ယောဟန် 17
17
ဗွေႏယေသျုဆုတောင်ꩻဖေႏဝွေꩻဗွေႏတပဲ့တောႏဖုံႏတာႏ
1ဗွေႏယေသျု ဒေါ့ꩻနုဲင်းယိုထွူ ဝွေꩻဗွေႏ ထွားကီထင်ႏ ခမ်းထီမို့ꩻလောင်း တဲင်ဒေါ့ꩻ၊ “ဖါတောႏ၊ အချိန်ႏနားရီး တွိုႏဖျော်လွဉ်လဲဉ်း။ ဖေႏနေး ပိုခိုကမာꩻ တောင်ႏလေဖေႏ နီဖါ ဘွုန်ꩻသရေႏတောႏနဝ်ꩻ ဖေႏသွော့ နီဖါပိုခို အဘွုန်ꩻသရေႏတောႏမွိုင်။ 2လိုꩻနီဗွေႏ ကအပ်သေꩻခါꩻဒါႏ ပိုခိုတောႏ ဖေႏနေး ဝွေꩻကဖေႏနွောင်ꩻ ထာဝရအသက်နဝ်ꩻ နီဗွေႏ ဖေႏလဲဉ်းသွူဝွေꩻ ဩဇာႏအာႏဏာႏ ကအီႏအုပ်လိုꩻဖုံႏ ကားကအဝ်ႏလောင်းနဝ်ꩻသွူ။ 3နဝ်ꩻမꩻ ထာဝရအသက် အဓိပ္ပါယ်ႏနဝ်ꩻ ထွာအီႏသေငါꩻစဲင်း နီဗွေႏ ဗွေႏဘုရာꩻ အစဲစ်အမဲဉ်ႏ တပါꩻလွုမ်ꩻကျောင်ꩻ ဖေႏကသေငါꩻ ဗွေႏယေသျု ခရစ်တောႏ အပါꩻနီဗွေႏ ကအွဉ်ႏစွꩻလွဉ်နဝ်ꩻသွူ။ 4ခွေအွဉ်ႏတောင်ႏလေ ဖေႏလဲဉ်းသွူ နီဗွေႏဘွုန်ꩻတောႏ ဟံႏတန်လောင်းသွူ။ နီဗွေႏ ကဖေႏဒါႏ ခွေထာꩻမာꩻနဝ်ꩻ ခွေမာꩻဖေႏထွူလို့လဲဉ်း။ 5အွိုးဖါတောႏ၊ ခလားကမာꩻ ဟံႏတန်ခါကာႏ ဗွိုန်နုဲင်း ခွေကစံႏစာꩻဗာႏဒါႏ ဘွုန်ꩻသရေႏ နီဗွေႏထျꩻနဝ်ꩻ ယိုခါ နီဗွေႏဆꩻငါ ဖေႏယင်းခွေ ဘွုန်ꩻသရေႏတောႏနဝ်ꩻမွိုင်။
6“ဟံႏတန်လောင်း နီဗွေႏကဖေႏဒါႏခွေ လိုꩻဖုံႏနဝ်ꩻ ခွေအွဉ်ႏသေလဲဉ်း နီဗွေႏသွူ။ ဝွေꩻသီးနဝ်ꩻ နီဗွေႏပဲင်ႏဒျာႏတဲင် ဝွေꩻသီးနဝ်ꩻ နီဗွေႏဖေႏဒျာႏ ခွေသွူ။ ဝွေꩻသီးနဝ်ꩻ လွောက်ꩻနာႏလဲဉ်း နီဗွေႏငဝ်းဖုံႏသွူ။ 7ထာꩻစွုမ်ႏစွိုး နီဗွေႏ ကဖေႏဒါႏခွေနဝ်ꩻ အဝ်ႏဒျာႏ နီဗွေႏထျꩻ လွဉ်ကျောင်ꩻ ယိုခါ ဝွေꩻသီး အဝ်ႏသေသွူ။ 8နီဖါကဖေႏဒါႏ ခွေသတင်ꩻငဝ်းနဝ်ꩻ ခွေဖေႏဝွေꩻသီးတဲင် ဝွေꩻသီး လက္ခံႏလဲဉ်း သတင်ꩻနဝ်ꩻသွူ။ ခွေနဝ်ꩻ အဝ်ႏနီဗွေႏထျꩻ ကျွꩻလွဉ် မွေးဒျာႏကျောင်ꩻ နီဗွေႏ အွဉ်ႏစွꩻလွဉ်ခွေနဝ်ꩻ ဝွေꩻသီးယွုမ်းတဲင် ဝွေꩻသီး အဝ်ႏသေလဲဉ်းသွူ။
