တမန်ႏတောႏ 1

1 # လု ၁:၁–၄။ ကရက်ငါႏ တော်ဖိလု၊

တယ်ႏစစွဉ်ႏ ဗွေႏယေသျု ကမာꩻလဲဉ်းဒါႏ ကားကအဝ်ႏ ခရာႏတွမ်ႏ ဝွေꩻဗွေႏ ထာꩻသွဉ်သင်ဖုံႏ ခရာႏနဝ်ꩻ ခွေတဲမ်းလဲဉ်း ပထမလိတ်စောင်ႏ အရီးသွတ်ꩻကို နဝ်ꩻသွူ။ တယ်ႏစစွဉ်ႏ ဝွေꩻဗွေႏ ကမာစ ထာꩻမာချိန်ႏကာႏ 2ဗꩻတွိုႏလွေꩻစွဉ်ႏ အနီꩻဝွေꩻဗွေႏ ကကျွꩻထင်ႏ ခမ်းထီမို့ꩻလောင်းနဝ်ꩻသွူ။ ခလားဝွေꩻဗွေႏ ကကျွꩻထင်ႏကီနဝ်ꩻ စွဉ်ႏကြောင်းစင် ဝိညာဉ်ႏတန်ꩻခိုꩻ ဝွေꩻဗွေႏ ထွန်ႏသေꩻခါꩻဖေႏ လိုꩻခိုဖုံႏ ဝွေꩻဗွေႏ ကလွိုက်ခါꩻ နုဲင်းဝွေꩻဗွေႏ တမန်ႏတောႏဖုံႏနဝ်ꩻသွူ။ 3ဝွေꩻဗွေႏသီထွူ မွူးနီꩻပေါင်ꩻ လစ်ꩻဆီတွင်ꩻ ဝွေꩻဗွေႏ ပေါႏနယ်ဖေႏ ဝွေꩻသီး စွဉ်ႏအနယ်ꩻနုဲင်းနဝ်ꩻနဝ်ꩻ အာလဲင်ႏတန်သွူ။ ဝွေꩻဗွေႏနဝ်ꩻ သက်အဝ်ႏမွန်ဒျာႏကျောင်ꩻ ဖေႏနေး သင်ႏသရ ကကင်ꩻနဝ်ꩻသွူ။ ဝွေꩻသီးထီႏဗာႏ ဝွေꩻဗွေႏတဲင် ပွိုင်းဝွို့တွမ်ႏ ဗွေႏဘုရာꩻခမ်းထီ နဲင်ႏငံႏခရာႏနဝ်ꩻ ဝွေꩻဗွေႏ အဝ်ႏဒေါ့ꩻရီစွဉ်ႏ ဝွေꩻသီးသွူ။ 4#လု ၂၄:၄၉။ တဲင်ဝွေꩻသီး ထွိုင်ႏလွဉ်စုဗူႏ လို့ဝင်ꩻချိန်ႏ ဝွေꩻဗွေႏ ဖေႏဝွေꩻသီး အမိန်းနုဲင်းယို။ “တွမ်ႏထန်ႏထိုꩻမွိုန်း ဝေင်ꩻယေရုသလမ်ႏ။ ကွဲႏတွော့ꩻ အုံပွေါးသွော့ ဆုခွေကဒေါ့ꩻနယ် ဖေႏလဲဉ်းဒါႏသီ၊ ဆုခွေဖါတောႏ ကအွဉ်ႏဂတိခါꩻဒါႏ နဝ်ꩻဟုဲင်း။ 5#မ ၃:၁၁၊ မာကု ၁:၈၊ လုကာ ၃:၁၆၊ ယော ၁:၃၃။ ယောဟန်နဝ်ꩻ ဖေႏသီဗတ္တိဇံႏ မင်္ဂလာႏ တွမ်ႏထီ ကွဲႏတွော့ꩻ မွူးနီꩻတညတဝ်း တွမ်ႏကြောင်းစင် ဝိညာဉ်ႏတောႏနဝ်ꩻ သီအီႏခံႏဗာႏ ဗတ္တိဇံႏမင်္ဂလာꩻ” နုဲင်းနဝ်ꩻသွူ။

ဗွေႏယေသျုခံႏဗာႏဟဲ့ꩻထင်ႏခမ်းထီမို့ꩻလောင်း

(မာ ၁၆:၁၉–၂၀၊ လု ၂၄:၅၀–၅၃)

