ကမ္ဘာႏစ 30
30
1ကွဲတွော့ꩻ တွမ်ႏရာခေလတွမ်ႏ ယာကုပ်နဝ်ꩻ တလꩻတဝ်းပို တဖြာꩻဖြာꩻ နဝ်ꩻမꩻ ဝွေꩻတကေးလွဉ် အဝေးမူႏတဲင် ဒေါ့ꩻဖေႏယာကုပ် “ဖေႏခွေပိုဟုဲင်း မဉ်ႏတဖေႏတဝ်းနဝ်ꩻ ခွေအီႏသီသွူ” နုဲင်းနဝ်ꩻသွူ။
2ယာကုပ် သꩻလျား ရာခေလတဲင်ဒေါ့ꩻ “ခွေနဝ်ꩻစောင်းမꩻ ဗွေႏဘုရာꩻနဲ့ ဖေႏကလꩻပို ဖေႏနွောင်ꩻနဝ်ꩻ အဝ်ႏဒျာႏ ဗွေႏဘုရာꩻလွုမ်ꩻ” နုဲင်းနဝ်ꩻသွူ။
3ရာခေလဒေါ့ꩻ “ခွေတာႏကလꩻဗာႏပိုနဝ်ꩻ ဗေင်ႏငီꩻသွော့ ခွေအသွဉ်းမူႏ ဗိလဟာဟုဲင်း၊ တွမ်ႏအနယ်ꩻယိုတဲင် ဝွေꩻမဉ်ႏလꩻလွဉ် လိုꩻပေႏနဝ်ꩻ ခွေယို အီႏထွာလွဉ်နွောင်ꩻ မွိုးတဖြာꩻ” နုဲင်းနဝ်ꩻသွူ။ 4နဝ်ꩻမꩻ ဗိလဟာနဝ်ꩻ ရာခေလအပ်ဖေႏ အဝါꩻတဲင် အဝါꩻဗေင်ႏငီꩻတွမ်ႏ ဝွေꩻမူႏသွူ။ 5ဗိလဟာ လꩻလွဉ်သန္ဓေႏတဲင် လွူးလွဉ်ဖေႏ ယာကုပ် ပိုခိုတဖြာꩻသွူ။ 6ရာခေလဒေါ့ꩻ “ဗွေႏဘုရာꩻနဝ်ꩻ စီႏရင်ႏလဲဉ်းတရာꩻ ခွေဖဲ့ꩻ၊ ဝွေꩻဗွေႏနာႏလဲဉ်း ခွေဆုတောင်ꩻငဝ်းတဲင် ဖေႏလဲဉ်းခွေ ပိုခိုတဖြာꩻသွူ၊” နုဲင်းနဝ်ꩻတဲင် ပိုခိုနဝ်ꩻ ဝွေꩻဖန်ဖေႏအမဉ်ꩻ ဒန်သွူ။ 7ဗိလဟာ သန္ဓေႏ အဝ်ႏလွဉ်ဖျင်တဲင် လွူးဖေႏယင်း ယာကုပ်ပိုခို ဒုတိယတဖြာꩻသွူ။ 8ရာခေလဒေါ့ꩻ “ခွေခြေင်ႏဗာႏ မွေးနေးစွဉ်ႏ ခွေဝေးမူႏတဲင် ခွေနွောင်ꩻလဲဉ်း” နုဲင်းနဝ်ꩻတဲင် ပိုခိုနဝ်ꩻ ဝွေꩻဖန်ဖေႏအမဉ်ꩻ နပ်တလိသွူ။
9လေအာ ထွိုင်ႏသေချာ ဝွေꩻလွူးဒွုမ်ပို ဝွေꩻအသွဉ်းမူႏ သိလဖနဝ်ꩻ အပ်ဖေႏစွဉ်ႏ ယာကုပ်နဝ်ꩻသွူ။ 10နဝ်ꩻမꩻ တွမ်ႏသိလဖနဝ်ꩻ ယာကုပ် လꩻလွဉ် ပိုခိုတဖြာꩻသွူ။ 11လေအာဒေါ့ꩻ “ခွေနဝ်ꩻ အခန်ꩻဟဝ်တွိုႏလဲဉ်း” နုဲင်းနဝ်ꩻတဲင် ပိုနဝ်ꩻ ဝွေꩻဖန်ဖေႏအမဥ်ꩻ ဂဒ်သွူ။ 12သိလဖ လွူးဖေႏယင်း ယာကုပ်ပိုခိုတဖြာꩻ 13တဲင်လေအာဒေါ့ꩻ “ခွေနဝ်ꩻ မင်္ဂလာႏအဝ်ႏငါႏ၊ ယိုခါ လိုꩻမူႏလင်ဖုံႏ အီႏဟဲ့ꩻခွေ လိုꩻမူႏမင်္ဂလာႏအဝ်ႏ၊” နုဲင်းနဝ်ꩻတဲင် ပိုနဝ်ꩻ ဝွေꩻဖန်ဖေႏအမဉ်ꩻ အာသျာသွူ။
14ဗွူကလာꩻရဲ့ချိန်ႏနဝ်ꩻ ရုဗေင်လွေꩻ ခြံတုံးတဲင် ဝွေꩻမော့ꩻ တသီႏသျိုႏမွူး ရာႏတွော့ꩻ ဝွေꩻထူႏသဲင်ꩻလွဉ်ဖေႏ အမွိုးလေအာသွူ။ ရာခေလဒေါ့ꩻဖေႏ လေအာ “နာꩻပိုခို ကအီသဲင်ꩻဖေႏဒါႏနာꩻ တသီႏသျိုႏရာႏနဝ်ꩻ ဖေႏဗဲင်းခွေ ယင်ဟန်ႏမွိုင်” နုဲင်းနဝ်ꩻသွူ။
