ကမ္ဘာႏစ 32
32
ယာကုပ်မော့ꩻခွဲတွမ်ႏဧသော
1ယာကုပ် အဝ်ႏလွေꩻသွုပ် အတဖူꩻတွင်ꩻ မို့ꩻလောင်းတမန်ႏဖုံႏ ယင်ဟန်ႏနဝ်ꩻ လွဉ်မော့ꩻခွဲဝွေꩻသွူ။ 2ဝွေꩻထွိုင်ႏထီႏ ဝွေꩻသီးနဝ်ꩻ ဝွေꩻရိုꩻ “ယိုကိုနဝ်ꩻထွာ ဗွေႏဘုရာꩻ စဲ့ꩻစခန်ꩻ” နုဲင်းနဝ်ꩻသွူ။ နဝ်ꩻမꩻ ခင်ႏလမ်းနဝ်ꩻနဝ်ꩻ ဝွေꩻဖန်ဖေႏ အမဉ်ꩻ မဟာနိမ်သွူ။
3ယာကုပ် အွဉ်ႏစွꩻလွေꩻရီး သတင်ꩻဖေႏသား အဝေးခို ဧသောထျꩻ ဧဒုံခမ်းကိုသွူ။ 4ဝွေꩻထွဥ်ႏဝွေꩻသီး ဖေႏကရိုꩻ “နီဗွေႏအသွဉ်း ခွေယာကုပ်ယို အွဉ်ႏဟွိုန်ထေ့ဗာႏ နီဗွေႏဧသော၊ ခွေသွဉ်းနဝ်ꩻ အုံငီꩻညဗာႏဒျာႏ တွမ်ႏလာဗန်နဝ်ꩻမꩻ နန်ꩻသဲင်ꩻချာဗာႏတဲင် ယိုခါမꩻ စသဲင်ꩻလွဉ်ချာဗာႏသွူ။ 5ခွေသွဉ်းနဝ်ꩻ ဖိုး၊ လာꩻ၊ သွိုꩻ၊ ဗဲဖုံႏတွမ်ႏ သွဉ်းသဲဖုံႏအဝ်ႏသွူ၊ ခွေသွဉ်း ကအွဉ်ႏစွꩻလွဉ်ꩻ ရီးဗာႏ ငဝ်းသꩻတင်ꩻဖေႏသား နီဗွေႏထျꩻယိုနဝ်ꩻ အဝ်ႏမောင်ꩻ ဖေႏကလꩻမဲ့ငါ” နုဲင်းနဝ်ꩻသွူ။
6သတင်ꩻဖေႏသား ဖျော်သဲင်ꩻလွဉ်ချာ ယာကုပ်ထျꩻတဲင် ဝွေꩻသီးဒေါ့ꩻနယ် “နီလွေꩻတွိုႏလဲဉ်း နီဗွေႏဝေးခို ဧသောထျꩻ၊ ဝွေꩻတဲ့ꩻ အီႏလွဉ်မော့ꩻခွဲစွဉ်ႏ နီဗွေႏနဝ်ꩻ အဝ်ႏလွဉ်လဲဉ်းနဝ်ꩻသွူ၊ ဝွေꩻနဝ်ꩻ အလိုꩻပါလွဉ် လစ်ꩻရျာꩻ” နုဲင်းနဝ်ꩻသွူ။ 7တွိုႏနဝ်ꩻ ယာကုပ်ငမ်းတဲင် နန်းခီငါႏနဝ်ꩻမꩻ ဝွေꩻလိုꩻဖုံႏတွမ်ႏ ထာꩻသောင်ꩻထာꩻသား သွိုꩻဖုံႏ၊ ဗဲဖုံႏ၊ ဖိုးဖုံႏတွမ်ႏ ကလာအုတ်ဖုံႏနဝ်ꩻ ဖထိုꩻနေး နီစွိုꩻသွူ။ 8ကွပ်ပွိုးဝွေꩻယူႏ “ဧသောမဉ်ႏလွဉ် တွိုက်ꩻစွော့ꩻထိုꩻ အစွိုꩻရီးနဝ်ꩻ အဝ်ႏကုဲင်အလင်တစွိုꩻနဝ်ꩻ အီႏလဲ့လꩻနွောင်ꩻ” နုဲင်းနဝ်ꩻသွူ။
