ကမ္ဘာႏစ 31
31
ယာကုပ်သျောင်ႏလဲ့လာဗန်
1လာဗန်ပိုခိုဖုံႏနဝ်ꩻဒေါ့ꩻ “ယာကုပ်နဝ်ꩻ ထူႏလွေꩻထိုꩻလို့လဲဉ်း နီဖါထာꩻခြိုꩻပဲင်ႏ ကားကအဝ်ႏတွမ်ႏ နီဖါဥစ္စာႏဖုံႏတဲင် ဝွေꩻစီꩻပွါꩻရေꩻ ထင်ႏထိုလဲဉ်း” ယာကုပ်ဟွိုန် နုဲင်းနဝ်ꩻသွူ။ 2လာဗန်တဲ့ꩻ တဟဝ်တဝ်းဒွုမ် ဝွေꩻလောင်း နုဲင်းစဝ်းခါနဝ်ꩻ ဝွေꩻထီႏပါကသွူ။ 3နဝ်ꩻမꩻ ထာဝရဘုရာꩻ မိန်းဖေႏဝွေꩻ “နာꩻသဲင်ꩻချာသွော့ နာꩻဖါဖြားတွမ်ႏ နာꩻစွိုးခွိုꩻဖုံႏခမ်း။ ခွေနဝ်ꩻ အီႏအဝ်ႏငီꩻဒျာႏ တွမ်ႏနာꩻ” နုဲင်းနဝ်ꩻသွူ။
4ရာခေလတွမ်ႏ လေအာသီး ဖေႏကလွဉ်မော့ꩻခွဲ တွမ်ႏဝွေꩻ ဝွေꩻထာꩻသားဖုံႏ ကအဝ်ႏဒါႏ ခင်ႏလမ်း ခြံတုံးကိုနဝ်ꩻ ယာကုပ် အွဉ်ႏဟွိုန်ထေ့သွူ။ 5ယာကုပ်ဒေါ့ꩻဖေႏ ဝွေꩻသီး “သီဖါနဝ်ꩻ ဟဝ်ငါႏတဝ်းဒွုမ် ခွေလောင်း နုဲင်းကရီးခါနဝ်ꩻ ခွေအဝ်ႏသတိလꩻလဲဉ်း၊ ကွဲႏတွော့ꩻ နီဖါအဗွေႏဘုရာꩻနဝ်ꩻ အဝ်ႏငီꩻလဲဉ်း တွမ်ႏခွေသွူ။ 6တွမ်ႏခွေအာႏရဲင်ꩻ ခွေမာꩻဖေႏမွေးနေးစွဉ်ႏ သီဖါထာꩻမာꩻကျောင်ꩻနဝ်ꩻ သီဝင်ꩻနီ အဝ်ႏသေလို့ဒျာႏသွူ။ 7ကွဲႏတွော့ꩻ ဝွေꩻကြဲစ်ချာ ကြဲစ်ငါထာꩻတဲင် ခွေကလꩻထွိုက် လꩻသင်ꩻဒါႏ ထာꩻမာꩻခနဝ်ꩻ ဝွေꩻချာႏထိုꩻခွေ အလဲင်ႏတဆီလဲဉ်း။ ကွဲႏတွော့ꩻ ကအီႏမာꩻဆာဗာႏခွေနဝ်ꩻ ဗွေႏဘုရာꩻ တဖေႏတဝ်း ဝွေꩻအခွင်ꩻသွူ။ 8သီဖါထွိုင်ႏဒေါ့ꩻ ဗဲတစဲက်ဖုံႏနဝ်ꩻ အီႏထွာနာꩻထာꩻမာꩻခ ပေါႏသီဖါရိုꩻစားနဝ်ꩻ ဗဲဖုံႏကားကအဝ်ႏ လွူးလွဉ်စွဉ်ႏ အပေႏတစဲက်ဖုံႏတဲင် ဗဲတကယ်တလုဲင်ꩻဖုံႏနဝ်ꩻ ထွာနာꩻထာꩻမာꩻခ ပေါႏသီဖါရိုꩻ နုဲင်းနဝ်ꩻနဝ်ꩻ ဗဲဖုံႏကားကအဝ်ႏ လွူးလွဉ်စွဉ်ႏ အပေႏတကယ် တလုဲင်ꩻဖုံႏသွူ။ 9ဗွေႏဘုရာꩻနဝ်ꩻ တွမ်ႏအနယ်ꩻနုဲင်းယို ထူႏသီဖါဗဲဖုံႏတဲင် နဝ်ꩻဖုံႏနဝ်ꩻ ဖေႏထိုꩻခွေသွူ။
10တိရစ္ဆာန်ႏ တပ်ꩻဝင်ꩻအလာနဝ်ꩻ ခွေထာꩻဗေင်ႏမင်းကို ခွေထီႏဗဲထီး ဖုံႏတပ်ꩻအမွူးတစဲက် တကွက်တွမ်ႏ တကယ်တလုဲင်ꩻဖုံႏသွူ။ 11ထာꩻဗေင်ႏမင်းကိုနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ ဒေါ့ꩻဖေႏခွေ “ယာကုပ်“ နုဲင်းနဝ်ꩻတဲင် ခွေလဝ်းချာ “ခွေသွဉ်းအဝ်ႏဒျာႏဗွေႏ” နုဲင်းနဝ်ꩻသွူ။ 12မို့ꩻလောင်းတမန်ႏ ဒေါ့ꩻယင်း၊ “ထွားမွိုင် ဗဲထီးဖုံႏ ကလောႏဒါႏအမွူး ကားကအဝ်ႏဖုံႏနဝ်ꩻ ထွာတကယ် တကွက် တလုဲင်ꩻဖုံႏ၊ ခွေကမာꩻထွာလွဉ်ဗာႏ နုဲင်းယိုနဝ်ꩻ ကွပ်ပွိုး ခွေထီႏလို့လဲဉ်း လာဗန် ကမာꩻနာꩻနဝ်ꩻသွူ။ 13#ကမ္ဘာႏ ၂၈:၁၈–၂၂။ ခွေနဝ်ꩻထွာ ဗွေႏဘုရာꩻ ကပေါႏနယ်ဒါႏနာꩻ ဗေသလအရပ် နဝ်ꩻကို နာꩻမာꩻမတ်ထွန်ႏ တွမ်ႏလုံးတူႏတဲင် တွမ်ႏသံလွေင်နမ်းမန်ꩻ ဆျာꩻလူးထွူ နာꩻကမာꩻဒါႏ ဂတိသစ္စာႏနဝ်ꩻ ထွာခွေယိုသွူ။ ယိုခါနာꩻ ဖျင်ရဲဉ်ꩻတွော့ꩻ သဲင်ꩻချာခန်း နာꩻဇာႏတိ ခင်ႏလမ်းသူꩻဟုဲင်း” မိန်းဖေႏခွေ နုဲင်းနဝ်ꩻသွူ။
