ကမ္ဘာႏစ 29
29
ယာကုပ်ဖျော်လွေꩻလာဗန်လမ်း
1ယာကုပ် လွေꩻသွုပ်ငါ အတဖူꩻတဲင် လွေꩻစွို့ꩻငါ ခမ်းကွဉ်ႏသူꩻနဝ်ꩻသွူ။ 2ဝွေꩻဖျော်လွဉ် စွော့ꩻစွဉ်ႏ သွိုꩻဖုံႏသွံဖုံႏ ကအဝ်ႏဗေင်ႏခူဒါႏ ထီအုံႏတအုံႏထျꩻ လုဲင်းတုံးကိုသွူ။ ထီအုံႏယိုနဝ်ꩻ အဝ်ႏဖေႏအွꩻ သွိုꩻဖုံႏသွူ၊ ထီအုံႏငွါနဝ်ꩻ လုံးတူႏတန် အဝ်ႏပေ့ꩻခါꩻသွူ။ 3သွိုꩻဖုံႏ ကားကအဝ်ႏ မဉ်ႏဖျော်လွဉ်လို့ နဝ်ꩻကိုနဝ်ꩻ သွိုꩻတီသားဖုံႏ အွဉ်ႏတကြွီႏထန်ႏထိုꩻ လုံးတူႏတဲင် ဖေႏအွꩻသွိုꩻထီသွူ၊ ထွူမꩻ တွမ်ႏလုံးတူႏတန်နဝ်ꩻ ဝွေꩻသီး အွဉ်ႏပေ့ꩻချာယင်း ထီအုံႏငွါသွူ။
4ယာကုပ်ရီ သွိုꩻတီသားဖုံႏ၊ “သွꩻပေႏသီး အဝ်ႏမုဲင်ꩻကို လွဉ်ဟောင်း။”
ဝွေꩻသီးလဝ်းချာ၊ “အဝ်ႏဝေင်ꩻဟာရန်လွဉ်။”
5ဝွေꩻရီ၊ “သီသေငါꩻနေ နာꩻဟော်လီꩻ လာဗန်ဟောင်း။”
ဝွေꩻသီးလဝ်းချာ၊ “သေငါꩻ။”
6ဝွေꩻရီ “ဝွေꩻအဝ်ႏခြွိုင်ႏသန်ꩻဒျာႏနဲ့။”
ဝွေꩻသီးလဝ်းချာ၊ “အဝ်ႏခြွိုင်ႏသန်ꩻဒျာႏ။ ထွားအွိုးသူꩻဟာ ဝွေꩻပိုမူႏ ရာခေလတွမ်ႏ အသွိုꩻဖုံႏ အဝ်ႏလွဉ်။”
7ယာကုပ်ဒေါ့ꩻ၊ “အဝ်ႏစဝ်းနေဒွိုန်းက ဝါးသဲင်သွိုꩻဖုံႏချိန်ႏ တတွိုႏတဝ်းဒွိုန်း ဖေႏအွꩻထီထွူ သီလွေꩻတီယင်း အဆာႏတကြက်ꩻကိုဟုဲင်း။”
8ဝွေꩻသီးဒေါ့ꩻချာ၊ “မာꩻနုဲင်းနဝ်ꩻ တလꩻတဝ်း အုံပွေါးသွိုꩻ ကားကအဝ်ႏ စွုမ်ႏလို့မꩻ နီအွဉ်ႏတကြွီႏထန်ႏထိုꩻ လုံးတူႏတန် မဉ်ႏထွူမꩻ နီဖေႏအွꩻဗာႏ သွိုꩻဖုံႏထီသွူ။”