6တမန်ႏတောႏဖုံႏ ထွိုင်ႏမော့ꩻခွဲစုဗူႏလို့ဝင်ꩻ တွမ်ႏဝွေꩻဗွေႏချိန်ႏနဝ်ꩻ ဝွေꩻသီးရီ ဝွေꩻဗွေႏ၊ “ဗွေႏဘုရာꩻ၊ နီဗွေႏ အီႏဖေႏချာဒါႏ ဣသရေး ခမ်းထီနဝ်ꩻ အချိန်ႏယိုသွူဟောင်း” နုဲင်းနဝ်ꩻသွူ။

7ဗွေႏယေသျု ဒေါ့ꩻဖေႏဝွေꩻသီး၊ “စွဉ်ႏခွေဖါတောႏနမ်း အာႏဏာႏ အွဉ်ႏခါꩻအချိန်ႏတွမ်ႏ ထာꩻကထွာလွဉ် ဒါႏဖုံႏချိန်ႏ နဝ်ꩻဖုံႏ ကအီႏထွာလွဉ် ချိန်ႏနဝ်ꩻ သီတာႏ သေခွင်ꩻ တအဲဉ်ထဝ်းသွူ။ 8#မ ၂၈:၁၉၊ မာ ၁၆:၁၅၊ လု ၂၄:၄၇၊ ၄၈။ ကွဲႏတွော့ꩻ ကြောင်းစင် ဝိညာဉ်ႏတောႏ ထွိုင်ႏကျွꩻလွဉ် သီလောင်းချိန်ႏ ယုဒတခမ်းလွုမ်းကိုစွဉ်ႏ သျာမရိခမ်း ဗꩻလွေꩻစွဉ်ႏ ဟံႏတန်အသွတ်ꩻနဝ်ꩻ သီအီႏအဝ်ႏဗွေစွဉ်ႏ တန်ꩻခိုꩻတဲင် သီအီႏခံႏဖေႏ ခွေတာႏသက်သေႏ ဝေင်ꩻယေရုသလမ်ႏကို” နုဲင်းနဝ်ꩻသွူ။ 9#မာ ၁၆:၁၉၊ လု ၂၄:၅၀၊ ၅၁။ ကအဝ်ႏမိန်းဖေႏ နုဲင်းယိုထွူ၊ နုဲင်းဝွေꩻသီး ကအဝ်ႏပွေါးထွား ဝွေꩻဗွေႏချိန်ႏ ဝွေꩻသီး ကအဝ်ႏထွားဖဲ့ꩻနဝ်ꩻ မို့ꩻအေႏတဒူႏ အွဉ်ႏဒို့ꩻဗဉ်ႏထိုꩻ ဝွေꩻဗွေႏတဲင် ဝွေꩻဗွေႏနဝ်ꩻ ခံႏဗာႏစွဉ်ႏ အဟဲ့ꩻထင်ႏ ခမ်းထီမို့ꩻလောင်းသွူ။ 10နုဲင်းဝွေꩻဗွေႏ အဝ်ႏကျွꩻညာꩻထင်ႏတွင်ꩻ ဝွေꩻသီး အဝ်ႏထွားစွူနေႏက မို့ꩻလောင်းချိန်ႏ ပါꩻခိုဝင်ꩻနီ ကွဉ်ကꩻစွဉ်ႏ ခွမ်ꩻလာꩻဗွာနဝ်ꩻ အဝ်ႏအုံထွိုင်ႏစွော့ꩻထာꩻ ဝွေꩻသီးထျꩻတဲင်၊ 11ဒေါ့ꩻ၊ “လိုꩻကာလိလဲသားဖုံႏ၊ ပွိုးတမုဲင်ꩻ သီအုံထွိုင်ႏ နဝ်ꩻကို အဝ်ႏထွားထင်ႏဗာႏ မို့ꩻလောင်း နုဲင်းမုဲင်ꩻဟောင်း။ ဗွေႏယေသျုယိုနဝ်ꩻ အဝ်ႏသီထျꩻတဲင် ခံႏဗာႏအပင်ꩻသဲင်ꩻ ခမ်းထီမို့ꩻလောင်းကီ၊ နုဲင်းသီကထီႏဗာႏလဲဉ်း ဝွေꩻဗွေႏကျွꩻထင်ႏထိုꩻ ခမ်းထီမို့ꩻလောင်းအတွိုင်ꩻ တွမ်ႏအနယ်ꩻ နုဲင်းနဝ်ꩻနဝ်ꩻ အီႏကျွꩻလွဉ် ချာယင်းနဝ်ꩻသွူ။

ကထင်ႏဒါႏယုဒခြောင်ꩻ

(မတဲ ၂၇:၃–၁၀)