14ရာခေလတွမ်ႏ လေအာ ရိုꩻဖေႏချာယင်း ယာကုပ် “နီဖါထျꩻနဝ်ꩻ နီလꩻခရာႏ အတမွီႏ အဲဉ်ထဝ်းဒွုမ်။ 15နီဖါ မာꩻနီနဝ်ꩻ ဗွိုန်နုဲင်း လိုꩻတသဥ်၊ ဝွေꩻစာအံႏနီတွော့ꩻ ကလꩻဒါႏရွဉ် ကားကအဝ်ႏဖုံႏနဝ်ꩻ ယိုခါ စုဲင်ႏထိုꩻလို့လဲဉ်းနဝ်ꩻသွူ။ 16ဗွေႏဘုရာꩻ ကသိမ်ꩻထူႏဒါႏ ထာꩻခြိုꩻဥစ္စာႏယိုဖုံႏ ကားကအဝ်ႏ အွိုး နီဖါအထျꩻနဝ်ꩻ ဆဲင်ႏဒျာႏနီတွမ်ႏ နီပိုဖုံႏသွူ၊ မာꩻသွော့ နုဲင်းဗွေႏဘုရာꩻ ကထွန်ႏသေꩻနာꩻနဝ်ꩻဟုဲင်း” နုဲင်းနဝ်ꩻသွူ။
17-18နဝ်ꩻမꩻ ယာကုပ်ဖျင်ရဲဉ်ꩻတဲင် အီႏသဲင်ꩻချာ အဖါကအဝ်ႏဒါႏ ခါနန်ခမ်းနဝ်ꩻသွူ။ ဝွေꩻပိုတွမ်ႏ ဝွေꩻမာဖုံႏနဝ်ꩻ အွဉ်ႏထုမ်းနေး ကလာအုတ်ဖုံႏတဲင် ဝွေꩻတိရစ္ဆာန်ႏဖုံႏ ကားကအဝ်ႏနဝ်ꩻ ဝါးစဲဉ်ႏငါ ရီးတွော့ꩻ ဝွေꩻနဝ်ꩻ တွမ်ႏဝွေꩻကလꩻဒါႏ ထာꩻခြိုꩻဥစ္စာႏ မဲက်သိုပိုတေးမီးယားခမ်း ကားကအဝ်ႏနဝ်ꩻ ထန်ႏသဲင်ꩻလွဉ်ꩻ ဆꩻချာသွူ။ 19လာဗန် အဝ်ႏလွေꩻရိပ်ꩻ သွိုꩻဆွဉ်ႏချိန်ႏ ဝွေꩻတအဲဉ်ထဝ်း လမ်းတွင်ꩻနဝ်ꩻ ရာခေလ လွဉ်တခွန်ꩻထိုꩻ ဘုရာꩻရွုတ်တု အဖါလမ်းနဝ်ꩻသွူ။ 20ယာကုပ်နဝ်ꩻ တအွဉ်ႏဟွိုန်တဝ်းဒွုမ် လာဗန်တဲင် ထန်ႏလွေꩻထိုꩻသွူ။ 21ဝွေꩻထူႏ ဝွေꩻကပဲင်ႏဒါႏ ထာꩻခြိုꩻ ကားကအဝ်ႏနဝ်ꩻတဲင် နဲစ်ထန်ႏထိုꩻစွဉ်ႏသွူ။ ဝွေꩻဖျတ်ကာႏ ဥဖရတ် ထီခြောင်တန်တဲင် ထန်ႏလွေꩻစွဉ်ႏ ဂိလဒ်ကောင်ဖဲ့ꩻသွူ။
လာဗန်ခြေင်းလွဉ်ꩻယာကုပ်
22ညသွံနီꩻထွူ ယာကုပ်ထန်ႏထိုꩻလဲဉ်းကျောင်ꩻ လာဗန်သေထွꩻနဝ်ꩻသွူ။။ 23ဝွေꩻဟဲ့ꩻတွမ်ႏ ဝွေꩻလိုꩻစွိုꩻဖုံႏတဲင် ခြေင်းလွဉ်ꩻစွဉ်ႏ ယာကုပ်တဲင် ညနွတ်ꩻနီꩻမꩻ ဝွေꩻထွꩻလွဉ်ꩻ ဂိလဒ်ကောင်ခြာသွူ။ 24အဟာနဝ်ꩻ လာဗန်ထာꩻဗေင်ႏမင်းကို ဗွေႏဘုရာꩻကျွꩻလွဉ် ဝွေꩻထျꩻတဲင်မိန်း၊ “အွဉ်ႏသတိသွော့၊ တွမ်ႏအနယ်ꩻမုဲင်ꩻတဲ့ꩻ နာꩻမာꩻဗာႏတဝ်း ယာကုပ်တမုဲင်ꩻမုဲင်ꩻ” နုဲင်းနဝ်ꩻသွူ။ 25ယာကုပ် အဝ်ႏချပင် ကောင်လောင်းတဲင် လာဗန်တွမ်ႏ ဝွေꩻအစွိုးအခွိုꩻဖုံႏနဝ်ꩻ ချပင် ဂိလဒ်ကောင်ထျꩻသွူ။
26လာဗန်ဒေါ့ꩻဖေႏယာကုပ် “ကွပ်ပွိုး တမုဲင်ꩻ နာꩻလဲဉ်ဗာႏတွိုႏခွေတဲင် ခွေပိုမူႏဖုံႏနဝ်ꩻ နာꩻဟဲ့ꩻလွေꩻထိုꩻဗာႏတွိုႏ နုဲင်းဝင်ꩻကဆွမ်ꩻသဲင်ꩻ လိုꩻမူႏဖုံႏ စဲ့ꩻပွယ်ꩻတန်ကို နုဲင်းမုဲင်ꩻဟောင်း။ 27ကွပ်ပွိုးတမုဲင်ꩻ နာꩻဒေါ့ꩻလဲဉ် ဗာႏတွိုႏခွေတဲင် ထန်ႏလွေꩻတေ့ꩻ ဗာႏတွိုႏဟောင်း။ နာꩻမဉ်ႏဒေါ့ꩻနယ်ခွေနဝ်ꩻ တွမ်ႏထုံတွမ်ႏမောင်း ပျောႏပျောႏသွင်ႏသွင်ႏ ခွေအီႏအွဉ်ႏစွꩻလွေꩻဒျာႏ နာꩻသွူ။ 28ခွေအီႏနုတ်ဆက် နို့ꩻဗာႏခွေလီꩻဖုံႏ ခွေပိုမူႏဖုံႏငါတဲ့ꩻ နာလဲင်ꩻတဖေႏတဝ်းဒွုမ် ခွေအခွင်ꩻ မွော့ꩻလဲင်ꩻမွိုက်ငါႏ နုဲင်းနဝ်ꩻ။ 29ခွေမဉ်ႏမဉ်မာꩻဆာနာꩻတဲ့ အဝ်ႏလꩻဒျာႏ။ ကွဲတွော့ꩻ ဟန်ႏနာꩻ သီဖါအဗွေႏဘုရာꩻနဝ်ꩻ တွမ်ႏအနယ်ꩻမုဲင်ꩻတဲ့ꩻ တမာꩻဗာႏတဝ်းနာꩻနဝ်ꩻ ဖေႏသတိꩻလဲဉ်းခွေ နုဲင်းနဝ်ꩻသွူ။ 30နာꩻကထန်ႏသဲင်ꩻဗာႏနဝ်ꩻ ကွပ်ပွိုး နာꩻသေနန်းငါႏ လမ်းကျောင်ꩻ ခွေအဝ်ႏသေသွူ၊ ကွဲတွော့ꩻ ပွိုးတမုဲင်ꩻ နာꩻတခွန်ꩻသဲင်ꩻဗာႏတွိုႏ ခွေဘုရာꩻ ရွုတ်တုဖုံႏဟောင်း” နုဲင်းနဝ်ꩻသွူ။