9ယာကုပ် အဝ်ႏဒေါ့ꩻရီတွမ်ႏ သွိုꩻတီသားဖုံႏကျာꩻ ရာခေလတွမ်ႏ အသွိုꩻဖုံႏ ဖျော်လွဉ်နဝ်ꩻသွူ။ 10ယာကုပ် ထွိုင်ႏထီႏ ရာခေလတွမ်ႏ ဝွေꩻဖါနင် လာဗန် သွိုꩻဖျော်လွဉ်နဝ်ꩻ ဝွေꩻလွေꩻ ထီအုံႏထျꩻတွော့ꩻ အွဉ်ႏတကြွီႏထန်ႏထိုꩻ လုံးတူႏထွူ ဖေႏအွꩻစွဉ်ႏသွိုꩻဖုံႏထီသွူ။ 11နဝ်ꩻထွူ ဝွေꩻသꩻဟဝ်သꩻရေꩻငါႏ နဝ်ꩻမꩻ ဝွေꩻနို့ꩻ ရာခေလတဲင် မဲ့ထီလင်ꩻ ငွိုးစွဉ်ႏထာꩻသွူ။ 12ဝွေꩻဒေါ့ꩻ ပါꩻမူႏပေႏ၊ “ခွေနဝ်ꩻ ရီဗက္ကပိုခို သီဖါအစွိုးခွိုꩻ ဖူးဝေးရင်ꩻဒျာႏ” နုဲင်းနဝ်ꩻသွူ။
နဝ်ꩻခရာႏနဝ်ꩻ ပါꩻမူႏပေႏ ဖင်းသဲင်ꩻ ဒေါ့ꩻနယ်စွဉ်ႏ အဖါသွူ။ 13လာဗန်ထွိုင်ႏဟွိုန် ဝွေꩻလီꩻ ယာကုပ်သတင်ꩻနဝ်ꩻ ဝွေꩻဖင်းလင်ꩻ တဖေါ့နို့ꩻ ကျိုႏဆွုမ်ႏစွဉ်ႏ ဝွေꩻတဲင် ဟဲ့ꩻသဲင်ꩻစွဉ်ႏလမ်းသွူ။ ထာꩻကထွာလဲဉ်း ကားကအဝ်ႏ ယာကုပ် ထွိုင်ႏခြုဲင်းနယ်ဖေႏလို့နဝ်ꩻ 14လာဗန်ဒေါ့ꩻ၊ “ပေါႏနုဲင်းနဝ်ꩻနဝ်ꩻ နာꩻယိုထွာ ခွေသွီႏယာႏဒျာႏ” နုဲင်းနဝ်ꩻသွူ။ ယာကုပ်အုံနဝ်ꩻကို တလာလွုမ်းသွူ။
ယာကုပ်ခံႏသွဉ်းလာဗန်ထျꩻ
15လာဗန်ဒေါ့ꩻဖေႏယာကုပ်၊ “နာꩻနဝ်ꩻ ကွပ်ပွိုးထွာ ခွေဖူးဝေး သွီႏယာႏဒျာႏနဝ်ꩻမꩻ နာꩻအဝ်ႏလိုႏ မာꩻခြေင်နေးတဝ်း ခွေထာꩻမာꩻ၊ နာꩻမဉ်လꩻခွိုင်းမုဲင်ꩻဟောင်း” ရီနုဲင်းနဝ်ꩻသွူ။ 16လာဗန်နဝ်ꩻ ပိုမူႏအဝ်ႏဝင်ꩻနီသွူ။ အဖြာꩻတန်နဝ်ꩻ မဉ်ꩻလေအာတဲင် အဖြာꩻပေႏနဝ်ꩻ မဉ်ꩻရာခေလသွူ။ 17လေအာနဝ်ꩻ မဲ့ဖြုံႏတရေꩻ ငါႏတွော့ꩻ ရာခေလနဝ်ꩻ နမ်းပွိုင်လွောက်ꩻ ယောင်ꩻရေꩻငါႏသွူ။
18ယာကုပ်နဝ်ꩻ ရက်ဒျာႏ ရာခေလ၊ နဝ်ꩻမꩻ ဝွေꩻရိုꩻ၊ “ဖါနင် မဉ်ႏဖေႏတောႏလမ်း ခွေတွမ်ႏ ရာခေလနဝ်ꩻ ခွေအီႏမာꩻဖေႏ နီဖါနင်ထာꩻမာꩻ နွတ်ꩻနေင်ႏ” နုဲင်းနဝ်ꩻသွူ။
19လာဗန်လဝ်းချာ၊ “ခလားကဖေႏလိုꩻလင် မဉ်ႏဖေႏတောႏလမ်းဒျာႏ နာꩻနဝ်ꩻ ကယိန်းဟဝ် အုံငီꩻဗော့ꩻခွေ ယိုကိုဟုဲင်း”နုဲင်းနဝ်ꩻသွူ။ 20ယာကုပ် ဖေႏနေးကလꩻ ရာခေလနဝ်ꩻ ဝွေꩻခံႏသွဉ်း နွတ်ꩻနေင်ႏသွူ။ ကွပ်ပွိုး ဝွေꩻရက်ငါႏ ရာခေလတဲင် အချိန်ႏမွူးနီꩻနဝ်ꩻ ဝွေꩻဟွိုန်ဆေ့ꩻပေႏလွုမ်ꩻသွူ။
21နဝ်ꩻထွူ ယာကုပ်ဒေါ့ꩻဖေႏ လာဗန်၊ “ခွေကခံႏဖေႏသွဉ်းနဝ်ꩻ အချိန်ႏဗွေလဲဉ်းနဝ်ꩻမꩻ ဖါနင်ပိုမူႏနဝ်ꩻ ဖေႏတောႏလမ်းခန်း ခွေဟုဲင်း” နုဲင်းနဝ်ꩻသွူ။ 22ကွပ်နဝ်ꩻမꩻ လာဗန်မာꩻဖေႏ တောႏလမ်း မာꩻမင်္ဂလာႏပွယ်ꩻတဲင် ဖစ်စွဉ်ႏ လိုꩻစွုမ်ႏဖြာꩻသွူ။ 23ကွဲႏတွော့ꩻ အဟာနဝ်ꩻ ရာခေလ ခင်ႏလမ်းနဝ်ꩻ လာဗန် ဟဲ့ꩻလွဉ်တောဒျာႏ လေအာတဲင် ယာကုပ် ဗေင်ႏငီꩻတွမ်ႏ ဝွေꩻမူႏသွူ။ 24(လာဗန် အသွဉ်းမူႏ သိလဖယိုနဝ်ꩻတဲ့ ဖေႏကထိန်ꩻထွား မာꩻကူ လေအာနဝ်ꩻ ဝွေꩻဖေႏပါသွူ။) 25နုဲင်းမွူးရဝ်ꩻ ထာꩻထွိုင်ႏလေ ဝွေꩻကဗေင်ႏငီꩻဒါႏနဝ်ꩻ ထွာဒျာႏ လေအာသွူ။ ဝွေꩻလွေꩻ လာဗန်ထျꩻတဲင်ဒေါ့ꩻ၊ “ပွိုးတမုဲင်ꩻ နာꩻမာꩻဗာႏတွိုႏခွေ နုဲင်းယိုဟောင်း၊ ဖေႏနေးကလꩻ ရာခေလနဝ်ꩻ ခွေမာꩻဗာႏ ထာꩻမာꩻသွူ၊ ပွိုးတမုဲင်ꩻ နာꩻလဲဉ်ဗာႏတွိုႏခွေဟောင်း” နုဲင်းနဝ်ꩻသွူ။
26လာဗန်လဝ်းချာ၊ “နီထွုံꩻစံႏယိုကို ခလားပိုမူႏတန် ကတောႏလမ်း မင်္ဂလာႏနဝ်ꩻ ပိုမူႏပေႏ တောႏလမ်း မင်္ဂလာႏဗာႏတဝ်း” နုဲင်းနဝ်ꩻသွူ။ 27နာꩻမဉ်ႏခံႏသွဉ်းဖေႏထဲင်းယင်း ခွေထာꩻမာꩻ နွတ်ꩻနေင်ႏနဝ်ꩻ မင်္ဂလာႏပွယ်ꩻ တပတ်ကျာꩻယိုမဉ်ႏထွူ ခွေအီႏဖေႏနာꩻ ရာခေလ” နုဲင်းနဝ်ꩻသွူ။ 28ယာကုပ် သꩻဖော်ꩻတူႏတဲင် မင်္ဂလာႏပွယ်ꩻနွတ်ꩻနီꩻ ထွိုင်ႏထွူ လာဗန်ပိုမူႏ ရာခေလနဝ်ꩻ အပ်ဖေႏယင်း ယာကုပ်သွူ။ 29( ဖေႏကထိန်ꩻထွားမာꩻကူ ရာခေလအတာႏ လာဗန်အသွဉ်းမူႏ ဗိလဟာနဝ်ꩻ ဖေႏပါသွူ။) 30ယာကုပ် ဗေင်ႏငီꩻပါယင်း ရာခေလတဲင် ဝွေꩻရက် ရာခေလနဝ်ꩻ လွိုကယ်ꩻက လေအာသွူ။ ဝွေꩻခံႏဖေႏထဲင်းယင်းသွဉ်း လာဗန်ထျꩻနွတ်ꩻနေင်ႏသွူ။