12နဝ်ꩻထွူ တမန်ႏတောႏဖုံႏ အဝ်ႏကောင်သံလွေင် သဲင်ꩻလွေꩻချာ ဝေင်ꩻယေရုသလမ်ႏချိန်ႏ၊ ကောင်နဝ်ꩻ ညာꩻတွမ်ႏဝေင်ꩻ မဲင်ႏထာႏဝရပ်နဝ်ꩻသွူ။ 13#မ ၁၀:၂–၄၊ မာ ၃:၁၆–၁၉၊ လု ၆:၁၄–၁၆။ ဝွေꩻသီးနွို့သော့ꩻ ဝေင်ꩻတဲင် ထင်ႏကီသော့ꩻစွဉ်ႏ ဝွေꩻသီး ကအဝ်ႏအုံဒါႏ ခင်ႏလမ်း အခန်ꩻကို နဝ်ꩻကိုနဝ်ꩻ ပေတရု၊ ယောဟန်၊ ယာကုပ်တွမ်ႏ အန္ဒြေ၊ ဖိလိပ္ပုစွဉ်ႏ တောမ၊ ဗာတောလမဲ စွဉ်ႏမတဲ၊ အလဖဲပိုခိုယာကုပ်၊ လိုꩻကရက်ခမ်းထီ သိမုန်တွမ်ႏ ယာကုပ်ပိုခို ယုဒနဝ်ꩻသွူ။ 14ဝွေꩻသီး အဝ်ႏစုဗူႏ ခွိုꩻခွိုꩻလို့ဝင်ꩻနဝ်ꩻ စုဗူႏပါစွဉ်ႏ လိုꩻမူႏဖုံႏတဲင် ပါစွဉ်ႏ ဗွေႏယေသျုအမွိုး မာရိတွမ်ႏ ဝွေꩻဗွေႏ ဖူးခိုဖုံႏနဝ်ꩻ အီႏဆုတောင်ꩻငီꩻ လို့ဝင်ꩻနဝ်ꩻသွူ။

15မွူးနီꩻ ထွိုင်ႏညပသာႏ ကယွုမ်းသားဖုံႏ အဝ်ႏမော့ꩻခွဲအုံကွံလို့ဝင်ꩻ နဝ်ꩻကိုရပ်နဝ်ꩻ လိုꩻကားကအဝ်ႏ အဝ်ႏတရျာꩻ နီဆီရပ်တဲင် ပေတရု အုံထွိုင်ႏ 16ဒေါ့ꩻ၊ “ခွေသွꩻဖုံႏ၊ နုဲင်းကြောင်းစင် ဝိညာဉ်ႏတောႏ၊ ကအဝ်ႏဒေါ့ꩻအီတွမ်ႏဒါဝိဒ်၊ ကဟော်ꩻခါꩻရီးဒါႏ ပွိုင်းဝွို့တွမ်ႏ ယုဒ၊ ကအွဉ်လွဉ်လိုꩻဖုံႏ ကဆွမ်ꩻဒါႏ ဗွေႏယေသျုခရာႏနဝ်ꩻ ဗွေမဲဉ်ႏလွဉ်ꩻစွဉ်ႏ လိတ်ကျမ်ꩻချက်ကိုနဝ်ꩻသွူ။ 17ယုဒ ဖေႏကမာꩻငီꩻနီ အမုတောႏ ထာꩻမာꩻနဝ်ꩻ ဝွေꩻဗွေႏ လွိုက်ထူႏလဲဉ်းဝွေꩻ ထွာနီစွုမ်ꩻစွိုꩻကို တဖြာꩻနဝ်ꩻသွူ။

( 18#မ ၂၇:၃–၈။ စွဉ်ႏယုဒ ကမာꩻထာꩻကုဲင်တွော့ꩻ ကလꩻလွဉ်ဒါႏရွဉ်နဝ်ꩻ ဝွေꩻဖြေꩻ ခြံတဟိုႏထွူ ဝွေꩻသီသော့ꩻစွဉ်ႏ နဝ်ꩻကိုသွူ။ ဝွေꩻဟို့ꩻဗွောင်တဲင် ဝွေꩻဖြေ့ဖုံႏ ကားကအဝ်ႏ လီထန်ႏထိုꩻနဝ်ꩻသွူ။ 19နဝ်ꩻမꩻလိုꩻဖုံႏ ကအဝ်ႏအုံသော့ꩻဒါႏ ဝေင်ꩻယေရုသလမ်ႏကို ကားကအဝ်ႏ ထွိုင်ႏဟွိုန် နဝ်ꩻခရာႏနဝ်ꩻ ခြံနဝ်ꩻနဝ်ꩻ စွဉ်ႏဝွေꩻသီး လိုꩻမျိုꩻ ဘာႏသာႏငဝ်းဟဲ့ꩻဒျာႏ အခါဓမ္မခြံ၊ အဓိပ္ပါယ်ႏနဝ်ꩻထွာ “သွီႏခြံ” နုဲင်းနဝ်ꩻသွူ။ )