31ယာကုပ်လဝ်းချာ “ခွေငမ်းသꩻ ပွိုးခွေယူႏ မဲ့ꩻနာꩻဟဲ့ꩻချာ နွိုင်ႏထိုꩻ နာꩻပိုမူႏဖုံႏသွူ။ 32ကွဲတွော့ꩻ နာꩻမဉ်ႏထုမ်ႏမော့ꩻ ပါꩻအဖြာꩻ ကထူႏဒါႏ နာꩻဘုရာꩻ ရွုတ်ထုနဝ်ꩻ အီႏခံႏဗာႏအသီသွူ၊ သက်သေႏနဝ်ꩻထွာ ခွေလိုꩻဖုံႏတဲင် ထုမ်ႏသွော့ နာꩻကပဲင်ႏဒါႏ ထာꩻခြိုꩻ၊ မဉ်ႏမော့ꩻနဝ်ꩻ ထူႏချာဟုဲင်း” နုဲင်းနဝ်ꩻသွူ။ လာဗန်ဘုရာꩻရွုတ်ထုနဝ်ꩻ ရာခေလ ထူႏတခွန်ꩻထိုကျောင်ꩻ ယာကုပ် တသေတဝ်းသွူ။
33လာဗန်နွို့ထုမ်ႏထွား ယာကုပ်သုမ်းကိုထွူ နွို့ထုမ်းယင်း လေအာသုမ်းကို တွမ်ႏသွဉ်းမူႏဝင်ꩻနီ သုမ်းကိုတွော့ꩻ ဝွေꩻတမော့ꩻတဝ်း ဘုရာꩻရွုတ်ထုသွူ။ နဝ်ꩻထွူ ဝွေꩻနွို့သော့ꩻ ရာခေလသုမ်းကိုသွူ။ 34ရာခေလနဝ်ꩻ ထူႏရွုတ်ထုတွော့ꩻ အွဉ်ႏသော့ꩻ ကလာအုတ်ကွပ်ꩻ ထုံꩻကိုထွူ ဝွေꩻအုံတွိုးခါꩻစွဉ်ႏ ဆꩻကီသွူ။ လာဗန်ထုမ်ႏစွစ်ꩻလို့စွဉ်ႏ သုမ်းတဗာႏလွုမ်းစွဉ်ႏတဲ့ꩻ တမော့ꩻတဝ်း ဝွေꩻရွုတ်ထုသွူ။ 35ရာခေလရိုꩻဖေႏအဖါ “သꩻလျားမွိုန်းတဝ်းခွေဖါ ခွေ လိုꩻမူႏရာႏသီႏအလာ အဝ်ႏလွဉ်ချိန်ႏနဝ်ꩻမꩻ တအုံထွိုင်ႏနွောင်ꩻတဝ်း နီဖါဆꩻငါ” နုဲင်းနဝ်ꩻသွူ။ လာဗန်ထုမ်ႏစွဉ်ႏတဲ့ တမော့ꩻတဝ်း ဝွေꩻရွုတ်ထုသွူ။
36တွိုႏနဝ်ꩻ ယာကုပ်သꩻလျားထာꩻတဲင် “တွမ်ႏထာꩻသꩻလျား ဝွေꩻရီ၊ ခွေမာꩻဗာႏ အပဲစ်တမုဲင်ꩻဟောင်း၊ “ခွေယားကုဲင်ဗာႏ ပညတ်တမုဲင်ꩻတွော့ꩻ နာꩻလꩻအခွင်ꩻ မာꩻဆာဗာႏခွေဟောင်း။ 37ယိုခါ နာꩻထုမ်ႏစွစ်ꩻလို့လဲဉ်း ခွေတခြိုꩻဖုံႏ ကားကအဝ်ႏကိုတဲင် နာꩻကပဲင်ႏဒါႏထာꩻခြိုꩻ တစွိုးတမျိုꩻတဲ့ꩻ မော့ꩻနေဟောင်း။ မဉ်ႏမော့ꩻ နာꩻကပဲင်ႏဒါႏ နာꩻထာꩻခြိုꩻနဝ်ꩻ အွဉ်ႏလင်ꩻသွော့ နာꩻလိုꩻစွိုꩻဖုံႏတွမ်ႏ ခွေလိုꩻစွိုꩻဖုံႏဆꩻငါ ဖေႏနေးဝွေꩻသီးကထီႏ၊ ထွာပါꩻမုဲင်ꩻထာꩻခြိုꩻ ကျောင်ꩻနဝ်ꩻ အွဉ်ႏသွော့ဝွေꩻသီး ဆွုံꩻဖျတ်။ 38ခွေအုံငီꩻနာꩻ လꩻလဲဉ်း နေင်ႏပေါင်ꩻနီဆီ၊ နာꩻသွိုꩻမွူး တွမ်ႏဗဲမွူးဖုံႏ တလွူးတဝ်း အပေႏနဝ်ꩻ တအဲဉ်ထဝ်းတဲင် နာꩻသွိုꩻထီး ဗဲထီးဖုံႏနဝ်ꩻ တဗာႏငါတဲ့ ခွေတအံႏဗာႏဖိုတဝ်းသွူ။ 39ထာꩻသားမီꩻ အမဉ်ႏအဲင်ႏသီထိုꩻ သွိုꩻမွူးတဗာႏနဝ်ꩻ ခွေနမ်းခံႏသွုမ်ꩻ တဲဉ်ꩻချာဖေႏဗာႏ၊ သွိုꩻကသီနဝ်ꩻ ခွေတာႏဝွန်ႏ တအဲဉ်ထဝ်းကျောင်ꩻ အသီယို နဝ်ꩻတဲ့ ခွေအီလွဉ် အွဉ်ႏနယ်ဖိုတဝ်းနာꩻသွူ။ မွူးယာချိန်ႏတဲ့နဝ်ꩻ မွူးခေ့ꩻချိန်ႏတဲ့ꩻနဝ်ꩻ ဝင်ꩻမဉ်ႏတခွန်ꩻထိုꩻ နာꩻသွိုꩻနဝ်ꩻ နာꩻထွဉ်ႏယောႏဒျာႏ ခွေသွူ။ 40မွူးယာခိုႏ ခွေခံႏဗာႏထာꩻလျား မွူးခေ့ꩻခိုႏ ခွေခံႏဗာႏ ထာꩻခွꩻဒုက္ခ တံႏဖုံႏနဝ်ꩻ ခွေခံႏစာꩻဗာႏ အာငါႏလဲဉ်းသွူ။ ခွေထာꩻဗေင်ႏဖုံႏတဲ့ꩻ ကုဲင်ဒျာႏသွူ။ 41ခွေအဝ်ႏငီꩻတွမ်ႏနာꩻ အနေင်ႏနီဆီနဝ်ꩻ ထွာနုဲင်းနဝ်ꩻသွူ။ နာꩻပိုမူႏဝင်ꩻနီအတာႏ ခွေမာꩻဖေႏဗာႏလဲဉ်း ထာꩻမာꩻ တဆီလစ်ꩻနေင်ႏ လွုမ်ꩻတကာႏတဝ်း တီဖေႏပါက နာꩻထာꩻသောင်ꩻ ထာꩻသားဖုံႏ သူနေင်ႏသွူ။ မာꩻဖေႏသွူနာꩻ တတွာနဝ်ꩻတဲ့ နာꩻချာႏ ခွေထာꩻမာꩻခ အလဲင်ႏတဆီသွူ။ 42နီဖါအဗွေႏဘုရာꩻ ကထွာအဗြာဟံတွမ်ႏ ဣသဲစ် အဗွေႏဘုရာꩻ မဉ်ႏတအဝ်ႏငီꩻတဝ်း တွမ်ႏခွေနဝ်ꩻ နာꩻအီႏအွဉ်ႏစွꩻသဲင်ꩻချာ ခြေင်ခွေသွူ။ ကွဲတွော့ꩻ ခွေ ထာꩻဒုက္ခစွဉ်ႏ ခွေကမာꩻ ယပ်ꩻခုဲင်ႏဗာႏထာꩻနဝ်ꩻ ဗွေႏဘုရာꩻနဝ်ꩻ ထီႏလဲဉ်းတဲင် ဟန်ႏနာꩻနဝ်ꩻ ဝွေꩻဗွေႏ ဆွုံꩻမꩻလဲဉ်းနာꩻ” နုဲင်းနဝ်ꩻသွူ။
