ယောဟန် 18
18
ဆွမ်ꩻဗွေႏယေသျု
(မတဲ ၂၆:၄၇–၅၆။ မာကု ၁၄:၄၃–၅၀။ လုကာ ၂၂:၄၇–၅၃)
1ဗွေႏယေသျု ဆုတောင်ꩻ နုဲင်းယိုထွူ၊ ဝွေꩻဗွေႏစွဉ်ႏ ဝွေꩻဗွေႏ တပဲ့တောႏဖုံႏနဝ်ꩻ ထန်ႏလွေꩻတဲင် ဖျတ်ကာႏလွေꩻစွဉ်ႏ ကေဒြုန် ထီခြောင်ပေႏနဝ်ꩻသွူ။ ခင်ႏလမ်းနဝ်ꩻကိုနဝ်ꩻ ဥယျာဉ်ႏခြံ အဝ်ႏတခြံတဲင် ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ နွို့သော့ꩻစွဉ်ႏသွူ။ 2ပွိုးတွော့ꩻ ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ အဝ်ႏမော့ꩻခွဲ ခွိုꩻခွိုꩻလို့ဝင်ꩻ ခင်ႏလမ်း နဝ်ꩻကိုအတွက် ယုဒ သစ္စာႏဖေါက်နဝ်ꩻ အဝ်ႏသေ ခင်ႏလမ်း နဝ်ꩻကိုသွူ။ 3ပွိုးနဝ်ꩻမꩻ ယုဒလွေꩻ ဥယျာဉ်ႏခြံတဲင် ဟဲ့ꩻလွေꩻပါစွဉ်ႏ ရောမစဲ့ꩻသား တစွိုꩻစွဉ်ႏ ယဇ်ပရောဟိတ်တန်ဖုံႏ ကအွဉ်ႏစွꩻလွေꩻဒါႏ စဲ့ꩻပွေါးရံႏ ဗိမာန်ႏတောႏကျောင်ꩻသား တွမ်ႏဖါရိသဲဖုံႏနဝ်ꩻသွူ။ ဝွေꩻသီးနဝ်ꩻ ပါစွဉ်ႏစူခွုမ် လက်နက်ဖုံႏတဲင် အီလွေꩻပါစွဉ်ႏ မေႏဗုတ်ꩻ မေႏဆော်ဖုံႏနဝ်ꩻသွူ။ 4ဗွေႏယေသျု အီႏထွာလွဉ် နုဲင်းမုဲင်ꩻခရာႏနဝ်ꩻ ဝွေꩻဗွေႏ အဝ်ႏသေလို့သွူ။ နဝ်ꩻမꩻ ဝွေꩻဗွေႏ ကာငါတဲင် ရီဝွေꩻသီး၊ “သီအဝ်ႏထုမ်ႏ ပါꩻမုဲင်ꩻဟောင်း” နုဲင်းနဝ်ꩻသွူ။
5ဝွေꩻသီးလဝ်းချာ၊ “နီထုမ်ႏ နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
ဝွေꩻဗွေႏဒေါ့ꩻ၊ “ခွေနဝ်ꩻထွာ ဝွေꩻသွူ” နုဲင်းနဝ်ꩻသွူ။
သစ္စာႏဖေါက်ယုဒနဝ်ꩻ အဝ်ႏအုံထွိုင်ႏငီꩻစွဉ်ႏ ဝွေꩻသီး နဝ်ꩻကိုသွူ။ 6ဗွေႏယေသျု ထွိုင်ႏဒေါ့ꩻဖေႏ ဝွေꩻသီး၊ “ခွေနဝ်ꩻထွာ ဝွေꩻသွူ” နုဲင်းနဝ်ꩻချိန်ႏ ဝွေꩻသီးဆွတ်ချာတဲင် ဝꩻလင်ꩻထိုꩻစွဉ်ႏ ဟံႏလောင်းဖုံႏသွူ။ 7ဗွေႏယေသျုရီဖျင် ဝွေꩻသီး၊ “သီအဝ်ႏထုမ်ႏ ပါꩻမုဲင်ꩻဟောင်း” နုဲင်းနဝ်ꩻသွူ။။
ဝွေꩻသီးဒေါ့ꩻ၊ “နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
8ခွေထွာဝွေꩻနဝ်ꩻ ခွေဒေါ့ꩻနယ်ဖေႏ ထွူလဲဉ်းသီသွူ။ နဝ်ꩻထွူ သီမဉ်ႏအဝ်ႏထုမ်ႏဒျာႏခွေနဝ်ꩻ လိုꩻလင်ဖုံႏယိုနဝ်ꩻ အွဉ်ႏလွေꩻထိုꩻခန်းဟုဲင်း” နုဲင်းနဝ်ꩻသွူ။ 9( ဖေႏကဗွေမဲဉ်ႏလွဉ်ꩻ နုဲင်းဝွေꩻဗွေႏကဒေါ့ꩻဒါႏ၊ “အွိုးဖါတောႏ၊ နီဖါကဖေႏဒါႏ ခွေလိုꩻဖုံႏနဝ်ꩻ တဖြာꩻငါတဲ့ ဖေႏခွေကသွုမ်ꩻဗာႏမွိုန်း နုဲင်းနဝ်ꩻနဝ်ꩻ ဝွေꩻဗွေႏ ဒေါ့ꩻဗာႏနုဲင်းယို” နုဲင်းနဝ်ꩻသွူ။
10ပါꩻနꩻလျော်ꩻ ကအဝ်ႏဒါႏ တဗာႏ သိမုန်ပေတရုနဝ်ꩻ ဗဲ့ꩻအနꩻတဲင် ဖျက်ꩻတပစ်ꩻလင်ꩻထိုꩻစွဉ်ႏ ယဇ်ပရောဟိတ်ခွန် အသွဉ်း နားလာႏဖဲ့ꩻထွေသွူ။ သွဉ်းအမဉ်ꩻနဝ်ꩻ ထွာမာလခုသွူ။ 11#မ ၂၆:၃၉၊ မာကု ၁၄:၃၆၊ လုကာ ၂၂:၄၂။ ဗွေႏယေသျု ဒေါ့ꩻဖေႏ ပေတရု၊ “နာꩻနꩻနဝ်ꩻ သော့ꩻချာခန်း အကော့ꩻကိုဟုဲင်း။ ခွေဖါကဖေႏဒါႏခွေ တကောက်ꩻ ထာꩻယပ်ꩻဒုက္ခနဝ်ꩻ နာꩻထင်းဒျာႏ ခွေအီႏတအွꩻတဝ်းနဲ့ဟောင်း” နုဲင်းနဝ်ꩻသွူ။
ဗွေႏယေသျုဖျော်လွေꩻခွန်အန္နဆꩻငါ
12နဝ်ꩻထွူ ရောမစဲ့ꩻသားဖုံႏစွဉ်ႏ စဲ့ꩻပိုႏတန်တွမ်ႏ ဂျူးစဲ့ꩻပွေါးရံႏသားဖုံႏနဝ်ꩻ ဆွမ်ꩻဗွေႏယေသျုတွော့ꩻ စွိုင်ထိုꩻစွဉ်ႏ ဝွေꩻဗွေႏတဲင်၊ 13ဝွေꩻဗွေႏနဝ်ꩻ ဟဲ့ꩻလွေꩻထေ့ရီး ခွန်အန္နထျꩻနဝ်ꩻသွူ။ အန္နနဝ်ꩻထွာ အနေင်ႏနဝ်ꩻ ပါꩻကအဝ်ႏထွာ ယဇ်ပရောဟိတ်ခွန် ကာယဖနဝ်ꩻ အဖူသွူ။ 14#ယော ၁၁:၄၉၊၅၀။ ကာယဖနဝ်ꩻထွာ ပါꩻအဖြာꩻ ကဖေႏကျံႏဒါႏ ဂျူးအာႏဏာႏပဲင်ႏသားဖုံႏ ခလားလိုꩻဖုံႏ ကားကအဝ်ႏ ကသီထိုꩻဗာႏ ပါꩻတဖြာꩻ မဉ်ႏသီနဝ်ꩻ ကယိန်းဟဝ်နဝ်ꩻသွူ။
ပေတရုပယ်ႏထိုꩻဗွေႏယေသျု
(မတဲ ၂၆:၆၉–၇၀။ မာကု ၁၄:၆၆–၆၈။ လုကာ ၂၂:၅၅–၅၇)
15သိမုန်ပေတရုတွမ်ႏ တပဲ့တောႏ အလင်တဖြာꩻနဝ်ꩻ အဝ်ႏလွေꩻလွဉ်ꩻ ဗွေႏယေသျုသွူ။ တပဲ့တောႏ အလင်တဖြာꩻနဝ်ꩻ ယဇ်ပရောဟိတ်ခွန် အဝ်ႏသေငါꩻစဲင်းသွူ။ နဝ်ꩻမꩻ ဝွေꩻလွေꩻစွဉ်ႏ ဗွေႏယေသျု ကအဝ်ႏသော့ꩻဒါႏ ယဇ်ပရောဟိတ်ခွန် အလမ်း ပတ်တဝွိုင်ꩻ ကိုနဝ်ꩻသွူ။ 16အကျာꩻနဝ်ꩻနဝ်ꩻ ပေတရုအဝ်ႏကုဲင်ဒျာႏ တခါꩻတန်ထျꩻ ကောင်းထန်ႏဖဲ့ꩻသွူ။ နဝ်ꩻထွူ တပဲ့တောႏ အလင်တဖြာꩻ ထန်ႏသဲင်ꩻချာတဲင် ဒေါ့ꩻဖေႏ ပါꩻမူႏပေႏ တခါꩻတန်ထျꩻ နဝ်ꩻတဲင် ထွန်ႏဟဲ့ꩻနွို့ ပေတရု ကောင်းကိုနဝ်ꩻသွူ။ 17ပါꩻမူႏပေႏကအဝ်ႏ တခါꩻတန်ထျꩻနဝ်ꩻ ဒေါ့ꩻဖေႏပေတရု၊ “နာꩻနဝ်ꩻတဲ့ အဝ်ႏပါသော့ꩻ ပါꩻခိုနဝ်ꩻ အတပဲ့ဖုံႏကိုတဖြာꩻ မွေးတဝ်းဟောင်း”နုဲင်းနဝ်ꩻသွူ။
ပေတရုလဝ်းချာ၊ “မွေးတဝ်း၊ ခွေတမွေးတဝ်း” နုဲင်းနဝ်ꩻသွူ။
18ထာꩻခွꩻငါႏနဝ်ꩻမꩻ သွဉ်းဖုံႏတွမ်ႏ စဲ့ꩻပွေါးသားဖုံႏ အဝ်ႏအူမေႏတပြုန်ႏတဲင် အဝ်ႏအုံထွိုင်ႏခူဝဲင်ꩻ စို့ꩻမေႏနဝ်ꩻသွူ။ နဝ်ꩻမꩻ ပေတရု ထန်ႏလွေꩻတဲင် အုံထွိုင်ႏစို့ꩻငီꩻ ဝွေꩻသီးမေႏနဝ်ꩻသွူ။
ယဇ်ပရောဟိတ်ခွန်တန်ရီဗွေႏယေသျု
(မတဲ ၂၆:၅၉–၆၆။ မာကု ၁၄:၅၅–၆၄။ လုကာ ၂၂:၆၆–၇၁)
19ပွိုင်းဝွို့တွမ်ႏ ဝွေꩻဗွေႏတပဲ့တောႏဖုံႏ ခရာႏစွဉ်ႏ ဝွေꩻဗွေႏ ထာꩻသွဉ်သင်ဖုံႏ ခရာႏနဝ်ꩻ ယဇ်ပရောဟိတ် ခွန်တန်နဝ်ꩻ ရီဗွေႏယေသျုသွူ။ 20ဗွေႏယေသျုလဝ်းချာ၊ “ခွေအဝ်ႏဒေါ့ꩻထင်ႏသျာꩻဖေႏ လိုꩻအမျာꩻ စွုမ်ႏဖြာꩻဖြာꩻသွူ။ ခွေထာꩻသွဉ်သင်ဖုံႏ ကားကအဝ်ႏနဝ်ꩻ သွဉ်သင်သော့ꩻဒျာႏ တရာꩻစရွပ်ကိုတွမ်ႏ ဗိမာန်ႏတောႏ ကျောင်ꩻကိုသွူ။ လိုꩻဖုံႏ ကားကအဝ်ႏနဝ်ꩻ အဝ်ႏလွဉ် စုဗူႏသော့ꩻဒျာႏ နဝ်ꩻကိုသွူ။ မုဲင်ꩻခါတဲ့ ခွေတဒေါ့ꩻတေ့ꩻနေးတဝ်း တစွိုးစွိုးသွူ။ 21နဝ်ꩻထွူ ပွိုးတမုဲင်ꩻ နာꩻရီဗာႏတွိုႏခွေ နုဲင်းမုဲင်ꩻဟောင်း။ ရီသွော့ လိုꩻကဟွိုန်ဒါႏ ခွေတရာꩻသားဖုံႏဟုဲင်း။ နုဲင်းခွေကဒေါ့ꩻလဲဉ်း ဝွေꩻသီး တမုဲင်ꩻနဝ်ꩻ ရီသွော့ ဝွေꩻသီးဟုဲင်း။ နုဲင်းခွေကဒေါ့ꩻနဝ်ꩻ ဝွေꩻသီးအဝ်ႏသေ” နုဲင်းနဝ်ꩻသွူ။
22ဗွေႏယေသျု ထွိုင်ႏဒေါ့ꩻ နုဲင်းယိုချိန်ႏ စဲ့ꩻပွေါးသား ကအဝ်ႏနဝ်ꩻကို တဖြာꩻနဝ်ꩻ တဗꩻဝွေꩻဗွေႏတဲင်ဒေါ့ꩻ၊ “ယဇ်ပရောဟိတ် ခွန်တန်နဝ်ꩻ နာꩻဒေါ့ꩻချာဗွိုန်ႏစွဉ်ႏ နုဲင်းနဝ်ꩻနဲ့” နုဲင်းနဝ်ꩻသွူ။
23ဗွေႏယေသျု လဝ်းချာဝွေꩻ၊ “ခွေဒေါ့ꩻထာꩻ အမာႏမဉ်ႏအဝ်ႏ တစွိုးတမျိုꩻနဝ်ꩻ အမျိုꩻမုဲင်ꩻမာႏ ဒေါ့ꩻနယ်ဖေႏသွော့ လိုꩻကအဝ်ႏ ယိုကိုသားဟုဲင်း။ ကွဲႏတွော့ꩻ နုဲင်းခွေကဒေါ့ꩻ ခွေမဉ်ႏအဝ်ႏမဲဉ်ႏဒျာႏနဝ်ꩻ ပွိုးတမုဲင်ꩻ နာꩻတွဲႏဗာႏတွိုႏခွေဟောင်း” နုဲင်းနဝ်ꩻသွူ။
24နဝ်ꩻထွူ ကအဝ်ႏစွိုင်ခါꩻနေးက ဗွေႏယေသျုနဝ်ꩻ ခွန်အန္န ပသာထေ့လွေꩻ ယဇ်ပရောဟိတ် ခွန်တန် ကာယဖထျꩻနဝ်ꩻသွူ။
ပေတရုပယ်ႏဖျင်ဗွေႏယေသျုတလဲင်ႏ
(မတဲ ၂၆:၇၁–၇၅။ မာကု ၁၄:၆၉–၇၂။ လုကာ ၂၂:၅၈–၆၂)
25ပေတရု အဝ်ႏအုံထွိုင်ႏ စွို့ꩻနေကမေႏ နဝ်ꩻကိုသွူ။ နဝ်ꩻမꩻ လိုꩻလင်ဖုံႏ ဒေါ့ꩻဖေႏဝွေꩻ၊ “နာꩻနဝ်ꩻတဲ့ အဝ်ႏထွာ ပါꩻခိုနဝ်ꩻ အတပဲ့တဖြာꩻ မွေးတဝ်းဟောင်း” နုဲင်းနဝ်ꩻသွူ။
ကွဲႏတွော့ꩻ ပေတရု ပယ်ႏထိုꩻတဲင်ရိုꩻ၊ “မွေးတဝ်း၊ ခွေတမွေးတဝ်း” ဝွေꩻဒေါ့ꩻ နုဲင်းနဝ်ꩻသွူ။
26ယဇ်ပရောဟိတ် သွဉ်းတဖြာꩻ ပါꩻခိုပေတရု ကဖဲ့ꩻလင်ꩻထိုꩻဒါႏ အနားလာႏ ဖူးဝေးတဖြာꩻနဝ်ꩻ ဒေါ့ꩻထန်ႏ၊ “ခွေအဝ်ႏထီႏ နာꩻအဝ်ႏငီꩻစွဉ်ႏဝွေꩻ ဥယျာဉ်ႏခြံကို မွေးတဝ်းဟောင်း” ဝွေꩻရီနုဲင်းနဝ်ꩻသွူ။
27ပေတရု ဒေါ့ꩻဖျင်တလဲင်ႏ၊ “မွေးတဝ်း၊” နုဲင်းနဝ်ꩻတဲင် တလဲင်ႏချင်ꩻ ဆျာထီးတဗာႏ အူႏစွဉ်ႏသွူ။
ဗွေႏယေသျုဖျော်လွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ မာကု ၁၅:၁–၅။ လုကာ ၂၃:၁–၅)
28မွူးရဝ်ꩻခိုႏ စဝ်းစဝ်း ဗွေႏယေသျုအဝ်ႏ ယဇ်ပရောဟိတ်ခွန်တန် ကာယဖ အလမ်းနဝ်ꩻ ဟဲ့ꩻလွေꩻစွဉ်ႏ ရောမခွန်ခံႏ အဟော်နန်ꩻကိုနဝ်ꩻသွူ။ ဂျူးအာႏဏာႏပဲင်ႏ သားဖုံႏနဝ်ꩻ တနွို့သော့ꩻတဝ်း ဟော်နန်ꩻကို ဖေႏနေး ကအီႏအံႏနွောင်ꩻ ပွယ်ꩻပတ္တခါ ထာꩻအံႏ နဝ်ꩻတွက်တာႏ ဝွေꩻသီးမဉ်အွဉ်ႏ ကြောင်းစင်ဒျာႏ အနမ်းဖုံႏသွူ။ 29နဝ်ꩻမꩻ ခွန်ပိလတ် ထန်ႏလွဉ်ထေ့ ဝွေꩻသီး ကောင်းထန်ႏဖဲ့ꩻတဲင်ရီ၊ “သီစွဲꩻတရာꩻ ပါꩻခိုယို တမုဲင်ꩻဟောင်း” နုဲင်းနဝ်ꩻသွူ။
30ဝွေꩻသီး လဝ်းချာ၊ “ဝွေꩻမဉ်ႏ တပဲစ်မာႏတဝ်း ရာႏဇဝွတ်မုပဲစ် တစွိုးစွိုးနဝ်ꩻ ဝွေꩻယို နီတအီလွဉ်ထေ့တဝ်း နီဗွေႏထျꩻ” နုဲင်းနဝ်ꩻသွူ။
31ခွန်ပိလတ် ဒေါ့ꩻဖေႏဝွေꩻသီး၊ “တွိုႏနဝ်ꩻ သီနမ်းနဝ်ꩻ ဟဲ့ꩻလွေꩻဝွေꩻတွော့ꩻ နုဲင်းသီပညတ်ကျမ်ꩻ ကအဝ်ႏအတွိုင်ꩻနဝ်ꩻ စီႏရင်ႏဝွေꩻဟုဲင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ကအီႏမာꩻသီထိုꩻ ပါꩻတဖြာꩻဖြာꩻနဝ်ꩻ နီအခွင်ꩻ တအဲဉ်ထဝ်း” နုဲင်းနဝ်ꩻသွူ။ 32#ယော ၃:၁၄၊ ၁၂:၃၂။ (ကဒေါ့ꩻဗာႏ နုဲင်းယိုနဝ်ꩻ နုဲင်းဝွေꩻဗွေႏ ကမိန်းသေꩻခါꩻဒါႏ အတွိုင်ꩻ ဝွေꩻဗွေႏ အီႏသီဗာႏ အစားမုဲင်ꩻနဝ်ꩻ မာꩻဖေႏကဗွေ မဲဉ်ႏလွဉ်ꩻနဝ်ꩻသွူ။)
33ခွန်ပိလတ် သဲင်ꩻချာသော့ꩻ အဟော်နန်ꩻကိုတဲင် ဟဲ့ꩻဗွေႏယေသျုသွူ။ ဝွေꩻရီ ဗွေႏယေသျု၊ “နာꩻထွာမွေး ဂျူးခွန်ဟောင်း” နုဲင်းနဝ်ꩻသွူ။
34ဗွေႏယေသျု လဝ်းချာ၊ “ငဝ်းရီယိုနဝ်ꩻ အဝ်ႏနာꩻထျꩻလွဉ်နဲ့၊ မဉ်ႏမွေးတဝ်း လိုꩻလင်တဖြာꩻဖြာꩻ ဒေါ့ꩻနယ်နာꩻ ခွေခရာႏတွော့ꩻနဲ့ဟောင်း” နုဲင်းနဝ်ꩻသွူ။
35ခွန်ပိလတ်လဝ်းချာ၊ “နာꩻထင်း ခွေနဝ်ꩻထွာ ဂျူးတဖြာꩻနဲ့ဟောင်း။ ပါꩻကအပ်ဒါႏနာꩻ ခွေစူကို နဝ်ꩻနဝ်ꩻ ထွာနာꩻလိုꩻမျိုꩻစွဉ်ႏ ယဇ်ပရောဟိတ်တန်ဖုံႏဒျာႏ။ နာꩻမာꩻလဲဉ်း တမုဲင်ꩻဟောင်း” နုဲင်းနဝ်ꩻသွူ။
36ဗွေႏယေသျုဒေါ့ꩻ၊ “ခွေခမ်းထီ နဲင်ႏငံႏနဝ်ꩻ တဆဲင်ႏတဝ်းတွမ်ႏ ကမ္ဘာႏလောကယို၊ ခွေခမ်းထီ မဉ်ႏဆဲင်ႏတွမ်ႏ ကမ္ဘာႏလောကယိုနဝ်ꩻ ဂျူးအာႏဏာႏပဲင်ႏ သားဖုံႏ ဖေႏကဆွမ်ꩻလꩻမွိုန်းခွေနဝ်ꩻ ခွေလိုꩻဖုံႏ အီႏတွိုက်ꩻရဲဆွုမ်ႏ ဟဝ်ဖေႏဒျာႏခွေ။ မွေးတဝ်း၊ ခွေခမ်းထီနဲင်ႏငံႏနဝ်ꩻ တဆဲင်ႏတဝ်း စွဉ်ႏကမ္ဘာႏလောကကိုယို” နုဲင်းနဝ်ꩻသွူ။
37နဝ်ꩻမꩻ ခွန်ပိလတ် ရီဝွေꩻဗွေႏ၊ “ပေါ့ꩻနုဲင်းနဝ်ꩻ နာꩻနဝ်ꩻထွာ ခွန်တန်တပါꩻနဲ့ဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “နုဲင်းနာꩻကရိုꩻအတွိုင်ꩻ ခွေနဝ်ꩻထွာ ခွန်တန်တပါꩻသွူ။ ကအီႏဒေါ့ꩻဒါႏ သမ္မာႏတရာꩻခရာႏနဝ်ꩻ အကျံႏတောႏ ယိုတစွိုးတာႏ ခွေလွူးဖွာꩻလွဉ်သော့ꩻဗာႏ ကမ္ဘာႏလောကကိုယိုနဝ်ꩻသွူ။ လိုꩻဆဲင်ႏဒါႏစွဉ်ႏ သမ္မာႏတရာꩻသားဖုံႏနဝ်ꩻ အီႏနာႏခွေငဝ်းဖုံႏ” နုဲင်းနဝ်ꩻသွူ။
38ခွန်ပိလတ်နဝ်ရီ၊ “သမ္မာႏတရာꩻနဝ်ꩻ တမုဲင်ꩻဟောင်း” နုဲင်းနဝ်ꩻသွူ။
ဖေႏဗွေႏယေသျုထာꩻသီတံႏ
(မတဲ ၂၇:၁၅–၃၁။ မာကု ၁၅:၆–၂၀။ လုကာ ၂၃:၁၃–၂၅)
နဝ်ꩻထွူ ခွန်ပိလတ် ထန်ႏလွေꩻထေ့ လိုꩻကောင်းထန်ႏဖဲ့ꩻတဲင် ဒေါ့ꩻဖေႏဝွေꩻသီး၊ “ကအီႏစီႏရင်ႏဗာႏ ဝွေꩻနဝ်ꩻ ခွေတမော့ꩻတဝ်း အပဲစ် တစွိုးစွိုးသွူ။ 39ကွဲႏတွော့ꩻ နုဲင်းသီထွုံꩻစံႏ ကအဝ်ႏအတွိုင်ꩻ သီပွယ်ꩻပတ္တခါကျာꩻနဝ်ꩻ ခွေအဝ်ႏအွဉ်ႏစွꩻလွစ်ဖေႏ သေႏသေႏ သီတာႏ ထောင်ႏသား တဖြာꩻသွူ။ သီတာႏ သီမဉ်ႏအွဉ်ႏခွေ အွဉ်ႏစွꩻလွစ်ဖေႏသီ ဂျူးခွန်တန်နဝ်ꩻ နဲ့ဟောင်း” နုဲင်းနဝ်ꩻသွူ။
40တွမ်ႏငဝ်းခြောဝ်သန်နဝ်ꩻ ဝွေꩻသီး လဝ်းချာခွန်၊ “ဝွေꩻတမွေးတဝ်း။ နီမဉ်အွဉ်ႏစွꩻလွစ်ဒျာႏ ဗာရဗ္ဗ” နုဲင်းနဝ်ꩻသွူ။ (ဗာရဗ္ဗနဝ်ꩻ အဝ်ႏထွာ စွန်သားတဖြာꩻသွူ။)
ទើបបានជ្រើសរើសហើយ៖
ယောဟန် 18: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 18
