ယောဟန် 16
16
1“ဖေႏနေး သီထာꩻယွုမ်း ကကုဲင်ဗာႏမွိုန်းနဝ်ꩻ ခွေဒေါ့ꩻဖေႏလဲဉ်းသီ နုဲင်းယိုသွူ။ 2အဝ်ႏတရာꩻစရွပ်ကိုဖုံႏနဝ်ꩻ သီအီႏခံႏဗာႏ ဝင်ꩻဝါးထန်ႏထိုꩻ၊ လိုꩻဖုံႏ ကမာꩻသီထိုꩻဒါႏ သီနဝ်ꩻ၊ အီႏထင်းဒျာႏ ဝွေꩻသီး မာꩻဗွေႏဘုရာꩻ အမုထာꩻမာꩻ နုဲင်းယိုအချိန်ႏနဝ်ꩻ အီႏတွိုႏဖျော်လွဉ်သွူ။ 3ပွိုးတွော့ꩻ ဝွေꩻသီး တသေတဝ်း ဖါတောႏတွမ်ႏ ခွေအတွက် လိုꩻဖုံႏ အီႏမာꩻထိုꩻသီ နုဲင်းယိုနဝ်ꩻသွူ။ 4ကွဲႏတွော့ꩻ နုဲင်းခွေကဒေါ့ꩻဖေႏလဲဉ်း သီအတွိုင်ꩻ ဖေႏနေး ဝွေꩻသီးတာႏ ကအီႏမာꩻ ထာꩻနုဲင်းယိုဖုံႏ အချိန်ႏမဉ်ႏဖျော်လွဉ်နဝ်ꩻ ဖေႏနေး သီကယူႏလꩻချာနဝ်ꩻ ခွေဒေါ့ꩻဖေႏလဲဉ်း သီနုဲင်းယိုသွူ။
ကြောင်းစင်ဝိညာဉ်ႏတောႏထာꩻမာꩻ
“ပွိုးခွေအဝ်ႏငီꩻက တွမ်ႏသီနဝ်ꩻမꩻ အစကာႏ ထာꩻယိုဖုံႏခရာႏနဝ်ꩻ ခွေတဒေါ့ꩻနယ်တဝ်း သီနဝ်ꩻသွူ။ 5ကွဲႏတွော့ꩻ ယိုခါ ခွေအဝ်ႏလွေꩻထေ့ ဗွေႏ၊ ကအွဉ်ႏစွꩻလွဉ်ခွေ နဝ်ꩻအထျꩻ။ ကွဲႏတွော့ꩻ ခွေအီႏလွေꩻ မုဲင်ꩻကိုနဝ်ꩻ သီတဖြာꩻငါတဲ့ တရီတဝ်းခွေသွူ။ 6ယိုခါ ခွေဒေါ့ꩻဖေႏ သီနဝ်ꩻမꩻ သီသꩻကို အဝ်ႏဗွေစွဉ်ႏ ထာꩻသꩻပေႏဖုံႏသွူ။ 7ကွဲႏတွော့ꩻ ခွေဒေါ့ꩻဖေႏသီ အမွေးအမဲဉ်ႏ၊ သီတာႏ ခွေမဉ်ႏလွေꩻညာꩻထိုꩻနဝ်ꩻ ကယိန်းဟဝ်ထဲင်း၊ ပွိုးတွော့ꩻ ခွေမဉ်ႏတလွေꩻတဝ်းနဝ်ꩻ ကောစွဲကိုသား အီႏတလွဉ်ထေ့တဝ်း သီထျꩻနဝ်ꩻသွူ။ ကွဲႏတွော့ꩻ ခွေမဉ်ႏ လွေꩻညာꩻထိုꩻထွူ ဝွေꩻဗွေႏနဝ်ꩻ ခွေအီႏအွဉ်ႏစွꩻလွဉ် သီထျꩻသွူ။ 8ဝွေꩻဗွေႏ ထွိုင်ႏကျွꩻလွဉ်ချိန်ႏနဝ်ꩻ ဝွေꩻသီး ကအဝ်ႏမာꩻမာႏဒါႏ အပဲစ်ခရာႏစွဉ်ႏ နုဲင်းထာꩻအမဲဉ်ႏတရာꩻ ခရာႏတွမ်ႏ ဗွေႏဘုရာꩻ ထာꩻစီႏရင်ႏခရာႏနဝ်ꩻ ဝွေꩻဗွေႏအီႏခံႏဖေႏ လိုꩻကမ္ဘာႏ လောကသားဖုံႏ သက်သေႏနဝ်ꩻသွူ။ 9ပွိုးတွော့ꩻ ဝွေꩻသီး တယွုမ်းတဝ်း ခွေနဝ်ꩻမꩻ ဝွေꩻသီး အဝ်ႏမာꩻမာႏဒျာႏ အပဲစ်ခရာႏသွူ။ 10နုဲင်းထာꩻအမဲဉ်ႏတရာꩻနဝ်ꩻ ဝွေꩻသီး အဝ်ႏမာꩻဒျာႏအမာႏ ပွိုးတွော့ꩻခွေနဝ်ꩻ အဝ်ႏကျွꩻလွေꩻ ဖါတောႏထျꩻနဝ်ꩻမꩻ သီအီႏတထီႏထဲင်း ဗာႏတဝ်းဒွုမ် ခွေနဝ်ꩻသွူ။ 11ပွိုးတွော့ꩻ ကအုပ်စိုꩻဒါႏ ဟံႏတန် လောကသားနဝ်ꩻ အဝ်ႏမော့ꩻလဲဉ်း ထာꩻစီႏရင်ႏအတွက် ဝွေꩻသီးအဝ်ႏမာꩻဒျာႏ ထာꩻစီႏရင်ႏခရာႏနဝ်ꩻသွူ။
12“ခွေအဝ်ႏလိုႏ ဒေါ့ꩻနယ်ဖေႏသီနဝ်ꩻ အဝ်ႏအာငါႏဒွိုန်းက၊ ကွဲႏတွော့ꩻ ယိုခါသီတာႏ ကအီႏနာႏခံႏဗာႏနဝ်ꩻ ယပ်ꩻငါႏလွဉ်ꩻနဝ်ꩻသွူ။ 13ကွဲႏတွော့ꩻ ဝိညာဉ်ႏတောႏ ထွိုင်ႏကျွꩻလွဉ်ချိန်ႏနဝ်ꩻ အအီႏဖေါႏနယ်ဖေႏ ဗွေႏဘုရာꩻ သမ္မာႏတရာꩻ ခရာႏနဝ်ꩻသွူ။ ဝွေꩻဗွေႏနဝ်ꩻ အီႏအွဉ်လွေꩻသော့ꩻသီ သမ္မာႏတရာꩻ ကားကအဝ်ႏကိုနဝ်ꩻသွူ။ ဝွေꩻဗွေႏ အီႏဒေါ့ꩻအီတဝ်းစွဥ်ႏ ဝွေꩻဗွေႏ အာႏဏာႏနဝ်ꩻသွူ။ ကွဲႏတွော့ꩻ ဝွေꩻဗွေႏ အီႏဒေါ့ꩻဒျာႏ နုဲင်းဝွေꩻဗွေႏ ကဟွိုန်ဗာႏလဲဉ်းဖုံႏတွော့ꩻ အီႏဒေါ့ꩻနယ်ဒျာႏသီ ထာꩻကအီႏထွာလွဉ်ဒါႏ ခရာႏဖုံႏနဝ်ꩻသွူ။ 14ပွိုးတွော့ꩻ နုဲင်းခွေကရိုꩻဖုံႏနဝ်ꩻ ဝွေꩻဗွေႏ အီႏထူႏတဲင် ဒေါ့ꩻနယ်ဖေႏဒျာႏသီ နဝ်ꩻမꩻ ဝွေꩻဗွေႏ အီႏဖေႏခွေ ဘွုန်ꩻသရေႏတောႏသွူ။ 15ခွေဖါတောႏထျꩻ ထာꩻကားကအဝ်ႏနဝ်ꩻ ထွာဒျာႏခွေထာꩻဖုံႏသွူ၊ နဝ်ꩻမꩻ ဝိညာဉ်ႏတောႏနဝ်ꩻ အီႏထူႏဒျာႏ နုဲင်းခွေကဖေႏ ဝွေꩻနဝ်ꩻတဲင် အီႏဒေါ့ꩻနယ်ဖေႏသီ နဝ်ꩻသွူ။
ထာꩻသꩻပေႏစွဉ်ႏထာꩻသꩻဟဝ်သꩻရေꩻ
16“အုံတဆင်ႏပေႏကျာꩻနဝ်ꩻ သီအီႏတထီႏထဲင်း ဗာႏတဝ်းဒွုမ်ခွေတဲင် ဆုဲင်ꩻနဝ်ꩻ အုံထဲင်းတဆင်ႏပေႏကျာꩻ သီအီႏထီႏဗာႏဖျင်ခွေ” နုဲင်းနဝ်ꩻသွူ။
17ဝွေꩻဗွေႏ တပဲ့တောႏဖုံႏ ယင်ဟန်ႏနဝ်ꩻ ရီချာလို့ဝင်ꩻ၊ “ဝွေꩻဗွေႏ ကဒေါ့ꩻနယ်ဖေႏဒါႏနီ အုံတဆင်ႏပေႏတွင်ꩻ နီအီႏတထီႏဗာႏတဝ်း ဝွေꩻတဲင် ဆုဲင်ꩻအုံထဲင်း တဆင်ႏပေႏတွင်ꩻ သီအီႏထီႏဗာႏခွေနဝ်ꩻ အဓိပ္ပါယ်ႏ တမုဲင်ꩻဟောင်း။။ ဝွေꩻဗွေႏဒေါ့ꩻပါက၊ “‘ခွေနဝ်ꩻ အဝ်ႏလွေꩻထေ့ ဖါတောႏထျꩻ’ နုဲင်းနဝ်ꩻသွူ။ 18နုဲင်းကရိုꩻဒါႏ ‘တဆင်ႏပေႏတွင်ꩻ’ ယိုအဓိပ္ပါယ်ႏနဝ်ꩻ တမုဲင်ꩻဟောင်း။ နုဲင်းဝွေꩻဗွေႏ ကဒေါ့ꩻဒါႏခရာႏ တမုဲင်ꩻနဝ်ꩻ နီတသေနာႏတဝ်း” နုဲင်းနဝ်ꩻသွူ။
19ဝွေꩻသီးမဉ်ရီ ဝွေꩻဗွေႏနဝ်ꩻ ဗွေႏယေသျု အဝ်ႏသေ၊ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ ခွေကဒေါ့ꩻဒါႏ၊ ‘အုံတဆင်ႏတွင်ꩻ သီအီႏတထီႏဗာႏတဝ်းခွေ၊ ထွူတဲင် ဆုဲင်ꩻအုံထဲင်း တဆင်ႏပေႏတွင်ꩻ သီအီႏထီႏဗာႏခွေ’ နုဲင်းနဝ်ꩻနဝ်ꩻ သီအဝ်ႏရီချာလို့ဝင်ꩻ နုဲင်းမုဲင်ꩻဟောင်း။ 20ခွေဒေါ့ꩻဖေႏသီ အမွေးအမဲဉ်ႏ။ သီအီႏငွိုးခြောဝ်တဲင် ငွိုးကော့ꩻဗာႏ၊ ကွဲႏတွော့ꩻ ကမ္ဘာႏလောကသား သꩻအီႏရေꩻနဝ်ꩻသွူ။ သီသꩻအီႏပေႏစွဉ်ႏတဲ့ သီထာꩻသꩻပေႏနဝ်ꩻ အီႏထွာခွိုန်ꩻထိုꩻ ထာꩻသꩻဟဝ်သꩻရေꩻနဝ်ꩻသွူ။ 21လိုꩻမူႏတဖြာꩻ ထွိုင်ႏအီႏလွူး ပိုချိန်ႏနဝ်ꩻ ပွိုးတွော့ꩻ ဝွေꩻမူႏ ထာꩻဒုက္ခချိန်ႏ အဝ်ႏဖျော်လွဉ်အတွက် ဝွေꩻမူႏ သꩻအီႏကုဲင်သွူ။ ကွဲႏတွော့ꩻ လိုꩻပေႏ ထွိုင်ႏလွူးထွူချိန်ႏနဝ်ꩻ ကွပ်ပွိုး လိုꩻပေႏတဖြာꩻ လွူးလွဉ်လဲဉ်း ကမ္ဘာႏလောကကို နဝ်ꩻမꩻ ဝွေꩻမူႏ အွဉ်ႏဖေင်ꩻထိုꩻ ဝွေꩻမူႏ ထာꩻဒုက္ခတဲင် ဝွေꩻမူႏ ပျောႏဗာႏထာꩻနဝ်ꩻသွူ။ 22နဝ်ꩻမꩻ သီနဝ်ꩻတဲ့ ယိုခါ သီသꩻအဝ်ႏပေႏဗာႏ၊ ကွဲႏတွော့ꩻ ခွေအီႏထီႏဖျင်သီ တလဲင်ႏတဲင် သီသꩻအီႏအဝ်ႏဗွေစွဉ်ႏ ထာꩻသꩻဟဝ်သꩻရေꩻ၊ ထာꩻသꩻဟဝ်သꩻရေꩻ အစားနဝ်ꩻနဝ်ꩻ အဝ်ႏသီထျꩻ ပါꩻမုဲင်ꩻတဖြာꩻ ထူႏညာꩻထိုꩻ တလꩻနွောင်ꩻတဝ်းသွူ။
23“အနီꩻနဝ်ꩻ ထွိုင်ႏဖျော်လွဉ်ချိန်ႏ ထာꩻကားကအဝ်ႏ ခရာႏနဝ်ꩻ သီအီႏတရီထဲင်းတဝ်း ခွေတစွိုးစွိုး နဝ်ꩻသွူ။ ခွေဒေါ့ꩻဖေႏသီ အမွေးအမဲဉ်ႏ၊ စွဉ်ႏခွေအမဉ်ꩻတောႏ နာႏမတွော့ꩻ သီကကွီဒါႏ ဖါတောႏ ဆုအမျိုꩻမုဲင်ꩻတဲ့ ဖါတောႏ အီႏဖေႏသီနဝ်ꩻသွူ။ 24ဗꩻတွိုႏစွဉ်ႏ ဟန်ႏနီꩻ စွဉ်ႏခွေအမဉ်ꩻတောႏ နာႏမတွော့ꩻ သီကွီတဝ်းဆု တစွိုးတမျိုꩻနဝ်ꩻသွူ။ နဝ်ꩻမꩻ ဖေႏနေး သီထာꩻပျောႏ ကဗွေစွုံႏလင်ႏနဝ်ꩻ ဆုတောင်ꩻသွော့၊ နဝ်ꩻမꩻ သီအီႏလꩻသွူ။
အောင်ႏနွောင်ꩻကမ္ဘာႏလောက