မာꩻသꩻဘော်ꩻတူႏချက်
43လာဗန်လဝ်းဖေႏ ယာကုပ် “ပိုမူႏပေႏဖုံႏယိုနဝ်ꩻ ထွာခွေပိုဖုံႏဒျာႏ ဝွေꩻသီး အပိုဖုံႏနဝ်ꩻတဲ့ꩻ ဆဲင်ႏဒျာႏခွေတဲင် နာꩻကအဝ်ႏထီႏဒါႏ ခွေထာꩻသောင်ꩻထာꩻသား ယိုဖုံႏကားကအဝ်ႏနဝ်ꩻတဲ့ ထွာခွေထာꩻခြိုꩻ ဥစ္စာႏဒျာႏ၊ ကွဲတွော့ꩻ ခွေပိုမူႏဖုံႏတွမ်ႏ ဝွေꩻသီးပိုဖုံႏ ခွေအီႏထိန်ꩻထွား သွုပ်ဗာႏနဝ်ꩻ တထွာနွောင်ꩻတဝ်း နဝ်ꩻမꩻ 44ခွေမဉ်မာꩻ သဘော်ꩻတူႏချက်တစွိုး တွမ်ႏနာꩻ၊။ ဖေႏကယူႏလꩻ သေႏသေႏ နီသဘော်ꩻတူႏချက်နဝ်ꩻ အွဉ်ႏပွုမ်ႏတွမ် လုံးတပွုမ်ႏ” နုဲင်းနဝ်ꩻသွူ။
45နဝ်ꩻမꩻ ယာကုပ်ထူႏ လုံးတူႏတတူႏ ဆို့ꩻခါꩻ အထိန်ꩻအမတ်ထွန်ႏသွူ။ 46ဝွေꩻဒေါ့ꩻဖေႏ ဝွေꩻလိုꩻ ဖေႏကအွဉ်ႏပြုန်ႏငီꩻ ထဲင်းယင်းသွော့ လုံးတူႏဖုံႏ၊ နဝ်ꩻထွူ ဝွေꩻသီး အံႏအွꩻစွဉ်ႏ လုံးပြုန်ႏနဝ်ꩻ အထျꩻသွူ။ 47လုံးတူႏပြုန်ႏ အထိန်ꩻအမတ်ထွန်ႏနဝ်ꩻ လာဗန်ဖန်ဟဲ့ꩻဖေႏ ယေဂါတာဟဒူးတ တဲ့နဝ်ꩻ ယာကုပ်နဝ်ꩻ ဖန်ဟဲ့ꩻဖေႏဂိလဒ်။ 48လာဗန်ဒေါ့ꩻဖေႏ ယာကုပ် “လုံးတူႏပြုန်ႏယိုနဝ်ꩻ နီဝင်ꩻနီတာႏ ထွာသက်သေႏသွူ။ နဝ်ꩻမꩻ ခင်ႏလမ်းနဝ်ꩻကိုနဝ်ꩻ ဖန်ဟဲ့ꩻဗာႏ ဂိလဒ်” နုဲင်းနဝ်ꩻသွူ။ 49လာဗန်ဒေါ့ꩻဖျင် “နီ တဖြာꩻတွမ်ႏတဖြာꩻ ကအုံဖဗာႏ လို့ဝင်ꩻတွင်ꩻနဝ်ꩻ ယံဖေႏ ထာဝရဘုရာꩻ ကထိန်ꩻထွားသွော့၊ နဝ်ꩻမꩻ ခင်ႏလမ်းနဝ်ꩻနဝ်ꩻ ဖန်ပါကအမဉ်ꩻ မိဇပါသွူ။” 50လာဗန်ဒေါ့ꩻသွုပ် “နာꩻမဉ်ႏနစ်စက် ခွေပိုမူႏဖုံႏ မဉ်ႏတမွေးတဝ်း နာꩻမဉ်ႏတောႏလမ်းတောထိုꩻ လိုꩻမူႏလင်နဝ်ꩻ ခွေတသေထွꩻတဝ်း စွဉ်ႏတဲ့ꩻ ဗွေႏဘုရာꩻ အဝ်ႏထွားနီနဝ်ꩻ ယူႏလꩻသွော့။ 51လုံးတူႏယိုဖုံႏနဝ်ꩻ အွဉ်ႏပြုန်ႏခါꩻ ခွေတွမ်ႏနာꩻ အခါႏတဲင် လုံးတူႏပြုန်ႏယိုနဝ်ꩻထွာ ထာꩻယူႏလꩻ အထိန်ꩻအမတ်ထွန်ႏသွူ။ 52လုံးတူႏပြုန်ႏယိုတွမ်ႏ ထာꩻယူႏလꩻ အထိန်ꩻအမတ်ထွန်ႏယိုနဝ်ꩻ ထွာနီသက်သေႏနဝ်ꩻမꩻ ခွေတဲ့ ပေါႏကာႏလွို လုံးတူႏပြုန်ႏယိုတွမ်ႏ အထိန်ꩻအမတ်ထွန်ႏယိုနဝ်ꩻ ထုမ်ႏရွို့ꩻတဝ်းနာꩻတဲင် နာꩻတဲ့ ပေါႏကာႏလွို လုံးတူႏပြုန်ႏ အထိန်ꩻအမတ်ထွန်ႏယိုနဝ်ꩻ ထုမ်ႏရွို့ꩻဗာႏတဝ်းခွေသွူ။ 53နဝ်ꩻထွူ ယာကုပ် တွိုင်ႏတယ်ႏအီနေးတွမ်ႏ ဝွေꩻဖါ ဣသဲစ် ကဝုဲင်ႏကိုꩻကွယ်ႏဒါႏ ဗွေႏဘုရာꩻ အမဉ်ꩻနာႏမတဲင် အဗြာဟံ အဗွေႏဘုရာꩻတွမ်ႏ နာဟော် အဗွေႏဘုရာꩻနဝ်ꩻ ယံဖေႏ ကစီႏရင်ႏသွော့ နီဝင်ꩻနီအခါႏ အွဉ်ႏဂတိသစ္စာႏ” နုဲင်းနဝ်ꩻသွူ။ 54ဝွေꩻမာꩻသီ ထာꩻသား တဗာႏတဲင် ပူႏဇောႏစွဉ်ႏ ကောင်လောင်း နုဲင်းယဇ်ထာꩻပူႏဇောႏထွူ ဝွေꩻဖစ်ဟဲ့ꩻ ဝွေꩻလိုꩻစွိုꩻဖုံႏတွော့ꩻ အံႏအွꩻထွူ အဟာနဝ်ꩻ ဝွေꩻသီးဗေင်ႏစွဉ်ႏ ကောင်လောင်းသွူ။ 55နုဲင်းမွူးရဝ်ꩻစဝ်း လာဗန်နို့ꩻ ဝွေꩻလီꩻဖုံႏ ဝွေꩻပိုမူႏဖုံႏတဲင် ဝွေꩻနုတ်ဆက် ဖေႏမင်္ဂလာႏထွူ ထန်ႏသဲင်ꩻချာ အလမ်းသွူ။
ទើបបានជ្រើសរើសហើយ៖
ကမ္ဘာႏစ 31: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 31
31
ယာကုပ်သျောင်ႏလဲ့လာဗန်
1လာဗန်ပိုခိုဖုံႏနဝ်ꩻဒေါ့ꩻ “ယာကုပ်နဝ်ꩻ ထူႏလွေꩻထိုꩻလို့လဲဉ်း နီဖါထာꩻခြိုꩻပဲင်ႏ ကားကအဝ်ႏတွမ်ႏ နီဖါဥစ္စာႏဖုံႏတဲင် ဝွေꩻစီꩻပွါꩻရေꩻ ထင်ႏထိုလဲဉ်း” ယာကုပ်ဟွိုန် နုဲင်းနဝ်ꩻသွူ။ 2လာဗန်တဲ့ꩻ တဟဝ်တဝ်းဒွုမ် ဝွေꩻလောင်း နုဲင်းစဝ်းခါနဝ်ꩻ ဝွေꩻထီႏပါကသွူ။ 3နဝ်ꩻမꩻ ထာဝရဘုရာꩻ မိန်းဖေႏဝွေꩻ “နာꩻသဲင်ꩻချာသွော့ နာꩻဖါဖြားတွမ်ႏ နာꩻစွိုးခွိုꩻဖုံႏခမ်း။ ခွေနဝ်ꩻ အီႏအဝ်ႏငီꩻဒျာႏ တွမ်ႏနာꩻ” နုဲင်းနဝ်ꩻသွူ။
4ရာခေလတွမ်ႏ လေအာသီး ဖေႏကလွဉ်မော့ꩻခွဲ တွမ်ႏဝွေꩻ ဝွေꩻထာꩻသားဖုံႏ ကအဝ်ႏဒါႏ ခင်ႏလမ်း ခြံတုံးကိုနဝ်ꩻ ယာကုပ် အွဉ်ႏဟွိုန်ထေ့သွူ။ 5ယာကုပ်ဒေါ့ꩻဖေႏ ဝွေꩻသီး “သီဖါနဝ်ꩻ ဟဝ်ငါႏတဝ်းဒွုမ် ခွေလောင်း နုဲင်းကရီးခါနဝ်ꩻ ခွေအဝ်ႏသတိလꩻလဲဉ်း၊ ကွဲႏတွော့ꩻ နီဖါအဗွေႏဘုရာꩻနဝ်ꩻ အဝ်ႏငီꩻလဲဉ်း တွမ်ႏခွေသွူ။ 6တွမ်ႏခွေအာႏရဲင်ꩻ ခွေမာꩻဖေႏမွေးနေးစွဉ်ႏ သီဖါထာꩻမာꩻကျောင်ꩻနဝ်ꩻ သီဝင်ꩻနီ အဝ်ႏသေလို့ဒျာႏသွူ။ 7ကွဲႏတွော့ꩻ ဝွေꩻကြဲစ်ချာ ကြဲစ်ငါထာꩻတဲင် ခွေကလꩻထွိုက် လꩻသင်ꩻဒါႏ ထာꩻမာꩻခနဝ်ꩻ ဝွေꩻချာႏထိုꩻခွေ အလဲင်ႏတဆီလဲဉ်း။ ကွဲႏတွော့ꩻ ကအီႏမာꩻဆာဗာႏခွေနဝ်ꩻ ဗွေႏဘုရာꩻ တဖေႏတဝ်း ဝွေꩻအခွင်ꩻသွူ။ 8သီဖါထွိုင်ႏဒေါ့ꩻ ဗဲတစဲက်ဖုံႏနဝ်ꩻ အီႏထွာနာꩻထာꩻမာꩻခ ပေါႏသီဖါရိုꩻစားနဝ်ꩻ ဗဲဖုံႏကားကအဝ်ႏ လွူးလွဉ်စွဉ်ႏ အပေႏတစဲက်ဖုံႏတဲင် ဗဲတကယ်တလုဲင်ꩻဖုံႏနဝ်ꩻ ထွာနာꩻထာꩻမာꩻခ ပေါႏသီဖါရိုꩻ နုဲင်းနဝ်ꩻနဝ်ꩻ ဗဲဖုံႏကားကအဝ်ႏ လွူးလွဉ်စွဉ်ႏ အပေႏတကယ် တလုဲင်ꩻဖုံႏသွူ။ 9ဗွေႏဘုရာꩻနဝ်ꩻ တွမ်ႏအနယ်ꩻနုဲင်းယို ထူႏသီဖါဗဲဖုံႏတဲင် နဝ်ꩻဖုံႏနဝ်ꩻ ဖေႏထိုꩻခွေသွူ။
10တိရစ္ဆာန်ႏ တပ်ꩻဝင်ꩻအလာနဝ်ꩻ ခွေထာꩻဗေင်ႏမင်းကို ခွေထီႏဗဲထီး ဖုံႏတပ်ꩻအမွူးတစဲက် တကွက်တွမ်ႏ တကယ်တလုဲင်ꩻဖုံႏသွူ။ 11ထာꩻဗေင်ႏမင်းကိုနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ ဒေါ့ꩻဖေႏခွေ “ယာကုပ်“ နုဲင်းနဝ်ꩻတဲင် ခွေလဝ်းချာ “ခွေသွဉ်းအဝ်ႏဒျာႏဗွေႏ” နုဲင်းနဝ်ꩻသွူ။ 12မို့ꩻလောင်းတမန်ႏ ဒေါ့ꩻယင်း၊ “ထွားမွိုင် ဗဲထီးဖုံႏ ကလောႏဒါႏအမွူး ကားကအဝ်ႏဖုံႏနဝ်ꩻ ထွာတကယ် တကွက် တလုဲင်ꩻဖုံႏ၊ ခွေကမာꩻထွာလွဉ်ဗာႏ နုဲင်းယိုနဝ်ꩻ ကွပ်ပွိုး ခွေထီႏလို့လဲဉ်း လာဗန် ကမာꩻနာꩻနဝ်ꩻသွူ။ 13#ကမ္ဘာႏ ၂၈:၁၈–၂၂။ ခွေနဝ်ꩻထွာ ဗွေႏဘုရာꩻ ကပေါႏနယ်ဒါႏနာꩻ ဗေသလအရပ် နဝ်ꩻကို နာꩻမာꩻမတ်ထွန်ႏ တွမ်ႏလုံးတူႏတဲင် တွမ်ႏသံလွေင်နမ်းမန်ꩻ ဆျာꩻလူးထွူ နာꩻကမာꩻဒါႏ ဂတိသစ္စာႏနဝ်ꩻ ထွာခွေယိုသွူ။ ယိုခါနာꩻ ဖျင်ရဲဉ်ꩻတွော့ꩻ သဲင်ꩻချာခန်း နာꩻဇာႏတိ ခင်ႏလမ်းသူꩻဟုဲင်း” မိန်းဖေႏခွေ နုဲင်းနဝ်ꩻသွူ။