18
ဆွမ်ꩻဗွေႏယေသျု
(မတဲ ၂၆:၄၇–၅၆။ မာကု ၁၄:၄၃–၅၀။ လုကာ ၂၂:၄၇–၅၃)
1ဗွေႏယေသျု ဆုတောင်ꩻ နုဲင်းယိုထွူ၊ ဝွေꩻဗွေႏစွဉ်ႏ ဝွေꩻဗွေႏ တပဲ့တောႏဖုံႏနဝ်ꩻ ထန်ႏလွေꩻတဲင် ဖျတ်ကာႏလွေꩻစွဉ်ႏ ကေဒြုန် ထီခြောင်ပေႏနဝ်ꩻသွူ။ ခင်ႏလမ်းနဝ်ꩻကိုနဝ်ꩻ ဥယျာဉ်ႏခြံ အဝ်ႏတခြံတဲင် ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ နွို့သော့ꩻစွဉ်ႏသွူ။ 2ပွိုးတွော့ꩻ ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ အဝ်ႏမော့ꩻခွဲ ခွိုꩻခွိုꩻလို့ဝင်ꩻ ခင်ႏလမ်း နဝ်ꩻကိုအတွက် ယုဒ သစ္စာႏဖေါက်နဝ်ꩻ အဝ်ႏသေ ခင်ႏလမ်း နဝ်ꩻကိုသွူ။ 3ပွိုးနဝ်ꩻမꩻ ယုဒလွေꩻ ဥယျာဉ်ႏခြံတဲင် ဟဲ့ꩻလွေꩻပါစွဉ်ႏ ရောမစဲ့ꩻသား တစွိုꩻစွဉ်ႏ ယဇ်ပရောဟိတ်တန်ဖုံႏ ကအွဉ်ႏစွꩻလွေꩻဒါႏ စဲ့ꩻပွေါးရံႏ ဗိမာန်ႏတောႏကျောင်ꩻသား တွမ်ႏဖါရိသဲဖုံႏနဝ်ꩻသွူ။ ဝွေꩻသီးနဝ်ꩻ ပါစွဉ်ႏစူခွုမ် လက်နက်ဖုံႏတဲင် အီလွေꩻပါစွဉ်ႏ မေႏဗုတ်ꩻ မေႏဆော်ဖုံႏနဝ်ꩻသွူ။ 4ဗွေႏယေသျု အီႏထွာလွဉ် နုဲင်းမုဲင်ꩻခရာႏနဝ်ꩻ ဝွေꩻဗွေႏ အဝ်ႏသေလို့သွူ။ နဝ်ꩻမꩻ ဝွေꩻဗွေႏ ကာငါတဲင် ရီဝွေꩻသီး၊ “သီအဝ်ႏထုမ်ႏ ပါꩻမုဲင်ꩻဟောင်း” နုဲင်းနဝ်ꩻသွူ။
5ဝွေꩻသီးလဝ်းချာ၊ “နီထုမ်ႏ နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
ဝွေꩻဗွေႏဒေါ့ꩻ၊ “ခွေနဝ်ꩻထွာ ဝွေꩻသွူ” နုဲင်းနဝ်ꩻသွူ။
သစ္စာႏဖေါက်ယုဒနဝ်ꩻ အဝ်ႏအုံထွိုင်ႏငီꩻစွဉ်ႏ ဝွေꩻသီး နဝ်ꩻကိုသွူ။ 6ဗွေႏယေသျု ထွိုင်ႏဒေါ့ꩻဖေႏ ဝွေꩻသီး၊ “ခွေနဝ်ꩻထွာ ဝွေꩻသွူ” နုဲင်းနဝ်ꩻချိန်ႏ ဝွေꩻသီးဆွတ်ချာတဲင် ဝꩻလင်ꩻထိုꩻစွဉ်ႏ ဟံႏလောင်းဖုံႏသွူ။ 7ဗွေႏယေသျုရီဖျင် ဝွေꩻသီး၊ “သီအဝ်ႏထုမ်ႏ ပါꩻမုဲင်ꩻဟောင်း” နုဲင်းနဝ်ꩻသွူ။။
ဝွေꩻသီးဒေါ့ꩻ၊ “နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
8ခွေထွာဝွေꩻနဝ်ꩻ ခွေဒေါ့ꩻနယ်ဖေႏ ထွူလဲဉ်းသီသွူ။ နဝ်ꩻထွူ သီမဉ်ႏအဝ်ႏထုမ်ႏဒျာႏခွေနဝ်ꩻ လိုꩻလင်ဖုံႏယိုနဝ်ꩻ အွဉ်ႏလွေꩻထိုꩻခန်းဟုဲင်း” နုဲင်းနဝ်ꩻသွူ။ 9( ဖေႏကဗွေမဲဉ်ႏလွဉ်ꩻ နုဲင်းဝွေꩻဗွေႏကဒေါ့ꩻဒါႏ၊ “အွိုးဖါတောႏ၊ နီဖါကဖေႏဒါႏ ခွေလိုꩻဖုံႏနဝ်ꩻ တဖြာꩻငါတဲ့ ဖေႏခွေကသွုမ်ꩻဗာႏမွိုန်း နုဲင်းနဝ်ꩻနဝ်ꩻ ဝွေꩻဗွေႏ ဒေါ့ꩻဗာႏနုဲင်းယို” နုဲင်းနဝ်ꩻသွူ။
10ပါꩻနꩻလျော်ꩻ ကအဝ်ႏဒါႏ တဗာႏ သိမုန်ပေတရုနဝ်ꩻ ဗဲ့ꩻအနꩻတဲင် ဖျက်ꩻတပစ်ꩻလင်ꩻထိုꩻစွဉ်ႏ ယဇ်ပရောဟိတ်ခွန် အသွဉ်း နားလာႏဖဲ့ꩻထွေသွူ။ သွဉ်းအမဉ်ꩻနဝ်ꩻ ထွာမာလခုသွူ။ 11#မ ၂၆:၃၉၊ မာကု ၁၄:၃၆၊ လုကာ ၂၂:၄၂။ ဗွေႏယေသျု ဒေါ့ꩻဖေႏ ပေတရု၊ “နာꩻနꩻနဝ်ꩻ သော့ꩻချာခန်း အကော့ꩻကိုဟုဲင်း။ ခွေဖါကဖေႏဒါႏခွေ တကောက်ꩻ ထာꩻယပ်ꩻဒုက္ခနဝ်ꩻ နာꩻထင်းဒျာႏ ခွေအီႏတအွꩻတဝ်းနဲ့ဟောင်း” နုဲင်းနဝ်ꩻသွူ။
