ကမ္ဘာႏစ 28
28
1ဣသဲစ်ဟဲ့ꩻ ယာကုပ် နုတ်ဆက်ဝွေꩻတဲင် ဒေါ့ꩻဖေႏဝွေꩻ၊ “နာꩻနဝ်ꩻ တောႏလမ်းဗာႏတဝ်း တွမ်ႏလိုꩻမူႏခါနန်ခမ်း။ 2ခလား နာꩻကတောႏလမ်း လိုꩻမူႏ ခါနန်ခမ်းနဝ်ꩻ နာꩻသဲင်ꩻချာ သီဖါဖြား ဗေသွေလလမ်း မဲက်သိုပိုတေးမီးယားခမ်းတဲင် နာꩻတောႏလမ်းသွော့ တွမ်ႏသီဖါနန် လာဗန်ပိုမူႏ တဖြာꩻဖြာꩻဟုဲင်း၊ 3နာꩻကတောႏလမ်းဒါႏနဝ်ꩻ ဖေႏနေး အနန္တတန်ꩻခိုꩻအဗွေႏ ဗွေႏဘုရာꩻ ကဖေႏနာꩻမင်္ဂလာႏ ဖေႏနာꩻကလလွဉ်ပိုလီꩻ နာꩻနဝ်ꩻ ယံဖေႏကထွာလွဉ်သွော့ လိုꩻအမျိုꩻမျိုꩻဖုံႏအဖါ။ 4#ကမ္ဘာႏ ၁၇:၄–၈။ ဗွိုန်နုဲင်းဗွေႏဘုရာꩻ ကဖေႏအဗြာဟံ မင်္ဂလာႏအတွိုင်ꩻနဝ်ꩻ ဖေႏနေး ဗွေႏဘုရာꩻ ယံကဖေႏသွော့ နာꩻတွမ်ႏ နာꩻပိုလီꩻစွိုးခွိုꩻဖုံႏ မင်္ဂလာႏဟုဲင်း၊ ဗွေႏဘုရာꩻ ကဖေႏဒါႏ အဗြာဟံခမ်း ယိုခါ နာကအုံသော့ꩻဒါႏ ဟံႏနဝ်ꩻတဲ့ꩻ ယံဖေနေႏ ဗွေႏဘုရာꩻ ကဖေႏပဲင်ႏသွော့ နာꩻ” နုဲင်းနဝ်ꩻသွူ။ 5ဣသဲစ် အွဉ်ႏစွꩻလွေꩻ ယာကုပ် မဲက်သိုပိုတေးမီးယားခမ်း အရေမီယန်လိုꩻမျိုꩻ ဗေသွေလပိုခို လာဗန်ထျꩻသွူ။ လာဗန်နဝ်ꩻထွာ ယာကုပ်တွမ်ႏ ဧသောသီးမွိုး ရီဗက္ကအဝေးခိုသွူ။
ဧသောထူႏထဲင်းယင်းမာ
6ဣသဲစ်ဖေႏယာကုပ် မင်္ဂလာႏတဲင် အွဉ်ႏစွꩻလွေꩻ ထုမ်ႏအမာ မဲက်သိုပိုတေးမီးယားခမ်းနဝ်ꩻ ဧသောသေ၊ ကဖေႏယာကုပ် မင်္ဂလာႏကျာꩻ ကထွန်ႏသေꩻခါꩻဖေႏဒါႏ တောႏလမ်းဗာႏတဝ်း ခါနန်လိုꩻမူႏတဲ့နဝ်ꩻ၊ 7ယာကုပ်နဝ်ꩻ နာႏမွိုးဖါငဝ်းတဲင် ကလွေꩻထိုꩻလဲဉ်း မဲက်သိုပိုတေးမီးယားခမ်း တဲ့ꩻနဝ်ꩻ ဧသော အဝ်ႏသေပါကသွူ။ 8နဝ်ꩻထွူ ဧသောအဝ်ႏသေပါက အဖါဣသဲစ်နဝ်ꩻ တကျွိုက်တဝ်း လိုꩻမူႏခါနန်ခမ်းနဝ်ꩻသွူ။ 9ကွပ်နဝ်ꩻမꩻ ဝွေꩻလွေꩻတောႏလမ်းဒျာႏ အဗြာဟံပိုခို ဣသျမေလပိုမူႏ မဟာလတ်သွူ။ မဟာလတ်နဝ်ꩻ ထွာနဗာယုတ်ဖူးမူႏသွူ။