15လေအာရိုꩻချာ “နာꩻထူႏလဲဉ်းသွူ ခွေဝါꩻနဝ်ꩻ ကေႏနပ်ဒွိုန်းနဲ့ဟောင်း၊ ယိုခါ နာꩻအဝ်ႏမဉ်ထူႏပါက ခွေပိုခို တသီႏသျိုႏရာႏ နဲ့ဟောင်း” နုဲင်းနဝ်ꩻသွူ။
ရာခေလꩻဒေါ့ꩻ “နာꩻမဉ်ႏဖေႏခွေ နာꩻပိုခို တသီႏသျိုႏရာႏနဝ်ꩻ ဟန်ႏဟာယို နာꩻဗေင်ႏငီꩻနွောင်ꩻ ယာကုပ်” နုဲင်းနဝ်ꩻသွူ။
16မွူးဟာချိန်ႏ ယာကုပ် အဝ်ႏခြံတုံး ထွိုင်ႏဖျော်သဲင်ꩻလွဉ်နဝ်ꩻ လေအာ လွဉ်ကျိုႏဆွုမ်ႏဝွေꩻ တဲင်ဒေါ့ꩻ “ဟန်ႏဟာ နာꩻအီႏဗေင်ႏငီꩻဗာႏခွေ ကွပ်ပွိုး နာꩻနဝ်ꩻ ခွေလုဲင်ႏအီလဲဉ်းတွမ်ႏ ခွေပိုခို တသီႏသျိုႏရာႏ ရာခေလထျꩻ” နုဲင်းနဝ်ꩻတဲင် အဟာနဝ်ꩻ ယာကုပ်ဗေင်ႏငီꩻ တွမ်ႏဝွေꩻမူႏသွူ။
17ဗွေႏဘုရာꩻနာႏ လေအာ ဆုတောင်ꩻငဝ်းနဝ်ꩻမꩻ ဝွေꩻသန္ဓေႏ အဝ်ႏလွဉ်တဲင် လွူးဖေႏလဲဉ်း ယာကုပ်ပိုခို ဝင်ꩻငတ်ꩻသွူ။ 18လေအာဒေါ့ꩻ “ခွေအသွဉ်းမူႏနဝ်ꩻ ကွပ်ပွိုးခွေဖေႏထိုꩻ ခွေဝါꩻနဝ်ꩻမꩻ ဗွေႏဘုရာꩻ ဖေႏလဲဉ်းခွေဆု” ရိုꩻနုဲင်းတဲင်ပိုနဝ်ꩻ ဖန်ဖေႏအမဉ်ꩻ ဣသခါသွူ။ 19လေအာ လꩻလွဉ်ဖျင် သန္ဓေႏတလဲင်ႏတဲင် လွူးဖေႏယင်း ယာကုပ် ပိုခို ဆဌမတဖြာꩻသွူ။ 20ဝွေꩻမူႏဒေါ့ꩻ “ဗွေႏဘုရာꩻနဝ်ꩻ ဖေႏလဲဉ်းခွေ ဆုလက်ဆောင်ႏဟဝ် ကွပ်ပွိုး ခွေလွူးဖေႏလဲဉ်းဝွေꩻ ပိုခိုဝင်ꩻသူနဝ်ꩻမꩻ ယိုခါ ခွေဝါꩻနဝ်ꩻ အီႏလက်ခံႏခွေ” နဝ်ꩻမꩻ ဝွေꩻမူႏ ဖန်ဖေႏအမဉ်ꩻ သေဗုလုံ။ 21ဆုဲင်ꩻနဝ်ꩻ ဝွေꩻလွူးပိုမူႏတဖြာꩻ ဝွေꩻဖန်ဖေႏအမဉ်ꩻ ဒိနသွူ။
22ဗွေႏဘုရာꩻနဝ်ꩻ ယူႏလꩻသေနန်း ရာခေလ၊ ဝွေꩻဗွေႏနာႏ ရာခေလ ဆုတောင်ꩻငဝ်းနဝ်ꩻမꩻ ဝွေꩻဗွေႏဖေႏဝွေꩻမူႏ လွူးနွောင်ꩻပိုသွူ။ 23ဝွေꩻမူႏလꩻလွဉ် သန္ဓေႏတဲင် လွူးပိုခိုတဖြာꩻသွူ။ နဝ်ꩻမꩻ ဝွေꩻဒေါ့ꩻ “ဗွေႏဘုရာꩻနဝ်ꩻ ထူႏညာꩻထိုꩻလဲဉ်းထာꩻ တရေႏပေႏတဲင် ဖေႏလဲဉ်းခွေ ပိုခိုတဖြာꩻသွူ။ 24ထာဝရဘုရာꩻနဝ်ꩻ ယံဖေႏ ကဖေႏထဲင်းယင်း ခွေပိုခိုတဖြာꩻ“ နုဲင်းနဝ်ꩻတဲင် ဖန်ဖေႏအမဉ်ꩻ ယောသပ်သွူ။
ယာကုပ်တွမ်ႏလာဗန်
