တမန်ႏတောႏ နိဒါန်း
နိဒါန်း
တမန်ႏတောႏဖုံႏ ထာꩻမာꩻနဝ်ꩻ ထွာဒျာႏလုကာ ကတဲမ်းမတ်ခါꩻဒါႏ သတင်ꩻဟဝ် အသွုပ်နဝ်ꩻသွူ။ တမန်ႏတောႏဖုံႏ ထာꩻမာꩻ အဓိက အင်းရွယ်ႏချက်နဝ်ꩻ ဗွေႏယေသျု တပဲ့တောႏ ရီးခါသားဖုံႏနဝ်ꩻ စွဉ်ႏကြောင်းစင် ဝိညာဉ်ႏတောႏ အွဉ်နယ် တဖူꩻတွော့ꩻ တယ်ႏစစွဉ်ႏ ဝေင်ꩻယေရုသလမ်ႏ၊ ယုဒခမ်း၊ သျာမရိခမ်း၊ လဲင်ꩻစွစ်ꩻစဲစ်နေး တဟံႏတန်လွုမ်း အသွတ်ꩻနဝ်ꩻ ဟော်ꩻကေႏညာႏဗာႏ သတင်ꩻဟဝ် တရာꩻခရာႏ ဒင်ႏပျနယ်ဖေႏ နဝ်ꩻသွူ။ (၁:၈)ကို ကပါသော့ꩻဒါႏ အကျောင်ꩻခရာႏနဝ်ꩻ ခရစ်ယာန်ႏ သားသနာႏတောႏနဝ်ꩻ တယ်ႏစစွဉ်ႏ ဂျူးလိုꩻမျိုꩻကိုတဲင် ထွာလွဉ်စွဉ်ႏ တဟံႏတန်လွုမ်း ထာꩻယွုမ်းယိုနဝ်ꩻသွူ။ ခရစ်ယာန်ႏ ဘာႏသားနဝ်ꩻ ခွိုက်ထိုꩻစွဉ်ႏ ရောမအစိုႏရ အာႏဏာႏ ကအုပ်စိုꩻဒါႏ ခမ်းကိုရေꩻ တမွေးတဝ်းကျောင်ꩻ တဲ့နဝ်ꩻ ခရစ်ယာန်ႏ ဘာႏသာႏနဝ်ꩻ မာꩻဗွေစွုံႏလင်ႏ ယုဒဘာႏသာႏကျောင်ꩻ တဲ့နဝ်ꩻ ကောဖတ်သားဖုံႏ ဖေႏသဘော်ꩻကဗွောင် ဖေႏကသေနာႏ အီတာႏနဝ်ꩻ ကျမ်ꩻတဲမ်းသား အင်းရွယ်ႏပါက နုဲင်းနဝ်ꩻသွူ။
ဟော်ꩻကေႏညာႏ ဗွေႏယေသျု သတင်ꩻဟဝ် တရာꩻတဲင် အသေန်းတောႏ ကပေါႏလွဉ်လဲဉ်းဒါႏ ခင်ႏလမ်းအရပ်နဝ်ꩻ တိုꩻတက် ကွိုန်ꩻဟွိုင်ꩻလွဉ် သေႏသေႏကျောင်ꩻ တမန်ႏတောႏ ထာꩻမာꩻလိတ်ကျမ်ꩻနဝ်ꩻ ဖေါႏနယ်ဖေႏနေး သွံကွို့ꩻနဝ်ꩻသွူ။ (၁) ဗွေႏယေသျု ကျွꩻထင်ႏ ခမ်းထီမို့ꩻလောင်း၊ ထွူနဝ်ꩻ ခရစ်ယာန်ႏ သားသနာႏ ပေါႏလွဉ်စ ဝေင်ꩻယေရုသလမ်ႏကိုခရာႏ။ (၂) စွစ်ꩻလီလွေꩻ ပါလဲက်သတုဲင်းခမ်း ခင်ႏလမ်းအလင်ဖုံႏစွဉ်ႏ။ (၃) သွုပ်စွစ်ꩻလီငါလွေꩻ မဲက်ဒီထရေးနီးယန်း ပင်ႏလယ်ႏ တရပ်တစပ်လွုမ်း ဗꩻတွိုႏညာꩻလွေꩻစွဉ်ႏ ရောမခမ်းနဝ်ꩻသွူ။
