေႏဒေါ့ꩻတဝ်း လူꩻကုဲင်ဖုံႏ တမုဲင်ꩻမုဲင်ꩻနဝ်ꩻသွူ။
ဗွေႏယေသျုသျုဟော်ꩻတရာꩻကာလိလဲခမ်းကို
(လုကာ ၄:၄၂–၄၄)
35တွိုႏဆုဲင်ꩻတရဝ်ꩻ စဝ်းစဝ်း၊ ခလားထာꩻကလေနဝ်ꩻ ဗွေႏယေသျုထွိုင်ႏတဲင် အဝ်ႏလမ်း ထန်ႏလွေꩻနဝ်ꩻသွူ။ ဝွေꩻဗွေႏ အဝ်ႏဝေင်ꩻထန်ႏလွေꩻ ခင်ႏလမ်းယဉ် တထွောင်းတွော့ꩻ၊ နဝ်ꩻကိုနဝ်ꩻ ဝွေꩻဗွေႏ ဆုတောင်ꩻနဝ်ꩻသွူ။ 36ကွဲႏတွော့ꩻ သိမုန်တွမ်ႏ ဝွေꩻသွꩻဖုံႏနဝ်ꩻ ထန်ႏလွေꩻထုမ်ႏ ဝွေꩻဗွေႏတဲင်၊ 37ဝွေꩻသီးထွိုင်ႏမော့ꩻ ဝွေꩻဗွေႏနဝ်ꩻ ဝွေꩻသီးဒေါ့ꩻ၊ “လိုꩻစွုမ်ႏဖြာꩻ အဝ်ႏထုမ်ႏ နီဗွေႏ” နုဲင်းနဝ်ꩻသွူ။
38ကွဲႏတွော့ꩻ ဗွေႏယေသျုလဝ်းချာ၊ “နီအီႏလွေꩻဗာႏ ဒုံအလင်ဖုံႏ ကအဝ်ႏခူဒါႏ ယိုကိုသွူ။ ဝွေꩻသီးနဝ်ꩻတဲ့ ခွေအဝ်ႏလိုႏဟော်ꩻပါက တရာꩻ၊ ကွပ်ပွိုး နုဲင်းနဝ်ꩻမꩻ ခွေကျွꩻလွဉ်ဗာႏ” နုဲင်းနဝ်ꩻသွူ။
39 #
မ ၄:၂၃၊ ၉:၃၅။ နဝ်ꩻမꩻ ဝွေꩻဗွေႏထန်ႏတဖူꩻ ကာလိလဲ တခမ်းလွုမ်းတွော့ꩻ၊ အဝ်ႏဟော်ꩻသော့ꩻဖေႏတရာꩻ တရာꩻစရွပ်ကိုဖုံႏတဲင် ဝါးထန်ႏဖေႏ လူꩻကုဲင်ဖုံႏနဝ်ꩻသွူ။
ဗွေႏယေသျုလုမ်ꩻလာꩻဟဝ်ဖေႏလိုꩻခိုတဖြာꩻ
(မတဲ ၈:၁–၄။ လုကာ ၅:၁၂–၁၆)
40ပါꩻခိုတဖြာꩻ ကအဝ်ႏခံႏစာꩻဗာႏ အတွတ်ꩻရောႏဂါႏနဝ်ꩻ လွဉ်ထေ့ ဗွေႏယေသျုထျꩻတဲင် ဖေႏကစွဲကိုနဝ်ꩻ အုံအွပ်ꩻလင်ꩻ တောင်ꩻပြန်ႏ ဝွေꩻဗွေႏနဝ်ꩻသွူ။ ဝွေꩻဒေါ့ꩻ၊ “နီဗွေႏအလိုႏတောႏ မဉ်ႏအဝ်ႏနဝ်ꩻ၊ နီဗွေႏ မာꩻကြောင်းစင်နွောင်ꩻ ခွေသွဉ်း” နုဲင်းနဝ်ꩻသွူ။
41ဗွေႏယေသျုနဝ်ꩻ အဝ်ႏဗွေစွဉ်ႏ ထာꩻသညင်ꩻတဲင် ယောင်းထန်ႏ အစူတောႏတွော့ꩻ ခွိုင်းစွဉ်ႏဝွေꩻနဝ်ꩻသွူ။ ဝွေꩻဗွေႏ လဝ်းချာ၊ “ခွေအလိုႏတောႏအဝ်ႏ၊ ကြောင်းစင်ဟုဲင်း” နုဲင်းနဝ်ꩻသွူ။ 42တလဲင်ႏချင်ꩻ ပါꩻခိုနဝ်ꩻ ရောႏဂါႏထိုꩻမားစွဉ်ႏတဲင် ဝွေꩻကြောင်းစင် စွဉ်ႏနဝ်ꩻသွူ။ 43နဝ်ꩻထွူ ဗွေႏယေသျု မိန်းခြေင်းဖေႏဝွေꩻတဲင် အွဉ်ႏစွꩻလွေꩻညာꩻစွဉ်ႏဝွေꩻ တလဲင်ႏချင်ꩻတွော့ꩻ 44#ဝိ ၁၄:၁–၃၂။ ဒေါ့ꩻဖေႏဝွေꩻ၊ “နာႏသွော့၊ ယိုခရာႏနဝ်ꩻ တွမ်ႏဒေါ့ꩻနယ်မွိုန်း ပါꩻမုဲင်ꩻ တဖြာꩻဖြာꩻဟုဲင်း။ ကွဲႏတွော့ꩻ လွေꩻစွဉ်ႏစွဉ်ႏ ယဇ်ပရောဟိတ်ထျꩻတွော့ꩻ အွဉ်ႏဝွေꩻစဲစ်ထွား နာꩻဟုဲင်း။ နာꩻဟဝ်လဲဉ်းကျောင်ꩻ ဖေႏနေးကထွာ လိုꩻစွုမ်ႏဖြာꩻသက်သေႏ၊ နုဲင်းမောသေ ကပညတ်ခါꩻအတွိုင်ꩻ ပူႏဇောႏသွော့ ယဇ်ထာꩻပူႏဇောႏ” နုဲင်းနဝ်ꩻသွူ။
45ကွဲႏတွော့ꩻ ပါꩻခိုနဝ်ꩻ လွေꩻညာꩻစွဉ်ႏတဲင် အွဉ်ႏစွစ်ꩻလီစစွဉ်ႏ သတင်ꩻ ခင်ႏလမ်း စွုမ်ႏထွောင်းနဝ်ꩻသွူ။ ဝွေꩻဒေါ့ꩻအာငါႏလွဉ်ꩻထာꩻ နဝ်ꩻမꩻ ဗွေႏယေသျု နွို့ထင်ႏသျာꩻ ဗွန်ႏတဝ်းတောဒွုမ် ဝေင်ꩻကို လိုꩻအမျာꩻခြာနဝ်ꩻသွူ။ ဝွေꩻဗွေႏအုံ ဝေင်ꩻကောင်းထန်ႏ ခင်ႏလမ်းယဉ်ကိုတဲင် လိုꩻဖုံႏ အဝ်ႏခမ်းစွုမ်ႏထွောင်းနဝ်ꩻ လွဉ်ထေ့စွဉ်ႏ ဝွေꩻဗွေႏထျꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.