9“ခွေဆုတောင်ꩻဖေႏ ဝွေꩻသီးတာႏသွူ။ ခွေဆုတောင်ꩻဖေႏ ကမ္ဘာႏလောက သားဖုံႏတာႏ တမွေးတဝ်း၊ ကွဲႏတွော့ꩻ လိုꩻနီဗွေႏ ကအပ်ဖေႏခွေနဝ်ꩻ အတာႏဒျာႏ၊ ပွိုးဝွေꩻသီးနဝ်ꩻ ဆဲင်ႏတွမ်ႏ နီဗွေႏနဝ်ꩻသွူ။ 10ခွေထာꩻခြိုꩻဖုံႏ ကားကအဝ်ႏနဝ်ꩻ နီဗွေႏပဲင်ႏဒျာႏတဲင် နီဗွေႏထာꩻဖုံႏ ကားကအဝ်ႏနဝ်ꩻတဲ့ ခွေပဲင်ႏဒျာႏတဲင် တွမ်ႏနဝ်ꩻဖုံႏနဝ်ꩻ ခွေဘွုန်ꩻသရေႏတဲ့ တောင်ႏလေလွဉ်အီစွဉ်ႏသွူ။။ 11ယိုခါ ခွေနဝ်ꩻ အဝ်ႏလွဉ်ထေ့ နီဗွေႏထျꩻသွူ၊ ခွေအီႏတအဝ်ႏတဝ်းဒွုမ် ကမ္ဘာႏလောကကို၊ ကွဲႏတွော့ꩻ ဝွေꩻသီးနဝ်ꩻ အဝ်ႏသော့ꩻဒျာႏ ကမ္ဘာႏလောကနဝ်ꩻသွူ။ ကကြောင်းစင်ငါႏ ဖါတောႏ၊ စွဉ်ႏနီဗွေႏ အမဉ်ꩻ နာႏမတန်ꩻခိုꩻ အမဉ်ꩻနာႏမ နီဗွေႏကဖေႏဒါႏ ခွေနဝ်ꩻ အွဉ်ႏလွုမ်းဗဉ်ႏဖေႏသွော့ ဝွေꩻသီးမွိုင်။ နုဲင်းနီဗွေႏတွမ်ႏခွေ ကအဝ်ႏတလွောင်ႏ တဗူႏချင်ႏအတွိုင်ꩻ ဖေႏနေး ဝွေꩻသီးနဝ်ꩻတဲ့ ယံကအဝ်ႏ တလွောင်ႏတဗူႏချင်ႏမွိုင်။ 12#သာ ၄၁:၉၊ ယော ၁၃:၁၈။ နုဲင်းခွေကအဝ်ႏငီꩻနေက ဝွေꩻသီးကျာꩻနဝ်ꩻ စွဉ်ႏနီဗွေႏ အမဉ်ꩻနာႏမတန်ꩻခိုꩻ နီဗွေႏ ကအပ်ဖေႏဒါႏခွေ အမဉ်ꩻတောႏ နာႏမနဝ်ꩻ ခွေအွဉ်ႏ လုမ်းဗဉ်ႏဖေႏလဲဉ်း ဝွေꩻသီးသွူ။ ခွေရဲပွေါးထွားဖေႏ ဝွေꩻသီးတဲင် ဖေႏနေး ကဗွေမဲဉ်ႏလွဉ်ꩻတွမ်ႏ လိတ်ကျမ်ꩻအတွိုင်ꩻ လွိုတဲင်ပါꩻခိုတဖြာꩻ ကအီႏသွုမ်ꩻထိုꩻဗာႏနဝ်ꩻ ဝွေꩻသီးကို တဖြာꩻငါတဲ့ တသွုမ်ꩻထိုꩻ ဗာႏတဝ်းနဝ်ꩻသွူ။ 13ယိုခါနဝ်ꩻ ခွေကျွꩻလွဉ်ထေ့ နီဖါထျꩻတဲင် ဖေႏနေးဝွေꩻသီးသꩻကို ကခံႏစာꩻဗွေဗွေဗာႏ ခွေထာꩻသꩻဟဝ်သꩻရေꩻ ကားကအဝ်ႏနဝ်ꩻ ခွေအဝ်ႏနေက ကမ္ဘာႏလောကကိုကျာꩻ ခွေဒေါ့ꩻဖေႏဗာႏ ငဝ်းနုဲင်းယိုဖုံႏသွူ။ 14နီဗွေႏတရာꩻတောႏနဝ်ꩻ ခွေဖေႏ ဝွေꩻသီးတဲင် ဗွိုန်နုဲင်း ခွေတဆဲင်ႏတဝ်း ကမ္ဘာႏလောကအတွိုင်ꩻ ဝွေꩻသီးနဝ်ꩻတဲ့ တဆဲင်ႏတဝ်း တွမ်ႏကမ္ဘာႏလောကအတွက် ကမ္ဘာႏလောကသားဖုံႏနဝ်ꩻ လွꩻထီႏဝွေꩻသီးသွူ။ 15ဖေႏကထူႏထန်ႏထိုꩻ ဝွေꩻသီး ကမ္ဘာႏလောကကိုတွော့ꩻ ခွေဆုတောင်ꩻ နီဗွေႏ တမွေးတဝ်း၊ ကွဲႏတွော့ꩻ အဝ်ႏထာꩻကုဲင်ကို ဖေႏကအွဉ်ႏလုမ်းဗဉ်ႏဖေႏဝွေꩻသီးနဝ်ꩻ ခွေဆုတောင်ꩻ နီဗွေႏနဝ်ꩻသွူ။ 16နုဲင်းခွေနဝ်ꩻ တဆဲင်ႏတဝ်း ကမ္ဘာႏလောကအတွိုင်ꩻ ဝွေꩻသီးနဝ်ꩻတဲ့ တဆဲင်ႏတဝ်း တွမ်ႏကမ္ဘာႏလောကနဝ်ꩻသွူ။ 17တွမ်ႏသမ္မာႏတရာꩻနဝ်ꩻ ဝွေꩻသီး ဖေႏကဆယ်ꩻကပ် အပ်နီဗွေႏ အနမ်းတာႏသွူ။ နီဖါအငဝ်းနဝ်ꩻ ထွာဒျာႏ သမ္မာႏတရာꩻသွူ။ 18နုဲင်းနီဖါ ကအွဉ်ႏစွꩻလွဉ်ခွေ ကမ္ဘာႏလောကကိုအတွိုင်ꩻ ခွေတဲ့အွဉ်ႏစွꩻသော့ꩻ ဝွေꩻသီး ကမ္ဘာႏလောကကိုသွူ။ 19ပွိုးဒျာႏ ဝွေꩻသီတွက်တာႏ ခွေနမ်းနဝ်ꩻ ခွေဆယ်ꩻကပ်ထင်ႏဖေႏ နီဖါထျꩻ၊ ဖေႏနေး ဝွေꩻသီးနဝ်ꩻတဲ့ တွမ်ႏအမဲဉ်ႏတရာꩻနဝ်ꩻ ယံဖေႏ ကကပ်လူႏထင်ႏ နီဖါဗွေႏနဝ်ꩻသွူ။
20“ခွေဆုတောင်ꩻဖေႏ ဝွေꩻသီးတာႏလွုမ်ꩻ တမွေးတဝ်း၊ ပွိုးဝွေꩻသီး ဟော်ꩻတရာꩻတွော့ꩻ လိုꩻကယွုမ်းဒါႏ ခွေသားဖုံႏ တာႏတဲ့ပါသွူ။ 21ဝွေꩻသီး ကားကအဝ်ႏ ယံဖေႏကအဝ်ႏ တလွောင်ႏတဗူႏချင်ႏနဝ်ꩻ ခွေဆုတောင်ꩻဒျာႏသွူ။ အွိုးဖါတောႏ၊ ဗွိုန်နုဲင်းနီဖါ ကအဝ်ႏသော့ꩻဒျာႏ ခွေကောင်းကို အတွိုင်ꩻ ယံဖေႏ ဝွေꩻသီး