တမန်ႏတောႏ ထာꩻမာꩻ လိတ်ကျမ်ꩻကို ကပါသော့ꩻဒါႏ အရေꩻတန်ခရာႏ တစွိုးနဝ်ꩻ ပွယ်ꩻပဉ်တေကုတ္တေနီꩻ ဝေင်ꩻယေရုသလမ်ႏကို ကြောင်းစင် ဝိညာဉ်ႏတောႏ အဟိန်ႏတန်ꩻခိုꩻတန်ငါႏ ကလင်ꩻလူး တပဲ့တောႏဖုံႏ အလောင်းတဲင် ကမာꩻဒါႏ ထာꩻမာꩻဖုံႏ ခရာႏနဝ်ꩻသွူ။ ကကျွꩻလွဉ်ဒါႏ ကြောင်းစင် ဝိညာဉ်ႏတောႏနဝ်ꩻ သွုပ်တဲင် အွဉ်နယ်ဖေႏ ကအဝ်ႏဒါႏ အသေန်းတောႏဖုံႏစွဉ်ႏ အသေန်းစွိုꩻ လိုꩻတန် ခေါင်းဆောင်ဖုံႏ လောင်းကျောင်ꩻ ဖေါႏနယ်ဖေႏ နုဲင်းနဝ်ꩻသွူ။ စဝ်းခါ တရာꩻဟော်ꩻချက် အချုပ်ဖုံႏတဲ့နဝ်ꩻ ပါသော့ꩻ ကျမ်ꩻစောင်ႏယို တရာꩻဟော်ꩻချက်ဖုံႏကိုနဝ်ꩻ ထီႏဗာႏနဝ်ꩻသွူ။ လိုꩻကယွုမ်းသားဖုံႏ အသက်ဘဝကိုစွဉ်ႏ အသေန်းသား ထာꩻအုံငီꩻ အဝ်ႏရဝ်း ဖဉ်းမွိုတ်လို့ဝင်ꩻကိုနဝ်ꩻ တရာꩻတောႏတန်ꩻခိုꩻ အကျိုꩻအဝ်ႏကျောင်ꩻ တမန်ႏတောႏ ထာꩻမာꩻ လိတ်ကျမ်ꩻကိုနဝ်ꩻ ဖေါႏနယ်ဒင်ႏပျ နုဲင်းနဝ်ꩻသွူ။
အကျောင်ꩻခရာႏအအဲဉ်ႏ
ဖျင်ရဲဉ်ꩻသေꩻခါꩻခံႏသက်သေႏဖုံႏတာႏ (၁:၁–၂၆)
(က) ဗွေႏယေသျုဖေႏအဆုဲင်ꩻသွတ်ꩻပညတ်စွဉ်ႏဂတိတောႏ (၁:၁–၁၄)
(ခ) ကထင်ႏသော့ꩻဒါႏယုဒခင်ႏလမ်း (၁:၁၅–၂၆)
ခံႏဖေႏသက်သေႏဝေင်ꩻယေရုသလမ်ႏကို (၂:၁—၈:၃)
ခံႏဖေႏသက်သေႏယုဒခမ်းကိုတွမ်ႏသျာမရိခမ်းကို (၈:၄—၁၂:၂၅)
ပေါလုမာꩻသာႏသနာႏအမုတောႏထာꩻမာꩻ (၁၃:၁—၂၈:၃၁)
(က) ပထမသာႏသနာႏထာꩻမာꩻထန်ႏတဖူꩻ (၁၃:၁—၁၄:၂၈)
(ခ) ကောင်စီပွယ်ꩻအုံကွံဝေင်ꩻယေရုသလမ်ႏကို (၁၅:၁–၃၅)
(ဂ) ဒုတိယသာႏသနာႏတဖူꩻ (၁၅:၃၆—၁၈:၂၂)
(ဃ) တတိယသာႏသနာႏတဖူꩻ (၁၈:၂၃—၂၁:၁၆)
(င) ပေါလုအဝ်ႏခံထောင်ႏဝေင်ꩻယေရုသလမ်ႏကို၊ ဝေင်ꩻကဲသရိကိုတွမ်ႏ ရောမဝေင်ꩻကိုခရာႏ(၂၁:၁၇—၂၈:၃၁)
ទើបបានជ្រើសរើសហើយ៖
တမန်ႏတောႏ နိဒါန်း: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ နိဒါန်း
နိဒါန်း
တမန်ႏတောႏဖုံႏ ထာꩻမာꩻနဝ်ꩻ ထွာဒျာႏလုကာ ကတဲမ်းမတ်ခါꩻဒါႏ သတင်ꩻဟဝ် အသွုပ်နဝ်ꩻသွူ။ တမန်ႏတောႏဖုံႏ ထာꩻမာꩻ အဓိက အင်းရွယ်ႏချက်နဝ်ꩻ ဗွေႏယေသျု တပဲ့တောႏ ရီးခါသားဖုံႏနဝ်ꩻ စွဉ်ႏကြောင်းစင် ဝိညာဉ်ႏတောႏ အွဉ်နယ် တဖူꩻတွော့ꩻ တယ်ႏစစွဉ်ႏ ဝေင်ꩻယေရုသလမ်ႏ၊ ယုဒခမ်း၊ သျာမရိခမ်း၊ လဲင်ꩻစွစ်ꩻစဲစ်နေး တဟံႏတန်လွုမ်း အသွတ်ꩻနဝ်ꩻ ဟော်ꩻကေႏညာႏဗာႏ သတင်ꩻဟဝ် တရာꩻခရာႏ ဒင်ႏပျနယ်ဖေႏ နဝ်ꩻသွူ။ (၁:၈)ကို ကပါသော့ꩻဒါႏ အကျောင်ꩻခရာႏနဝ်ꩻ ခရစ်ယာန်ႏ သားသနာႏတောႏနဝ်ꩻ တယ်ႏစစွဉ်ႏ ဂျူးလိုꩻမျိုꩻကိုတဲင် ထွာလွဉ်စွဉ်ႏ တဟံႏတန်လွုမ်း ထာꩻယွုမ်းယိုနဝ်ꩻသွူ။ ခရစ်ယာန်ႏ ဘာႏသားနဝ်ꩻ ခွိုက်ထိုꩻစွဉ်ႏ ရောမအစိုႏရ အာႏဏာႏ ကအုပ်စိုꩻဒါႏ ခမ်းကိုရေꩻ တမွေးတဝ်းကျောင်ꩻ တဲ့နဝ်ꩻ ခရစ်ယာန်ႏ ဘာႏသာႏနဝ်ꩻ မာꩻဗွေစွုံႏလင်ႏ ယုဒဘာႏသာႏကျောင်ꩻ တဲ့နဝ်ꩻ ကောဖတ်သားဖုံႏ ဖေႏသဘော်ꩻကဗွောင် ဖေႏကသေနာႏ အီတာႏနဝ်ꩻ ကျမ်ꩻတဲမ်းသား အင်းရွယ်ႏပါက နုဲင်းနဝ်ꩻသွူ။
ဟော်ꩻကေႏညာႏ ဗွေႏယေသျု သတင်ꩻဟဝ် တရာꩻတဲင် အသေန်းတောႏ ကပေါႏလွဉ်လဲဉ်းဒါႏ ခင်ႏလမ်းအရပ်နဝ်ꩻ တိုꩻတက် ကွိုန်ꩻဟွိုင်ꩻလွဉ် သေႏသေႏကျောင်ꩻ တမန်ႏတောႏ ထာꩻမာꩻလိတ်ကျမ်ꩻနဝ်ꩻ ဖေါႏနယ်ဖေႏနေး သွံကွို့ꩻနဝ်ꩻသွူ။ (၁) ဗွေႏယေသျု ကျွꩻထင်ႏ ခမ်းထီမို့ꩻလောင်း၊ ထွူနဝ်ꩻ ခရစ်ယာန်ႏ သားသနာႏ ပေါႏလွဉ်စ ဝေင်ꩻယေရုသလမ်ႏကိုခရာႏ။ (၂) စွစ်ꩻလီလွေꩻ ပါလဲက်သတုဲင်းခမ်း ခင်ႏလမ်းအလင်ဖုံႏစွဉ်ႏ။ (၃) သွုပ်စွစ်ꩻလီငါလွေꩻ မဲက်ဒီထရေးနီးယန်း ပင်ႏလယ်ႏ တရပ်တစပ်လွုမ်း ဗꩻတွိုႏညာꩻလွေꩻစွဉ်ႏ ရောမခမ်းနဝ်ꩻသွူ။