ယာကုပ်ထာꩻဗေင်ႏမင်း
10ယာကုပ်နဝ်ꩻ အဝ်ႏဗေသျာဗ အရပ်တဲင် ထန်ႏလွေꩻစထိုꩻ ဟာရန်ခမ်းသွူ။ 11မွူးထွိုင်ႏနွို့ချိန်ႏ ဝွေꩻဖျော်လွဉ် ခင်ႏလမ်းကြောင်းစင် တထွောင်းတဲင် ချꩻပင်နဝ်ꩻကိုသွူ။ ဝွေꩻဗေင်ႏတလွာꩻလင်ꩻတဲင် ကတူႏနဝ်ꩻ ဗေင်ႏခွုမ်းလူး လုံးတူႏ တတူႏနဝ်ꩻသွူ။ 12#ယော ၁:၅၁။ ဝွေꩻထာꩻဗေင်ႏမင်းကိုနဝ်ꩻ ဝွေꩻထီႏတဒေါင်တဗာႏ အဝ်ႏဟံႏလောင်း ဗꩻတွိုႏထင်ႏစွဉ်ႏ ခမ်းထီမို့ꩻလောင်းကီတဲင် မို့ꩻလောင်းတမန်ႏဖုံႏ အဝ်ႏထင်ႏလင်ꩻ တဒေါင်လောင်းသွူ။ 13#ကမ္ဘာႏ ၁၃:၁၄–၁၅။ ဝွေꩻထီႏ ထာဝရဘုရာꩻ အဝ်ႏအုံထွိုင်ႏထာꩻ ဝွေꩻထျꩻသွူ၊ ထာဝရဘုရာꩻရိုꩻ “ခွေနဝ်ꩻထွာ ထာဝရဘုရာꩻ အဗြာဟံတွမ်ႏ ဣသဲစ်သီး အဗွေႏဘုရာꩻသွူ။” ဝွေꩻမိန်းဖေႏခွေ “နာꩻကအဝ်ႏဗေင်ႏလူးဒါႏ ဟံႏယိုနဝ်ꩻ အီႏဖေႏနာꩻတွမ်ႏ နာꩻပိုလီꩻစွိုးခွိုꩻဖုံႏနဝ်ꩻသွူ။ 14#ကမ္ဘာႏ ၁၂:၃၊ ၂၂:၁၈။ နာꩻပိုလီꩻစွိုးခွိုꩻနဝ်ꩻ အီႏအာလွဉ်နုဲင်း ဟံႏဖွန်ႏသွူ။ အဝ်ႏဟံႏလောင်း ဝွေꩻသီးခမ်း ဟံႏနယ်ႏနဝ်ꩻ အီႏလုဲင်းတွိုႏအာလွဉ် စွုမ်ႏဖဲ့ꩻစွုမ်ႏနားသွူ။ တွမ်ႏနာꩻပိုလီꩻ စွိုးခွိုꩻဖုံႏနဝ်ꩻ ခွေအီႏဖေႏ လိုꩻမျိုꩻဖုံႏ ကားကအဝ်ႏ မင်္ဂလာႏသွူ။ 15တောင်ꩻတောင်ꩻသွော့၊ နာꩻအဝ်ႏမုဲင်ꩻကိုတဲ့ꩻ ခွေအီႏအဝ်ႏငီꩻ ဒျာႏနာꩻတဲင် အီႏရဲပွေါးထွားဒျာႏနာꩻ ခွေအီႏပသာသဲင်ꩻချာယင်းနာꩻ ခမ်းယိုကိုသွူ။ ခွေကအွဉ်ႏဂတိခါꩻနာꩻ ပေါ့ꩻတဗွေ စွုံႏလင်ႏတဝ်းနဝ်ꩻ ခွေတအွဉ်ႏကုဲင် ထိုꩻတဝ်းနာꩻ” နုဲင်းနဝ်ꩻသွူ။