9နဝ်ꩻထွူ ယာကုပ် ဆုတောင်ꩻ ၊ “ခွေသွဉ်းဖါဖြား အဗြာဟံ အဗွေႏဘုရာꩻတွမ်ႏ ခွေသွဉ်းဖါ ဣသဲစ် အဗွေႏဘုရာꩻ နာႏဗဲင်းခွေသွဉ်း ငဝ်းမွိုင်၊ နီဗွေႏထာဝရဘုရာꩻ ကမိန်းဖေႏဒါႏခွေ သဲင်ꩻချာသွော့ ခမ်းထီ၊ စွဉ်ႏ ခွေဖူးဝွေး စွိုးခွိုꩻထျꩻ၊ ခွေသွဉ်းတာႏ နီဗွေႏအီႏမာꩻ အဆင်ႏပြေႏလို့ဒျာႏ မိန်းနုဲင်းနဝ်ꩻသွူ။ 10နီဗွေႏ ကအွဉ်ႏသေႏသေႏလဲဉ်း ထာꩻသꩻညင်ꩻ ခွေသွဉ်းအလောင်းနဝ်ꩻ၊ ခွေသွဉ်း တခံႏထူႏထွိုက်တဝ်းသွူ။ နီဗွေႏသွဉ်းခွေ ကကာႏလွေꩻဒါႏ ယော်ဒန် ထီခြောင်ချိန်ႏနဝ်ꩻ တမုဲင်ꩻမုဲင်ꩻပါꩻလွေꩻတဝ်း ပါဒျာႏ ခွဉ်းထောက် တလီးလွုမ်ꩻတဲင် ယိုခါ ခွေသွဉ်းသဲင်ꩻလွဉ်ချာနဝ်ꩻ ပါတွမ်ႏ လိုꩻစားယိုနီစွိုꩻသွူ။ 11ခွေသွဉ်းဆုတောင်ꩻ ကယ်ႏဗဲင်းခွေသွဉ်း အွိုးခွေသွဉ်းဝေးခို ဧသောအစူကို၊ ခွေသွဉ်းငမ်းသꩻငါႏ ဝွေꩻလွဉ်တွိုက်ꩻ ယားကုဲင်ထိုꩻလို့ နီတွမ်ႏ လိုꩻမူႏလိုꩻပေႏဖုံႏ ကားကအဝ်ႏသွူ။ 12#ကမ္ဘာႏ ၂၂:၁၇။ နီဗွေႏအီႏမာꩻ အဆင်ႏပြေႏဖေႏခွေတဲင် အီႏမာꩻတိုꩻပွါꩻ အာလွဉ်ဖေႏ ခွေပိုလီꩻစွိုးခွိုꩻဖုံႏ ပါꩻမုဲင်ꩻတဲ့ တွက်တနွောင်ꩻတဝ်း၊ နုဲင်းသုဲင်ꩻ ပင်ႏလယ်ႏဖင်ႏလောင်း ကရိုꩻဒါႏ နီဗွေႏဂတိတောႏနဝ်ꩻ ယူႏလꩻချာဗဲင်းမွိုင်” နုဲင်းနဝ်ꩻသွူ။
13-15ယာကုပ် ဗေင်ႏနဝ်ꩻကို တနာꩻထွူ အဝေးခို ဧသောတာႏ ဝွေꩻလွိုက်ဖေႏ လက်ဆောင်ႏ ဝွေꩻထာꩻသောင်ꩻထာꩻသားဖုံႏကိုနဝ်ꩻ ဗဲမွူး၂၀ဝတွမ်ႏ အထီး၂၀၊ သွိုꩻမွူး၂၀ဝတွမ်ႏ အထီး၂၀၊ ကမ္ဘာႏလာအုပ်မွူး စေ့ꩻလꩻနဲဉ်း ၃၀တွမ်ႏ အပေႏဖုံႏ၊ ဖိုးမွူး၄၀တွမ်ႏ ဖိုးထီး ၁၀၊ လာꩻမွူး၂၀ တွမ်ႏ လာꩻထီး ၁၀သွူ။ 16ဝွေꩻအွဉ်ႏဖခေါ်နေး ထာꩻသောင်ꩻထာꩻသား ပဉ်စွိုꩻစွိုꩻတဲင် တစွိုꩻစီႏနဝ်ꩻ အွဉ်ႏအသွဉ်းတဖြာꩻစီႏ ထိန်ꩻဝါးလွေꩻဖေႏသွူ။ ဝွေꩻဒေါ့ꩻဖေႏ ဝွေꩻသီး