ဗွေႏယေသျုဖျော်လွေꩻခွန်အန္နဆꩻငါ
12နဝ်ꩻထွူ ရောမစဲ့ꩻသားဖုံႏစွဉ်ႏ စဲ့ꩻပိုႏတန်တွမ်ႏ ဂျူးစဲ့ꩻပွေါးရံႏသားဖုံႏနဝ်ꩻ ဆွမ်ꩻဗွေႏယေသျုတွော့ꩻ စွိုင်ထိုꩻစွဉ်ႏ ဝွေꩻဗွေႏတဲင်၊ 13ဝွေꩻဗွေႏနဝ်ꩻ ဟဲ့ꩻလွေꩻထေ့ရီး ခွန်အန္နထျꩻနဝ်ꩻသွူ။ အန္နနဝ်ꩻထွာ အနေင်ႏနဝ်ꩻ ပါꩻကအဝ်ႏထွာ ယဇ်ပရောဟိတ်ခွန် ကာယဖနဝ်ꩻ အဖူသွူ။ 14#ယော ၁၁:၄၉၊၅၀။ ကာယဖနဝ်ꩻထွာ ပါꩻအဖြာꩻ ကဖေႏကျံႏဒါႏ ဂျူးအာႏဏာႏပဲင်ႏသားဖုံႏ ခလားလိုꩻဖုံႏ ကားကအဝ်ႏ ကသီထိုꩻဗာႏ ပါꩻတဖြာꩻ မဉ်ႏသီနဝ်ꩻ ကယိန်းဟဝ်နဝ်ꩻသွူ။
ပေတရုပယ်ႏထိုꩻဗွေႏယေသျု
(မတဲ ၂၆:၆၉–၇၀။ မာကု ၁၄:၆၆–၆၈။ လုကာ ၂၂:၅၅–၅၇)
15သိမုန်ပေတရုတွမ်ႏ တပဲ့တောႏ အလင်တဖြာꩻနဝ်ꩻ အဝ်ႏလွေꩻလွဉ်ꩻ ဗွေႏယေသျုသွူ။ တပဲ့တောႏ အလင်တဖြာꩻနဝ်ꩻ ယဇ်ပရောဟိတ်ခွန် အဝ်ႏသေငါꩻစဲင်းသွူ။ နဝ်ꩻမꩻ ဝွေꩻလွေꩻစွဉ်ႏ ဗွေႏယေသျု ကအဝ်ႏသော့ꩻဒါႏ ယဇ်ပရောဟိတ်ခွန် အလမ်း ပတ်တဝွိုင်ꩻ ကိုနဝ်ꩻသွူ။ 16အကျာꩻနဝ်ꩻနဝ်ꩻ ပေတရုအဝ်ႏကုဲင်ဒျာႏ တခါꩻတန်ထျꩻ ကောင်းထန်ႏဖဲ့ꩻသွူ။ နဝ်ꩻထွူ တပဲ့တောႏ အလင်တဖြာꩻ ထန်ႏသဲင်ꩻချာတဲင် ဒေါ့ꩻဖေႏ ပါꩻမူႏပေႏ တခါꩻတန်ထျꩻ နဝ်ꩻတဲင် ထွန်ႏဟဲ့ꩻနွို့ ပေတရု ကောင်းကိုနဝ်ꩻသွူ။ 17ပါꩻမူႏပေႏကအဝ်ႏ တခါꩻတန်ထျꩻနဝ်ꩻ ဒေါ့ꩻဖေႏပေတရု၊ “နာꩻနဝ်ꩻတဲ့ အဝ်ႏပါသော့ꩻ ပါꩻခိုနဝ်ꩻ အတပဲ့ဖုံႏကိုတဖြာꩻ မွေးတဝ်းဟောင်း”နုဲင်းနဝ်ꩻသွူ။
ပေတရုလဝ်းချာ၊ “မွေးတဝ်း၊ ခွေတမွေးတဝ်း” နုဲင်းနဝ်ꩻသွူ။
18ထာꩻခွꩻငါႏနဝ်ꩻမꩻ သွဉ်းဖုံႏတွမ်ႏ စဲ့ꩻပွေါးသားဖုံႏ အဝ်ႏအူမေႏတပြုန်ႏတဲင် အဝ်ႏအုံထွိုင်ႏခူဝဲင်ꩻ စို့ꩻမေႏနဝ်ꩻသွူ။ နဝ်ꩻမꩻ ပေတရု ထန်ႏလွေꩻတဲင် အုံထွိုင်ႏစို့ꩻငီꩻ ဝွေꩻသီးမေႏနဝ်ꩻသွူ။
ယဇ်ပရောဟိတ်ခွန်တန်ရီဗွေႏယေသျု
(မတဲ ၂၆:၅၉–၆၆။ မာကု ၁၄:၅၅–၆၄။ လုကာ ၂၂:၆၆–၇၁)
19ပွိုင်းဝွို့တွမ်ႏ ဝွေꩻဗွေႏတပဲ့တောႏဖုံႏ ခရာႏစွဉ်ႏ ဝွေꩻဗွေႏ ထာꩻသွဉ်သင်ဖုံႏ ခရာႏနဝ်ꩻ ယဇ်ပရောဟိတ် ခွန်တန်နဝ်ꩻ ရီဗွေႏယေသျုသွူ။ 20ဗွေႏယေသျုလဝ်းချာ၊ “ခွေအဝ်ႏဒေါ့ꩻထင်ႏသျာꩻဖေႏ လိုꩻအမျာꩻ စွုမ်ႏဖြာꩻဖြာꩻသွူ။ ခွေထာꩻသွဉ်သင်ဖုံႏ ကားကအဝ်ႏနဝ်ꩻ သွဉ်သင်သော့ꩻဒျာႏ တရာꩻစရွပ်ကိုတွမ်ႏ ဗိမာန်ႏတောႏ ကျောင်ꩻကိုသွူ။ လိုꩻဖုံႏ ကားကအဝ်ႏနဝ်ꩻ အဝ်ႏလွဉ် စုဗူႏသော့ꩻဒျာႏ နဝ်ꩻကိုသွူ။ မုဲင်ꩻခါတဲ့ ခွေတဒေါ့ꩻတေ့ꩻနေးတဝ်း တစွိုးစွိုးသွူ။ 21နဝ်ꩻထွူ ပွိုးတမုဲင်ꩻ နာꩻရီဗာႏတွိုႏခွေ နုဲင်းမုဲင်ꩻဟောင်း။ ရီသွော့ လိုꩻကဟွိုန်ဒါႏ ခွေတရာꩻသားဖုံႏဟုဲင်း။ နုဲင်းခွေကဒေါ့ꩻလဲဉ်း ဝွေꩻသီး တမုဲင်ꩻနဝ်ꩻ ရီသွော့ ဝွေꩻသီးဟုဲင်း။ နုဲင်းခွေကဒေါ့ꩻနဝ်ꩻ ဝွေꩻသီးအဝ်ႏသေ” နုဲင်းနဝ်ꩻသွူ။