25“ထာꩻယိုဖုံႏ ကားကအဝ်ႏနဝ်ꩻ ခွေအဝ်ႏသွုံꩻအီနေး ငဝ်းဥပမာႏတဲင် ခွေအွဉ်ႏဒေါ့ꩻနယ် ဖေႏသီသွူ။ ကွဲႏတွော့ꩻ ပွိုင်းဝွို့တွမ်ႏ ဖါတောႏခရာႏ ခွေတသွုံꩻတဝ်း ငဝ်းဥပမာႏတွော့ꩻ အီႏအွဉ်ႏဒေါ့ꩻနယ် စဲင်းဖေႏသီ အချိန်ႏနဝ်ꩻ အီႏဖျော်လွဉ်သွူ။ 26အနီꩻနဝ်ꩻ ထွိုင်ႏဖျော်လွဉ်ချိန်ႏ စွဉ်ႏခွေအမဉ်ႏတောႏနာႏမ သီအီႏဆုတောင်ꩻထင်ႏ ဝွေꩻဗွေႏသွူ။ ကွဲႏတွော့ꩻ သီနမ်းတင် ခွေအီႏဆုတောင်ꩻ ဝွေꩻဗွေႏနဝ်ꩻ ခွေတရိုꩻတဝ်းသွူ။ 27ပွိုးဖါတောႏ နမ်းကိုယ်ႏတဲင်ႏနဝ်ꩻ ရက်သီသွူ။ ကွပ်ပွိုး သီနဝ်ꩻ ရက်ခွေတဲင် ယွုမ်းခွေအဝ်ႏ ဖါတောႏထျꩻ ကျွꩻလွဉ်နဝ်ꩻမꩻ ဝွေꩻဗွေႏ ရက်သီနဝ်ꩻသွူ။ 28ခွေနဝ်ꩻအဝ်ႏ ဖါတောႏထျꩻ ကျွꩻလွဉ်တဲင် ခွေလွဉ်သော့ꩻ ကမ္ဘာႏလောကကိုသွူ။ နဝ်ꩻမꩻယိုခါ ခွေအဝ်ႏ ကမ္ဘာႏလောကယို အီႏထန်ႏလွေꩻတဲင် အီႏလွေꩻ ဖါတောႏထျꩻ” နုဲင်းနဝ်ꩻသွူ။
29နဝ်ꩻထွူ ဝွေꩻဗွေႏ တပဲ့တောႏဖုံႏ ဒေါ့ꩻဖေႏဝွေꩻဗွေႏ၊ “ယိုခါနဝ်ꩻ နီဗွေႏ တသွုံꩻနေးတဝ်း ငဝ်းဥပမာႏတွော့ꩻ နီဗွေႏအဝ်ႏသျင်ꩻ စဲင်းဖေႏနေးသွူ။ 30ယိုခါ နီဗွေႏနဝ်ꩻ အဝ်ႏသေလို့ထာꩻ ကားကအဝ်ႏနဝ်ꩻ နီအဝ်ႏသေ၊ ပါꩻတဖြာꩻဖြာꩻ ရီနီဗွေႏနဝ်ꩻ နီဗွေႏ တအဝ်ႏလိုႏတဝ်းနဝ်ꩻသွူ။ ယိုနဝ်ꩻ နီဗွေႏ အဝ်ႏဗွေႏဘုရာꩻထျꩻ ကျွꩻလွဉ်ကျောင်ꩻနဝ်ꩻ မာꩻယွုမ်းဖေႏနီသွူ။
31ဗွေႏယေသျု လဝ်းချာဝွေꩻသီး၊ “ယိုခါ သီ ယွုမ်းလဲဉ်းသွူဟောင်း။ 32သီစွုမ်ႏဖြာꩻဖြာꩻ အဝ်ႏသီလမ်းနဝ်ꩻ အီႏဖလီလာလို့ဗာႏ အချိန်ႏ အီႏတွိုႏဖျော်လွဉ်တဲင် အချိန်ႏနဝ်ꩻထွာ ယိုခါ၊ နဝ်ꩻမꩻ ခွေနဝ်ꩻ အီႏအဝ်ႏကုဲင်ဒျာႏ တဖြာꩻလွုမ်ꩻသွူ။ ပွိုးတွော့ꩻ ဖါတောႏနဝ်ꩻ အဝ်ႏငီꩻဒျာႏ တွမ်ႏခွေနဝ်ꩻမꩻ ခွေအဝ်ႏတဖြာꩻလွုမ်ꩻ တမွေးတဝ်းသွူ။ 33ဖေႏနေးသီကအဝ်ႏ တလွောင်ႏတဗူႏချင်ႏ တွမ်ႏခွေတွော့ꩻ ဖေႏကလꩻ ထာꩻငိမ်ꩻချမ်ꩻသာႏနဝ်ꩻ ခွေဒေါ့ꩻဖေႏဗာႏသီ နုဲင်းယိုသွူ။ ကမ္ဘာႏလောကကိုနဝ်ꩻ သီအီႏခံဗာႏ ထာꩻဒုက္ခသွူ။ ကွဲႏတွော့ꩻ အွဉ်ႏရုဲင်းရုဲင်းသွော့ သꩻဟုဲင်း။ ခွေနဝ်ꩻ အောင်ႏနွောင်ꩻလဲဉ်းသွူ ကမ္ဘာႏလောက” နုဲင်းနဝ်ꩻသွူ။
ទើបបានជ្រើសរើសហើយ៖
ယောဟန် 16: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 16