တစွိုꩻတွမ်ႏတစွိုꩻ အွဉ်ႏခါႏစꩻစꩻတဲင် ဝါးတွဲꩻလွေꩻလို့ဝင်ꩻ တွော့ꩻ လွေꩻရီးသွော့ ခွေဆꩻငါဟုဲင်း” 17သွဉ်း ကလွေꩻရီးသွတ်ꩻသားနဝ်ꩻ ဝွေꩻထွန်ႏ၊ “နာꩻမဉ်ႏခွဲတွမ်ႏ ခွေဝေးခို ဧသောတဲင် မဉ်ႏရီ ‘နာꩻဗွေႏနဝ်ꩻ ပါꩻမုဲင်ꩻဟောင်း၊ နာꩻအီႏလွေꩻ မုဲင်ꩻဟောင်း နာꩻဆꩻငါ ထာꩻသောင်ꩻ ထာꩻသားဖုံႏနဝ်ꩻ ထွာပါꩻမုဲင်ꩻထာꩻဟောင်း။’ 18နုဲင်းနဝ်ꩻနဝ်ꩻ နာꩻလဝ်းချာဗာႏ ‘နီဗွေႏအသွဉ်း ယာကုပ် ထာꩻခြိုꩻဖုံႏဒျာႏ၊ နဝ်ꩻဖုံႏနဝ်ꩻ ဝွေꩻပသာလွဉ်ဖေႏ ဝွေꩻအဗွေႏ ဧသောတာႏ လက်ဆောင်ႏသွူ။ ယာကုပ်နမ်းနဝ်ꩻ အဝ်ႏလွဉ်နီဆꩻချာ’ နုဲင်းနဝ်ꩻဟုဲင်း။” 19ဒုတိယသွဉ်း၊ တတိယသွဉ်းတွမ်ႏ ကအဝ်ႏကုဲင်ဒါႏ ဝါးထိန်ꩻလွဉ်ꩻ ထာꩻသောင်ꩻထာꩻသား သွဥ်းစွိုꩻအလင်ဖုံႏ ကားကအဝ်ႏ နဝ်ꩻတဲ့ ဝွေꩻထွဥ်ႏနုဲင်းနဝ်ꩻနေနေ “သီမဉ်ႏမော့ꩻခွဲ ဧသောနဝ်ꩻ သီဒေါ့ꩻဗာႏနုဲင်းယို။ 20‘မွေး၊ ယိုနဝ်ꩻ နီဗွေႏတာႏ လက်ဆောင်ႏ၊ နီဗွေႏအသွဉ်း ယာကုပ်နဝ်ꩻ အဝ်ႏလွဥ်နီဆꩻချာ’ ထွဉ်ႏနုဲင်းနဝ်ꩻသွူ။ “တွမ်ႏခွေကဖေႏဒါႏ ထာꩻခြိုꩻလက်ဆောင်ႏ ယိုဖုံႏနဝ်ꩻ အီႏမာꩻပြေႏအီဒါႏ ဝွေꩻသꩻ ခွေမဉ်ႏမော့ꩻခွဲ တွမ်ႏဝွေꩻနဝ်ꩻ အီႏအွဉ်ႏစွꩻဖေႏ ခွေအပဲစ်” ယာကုပ်ယူႏ နုဲင်းနဝ်ꩻသွူ။ 21ဝွေꩻပသာငါရီး ဝွေꩻလက်ဆောင်ႏဖုံႏထွူ အဟာနဝ်ꩻ ဝွေꩻဗေင်ႏဗော့ꩻ စခန်ꩻကိုသွူ။
ယာကုပ်ဗွန်းတွမ်ႏပါꩻတဖြာꩻ
22အဟာနဝ်ꩻ ယာကုပ်ထွိုင်ႏတဲင် ဟဲ့ꩻအမာဝင်ꩻနီ ဝွေꩻမာပေႏ ဝင်ꩻနီတွမ်ႏ ဝွေꩻပိုတဆီပုဲင်တဖြာꩻတဲင် အွဉ်ႏဖျတ်ကာႏ ယာဗုတ်ထီခြောင်သွူ။ 23ဝွေꩻအွဉ်ႏဖျတ်ကာႏ ဝွေꩻသီးထွူ ပသာပါလို့ စွဉ်ႏ ဝွေꩻထာꩻခြိုꩻဥစ္စာႏဖုံႏ ကားကအဝ်ႏသွူ။ 24#ဟော်ꩻ ၁၂:၃–၄။ ကွဲႏတွော့ꩻ ယာကုပ်နဝ်ꩻ အုံကုဲင်ဒျာႏ တဖြာꩻဖြာꩻလွုမ်ꩻသွူ။ တွိုႏနဝ်ꩻ ပါꩻတဖြာꩻ လွဉ်ဗွန်းဝွေꩻတဲင် တွိုႏစွဉ်ႏ ထာꩻအီႏလေသွူ။ 25ပါနဝ်ꩻ တနွောင်ꩻတဝ်း ထွိုင်ႏသေ ဝွေꩻတုပ်ꩻစွဉ်ႏ ယာကုပ်ကုမ်ႏတဲင် ကုမ်ႏခွေႏ ဆွုမ်ႏလွတ်ꩻထိုꩻစွဉ်ႏသွူ။ 26ပါꩻနဝ်ꩻဒေါ့ꩻ “ထာꩻအီႏလေသွူ အွဉ်ႏစွꩻခွေဟုဲင်း” နုဲင်းနဝ်ꩻသွူ။
ယာကုပ်ရိုꩻ “ပေါ့ꩻနာꩻတဖေႏတဝ်းခွေ မင်္ဂလာႏနဝ်ꩻ ခွေတအွဉ်ႏစွꩻတဝ်း” နုဲင်းနဝ်ꩻသွူ။
27ပါꩻခိုရီ “နာꩻမဉ်ꩻ တမုဲင်ꩻဟောင်း။”
ဝွေꩻလဝ်းချာ “ယာကုပ်” နုဲင်းနဝ်ꩻသွူ။
28 #
ကမ္ဘာႏ ၃၅:၁၀။ ပါꩻနဝ်ꩻဒေါ့ꩻ “နာꩻမဉ်ꩻနဝ်ꩻ အီႏတဟဲ့ꩻဗာႏဒွုမ်ယာကုပ်၊ နာꩻနဝ်ꩻဗွန်းလဲဉ်းတွမ်ႏ ဗွေႏဘုရာꩻတဲ့နဝ်ꩻ တွမ်ႏလိုꩻတဲ့နဝ်ꩻ နာꩻနွောင်ꩻလဲဉ်းနဝ်ꩻမꩻ နာꩻမဉ်ꩻနဝ်ꩻ အီႏထွာဗာႏဒျာႏ ဣသရေး” နုဲင်းနဝ်ꩻသွူ။
29 # တရာꩻ ၁၃:၁၇–၁၈။ ယာကုပ်ဒေါ့ꩻ “ယိုခါ နာꩻမဉ်ꩻနဝ်ꩻ ဒေါ့ꩻနယ်ခွေဟုဲင်း။”
ကွဲႏတွော့ꩻ ဝွေꩻဒေါ့ꩻချာ “ပွိုးတမုဲင်ꩻ နာꩻမဉ်သေဗာႏတွိုႏ ခွေမဉ်ꩻဟောင်း။” နဝ်ꩻထွူ ဝွေꩻဖေႏယာကုပ် မင်္ဂလာႏသွူ။
30ယာကုပ်ဒေါ့ꩻ “ခွေနဝ်ꩻ ထီႏတောႏဗာႏနေးလဲဉ်း ဗွေႏဘုရာꩻ စွဉ်ႏတဲ့ ခွေသက် အဝ်ႏမွန်ဒျာႏဒွိုန်းက၊” နုဲင်းနဝ်ꩻမꩻ ခင်ႏလမ်းနဝ်ꩻနဝ်ꩻ ဝွေꩻဟဲ့ꩻ ပေနွေလသွူ။ 31ယာကုပ်အဝ်ႏ ပေနွေလအရပ်ကို ထွိုင်ႏထန်ႏလွေꩻနဝ်ꩻ မွူးထန်ႏလဲဉ်းတဲင် ပွိုးအကုမ်ႏခွေႏဆွုမ်ႏ လွတ်ꩻထိုꩻနဝ်ꩻမꩻ လွေꩻဗောက်ထဲက် ဗာႏထာꩻသွူ။ 32ကွပ်ပွိုး ယာကုပ်နဝ်ꩻ ခံႏဗာႏဝင်ꩻတုပ်ꩻထိုꩻ အကုမ်ႏခွေႏနဝ်ꩻမꩻ ဗꩻတွိုႏစွဉ်ႏ ဟန်ႏနီꩻယို ဣသရေး ပိုလီꩻစွိုးခွိုꩻဖုံႏနဝ်ꩻ တအံႏတဝ်းကုမ်ႏယာႏသွူ။
ទើបបានជ្រើសរើសហើយ៖
ကမ္ဘာႏစ 32: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 32