22ဗွေႏယေသျု ထွိုင်ႏဒေါ့ꩻ နုဲင်းယိုချိန်ႏ စဲ့ꩻပွေါးသား ကအဝ်ႏနဝ်ꩻကို တဖြာꩻနဝ်ꩻ တဗꩻဝွေꩻဗွေႏတဲင်ဒေါ့ꩻ၊ “ယဇ်ပရောဟိတ် ခွန်တန်နဝ်ꩻ နာꩻဒေါ့ꩻချာဗွိုန်ႏစွဉ်ႏ နုဲင်းနဝ်ꩻနဲ့” နုဲင်းနဝ်ꩻသွူ။
23ဗွေႏယေသျု လဝ်းချာဝွေꩻ၊ “ခွေဒေါ့ꩻထာꩻ အမာႏမဉ်ႏအဝ်ႏ တစွိုးတမျိုꩻနဝ်ꩻ အမျိုꩻမုဲင်ꩻမာႏ ဒေါ့ꩻနယ်ဖေႏသွော့ လိုꩻကအဝ်ႏ ယိုကိုသားဟုဲင်း။ ကွဲႏတွော့ꩻ နုဲင်းခွေကဒေါ့ꩻ ခွေမဉ်ႏအဝ်ႏမဲဉ်ႏဒျာႏနဝ်ꩻ ပွိုးတမုဲင်ꩻ နာꩻတွဲႏဗာႏတွိုႏခွေဟောင်း” နုဲင်းနဝ်ꩻသွူ။
24နဝ်ꩻထွူ ကအဝ်ႏစွိုင်ခါꩻနေးက ဗွေႏယေသျုနဝ်ꩻ ခွန်အန္န ပသာထေ့လွေꩻ ယဇ်ပရောဟိတ် ခွန်တန် ကာယဖထျꩻနဝ်ꩻသွူ။
ပေတရုပယ်ႏဖျင်ဗွေႏယေသျုတလဲင်ႏ
(မတဲ ၂၆:၇၁–၇၅။ မာကု ၁၄:၆၉–၇၂။ လုကာ ၂၂:၅၈–၆၂)
25ပေတရု အဝ်ႏအုံထွိုင်ႏ စွို့ꩻနေကမေႏ နဝ်ꩻကိုသွူ။ နဝ်ꩻမꩻ လိုꩻလင်ဖုံႏ ဒေါ့ꩻဖေႏဝွေꩻ၊ “နာꩻနဝ်ꩻတဲ့ အဝ်ႏထွာ ပါꩻခိုနဝ်ꩻ အတပဲ့တဖြာꩻ မွေးတဝ်းဟောင်း” နုဲင်းနဝ်ꩻသွူ။
ကွဲႏတွော့ꩻ ပေတရု ပယ်ႏထိုꩻတဲင်ရိုꩻ၊ “မွေးတဝ်း၊ ခွေတမွေးတဝ်း” ဝွေꩻဒေါ့ꩻ နုဲင်းနဝ်ꩻသွူ။
26ယဇ်ပရောဟိတ် သွဉ်းတဖြာꩻ ပါꩻခိုပေတရု ကဖဲ့ꩻလင်ꩻထိုꩻဒါႏ အနားလာႏ ဖူးဝေးတဖြာꩻနဝ်ꩻ ဒေါ့ꩻထန်ႏ၊ “ခွေအဝ်ႏထီႏ နာꩻအဝ်ႏငီꩻစွဉ်ႏဝွေꩻ ဥယျာဉ်ႏခြံကို မွေးတဝ်းဟောင်း” ဝွေꩻရီနုဲင်းနဝ်ꩻသွူ။
27ပေတရု ဒေါ့ꩻဖျင်တလဲင်ႏ၊ “မွေးတဝ်း၊” နုဲင်းနဝ်ꩻတဲင် တလဲင်ႏချင်ꩻ ဆျာထီးတဗာႏ အူႏစွဉ်ႏသွူ။
ဗွေႏယေသျုဖျော်လွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ မာကု ၁၅:၁–၅။ လုကာ ၂၃:၁–၅)
28မွူးရဝ်ꩻခိုႏ စဝ်းစဝ်း ဗွေႏယေသျုအဝ်ႏ ယဇ်ပရောဟိတ်ခွန်တန် ကာယဖ အလမ်းနဝ်ꩻ ဟဲ့ꩻလွေꩻစွဉ်ႏ ရောမခွန်ခံႏ အဟော်နန်ꩻကိုနဝ်ꩻသွူ။ ဂျူးအာႏဏာႏပဲင်ႏ သားဖုံႏနဝ်ꩻ တနွို့သော့ꩻတဝ်း ဟော်နန်ꩻကို ဖေႏနေး ကအီႏအံႏနွောင်ꩻ ပွယ်ꩻပတ္တခါ ထာꩻအံႏ နဝ်ꩻတွက်တာႏ ဝွေꩻသီးမဉ်အွဉ်ႏ ကြောင်းစင်ဒျာႏ အနမ်းဖုံႏသွူ။ 29နဝ်ꩻမꩻ ခွန်ပိလတ် ထန်ႏလွဉ်ထေ့ ဝွေꩻသီး ကောင်းထန်ႏဖဲ့ꩻတဲင်ရီ၊ “သီစွဲꩻတရာꩻ ပါꩻခိုယို တမုဲင်ꩻဟောင်း” နုဲင်းနဝ်ꩻသွူ။
30ဝွေꩻသီး လဝ်းချာ၊ “ဝွေꩻမဉ်ႏ တပဲစ်မာႏတဝ်း ရာႏဇဝွတ်မုပဲစ် တစွိုးစွိုးနဝ်ꩻ ဝွေꩻယို နီတအီလွဉ်ထေ့တဝ်း နီဗွေႏထျꩻ” နုဲင်းနဝ်ꩻသွူ။