16ယာကုပ်မဲ့သေတဲင်ဒေါ့ꩻ၊ “ထာဝရဘုရာꩻနဝ်ꩻ အဝ်ႏဗော့ꩻယိုကိုတန်နဲ။ ဝွေꩻဗွေႏ အဝ်ႏခင်ႏလမ်း ယိုကိုနဝ်ꩻ ခွေမွော့ꩻ တသေတဝ်းတွိုႏနဲ” နုဲင်းနဝ်ꩻသွူ။ 17ဝွေꩻငမ်းသꩻတဲင်ဒေါ့ꩻ၊ “ခင်ႏလမ်းယိုကိုနဝ်ꩻ ဟဝ်ငမ်းသꩻခရာႏ ခင်ႏလမ်းတန်နဲ၊ အီႏထွာဗွေႏဘုရာꩻ ကိန်ꩻသော့ꩻ ဗိမာန်ႏဒျာႏရင်ꩻ၊ ခမ်းထီမို့ꩻလောင်း တခါꩻတန်ငွါ ဒျာႏရင်ꩻ” နုဲင်းနဝ်ꩻသွူ။
18နုဲင်းမွူးရဝ်ꩻစဝ်း ယာကုပ်ထွိုင်ႏတဲင် ထူႏဝွေꩻ ကအဝ်ႏဗေင်ႏခွုမ်းဒါႏ လုံးတူႏနဝ်ꩻတဲင် ဆို့ꩻစွဉ်ႏ အထိန်ꩻအမတ်ထွန်ႏထွူ ဝွေꩻထောက်ꩻလူး သံလွေင်နမ်းမန်ꩻတဲင် အပ်ထင်ႏစွဉ်ႏ ဗွေႏဘုရာꩻသွူ။ 19ခင်ႏလမ်းယိုနဝ်ꩻ ဝွေꩻဖန်ဟဲ့ꩻဖေႏအမဉ်ꩻ ဗေသလသွူ။ (ရီးခါ ဝေင်ꩻနဝ်ꩻနဝ်ꩻ ဟဲ့ꩻဒျာႏ ဝေင်ꩻလုဇသွူ။) 20နဝ်ꩻထွူ ယာကုပ်အွဉ်ႏ သစ္စာႏတွမ်ႏ ထာဝရဘုရာꩻ “နီဗွေႏမဉ်ႏအဝ်ႏငီꩻ ခွေတဲင် မဉ်ႏရဲပွေါးထွားဖေႏ ခွေကလွေꩻဒါႏ တဖူꩻယို မဉ်ႏဖေႏခွေကွဉ်က အံႏအွꩻဖုံႏတဲင် 21ခွေသွဉ်း မဉ်ႏသဲင်ꩻချာ ခွꩻခွꩻသꩻသꩻဗာႏ ခွေဖါလမ်းနဝ်ꩻ နီဗွေႏနဝ်ꩻ အီႏထွာခွေ အဗွေႏဘုရာꩻသွူ။ 22ခင်ႏလမ်း ခွေကဆို့ꩻခါꩻ အထိန်ꩻအမတ် ထွန်ႏယိုနဝ်ꩻ အီႏထွာ ဝုဲင်ႏကိုꩻကွယ်ႏ ထာဝရဘုရာꩻ ခင်ႏလမ်းတဲင် ခွေသွဉ်းကလꩻဒါႏ ထာꩻစွုမ်ႏစွိုးကို ဆီပွန်းတပွန်းနဝ်ꩻ ခွေအီႏဖေႏနီဗွေႏ” နုဲင်းနဝ်ꩻသွူ။
ទើបបានជ្រើសរើសហើយ៖
ကမ္ဘာႏစ 28: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 28