ယာကုပ်လꩻလွဉ်ပိုဖုံႏ
31ယာကုပ် ရက်လေအာနဝ်ꩻ ထွꩻတဝ်း ရာခေလကျောင်ꩻ ထာဝရဘုရာꩻ အဝ်ႏသေနဝ်ꩻမꩻ ဝွေꩻဗွေႏဖေႏ လေအာပိုဖုံႏတဲင် ရာခေလနဝ်ꩻ ပိုအဲဉ်ထဝ်းသွူ။ 32လေအာနဝ်ꩻ သန္ဓေႏအဝ်ႏလွဉ်တဲင် ထွိုင်ႏလွူး ပိုခိုတဖြာꩻနဝ်ꩻ ဝွေꩻရိုꩻ “ထာဝရဘုရာꩻ ထီႏလဲဉ်း ခွေထာꩻဒုက္ခတဲင် ယိုခါ ခွေဝါꩻနဝ်ꩻ အီႏရက်လွဉ်ခွေ နုဲင်းနဝ်ꩻတဲင် ဝွေꩻဖန်ဖေႏအမဉ်ꩻ ရုဗေင်” နုဲင်းနဝ်ꩻသွူ။ 33လေအာနဝ်ꩻ သန္ဓေႏအဝ်ႏလွဉ် တလဲင်ႏတဲင် ထွိုင်ႏလွူး ပိုခိုတဖြာꩻနဝ်ꩻ ဝွေꩻမူႏရိုꩻ “ခွေဝါꩻ တရက်တဝ်းခွေကျောင်ꩻ ထာဝရဘုရာꩻ အဝ်ႏသေနဝ်ꩻမꩻ ဝွေꩻဗွေႏဖေႏယင်း ခွေပိုခိုယို နုဲင်းနဝ်ꩻတဲင် ဖန်ဖေႏအမဉ်ꩻ သိမောင်” နုဲင်းနဝ်ꩻသွူ။ 34လေအာနဝ်ꩻ သန္ဓေႏအဝ်ႏလွဉ်ယင်း တလဲင်ႏတဲင် ဝွေꩻမူႏ လွူးလွဉ်ယင်း ပိုခိုတဖြာꩻတွော့ꩻရိုꩻ “ယိုခါ ခွေလွူးလွဉ်ဖေႏလဲဉ်း ပိုခို သွံဖြာꩻနဝ်ꩻမꩻ ခွေအလောင်းနဝ်ꩻ ဝွေꩻသံယောꩻဇဉ်ႏ အီႏအာလွဉ်” နုဲင်းနဝ်ꩻတဲင် ဖန်ဟဲ့ꩻဖေႏအမဉ်ꩻ လေဝိနဝ်ꩻသွူ။ 35နဝ်ꩻထွူ လေအာ သန္ဓေႏအဝ်ႏလွဉ်ဖျင် တလဲင်ႏတဲင် လွူးယင်းပိုခို အလင်တဖြာꩻနဝ်ꩻမꩻ ဝွေꩻရိုꩻ၊ “အလဲင်ႏယိုနဝ်ꩻ ခွေအီႏအုပ်ꩻထင်ႏသွူ ထာဝရဘုရာꩻ ရိုꩻနုဲင်းတဲင် ဝွေꩻဖန်ဟဲ့ꩻဖေႏ အမဉ်ꩻ ယုဒ” နုဲင်းနဝ်ꩻသွူ။ နဝ်ꩻထွူ ဝွေꩻမူႏ တလွူးထဲင်းတဝ်းဒွုမ် ပိုသွူ။
ទើបបានជ្រើសរើសហើយ៖
ကမ္ဘာႏစ 29: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 29
