တမန်ႏတောႏ 7
7
တတေဖန်ကဒေါ့ꩻဟော်ꩻ
1ယဇ်ပရောဟိတ်ခွန် ရီတတေဖန်၊ “ယိုနဝ်ꩻ မွေးနေဟောင်း” နုဲင်းနဝ်ꩻသွူ။
2 #
ကမ္ဘာႏ ၁၂:၁။ တတေဖန်လဝ်းချာ၊ “ဖူးခိုဝေးခိုဖုံႏ တွမ်ႏဖါဖုံႏ၊ နာႏသွော့ ခွေငဝ်း၊ ခလားနီဖါဖြား အဗြာဟံ ကလွေꩻအုံသော့ꩻ ဟာရန်ခမ်းကိုချိန်ႏနဝ်ꩻ ဗွေႏဘုရာꩻ ဘွုန်ꩻသရေႏ ပေါႏလွဉ်ထေ့ဝွေꩻ မဲက်သိုပိုတေးမီးယား ခမ်းကိုတဲင်၊။ 3မိန်းဖေႏဝွေꩻ၊ ‘အွဉ်ႏကုဲင်ထိုꩻ နာꩻတမွိုးဖါပိုစွိုꩻဖုံႏတွမ်ႏ ခမ်းထီတဲင် လွေꩻသွော့ ခွေကအီႏအွဉ်ႏနယ်နာꩻ ခမ်းထီသူꩻဟုဲင်း’ နုဲင်းနဝ်ꩻသွူ။ 4#ကမ္ဘာႏ ၁၁:၃၁၊ ကမ္ဘာႏ ၁၂:၄။ နဝ်ꩻမꩻ ဝွေꩻထန်ႏထိုꩻ ဝွေꩻခမ်းထီတဲင် လွေꩻအုံသော့ꩻထိုꩻ ဟာရန်ခမ်းကို နဝ်ꩻသွူ။ အဗြာဟံဖါ ထွိုင်ႏသီထွူနဝ်ꩻ ဗွေႏဘုရာꩻ ထွဉ်ႏဝွေꩻခြုဲင်းလွေꩻ ယိုခါ သီကအဝ်ႏအုံသော့ꩻဒါႏ ခင်ႏလမ်း ခမ်းယိုနဝ်ꩻသွူ။ 5#ကမ္ဘာႏ ၁၂:၇၊ ၁၃:၁၅၊ ၁၅:၁၈၊ ၁၇:၈။ နုဲင်းအဗြာဟံ အပဲင်ႏနဝ်ꩻ ဟံႏတပေ ပတ်မွန်ꩻငါတဲ့ ဗွေႏဘုရာꩻ တဖေႏတဝ်းဒွိုန်း ဝွေꩻသွူ။ ကွဲႏတွော့ꩻ အီႏဖေႏ ဝွေꩻတွမ်ႏ ဝွေꩻပိုလီꩻစွိုးခွိုꩻဖုံႏ ဟံႏအပဲင်ႏနဝ်ꩻ ဗွေႏဘုရာꩻ အွဉ်ႏဂတိခါꩻဝွေꩻသွူ။ ဗွေႏဘုရာꩻ ကအွဉ်ႏဂတိဒါႏ ယိုချိန်ႏနဝ်ꩻ အဗြာဟံပို တအဲဉ်ထဝ်းဒွိုန်းသွူ။ 6#ကမ္ဘာႏ ၁၅:၁၃၊ ၁၄။ ဗွေႏဘုရာꩻ ကမိန်းဖေႏဒါႏဝွေꩻနဝ်ꩻ နုဲင်းယို၊ ‘နာꩻပိုလီꩻစွိုးခွိုꩻဖုံႏနဝ်ꩻ အီႏအုံသော့ꩻဗာႏ ခမ်းလင်တခမ်းကို၊ နဝ်ꩻကိုနဝ်ꩻ ဝွေꩻသီးအီႏခံႏဗာႏ ဝင်ꩻသွဉ်းတဲင် အီႏခံႏဗာႏ ထာꩻဒုက္ခ ထာꩻနစ်စက် နေင်ႏပေါင်ꩻ၄၀ဝသွူ။ 7#ထလ ၃:၁၂။ ကွဲႏတွော့ꩻ ခွေနဝ်ꩻ အီႏစီႏရင်ႏ ဖေႏတံႏ လိုꩻကထွဉ်ႏအံႏဒါႏ ဝွေꩻသီးတဲင် နဝ်ꩻထွူ နာꩻပိုလီꩻ စွိုးခွိုꩻဖုံႏ အီႏထန်ႏလွဉ်ဗာႏ ခမ်းထီနဝ်ꩻတွော့ꩻ အီႏဝုဲင်ႏ ကိုꩻကွယ်ႏသော့ꩻဗာႏခွေ ခင်ႏလမ်းယိုကို’ နုဲင်းနဝ်ꩻသွူ။ 8#ကမ္ဘာႏ ၁၇:၁၀–၁၄၊ ကမ္ဘာႏ ၂၁:၂–၄၊ ကမ္ဘာႏ ၂၅:၂၆၊ ကမ္ဘာႏ ၂၉:၃၁—၃၅:၁၈။ တွိုႏနဝ်ꩻ နုဲင်းပဋိညာဉ်ႏ လက္ခဏာႏတစွိုးအနေႏ ဗွေႏဘုရာꩻနဝ်ꩻ ထွဉ်ႏအဗြာဟံ စီႏမံႏသွို့ꩻလိုꩻခို အင်္ဂါႏနာပီ မင်္ဂလာႏနဝ်ꩻသွူ။ နဝ်ꩻမꩻ ဣသဲစ် လွူးလွဉ်ထွူ လꩻနွတ်ꩻနီꩻနဝ်ꩻ အဗြာဟံ သွို့ꩻဖေႏဝွေꩻ လိုꩻခိုအင်္ဂါႏနာပီ မင်္ဂလာႏနဝ်ꩻသွူ။ ဣသဲစ်နဝ်ꩻ သွို့ꩻထိုꩻဖေႏ ဝွေꩻပိုခိုယာကုပ် အင်္ဂါႏနာပီ မင်္ဂလာႏတဲင် ယာကုပ်နဝ်ꩻ သွို့ꩻဖေႏ ဝွေꩻပိုခိုဖုံႏ တဆီနီဖြာꩻ အင်္ဂါႏနာပီမင်္ဂလာႏ၊ မဉ်ꩻကကျော်ႏငါႏ နီလိုꩻမျိုꩻ အမွိုးဖြား ဖါဖြားသီး ဖုံႏနဝ်ꩻသွူ။
9 #
ကမ္ဘာႏ ၃၇:၁၁၊
ကမ္ဘာႏ ၃၇:၂၈၊
ကမ္ဘာႏ ၃၉:၂၊ ၂၁။ “ယာကုပ်ပိုခိုဖုံႏနဝ်ꩻ တကေးလွဉ် ဝွေꩻသီးဖူးခို ယောသပ်တဲင် ဖေႏကထွာသွဉ်းတဖြာꩻ အီဂျစ်ခမ်းကိုနဝ်ꩻ စာအံႏထိုꩻဝွေꩻသွူ။ ကွဲႏတွော့ꩻ ဗွေႏဘုရာꩻနဝ်ꩻ အဝ်ႏငီꩻစွဉ်ႏဝွေꩻ 10#ကမ္ဘာႏ ၄၁:၃၉–၄၁။ တဲင်ဟဲ့ꩻထန်ႏ လုမ်းဗဉ်ႏစွဉ်ႏ ဝွေꩻထာꩻဒုက္ခဖုံႏ ကားကအဝ်ႏကိုသွူ။ ယောသပ် ထွိုင်ႏဖျော်လွဉ် အီဂျစ်ခွန်တန် ဆꩻငါချိန်ႏ ဗွေႏဘုရာꩻ မာꩻဖေႏဝွေꩻ ထွာလိုꩻလꩻမဲ့ငါစွဉ်ႏ ဉာဏ်ႏပညာႏ အဝ်ႏသား တဖြာꩻတွော့ꩻ ခွန်တန်ခန်ꩻစွဉ်ႏ ယောသပ် ခွန်ခံႏ အုပ်တခမ်းလွုမ်းတွမ်ႏ ဟော်နန်ꩻ တဖြုံႏလွုမ်းနဝ်ꩻသွူ။ 11#ကမ္ဘာႏ ၄၂:၁၊ ၂။ နဝ်ꩻထွူ အီဂျစ် တခမ်းလွုမ်းတွမ်ႏ ခါနန်ခမ်းနဝ်ꩻ ထာꩻအံႏအွꩻ ခြောလွဉ်တွော့ꩻ မော့ꩻမွေးနေးစွဉ်ႏ ထာꩻဒုက္ခဖုံႏနဝ်ꩻသွူ။ နီမွိုးဖြား ဖါဖြားသီးဖုံႏနဝ်ꩻ ထုမ်ႏထာꩻအံႏ တစိꩻစိꩻတဲ့ တလꩻတဝ်း၊ 12နဝ်ꩻမꩻယာကုပ် ထွိုင်ႏဟွိုန် အီဂျစ်ခမ်းကို ဗွူဟူအဝ်ႏနဝ်ꩻ ဝွေꩻအွဉ်ႏစွꩻလွေꩻ ဝွေꩻပိုခိုဖုံႏ၊ ကထွာနီမွိုးဖြား ဖါဖြားသီးတဲင် ဝွေꩻသီး ဖျော်တွိုႏလွေꩻ အရီးသွတ်ꩻ နဝ်ꩻကိုသွူ။ 13#ကမ္ဘာႏ ၄၅:၁၊ ကမ္ဘာႏ ၄၅:၁၆။မော့ꩻခွဲစွဉ်ႏ ယောသပ် ဒုတိယလဲင်ႏတွော့ꩻ ဝွေꩻနမ်း အွဉ်ႏသေဖေႏ ဝွေꩻဖူးခိုဖုံႏတဲင် အီဂျစ်ခွန်တန်နဝ်ꩻ သေလွဉ်စွဉ်ႏ ယောသပ် တမွိုးဖါပိုစွိုꩻဖုံႏ ခရာႏသွူ။ 14#ကမ္ဘာႏ ၄၅:၉၊၁၀,၁၇,၁၈၊ ကမ္ဘာႏ ၄၆:၂၇ (LXX)။ နဝ်ꩻမꩻ ယောသပ်နဝ်ꩻ ပသာလွေꩻထေ့ သတင်ꩻဖေႏသား တဖြာꩻ ဝွေꩻဖါ ယာကုပ်ထျꩻ ထွန်ႏဒေါ့ꩻယာကုပ် တွမ်ႏဝွေꩻတမွိုးဖါပိုစွိုꩻ တစွိုꩻလွုမ်း လိုꩻနွတ်ꩻဆီငတ်ꩻဖြာꩻ ဖေႏကလွဉ်ထေ့ အီဂျစ်ခမ်းနဝ်ꩻသွူ။ 15#ကမ္ဘာႏ ၄၆:၁–၇၊ ကမ္ဘာႏ ၄၉:၃၃။ နဝ်ꩻထွူ ယာကုပ်ထန်ႏလွေꩻ အီဂျစ်ခမ်း တွမ်ႏဝွေꩻပိုခိုဖုံႏတွော့ꩻ သီသော့ꩻထိုꩻ ခမ်းနဝ်ꩻကိုသွူ။ 16#ကမ္ဘာႏ ၂၃:၃–၁၆၊ ၃၃:၁၉၊ ၅၀:၇–၁၃၊ ယောသျု ၂၄:၃၂။ ဝွေꩻသီး ရုပ်ခန္ဓာႏဖုံႏနဝ်ꩻ ထူႏလွေꩻထိုꩻ ဝေင်ꩻသျေခိမ်တွော့ꩻ ဝွေꩻသီးနဝ်ꩻ သင်္ဂြိုဟ်ႏသော့ꩻ သဲင်ႏခဲင်ꩻကို အဗြာဟံ ကဖြေꩻလဲဉ်းဒါႏစွဉ်ႏရွဉ် ဟာမော်ခွိုꩻနွယ်ႏ ထျꩻနဝ်ꩻသွူ။
17 #
ထလ ၁:၇၊ ၈။ “ဗွေႏဘုရာꩻ ကအွဉ်ႏခါꩻ ဂတိ ဝွေꩻဗွေႏ ကမာꩻခါꩻလဲဉ်းဒါႏ အဗြာဟံ အချိန်ႏ ထွိုင်ႏဗော့ꩻလွဉ် နီလိုꩻဖုံႏ ကအဝ်ႏသော့ꩻဒါႏ အီဂျစ်ခမ်းကိုနဝ်ꩻ လိုꩻအဖြာꩻ အာလွဉ်မွေးနေးစွဉ်ႏသွူ။ 18အဆုဲင်ꩻသွတ်ꩻ ခွန်တန်တပါꩻ တသေငါꩻတဝ်းဒါႏ ယောသပ်ခရာႏနဝ်ꩻ စတဲင်အုပ်စိုꩻသော့ꩻစွဉ်ႏ အီဂျစ်ခမ်းနဝ်ꩻသွူ။ 19#ထလ ၁:၁၀၊ ၁၁၊ ထလ ၁:၂၂။ ဝွေꩻနဝ်ꩻ လဲဉ်အံႏ နီမွိုးဖြား ဖါဖြားသီးဖုံႏတွော့ꩻ မာꩻမွိုက်ကျံꩻကြမ်ꩻ မွေးစွဉ်ႏဝွေꩻသီး၊ အံႏနွောင်ꩻဝွေꩻသီး၊ ဝွေꩻသီး ပိုပေႏဖုံႏ၊ ဖေႏနေး ဝွေꩻသီး ကသီထိုꩻနဝ်ꩻ အွဉ်ႏထန်ႏနွိုင်ႏထိုꩻ ဝွေꩻသီး လမ်းကောင်းထန်ႏနဝ်ꩻသွူ။ 20#ထလ ၂:၂။ အချိန်ႏယိုနဝ်ꩻထွာ မောသျေ လွူးလွဉ်ချိန်ႏ ထွာလိုꩻပေႏ ယောင်ꩻရေꩻမွေးစွဉ်ႏ တဖြာꩻနဝ်ꩻသွူ။ ဝွေꩻနဝ်ꩻ ထိန်ꩻထွားဟဝ်သော့ꩻဗာႏ လမ်းကိုသွံလာလွုမ်းတဲင်၊ 21#ထလ ၂:၃–၁၀။ ထွိုင်ႏအွဉ်ႏထန်ႏထိုꩻ ဝွေꩻလမ်းကိုချိန်ႏနဝ်ꩻ ခွန်တန်ပိုမူႏ ထူႏလွူးဝွေꩻတဲင် လွူးတန်စွဉ်ႏဝွေꩻ နုဲင်းဝွေꩻမူႏ အပိုခိုရင်ꩻနဝ်ꩻသွူ။ 22ဝွေꩻနဝ်ꩻ သွဉ်ဗာႏလို့ အီဂျစ်ထာꩻဒါႏ ဉာဏ်ႏပညာႏဖုံႏ ကားကအဝ်ႏတဲင် ထာꩻဒေါ့ꩻငဝ်းဖုံႏတွမ်ႏ အထာꩻမာꩻဖုံႏနဝ်ꩻ ထွာလွဉ်စွဉ်ႏ လိုꩻတန်မျတ် တဖြာꩻနဝ်ꩻသွူ။
23 #
ထလ ၂:၁၁–၁၅။ “မောသျေ သက်ထွိုင်ႏလꩻ လစ်ꩻဆီနဝ်ꩻ အီႏထုမ်ႏထွား ဝွေꩻသွꩻ ဣသရေး လိုꩻမျိုꩻဖုံႏ ဝင်ꩻကမာꩻနွောင်ꩻနဝ်ꩻ ဝွေꩻဆွုံꩻဖျတ်နဝ်ꩻသွူ။ 24ဝွေꩻသီးကိုတဖြာꩻ အီဂျစ်လိုꩻမျိုꩻတဖြာꩻ အဝ်ႏနစ်စက်နဝ်ꩻ ဝွေꩻထီႏဗာႏစွဉ်ႏ၊ နဝ်ꩻမꩻ ဝွေꩻလွေꩻအီႏစွဲကိုဝွေꩻတွော့ꩻ မာꩻလုမ်းလီးချာ အီဂျစ်လိုꩻမျိုꩻတဲင် မာꩻသီထိုꩻစွဉ်ႏသွူ။ 25( ဗွေႏဘုရာꩻအဝ်ႏသွုံꩻဝွေꩻ ဖေႏကအွဉ်ႏစွꩻလွစ် ဝွေꩻသီးနဝ်ꩻ ဝွေꩻလိုꩻမျိုꩻဖုံႏ အီႏသေနာႏဒျာႏ ဝွေꩻထင်းနုဲင်းနဝ်ꩻသွူ။ ကွဲႏတွော့ꩻ ဝွေꩻသီး တသေနာႏတဝ်းနဝ်ꩻသွူ။) 26ဆုဲင်ꩻတနီꩻ ဣသရေး လိုꩻမျိုꩻဝင်ꩻနီ အဝ်ႏရွို့ꩻလို့ဝင်ꩻနဝ်ꩻ ဝွေꩻထီႏတဲင် ကျံႏခြယ်မာꩻငိမ်ꩻခွꩻဖေႏ ဝွေꩻသီးတွော့ꩻ၊ ဝွေꩻဒေါ့ꩻ၊ ‘လိုꩻခိုဖုံႏ နာႏဟုဲင်း။ သီနဝ်ꩻထွာ ဣသရေး လိုꩻမျိုꩻ အချင်ꩻချင်ꩻဒျာႏ၊ ပွိုးတမုဲင်ꩻ သီအဝ်ႏရွို့ꩻ လို့ဝင်ꩻ နုဲင်းမုဲင်ꩻဟောင်း’ နုဲင်းနဝ်ꩻသွူ။ 27ကွဲႏတွော့ꩻ ပါꩻအဖြာꩻ ကမာႏသားနဝ်ꩻ နွန်ႏထန်ႏထိုꩻ မောသျေတဲင် ဝွေꩻရီ၊ ‘ ဖေႏကအုပ်စိုꩻနီတဲင် ဖေႏကမာꩻ တရာꩻလိုꩻတန်နဝ်ꩻ ပါꩻမုဲင်ꩻခန်ꩻသေꩻခါꩻ နာꩻဟောင်း။’ 28နုဲင်းနာꩻကမာꩻသီ အီဂျစ်လိုꩻမျိုꩻ မဟာနီꩻနဝ်ꩻ နာꩻမဉ်မာꩻသီ ခွေနဲ့ဟောင်း’ နုဲင်းနဝ်ꩻသွူ။ 29#ထလ ၁၈:၃၊ ၄။ မောသျေ ထွိုင်ႏဟွိုန် နုဲင်းယိုချိန်ႏ ဝွေꩻအဝ်ႏအီဂျစ်ခမ်း ဖင်းလဲ့ အုံသော့ꩻထိုꩻစွဉ်ႏ မိဒျန်ခမ်းကိုနဝ်ꩻသွူ။ နဝ်ꩻကိုနဝ်ꩻ ဝွေꩻလꩻပိုခို နီဖြာꩻသွူ။
30 #
ထလ ၃:၁–၁၀။ “အနေင်ႏလစ်ꩻဆီ ထွိုင်ႏကာႏလဲဉ်းထိုꩻနဝ်ꩻ မို့ꩻလောင်းတမန်ႏ တပါꩻပေါႏနယ်ထေ့ မောသျေ မေႏပျော်ꩻကို မေႏကအဝ်ႏခိုးထာꩻပုန် ကန္တာရတခြာ သုဲင်းနုဲင်းကောင်နဝ်ꩻထျꩻသွူ။ 31နုဲင်းမောသျေ ကအဝ်ႏထီႏဗာႏနဝ်ꩻ ဝွေꩻအံႏဖြာႏငါႏတဲင် ဖေႏကထီႏဗာႏ ဟဝ်ဟဝ်နဝ်ꩻ လွေꩻဗော့ꩻစွဉ်ႏ ထာꩻပုန်သွူ။ ကွဲႏတွော့ꩻ ဝွေꩻဟွိုန် ဗွေႏထာဝရဘုရာꩻငဝ်း၊ 32‘ခွေနဝ်ꩻထွာ နာမွိုးဖြား ဖါဖြားသီးဖုံႏ ဗွေႏဘုရာꩻ၊ အဗြာဟံ၊ ဣသဲစ်တွမ်ႏ ယာကုပ်သီး ဗွေႏဘုရာꩻ၊’ နုဲင်းနဝ်ꩻတဲင် မောသျေ ငမ်းသꩻငါႏတွော့ꩻ ထွားတဗွိုန်ႏတဝ်းသွူ။ 33ထာဝရဘုရာꩻ မိန်းဖေႏဝွေꩻ၊ ‘ဗွောင်ႏထိုꩻ နာꩻခင်ႏဖါႏဟုဲင်း၊ ပွိုးတွော့ꩻ နာꩻကအဝ်ႏအုံထွိုင်ႏဒါႏ ခင်ႏလမ်းနဝ်ꩻ ထွာဟံႏကြောင်းစင်သွူ။ 