28
1ဣသဲစ်ဟဲ့ꩻ ယာကုပ် နုတ်ဆက်ဝွေꩻတဲင် ဒေါ့ꩻဖေႏဝွေꩻ၊ “နာꩻနဝ်ꩻ တောႏလမ်းဗာႏတဝ်း တွမ်ႏလိုꩻမူႏခါနန်ခမ်း။ 2ခလား နာꩻကတောႏလမ်း လိုꩻမူႏ ခါနန်ခမ်းနဝ်ꩻ နာꩻသဲင်ꩻချာ သီဖါဖြား ဗေသွေလလမ်း မဲက်သိုပိုတေးမီးယားခမ်းတဲင် နာꩻတောႏလမ်းသွော့ တွမ်ႏသီဖါနန် လာဗန်ပိုမူႏ တဖြာꩻဖြာꩻဟုဲင်း၊ 3နာꩻကတောႏလမ်းဒါႏနဝ်ꩻ ဖေႏနေး အနန္တတန်ꩻခိုꩻအဗွေႏ ဗွေႏဘုရာꩻ ကဖေႏနာꩻမင်္ဂလာႏ ဖေႏနာꩻကလလွဉ်ပိုလီꩻ နာꩻနဝ်ꩻ ယံဖေႏကထွာလွဉ်သွော့ လိုꩻအမျိုꩻမျိုꩻဖုံႏအဖါ။ 4#ကမ္ဘာႏ ၁၇:၄–၈။ ဗွိုန်နုဲင်းဗွေႏဘုရာꩻ ကဖေႏအဗြာဟံ မင်္ဂလာႏအတွိုင်ꩻနဝ်ꩻ ဖေႏနေး ဗွေႏဘုရာꩻ ယံကဖေႏသွော့ နာꩻတွမ်ႏ နာꩻပိုလီꩻစွိုးခွိုꩻဖုံႏ မင်္ဂလာႏဟုဲင်း၊ ဗွေႏဘုရာꩻ ကဖေႏဒါႏ အဗြာဟံခမ်း ယိုခါ နာကအုံသော့ꩻဒါႏ ဟံႏနဝ်ꩻတဲ့ꩻ ယံဖေနေႏ ဗွေႏဘုရာꩻ ကဖေႏပဲင်ႏသွော့ နာꩻ” နုဲင်းနဝ်ꩻသွူ။ 5ဣသဲစ် အွဉ်ႏစွꩻလွေꩻ ယာကုပ် မဲက်သိုပိုတေးမီးယားခမ်း အရေမီယန်လိုꩻမျိုꩻ ဗေသွေလပိုခို လာဗန်ထျꩻသွူ။ လာဗန်နဝ်ꩻထွာ ယာကုပ်တွမ်ႏ ဧသောသီးမွိုး ရီဗက္ကအဝေးခိုသွူ။
ဧသောထူႏထဲင်းယင်းမာ
6ဣသဲစ်ဖေႏယာကုပ် မင်္ဂလာႏတဲင် အွဉ်ႏစွꩻလွေꩻ ထုမ်ႏအမာ မဲက်သိုပိုတေးမီးယားခမ်းနဝ်ꩻ ဧသောသေ၊ ကဖေႏယာကုပ် မင်္ဂလာႏကျာꩻ ကထွန်ႏသေꩻခါꩻဖေႏဒါႏ တောႏလမ်းဗာႏတဝ်း ခါနန်လိုꩻမူႏတဲ့နဝ်ꩻ၊ 7ယာကုပ်နဝ်ꩻ နာႏမွိုးဖါငဝ်းတဲင် ကလွေꩻထိုꩻလဲဉ်း မဲက်သိုပိုတေးမီးယားခမ်း တဲ့ꩻနဝ်ꩻ ဧသော အဝ်ႏသေပါကသွူ။ 8နဝ်ꩻထွူ ဧသောအဝ်ႏသေပါက အဖါဣသဲစ်နဝ်ꩻ တကျွိုက်တဝ်း လိုꩻမူႏခါနန်ခမ်းနဝ်ꩻသွူ။ 9ကွပ်နဝ်ꩻမꩻ ဝွေꩻလွေꩻတောႏလမ်းဒျာႏ အဗြာဟံပိုခို ဣသျမေလပိုမူႏ မဟာလတ်သွူ။ မဟာလတ်နဝ်ꩻ ထွာနဗာယုတ်ဖူးမူႏသွူ။
ယာကုပ်ထာꩻဗေင်ႏမင်း
10ယာကုပ်နဝ်ꩻ အဝ်ႏဗေသျာဗ အရပ်တဲင် ထန်ႏလွေꩻစထိုꩻ ဟာရန်ခမ်းသွူ။ 11မွူးထွိုင်ႏနွို့ချိန်ႏ ဝွေꩻဖျော်လွဉ် ခင်ႏလမ်းကြောင်းစင် တထွောင်းတဲင် ချꩻပင်နဝ်ꩻကိုသွူ။ ဝွေꩻဗေင်ႏတလွာꩻလင်ꩻတဲင် ကတူႏနဝ်ꩻ ဗေင်ႏခွုမ်းလူး လုံးတူႏ တတူႏနဝ်ꩻသွူ။ 12#ယော ၁:၅၁။ ဝွေꩻထာꩻဗေင်ႏမင်းကိုနဝ်ꩻ ဝွေꩻထီႏတဒေါင်တဗာႏ အဝ်ႏဟံႏလောင်း ဗꩻတွိုႏထင်ႏစွဉ်ႏ ခမ်းထီမို့ꩻလောင်းကီတဲင် မို့ꩻလောင်းတမန်ႏဖုံႏ အဝ်ႏထင်ႏလင်ꩻ တဒေါင်လောင်းသွူ။ 13#ကမ္ဘာႏ ၁၃:၁၄–၁၅။ ဝွေꩻထီႏ ထာဝရဘုရာꩻ အဝ်ႏအုံထွိုင်ႏထာꩻ ဝွေꩻထျꩻသွူ၊ ထာဝရဘုရာꩻရိုꩻ “ခွေနဝ်ꩻထွာ ထာဝရဘုရာꩻ အဗြာဟံတွမ်ႏ ဣသဲစ်သီး အဗွေႏဘုရာꩻသွူ။” ဝွေꩻမိန်းဖေႏခွေ “နာꩻကအဝ်ႏဗေင်ႏလူးဒါႏ ဟံႏယိုနဝ်ꩻ အီႏဖေႏနာꩻတွမ်ႏ နာꩻပိုလီꩻစွိုးခွိုꩻဖုံႏနဝ်ꩻသွူ။ 14#ကမ္ဘာႏ ၁၂:၃၊ ၂၂:၁၈။ နာꩻပိုလီꩻစွိုးခွိုꩻနဝ်ꩻ အီႏအာလွဉ်နုဲင်း ဟံႏဖွန်ႏသွူ။ အဝ်ႏဟံႏလောင်း ဝွေꩻသီးခမ်း ဟံႏနယ်ႏနဝ်ꩻ အီႏလုဲင်းတွိုႏအာလွဉ် စွုမ်ႏဖဲ့ꩻစွုမ်ႏနားသွူ။ တွမ်ႏနာꩻပိုလီꩻ စွိုးခွိုꩻဖုံႏနဝ်ꩻ ခွေအီႏဖေႏ လိုꩻမျိုꩻဖုံႏ ကားကအဝ်ႏ မင်္ဂလာႏသွူ။ 15တောင်ꩻတောင်ꩻသွော့၊ နာꩻအဝ်ႏမုဲင်ꩻကိုတဲ့ꩻ ခွေအီႏအဝ်ႏငီꩻ ဒျာႏနာꩻတဲင် အီႏရဲပွေါးထွားဒျာႏနာꩻ ခွေအီႏပသာသဲင်ꩻချာယင်းနာꩻ ခမ်းယိုကိုသွူ။ ခွေကအွဉ်ႏဂတိခါꩻနာꩻ ပေါ့ꩻတဗွေ စွုံႏလင်ႏတဝ်းနဝ်ꩻ ခွေတအွဉ်ႏကုဲင် ထိုꩻတဝ်းနာꩻ” နုဲင်းနဝ်ꩻသွူ။
