တမန်ႏတောႏ 6
6
ကောစွဲကိုသားဝင်ꩻနွတ်ꩻ
1ဆုဲင်ꩻအချိန်ႏ ထွိုင်ႏညပသာႏနဝ်ꩻ တပဲ့တောႏဖုံႏ အဖြာꩻ အာလွဉ်အတွိုင်ꩻ ဂျူးလိုꩻမျိုꩻဖုံႏ ကဒေါ့ꩻသွုံꩻဒါႏ ဂရိငဝ်းသားဖုံႏတွမ်ႏ ဂျူးဇာႏတိဖုံႏနဝ်ꩻ ငဝ်းအာလို့ဝင်ꩻနဝ်ꩻသွူ။ ဂျူးလိုꩻမျိုꩻ ကဒေါ့ꩻသွုံꩻဒါႏ ဂရိငဝ်းသားဖုံႏနဝ်ꩻဒေါ့ꩻ၊ တွိုႏဝွေꩻသီး မဲမုဲင်းမူႏဖုံႏနဝ်ꩻ စွုမ်ႏနီꩻ တလꩻတဝ်း ကဖန်းဝေႏဖေႏဒါႏ အသွုံꩻစရိပ်ဖုံႏ နုဲင်းနဝ်ꩻသွူ။ 2နဝ်ꩻမꩻ တမန်ႏတောႏ တဆီနီဖြာꩻနဝ်ꩻ ဟဲ့ꩻစုဗူႏလို့ လိုꩻကယွုမ်းသား တစွိုꩻလွုမ်းတဲင် ဒေါ့ꩻ၊ “နီတာႏ အွဉ်ႏကုဲင်ထိုꩻနေးဗာႏ ကအဝ်ႏဟော်ꩻ ဗွေႏဘုရာꩻ အငဝ်းတောႏတွော့ꩻ ခွုမ်စမ်ႏထိုꩻဗာႏ ရွဉ်တောင်ꩻ အရေꩻနဝ်ꩻနဝ်ꩻ အနယ်ꩻတမွေးတဝ်းသွူ။ 3နဝ်ꩻမꩻ သွꩻဖုံႏ၊ သီအကို လွိုက်သွော့ လိုꩻဝင်ꩻနွတ်ꩻ၊ ကအဝ်ႏဗွေတွမ်ႏ ကြောင်းစင် ဝိညာဉ်ႏတောႏစွဉ်ႏ ဉာဏ်ႏပညာႏနဝ်ꩻတွော့ꩻ တာႏဝွန်ႏ ကထိန်ꩻထွား ကိစ္စယိုဖုံႏတာႏနဝ်ꩻ နီအီႏအပ်ဖေႏ ဝွေꩻသီးသွူ။ 4နဝ်ꩻထွူ နီနမ်းနဝ်ꩻ အီႏဆုတောင်ꩻဒျာႏ ဘုရာꩻတွမ်ႏ ဟော်ꩻဒျာႏတရာꩻ ထာꩻမာꩻတာႏနဝ်ꩻ အီႏဖေႏဗွေဗွေဗာႏ အချိန်ႏ” နုဲင်းနဝ်ꩻသွူ။
5တမန်ႏတောႏဖုံႏ ကဖေႏကျံႏဒါႏနဝ်ꩻ တစွိုꩻလွုမ်း ကျွိုက်နစ်သက်စွဉ်ႏ၊ နဝ်ꩻမꩻ ဝွေꩻသီးလွိုက် တတေဖန်၊ ပါꩻခို ကအဝ်ႏဗွေစွဉ်ႏ ထာꩻယွုမ်း၊ တွမ်ႏကြောင်းစင် ဝိညာဉ်ႏတောႏတွမ်ႏ ဖိလိပ္ပု၊ ပျောခေါ်၊ နိကနော်၊ တိမုန်၊ ပါမေနတွမ်ႏ နိကောလ ကထွာ ဘုရာꩻတရာꩻအဲဉ်ထဝ်းသား၊ လိုꩻအန္တိအုတ် ဝေင်ꩻသားတဖြာꩻ ဝွေꩻနဝ်ꩻ ရီးခါကာႏ ပြောင်ꩻကြုဲင်ꩻ လွဉ်သော့ꩻ ယုဒဘာႏသာႏကိုသွူ။ 6ဝွေꩻသီးလိုꩻစွိုꩻနဝ်ꩻ ဟဲ့ꩻလွဉ် တမန်ႏတောႏဖုံႏ ဆꩻငါတွော့ꩻ၊ တမန်ႏတောႏဖုံႏ စူနဝ်ꩻ အွဉ်ႏဒင်ႏဖေႏ ဝွေꩻသီး ကတူႏလောင်းတဲင် ဆုတောင်ꩻဖေႏနဝ်ꩻသွူ။
7နဝ်ꩻမꩻ ဗွေႏဘုရာꩻ တရာꩻငဝ်းနဝ်ꩻ သွုပ်တဲင် စွစ်ꩻလီစွဉ်ႏသွူ။ တပဲ့တောႏဖုံႏ ကအဝ်ႏ ဝေင်ꩻယေရုသလမ်ႏကိုနဝ်ꩻ လိုꩻအဖြာꩻ ကွိုန်ꩻဟွိုင်ꩻ အာလွဉ်တွော့ꩻ ကယိန်းအာလွဉ်တဲင် ယဇ်ပရောဟိတ်ဖုံႏ ကယွုမ်းလက္ခံႏလွဉ်ဒါႏ အဖြာꩻနဝ်ꩻ အာမွေးငါႏနဝ်ꩻသွူ။
ဆွမ်ꩻတတေဖန်
8လိုꩻခိုတဖြာꩻ တတေဖန်နဝ်ꩻ ဗွေႏဘုရာꩻ ဖေႏအာမွေးစွဉ်ႏ မင်္ဂလာႏတဲင် ဝွေꩻနဝ်ꩻ အဝ်ႏဗွေစွဉ်ႏတန်ꩻခိုꩻ၊ မာꩻနယ် နိမိတ်လက္ခဏာႏတန်စွဉ်ႏ ထာꩻအံႏဖြာႏခရာႏ လိုꩻဖုံႏခြာနဝ်ꩻသွူ။ 9ကွဲႏတွော့ꩻ လိုꩻကအဝ်ႏထွာ တရာꩻစရွပ်သား စွုမ်ꩻစွိုꩻကို လိုꩻလွစ်နမ်း စူꩻသꩻသားဖုံႏ#၆:၉ လွစ်နမ်းစူꩻသꩻသားဖုံႏဂျူးလိုꩻမျိုꩻဖုံႏနဝ်ꩻ ထွာဗာႏဖိုလဲဉ်းသွဉ်းဖုံႏ၊ ကွဲႏတွော့ꩻ လွိုက်ဖြေꩻချာနေးလဲဉ်းတွမ်ႏရွဉ် မဉ်ႏတမွေးတဝ်း ဝွေꩻသီးနဝ်ꩻ လꩻလဲဉ်း လွစ်နမ်းစူꩻသꩻလꩻခွင်ꩻသွူ။ ယင်ဟန်ႏနဝ်ꩻ အဝ်ႏဆန်ချာဝွေꩻသွူ၊ လိုꩻစားယိုဖုံႏနဝ်ꩻ အဝ်ႏထွာဗာႏဖိုလဲဉ်း သွဉ်း၊ ကွဲႏတွော့ꩻ ဖြေꩻခါနေးစွဉ်ႏရွဉ် မဉ်ႏမွေးတဝ်း ဖေႏလဲဉ်း ဝွေꩻသီး လွစ်နမ်း စူꩻသꩻလꩻခွင်ꩻဖုံႏသွူ။ နဝ်ꩻနဝ်ꩻ ဟဲ့ꩻပါဒွိုန်းက ဂျူးလိုꩻမျိုꩻ ကအဝ်ႏကုရေနေခမ်းတွမ်ႏ အလဲက်သန်းဒီးယား ခမ်းသားဖုံႏသွူ။ ဝွေꩻသီးတွမ်ႏ ဂျူးအလင်ဖုံႏ ကအဝ်ႏ ကိလိကိ ဟံႏနယ်ႏကိုသားတွမ်ႏ အာသျခမ်းသားဖုံႏနဝ်ꩻ စတဲင် ထေင်ငဝ်းအာလို့ဝင်ꩻ စွဉ်ႏတတေဖန်နဝ်ꩻသွူ။ 10ကွဲႏတွော့ꩻ ဝွေꩻထွိုင်ႏဒေါ့ꩻထာꩻချိန်ႏ ဝိညာဉ်ႏတောႏနဝ်ꩻ ဖေႏတတေဖန် ဉာဏ်ႏပညာႏ အစားနဝ်ꩻတဲင် ဝွေꩻသီး ထေင်ချာဝွေꩻ တလꩻတဝ်းနဝ်ꩻသွူ။ 11နဝ်ꩻမꩻ လိုꩻခိုဖုံႏ ယင်ဟန်ႏနဝ်ꩻ ဝွေꩻသီး ဖေႏနေးရွဉ်မွဉ် လက်ဆောင်ႏ ဖေႏကဒေါ့ꩻ၊ “ဝွေꩻအဝ်ႏဆန်ချာ မောသျေတွမ်ႏ ဗွေႏဘုရာꩻနဝ်ꩻ နီအဝ်ႏဟွိုန်” နုဲင်းနဝ်ꩻသွူ။ 12စွဉ်ႏအနယ်ꩻယိုနဝ်ꩻ ဝွေꩻသီး တမာဖေႏအာႏ လိုꩻဖုံႏ၊ လိုꩻတန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻသွူ။ ဝွေꩻသီးဆွမ်ꩻ တတေဖန်တွော့ꩻ ဟဲ့ꩻလွေꩻစွဉ်ႏ ကောင်စီလွတ်တောႏ ဆꩻငါနဝ်ꩻသွူ။ 13နဝ်ꩻထွူ ဖေႏကဒေါ့ꩻနယ် လိန်ႏလဲဉ် ဝွေꩻခရာႏနဝ်ꩻ ဝွေꩻသီး ဟဲ့ꩻနွို့လွဉ်သော့ꩻစွဉ်ႏ လိုꩻခိုယင်ဟန်ႏနဝ်ꩻသွူ။ ဝွေꩻသီးဒေါ့ꩻ၊ “ပါꩻခိုယိုနဝ်ꩻ အဝ်ႏဒေါ့ꩻဆန် သေႏသေႏဒျာႏ နီကအွဉ်ႏ ကြောင်းစင်ဒါႏ ဗိမာန်ႏတောႏကျောင်ꩻတွမ်ႏ မောသျေပညတ်တရာꩻသွူ။ 14ဝွေꩻရိုꩻ နာဇရဲစ်ဝေင်ꩻသား ဗွေႏယေသျုနဝ်ꩻ အီႏမာꩻပြင်ꩻလင်ꩻထိုꩻ ဗိမာန်ႏတောႏကျောင်ꩻတဲင် ပြောင်ꩻကြုဲင်ꩻထိုꩻလို့ အဝ်ႏမောသျေထျꩻ ကအဝ်ႏလင်ꩻလွဉ်ဒါႏ ထွုံꩻစံႏဖုံႏနဝ်ꩻ နီအဝ်ႏဟွိုန်” နုဲင်းနဝ်ꩻသွူ။ 15လိုꩻဖုံႏ ကအဝ်ႏအုံလင်ဒါႏ ကောင်စီရွုမ်ꩻကိုသားဖုံႏ ဝွေꩻသီးမဲ့ဖုံႏ ထွိုင်ႏထွားလွေꩻ တတေဖန်နဝ်ꩻ ထီႏဗာႏ ဝွေꩻမဲ့ငါနဝ်ꩻ ဗွိုန်နုဲင်း မို့ꩻလောင်းတမန်ႏတပါꩻ မဲ့ငါနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 6: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 6