25ယောသပ်လွူးထွူ ယာကုပ်ဒေါ့ꩻဖေႏ လာဗန်၊ “ကအီႏသဲင်ꩻချာဗာႏ ခွေလမ်းနဝ်ꩻ ဖေႏဗဲင်းခွေ အခွင်ꩻမွိုင်။ 26ခွေကမာꩻဒါႏ ထာꩻမာꩻနီဖူထျꩻတွော့ꩻ ကလꩻဒါႏ ပိုမာဖုံႏနဝ်ꩻ ဖေႏခန်းခွေဟဲ့ꩻသဲင်ꩻတဲင် ခွေအီႏထန်ႏလွေꩻသွူ။ ခွေကျိုꩻစာꩻ မာꩻဟဝ်ဖေႏမွေး နီဖူထာꩻမာꩻကျောင်ꩻနဝ်ꩻ နီဖူအဝ်ႏသေ” နုဲင်းနဝ်ꩻသွူ။
27လာဗန်ဒေါ့ꩻဖေႏဝွေꩻ “ခွေတဲ့ꩻ မဉ်ဒေါ့ꩻဖေႏနာꩻ နုဲင်းယို၊ ကွပ်ပွိုး တွမ်ႏနာꩻတဲင် ထာဝရဘုရာꩻနဝ်ꩻ ဖေႏမွေးစွဉ်ႏခွေ မင်္ဂလာႏကျောင်ꩻ ခွေအဝ်ႏသေဒျာႏသွူ။ 28နာꩻကမဉ်လꩻဒါႏ အငိုꩻအခနဝ်ꩻ ဒေါ့ꩻဟုဲင်း ခွေဖေႏ” နုဲင်းနဝ်ꩻသွူ။
29ယာကုပ်လဝ်းချာ “ခွေမာꩻဖေႏလဲဉ်း နီဖူထာꩻမာꩻတဲ့နဝ်ꩻ ခွေထိန်ꩻထွားတွော့ꩻ နီဖူသွိုꩻဖုံႏ ပွါꩻအာလွဉ် တတွာမုဲင်ꩻတဲ့နဝ်ꩻ နီဖူအဝ်ႏသေဒျာႏ။ 30ခလားခွေကဖျော်လွဉ်နဝ်ꩻ နီဖူတိရစ္ဆာန်ႏ အဝ်ႏတစိꩻလွုမ်ꩻတဲင် ယိုခါ ပွါꩻအာလွဉ် ငါႏလဲဉ်းသွူ။ ကွပ်ပွိုးခွေတဲင် ထာဝရဘုရာꩻ ဖေႏလဲဉ်းနီဖူ မင်္ဂလာႏသွူ။ ယိုခါ အီႏထုမ်ႏဗာႏ ခွေနမ်းတာႏ စီꩻပွါꩻရေꩻနဝ်ꩻ အချိန်ႏတွိုႏလဲဉ်း” နုဲင်းနဝ်ꩻသွူ။
31လာဗန်ရီ “ခွေအီႏ ဖေႏဗာႏနာꩻ ထာꩻမာꩻခ ခွိုင်းမုဲင်ꩻဟောင်း။”
ယာကုပ်လဝ်းချာ “ခွေကဖေႏဒါႏ အကျံႏဉာဏ်ႏယို နီဖူသဘော်ꩻ မဉ်ႏတူႏနဝ်ꩻ ခွေတမဉ်လꩻတဝ်း အငိုꩻအခ ခွေအီႏတီ သွုပ်ဖေႏယင်း နီဖူꩻ တိရစ္ဆာန်ႏဖုံႏသွူ။ 32ဟန်ႏနီꩻခွေအီႏနွို့ထွား နီဖူထာꩻသားဖုံႏကိုတွော့ꩻ ကထီႏဒါႏ သွိုꩻဖြေင်းတွမ်ႏ အတကွက်၊ တကျောင်ႏတကယ်ဖုံႏ ကားကအဝ်ႏနဝ်ꩻ ခွေမဉ်လꩻသွူ။ တိရစ္ဆာန်ႏ နဝ်ꩻဖုံႏနဝ်ꩻ ခွေမဉ်လꩻဒါႏ အခသွူ။ 33တနီꩻခါ ခွေစွို့ꩻစွဉ်ႏနဲ့၊ တစွို့ꩻစွဥ်ႏတဝ်းနဲ့နဝ်ꩻ နီဖူအီႏသေ နွောင်ꩻနဝ်ꩻသွူ။ နီဖူကဖေႏသေꩻခါꩻဒါႏခွေ အခကို နီဖူမဉ်ႏလွဉ် စဲစ်ထွားချိန်ႏ ပေါႏလွို ဗဲတကျောင်ႏတကယ် တဲ့နဝ်ꩻ၊ အတကွက် တဲ့ꩻနဝ်ꩻ၊ သွိုꩻဖြေင်းတဲ့နဝ်ꩻ၊ မဉ်ႏမော့ꩻဒါႏသွိုꩻဗဲ အရောင်ႏလင်ဖုံႏနဝ်ꩻ ခွေတခွန်ꩻနေးကျောင်ꩻ နီဖူအီႏသေနွောင်ꩻ” နုဲင်းနဝ်ꩻသွူ။
34လာဗန်ဒေါ့ꩻချာ “နုဲင်းနာꩻကဖေႏကျံႏ အတွိုင်ꩻနဝ်ꩻ သဖေါႏတူႏဒျာႏ နီအီႏမာꩻလွဉ်ꩻ” နုဲင်းနဝ်ꩻသွူ။ 35အနီꩻနဝ်ꩻ လာဗန်လွိုက်ထန်ႏခေါ်ထိုꩻ ဗဲထီး တကျောင်ႏတကယ်တွမ်ႏ ဗဲမွူးတကွက်ဗွါ ကပါဒါႏဖုံႏတဲ့ꩻနဝ်ꩻ သွိုꩻဖြေင်းဖုံႏ ကားကအဝ်ႏတဲ့နဝ်ꩻ ယာကုပ်အပ်ဖေႏစွဉ်ႏ ဝွေꩻပိုခိုသွူ။ 36သွိုꩻဗဲဖုံႏနဝ်ꩻ အွဉ်ႏဝါးပသာလွေꩻထိုꩻစွဥ်ႏ အဝ်ႏကညာꩻဒါႏစွဉ်ႏယာကုပ် သွံနီꩻတဖူꩻသွူ။ လာဗန်သွိုꩻဗဲဖုံႏ ကအဝ်ႏကုဲင်ဒါႏနဝ်ꩻ ယာကုပ်နဝ်ꩻ အဝ်ႏတီထွားလွေꩻဖေႏဒျာႏသွူ။
37ယာကုပ် ထူႏသေင်ႏ ကထွာငိုမွူး၊ ဗာဒံမွူး၊ မွဉ်ꩻမွူးဖုံႏ အပင်ချိုတွော့ꩻ အဗွာရျင်ႏဖုံႏ ဖေႏနေးကပေါႏလွဉ်နဝ်ꩻ ပွါႏထန်ႏထိုꩻအပီသွူ။ 38သေင်ႏပင်နဝ်ꩻဖုံႏနဝ်ꩻ ဝွေꩻအွဉ်ႏလင်ꩻ ထာꩻသားဖုံႏ ထီတခြောင် ဆꩻငါသွူ။ ဝွေꩻကအွဉ်ႏလင်ꩻဗာႏ သေင်ႏပင် နဝ်ꩻကိုနဝ်ꩻ ကွပ်ပွိုးထာꩻသားဖုံႏ မဉ်ႏလွဉ်အွꩻထီချိန်ႏ တပ်ꩻလို့ဝင်ꩻဖုံႏ အတွက်သွူ။ 39ပွိုးတွော့ꩻ ဗဲထီးဖုံႏ တပ်ꩻအမွူး မဉ်ႏထီႏ သေင်ႏပင်ရျင်ႏ တကွက်ဖုံႏနဝ်ꩻ အပေႏဖုံႏ လွူးထန်ႏလို့ တကျောင်ႏတကယ်ဖုံႏ၊ အတလုဲင်ꩻစွဉ်ႏ တကွက်ဖုံႏအတွက်သွူ။
40အဝ်ႏလာဗန်ထာꩻသားဖုံႏကိုနဝ်ꩻ ယာကုပ် အွဉ်ႏဖထန်ႏခေါ်ထိုꩻစွဉ်ႏ သွိုꩻတွမ်ႏဗဲဖုံႏတဲင် အွဉ်ႏခွယ်ႏတနꩻလွေꩻစွဉ်ႏ ထာꩻသား တကျောင်ႏတကယ် စွဉ်ႏအဖြေင်းစွိုꩻဖုံႏသွူ။ တွမ်ႏအနယ်ꩻ နုဲင်းယိုနဝ်ꩻ ဝွေꩻမာꩻပွါꩻအာလွဉ် ဝွေꩻနမ်းပဲင်ႏ ထာꩻသားဖုံႏတဲင် ဝွေꩻဖခေါ်ထိုꩻစွဥ်ႏ လာဗန်သွိုꩻဗဲဖုံႏသွူ။
41ထာꩻသားပြွောင်ႏ အာႏတရော်ဖုံႏ ကတပ်ꩻအမွူးချိန်ႏ ဖေႏကထီႏ သေင်ႏပင်တွော့ꩻ တပ်ꩻနဝ်ꩻ ယာကုပ်အွဉ်ႏလင်ꩻဖေႏ သေႏသေႏ သေင်ႏပင် ထီတခြောင်ဆꩻငါသွူ။ 42ကွဲႏတွော့ꩻ တိရစ္ဆာန်ႏယွောင် အာႏဆေ့ꩻဖုံႏဆꩻငါနဝ်ꩻ ဝွေꩻတအွဉ်ႏလင်ꩻတဝ်း သေင်ႏပင်ဖုံႏသွူ။ တညတဝ်း လာဗန်ကပဲင်ႏဒါႏ သွိုꩻဗဲဖုံႏနဝ်ꩻ ယွောင်အာႏဆေ့ꩻဖုံႏတဲင် ယာကုပ်ကပဲင်ႏဒါႏ သွိုꩻဗဲဖုံႏ ကားကအဝ်ႏနဝ်ꩻ ပြွောင်ႏအာႏတလာဖုံႏသွူ။ 43တွမ်ႏအနယ်ꩻနုဲင်းယို ယာကုပ် အထာꩻခြိုꩻဥစ္စာႏဖုံႏ အာလွဉ်တဲင် ခြွေမွေးစွဉ်ႏထာꩻသွူ။ ဝွေꩻသွိုꩻဗဲဖုံႏ၊ သွဉ်းသဲႏဖုံႏ၊ ကလာအုတ်ဖုံႏ၊ သေလာꩻဖုံႏနဝ်ꩻ တိုꩻပွါꩻအာလွဉ် မွေးစွဉ်ႏသွူ။
ទើបបានជ្រើសរើសហើយ៖
ကမ္ဘာႏစ 30: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 30