29
ယာကုပ်ဖျော်လွေꩻလာဗန်လမ်း
1ယာကုပ် လွေꩻသွုပ်ငါ အတဖူꩻတဲင် လွေꩻစွို့ꩻငါ ခမ်းကွဉ်ႏသူꩻနဝ်ꩻသွူ။ 2ဝွေꩻဖျော်လွဉ် စွော့ꩻစွဉ်ႏ သွိုꩻဖုံႏသွံဖုံႏ ကအဝ်ႏဗေင်ႏခူဒါႏ ထီအုံႏတအုံႏထျꩻ လုဲင်းတုံးကိုသွူ။ ထီအုံႏယိုနဝ်ꩻ အဝ်ႏဖေႏအွꩻ သွိုꩻဖုံႏသွူ၊ ထီအုံႏငွါနဝ်ꩻ လုံးတူႏတန် အဝ်ႏပေ့ꩻခါꩻသွူ။ 3သွိုꩻဖုံႏ ကားကအဝ်ႏ မဉ်ႏဖျော်လွဉ်လို့ နဝ်ꩻကိုနဝ်ꩻ သွိုꩻတီသားဖုံႏ အွဉ်ႏတကြွီႏထန်ႏထိုꩻ လုံးတူႏတဲင် ဖေႏအွꩻသွိုꩻထီသွူ၊ ထွူမꩻ တွမ်ႏလုံးတူႏတန်နဝ်ꩻ ဝွေꩻသီး အွဉ်ႏပေ့ꩻချာယင်း ထီအုံႏငွါသွူ။
4ယာကုပ်ရီ သွိုꩻတီသားဖုံႏ၊ “သွꩻပေႏသီး အဝ်ႏမုဲင်ꩻကို လွဉ်ဟောင်း။”
ဝွေꩻသီးလဝ်းချာ၊ “အဝ်ႏဝေင်ꩻဟာရန်လွဉ်။”
5ဝွေꩻရီ၊ “သီသေငါꩻနေ နာꩻဟော်လီꩻ လာဗန်ဟောင်း။”
ဝွေꩻသီးလဝ်းချာ၊ “သေငါꩻ။”
6ဝွေꩻရီ “ဝွေꩻအဝ်ႏခြွိုင်ႏသန်ꩻဒျာႏနဲ့။”
ဝွေꩻသီးလဝ်းချာ၊ “အဝ်ႏခြွိုင်ႏသန်ꩻဒျာႏ။ ထွားအွိုးသူꩻဟာ ဝွေꩻပိုမူႏ ရာခေလတွမ်ႏ အသွိုꩻဖုံႏ အဝ်ႏလွဉ်။”
7ယာကုပ်ဒေါ့ꩻ၊ “အဝ်ႏစဝ်းနေဒွိုန်းက ဝါးသဲင်သွိုꩻဖုံႏချိန်ႏ တတွိုႏတဝ်းဒွိုန်း ဖေႏအွꩻထီထွူ သီလွေꩻတီယင်း အဆာႏတကြက်ꩻကိုဟုဲင်း။”
8ဝွေꩻသီးဒေါ့ꩻချာ၊ “မာꩻနုဲင်းနဝ်ꩻ တလꩻတဝ်း အုံပွေါးသွိုꩻ ကားကအဝ်ႏ စွုမ်ႏလို့မꩻ နီအွဉ်ႏတကြွီႏထန်ႏထိုꩻ လုံးတူႏတန် မဉ်ႏထွူမꩻ နီဖေႏအွꩻဗာႏ သွိုꩻဖုံႏထီသွူ။”