32
ယာကုပ်မော့ꩻခွဲတွမ်ႏဧသော
1ယာကုပ် အဝ်ႏလွေꩻသွုပ် အတဖူꩻတွင်ꩻ မို့ꩻလောင်းတမန်ႏဖုံႏ ယင်ဟန်ႏနဝ်ꩻ လွဉ်မော့ꩻခွဲဝွေꩻသွူ။ 2ဝွေꩻထွိုင်ႏထီႏ ဝွေꩻသီးနဝ်ꩻ ဝွေꩻရိုꩻ “ယိုကိုနဝ်ꩻထွာ ဗွေႏဘုရာꩻ စဲ့ꩻစခန်ꩻ” နုဲင်းနဝ်ꩻသွူ။ နဝ်ꩻမꩻ ခင်ႏလမ်းနဝ်ꩻနဝ်ꩻ ဝွေꩻဖန်ဖေႏ အမဉ်ꩻ မဟာနိမ်သွူ။
3ယာကုပ် အွဉ်ႏစွꩻလွေꩻရီး သတင်ꩻဖေႏသား အဝေးခို ဧသောထျꩻ ဧဒုံခမ်းကိုသွူ။ 4ဝွေꩻထွဥ်ႏဝွေꩻသီး ဖေႏကရိုꩻ “နီဗွေႏအသွဉ်း ခွေယာကုပ်ယို အွဉ်ႏဟွိုန်ထေ့ဗာႏ နီဗွေႏဧသော၊ ခွေသွဉ်းနဝ်ꩻ အုံငီꩻညဗာႏဒျာႏ တွမ်ႏလာဗန်နဝ်ꩻမꩻ နန်ꩻသဲင်ꩻချာဗာႏတဲင် ယိုခါမꩻ စသဲင်ꩻလွဉ်ချာဗာႏသွူ။ 5ခွေသွဉ်းနဝ်ꩻ ဖိုး၊ လာꩻ၊ သွိုꩻ၊ ဗဲဖုံႏတွမ်ႏ သွဉ်းသဲဖုံႏအဝ်ႏသွူ၊ ခွေသွဉ်း ကအွဉ်ႏစွꩻလွဉ်ꩻ ရီးဗာႏ ငဝ်းသꩻတင်ꩻဖေႏသား နီဗွေႏထျꩻယိုနဝ်ꩻ အဝ်ႏမောင်ꩻ ဖေႏကလꩻမဲ့ငါ” နုဲင်းနဝ်ꩻသွူ။
6သတင်ꩻဖေႏသား ဖျော်သဲင်ꩻလွဉ်ချာ ယာကုပ်ထျꩻတဲင် ဝွေꩻသီးဒေါ့ꩻနယ် “နီလွေꩻတွိုႏလဲဉ်း နီဗွေႏဝေးခို ဧသောထျꩻ၊ ဝွေꩻတဲ့ꩻ အီႏလွဉ်မော့ꩻခွဲစွဉ်ႏ နီဗွေႏနဝ်ꩻ အဝ်ႏလွဉ်လဲဉ်းနဝ်ꩻသွူ၊ ဝွေꩻနဝ်ꩻ အလိုꩻပါလွဉ် လစ်ꩻရျာꩻ” နုဲင်းနဝ်ꩻသွူ။ 7တွိုႏနဝ်ꩻ ယာကုပ်ငမ်းတဲင် နန်းခီငါႏနဝ်ꩻမꩻ ဝွေꩻလိုꩻဖုံႏတွမ်ႏ ထာꩻသောင်ꩻထာꩻသား သွိုꩻဖုံႏ၊ ဗဲဖုံႏ၊ ဖိုးဖုံႏတွမ်ႏ ကလာအုတ်ဖုံႏနဝ်ꩻ ဖထိုꩻနေး နီစွိုꩻသွူ။ 8ကွပ်ပွိုးဝွေꩻယူႏ “ဧသောမဉ်ႏလွဉ် တွိုက်ꩻစွော့ꩻထိုꩻ အစွိုꩻရီးနဝ်ꩻ အဝ်ႏကုဲင်အလင်တစွိုꩻနဝ်ꩻ အီႏလဲ့လꩻနွောင်ꩻ” နုဲင်းနဝ်ꩻသွူ။