30
1ကွဲတွော့ꩻ တွမ်ႏရာခေလတွမ်ႏ ယာကုပ်နဝ်ꩻ တလꩻတဝ်းပို တဖြာꩻဖြာꩻ နဝ်ꩻမꩻ ဝွေꩻတကေးလွဉ် အဝေးမူႏတဲင် ဒေါ့ꩻဖေႏယာကုပ် “ဖေႏခွေပိုဟုဲင်း မဉ်ႏတဖေႏတဝ်းနဝ်ꩻ ခွေအီႏသီသွူ” နုဲင်းနဝ်ꩻသွူ။
2ယာကုပ် သꩻလျား ရာခေလတဲင်ဒေါ့ꩻ “ခွေနဝ်ꩻစောင်းမꩻ ဗွေႏဘုရာꩻနဲ့ ဖေႏကလꩻပို ဖေႏနွောင်ꩻနဝ်ꩻ အဝ်ႏဒျာႏ ဗွေႏဘုရာꩻလွုမ်ꩻ” နုဲင်းနဝ်ꩻသွူ။
3ရာခေလဒေါ့ꩻ “ခွေတာႏကလꩻဗာႏပိုနဝ်ꩻ ဗေင်ႏငီꩻသွော့ ခွေအသွဉ်းမူႏ ဗိလဟာဟုဲင်း၊ တွမ်ႏအနယ်ꩻယိုတဲင် ဝွေꩻမဉ်ႏလꩻလွဉ် လိုꩻပေႏနဝ်ꩻ ခွေယို အီႏထွာလွဉ်နွောင်ꩻ မွိုးတဖြာꩻ” နုဲင်းနဝ်ꩻသွူ။ 4နဝ်ꩻမꩻ ဗိလဟာနဝ်ꩻ ရာခေလအပ်ဖေႏ အဝါꩻတဲင် အဝါꩻဗေင်ႏငီꩻတွမ်ႏ ဝွေꩻမူႏသွူ။ 5ဗိလဟာ လꩻလွဉ်သန္ဓေႏတဲင် လွူးလွဉ်ဖေႏ ယာကုပ် ပိုခိုတဖြာꩻသွူ။ 6ရာခေလဒေါ့ꩻ “ဗွေႏဘုရာꩻနဝ်ꩻ စီႏရင်ႏလဲဉ်းတရာꩻ ခွေဖဲ့ꩻ၊ ဝွေꩻဗွေႏနာႏလဲဉ်း ခွေဆုတောင်ꩻငဝ်းတဲင် ဖေႏလဲဉ်းခွေ ပိုခိုတဖြာꩻသွူ၊” နုဲင်းနဝ်ꩻတဲင် ပိုခိုနဝ်ꩻ ဝွေꩻဖန်ဖေႏအမဉ်ꩻ ဒန်သွူ။ 7ဗိလဟာ သန္ဓေႏ အဝ်ႏလွဉ်ဖျင်တဲင် လွူးဖေႏယင်း ယာကုပ်ပိုခို ဒုတိယတဖြာꩻသွူ။ 8ရာခေလဒေါ့ꩻ “ခွေခြေင်ႏဗာႏ မွေးနေးစွဉ်ႏ ခွေဝေးမူႏတဲင် ခွေနွောင်ꩻလဲဉ်း” နုဲင်းနဝ်ꩻတဲင် ပိုခိုနဝ်ꩻ ဝွေꩻဖန်ဖေႏအမဉ်ꩻ နပ်တလိသွူ။
9လေအာ ထွိုင်ႏသေချာ ဝွေꩻလွူးဒွုမ်ပို ဝွေꩻအသွဉ်းမူႏ သိလဖနဝ်ꩻ အပ်ဖေႏစွဉ်ႏ ယာကုပ်နဝ်ꩻသွူ။ 10နဝ်ꩻမꩻ တွမ်ႏသိလဖနဝ်ꩻ ယာကုပ် လꩻလွဉ် ပိုခိုတဖြာꩻသွူ။ 11လေအာဒေါ့ꩻ “ခွေနဝ်ꩻ အခန်ꩻဟဝ်တွိုႏလဲဉ်း” နုဲင်းနဝ်ꩻတဲင် ပိုနဝ်ꩻ ဝွေꩻဖန်ဖေႏအမဥ်ꩻ ဂဒ်သွူ။ 12သိလဖ လွူးဖေႏယင်း ယာကုပ်ပိုခိုတဖြာꩻ 13တဲင်လေအာဒေါ့ꩻ “ခွေနဝ်ꩻ မင်္ဂလာႏအဝ်ႏငါႏ၊ ယိုခါ လိုꩻမူႏလင်ဖုံႏ အီႏဟဲ့ꩻခွေ လိုꩻမူႏမင်္ဂလာႏအဝ်ႏ၊” နုဲင်းနဝ်ꩻတဲင် ပိုနဝ်ꩻ ဝွေꩻဖန်ဖေႏအမဉ်ꩻ အာသျာသွူ။
14ဗွူကလာꩻရဲ့ချိန်ႏနဝ်ꩻ ရုဗေင်လွေꩻ ခြံတုံးတဲင် ဝွေꩻမော့ꩻ တသီႏသျိုႏမွူး ရာႏတွော့ꩻ ဝွေꩻထူႏသဲင်ꩻလွဉ်ဖေႏ အမွိုးလေအာသွူ။ ရာခေလဒေါ့ꩻဖေႏ လေအာ “နာꩻပိုခို ကအီသဲင်ꩻဖေႏဒါႏနာꩻ တသီႏသျိုႏရာႏနဝ်ꩻ ဖေႏဗဲင်းခွေ ယင်ဟန်ႏမွိုင်” နုဲင်းနဝ်ꩻသွူ။