16ယာကုပ်မဲ့သေတဲင်ဒေါ့ꩻ၊ “ထာဝရဘုရာꩻနဝ်ꩻ အဝ်ႏဗော့ꩻယိုကိုတန်နဲ။ ဝွေꩻဗွေႏ အဝ်ႏခင်ႏလမ်း ယိုကိုနဝ်ꩻ ခွေမွော့ꩻ တသေတဝ်းတွိုႏနဲ” နုဲင်းနဝ်ꩻသွူ။ 17ဝွေꩻငမ်းသꩻတဲင်ဒေါ့ꩻ၊ “ခင်ႏလမ်းယိုကိုနဝ်ꩻ ဟဝ်ငမ်းသꩻခရာႏ ခင်ႏလမ်းတန်နဲ၊ အီႏထွာဗွေႏဘုရာꩻ ကိန်ꩻသော့ꩻ ဗိမာန်ႏဒျာႏရင်ꩻ၊ ခမ်းထီမို့ꩻလောင်း တခါꩻတန်ငွါ ဒျာႏရင်ꩻ” နုဲင်းနဝ်ꩻသွူ။
18နုဲင်းမွူးရဝ်ꩻစဝ်း ယာကုပ်ထွိုင်ႏတဲင် ထူႏဝွေꩻ ကအဝ်ႏဗေင်ႏခွုမ်းဒါႏ လုံးတူႏနဝ်ꩻတဲင် ဆို့ꩻစွဉ်ႏ အထိန်ꩻအမတ်ထွန်ႏထွူ ဝွေꩻထောက်ꩻလူး သံလွေင်နမ်းမန်ꩻတဲင် အပ်ထင်ႏစွဉ်ႏ ဗွေႏဘုရာꩻသွူ။ 19ခင်ႏလမ်းယိုနဝ်ꩻ ဝွေꩻဖန်ဟဲ့ꩻဖေႏအမဉ်ꩻ ဗေသလသွူ။ (ရီးခါ ဝေင်ꩻနဝ်ꩻနဝ်ꩻ ဟဲ့ꩻဒျာႏ ဝေင်ꩻလုဇသွူ။) 20နဝ်ꩻထွူ ယာကုပ်အွဉ်ႏ သစ္စာႏတွမ်ႏ ထာဝရဘုရာꩻ “နီဗွေႏမဉ်ႏအဝ်ႏငီꩻ ခွေတဲင် မဉ်ႏရဲပွေါးထွားဖေႏ ခွေကလွေꩻဒါႏ တဖူꩻယို မဉ်ႏဖေႏခွေကွဉ်က အံႏအွꩻဖုံႏတဲင် 21ခွေသွဉ်း မဉ်ႏသဲင်ꩻချာ ခွꩻခွꩻသꩻသꩻဗာႏ ခွေဖါလမ်းနဝ်ꩻ နီဗွေႏနဝ်ꩻ အီႏထွာခွေ အဗွေႏဘုရာꩻသွူ။ 22ခင်ႏလမ်း ခွေကဆို့ꩻခါꩻ အထိန်ꩻအမတ် ထွန်ႏယိုနဝ်ꩻ အီႏထွာ ဝုဲင်ႏကိုꩻကွယ်ႏ ထာဝရဘုရာꩻ ခင်ႏလမ်းတဲင် ခွေသွဉ်းကလꩻဒါႏ ထာꩻစွုမ်ႏစွိုးကို ဆီပွန်းတပွန်းနဝ်ꩻ ခွေအီႏဖေႏနီဗွေႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.