ကအဝ်ႏသော့ꩻသွော့ နီအကို။ နီဖါအွဉ်ႏစွꩻလွဉ် ခွေကျောင်ꩻ ဖေႏနေး ကမ္ဘာႏလောကသားဖုံႏ ကယွုမ်းနဝ်ꩻ ယံဖေႏ ဝွေꩻသီး ကအဝ်ႏသွော့ တလွောင်ႏတဗူႏချင်ႏ။ 22ဗွိုန်နုဲင်း နီဖါတွမ်ႏခွေကအဝ်ႏ တလွောင်ႏတဗူႏချင်ႏ အတွိုင်ꩻ၊ ဖေႏနေးဝွေꩻသီး ယံကအဝ်ႏ တလွောင်ႏတဗူႏချင်ႏနဝ်ꩻ ဘွုန်ꩻသရေႏတောႏ ဗွိုန်နုဲင်း နီဖါကဖေႏခွေနဝ်ꩻ ခွေဖေႏဝွေꩻသီးသွူ။ 23ခွေအဝ်ႏသော့ꩻ ဝွေꩻသီးအကိုတဲင် နီဖါအဝ်ႏသော့ꩻ ခွေအကိုအတွိုင်ꩻ ဖေႏနေးဝွေꩻသီး ကအဝ်ႏဗွေစွုံႏလင်ႏ တလွောင်ႏတဗူႏချင်ႏ တွမ်ႏနီဖါနဝ်ꩻ အွဉ်ႏစွꩻလွဉ်ခွေတဲင် နီဖါရက်ဝွေꩻသီး နုဲင်းနီဖါကရက်ခွေ အတွိုင်ꩻနဝ်ꩻ ဖေႏနေး ကမ္ဘာႏလောကသား ယံကသေဗာႏသွူ။
24အွိုးဖါ၊ ဝွေꩻသီးနဝ်ꩻ နီဖါအပ်ဖေႏလဲဉ်းခွေ၊ ခလားကမာꩻ ကမ္ဘာႏလောကခါကာႏ ပွိုးနီဖါ ရက်ခွေတဲင် ဖေႏနေး ဝွေꩻသီး ယံကထီႏ ခွေဘွုန်ꩻသရေႏတောႏ၊ နီဖါကဖေႏဒါႏခွေနဝ်ꩻ ဝွေꩻသီးနဝ်ꩻ ခွေမဉ်အွဉ်ႏငီꩻစွဉ်ႏခွေ၊ အွိုးခွေကအဝ်ႏဒါႏ ခင်ႏလမ်းကိုနဝ်ꩻသွူ။ 25အွိုးဖါတောႏ၊ ကအဝ်ႏဗွေတွမ်ႏ ထာꩻစွို့ꩻစွဉ်ႏတရာꩻ၊ ကမ္ဘာႏလောကသားဖုံႏနဝ်ꩻ တသေငါꩻတဝ်း နီဖါစွဉ်ႏတဲ့ ခွေအဝ်ႏသေဒျာႏ နီဖါတွော့ꩻ နီဖါအွဉ်ႏစွꩻလွဉ် ခွေနဝ်ꩻ လိုꩻယိုဖုံႏ အဝ်ႏသေသွူ။ 26ခွေအကို နီဖါဗွေႏ ကအွဉ်ႏသေꩻခါꩻဒါႏ ထာꩻရက်မေတ္တာႏနဝ်ꩻ ယံဖေႏ ကအဝ်ႏသော့ꩻ ဝွေꩻသီးအကိုတဲင် ယံဖေႏ ခွေနဝ်ꩻတဲ့ ကအဝ်ႏသော့ꩻ ဝွေꩻသီးအကိုနဝ်ꩻ နီဗွေႏခရာႏနဝ်ꩻ ခွေအွဉ်ႏသေလဲဉ်း ဝွေꩻသီး ခွေအီႏအွဉ်ႏသေ သွုပ်သွုပ်ဒွိုန်းကသွူ။
ទើបបានជ្រើសរើសហើយ៖
ယောဟန် 17: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 17