9ယာကုပ် အဝ်ႏဒေါ့ꩻရီတွမ်ႏ သွိုꩻတီသားဖုံႏကျာꩻ ရာခေလတွမ်ႏ အသွိုꩻဖုံႏ ဖျော်လွဉ်နဝ်ꩻသွူ။ 10ယာကုပ် ထွိုင်ႏထီႏ ရာခေလတွမ်ႏ ဝွေꩻဖါနင် လာဗန် သွိုꩻဖျော်လွဉ်နဝ်ꩻ ဝွေꩻလွေꩻ ထီအုံႏထျꩻတွော့ꩻ အွဉ်ႏတကြွီႏထန်ႏထိုꩻ လုံးတူႏထွူ ဖေႏအွꩻစွဉ်ႏသွိုꩻဖုံႏထီသွူ။ 11နဝ်ꩻထွူ ဝွေꩻသꩻဟဝ်သꩻရေꩻငါႏ နဝ်ꩻမꩻ ဝွေꩻနို့ꩻ ရာခေလတဲင် မဲ့ထီလင်ꩻ ငွိုးစွဉ်ႏထာꩻသွူ။ 12ဝွေꩻဒေါ့ꩻ ပါꩻမူႏပေႏ၊ “ခွေနဝ်ꩻ ရီဗက္ကပိုခို သီဖါအစွိုးခွိုꩻ ဖူးဝေးရင်ꩻဒျာႏ” နုဲင်းနဝ်ꩻသွူ။
နဝ်ꩻခရာႏနဝ်ꩻ ပါꩻမူႏပေႏ ဖင်းသဲင်ꩻ ဒေါ့ꩻနယ်စွဉ်ႏ အဖါသွူ။ 13လာဗန်ထွိုင်ႏဟွိုန် ဝွေꩻလီꩻ ယာကုပ်သတင်ꩻနဝ်ꩻ ဝွေꩻဖင်းလင်ꩻ တဖေါ့နို့ꩻ ကျိုႏဆွုမ်ႏစွဉ်ႏ ဝွေꩻတဲင် ဟဲ့ꩻသဲင်ꩻစွဉ်ႏလမ်းသွူ။ ထာꩻကထွာလဲဉ်း ကားကအဝ်ႏ ယာကုပ် ထွိုင်ႏခြုဲင်းနယ်ဖေႏလို့နဝ်ꩻ 14လာဗန်ဒေါ့ꩻ၊ “ပေါႏနုဲင်းနဝ်ꩻနဝ်ꩻ နာꩻယိုထွာ ခွေသွီႏယာႏဒျာႏ” နုဲင်းနဝ်ꩻသွူ။ ယာကုပ်အုံနဝ်ꩻကို တလာလွုမ်းသွူ။
ယာကုပ်ခံႏသွဉ်းလာဗန်ထျꩻ
15လာဗန်ဒေါ့ꩻဖေႏယာကုပ်၊ “နာꩻနဝ်ꩻ ကွပ်ပွိုးထွာ ခွေဖူးဝေး သွီႏယာႏဒျာႏနဝ်ꩻမꩻ နာꩻအဝ်ႏလိုႏ မာꩻခြေင်နေးတဝ်း ခွေထာꩻမာꩻ၊ နာꩻမဉ်လꩻခွိုင်းမုဲင်ꩻဟောင်း” ရီနုဲင်းနဝ်ꩻသွူ။ 16လာဗန်နဝ်ꩻ ပိုမူႏအဝ်ႏဝင်ꩻနီသွူ။ အဖြာꩻတန်နဝ်ꩻ မဉ်ꩻလေအာတဲင် အဖြာꩻပေႏနဝ်ꩻ မဉ်ꩻရာခေလသွူ။ 17လေအာနဝ်ꩻ မဲ့ဖြုံႏတရေꩻ ငါႏတွော့ꩻ ရာခေလနဝ်ꩻ နမ်းပွိုင်လွောက်ꩻ ယောင်ꩻရေꩻငါႏသွူ။
18ယာကုပ်နဝ်ꩻ ရက်ဒျာႏ ရာခေလ၊ နဝ်ꩻမꩻ ဝွေꩻရိုꩻ၊ “ဖါနင် မဉ်ႏဖေႏတောႏလမ်း ခွေတွမ်ႏ ရာခေလနဝ်ꩻ ခွေအီႏမာꩻဖေႏ နီဖါနင်ထာꩻမာꩻ နွတ်ꩻနေင်ႏ” နုဲင်းနဝ်ꩻသွူ။