15လေအာရိုꩻချာ “နာꩻထူႏလဲဉ်းသွူ ခွေဝါꩻနဝ်ꩻ ကေႏနပ်ဒွိုန်းနဲ့ဟောင်း၊ ယိုခါ နာꩻအဝ်ႏမဉ်ထူႏပါက ခွေပိုခို တသီႏသျိုႏရာႏ နဲ့ဟောင်း” နုဲင်းနဝ်ꩻသွူ။
ရာခေလꩻဒေါ့ꩻ “နာꩻမဉ်ႏဖေႏခွေ နာꩻပိုခို တသီႏသျိုႏရာႏနဝ်ꩻ ဟန်ႏဟာယို နာꩻဗေင်ႏငီꩻနွောင်ꩻ ယာကုပ်” နုဲင်းနဝ်ꩻသွူ။
16မွူးဟာချိန်ႏ ယာကုပ် အဝ်ႏခြံတုံး ထွိုင်ႏဖျော်သဲင်ꩻလွဉ်နဝ်ꩻ လေအာ လွဉ်ကျိုႏဆွုမ်ႏဝွေꩻ တဲင်ဒေါ့ꩻ “ဟန်ႏဟာ နာꩻအီႏဗေင်ႏငီꩻဗာႏခွေ ကွပ်ပွိုး နာꩻနဝ်ꩻ ခွေလုဲင်ႏအီလဲဉ်းတွမ်ႏ ခွေပိုခို တသီႏသျိုႏရာႏ ရာခေလထျꩻ” နုဲင်းနဝ်ꩻတဲင် အဟာနဝ်ꩻ ယာကုပ်ဗေင်ႏငီꩻ တွမ်ႏဝွေꩻမူႏသွူ။
17ဗွေႏဘုရာꩻနာႏ လေအာ ဆုတောင်ꩻငဝ်းနဝ်ꩻမꩻ ဝွေꩻသန္ဓေႏ အဝ်ႏလွဉ်တဲင် လွူးဖေႏလဲဉ်း ယာကုပ်ပိုခို ဝင်ꩻငတ်ꩻသွူ။ 18လေအာဒေါ့ꩻ “ခွေအသွဉ်းမူႏနဝ်ꩻ ကွပ်ပွိုးခွေဖေႏထိုꩻ ခွေဝါꩻနဝ်ꩻမꩻ ဗွေႏဘုရာꩻ ဖေႏလဲဉ်းခွေဆု” ရိုꩻနုဲင်းတဲင်ပိုနဝ်ꩻ ဖန်ဖေႏအမဉ်ꩻ ဣသခါသွူ။ 19လေအာ လꩻလွဉ်ဖျင် သန္ဓေႏတလဲင်ႏတဲင် လွူးဖေႏယင်း ယာကုပ် ပိုခို ဆဌမတဖြာꩻသွူ။ 20ဝွေꩻမူႏဒေါ့ꩻ “ဗွေႏဘုရာꩻနဝ်ꩻ ဖေႏလဲဉ်းခွေ ဆုလက်ဆောင်ႏဟဝ် ကွပ်ပွိုး ခွေလွူးဖေႏလဲဉ်းဝွေꩻ ပိုခိုဝင်ꩻသူနဝ်ꩻမꩻ ယိုခါ ခွေဝါꩻနဝ်ꩻ အီႏလက်ခံႏခွေ” နဝ်ꩻမꩻ ဝွေꩻမူႏ ဖန်ဖေႏအမဉ်ꩻ သေဗုလုံ။ 21ဆုဲင်ꩻနဝ်ꩻ ဝွေꩻလွူးပိုမူႏတဖြာꩻ ဝွေꩻဖန်ဖေႏအမဉ်ꩻ ဒိနသွူ။
22ဗွေႏဘုရာꩻနဝ်ꩻ ယူႏလꩻသေနန်း ရာခေလ၊ ဝွေꩻဗွေႏနာႏ ရာခေလ ဆုတောင်ꩻငဝ်းနဝ်ꩻမꩻ ဝွေꩻဗွေႏဖေႏဝွေꩻမူႏ လွူးနွောင်ꩻပိုသွူ။ 23ဝွေꩻမူႏလꩻလွဉ် သန္ဓေႏတဲင် လွူးပိုခိုတဖြာꩻသွူ။ နဝ်ꩻမꩻ ဝွေꩻဒေါ့ꩻ “ဗွေႏဘုရာꩻနဝ်ꩻ ထူႏညာꩻထိုꩻလဲဉ်းထာꩻ တရေႏပေႏတဲင် ဖေႏလဲဉ်းခွေ ပိုခိုတဖြာꩻသွူ။ 24ထာဝရဘုရာꩻနဝ်ꩻ ယံဖေႏ ကဖေႏထဲင်းယင်း ခွေပိုခိုတဖြာꩻ“ နုဲင်းနဝ်ꩻတဲင် ဖန်ဖေႏအမဉ်ꩻ ယောသပ်သွူ။
ယာကုပ်တွမ်ႏလာဗန်