17
ဗွေႏယေသျုဆုတောင်ꩻဖေႏဝွေꩻဗွေႏတပဲ့တောႏဖုံႏတာႏ
1ဗွေႏယေသျု ဒေါ့ꩻနုဲင်းယိုထွူ ဝွေꩻဗွေႏ ထွားကီထင်ႏ ခမ်းထီမို့ꩻလောင်း တဲင်ဒေါ့ꩻ၊ “ဖါတောႏ၊ အချိန်ႏနားရီး တွိုႏဖျော်လွဉ်လဲဉ်း။ ဖေႏနေး ပိုခိုကမာꩻ တောင်ႏလေဖေႏ နီဖါ ဘွုန်ꩻသရေႏတောႏနဝ်ꩻ ဖေႏသွော့ နီဖါပိုခို အဘွုန်ꩻသရေႏတောႏမွိုင်။ 2လိုꩻနီဗွေႏ ကအပ်သေꩻခါꩻဒါႏ ပိုခိုတောႏ ဖေႏနေး ဝွေꩻကဖေႏနွောင်ꩻ ထာဝရအသက်နဝ်ꩻ နီဗွေႏ ဖေႏလဲဉ်းသွူဝွေꩻ ဩဇာႏအာႏဏာႏ ကအီႏအုပ်လိုꩻဖုံႏ ကားကအဝ်ႏလောင်းနဝ်ꩻသွူ။ 3နဝ်ꩻမꩻ ထာဝရအသက် အဓိပ္ပါယ်ႏနဝ်ꩻ ထွာအီႏသေငါꩻစဲင်း နီဗွေႏ ဗွေႏဘုရာꩻ အစဲစ်အမဲဉ်ႏ တပါꩻလွုမ်ꩻကျောင်ꩻ ဖေႏကသေငါꩻ ဗွေႏယေသျု ခရစ်တောႏ အပါꩻနီဗွေႏ ကအွဉ်ႏစွꩻလွဉ်နဝ်ꩻသွူ။ 4ခွေအွဉ်ႏတောင်ႏလေ ဖေႏလဲဉ်းသွူ နီဗွေႏဘွုန်ꩻတောႏ ဟံႏတန်လောင်းသွူ။ နီဗွေႏ ကဖေႏဒါႏ ခွေထာꩻမာꩻနဝ်ꩻ ခွေမာꩻဖေႏထွူလို့လဲဉ်း။ 5အွိုးဖါတောႏ၊ ခလားကမာꩻ ဟံႏတန်ခါကာႏ ဗွိုန်နုဲင်း ခွေကစံႏစာꩻဗာႏဒါႏ ဘွုန်ꩻသရေႏ နီဗွေႏထျꩻနဝ်ꩻ ယိုခါ နီဗွေႏဆꩻငါ ဖေႏယင်းခွေ ဘွုန်ꩻသရေႏတောႏနဝ်ꩻမွိုင်။
6“ဟံႏတန်လောင်း နီဗွေႏကဖေႏဒါႏခွေ လိုꩻဖုံႏနဝ်ꩻ ခွေအွဉ်ႏသေလဲဉ်း နီဗွေႏသွူ။ ဝွေꩻသီးနဝ်ꩻ နီဗွေႏပဲင်ႏဒျာႏတဲင် ဝွေꩻသီးနဝ်ꩻ နီဗွေႏဖေႏဒျာႏ ခွေသွူ။ ဝွေꩻသီးနဝ်ꩻ လွောက်ꩻနာႏလဲဉ်း နီဗွေႏငဝ်းဖုံႏသွူ။ 7ထာꩻစွုမ်ႏစွိုး နီဗွေႏ ကဖေႏဒါႏခွေနဝ်ꩻ အဝ်ႏဒျာႏ နီဗွေႏထျꩻ လွဉ်ကျောင်ꩻ ယိုခါ ဝွေꩻသီး အဝ်ႏသေသွူ။ 8နီဖါကဖေႏဒါႏ ခွေသတင်ꩻငဝ်းနဝ်ꩻ ခွေဖေႏဝွေꩻသီးတဲင် ဝွေꩻသီး လက္ခံႏလဲဉ်း သတင်ꩻနဝ်ꩻသွူ။ ခွေနဝ်ꩻ အဝ်ႏနီဗွေႏထျꩻ ကျွꩻလွဉ် မွေးဒျာႏကျောင်ꩻ နီဗွေႏ အွဉ်ႏစွꩻလွဉ်ခွေနဝ်ꩻ ဝွေꩻသီးယွုမ်းတဲင် ဝွေꩻသီး အဝ်ႏသေလဲဉ်းသွူ။