20 # သာ ၆၉:၂၅၊ သာ ၁၀၉:၈။ “ပွိုးသာလံကျမ်ꩻကိုတဲမ်းခါꩻ၊

‘ဝွေꩻလမ်းယံ ကအဝ်ႏခြေင်၊

လမ်းကိုနဝ်ꩻ ပါꩻမုဲင်ꩻတဖြာꩻတဲ့ ယံကအုံသော့ꩻမွိုန်း၊’ နုဲင်းနဝ်ꩻသွူ။

ကျမ်ꩻနဝ်ꩻ တဲမ်းပါက၊

‘ ဝွေꩻအမုတောႏ ထာꩻမာꩻခင်ႏလမ်း လိုꩻအလင် တဖြာꩻဖြာꩻ ယံဖေႏ ကထူႏထိုꩻသွော့” နုဲင်းနဝ်ꩻသွူ။

21-22 # မ ၃:၁၆၊ မာ ၁:၉၊ လု ၃:၂၁၊ မာ ၁၆:၁၉၊ လု ၂၄:၅၁။ “ပွိုးနုဲင်းနဝ်ꩻထွူ နုဲင်းဗွေႏယေသျုဘုရာꩻ ထွိုင်ႏမွန်လဲဉ်းအတွိုင်ꩻ ကထွာ သက်သေခံႏသား တဖြာꩻနဝ်ꩻ ပါꩻတဖြာꩻဖြာꩻ ဖေႏကပေါင်ꩻငီꩻဗာႏ နီသွူ။ တယ်ႏစစွဉ်ႏ ယောဟန်ကဟော်ꩻ ဝွေꩻဗတ္တိဇံႏတရာꩻ ချိန်ႏကာႏ ဗꩻတွိုႏလွဉ် စွဉ်ႏဗွေႏယေသျု အဝ်ႏနီထျꩻ ကျွꩻထင်ႏ ခမ်းထီမို့ꩻလောင်း သူꩻနဝ်ꩻ ဝွေꩻနဝ်ꩻ အီႏထွာဗာႏ လိုꩻလွေꩻသဲင်ꩻငီꩻသေႏသေႏ နီစွိုꩻကိုတဖြာꩻသွူ။

23နဝ်ꩻမꩻ ဝွေꩻသီးဒင်ꩻနယ်ဖေႏ လိုꩻဝင်ꩻနီအမဉ်ꩻ ကဟဲ့ꩻဒါႏ ဗာသျာဗ (ကဟဲ့ꩻပါဒါႏယုတ္တု) တွမ်ႏမတိနဝ်ꩻသွူ။ 24နဝ်ꩻထွူ ဝွေꩻသီး ဆုတောင်ꩻဘုရာꩻ၊ “ဗွေႏ၊ နီဗွေႏနဝ်ꩻ အဝ်ႏသေဖြောင်လို့ လိုꩻစွုမ်ႏဖြာꩻသွူ၊ နဝ်ꩻမꩻ လိုꩻဝင်ꩻနီယို၊ နီဗွေႏလွိုက်ထူႏ အဖြာꩻမုဲင်ꩻနဝ် အွဉ်ႏနယ်ဖေႏသွော့နီ။ 25ကထွိုက်တန်ႏဒါႏ ခင်ႏလမ်း ကထန်ႏလွေꩻထိုꩻလဲဉ်းဒါႏ ယုဒခြောင်ꩻ ဖေႏကမာ အမုတောႏထာꩻမာꩻ နုဲင်းတမန်ႏတောႏ တပါꩻနဝ်မွိုင်” နုဲင်းနဝ်ꩻသွူ။ 26နဝ်ꩻထွူ ဝွေꩻသီးဗွို့ꩻမဲတွော့ꩻ ဝွေꩻသီး ဝင်ꩻနီတာႏနဝ်ꩻ တနꩻစွဉ်ႏ အဖြာꩻကဟဲ့ꩻဒါႏ မတိတဲင် သော့ꩻငီꩻထိုꩻစွဉ်ႏ တမန်ႏတောႏ တဆီပုဲင် ဖြာꩻစွိုꩻကိုနဝ်ꩻသွူ။

ទើបបានជ្រើសរើសហើយ៖

တမန်ႏတောႏ 1: PBCL

គំនូសចំណាំ

ចែករំលែក

ចម្លង