19လာဗန်လဝ်းချာ၊ “ခလားကဖေႏလိုꩻလင် မဉ်ႏဖေႏတောႏလမ်းဒျာႏ နာꩻနဝ်ꩻ ကယိန်းဟဝ် အုံငီꩻဗော့ꩻခွေ ယိုကိုဟုဲင်း”နုဲင်းနဝ်ꩻသွူ။ 20ယာကုပ် ဖေႏနေးကလꩻ ရာခေလနဝ်ꩻ ဝွေꩻခံႏသွဉ်း နွတ်ꩻနေင်ႏသွူ။ ကွပ်ပွိုး ဝွေꩻရက်ငါႏ ရာခေလတဲင် အချိန်ႏမွူးနီꩻနဝ်ꩻ ဝွေꩻဟွိုန်ဆေ့ꩻပေႏလွုမ်ꩻသွူ။
21နဝ်ꩻထွူ ယာကုပ်ဒေါ့ꩻဖေႏ လာဗန်၊ “ခွေကခံႏဖေႏသွဉ်းနဝ်ꩻ အချိန်ႏဗွေလဲဉ်းနဝ်ꩻမꩻ ဖါနင်ပိုမူႏနဝ်ꩻ ဖေႏတောႏလမ်းခန်း ခွေဟုဲင်း” နုဲင်းနဝ်ꩻသွူ။ 22ကွပ်နဝ်ꩻမꩻ လာဗန်မာꩻဖေႏ တောႏလမ်း မာꩻမင်္ဂလာႏပွယ်ꩻတဲင် ဖစ်စွဉ်ႏ လိုꩻစွုမ်ႏဖြာꩻသွူ။ 23ကွဲႏတွော့ꩻ အဟာနဝ်ꩻ ရာခေလ ခင်ႏလမ်းနဝ်ꩻ လာဗန် ဟဲ့ꩻလွဉ်တောဒျာႏ လေအာတဲင် ယာကုပ် ဗေင်ႏငီꩻတွမ်ႏ ဝွေꩻမူႏသွူ။ 24(လာဗန် အသွဉ်းမူႏ သိလဖယိုနဝ်ꩻတဲ့ ဖေႏကထိန်ꩻထွား မာꩻကူ လေအာနဝ်ꩻ ဝွေꩻဖေႏပါသွူ။) 25နုဲင်းမွူးရဝ်ꩻ ထာꩻထွိုင်ႏလေ ဝွေꩻကဗေင်ႏငီꩻဒါႏနဝ်ꩻ ထွာဒျာႏ လေအာသွူ။ ဝွေꩻလွေꩻ လာဗန်ထျꩻတဲင်ဒေါ့ꩻ၊ “ပွိုးတမုဲင်ꩻ နာꩻမာꩻဗာႏတွိုႏခွေ နုဲင်းယိုဟောင်း၊ ဖေႏနေးကလꩻ ရာခေလနဝ်ꩻ ခွေမာꩻဗာႏ ထာꩻမာꩻသွူ၊ ပွိုးတမုဲင်ꩻ နာꩻလဲဉ်ဗာႏတွိုႏခွေဟောင်း” နုဲင်းနဝ်ꩻသွူ။
26လာဗန်လဝ်းချာ၊ “နီထွုံꩻစံႏယိုကို ခလားပိုမူႏတန် ကတောႏလမ်း မင်္ဂလာႏနဝ်ꩻ ပိုမူႏပေႏ တောႏလမ်း မင်္ဂလာႏဗာႏတဝ်း” နုဲင်းနဝ်ꩻသွူ။ 27နာꩻမဉ်ႏခံႏသွဉ်းဖေႏထဲင်းယင်း ခွေထာꩻမာꩻ နွတ်ꩻနေင်ႏနဝ်ꩻ မင်္ဂလာႏပွယ်ꩻ တပတ်ကျာꩻယိုမဉ်ႏထွူ ခွေအီႏဖေႏနာꩻ ရာခေလ” နုဲင်းနဝ်ꩻသွူ။ 28ယာကုပ် သꩻဖော်ꩻတူႏတဲင် မင်္ဂလာႏပွယ်ꩻနွတ်ꩻနီꩻ ထွိုင်ႏထွူ လာဗန်ပိုမူႏ ရာခေလနဝ်ꩻ အပ်ဖေႏယင်း ယာကုပ်သွူ။ 29( ဖေႏကထိန်ꩻထွားမာꩻကူ ရာခေလအတာႏ လာဗန်အသွဉ်းမူႏ ဗိလဟာနဝ်ꩻ ဖေႏပါသွူ။) 30ယာကုပ် ဗေင်ႏငီꩻပါယင်း ရာခေလတဲင် ဝွေꩻရက် ရာခေလနဝ်ꩻ လွိုကယ်ꩻက လေအာသွူ။ ဝွေꩻခံႏဖေႏထဲင်းယင်းသွဉ်း လာဗန်ထျꩻနွတ်ꩻနေင်ႏသွူ။