25ယောသပ်လွူးထွူ ယာကုပ်ဒေါ့ꩻဖေႏ လာဗန်၊ “ကအီႏသဲင်ꩻချာဗာႏ ခွေလမ်းနဝ်ꩻ ဖေႏဗဲင်းခွေ အခွင်ꩻမွိုင်။ 26ခွေကမာꩻဒါႏ ထာꩻမာꩻနီဖူထျꩻတွော့ꩻ ကလꩻဒါႏ ပိုမာဖုံႏနဝ်ꩻ ဖေႏခန်းခွေဟဲ့ꩻသဲင်ꩻတဲင် ခွေအီႏထန်ႏလွေꩻသွူ။ ခွေကျိုꩻစာꩻ မာꩻဟဝ်ဖေႏမွေး နီဖူထာꩻမာꩻကျောင်ꩻနဝ်ꩻ နီဖူအဝ်ႏသေ” နုဲင်းနဝ်ꩻသွူ။
27လာဗန်ဒေါ့ꩻဖေႏဝွေꩻ “ခွေတဲ့ꩻ မဉ်ဒေါ့ꩻဖေႏနာꩻ နုဲင်းယို၊ ကွပ်ပွိုး တွမ်ႏနာꩻတဲင် ထာဝရဘုရာꩻနဝ်ꩻ ဖေႏမွေးစွဉ်ႏခွေ မင်္ဂလာႏကျောင်ꩻ ခွေအဝ်ႏသေဒျာႏသွူ။ 28နာꩻကမဉ်လꩻဒါႏ အငိုꩻအခနဝ်ꩻ ဒေါ့ꩻဟုဲင်း ခွေဖေႏ” နုဲင်းနဝ်ꩻသွူ။
29ယာကုပ်လဝ်းချာ “ခွေမာꩻဖေႏလဲဉ်း နီဖူထာꩻမာꩻတဲ့နဝ်ꩻ ခွေထိန်ꩻထွားတွော့ꩻ နီဖူသွိုꩻဖုံႏ ပွါꩻအာလွဉ် တတွာမုဲင်ꩻတဲ့နဝ်ꩻ နီဖူအဝ်ႏသေဒျာႏ။ 30ခလားခွေကဖျော်လွဉ်နဝ်ꩻ နီဖူတိရစ္ဆာန်ႏ အဝ်ႏတစိꩻလွုမ်ꩻတဲင် ယိုခါ ပွါꩻအာလွဉ် ငါႏလဲဉ်းသွူ။ ကွပ်ပွိုးခွေတဲင် ထာဝရဘုရာꩻ ဖေႏလဲဉ်းနီဖူ မင်္ဂလာႏသွူ။ ယိုခါ အီႏထုမ်ႏဗာႏ ခွေနမ်းတာႏ စီꩻပွါꩻရေꩻနဝ်ꩻ အချိန်ႏတွိုႏလဲဉ်း” နုဲင်းနဝ်ꩻသွူ။
31လာဗန်ရီ “ခွေအီႏ ဖေႏဗာႏနာꩻ ထာꩻမာꩻခ ခွိုင်းမုဲင်ꩻဟောင်း။”
ယာကုပ်လဝ်းချာ “ခွေကဖေႏဒါႏ အကျံႏဉာဏ်ႏယို နီဖူသဘော်ꩻ မဉ်ႏတူႏနဝ်ꩻ ခွေတမဉ်လꩻတဝ်း အငိုꩻအခ ခွေအီႏတီ သွုပ်ဖေႏယင်း နီဖူꩻ တိရစ္ဆာန်ႏဖုံႏသွူ။ 32ဟန်ႏနီꩻခွေအီႏနွို့ထွား နီဖူထာꩻသားဖုံႏကိုတွော့ꩻ ကထီႏဒါႏ သွိုꩻဖြေင်းတွမ်ႏ အတကွက်၊ တကျောင်ႏတကယ်ဖုံႏ ကားကအဝ်ႏနဝ်ꩻ ခွေမဉ်လꩻသွူ။ တိရစ္ဆာန်ႏ နဝ်ꩻဖုံႏနဝ်ꩻ ခွေမဉ်လꩻဒါႏ အခသွူ။ 33တနီꩻခါ ခွေစွို့ꩻစွဉ်ႏနဲ့၊ တစွို့ꩻစွဥ်ႏတဝ်းနဲ့နဝ်ꩻ နီဖူအီႏသေ နွောင်ꩻနဝ်ꩻသွူ။ နီဖူကဖေႏသေꩻခါꩻဒါႏခွေ အခကို နီဖူမဉ်ႏလွဉ် စဲစ်ထွားချိန်ႏ ပေါႏလွို ဗဲတကျောင်ႏတကယ် တဲ့နဝ်ꩻ၊ အတကွက် တဲ့ꩻနဝ်ꩻ၊ သွိုꩻဖြေင်းတဲ့နဝ်ꩻ၊ မဉ်ႏမော့ꩻဒါႏသွိုꩻဗဲ အရောင်ႏလင်ဖုံႏနဝ်ꩻ ခွေတခွန်ꩻနေးကျောင်ꩻ နီဖူအီႏသေနွောင်ꩻ” နုဲင်းနဝ်ꩻသွူ။