တမန်ႏတောႏ ထာꩻမာꩻ လိတ်ကျမ်ꩻကို ကပါသော့ꩻဒါႏ အရေꩻတန်ခရာႏ တစွိုးနဝ်ꩻ ပွယ်ꩻပဉ်တေကုတ္တေနီꩻ ဝေင်ꩻယေရုသလမ်ႏကို ကြောင်းစင် ဝိညာဉ်ႏတောႏ အဟိန်ႏတန်ꩻခိုꩻတန်ငါႏ ကလင်ꩻလူး တပဲ့တောႏဖုံႏ အလောင်းတဲင် ကမာꩻဒါႏ ထာꩻမာꩻဖုံႏ ခရာႏနဝ်ꩻသွူ။ ကကျွꩻလွဉ်ဒါႏ ကြောင်းစင် ဝိညာဉ်ႏတောႏနဝ်ꩻ သွုပ်တဲင် အွဉ်နယ်ဖေႏ ကအဝ်ႏဒါႏ အသေန်းတောႏဖုံႏစွဉ်ႏ အသေန်းစွိုꩻ လိုꩻတန် ခေါင်းဆောင်ဖုံႏ လောင်းကျောင်ꩻ ဖေါႏနယ်ဖေႏ နုဲင်းနဝ်ꩻသွူ။ စဝ်းခါ တရာꩻဟော်ꩻချက် အချုပ်ဖုံႏတဲ့နဝ်ꩻ ပါသော့ꩻ ကျမ်ꩻစောင်ႏယို တရာꩻဟော်ꩻချက်ဖုံႏကိုနဝ်ꩻ ထီႏဗာႏနဝ်ꩻသွူ။ လိုꩻကယွုမ်းသားဖုံႏ အသက်ဘဝကိုစွဉ်ႏ အသေန်းသား ထာꩻအုံငီꩻ အဝ်ႏရဝ်း ဖဉ်းမွိုတ်လို့ဝင်ꩻကိုနဝ်ꩻ တရာꩻတောႏတန်ꩻခိုꩻ အကျိုꩻအဝ်ႏကျောင်ꩻ တမန်ႏတောႏ ထာꩻမာꩻ လိတ်ကျမ်ꩻကိုနဝ်ꩻ ဖေါႏနယ်ဒင်ႏပျ နုဲင်းနဝ်ꩻသွူ။
အကျောင်ꩻခရာႏအအဲဉ်ႏ
ဖျင်ရဲဉ်ꩻသေꩻခါꩻခံႏသက်သေႏဖုံႏတာႏ (၁:၁–၂၆)
(က) ဗွေႏယေသျုဖေႏအဆုဲင်ꩻသွတ်ꩻပညတ်စွဉ်ႏဂတိတောႏ (၁:၁–၁၄)
(ခ) ကထင်ႏသော့ꩻဒါႏယုဒခင်ႏလမ်း (၁:၁၅–၂၆)
ခံႏဖေႏသက်သေႏဝေင်ꩻယေရုသလမ်ႏကို (၂:၁—၈:၃)
ခံႏဖေႏသက်သေႏယုဒခမ်းကိုတွမ်ႏသျာမရိခမ်းကို (၈:၄—၁၂:၂၅)
ပေါလုမာꩻသာႏသနာႏအမုတောႏထာꩻမာꩻ (၁၃:၁—၂၈:၃၁)
(က) ပထမသာႏသနာႏထာꩻမာꩻထန်ႏတဖူꩻ (၁၃:၁—၁၄:၂၈)
(ခ) ကောင်စီပွယ်ꩻအုံကွံဝေင်ꩻယေရုသလမ်ႏကို (၁၅:၁–၃၅)
(ဂ) ဒုတိယသာႏသနာႏတဖူꩻ (၁၅:၃၆—၁၈:၂၂)
(ဃ) တတိယသာႏသနာႏတဖူꩻ (၁၈:၂၃—၂၁:၁၆)
(င) ပေါလုအဝ်ႏခံထောင်ႏဝေင်ꩻယေရုသလမ်ႏကို၊ ဝေင်ꩻကဲသရိကိုတွမ်ႏ ရောမဝေင်ꩻကိုခရာႏ(၂၁:၁၇—၂၈:၃၁)
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.