ယောဟန် 15
15
တဗဲစ်မွူးအစဲစ်အမဲဉ်ႏကထွာဒါႏဗွေႏယေသျု
1“ခွေနဝ်ꩻထွာ တဗဲစ်မွူး အစဲစ်အမဲဉ်ႏတဲင် ခွေဖါတောႏနဝ်ꩻထွာ ဥယျာဉ်ႏခြံဗွေႏသွူ။ 2အရာႏတရာႏတဝ်း အပင် စွုမ်ႏပင် ကအဝ်ႏဆွိုင်ꩻငီꩻ ခွေနဝ်ꩻ ဝွေꩻဗွေႏ ဗက်ꩻထန်ႏထိုꩻတဲင် အရာႏကရာႏဒါႏ အပင်ဖုံႏစွုမ်ႏပင် ဖေႏနေးကသျင်ꩻတွော့ꩻ ကယိန်းရာႏအာလွိုနဝ်ꩻ ဝွေꩻဗွေႏ မွဉ်းဖျင်ဟဝ်သွူ။ 3စွဉ်ႏထာꩻသွဉ်သင် ခွေကအဝ်ႏဖေႏဒါႏ သီနဝ်ꩻ သီအဝ်ႏသေနာႏ သျင်ꩻလဲဉ်းဒျာႏသွူ။ 4အဝ်ႏသွုပ် တဉ်ႏငီꩻသွော့ တွမ်ႏခွေ တလွောင်ႏ တဗူႏချင်ႏတဲင် ခွေနဝ်ꩻတဲ့ အီႏအဝ်ႏသွုပ် တဉ်ႏငီꩻဒျာႏသီ တလွောင်ႏ တဗူႏချင်ႏနဝ်ꩻသွူ။ အပင်တပင်နဝ်ꩻ စွဉ်ႏဝွေꩻနမ်းရင်ꩻဒျာႏ အတရာႏချာ နွောင်ꩻတဝ်းသွူ။ အပင်နဝ်ꩻ မဉ်ႏအဝ်ႏဆွိုင်ꩻငီꩻစွဉ်ႏ တဗဲစ်မွူးနဝ်ꩻမꩻ အရာႏရာႏနွောင်ꩻနဝ်ꩻသွူ။ ဗွိုန်နုဲင်းနဝ်ꩻနေနေ သီမဉ်ႏ တအဝ်ႏသွုပ် တဥ်ႏငီꩻတဝ်း စွဉ်ႏခွေနဝ်ꩻ သီအရာႏ တရာႏနွောင်ꩻတဝ်းသွူ။
5ခွေနဝ်ꩻထွာ တဗဲစ်မွူးတဲင် သီနဝ်ꩻထွာ အပင်ဖုံႏသွူ။ လိုꩻကအဝ်ႏသွုပ် တဉ်ႏငီꩻဒါႏ စွဉ်ႏခွေနဝ်ꩻ ခွေတဲ့ အဝ်ႏသွုပ်တဉ်ႏငီꩻစွဉ်ႏ ဝွေꩻသီးနဝ်ꩻမꩻ အရာႏ အီႏရာႏလွဉ် အာဗာႏနဝ်ꩻသွူ။ ပေါႏခွေတပါတဝ်းနဝ်ꩻ သီမာꩻတမုဲင်ꩻတဲ့ တလꩻနွောင်ꩻတဝ်းသွူ။ 6ပါꩻမုဲင်ꩻ တအဝ်ႏသွုပ်တဉ်ႏငီꩻတဝ်း ခွေနဝ်ꩻ ဗွိုန်နုဲင်း အပင်ဖုံႏ ကနုဲင်ႏထန်ႏထိုꩻတဲင် ကသဲင်ထိုꩻနဝ်ꩻသွူ။ အပင်စားနဝ်ꩻဖုံႏနဝ်ꩻ အွဉ်ႏစုဗူႏတွော့ꩻ နုဲင်ႏသော့ꩻထိုꩻဒျာႏ မေႏကို၊ နဝ်ꩻကို အပင်ဖုံႏနဝ်ꩻ မေႏအီႏခိုးထိုꩻလို့ဒျာႏသွူ။ 7သီမဉ်ႏအဝ်ႏသွုပ် တဉ်ႏငီꩻသော့ꩻ ခွေတဲင် ခွေငဝ်းဖုံႏ မဉ်ႏအဝ်ႏသွုပ်တဉ်ႏငီꩻ သီအကို၊ သီကမဉ်လꩻ သီကအီႏဆုတောင်ꩻဒါႏထာꩻ ကားကအဝ်ႏနဝ်ꩻတဲ့ သီအီႏလꩻနဝ်ꩻသွူ။ 8စွဉ်ႏသီအရာႏဖုံႏ ကရာႏအာဒါႏနဝ်ꩻ မာꩻထင်ႏသျာꩻတောင်ႏလေနယ် ခွေဖါတော အဘွုန်ꩻသရေႏတောႏသွူ။ နဝ်ꩻမꩻ တွမ်ႏအနယ်ꩻယိုနဝ်ꩻ သီထွာလွဉ် ခွေတပဲ့တောႏဖုံႏသွူ။ 9ဗွိုန်နုဲင်းဖါတောႏ ကရက်ခွေနဝ်ꩻ ခွေရက်သီသွူ။ အဝ်ႏငီꩻစွူစွူ သော့ꩻသွော့ ခွေထာꩻရက် မေတ္တာႏကိုဟုဲင်း။ 10ဗွိုန်နုဲင်း ခွေကလွောက်ꩻနာႏ ခွေဖါတောႏ ပညတ်တောႏဖုံႏတဲင် ကအဝ်ႏငီꩻစွူစွူသော့ꩻ ဝွေꩻဗွေႏ မေတ္တာႏတောႏကို အတွိုင်ꩻ သီမဉ်ႏ လွောက်ꩻနာႏ ခွေပညတ်ကျမ်ꩻဖုံႏနဝ်ꩻ သီအီႏအဝ်ႏငီꩻသော့ꩻ စွူစွူဒျာႏ ခွေထာꩻရက် မေတ္တာႏ တောႏကိုနဝ်ꩻသွူ။
11“ဖေႏနေး ခွေထာꩻသꩻဟဝ်သꩻရေꩻ ယံကအဝ်ႏသော့ꩻ သီအကိုတဲင် သီထာꩻသꩻဟဝ်သꩻရေꩻ ယံကဗွေ စွုံႏလင်ႏလွဉ်နဝ်ꩻ ခွေဒေါ့ꩻဖေႏဗာႏသီ နုဲင်းယိုနဝ်ꩻသွူ။ 12#ယော ၁၃:၃၄၊ ၁၅:၁၇၊ ၁ယော ၃:၂၃၊ ၂ယော ၅။ ခွေပညတ်တောႏနဝ်ꩻ ထွာနုဲင်းယိုသွူ။ ဗွိုန်နုဲင်း ခွေကရက်သီ အတွိုင်ꩻနဝ်ꩻ တဖြာꩻစွဉ်ႏတဖြာꩻ ရက်သွော့လို့ဝင်ꩻဟုဲင်း။ 13လိုꩻတဖြာꩻ ထာꩻရက်မေတ္တာႏ အတန်သွတ်ꩻနဝ်ꩻ ထွာဝွေꩻသွꩻဖုံႏတာႏ ဝွေꩻကစွဉ်ꩻဖေႏဒါႏ အသက်နဝ်ꩻသွူ။ 14သီမဉ်ႏလွောက်ꩻနာႏ မာꩻလွဉ် နုဲင်းခွေပညတ်ကျမ်ꩻနဝ်ꩻ သီအီႏထွာ ခွေသွꩻဖုံႏသွူ။ 15ပွိုးတွော့ꩻ နုဲင်းဝွေꩻသီး