31ခွန်ပိလတ် ဒေါ့ꩻဖေႏဝွေꩻသီး၊ “တွိုႏနဝ်ꩻ သီနမ်းနဝ်ꩻ ဟဲ့ꩻလွေꩻဝွေꩻတွော့ꩻ နုဲင်းသီပညတ်ကျမ်ꩻ ကအဝ်ႏအတွိုင်ꩻနဝ်ꩻ စီႏရင်ႏဝွေꩻဟုဲင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ကအီႏမာꩻသီထိုꩻ ပါꩻတဖြာꩻဖြာꩻနဝ်ꩻ နီအခွင်ꩻ တအဲဉ်ထဝ်း” နုဲင်းနဝ်ꩻသွူ။ 32#ယော ၃:၁၄၊ ၁၂:၃၂။ (ကဒေါ့ꩻဗာႏ နုဲင်းယိုနဝ်ꩻ နုဲင်းဝွေꩻဗွေႏ ကမိန်းသေꩻခါꩻဒါႏ အတွိုင်ꩻ ဝွေꩻဗွေႏ အီႏသီဗာႏ အစားမုဲင်ꩻနဝ်ꩻ မာꩻဖေႏကဗွေ မဲဉ်ႏလွဉ်ꩻနဝ်ꩻသွူ။)
33ခွန်ပိလတ် သဲင်ꩻချာသော့ꩻ အဟော်နန်ꩻကိုတဲင် ဟဲ့ꩻဗွေႏယေသျုသွူ။ ဝွေꩻရီ ဗွေႏယေသျု၊ “နာꩻထွာမွေး ဂျူးခွန်ဟောင်း” နုဲင်းနဝ်ꩻသွူ။
34ဗွေႏယေသျု လဝ်းချာ၊ “ငဝ်းရီယိုနဝ်ꩻ အဝ်ႏနာꩻထျꩻလွဉ်နဲ့၊ မဉ်ႏမွေးတဝ်း လိုꩻလင်တဖြာꩻဖြာꩻ ဒေါ့ꩻနယ်နာꩻ ခွေခရာႏတွော့ꩻနဲ့ဟောင်း” နုဲင်းနဝ်ꩻသွူ။
35ခွန်ပိလတ်လဝ်းချာ၊ “နာꩻထင်း ခွေနဝ်ꩻထွာ ဂျူးတဖြာꩻနဲ့ဟောင်း။ ပါꩻကအပ်ဒါႏနာꩻ ခွေစူကို နဝ်ꩻနဝ်ꩻ ထွာနာꩻလိုꩻမျိုꩻစွဉ်ႏ ယဇ်ပရောဟိတ်တန်ဖုံႏဒျာႏ။ နာꩻမာꩻလဲဉ်း တမုဲင်ꩻဟောင်း” နုဲင်းနဝ်ꩻသွူ။
36ဗွေႏယေသျုဒေါ့ꩻ၊ “ခွေခမ်းထီ နဲင်ႏငံႏနဝ်ꩻ တဆဲင်ႏတဝ်းတွမ်ႏ ကမ္ဘာႏလောကယို၊ ခွေခမ်းထီ မဉ်ႏဆဲင်ႏတွမ်ႏ ကမ္ဘာႏလောကယိုနဝ်ꩻ ဂျူးအာႏဏာႏပဲင်ႏ သားဖုံႏ ဖေႏကဆွမ်ꩻလꩻမွိုန်းခွေနဝ်ꩻ ခွေလိုꩻဖုံႏ အီႏတွိုက်ꩻရဲဆွုမ်ႏ ဟဝ်ဖေႏဒျာႏခွေ။ မွေးတဝ်း၊ ခွေခမ်းထီနဲင်ႏငံႏနဝ်ꩻ တဆဲင်ႏတဝ်း စွဉ်ႏကမ္ဘာႏလောကကိုယို” နုဲင်းနဝ်ꩻသွူ။
37နဝ်ꩻမꩻ ခွန်ပိလတ် ရီဝွေꩻဗွေႏ၊ “ပေါ့ꩻနုဲင်းနဝ်ꩻ နာꩻနဝ်ꩻထွာ ခွန်တန်တပါꩻနဲ့ဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “နုဲင်းနာꩻကရိုꩻအတွိုင်ꩻ ခွေနဝ်ꩻထွာ ခွန်တန်တပါꩻသွူ။ ကအီႏဒေါ့ꩻဒါႏ သမ္မာႏတရာꩻခရာႏနဝ်ꩻ အကျံႏတောႏ ယိုတစွိုးတာႏ ခွေလွူးဖွာꩻလွဉ်သော့ꩻဗာႏ ကမ္ဘာႏလောကကိုယိုနဝ်ꩻသွူ။ လိုꩻဆဲင်ႏဒါႏစွဉ်ႏ သမ္မာႏတရာꩻသားဖုံႏနဝ်ꩻ အီႏနာႏခွေငဝ်းဖုံႏ” နုဲင်းနဝ်ꩻသွူ။
38ခွန်ပိလတ်နဝ်ရီ၊ “သမ္မာႏတရာꩻနဝ်ꩻ တမုဲင်ꩻဟောင်း” နုဲင်းနဝ်ꩻသွူ။
ဖေႏဗွေႏယေသျုထာꩻသီတံႏ
(မတဲ ၂၇:၁၅–၃၁။ မာကု ၁၅:၆–၂၀။ လုကာ ၂၃:၁၃–၂၅)
နဝ်ꩻထွူ ခွန်ပိလတ် ထန်ႏလွေꩻထေ့ လိုꩻကောင်းထန်ႏဖဲ့ꩻတဲင် ဒေါ့ꩻဖေႏဝွေꩻသီး၊ “ကအီႏစီႏရင်ႏဗာႏ ဝွေꩻနဝ်ꩻ ခွေတမော့ꩻတဝ်း အပဲစ် တစွိုးစွိုးသွူ။ 39ကွဲႏတွော့ꩻ နုဲင်းသီထွုံꩻစံႏ ကအဝ်ႏအတွိုင်ꩻ သီပွယ်ꩻပတ္တခါကျာꩻနဝ်ꩻ ခွေအဝ်ႏအွဉ်ႏစွꩻလွစ်ဖေႏ သေႏသေႏ သီတာႏ ထောင်ႏသား တဖြာꩻသွူ။ သီတာႏ သီမဉ်ႏအွဉ်ႏခွေ အွဉ်ႏစွꩻလွစ်ဖေႏသီ ဂျူးခွန်တန်နဝ်ꩻ နဲ့ဟောင်း” နုဲင်းနဝ်ꩻသွူ။
40တွမ်ႏငဝ်းခြောဝ်သန်နဝ်ꩻ ဝွေꩻသီး လဝ်းချာခွန်၊ “ဝွေꩻတမွေးတဝ်း။ နီမဉ်အွဉ်ႏစွꩻလွစ်ဒျာႏ ဗာရဗ္ဗ” နုဲင်းနဝ်ꩻသွူ။ (ဗာရဗ္ဗနဝ်ꩻ အဝ်ႏထွာ စွန်သားတဖြာꩻသွူ။)
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.