14ရာခေလတွမ်ႏ လေအာ ရိုꩻဖေႏချာယင်း ယာကုပ် “နီဖါထျꩻနဝ်ꩻ နီလꩻခရာႏ အတမွီႏ အဲဉ်ထဝ်းဒွုမ်။ 15နီဖါ မာꩻနီနဝ်ꩻ ဗွိုန်နုဲင်း လိုꩻတသဥ်၊ ဝွေꩻစာအံႏနီတွော့ꩻ ကလꩻဒါႏရွဉ် ကားကအဝ်ႏဖုံႏနဝ်ꩻ ယိုခါ စုဲင်ႏထိုꩻလို့လဲဉ်းနဝ်ꩻသွူ။ 16ဗွေႏဘုရာꩻ ကသိမ်ꩻထူႏဒါႏ ထာꩻခြိုꩻဥစ္စာႏယိုဖုံႏ ကားကအဝ်ႏ အွိုး နီဖါအထျꩻနဝ်ꩻ ဆဲင်ႏဒျာႏနီတွမ်ႏ နီပိုဖုံႏသွူ၊ မာꩻသွော့ နုဲင်းဗွေႏဘုရာꩻ ကထွန်ႏသေꩻနာꩻနဝ်ꩻဟုဲင်း” နုဲင်းနဝ်ꩻသွူ။
17-18နဝ်ꩻမꩻ ယာကုပ်ဖျင်ရဲဉ်ꩻတဲင် အီႏသဲင်ꩻချာ အဖါကအဝ်ႏဒါႏ ခါနန်ခမ်းနဝ်ꩻသွူ။ ဝွေꩻပိုတွမ်ႏ ဝွေꩻမာဖုံႏနဝ်ꩻ အွဉ်ႏထုမ်းနေး ကလာအုတ်ဖုံႏတဲင် ဝွေꩻတိရစ္ဆာန်ႏဖုံႏ ကားကအဝ်ႏနဝ်ꩻ ဝါးစဲဉ်ႏငါ ရီးတွော့ꩻ ဝွေꩻနဝ်ꩻ တွမ်ႏဝွေꩻကလꩻဒါႏ ထာꩻခြိုꩻဥစ္စာႏ မဲက်သိုပိုတေးမီးယားခမ်း ကားကအဝ်ႏနဝ်ꩻ ထန်ႏသဲင်ꩻလွဉ်ꩻ ဆꩻချာသွူ။ 19လာဗန် အဝ်ႏလွေꩻရိပ်ꩻ သွိုꩻဆွဉ်ႏချိန်ႏ ဝွေꩻတအဲဉ်ထဝ်း လမ်းတွင်ꩻနဝ်ꩻ ရာခေလ လွဉ်တခွန်ꩻထိုꩻ ဘုရာꩻရွုတ်တု အဖါလမ်းနဝ်ꩻသွူ။ 20ယာကုပ်နဝ်ꩻ တအွဉ်ႏဟွိုန်တဝ်းဒွုမ် လာဗန်တဲင် ထန်ႏလွေꩻထိုꩻသွူ။ 21ဝွေꩻထူႏ ဝွေꩻကပဲင်ႏဒါႏ ထာꩻခြိုꩻ ကားကအဝ်ႏနဝ်ꩻတဲင် နဲစ်ထန်ႏထိုꩻစွဉ်ႏသွူ။ ဝွေꩻဖျတ်ကာႏ ဥဖရတ် ထီခြောင်တန်တဲင် ထန်ႏလွေꩻစွဉ်ႏ ဂိလဒ်ကောင်ဖဲ့ꩻသွူ။
လာဗန်ခြေင်းလွဉ်ꩻယာကုပ်
22ညသွံနီꩻထွူ ယာကုပ်ထန်ႏထိုꩻလဲဉ်းကျောင်ꩻ လာဗန်သေထွꩻနဝ်ꩻသွူ။။ 23ဝွေꩻဟဲ့ꩻတွမ်ႏ ဝွေꩻလိုꩻစွိုꩻဖုံႏတဲင် ခြေင်းလွဉ်ꩻစွဉ်ႏ ယာကုပ်တဲင် ညနွတ်ꩻနီꩻမꩻ ဝွေꩻထွꩻလွဉ်ꩻ ဂိလဒ်ကောင်ခြာသွူ။ 24အဟာနဝ်ꩻ လာဗန်ထာꩻဗေင်ႏမင်းကို ဗွေႏဘုရာꩻကျွꩻလွဉ် ဝွေꩻထျꩻတဲင်မိန်း၊ “အွဉ်ႏသတိသွော့၊ တွမ်ႏအနယ်ꩻမုဲင်ꩻတဲ့ꩻ နာꩻမာꩻဗာႏတဝ်း ယာကုပ်တမုဲင်ꩻမုဲင်ꩻ” နုဲင်းနဝ်ꩻသွူ။ 25ယာကုပ် အဝ်ႏချပင် ကောင်လောင်းတဲင် လာဗန်တွမ်ႏ ဝွေꩻအစွိုးအခွိုꩻဖုံႏနဝ်ꩻ ချပင် ဂိလဒ်ကောင်ထျꩻသွူ။
26လာဗန်ဒေါ့ꩻဖေႏယာကုပ် “ကွပ်ပွိုး တမုဲင်ꩻ နာꩻလဲဉ်ဗာႏတွိုႏခွေတဲင် ခွေပိုမူႏဖုံႏနဝ်ꩻ နာꩻဟဲ့ꩻလွေꩻထိုꩻဗာႏတွိုႏ နုဲင်းဝင်ꩻကဆွမ်ꩻသဲင်ꩻ လိုꩻမူႏဖုံႏ စဲ့ꩻပွယ်ꩻတန်ကို နုဲင်းမုဲင်ꩻဟောင်း။ 27ကွပ်ပွိုးတမုဲင်ꩻ နာꩻဒေါ့ꩻလဲဉ် ဗာႏတွိုႏခွေတဲင် ထန်ႏလွေꩻတေ့ꩻ ဗာႏတွိုႏဟောင်း။ နာꩻမဉ်ႏဒေါ့ꩻနယ်ခွေနဝ်ꩻ တွမ်ႏထုံတွမ်ႏမောင်း ပျောႏပျောႏသွင်ႏသွင်ႏ ခွေအီႏအွဉ်ႏစွꩻလွေꩻဒျာႏ နာꩻသွူ။ 28ခွေအီႏနုတ်ဆက် နို့ꩻဗာႏခွေလီꩻဖုံႏ ခွေပိုမူႏဖုံႏငါတဲ့ꩻ နာလဲင်ꩻတဖေႏတဝ်းဒွုမ် ခွေအခွင်ꩻ မွော့ꩻလဲင်ꩻမွိုက်ငါႏ နုဲင်းနဝ်ꩻ။ 29ခွေမဉ်ႏမဉ်မာꩻဆာနာꩻတဲ့ အဝ်ႏလꩻဒျာႏ။ ကွဲတွော့ꩻ ဟန်ႏနာꩻ သီဖါအဗွေႏဘုရာꩻနဝ်ꩻ တွမ်ႏအနယ်ꩻမုဲင်ꩻတဲ့ꩻ တမာꩻဗာႏတဝ်းနာꩻနဝ်ꩻ ဖေႏသတိꩻလဲဉ်းခွေ နုဲင်းနဝ်ꩻသွူ။ 30နာꩻကထန်ႏသဲင်ꩻဗာႏနဝ်ꩻ ကွပ်ပွိုး နာꩻသေနန်းငါႏ လမ်းကျောင်ꩻ ခွေအဝ်ႏသေသွူ၊ ကွဲတွော့ꩻ ပွိုးတမုဲင်ꩻ နာꩻတခွန်ꩻသဲင်ꩻဗာႏတွိုႏ ခွေဘုရာꩻ ရွုတ်တုဖုံႏဟောင်း” နုဲင်းနဝ်ꩻသွူ။