အဗွေႏ ကအဝ်ႏမာꩻထာꩻဖုံႏနဝ်ꩻ သွဉ်းဖုံႏ တသေတဝ်းနဝ်ꩻမꩻ သီနဝ်ꩻ ခွေအီႏတဟဲ့ꩻ ထဲင်းတဝ်းဒွုမ် သွဉ်းဖုံႏသွူ။ သီနဝ်ꩻ ခွေဟဲ့ꩻတောလုဲင်ႏဒျာႏ သွꩻဖုံႏ၊ ပွိုးတွော့ꩻ ခွေကဟွိုန်ဗာႏလဲဉ်း ခွေဖါတောႏထျꩻ ကားကအဝ်ႏနဝ်ꩻ ခွေဒေါ့ꩻနယ်ဖေႏလဲဉ်း သီနဝ်ꩻသွူ။ 16သီနဝ်ꩻ လွိုက်ထူႏခွေ တမွေးတဝ်း၊ ခွေလွိုက်ထူႏဒျာႏတဲင် ခန်ꩻဖေႏဒျာႏသီတွော့ꩻ အရာႏဖုံႏ ဖေႏကရာႏဗာႏ၊ အရာႏအစား ခံႏညဖုံႏနဝ်ꩻသွူ။ နဝ်ꩻမꩻ စွဉ်ႏခွေအမဉ်ꩻနာႏမꩻတွော့ꩻ သီကဆုတောင်ꩻဒါႏ ဝွေꩻဗွေႏထျꩻ ကားကအဝ်ႏနဝ်ꩻ ဖါတောႏအီႏဖေႏ သီသွူ။ 17နဝ်ꩻထွူ နုဲင်းခွေ ကပညတ်ဖေႏဒါႏ သီနဝ်ꩻ ထွာနုဲင်းယို၊ တဖြာꩻစွဉ်ႏတဖြာꩻ ရက်သွော့လို့ဝင်ꩻဟုဲင်း။
ကမ္ဘာႏလောကသားထာꩻလွꩻထီႏ
18“ကမ္ဘာႏလောကသားဖုံႏ မဉ်ႏလွꩻထီႏသီနဝ်ꩻ အလွꩻထီႏရီးဒျာႏ ခွေနဝ်ꩻ သီယူႏလꩻသွော့။ 19သီမဉ်ႏဆဲင်ႏဒျာႏစွဉ်ႏ ကမ္ဘာႏလောကသားနဝ်ꩻ ကမ္ဘာႏလောကသားဖုံႏ အီႏရက်ဒျာႏသီ နုဲင်းအခွိုꩻမျိုꩻဖုံႏသွူ။ ကွဲႏတွော့ꩻ အဝ်ႏကမ္ဘာႏလောကကိုယိုနဝ်ꩻ ခွေလွိုက်ထူႏလဲဉ်းသီ နဝ်ꩻမꩻ သီနဝ်ꩻ တဆဲင်ႏတဝ်းဒွုမ် စွဉ်ႏကမ္ဘာႏလောကသွူ။ ပွိုးနုဲင်းနဝ်ꩻမꩻ ကမ္ဘာႏလောကသားနဝ်ꩻ လွꩻထီႏသီသွူ။ 20#မ ၁၀:၂၄၊ လု ၆:၄၀၊ ယော ၁၃:၁၆။ နုဲင်းခွေကဒေါ့ꩻ ဖေႏလဲဉ်းဒါႏသီ၊ ‘သွဉ်းဖုံႏနဝ်ꩻ တတန်ကယ်ꩻတဝ်း ဝွေꩻသီးအဗွေႏ၊’နဝ်ꩻ ယူႏလꩻချာသွော့၊၊ လိုꩻဖုံႏ မဉ်ႏနစ်စက် ခွေနဝ်ꩻ ဝွေꩻသီး အီႏနစ်စက်ပါ သီသွူ။ ဝွေꩻသီး မဉ်ႏလွောက်ꩻနာႏ ခွေထာꩻသွဉ်သင်နဝ်ꩻ ဝွေꩻသီး အီႏလွောက်ꩻနာႏပါ သီငဝ်းသွူ။ 21ကွဲႏတွော့ꩻ ဗွေႏအပါꩻ ကအွဉ်ႏစွꩻလွဉ် ခွေနဝ်ꩻ ပွိုးဝွေꩻသီး တသေတဝ်း၊ ကွပ်ပွိုး သီနဝ်ꩻထွာ ခွေလိုꩻဖုံႏနဝ်ꩻမꩻ ဝွေꩻသီးအီႏနစ်စက် သီနုဲင်းယိုသွူ။ 22ခွေလွဉ်တဲင် မဉ်ႏတဒေါ့ꩻနယ်တဝ်း ဝွေꩻသီးနဝ်ꩻ ဝွေꩻသီး အီႏတမာꩻမာႏတဝ်း အပဲစ်သွူ။ ပွိုးနဝ်ꩻမꩻ နုဲင်းဝွေꩻသီးမာꩻလဲဉ်း အပဲစ်တာႏနဝ်ꩻ ဝွေꩻသီး ကြဲစ်တောထာꩻ တစိꩻစိꩻ လꩻတဝ်းနဝ်ꩻသွူ။ 23ပါꩻမုဲင်ꩻ လွꩻထီႏခွေနဝ်ꩻ လွꩻထီႏပါက ခွေဖါတောႏသွူ။ 24ပါꩻမုဲင်ꩻတဖြာꩻတဲ့ တမာꩻဗာႏဖိုတဝ်း ထာꩻအမာႏ၊ ခွေမဉ်ႏတမာꩻတဝ်း ဝွေꩻသီး အကိုနဝ်ꩻ ဝွေꩻသီးအပဲစ် အီႏတအဲဉ်ထဝ်းသွူ။ နုဲင်းခွေကမာꩻနဝ်ꩻ ဝွေꩻသီး ထီႏဗာႏလဲဉ်း နဝ်ꩻမꩻ ဝွေꩻသီးလွꩻထီႏပါ ခွေတွမ်ႏ ခွေဖါတောႏ နီပါꩻလွုမ်းသွူ။ 25#သာ ၃၅:၁၉၊ ၆၉:၄။ ထာꩻယိုနဝ်ꩻ အီႏထွာဗာႏဒျာႏရင်ꩻ၊ နုဲင်းဝွေꩻသီး ပညတ်ကျမ်ꩻကို ကတဲမ်း သေꩻခါꩻဒါႏ ‘အကျောင်ꩻခရာႏ တမုဲင်ꩻမုဲင်ꩻ အဲဉ်ထဝ်းစွဉ်ႏတဲ့ ဝွေꩻသီး အဝ်ႏလွꩻထီႏဒျာႏခွေ’ ကရိုꩻနဝ်ꩻ ဗွေမဉ်ႏလွဉ်ꩻသွူ။
26“အဝ်ႏဖါတောႏထျꩻ ကျွꩻလွဉ်တွော့ꩻ ကဖေါႏနယ်ဖေႏဒါႏ ဗွေႏဘုရာꩻခရာႏ အမဲဉ်ႏတရာꩻ ကောစွဲကိုဖေႏသား ဝိညာဉ်ႏတောႏနဝ်ꩻ အီႏကျွꩻလွဉ်တဲင် ဝွေꩻနဝ်ꩻ အီႏဒေါ့ꩻနယ်ဖေႏ ခွေခရာႏသွူ။ 27ပွိုးတွော့ꩻ သီနဝ်ꩻ အွိုးအစကာႏ အဝ်ႏငီꩻလဲဉ်း တွမ်ႏခွေနဝ်ꩻမꩻ သီနဝ်ꩻ အီႏဒေါ့ꩻဗာႏ ခွေခရာႏနေနေသွူ။
ទើបបានជ្រើសរើសហើយ៖
ယောဟန် 15: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 15