16
1“ဖေႏနေး သီထာꩻယွုမ်း ကကုဲင်ဗာႏမွိုန်းနဝ်ꩻ ခွေဒေါ့ꩻဖေႏလဲဉ်းသီ နုဲင်းယိုသွူ။ 2အဝ်ႏတရာꩻစရွပ်ကိုဖုံႏနဝ်ꩻ သီအီႏခံႏဗာႏ ဝင်ꩻဝါးထန်ႏထိုꩻ၊ လိုꩻဖုံႏ ကမာꩻသီထိုꩻဒါႏ သီနဝ်ꩻ၊ အီႏထင်းဒျာႏ ဝွေꩻသီး မာꩻဗွေႏဘုရာꩻ အမုထာꩻမာꩻ နုဲင်းယိုအချိန်ႏနဝ်ꩻ အီႏတွိုႏဖျော်လွဉ်သွူ။ 3ပွိုးတွော့ꩻ ဝွေꩻသီး တသေတဝ်း ဖါတောႏတွမ်ႏ ခွေအတွက် လိုꩻဖုံႏ အီႏမာꩻထိုꩻသီ နုဲင်းယိုနဝ်ꩻသွူ။ 4ကွဲႏတွော့ꩻ နုဲင်းခွေကဒေါ့ꩻဖေႏလဲဉ်း သီအတွိုင်ꩻ ဖေႏနေး ဝွေꩻသီးတာႏ ကအီႏမာꩻ ထာꩻနုဲင်းယိုဖုံႏ အချိန်ႏမဉ်ႏဖျော်လွဉ်နဝ်ꩻ ဖေႏနေး သီကယူႏလꩻချာနဝ်ꩻ ခွေဒေါ့ꩻဖေႏလဲဉ်း သီနုဲင်းယိုသွူ။
ကြောင်းစင်ဝိညာဉ်ႏတောႏထာꩻမာꩻ
“ပွိုးခွေအဝ်ႏငီꩻက တွမ်ႏသီနဝ်ꩻမꩻ အစကာႏ ထာꩻယိုဖုံႏခရာႏနဝ်ꩻ ခွေတဒေါ့ꩻနယ်တဝ်း သီနဝ်ꩻသွူ။ 5ကွဲႏတွော့ꩻ ယိုခါ ခွေအဝ်ႏလွေꩻထေ့ ဗွေႏ၊ ကအွဉ်ႏစွꩻလွဉ်ခွေ နဝ်ꩻအထျꩻ။ ကွဲႏတွော့ꩻ ခွေအီႏလွေꩻ မုဲင်ꩻကိုနဝ်ꩻ သီတဖြာꩻငါတဲ့ တရီတဝ်းခွေသွူ။ 6ယိုခါ ခွေဒေါ့ꩻဖေႏ သီနဝ်ꩻမꩻ သီသꩻကို အဝ်ႏဗွေစွဉ်ႏ ထာꩻသꩻပေႏဖုံႏသွူ။ 7ကွဲႏတွော့ꩻ ခွေဒေါ့ꩻဖေႏသီ အမွေးအမဲဉ်ႏ၊ သီတာႏ ခွေမဉ်ႏလွေꩻညာꩻထိုꩻနဝ်ꩻ ကယိန်းဟဝ်ထဲင်း၊ ပွိုးတွော့ꩻ ခွေမဉ်ႏတလွေꩻတဝ်းနဝ်ꩻ ကောစွဲကိုသား အီႏတလွဉ်ထေ့တဝ်း သီထျꩻနဝ်ꩻသွူ။ ကွဲႏတွော့ꩻ ခွေမဉ်ႏ လွေꩻညာꩻထိုꩻထွူ ဝွေꩻဗွေႏနဝ်ꩻ ခွေအီႏအွဉ်ႏစွꩻလွဉ် သီထျꩻသွူ။ 8ဝွေꩻဗွေႏ ထွိုင်ႏကျွꩻလွဉ်ချိန်ႏနဝ်ꩻ ဝွေꩻသီး ကအဝ်ႏမာꩻမာႏဒါႏ အပဲစ်ခရာႏစွဉ်ႏ နုဲင်းထာꩻအမဲဉ်ႏတရာꩻ ခရာႏတွမ်ႏ ဗွေႏဘုရာꩻ ထာꩻစီႏရင်ႏခရာႏနဝ်ꩻ ဝွေꩻဗွေႏအီႏခံႏဖေႏ လိုꩻကမ္ဘာႏ လောကသားဖုံႏ သက်သေႏနဝ်ꩻသွူ။ 9ပွိုးတွော့ꩻ ဝွေꩻသီး တယွုမ်းတဝ်း ခွေနဝ်ꩻမꩻ ဝွေꩻသီး အဝ်ႏမာꩻမာႏဒျာႏ အပဲစ်ခရာႏသွူ။ 10နုဲင်းထာꩻအမဲဉ်ႏတရာꩻနဝ်ꩻ ဝွေꩻသီး အဝ်ႏမာꩻဒျာႏအမာႏ ပွိုးတွော့ꩻခွေနဝ်ꩻ အဝ်ႏကျွꩻလွေꩻ ဖါတောႏထျꩻနဝ်ꩻမꩻ သီအီႏတထီႏထဲင်း ဗာႏတဝ်းဒွုမ် ခွေနဝ်ꩻသွူ။ 11ပွိုးတွော့ꩻ ကအုပ်စိုꩻဒါႏ ဟံႏတန် လောကသားနဝ်ꩻ အဝ်ႏမော့ꩻလဲဉ်း ထာꩻစီႏရင်ႏအတွက် ဝွေꩻသီးအဝ်ႏမာꩻဒျာႏ ထာꩻစီႏရင်ႏခရာႏနဝ်ꩻသွူ။