ယာကုပ်လꩻလွဉ်ပိုဖုံႏ
31ယာကုပ် ရက်လေအာနဝ်ꩻ ထွꩻတဝ်း ရာခေလကျောင်ꩻ ထာဝရဘုရာꩻ အဝ်ႏသေနဝ်ꩻမꩻ ဝွေꩻဗွေႏဖေႏ လေအာပိုဖုံႏတဲင် ရာခေလနဝ်ꩻ ပိုအဲဉ်ထဝ်းသွူ။ 32လေအာနဝ်ꩻ သန္ဓေႏအဝ်ႏလွဉ်တဲင် ထွိုင်ႏလွူး ပိုခိုတဖြာꩻနဝ်ꩻ ဝွေꩻရိုꩻ “ထာဝရဘုရာꩻ ထီႏလဲဉ်း ခွေထာꩻဒုက္ခတဲင် ယိုခါ ခွေဝါꩻနဝ်ꩻ အီႏရက်လွဉ်ခွေ နုဲင်းနဝ်ꩻတဲင် ဝွေꩻဖန်ဖေႏအမဉ်ꩻ ရုဗေင်” နုဲင်းနဝ်ꩻသွူ။ 33လေအာနဝ်ꩻ သန္ဓေႏအဝ်ႏလွဉ် တလဲင်ႏတဲင် ထွိုင်ႏလွူး ပိုခိုတဖြာꩻနဝ်ꩻ ဝွေꩻမူႏရိုꩻ “ခွေဝါꩻ တရက်တဝ်းခွေကျောင်ꩻ ထာဝရဘုရာꩻ အဝ်ႏသေနဝ်ꩻမꩻ ဝွေꩻဗွေႏဖေႏယင်း ခွေပိုခိုယို နုဲင်းနဝ်ꩻတဲင် ဖန်ဖေႏအမဉ်ꩻ သိမောင်” နုဲင်းနဝ်ꩻသွူ။ 34လေအာနဝ်ꩻ သန္ဓေႏအဝ်ႏလွဉ်ယင်း တလဲင်ႏတဲင် ဝွေꩻမူႏ လွူးလွဉ်ယင်း ပိုခိုတဖြာꩻတွော့ꩻရိုꩻ “ယိုခါ ခွေလွူးလွဉ်ဖေႏလဲဉ်း ပိုခို သွံဖြာꩻနဝ်ꩻမꩻ ခွေအလောင်းနဝ်ꩻ ဝွေꩻသံယောꩻဇဉ်ႏ အီႏအာလွဉ်” နုဲင်းနဝ်ꩻတဲင် ဖန်ဟဲ့ꩻဖေႏအမဉ်ꩻ လေဝိနဝ်ꩻသွူ။ 35နဝ်ꩻထွူ လေအာ သန္ဓေႏအဝ်ႏလွဉ်ဖျင် တလဲင်ႏတဲင် လွူးယင်းပိုခို အလင်တဖြာꩻနဝ်ꩻမꩻ ဝွေꩻရိုꩻ၊ “အလဲင်ႏယိုနဝ်ꩻ ခွေအီႏအုပ်ꩻထင်ႏသွူ ထာဝရဘုရာꩻ ရိုꩻနုဲင်းတဲင် ဝွေꩻဖန်ဟဲ့ꩻဖေႏ အမဉ်ꩻ ယုဒ” နုဲင်းနဝ်ꩻသွူ။ နဝ်ꩻထွူ ဝွေꩻမူႏ တလွူးထဲင်းတဝ်းဒွုမ် ပိုသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.