34လာဗန်ဒေါ့ꩻချာ “နုဲင်းနာꩻကဖေႏကျံႏ အတွိုင်ꩻနဝ်ꩻ သဖေါႏတူႏဒျာႏ နီအီႏမာꩻလွဉ်ꩻ” နုဲင်းနဝ်ꩻသွူ။ 35အနီꩻနဝ်ꩻ လာဗန်လွိုက်ထန်ႏခေါ်ထိုꩻ ဗဲထီး တကျောင်ႏတကယ်တွမ်ႏ ဗဲမွူးတကွက်ဗွါ ကပါဒါႏဖုံႏတဲ့ꩻနဝ်ꩻ သွိုꩻဖြေင်းဖုံႏ ကားကအဝ်ႏတဲ့နဝ်ꩻ ယာကုပ်အပ်ဖေႏစွဉ်ႏ ဝွေꩻပိုခိုသွူ။ 36သွိုꩻဗဲဖုံႏနဝ်ꩻ အွဉ်ႏဝါးပသာလွေꩻထိုꩻစွဥ်ႏ အဝ်ႏကညာꩻဒါႏစွဉ်ႏယာကုပ် သွံနီꩻတဖူꩻသွူ။ လာဗန်သွိုꩻဗဲဖုံႏ ကအဝ်ႏကုဲင်ဒါႏနဝ်ꩻ ယာကုပ်နဝ်ꩻ အဝ်ႏတီထွားလွေꩻဖေႏဒျာႏသွူ။
37ယာကုပ် ထူႏသေင်ႏ ကထွာငိုမွူး၊ ဗာဒံမွူး၊ မွဉ်ꩻမွူးဖုံႏ အပင်ချိုတွော့ꩻ အဗွာရျင်ႏဖုံႏ ဖေႏနေးကပေါႏလွဉ်နဝ်ꩻ ပွါႏထန်ႏထိုꩻအပီသွူ။ 38သေင်ႏပင်နဝ်ꩻဖုံႏနဝ်ꩻ ဝွေꩻအွဉ်ႏလင်ꩻ ထာꩻသားဖုံႏ ထီတခြောင် ဆꩻငါသွူ။ ဝွေꩻကအွဉ်ႏလင်ꩻဗာႏ သေင်ႏပင် နဝ်ꩻကိုနဝ်ꩻ ကွပ်ပွိုးထာꩻသားဖုံႏ မဉ်ႏလွဉ်အွꩻထီချိန်ႏ တပ်ꩻလို့ဝင်ꩻဖုံႏ အတွက်သွူ။ 39ပွိုးတွော့ꩻ ဗဲထီးဖုံႏ တပ်ꩻအမွူး မဉ်ႏထီႏ သေင်ႏပင်ရျင်ႏ တကွက်ဖုံႏနဝ်ꩻ အပေႏဖုံႏ လွူးထန်ႏလို့ တကျောင်ႏတကယ်ဖုံႏ၊ အတလုဲင်ꩻစွဉ်ႏ တကွက်ဖုံႏအတွက်သွူ။
40အဝ်ႏလာဗန်ထာꩻသားဖုံႏကိုနဝ်ꩻ ယာကုပ် အွဉ်ႏဖထန်ႏခေါ်ထိုꩻစွဉ်ႏ သွိုꩻတွမ်ႏဗဲဖုံႏတဲင် အွဉ်ႏခွယ်ႏတနꩻလွေꩻစွဉ်ႏ ထာꩻသား တကျောင်ႏတကယ် စွဉ်ႏအဖြေင်းစွိုꩻဖုံႏသွူ။ တွမ်ႏအနယ်ꩻ နုဲင်းယိုနဝ်ꩻ ဝွေꩻမာꩻပွါꩻအာလွဉ် ဝွေꩻနမ်းပဲင်ႏ ထာꩻသားဖုံႏတဲင် ဝွေꩻဖခေါ်ထိုꩻစွဥ်ႏ လာဗန်သွိုꩻဗဲဖုံႏသွူ။
41ထာꩻသားပြွောင်ႏ အာႏတရော်ဖုံႏ ကတပ်ꩻအမွူးချိန်ႏ ဖေႏကထီႏ သေင်ႏပင်တွော့ꩻ တပ်ꩻနဝ်ꩻ ယာကုပ်အွဉ်ႏလင်ꩻဖေႏ သေႏသေႏ သေင်ႏပင် ထီတခြောင်ဆꩻငါသွူ။ 42ကွဲႏတွော့ꩻ တိရစ္ဆာန်ႏယွောင် အာႏဆေ့ꩻဖုံႏဆꩻငါနဝ်ꩻ ဝွေꩻတအွဉ်ႏလင်ꩻတဝ်း သေင်ႏပင်ဖုံႏသွူ။ တညတဝ်း လာဗန်ကပဲင်ႏဒါႏ သွိုꩻဗဲဖုံႏနဝ်ꩻ ယွောင်အာႏဆေ့ꩻဖုံႏတဲင် ယာကုပ်ကပဲင်ႏဒါႏ သွိုꩻဗဲဖုံႏ ကားကအဝ်ႏနဝ်ꩻ ပြွောင်ႏအာႏတလာဖုံႏသွူ။ 43တွမ်ႏအနယ်ꩻနုဲင်းယို ယာကုပ် အထာꩻခြိုꩻဥစ္စာႏဖုံႏ အာလွဉ်တဲင် ခြွေမွေးစွဉ်ႏထာꩻသွူ။ ဝွေꩻသွိုꩻဗဲဖုံႏ၊ သွဉ်းသဲႏဖုံႏ၊ ကလာအုတ်ဖုံႏ၊ သေလာꩻဖုံႏနဝ်ꩻ တိုꩻပွါꩻအာလွဉ် မွေးစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.