9“ခွေဆုတောင်ꩻဖေႏ ဝွေꩻသီးတာႏသွူ။ ခွေဆုတောင်ꩻဖေႏ ကမ္ဘာႏလောက သားဖုံႏတာႏ တမွေးတဝ်း၊ ကွဲႏတွော့ꩻ လိုꩻနီဗွေႏ ကအပ်ဖေႏခွေနဝ်ꩻ အတာႏဒျာႏ၊ ပွိုးဝွေꩻသီးနဝ်ꩻ ဆဲင်ႏတွမ်ႏ နီဗွေႏနဝ်ꩻသွူ။ 10ခွေထာꩻခြိုꩻဖုံႏ ကားကအဝ်ႏနဝ်ꩻ နီဗွေႏပဲင်ႏဒျာႏတဲင် နီဗွေႏထာꩻဖုံႏ ကားကအဝ်ႏနဝ်ꩻတဲ့ ခွေပဲင်ႏဒျာႏတဲင် တွမ်ႏနဝ်ꩻဖုံႏနဝ်ꩻ ခွေဘွုန်ꩻသရေႏတဲ့ တောင်ႏလေလွဉ်အီစွဉ်ႏသွူ။။ 11ယိုခါ ခွေနဝ်ꩻ အဝ်ႏလွဉ်ထေ့ နီဗွေႏထျꩻသွူ၊ ခွေအီႏတအဝ်ႏတဝ်းဒွုမ် ကမ္ဘာႏလောကကို၊ ကွဲႏတွော့ꩻ ဝွေꩻသီးနဝ်ꩻ အဝ်ႏသော့ꩻဒျာႏ ကမ္ဘာႏလောကနဝ်ꩻသွူ။ ကကြောင်းစင်ငါႏ ဖါတောႏ၊ စွဉ်ႏနီဗွေႏ အမဉ်ꩻ နာႏမတန်ꩻခိုꩻ အမဉ်ꩻနာႏမ နီဗွေႏကဖေႏဒါႏ ခွေနဝ်ꩻ အွဉ်ႏလွုမ်းဗဉ်ႏဖေႏသွော့ ဝွေꩻသီးမွိုင်။ နုဲင်းနီဗွေႏတွမ်ႏခွေ ကအဝ်ႏတလွောင်ႏ တဗူႏချင်ႏအတွိုင်ꩻ ဖေႏနေး ဝွေꩻသီးနဝ်ꩻတဲ့ ယံကအဝ်ႏ တလွောင်ႏတဗူႏချင်ႏမွိုင်။ 12#သာ ၄၁:၉၊ ယော ၁၃:၁၈။ နုဲင်းခွေကအဝ်ႏငီꩻနေက ဝွေꩻသီးကျာꩻနဝ်ꩻ စွဉ်ႏနီဗွေႏ အမဉ်ꩻနာႏမတန်ꩻခိုꩻ နီဗွေႏ ကအပ်ဖေႏဒါႏခွေ အမဉ်ꩻတောႏ နာႏမနဝ်ꩻ ခွေအွဉ်ႏ လုမ်းဗဉ်ႏဖေႏလဲဉ်း ဝွေꩻသီးသွူ။ ခွေရဲပွေါးထွားဖေႏ ဝွေꩻသီးတဲင် ဖေႏနေး ကဗွေမဲဉ်ႏလွဉ်ꩻတွမ်ႏ လိတ်ကျမ်ꩻအတွိုင်ꩻ လွိုတဲင်ပါꩻခိုတဖြာꩻ ကအီႏသွုမ်ꩻထိုꩻဗာႏနဝ်ꩻ ဝွေꩻသီးကို တဖြာꩻငါတဲ့ တသွုမ်ꩻထိုꩻ ဗာႏတဝ်းနဝ်ꩻသွူ။ 13ယိုခါနဝ်ꩻ ခွေကျွꩻလွဉ်ထေ့ နီဖါထျꩻတဲင် ဖေႏနေးဝွေꩻသီးသꩻကို ကခံႏစာꩻဗွေဗွေဗာႏ ခွေထာꩻသꩻဟဝ်သꩻရေꩻ ကားကအဝ်ႏနဝ်ꩻ ခွေအဝ်ႏနေက ကမ္ဘာႏလောကကိုကျာꩻ ခွေဒေါ့ꩻဖေႏဗာႏ ငဝ်းနုဲင်းယိုဖုံႏသွူ။ 14နီဗွေႏတရာꩻတောႏနဝ်ꩻ ခွေဖေႏ ဝွေꩻသီးတဲင် ဗွိုန်နုဲင်း ခွေတဆဲင်ႏတဝ်း ကမ္ဘာႏလောကအတွိုင်ꩻ ဝွေꩻသီးနဝ်ꩻတဲ့ တဆဲင်ႏတဝ်း တွမ်ႏကမ္ဘာႏလောကအတွက် ကမ္ဘာႏလောကသားဖုံႏနဝ်ꩻ လွꩻထီႏဝွေꩻသီးသွူ။ 15ဖေႏကထူႏထန်ႏထိုꩻ ဝွေꩻသီး ကမ္ဘာႏလောကကိုတွော့ꩻ ခွေဆုတောင်ꩻ နီဗွေႏ တမွေးတဝ်း၊ ကွဲႏတွော့ꩻ အဝ်ႏထာꩻကုဲင်ကို ဖေႏကအွဉ်ႏလုမ်းဗဉ်ႏဖေႏဝွေꩻသီးနဝ်ꩻ ခွေဆုတောင်ꩻ နီဗွေႏနဝ်ꩻသွူ။ 16နုဲင်းခွေနဝ်ꩻ တဆဲင်ႏတဝ်း ကမ္ဘာႏလောကအတွိုင်ꩻ ဝွေꩻသီးနဝ်ꩻတဲ့ တဆဲင်ႏတဝ်း တွမ်ႏကမ္ဘာႏလောကနဝ်ꩻသွူ။ 17တွမ်ႏသမ္မာႏတရာꩻနဝ်ꩻ ဝွေꩻသီး ဖေႏကဆယ်ꩻကပ် အပ်နီဗွေႏ အနမ်းတာႏသွူ။ နီဖါအငဝ်းနဝ်ꩻ ထွာဒျာႏ သမ္မာႏတရာꩻသွူ။ 18နုဲင်းနီဖါ ကအွဉ်ႏစွꩻလွဉ်ခွေ ကမ္ဘာႏလောကကိုအတွိုင်ꩻ ခွေတဲ့အွဉ်ႏစွꩻသော့ꩻ ဝွေꩻသီး ကမ္ဘာႏလောကကိုသွူ။ 19ပွိုးဒျာႏ ဝွေꩻသီတွက်တာႏ ခွေနမ်းနဝ်ꩻ ခွေဆယ်ꩻကပ်ထင်ႏဖေႏ နီဖါထျꩻ၊ ဖေႏနေး ဝွေꩻသီးနဝ်ꩻတဲ့ တွမ်ႏအမဲဉ်ႏတရာꩻနဝ်ꩻ ယံဖေႏ ကကပ်လူႏထင်ႏ နီဖါဗွေႏနဝ်ꩻသွူ။
20“ခွေဆုတောင်ꩻဖေႏ ဝွေꩻသီးတာႏလွုမ်ꩻ တမွေးတဝ်း၊ ပွိုးဝွေꩻသီး ဟော်ꩻတရာꩻတွော့ꩻ လိုꩻကယွုမ်းဒါႏ ခွေသားဖုံႏ တာႏတဲ့ပါသွူ။ 21ဝွေꩻသီး ကားကအဝ်ႏ ယံဖေႏကအဝ်ႏ တလွောင်ႏတဗူႏချင်ႏနဝ်ꩻ ခွေဆုတောင်ꩻဒျာႏသွူ။ အွိုးဖါတောႏ၊ ဗွိုန်နုဲင်းနီဖါ ကအဝ်ႏသော့ꩻဒျာႏ ခွေကောင်းကို အတွိုင်ꩻ ယံဖေႏ ဝွေꩻသီး ကအဝ်ႏသော့ꩻသွော့ နီအကို။ နီဖါအွဉ်ႏစွꩻလွဉ် ခွေကျောင်ꩻ ဖေႏနေး ကမ္ဘာႏလောကသားဖုံႏ ကယွုမ်းနဝ်ꩻ ယံဖေႏ ဝွေꩻသီး ကအဝ်ႏသွော့ တလွောင်ႏတဗူႏချင်ႏ။ 22ဗွိုန်နုဲင်း နီဖါတွမ်ႏခွေကအဝ်ႏ တလွောင်ႏတဗူႏချင်ႏ အတွိုင်ꩻ၊ ဖေႏနေးဝွေꩻသီး ယံကအဝ်ႏ တလွောင်ႏတဗူႏချင်ႏနဝ်ꩻ ဘွုန်ꩻသရေႏတောႏ ဗွိုန်နုဲင်း နီဖါကဖေႏခွေနဝ်ꩻ ခွေဖေႏဝွေꩻသီးသွူ။ 23ခွေအဝ်ႏသော့ꩻ ဝွေꩻသီးအကိုတဲင် နီဖါအဝ်ႏသော့ꩻ ခွေအကိုအတွိုင်ꩻ ဖေႏနေးဝွေꩻသီး ကအဝ်ႏဗွေစွုံႏလင်ႏ တလွောင်ႏတဗူႏချင်ႏ တွမ်ႏနီဖါနဝ်ꩻ အွဉ်ႏစွꩻလွဉ်ခွေတဲင် နီဖါရက်ဝွေꩻသီး နုဲင်းနီဖါကရက်ခွေ အတွိုင်ꩻနဝ်ꩻ ဖေႏနေး ကမ္ဘာႏလောကသား ယံကသေဗာႏသွူ။
24အွိုးဖါ၊ ဝွေꩻသီးနဝ်ꩻ နီဖါအပ်ဖေႏလဲဉ်းခွေ၊ ခလားကမာꩻ ကမ္ဘာႏလောကခါကာႏ ပွိုးနီဖါ ရက်ခွေတဲင် ဖေႏနေး ဝွေꩻသီး ယံကထီႏ ခွေဘွုန်ꩻသရေႏတောႏ၊ နီဖါကဖေႏဒါႏခွေနဝ်ꩻ ဝွေꩻသီးနဝ်ꩻ ခွေမဉ်အွဉ်ႏငီꩻစွဉ်ႏခွေ၊ အွိုးခွေကအဝ်ႏဒါႏ ခင်ႏလမ်းကိုနဝ်ꩻသွူ။ 25အွိုးဖါတောႏ၊ ကအဝ်ႏဗွေတွမ်ႏ ထာꩻစွို့ꩻစွဉ်ႏတရာꩻ၊ ကမ္ဘာႏလောကသားဖုံႏနဝ်ꩻ တသေငါꩻတဝ်း နီဖါစွဉ်ႏတဲ့ ခွေအဝ်ႏသေဒျာႏ နီဖါတွော့ꩻ နီဖါအွဉ်ႏစွꩻလွဉ် ခွေနဝ်ꩻ လိုꩻယိုဖုံႏ အဝ်ႏသေသွူ။ 26ခွေအကို နီဖါဗွေႏ ကအွဉ်ႏသေꩻခါꩻဒါႏ ထာꩻရက်မေတ္တာႏနဝ်ꩻ ယံဖေႏ ကအဝ်ႏသော့ꩻ ဝွေꩻသီးအကိုတဲင် ယံဖေႏ ခွေနဝ်ꩻတဲ့ ကအဝ်ႏသော့ꩻ ဝွေꩻသီးအကိုနဝ်ꩻ နီဗွေႏခရာႏနဝ်ꩻ ခွေအွဉ်ႏသေလဲဉ်း ဝွေꩻသီး ခွေအီႏအွဉ်ႏသေ သွုပ်သွုပ်ဒွိုန်းကသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.