6
ကောစွဲကိုသားဝင်ꩻနွတ်ꩻ
1ဆုဲင်ꩻအချိန်ႏ ထွိုင်ႏညပသာႏနဝ်ꩻ တပဲ့တောႏဖုံႏ အဖြာꩻ အာလွဉ်အတွိုင်ꩻ ဂျူးလိုꩻမျိုꩻဖုံႏ ကဒေါ့ꩻသွုံꩻဒါႏ ဂရိငဝ်းသားဖုံႏတွမ်ႏ ဂျူးဇာႏတိဖုံႏနဝ်ꩻ ငဝ်းအာလို့ဝင်ꩻနဝ်ꩻသွူ။ ဂျူးလိုꩻမျိုꩻ ကဒေါ့ꩻသွုံꩻဒါႏ ဂရိငဝ်းသားဖုံႏနဝ်ꩻဒေါ့ꩻ၊ တွိုႏဝွေꩻသီး မဲမုဲင်းမူႏဖုံႏနဝ်ꩻ စွုမ်ႏနီꩻ တလꩻတဝ်း ကဖန်းဝေႏဖေႏဒါႏ အသွုံꩻစရိပ်ဖုံႏ နုဲင်းနဝ်ꩻသွူ။ 2နဝ်ꩻမꩻ တမန်ႏတောႏ တဆီနီဖြာꩻနဝ်ꩻ ဟဲ့ꩻစုဗူႏလို့ လိုꩻကယွုမ်းသား တစွိုꩻလွုမ်းတဲင် ဒေါ့ꩻ၊ “နီတာႏ အွဉ်ႏကုဲင်ထိုꩻနေးဗာႏ ကအဝ်ႏဟော်ꩻ ဗွေႏဘုရာꩻ အငဝ်းတောႏတွော့ꩻ ခွုမ်စမ်ႏထိုꩻဗာႏ ရွဉ်တောင်ꩻ အရေꩻနဝ်ꩻနဝ်ꩻ အနယ်ꩻတမွေးတဝ်းသွူ။ 3နဝ်ꩻမꩻ သွꩻဖုံႏ၊ သီအကို လွိုက်သွော့ လိုꩻဝင်ꩻနွတ်ꩻ၊ ကအဝ်ႏဗွေတွမ်ႏ ကြောင်းစင် ဝိညာဉ်ႏတောႏစွဉ်ႏ ဉာဏ်ႏပညာႏနဝ်ꩻတွော့ꩻ တာႏဝွန်ႏ ကထိန်ꩻထွား ကိစ္စယိုဖုံႏတာႏနဝ်ꩻ နီအီႏအပ်ဖေႏ ဝွေꩻသီးသွူ။ 4နဝ်ꩻထွူ နီနမ်းနဝ်ꩻ အီႏဆုတောင်ꩻဒျာႏ ဘုရာꩻတွမ်ႏ ဟော်ꩻဒျာႏတရာꩻ ထာꩻမာꩻတာႏနဝ်ꩻ အီႏဖေႏဗွေဗွေဗာႏ အချိန်ႏ” နုဲင်းနဝ်ꩻသွူ။
5တမန်ႏတောႏဖုံႏ ကဖေႏကျံႏဒါႏနဝ်ꩻ တစွိုꩻလွုမ်း ကျွိုက်နစ်သက်စွဉ်ႏ၊ နဝ်ꩻမꩻ ဝွေꩻသီးလွိုက် တတေဖန်၊ ပါꩻခို ကအဝ်ႏဗွေစွဉ်ႏ ထာꩻယွုမ်း၊ တွမ်ႏကြောင်းစင် ဝိညာဉ်ႏတောႏတွမ်ႏ ဖိလိပ္ပု၊ ပျောခေါ်၊ နိကနော်၊ တိမုန်၊ ပါမေနတွမ်ႏ နိကောလ ကထွာ ဘုရာꩻတရာꩻအဲဉ်ထဝ်းသား၊ လိုꩻအန္တိအုတ် ဝေင်ꩻသားတဖြာꩻ ဝွေꩻနဝ်ꩻ ရီးခါကာႏ ပြောင်ꩻကြုဲင်ꩻ လွဉ်သော့ꩻ ယုဒဘာႏသာႏကိုသွူ။ 6ဝွေꩻသီးလိုꩻစွိုꩻနဝ်ꩻ ဟဲ့ꩻလွဉ် တမန်ႏတောႏဖုံႏ ဆꩻငါတွော့ꩻ၊ တမန်ႏတောႏဖုံႏ စူနဝ်ꩻ အွဉ်ႏဒင်ႏဖေႏ ဝွေꩻသီး ကတူႏလောင်းတဲင် ဆုတောင်ꩻဖေႏနဝ်ꩻသွူ။
7နဝ်ꩻမꩻ ဗွေႏဘုရာꩻ တရာꩻငဝ်းနဝ်ꩻ သွုပ်တဲင် စွစ်ꩻလီစွဉ်ႏသွူ။ တပဲ့တောႏဖုံႏ ကအဝ်ႏ ဝေင်ꩻယေရုသလမ်ႏကိုနဝ်ꩻ လိုꩻအဖြာꩻ ကွိုန်ꩻဟွိုင်ꩻ အာလွဉ်တွော့ꩻ ကယိန်းအာလွဉ်တဲင် ယဇ်ပရောဟိတ်ဖုံႏ ကယွုမ်းလက္ခံႏလွဉ်ဒါႏ အဖြာꩻနဝ်ꩻ အာမွေးငါႏနဝ်ꩻသွူ။
ဆွမ်ꩻတတေဖန်
8လိုꩻခိုတဖြာꩻ တတေဖန်နဝ်ꩻ ဗွေႏဘုရာꩻ ဖေႏအာမွေးစွဉ်ႏ မင်္ဂလာႏတဲင် ဝွေꩻနဝ်ꩻ အဝ်ႏဗွေစွဉ်ႏတန်ꩻခိုꩻ၊ မာꩻနယ် နိမိတ်လက္ခဏာႏတန်စွဉ်ႏ ထာꩻအံႏဖြာႏခရာႏ လိုꩻဖုံႏခြာနဝ်ꩻသွူ။ 9ကွဲႏတွော့ꩻ လိုꩻကအဝ်ႏထွာ တရာꩻစရွပ်သား စွုမ်ꩻစွိုꩻကို လိုꩻလွစ်နမ်း စူꩻသꩻသားဖုံႏ#၆:၉ လွစ်နမ်းစူꩻသꩻသားဖုံႏဂျူးလိုꩻမျိုꩻဖုံႏနဝ်ꩻ ထွာဗာႏဖိုလဲဉ်းသွဉ်းဖုံႏ၊ ကွဲႏတွော့ꩻ လွိုက်ဖြေꩻချာနေးလဲဉ်းတွမ်ႏရွဉ် မဉ်ႏတမွေးတဝ်း ဝွေꩻသီးနဝ်ꩻ လꩻလဲဉ်း လွစ်နမ်းစူꩻသꩻလꩻခွင်ꩻသွူ။ ယင်ဟန်ႏနဝ်ꩻ အဝ်ႏဆန်ချာဝွေꩻသွူ၊ လိုꩻစားယိုဖုံႏနဝ်ꩻ အဝ်ႏထွာဗာႏဖိုလဲဉ်း သွဉ်း၊ ကွဲႏတွော့ꩻ ဖြေꩻခါနေးစွဉ်ႏရွဉ် မဉ်ႏမွေးတဝ်း ဖေႏလဲဉ်း ဝွေꩻသီး လွစ်နမ်း စူꩻသꩻလꩻခွင်ꩻဖုံႏသွူ။ နဝ်ꩻနဝ်ꩻ ဟဲ့ꩻပါဒွိုန်းက ဂျူးလိုꩻမျိုꩻ ကအဝ်ႏကုရေနေခမ်းတွမ်ႏ အလဲက်သန်းဒီးယား ခမ်းသားဖုံႏသွူ။ ဝွေꩻသီးတွမ်ႏ ဂျူးအလင်ဖုံႏ ကအဝ်ႏ ကိလိကိ ဟံႏနယ်ႏကိုသားတွမ်ႏ အာသျခမ်းသားဖုံႏနဝ်ꩻ စတဲင် ထေင်ငဝ်းအာလို့ဝင်ꩻ စွဉ်ႏတတေဖန်နဝ်ꩻသွူ။ 10ကွဲႏတွော့ꩻ ဝွေꩻထွိုင်ႏဒေါ့ꩻထာꩻချိန်ႏ ဝိညာဉ်ႏတောႏနဝ်ꩻ ဖေႏတတေဖန် ဉာဏ်ႏပညာႏ အစားနဝ်ꩻတဲင် ဝွေꩻသီး ထေင်ချာဝွေꩻ တလꩻတဝ်းနဝ်ꩻသွူ။ 11နဝ်ꩻမꩻ လိုꩻခိုဖုံႏ ယင်ဟန်ႏနဝ်ꩻ ဝွေꩻသီး ဖေႏနေးရွဉ်မွဉ် လက်ဆောင်ႏ ဖေႏကဒေါ့ꩻ၊ “ဝွေꩻအဝ်ႏဆန်ချာ မောသျေတွမ်ႏ ဗွေႏဘုရာꩻနဝ်ꩻ နီအဝ်ႏဟွိုန်” နုဲင်းနဝ်ꩻသွူ။ 12စွဉ်ႏအနယ်ꩻယိုနဝ်ꩻ ဝွေꩻသီး တမာဖေႏအာႏ လိုꩻဖုံႏ၊ လိုꩻတန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻသွူ။ ဝွေꩻသီးဆွမ်ꩻ တတေဖန်တွော့ꩻ ဟဲ့ꩻလွေꩻစွဉ်ႏ ကောင်စီလွတ်တောႏ ဆꩻငါနဝ်ꩻသွူ။ 13နဝ်ꩻထွူ ဖေႏကဒေါ့ꩻနယ် လိန်ႏလဲဉ် ဝွေꩻခရာႏနဝ်ꩻ ဝွေꩻသီး ဟဲ့ꩻနွို့လွဉ်သော့ꩻစွဉ်ႏ လိုꩻခိုယင်ဟန်ႏနဝ်ꩻသွူ။ ဝွေꩻသီးဒေါ့ꩻ၊ “ပါꩻခိုယိုနဝ်ꩻ အဝ်ႏဒေါ့ꩻဆန် သေႏသေႏဒျာႏ နီကအွဉ်ႏ ကြောင်းစင်ဒါႏ ဗိမာန်ႏတောႏကျောင်ꩻတွမ်ႏ မောသျေပညတ်တရာꩻသွူ။ 14ဝွေꩻရိုꩻ နာဇရဲစ်ဝေင်ꩻသား ဗွေႏယေသျုနဝ်ꩻ အီႏမာꩻပြင်ꩻလင်ꩻထိုꩻ ဗိမာန်ႏတောႏကျောင်ꩻတဲင် ပြောင်ꩻကြုဲင်ꩻထိုꩻလို့ အဝ်ႏမောသျေထျꩻ ကအဝ်ႏလင်ꩻလွဉ်ဒါႏ ထွုံꩻစံႏဖုံႏနဝ်ꩻ နီအဝ်ႏဟွိုန်” နုဲင်းနဝ်ꩻသွူ။ 15လိုꩻဖုံႏ ကအဝ်ႏအုံလင်ဒါႏ ကောင်စီရွုမ်ꩻကိုသားဖုံႏ ဝွေꩻသီးမဲ့ဖုံႏ ထွိုင်ႏထွားလွေꩻ တတေဖန်နဝ်ꩻ ထီႏဗာႏ ဝွေꩻမဲ့ငါနဝ်ꩻ ဗွိုန်နုဲင်း မို့ꩻလောင်းတမန်ႏတပါꩻ မဲ့ငါနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.