15
တဗဲစ်မွူးအစဲစ်အမဲဉ်ႏကထွာဒါႏဗွေႏယေသျု
1“ခွေနဝ်ꩻထွာ တဗဲစ်မွူး အစဲစ်အမဲဉ်ႏတဲင် ခွေဖါတောႏနဝ်ꩻထွာ ဥယျာဉ်ႏခြံဗွေႏသွူ။ 2အရာႏတရာႏတဝ်း အပင် စွုမ်ႏပင် ကအဝ်ႏဆွိုင်ꩻငီꩻ ခွေနဝ်ꩻ ဝွေꩻဗွေႏ ဗက်ꩻထန်ႏထိုꩻတဲင် အရာႏကရာႏဒါႏ အပင်ဖုံႏစွုမ်ႏပင် ဖေႏနေးကသျင်ꩻတွော့ꩻ ကယိန်းရာႏအာလွိုနဝ်ꩻ ဝွေꩻဗွေႏ မွဉ်းဖျင်ဟဝ်သွူ။ 3စွဉ်ႏထာꩻသွဉ်သင် ခွေကအဝ်ႏဖေႏဒါႏ သီနဝ်ꩻ သီအဝ်ႏသေနာႏ သျင်ꩻလဲဉ်းဒျာႏသွူ။ 4အဝ်ႏသွုပ် တဉ်ႏငီꩻသွော့ တွမ်ႏခွေ တလွောင်ႏ တဗူႏချင်ႏတဲင် ခွေနဝ်ꩻတဲ့ အီႏအဝ်ႏသွုပ် တဉ်ႏငီꩻဒျာႏသီ တလွောင်ႏ တဗူႏချင်ႏနဝ်ꩻသွူ။ အပင်တပင်နဝ်ꩻ စွဉ်ႏဝွေꩻနမ်းရင်ꩻဒျာႏ အတရာႏချာ နွောင်ꩻတဝ်းသွူ။ အပင်နဝ်ꩻ မဉ်ႏအဝ်ႏဆွိုင်ꩻငီꩻစွဉ်ႏ တဗဲစ်မွူးနဝ်ꩻမꩻ အရာႏရာႏနွောင်ꩻနဝ်ꩻသွူ။ ဗွိုန်နုဲင်းနဝ်ꩻနေနေ သီမဉ်ႏ တအဝ်ႏသွုပ် တဥ်ႏငီꩻတဝ်း စွဉ်ႏခွေနဝ်ꩻ သီအရာႏ တရာႏနွောင်ꩻတဝ်းသွူ။
5ခွေနဝ်ꩻထွာ တဗဲစ်မွူးတဲင် သီနဝ်ꩻထွာ အပင်ဖုံႏသွူ။ လိုꩻကအဝ်ႏသွုပ် တဉ်ႏငီꩻဒါႏ စွဉ်ႏခွေနဝ်ꩻ ခွေတဲ့ အဝ်ႏသွုပ်တဉ်ႏငီꩻစွဉ်ႏ ဝွေꩻသီးနဝ်ꩻမꩻ အရာႏ အီႏရာႏလွဉ် အာဗာႏနဝ်ꩻသွူ။ ပေါႏခွေတပါတဝ်းနဝ်ꩻ သီမာꩻတမုဲင်ꩻတဲ့ တလꩻနွောင်ꩻတဝ်းသွူ။ 6ပါꩻမုဲင်ꩻ တအဝ်ႏသွုပ်တဉ်ႏငီꩻတဝ်း ခွေနဝ်ꩻ ဗွိုန်နုဲင်း အပင်ဖုံႏ ကနုဲင်ႏထန်ႏထိုꩻတဲင် ကသဲင်ထိုꩻနဝ်ꩻသွူ။ အပင်စားနဝ်ꩻဖုံႏနဝ်ꩻ အွဉ်ႏစုဗူႏတွော့ꩻ နုဲင်ႏသော့ꩻထိုꩻဒျာႏ မေႏကို၊ နဝ်ꩻကို အပင်ဖုံႏနဝ်ꩻ မေႏအီႏခိုးထိုꩻလို့ဒျာႏသွူ။ 7သီမဉ်ႏအဝ်ႏသွုပ် တဉ်ႏငီꩻသော့ꩻ ခွေတဲင် ခွေငဝ်းဖုံႏ မဉ်ႏအဝ်ႏသွုပ်တဉ်ႏငီꩻ သီအကို၊ သီကမဉ်လꩻ သီကအီႏဆုတောင်ꩻဒါႏထာꩻ ကားကအဝ်ႏနဝ်ꩻတဲ့ သီအီႏလꩻနဝ်ꩻသွူ။ 8စွဉ်ႏသီအရာႏဖုံႏ ကရာႏအာဒါႏနဝ်ꩻ မာꩻထင်ႏသျာꩻတောင်ႏလေနယ် ခွေဖါတော အဘွုန်ꩻသရေႏတောႏသွူ။ နဝ်ꩻမꩻ တွမ်ႏအနယ်ꩻယိုနဝ်ꩻ သီထွာလွဉ် ခွေတပဲ့တောႏဖုံႏသွူ။ 9ဗွိုန်နုဲင်းဖါတောႏ ကရက်ခွေနဝ်ꩻ ခွေရက်သီသွူ။ အဝ်ႏငီꩻစွူစွူ သော့ꩻသွော့ ခွေထာꩻရက် မေတ္တာႏကိုဟုဲင်း။ 10ဗွိုန်နုဲင်း ခွေကလွောက်ꩻနာႏ ခွေဖါတောႏ ပညတ်တောႏဖုံႏတဲင် ကအဝ်ႏငီꩻစွူစွူသော့ꩻ ဝွေꩻဗွေႏ မေတ္တာႏတောႏကို အတွိုင်ꩻ သီမဉ်ႏ လွောက်ꩻနာႏ ခွေပညတ်ကျမ်ꩻဖုံႏနဝ်ꩻ သီအီႏအဝ်ႏငီꩻသော့ꩻ စွူစွူဒျာႏ ခွေထာꩻရက် မေတ္တာႏ တောႏကိုနဝ်ꩻသွူ။
11“ဖေႏနေး ခွေထာꩻသꩻဟဝ်သꩻရေꩻ ယံကအဝ်ႏသော့ꩻ သီအကိုတဲင် သီထာꩻသꩻဟဝ်သꩻရေꩻ ယံကဗွေ စွုံႏလင်ႏလွဉ်နဝ်ꩻ ခွေဒေါ့ꩻဖေႏဗာႏသီ နုဲင်းယိုနဝ်ꩻသွူ။ 12#ယော ၁၃:၃၄၊ ၁၅:၁၇၊ ၁ယော ၃:၂၃၊ ၂ယော ၅။ ခွေပညတ်တောႏနဝ်ꩻ ထွာနုဲင်းယိုသွူ။ ဗွိုန်နုဲင်း ခွေကရက်သီ အတွိုင်ꩻနဝ်ꩻ တဖြာꩻစွဉ်ႏတဖြာꩻ ရက်သွော့လို့ဝင်ꩻဟုဲင်း။ 13လိုꩻတဖြာꩻ ထာꩻရက်မေတ္တာႏ အတန်သွတ်ꩻနဝ်ꩻ ထွာဝွေꩻသွꩻဖုံႏတာႏ ဝွေꩻကစွဉ်ꩻဖေႏဒါႏ အသက်နဝ်ꩻသွူ။ 14သီမဉ်ႏလွောက်ꩻနာႏ မာꩻလွဉ် နုဲင်းခွေပညတ်ကျမ်ꩻနဝ်ꩻ သီအီႏထွာ ခွေသွꩻဖုံႏသွူ။ 15ပွိုးတွော့ꩻ နုဲင်းဝွေꩻသီး အဗွေႏ ကအဝ်ႏမာꩻထာꩻဖုံႏနဝ်ꩻ သွဉ်းဖုံႏ တသေတဝ်းနဝ်ꩻမꩻ သီနဝ်ꩻ ခွေအီႏတဟဲ့ꩻ ထဲင်းတဝ်းဒွုမ် သွဉ်းဖုံႏသွူ။ သီနဝ်ꩻ ခွေဟဲ့ꩻတောလုဲင်ႏဒျာႏ သွꩻဖုံႏ၊ ပွိုးတွော့ꩻ ခွေကဟွိုန်ဗာႏလဲဉ်း ခွေဖါတောႏထျꩻ ကားကအဝ်ႏနဝ်ꩻ ခွေဒေါ့ꩻနယ်ဖေႏလဲဉ်း သီနဝ်ꩻသွူ။ 16သီနဝ်ꩻ လွိုက်ထူႏခွေ တမွေးတဝ်း၊ ခွေလွိုက်ထူႏဒျာႏတဲင် ခန်ꩻဖေႏဒျာႏသီတွော့ꩻ အရာႏဖုံႏ ဖေႏကရာႏဗာႏ၊ အရာႏအစား ခံႏညဖုံႏနဝ်ꩻသွူ။ နဝ်ꩻမꩻ စွဉ်ႏခွေအမဉ်ꩻနာႏမꩻတွော့ꩻ သီကဆုတောင်ꩻဒါႏ ဝွေꩻဗွေႏထျꩻ ကားကအဝ်ႏနဝ်ꩻ ဖါတောႏအီႏဖေႏ သီသွူ။ 17နဝ်ꩻထွူ နုဲင်းခွေ ကပညတ်ဖေႏဒါႏ သီနဝ်ꩻ ထွာနုဲင်းယို၊ တဖြာꩻစွဉ်ႏတဖြာꩻ ရက်သွော့လို့ဝင်ꩻဟုဲင်း။
ကမ္ဘာႏလောကသားထာꩻလွꩻထီႏ
18“ကမ္ဘာႏလောကသားဖုံႏ မဉ်ႏလွꩻထီႏသီနဝ်ꩻ အလွꩻထီႏရီးဒျာႏ ခွေနဝ်ꩻ သီယူႏလꩻသွော့။ 19သီမဉ်ႏဆဲင်ႏဒျာႏစွဉ်ႏ ကမ္ဘာႏလောကသားနဝ်ꩻ ကမ္ဘာႏလောကသားဖုံႏ အီႏရက်ဒျာႏသီ နုဲင်းအခွိုꩻမျိုꩻဖုံႏသွူ။ ကွဲႏတွော့ꩻ အဝ်ႏကမ္ဘာႏလောကကိုယိုနဝ်ꩻ ခွေလွိုက်ထူႏလဲဉ်းသီ နဝ်ꩻမꩻ သီနဝ်ꩻ တဆဲင်ႏတဝ်းဒွုမ် စွဉ်ႏကမ္ဘာႏလောကသွူ။ ပွိုးနုဲင်းနဝ်ꩻမꩻ ကမ္ဘာႏလောကသားနဝ်ꩻ လွꩻထီႏသီသွူ။ 20#မ ၁၀:၂၄၊ လု ၆:၄၀၊ ယော ၁၃:၁၆။ နုဲင်းခွေကဒေါ့ꩻ ဖေႏလဲဉ်းဒါႏသီ၊ ‘သွဉ်းဖုံႏနဝ်ꩻ တတန်ကယ်ꩻတဝ်း ဝွေꩻသီးအဗွေႏ၊’နဝ်ꩻ ယူႏလꩻချာသွော့၊၊ လိုꩻဖုံႏ မဉ်ႏနစ်စက် ခွေနဝ်ꩻ ဝွေꩻသီး အီႏနစ်စက်ပါ သီသွူ။ ဝွေꩻသီး မဉ်ႏလွောက်ꩻနာႏ ခွေထာꩻသွဉ်သင်နဝ်ꩻ ဝွေꩻသီး အီႏလွောက်ꩻနာႏပါ သီငဝ်းသွူ။ 21ကွဲႏတွော့ꩻ ဗွေႏအပါꩻ ကအွဉ်ႏစွꩻလွဉ် ခွေနဝ်ꩻ ပွိုးဝွေꩻသီး တသေတဝ်း၊ ကွပ်ပွိုး သီနဝ်ꩻထွာ ခွေလိုꩻဖုံႏနဝ်ꩻမꩻ ဝွေꩻသီးအီႏနစ်စက် သီနုဲင်းယိုသွူ။ 22ခွေလွဉ်တဲင် မဉ်ႏတဒေါ့ꩻနယ်တဝ်း ဝွေꩻသီးနဝ်ꩻ ဝွေꩻသီး အီႏတမာꩻမာႏတဝ်း အပဲစ်သွူ။ ပွိုးနဝ်ꩻမꩻ နုဲင်းဝွေꩻသီးမာꩻလဲဉ်း အပဲစ်တာႏနဝ်ꩻ ဝွေꩻသီး ကြဲစ်တောထာꩻ တစိꩻစိꩻ လꩻတဝ်းနဝ်ꩻသွူ။ 23ပါꩻမုဲင်ꩻ လွꩻထီႏခွေနဝ်ꩻ လွꩻထီႏပါက ခွေဖါတောႏသွူ။ 24ပါꩻမုဲင်ꩻတဖြာꩻတဲ့ တမာꩻဗာႏဖိုတဝ်း ထာꩻအမာႏ၊ ခွေမဉ်ႏတမာꩻတဝ်း ဝွေꩻသီး အကိုနဝ်ꩻ ဝွေꩻသီးအပဲစ် အီႏတအဲဉ်ထဝ်းသွူ။ နုဲင်းခွေကမာꩻနဝ်ꩻ ဝွေꩻသီး ထီႏဗာႏလဲဉ်း နဝ်ꩻမꩻ ဝွေꩻသီးလွꩻထီႏပါ ခွေတွမ်ႏ ခွေဖါတောႏ နီပါꩻလွုမ်းသွူ။ 25#သာ ၃၅:၁၉၊ ၆၉:၄။ ထာꩻယိုနဝ်ꩻ အီႏထွာဗာႏဒျာႏရင်ꩻ၊ နုဲင်းဝွေꩻသီး ပညတ်ကျမ်ꩻကို ကတဲမ်း သေꩻခါꩻဒါႏ ‘အကျောင်ꩻခရာႏ တမုဲင်ꩻမုဲင်ꩻ အဲဉ်ထဝ်းစွဉ်ႏတဲ့ ဝွေꩻသီး အဝ်ႏလွꩻထီႏဒျာႏခွေ’ ကရိုꩻနဝ်ꩻ ဗွေမဉ်ႏလွဉ်ꩻသွူ။
26“အဝ်ႏဖါတောႏထျꩻ ကျွꩻလွဉ်တွော့ꩻ ကဖေါႏနယ်ဖေႏဒါႏ ဗွေႏဘုရာꩻခရာႏ အမဲဉ်ႏတရာꩻ ကောစွဲကိုဖေႏသား ဝိညာဉ်ႏတောႏနဝ်ꩻ အီႏကျွꩻလွဉ်တဲင် ဝွေꩻနဝ်ꩻ အီႏဒေါ့ꩻနယ်ဖေႏ ခွေခရာႏသွူ။ 27ပွိုးတွော့ꩻ သီနဝ်ꩻ အွိုးအစကာႏ အဝ်ႏငီꩻလဲဉ်း တွမ်ႏခွေနဝ်ꩻမꩻ သီနဝ်ꩻ အီႏဒေါ့ꩻဗာႏ ခွေခရာႏနေနေသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.