9နဝ်ꩻထွူ ယာကုပ် ဆုတောင်ꩻ ၊ “ခွေသွဉ်းဖါဖြား အဗြာဟံ အဗွေႏဘုရာꩻတွမ်ႏ ခွေသွဉ်းဖါ ဣသဲစ် အဗွေႏဘုရာꩻ နာႏဗဲင်းခွေသွဉ်း ငဝ်းမွိုင်၊ နီဗွေႏထာဝရဘုရာꩻ ကမိန်းဖေႏဒါႏခွေ သဲင်ꩻချာသွော့ ခမ်းထီ၊ စွဉ်ႏ ခွေဖူးဝွေး စွိုးခွိုꩻထျꩻ၊ ခွေသွဉ်းတာႏ နီဗွေႏအီႏမာꩻ အဆင်ႏပြေႏလို့ဒျာႏ မိန်းနုဲင်းနဝ်ꩻသွူ။ 10နီဗွေႏ ကအွဉ်ႏသေႏသေႏလဲဉ်း ထာꩻသꩻညင်ꩻ ခွေသွဉ်းအလောင်းနဝ်ꩻ၊ ခွေသွဉ်း တခံႏထူႏထွိုက်တဝ်းသွူ။ နီဗွေႏသွဉ်းခွေ ကကာႏလွေꩻဒါႏ ယော်ဒန် ထီခြောင်ချိန်ႏနဝ်ꩻ တမုဲင်ꩻမုဲင်ꩻပါꩻလွေꩻတဝ်း ပါဒျာႏ ခွဉ်းထောက် တလီးလွုမ်ꩻတဲင် ယိုခါ ခွေသွဉ်းသဲင်ꩻလွဉ်ချာနဝ်ꩻ ပါတွမ်ႏ လိုꩻစားယိုနီစွိုꩻသွူ။ 11ခွေသွဉ်းဆုတောင်ꩻ ကယ်ႏဗဲင်းခွေသွဉ်း အွိုးခွေသွဉ်းဝေးခို ဧသောအစူကို၊ ခွေသွဉ်းငမ်းသꩻငါႏ ဝွေꩻလွဉ်တွိုက်ꩻ ယားကုဲင်ထိုꩻလို့ နီတွမ်ႏ လိုꩻမူႏလိုꩻပေႏဖုံႏ ကားကအဝ်ႏသွူ။ 12#ကမ္ဘာႏ ၂၂:၁၇။ နီဗွေႏအီႏမာꩻ အဆင်ႏပြေႏဖေႏခွေတဲင် အီႏမာꩻတိုꩻပွါꩻ အာလွဉ်ဖေႏ ခွေပိုလီꩻစွိုးခွိုꩻဖုံႏ ပါꩻမုဲင်ꩻတဲ့ တွက်တနွောင်ꩻတဝ်း၊ နုဲင်းသုဲင်ꩻ ပင်ႏလယ်ႏဖင်ႏလောင်း ကရိုꩻဒါႏ နီဗွေႏဂတိတောႏနဝ်ꩻ ယူႏလꩻချာဗဲင်းမွိုင်” နုဲင်းနဝ်ꩻသွူ။
13-15ယာကုပ် ဗေင်ႏနဝ်ꩻကို တနာꩻထွူ အဝေးခို ဧသောတာႏ ဝွေꩻလွိုက်ဖေႏ လက်ဆောင်ႏ ဝွေꩻထာꩻသောင်ꩻထာꩻသားဖုံႏကိုနဝ်ꩻ ဗဲမွူး၂၀ဝတွမ်ႏ အထီး၂၀၊ သွိုꩻမွူး၂၀ဝတွမ်ႏ အထီး၂၀၊ ကမ္ဘာႏလာအုပ်မွူး စေ့ꩻလꩻနဲဉ်း ၃၀တွမ်ႏ အပေႏဖုံႏ၊ ဖိုးမွူး၄၀တွမ်ႏ ဖိုးထီး ၁၀၊ လာꩻမွူး၂၀ တွမ်ႏ လာꩻထီး ၁၀သွူ။ 16ဝွေꩻအွဉ်ႏဖခေါ်နေး ထာꩻသောင်ꩻထာꩻသား ပဉ်စွိုꩻစွိုꩻတဲင် တစွိုꩻစီႏနဝ်ꩻ အွဉ်ႏအသွဉ်းတဖြာꩻစီႏ ထိန်ꩻဝါးလွေꩻဖေႏသွူ။ ဝွေꩻဒေါ့ꩻဖေႏ ဝွေꩻသီး တစွိုꩻတွမ်ႏတစွိုꩻ အွဉ်ႏခါႏစꩻစꩻတဲင် ဝါးတွဲꩻလွေꩻလို့ဝင်ꩻ တွော့ꩻ လွေꩻရီးသွော့ ခွေဆꩻငါဟုဲင်း” 17သွဉ်း ကလွေꩻရီးသွတ်ꩻသားနဝ်ꩻ ဝွေꩻထွန်ႏ၊ “နာꩻမဉ်ႏခွဲတွမ်ႏ ခွေဝေးခို ဧသောတဲင် မဉ်ႏရီ ‘နာꩻဗွေႏနဝ်ꩻ ပါꩻမုဲင်ꩻဟောင်း၊ နာꩻအီႏလွေꩻ မုဲင်ꩻဟောင်း နာꩻဆꩻငါ ထာꩻသောင်ꩻ ထာꩻသားဖုံႏနဝ်ꩻ ထွာပါꩻမုဲင်ꩻထာꩻဟောင်း။’ 18နုဲင်းနဝ်ꩻနဝ်ꩻ နာꩻလဝ်းချာဗာႏ ‘နီဗွေႏအသွဉ်း ယာကုပ် ထာꩻခြိုꩻဖုံႏဒျာႏ၊ နဝ်ꩻဖုံႏနဝ်ꩻ ဝွေꩻပသာလွဉ်ဖေႏ ဝွေꩻအဗွေႏ ဧသောတာႏ လက်ဆောင်ႏသွူ။ ယာကုပ်နမ်းနဝ်ꩻ အဝ်ႏလွဉ်နီဆꩻချာ’ နုဲင်းနဝ်ꩻဟုဲင်း။” 19ဒုတိယသွဉ်း၊ တတိယသွဉ်းတွမ်ႏ ကအဝ်ႏကုဲင်ဒါႏ ဝါးထိန်ꩻလွဉ်ꩻ ထာꩻသောင်ꩻထာꩻသား သွဥ်းစွိုꩻအလင်ဖုံႏ ကားကအဝ်ႏ နဝ်ꩻတဲ့ ဝွေꩻထွဥ်ႏနုဲင်းနဝ်ꩻနေနေ “သီမဉ်ႏမော့ꩻခွဲ ဧသောနဝ်ꩻ သီဒေါ့ꩻဗာႏနုဲင်းယို။ 20‘မွေး၊ ယိုနဝ်ꩻ နီဗွေႏတာႏ လက်ဆောင်ႏ၊ နီဗွေႏအသွဉ်း ယာကုပ်နဝ်ꩻ အဝ်ႏလွဥ်နီဆꩻချာ’ ထွဉ်ႏနုဲင်းနဝ်ꩻသွူ။ “တွမ်ႏခွေကဖေႏဒါႏ ထာꩻခြိုꩻလက်ဆောင်ႏ ယိုဖုံႏနဝ်ꩻ အီႏမာꩻပြေႏအီဒါႏ ဝွေꩻသꩻ ခွေမဉ်ႏမော့ꩻခွဲ တွမ်ႏဝွေꩻနဝ်ꩻ အီႏအွဉ်ႏစွꩻဖေႏ ခွေအပဲစ်” ယာကုပ်ယူႏ နုဲင်းနဝ်ꩻသွူ။ 21ဝွေꩻပသာငါရီး ဝွေꩻလက်ဆောင်ႏဖုံႏထွူ အဟာနဝ်ꩻ ဝွေꩻဗေင်ႏဗော့ꩻ စခန်ꩻကိုသွူ။
ယာကုပ်ဗွန်းတွမ်ႏပါꩻတဖြာꩻ
22အဟာနဝ်ꩻ ယာကုပ်ထွိုင်ႏတဲင် ဟဲ့ꩻအမာဝင်ꩻနီ ဝွေꩻမာပေႏ ဝင်ꩻနီတွမ်ႏ ဝွေꩻပိုတဆီပုဲင်တဖြာꩻတဲင် အွဉ်ႏဖျတ်ကာႏ ယာဗုတ်ထီခြောင်သွူ။ 23ဝွေꩻအွဉ်ႏဖျတ်ကာႏ ဝွေꩻသီးထွူ ပသာပါလို့ စွဉ်ႏ ဝွေꩻထာꩻခြိုꩻဥစ္စာႏဖုံႏ ကားကအဝ်ႏသွူ။ 24#ဟော်ꩻ ၁၂:၃–၄။ ကွဲႏတွော့ꩻ ယာကုပ်နဝ်ꩻ အုံကုဲင်ဒျာႏ တဖြာꩻဖြာꩻလွုမ်ꩻသွူ။ တွိုႏနဝ်ꩻ ပါꩻတဖြာꩻ လွဉ်ဗွန်းဝွေꩻတဲင် တွိုႏစွဉ်ႏ ထာꩻအီႏလေသွူ။ 25ပါနဝ်ꩻ တနွောင်ꩻတဝ်း ထွိုင်ႏသေ ဝွေꩻတုပ်ꩻစွဉ်ႏ ယာကုပ်ကုမ်ႏတဲင် ကုမ်ႏခွေႏ ဆွုမ်ႏလွတ်ꩻထိုꩻစွဉ်ႏသွူ။ 26ပါꩻနဝ်ꩻဒေါ့ꩻ “ထာꩻအီႏလေသွူ အွဉ်ႏစွꩻခွေဟုဲင်း” နုဲင်းနဝ်ꩻသွူ။
ယာကုပ်ရိုꩻ “ပေါ့ꩻနာꩻတဖေႏတဝ်းခွေ မင်္ဂလာႏနဝ်ꩻ ခွေတအွဉ်ႏစွꩻတဝ်း” နုဲင်းနဝ်ꩻသွူ။
27ပါꩻခိုရီ “နာꩻမဉ်ꩻ တမုဲင်ꩻဟောင်း။”
ဝွေꩻလဝ်းချာ “ယာကုပ်” နုဲင်းနဝ်ꩻသွူ။
28 #
ကမ္ဘာႏ ၃၅:၁၀။ ပါꩻနဝ်ꩻဒေါ့ꩻ “နာꩻမဉ်ꩻနဝ်ꩻ အီႏတဟဲ့ꩻဗာႏဒွုမ်ယာကုပ်၊ နာꩻနဝ်ꩻဗွန်းလဲဉ်းတွမ်ႏ ဗွေႏဘုရာꩻတဲ့နဝ်ꩻ တွမ်ႏလိုꩻတဲ့နဝ်ꩻ နာꩻနွောင်ꩻလဲဉ်းနဝ်ꩻမꩻ နာꩻမဉ်ꩻနဝ်ꩻ အီႏထွာဗာႏဒျာႏ ဣသရေး” နုဲင်းနဝ်ꩻသွူ။
29 # တရာꩻ ၁၃:၁၇–၁၈။ ယာကုပ်ဒေါ့ꩻ “ယိုခါ နာꩻမဉ်ꩻနဝ်ꩻ ဒေါ့ꩻနယ်ခွေဟုဲင်း။”
ကွဲႏတွော့ꩻ ဝွေꩻဒေါ့ꩻချာ “ပွိုးတမုဲင်ꩻ နာꩻမဉ်သေဗာႏတွိုႏ ခွေမဉ်ꩻဟောင်း။” နဝ်ꩻထွူ ဝွေꩻဖေႏယာကုပ် မင်္ဂလာႏသွူ။
30ယာကုပ်ဒေါ့ꩻ “ခွေနဝ်ꩻ ထီႏတောႏဗာႏနေးလဲဉ်း ဗွေႏဘုရာꩻ စွဉ်ႏတဲ့ ခွေသက် အဝ်ႏမွန်ဒျာႏဒွိုန်းက၊” နုဲင်းနဝ်ꩻမꩻ ခင်ႏလမ်းနဝ်ꩻနဝ်ꩻ ဝွေꩻဟဲ့ꩻ ပေနွေလသွူ။ 31ယာကုပ်အဝ်ႏ ပေနွေလအရပ်ကို ထွိုင်ႏထန်ႏလွေꩻနဝ်ꩻ မွူးထန်ႏလဲဉ်းတဲင် ပွိုးအကုမ်ႏခွေႏဆွုမ်ႏ လွတ်ꩻထိုꩻနဝ်ꩻမꩻ လွေꩻဗောက်ထဲက် ဗာႏထာꩻသွူ။ 32ကွပ်ပွိုး ယာကုပ်နဝ်ꩻ ခံႏဗာႏဝင်ꩻတုပ်ꩻထိုꩻ အကုမ်ႏခွေႏနဝ်ꩻမꩻ ဗꩻတွိုႏစွဉ်ႏ ဟန်ႏနီꩻယို ဣသရေး ပိုလီꩻစွိုးခွိုꩻဖုံႏနဝ်ꩻ တအံႏတဝ်းကုမ်ႏယာႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.