12“ခွေအဝ်ႏလိုႏ ဒေါ့ꩻနယ်ဖေႏသီနဝ်ꩻ အဝ်ႏအာငါႏဒွိုန်းက၊ ကွဲႏတွော့ꩻ ယိုခါသီတာႏ ကအီႏနာႏခံႏဗာႏနဝ်ꩻ ယပ်ꩻငါႏလွဉ်ꩻနဝ်ꩻသွူ။ 13ကွဲႏတွော့ꩻ ဝိညာဉ်ႏတောႏ ထွိုင်ႏကျွꩻလွဉ်ချိန်ႏနဝ်ꩻ အအီႏဖေါႏနယ်ဖေႏ ဗွေႏဘုရာꩻ သမ္မာႏတရာꩻ ခရာႏနဝ်ꩻသွူ။ ဝွေꩻဗွေႏနဝ်ꩻ အီႏအွဉ်လွေꩻသော့ꩻသီ သမ္မာႏတရာꩻ ကားကအဝ်ႏကိုနဝ်ꩻသွူ။ ဝွေꩻဗွေႏ အီႏဒေါ့ꩻအီတဝ်းစွဥ်ႏ ဝွေꩻဗွေႏ အာႏဏာႏနဝ်ꩻသွူ။ ကွဲႏတွော့ꩻ ဝွေꩻဗွေႏ အီႏဒေါ့ꩻဒျာႏ နုဲင်းဝွေꩻဗွေႏ ကဟွိုန်ဗာႏလဲဉ်းဖုံႏတွော့ꩻ အီႏဒေါ့ꩻနယ်ဒျာႏသီ ထာꩻကအီႏထွာလွဉ်ဒါႏ ခရာႏဖုံႏနဝ်ꩻသွူ။ 14ပွိုးတွော့ꩻ နုဲင်းခွေကရိုꩻဖုံႏနဝ်ꩻ ဝွေꩻဗွေႏ အီႏထူႏတဲင် ဒေါ့ꩻနယ်ဖေႏဒျာႏသီ နဝ်ꩻမꩻ ဝွေꩻဗွေႏ အီႏဖေႏခွေ ဘွုန်ꩻသရေႏတောႏသွူ။ 15ခွေဖါတောႏထျꩻ ထာꩻကားကအဝ်ႏနဝ်ꩻ ထွာဒျာႏခွေထာꩻဖုံႏသွူ၊ နဝ်ꩻမꩻ ဝိညာဉ်ႏတောႏနဝ်ꩻ အီႏထူႏဒျာႏ နုဲင်းခွေကဖေႏ ဝွေꩻနဝ်ꩻတဲင် အီႏဒေါ့ꩻနယ်ဖေႏသီ နဝ်ꩻသွူ။
ထာꩻသꩻပေႏစွဉ်ႏထာꩻသꩻဟဝ်သꩻရေꩻ
16“အုံတဆင်ႏပေႏကျာꩻနဝ်ꩻ သီအီႏတထီႏထဲင်း ဗာႏတဝ်းဒွုမ်ခွေတဲင် ဆုဲင်ꩻနဝ်ꩻ အုံထဲင်းတဆင်ႏပေႏကျာꩻ သီအီႏထီႏဗာႏဖျင်ခွေ” နုဲင်းနဝ်ꩻသွူ။
17ဝွေꩻဗွေႏ တပဲ့တောႏဖုံႏ ယင်ဟန်ႏနဝ်ꩻ ရီချာလို့ဝင်ꩻ၊ “ဝွေꩻဗွေႏ ကဒေါ့ꩻနယ်ဖေႏဒါႏနီ အုံတဆင်ႏပေႏတွင်ꩻ နီအီႏတထီႏဗာႏတဝ်း ဝွေꩻတဲင် ဆုဲင်ꩻအုံထဲင်း တဆင်ႏပေႏတွင်ꩻ သီအီႏထီႏဗာႏခွေနဝ်ꩻ အဓိပ္ပါယ်ႏ တမုဲင်ꩻဟောင်း။။ ဝွေꩻဗွေႏဒေါ့ꩻပါက၊ “‘ခွေနဝ်ꩻ အဝ်ႏလွေꩻထေ့ ဖါတောႏထျꩻ’ နုဲင်းနဝ်ꩻသွူ။ 18နုဲင်းကရိုꩻဒါႏ ‘တဆင်ႏပေႏတွင်ꩻ’ ယိုအဓိပ္ပါယ်ႏနဝ်ꩻ တမုဲင်ꩻဟောင်း။ နုဲင်းဝွေꩻဗွေႏ ကဒေါ့ꩻဒါႏခရာႏ တမုဲင်ꩻနဝ်ꩻ နီတသေနာႏတဝ်း” နုဲင်းနဝ်ꩻသွူ။
19ဝွေꩻသီးမဉ်ရီ ဝွေꩻဗွေႏနဝ်ꩻ ဗွေႏယေသျု အဝ်ႏသေ၊ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ ခွေကဒေါ့ꩻဒါႏ၊ ‘အုံတဆင်ႏတွင်ꩻ သီအီႏတထီႏဗာႏတဝ်းခွေ၊ ထွူတဲင် ဆုဲင်ꩻအုံထဲင်း တဆင်ႏပေႏတွင်ꩻ သီအီႏထီႏဗာႏခွေ’ နုဲင်းနဝ်ꩻနဝ်ꩻ သီအဝ်ႏရီချာလို့ဝင်ꩻ နုဲင်းမုဲင်ꩻဟောင်း။ 20ခွေဒေါ့ꩻဖေႏသီ အမွေးအမဲဉ်ႏ။ သီအီႏငွိုးခြောဝ်တဲင် ငွိုးကော့ꩻဗာႏ၊ ကွဲႏတွော့ꩻ ကမ္ဘာႏလောကသား သꩻအီႏရေꩻနဝ်ꩻသွူ။ သီသꩻအီႏပေႏစွဉ်ႏတဲ့ သီထာꩻသꩻပေႏနဝ်ꩻ အီႏထွာခွိုန်ꩻထိုꩻ ထာꩻသꩻဟဝ်သꩻရေꩻနဝ်ꩻသွူ။ 21လိုꩻမူႏတဖြာꩻ ထွိုင်ႏအီႏလွူး ပိုချိန်ႏနဝ်ꩻ ပွိုးတွော့ꩻ ဝွေꩻမူႏ ထာꩻဒုက္ခချိန်ႏ အဝ်ႏဖျော်လွဉ်အတွက် ဝွေꩻမူႏ သꩻအီႏကုဲင်သွူ။ ကွဲႏတွော့ꩻ လိုꩻပေႏ ထွိုင်ႏလွူးထွူချိန်ႏနဝ်ꩻ ကွပ်ပွိုး လိုꩻပေႏတဖြာꩻ လွူးလွဉ်လဲဉ်း ကမ္ဘာႏလောကကို နဝ်ꩻမꩻ ဝွေꩻမူႏ အွဉ်ႏဖေင်ꩻထိုꩻ ဝွေꩻမူႏ ထာꩻဒုက္ခတဲင် ဝွေꩻမူႏ ပျောႏဗာႏထာꩻနဝ်ꩻသွူ။ 22နဝ်ꩻမꩻ သီနဝ်ꩻတဲ့ ယိုခါ သီသꩻအဝ်ႏပေႏဗာႏ၊ ကွဲႏတွော့ꩻ ခွေအီႏထီႏဖျင်သီ တလဲင်ႏတဲင် သီသꩻအီႏအဝ်ႏဗွေစွဉ်ႏ ထာꩻသꩻဟဝ်သꩻရေꩻ၊ ထာꩻသꩻဟဝ်သꩻရေꩻ အစားနဝ်ꩻနဝ်ꩻ အဝ်ႏသီထျꩻ ပါꩻမုဲင်ꩻတဖြာꩻ ထူႏညာꩻထိုꩻ တလꩻနွောင်ꩻတဝ်းသွူ။
23“အနီꩻနဝ်ꩻ ထွိုင်ႏဖျော်လွဉ်ချိန်ႏ ထာꩻကားကအဝ်ႏ ခရာႏနဝ်ꩻ သီအီႏတရီထဲင်းတဝ်း ခွေတစွိုးစွိုး နဝ်ꩻသွူ။ ခွေဒေါ့ꩻဖေႏသီ အမွေးအမဲဉ်ႏ၊ စွဉ်ႏခွေအမဉ်ꩻတောႏ နာႏမတွော့ꩻ သီကကွီဒါႏ ဖါတောႏ ဆုအမျိုꩻမုဲင်ꩻတဲ့ ဖါတောႏ အီႏဖေႏသီနဝ်ꩻသွူ။ 24ဗꩻတွိုႏစွဉ်ႏ ဟန်ႏနီꩻ စွဉ်ႏခွေအမဉ်ꩻတောႏ နာႏမတွော့ꩻ သီကွီတဝ်းဆု တစွိုးတမျိုꩻနဝ်ꩻသွူ။ နဝ်ꩻမꩻ ဖေႏနေး သီထာꩻပျောႏ ကဗွေစွုံႏလင်ႏနဝ်ꩻ ဆုတောင်ꩻသွော့၊ နဝ်ꩻမꩻ သီအီႏလꩻသွူ။
အောင်ႏနွောင်ꩻကမ္ဘာႏလောက