31ယာကုပ်လဝ်းချာ “ခွေငမ်းသꩻ ပွိုးခွေယူႏ မဲ့ꩻနာꩻဟဲ့ꩻချာ နွိုင်ႏထိုꩻ နာꩻပိုမူႏဖုံႏသွူ။ 32ကွဲတွော့ꩻ နာꩻမဉ်ႏထုမ်ႏမော့ꩻ ပါꩻအဖြာꩻ ကထူႏဒါႏ နာꩻဘုရာꩻ ရွုတ်ထုနဝ်ꩻ အီႏခံႏဗာႏအသီသွူ၊ သက်သေႏနဝ်ꩻထွာ ခွေလိုꩻဖုံႏတဲင် ထုမ်ႏသွော့ နာꩻကပဲင်ႏဒါႏ ထာꩻခြိုꩻ၊ မဉ်ႏမော့ꩻနဝ်ꩻ ထူႏချာဟုဲင်း” နုဲင်းနဝ်ꩻသွူ။ လာဗန်ဘုရာꩻရွုတ်ထုနဝ်ꩻ ရာခေလ ထူႏတခွန်ꩻထိုကျောင်ꩻ ယာကုပ် တသေတဝ်းသွူ။
33လာဗန်နွို့ထုမ်ႏထွား ယာကုပ်သုမ်းကိုထွူ နွို့ထုမ်းယင်း လေအာသုမ်းကို တွမ်ႏသွဉ်းမူႏဝင်ꩻနီ သုမ်းကိုတွော့ꩻ ဝွေꩻတမော့ꩻတဝ်း ဘုရာꩻရွုတ်ထုသွူ။ နဝ်ꩻထွူ ဝွေꩻနွို့သော့ꩻ ရာခေလသုမ်းကိုသွူ။ 34ရာခေလနဝ်ꩻ ထူႏရွုတ်ထုတွော့ꩻ အွဉ်ႏသော့ꩻ ကလာအုတ်ကွပ်ꩻ ထုံꩻကိုထွူ ဝွေꩻအုံတွိုးခါꩻစွဉ်ႏ ဆꩻကီသွူ။ လာဗန်ထုမ်ႏစွစ်ꩻလို့စွဉ်ႏ သုမ်းတဗာႏလွုမ်းစွဉ်ႏတဲ့ꩻ တမော့ꩻတဝ်း ဝွေꩻရွုတ်ထုသွူ။ 35ရာခေလရိုꩻဖေႏအဖါ “သꩻလျားမွိုန်းတဝ်းခွေဖါ ခွေ လိုꩻမူႏရာႏသီႏအလာ အဝ်ႏလွဉ်ချိန်ႏနဝ်ꩻမꩻ တအုံထွိုင်ႏနွောင်ꩻတဝ်း နီဖါဆꩻငါ” နုဲင်းနဝ်ꩻသွူ။ လာဗန်ထုမ်ႏစွဉ်ႏတဲ့ တမော့ꩻတဝ်း ဝွေꩻရွုတ်ထုသွူ။
36တွိုႏနဝ်ꩻ ယာကုပ်သꩻလျားထာꩻတဲင် “တွမ်ႏထာꩻသꩻလျား ဝွေꩻရီ၊ ခွေမာꩻဗာႏ အပဲစ်တမုဲင်ꩻဟောင်း၊ “ခွေယားကုဲင်ဗာႏ ပညတ်တမုဲင်ꩻတွော့ꩻ နာꩻလꩻအခွင်ꩻ မာꩻဆာဗာႏခွေဟောင်း။ 37ယိုခါ နာꩻထုမ်ႏစွစ်ꩻလို့လဲဉ်း ခွေတခြိုꩻဖုံႏ ကားကအဝ်ႏကိုတဲင် နာꩻကပဲင်ႏဒါႏထာꩻခြိုꩻ တစွိုးတမျိုꩻတဲ့ꩻ မော့ꩻနေဟောင်း။ မဉ်ႏမော့ꩻ နာꩻကပဲင်ႏဒါႏ နာꩻထာꩻခြိုꩻနဝ်ꩻ အွဉ်ႏလင်ꩻသွော့ နာꩻလိုꩻစွိုꩻဖုံႏတွမ်ႏ ခွေလိုꩻစွိုꩻဖုံႏဆꩻငါ ဖေႏနေးဝွေꩻသီးကထီႏ၊ ထွာပါꩻမုဲင်ꩻထာꩻခြိုꩻ ကျောင်ꩻနဝ်ꩻ အွဉ်ႏသွော့ဝွေꩻသီး ဆွုံꩻဖျတ်။ 38ခွေအုံငီꩻနာꩻ လꩻလဲဉ်း နေင်ႏပေါင်ꩻနီဆီ၊ နာꩻသွိုꩻမွူး တွမ်ႏဗဲမွူးဖုံႏ တလွူးတဝ်း အပေႏနဝ်ꩻ တအဲဉ်ထဝ်းတဲင် နာꩻသွိုꩻထီး ဗဲထီးဖုံႏနဝ်ꩻ တဗာႏငါတဲ့ ခွေတအံႏဗာႏဖိုတဝ်းသွူ။ 39ထာꩻသားမီꩻ အမဉ်ႏအဲင်ႏသီထိုꩻ သွိုꩻမွူးတဗာႏနဝ်ꩻ ခွေနမ်းခံႏသွုမ်ꩻ တဲဉ်ꩻချာဖေႏဗာႏ၊ သွိုꩻကသီနဝ်ꩻ ခွေတာႏဝွန်ႏ တအဲဉ်ထဝ်းကျောင်ꩻ အသီယို နဝ်ꩻတဲ့ ခွေအီလွဉ် အွဉ်ႏနယ်ဖိုတဝ်းနာꩻသွူ။ မွူးယာချိန်ႏတဲ့နဝ်ꩻ မွူးခေ့ꩻချိန်ႏတဲ့ꩻနဝ်ꩻ ဝင်ꩻမဉ်ႏတခွန်ꩻထိုꩻ နာꩻသွိုꩻနဝ်ꩻ နာꩻထွဉ်ႏယောႏဒျာႏ ခွေသွူ။ 40မွူးယာခိုႏ ခွေခံႏဗာႏထာꩻလျား မွူးခေ့ꩻခိုႏ ခွေခံႏဗာႏ ထာꩻခွꩻဒုက္ခ တံႏဖုံႏနဝ်ꩻ ခွေခံႏစာꩻဗာႏ အာငါႏလဲဉ်းသွူ။ ခွေထာꩻဗေင်ႏဖုံႏတဲ့ꩻ ကုဲင်ဒျာႏသွူ။ 41ခွေအဝ်ႏငီꩻတွမ်ႏနာꩻ အနေင်ႏနီဆီနဝ်ꩻ ထွာနုဲင်းနဝ်ꩻသွူ။ နာꩻပိုမူႏဝင်ꩻနီအတာႏ ခွေမာꩻဖေႏဗာႏလဲဉ်း ထာꩻမာꩻ တဆီလစ်ꩻနေင်ႏ လွုမ်ꩻတကာႏတဝ်း တီဖေႏပါက နာꩻထာꩻသောင်ꩻ ထာꩻသားဖုံႏ သူနေင်ႏသွူ။ မာꩻဖေႏသွူနာꩻ တတွာနဝ်ꩻတဲ့ နာꩻချာႏ ခွေထာꩻမာꩻခ အလဲင်ႏတဆီသွူ။ 42နီဖါအဗွေႏဘုရာꩻ ကထွာအဗြာဟံတွမ်ႏ ဣသဲစ် အဗွေႏဘုရာꩻ မဉ်ႏတအဝ်ႏငီꩻတဝ်း တွမ်ႏခွေနဝ်ꩻ နာꩻအီႏအွဉ်ႏစွꩻသဲင်ꩻချာ ခြေင်ခွေသွူ။ ကွဲတွော့ꩻ ခွေ ထာꩻဒုက္ခစွဉ်ႏ ခွေကမာꩻ ယပ်ꩻခုဲင်ႏဗာႏထာꩻနဝ်ꩻ ဗွေႏဘုရာꩻနဝ်ꩻ ထီႏလဲဉ်းတဲင် ဟန်ႏနာꩻနဝ်ꩻ ဝွေꩻဗွေႏ ဆွုံꩻမꩻလဲဉ်းနာꩻ” နုဲင်းနဝ်ꩻသွူ။