25“ထာꩻယိုဖုံႏ ကားကအဝ်ႏနဝ်ꩻ ခွေအဝ်ႏသွုံꩻအီနေး ငဝ်းဥပမာႏတဲင် ခွေအွဉ်ႏဒေါ့ꩻနယ် ဖေႏသီသွူ။ ကွဲႏတွော့ꩻ ပွိုင်းဝွို့တွမ်ႏ ဖါတောႏခရာႏ ခွေတသွုံꩻတဝ်း ငဝ်းဥပမာႏတွော့ꩻ အီႏအွဉ်ႏဒေါ့ꩻနယ် စဲင်းဖေႏသီ အချိန်ႏနဝ်ꩻ အီႏဖျော်လွဉ်သွူ။ 26အနီꩻနဝ်ꩻ ထွိုင်ႏဖျော်လွဉ်ချိန်ႏ စွဉ်ႏခွေအမဉ်ႏတောႏနာႏမ သီအီႏဆုတောင်ꩻထင်ႏ ဝွေꩻဗွေႏသွူ။ ကွဲႏတွော့ꩻ သီနမ်းတင် ခွေအီႏဆုတောင်ꩻ ဝွေꩻဗွေႏနဝ်ꩻ ခွေတရိုꩻတဝ်းသွူ။ 27ပွိုးဖါတောႏ နမ်းကိုယ်ႏတဲင်ႏနဝ်ꩻ ရက်သီသွူ။ ကွပ်ပွိုး သီနဝ်ꩻ ရက်ခွေတဲင် ယွုမ်းခွေအဝ်ႏ ဖါတောႏထျꩻ ကျွꩻလွဉ်နဝ်ꩻမꩻ ဝွေꩻဗွေႏ ရက်သီနဝ်ꩻသွူ။ 28ခွေနဝ်ꩻအဝ်ႏ ဖါတောႏထျꩻ ကျွꩻလွဉ်တဲင် ခွေလွဉ်သော့ꩻ ကမ္ဘာႏလောကကိုသွူ။ နဝ်ꩻမꩻယိုခါ ခွေအဝ်ႏ ကမ္ဘာႏလောကယို အီႏထန်ႏလွေꩻတဲင် အီႏလွေꩻ ဖါတောႏထျꩻ” နုဲင်းနဝ်ꩻသွူ။
29နဝ်ꩻထွူ ဝွေꩻဗွေႏ တပဲ့တောႏဖုံႏ ဒေါ့ꩻဖေႏဝွေꩻဗွေႏ၊ “ယိုခါနဝ်ꩻ နီဗွေႏ တသွုံꩻနေးတဝ်း ငဝ်းဥပမာႏတွော့ꩻ နီဗွေႏအဝ်ႏသျင်ꩻ စဲင်းဖေႏနေးသွူ။ 30ယိုခါ နီဗွေႏနဝ်ꩻ အဝ်ႏသေလို့ထာꩻ ကားကအဝ်ႏနဝ်ꩻ နီအဝ်ႏသေ၊ ပါꩻတဖြာꩻဖြာꩻ ရီနီဗွေႏနဝ်ꩻ နီဗွေႏ တအဝ်ႏလိုႏတဝ်းနဝ်ꩻသွူ။ ယိုနဝ်ꩻ နီဗွေႏ အဝ်ႏဗွေႏဘုရာꩻထျꩻ ကျွꩻလွဉ်ကျောင်ꩻနဝ်ꩻ မာꩻယွုမ်းဖေႏနီသွူ။
31ဗွေႏယေသျု လဝ်းချာဝွေꩻသီး၊ “ယိုခါ သီ ယွုမ်းလဲဉ်းသွူဟောင်း။ 32သီစွုမ်ႏဖြာꩻဖြာꩻ အဝ်ႏသီလမ်းနဝ်ꩻ အီႏဖလီလာလို့ဗာႏ အချိန်ႏ အီႏတွိုႏဖျော်လွဉ်တဲင် အချိန်ႏနဝ်ꩻထွာ ယိုခါ၊ နဝ်ꩻမꩻ ခွေနဝ်ꩻ အီႏအဝ်ႏကုဲင်ဒျာႏ တဖြာꩻလွုမ်ꩻသွူ။ ပွိုးတွော့ꩻ ဖါတောႏနဝ်ꩻ အဝ်ႏငီꩻဒျာႏ တွမ်ႏခွေနဝ်ꩻမꩻ ခွေအဝ်ႏတဖြာꩻလွုမ်ꩻ တမွေးတဝ်းသွူ။ 33ဖေႏနေးသီကအဝ်ႏ တလွောင်ႏတဗူႏချင်ႏ တွမ်ႏခွေတွော့ꩻ ဖေႏကလꩻ ထာꩻငိမ်ꩻချမ်ꩻသာႏနဝ်ꩻ ခွေဒေါ့ꩻဖေႏဗာႏသီ နုဲင်းယိုသွူ။ ကမ္ဘာႏလောကကိုနဝ်ꩻ သီအီႏခံဗာႏ ထာꩻဒုက္ခသွူ။ ကွဲႏတွော့ꩻ အွဉ်ႏရုဲင်းရုဲင်းသွော့ သꩻဟုဲင်း။ ခွေနဝ်ꩻ အောင်ႏနွောင်ꩻလဲဉ်းသွူ ကမ္ဘာႏလောက” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.