မာꩻသꩻဘော်ꩻတူႏချက်
43လာဗန်လဝ်းဖေႏ ယာကုပ် “ပိုမူႏပေႏဖုံႏယိုနဝ်ꩻ ထွာခွေပိုဖုံႏဒျာႏ ဝွေꩻသီး အပိုဖုံႏနဝ်ꩻတဲ့ꩻ ဆဲင်ႏဒျာႏခွေတဲင် နာꩻကအဝ်ႏထီႏဒါႏ ခွေထာꩻသောင်ꩻထာꩻသား ယိုဖုံႏကားကအဝ်ႏနဝ်ꩻတဲ့ ထွာခွေထာꩻခြိုꩻ ဥစ္စာႏဒျာႏ၊ ကွဲတွော့ꩻ ခွေပိုမူႏဖုံႏတွမ်ႏ ဝွေꩻသီးပိုဖုံႏ ခွေအီႏထိန်ꩻထွား သွုပ်ဗာႏနဝ်ꩻ တထွာနွောင်ꩻတဝ်း နဝ်ꩻမꩻ 44ခွေမဉ်မာꩻ သဘော်ꩻတူႏချက်တစွိုး တွမ်ႏနာꩻ၊။ ဖေႏကယူႏလꩻ သေႏသေႏ နီသဘော်ꩻတူႏချက်နဝ်ꩻ အွဉ်ႏပွုမ်ႏတွမ် လုံးတပွုမ်ႏ” နုဲင်းနဝ်ꩻသွူ။
45နဝ်ꩻမꩻ ယာကုပ်ထူႏ လုံးတူႏတတူႏ ဆို့ꩻခါꩻ အထိန်ꩻအမတ်ထွန်ႏသွူ။ 46ဝွေꩻဒေါ့ꩻဖေႏ ဝွေꩻလိုꩻ ဖေႏကအွဉ်ႏပြုန်ႏငီꩻ ထဲင်းယင်းသွော့ လုံးတူႏဖုံႏ၊ နဝ်ꩻထွူ ဝွေꩻသီး အံႏအွꩻစွဉ်ႏ လုံးပြုန်ႏနဝ်ꩻ အထျꩻသွူ။ 47လုံးတူႏပြုန်ႏ အထိန်ꩻအမတ်ထွန်ႏနဝ်ꩻ လာဗန်ဖန်ဟဲ့ꩻဖေႏ ယေဂါတာဟဒူးတ တဲ့နဝ်ꩻ ယာကုပ်နဝ်ꩻ ဖန်ဟဲ့ꩻဖေႏဂိလဒ်။ 48လာဗန်ဒေါ့ꩻဖေႏ ယာကုပ် “လုံးတူႏပြုန်ႏယိုနဝ်ꩻ နီဝင်ꩻနီတာႏ ထွာသက်သေႏသွူ။ နဝ်ꩻမꩻ ခင်ႏလမ်းနဝ်ꩻကိုနဝ်ꩻ ဖန်ဟဲ့ꩻဗာႏ ဂိလဒ်” နုဲင်းနဝ်ꩻသွူ။ 49လာဗန်ဒေါ့ꩻဖျင် “နီ တဖြာꩻတွမ်ႏတဖြာꩻ ကအုံဖဗာႏ လို့ဝင်ꩻတွင်ꩻနဝ်ꩻ ယံဖေႏ ထာဝရဘုရာꩻ ကထိန်ꩻထွားသွော့၊ နဝ်ꩻမꩻ ခင်ႏလမ်းနဝ်ꩻနဝ်ꩻ ဖန်ပါကအမဉ်ꩻ မိဇပါသွူ။” 50လာဗန်ဒေါ့ꩻသွုပ် “နာꩻမဉ်ႏနစ်စက် ခွေပိုမူႏဖုံႏ မဉ်ႏတမွေးတဝ်း နာꩻမဉ်ႏတောႏလမ်းတောထိုꩻ လိုꩻမူႏလင်နဝ်ꩻ ခွေတသေထွꩻတဝ်း စွဉ်ႏတဲ့ꩻ ဗွေႏဘုရာꩻ အဝ်ႏထွားနီနဝ်ꩻ ယူႏလꩻသွော့။ 51လုံးတူႏယိုဖုံႏနဝ်ꩻ အွဉ်ႏပြုန်ႏခါꩻ ခွေတွမ်ႏနာꩻ အခါႏတဲင် လုံးတူႏပြုန်ႏယိုနဝ်ꩻထွာ ထာꩻယူႏလꩻ အထိန်ꩻအမတ်ထွန်ႏသွူ။ 52လုံးတူႏပြုန်ႏယိုတွမ်ႏ ထာꩻယူႏလꩻ အထိန်ꩻအမတ်ထွန်ႏယိုနဝ်ꩻ ထွာနီသက်သေႏနဝ်ꩻမꩻ ခွေတဲ့ ပေါႏကာႏလွို လုံးတူႏပြုန်ႏယိုတွမ်ႏ အထိန်ꩻအမတ်ထွန်ႏယိုနဝ်ꩻ ထုမ်ႏရွို့ꩻတဝ်းနာꩻတဲင် နာꩻတဲ့ ပေါႏကာႏလွို လုံးတူႏပြုန်ႏ အထိန်ꩻအမတ်ထွန်ႏယိုနဝ်ꩻ ထုမ်ႏရွို့ꩻဗာႏတဝ်းခွေသွူ။ 53နဝ်ꩻထွူ ယာကုပ် တွိုင်ႏတယ်ႏအီနေးတွမ်ႏ ဝွေꩻဖါ ဣသဲစ် ကဝုဲင်ႏကိုꩻကွယ်ႏဒါႏ ဗွေႏဘုရာꩻ အမဉ်ꩻနာႏမတဲင် အဗြာဟံ အဗွေႏဘုရာꩻတွမ်ႏ နာဟော် အဗွေႏဘုရာꩻနဝ်ꩻ ယံဖေႏ ကစီႏရင်ႏသွော့ နီဝင်ꩻနီအခါႏ အွဉ်ႏဂတိသစ္စာႏ” နုဲင်းနဝ်ꩻသွူ။ 54ဝွေꩻမာꩻသီ ထာꩻသား တဗာႏတဲင် ပူႏဇောႏစွဉ်ႏ ကောင်လောင်း နုဲင်းယဇ်ထာꩻပူႏဇောႏထွူ ဝွေꩻဖစ်ဟဲ့ꩻ ဝွေꩻလိုꩻစွိုꩻဖုံႏတွော့ꩻ အံႏအွꩻထွူ အဟာနဝ်ꩻ ဝွေꩻသီးဗေင်ႏစွဉ်ႏ ကောင်လောင်းသွူ။ 55နုဲင်းမွူးရဝ်ꩻစဝ်း လာဗန်နို့ꩻ ဝွေꩻလီꩻဖုံႏ ဝွေꩻပိုမူႏဖုံႏတဲင် ဝွေꩻနုတ်ဆက် ဖေႏမင်္ဂလာႏထွူ ထန်ႏသဲင်ꩻချာ အလမ်းသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.