34ခွေလိုꩻဖုံႏ အီဂျစ်ခမ်းကို ခံႏဗာႏထာꩻနစ်စက် ဒုက္ခနဝ်ꩻ ခွေထီႏဗာႏလဲဉ်းသွူ။ ဝွေꩻသီး ကသောင်ခြင်ꩻဒါႏ ထာꩻနဝ်ꩻ ခွေဟွိုန်လဲဉ်းတဲင် အီႏအွဉ်ႏစွꩻလွစ်ဖေႏ ဝွေꩻသီးနဝ်ꩻ ခွေအဝ်ႏကျွꩻလင်ꩻသွူ။ လွဉ်ယိုခါဟုဲင်း၊ ခွေအီႏအွဉ်ႏစွꩻလွေꩻနာꩻ အီဂျစ်ခမ်းသူꩻ’ နုဲင်းနဝ်ꩻသွူ။
35 #
ထလ ၂:၁၄။ “မောသျေနဝ်ꩻ အဝ်ႏထွာ ပါꩻအဖြာꩻ ဣသရေး လိုꩻမျိုꩻဖုံႏ ကပယ်ႏနဝ်ꩻသွူ။ ဝွေꩻသီးရီ၊ ‘နာꩻနဝ်ꩻ ဖေႏကအုပ်စိုꩻနီတွော့ꩻ ဖေႏကမာꩻနီ တရာꩻလိုꩻတန်နဝ်ꩻ ပါꩻမုဲင်ꩻ ခန်ꩻနာꩻဟောင်း၊’ နုဲင်းနဝ်ꩻသွူ။ ဝွေꩻနဝ်ꩻထွာဒျာႏ ပါꩻအဖြာꩻ ဗွေႏဘုရာꩻ ကအွဉ်ႏစွꩻလွဉ်တွော့ꩻ ဖေႏကအုပ်စိုꩻ လိုꩻဖုံႏတဲင် ဖေႏကအွဉ်ႏစွꩻလွစ်ဖေႏ ဝွေꩻသီးနဝ်ꩻ မို့ꩻလောင်းတမန်ႏ ကပေါႏနယ်ထေ့ဒါႏဝွေꩻ မေႏကအဝ်ႏခိုး ထာꩻပုန်ကိုနဝ်ꩻ အဝ်ႏစွဲကိုသွူ။ 36#ထလ ၇:၃၊ ထလ ၁၄:၂၁၊ ကွ ၁၄:၃၃။ ဝွေꩻနဝ်ꩻ အွဉ်ထန်ႏလိုꩻဖုံႏ အီဂျစ်ခမ်းကိုတွော့ꩻ မာꩻနယ်နိမိတ် လက္ခဏာႏတွမ်ႏ ထာꩻအံႏဖြာႏခရာႏဖုံႏ အီဂျစ်ခမ်းကိုတွမ်ႏ ပင်ႏလယ်ႏတနျာႏထျꩻ စွဉ်ႏကန္တာရ ထာꩻခြာကို နေင်ႏပေါင်ꩻ လစ်ꩻဆီသွူ။ 37#ဟော်ꩻ ၁၈:၁၅၊ ၁၈။ မောသျေနဝ်ꩻထွာ ပါꩻအဖြာꩻ ကဒေါ့ꩻဖေႏဒါႏ၊ ဣသရေး လိုꩻမျိုꩻဖုံႏ၊ ‘ဗွိုန်နုဲင်းဝွေꩻဗွေႏ အွဉ်ႏစွꩻလွဉ် ခွေအတွိုင်ꩻ ဗွေႏဘုရာꩻ အီႏအွဉ်ႏစွꩻလွဉ်ဖေႏသီ ပရောဖဲစ်တပါꩻတဲင် ဝွေꩻနဝ်ꩻ အီႏထွာလွဉ်ဗာႏဒျာႏ သီလိုꩻမျိုꩻကို တဖြာꩻ’ နုဲင်းနဝ်ꩻသွူ။ 38#ထလ ၁၉:၁—၂၀:၁၇၊ ဟော်ꩻ ၅:၁–၃၃။ ပါꩻကအဝ်ႏငီꩻစွဉ်ႏ ဣသရေး လိုꩻမျိုꩻဖုံႏ ကအဝ်ႏစုဗူႏသော့ꩻဒါႏ ကန္တာရထာꩻခြာကို၊ ဝွေꩻနဝ်ꩻ အဝ်ႏငီꩻစွဉ်ႏ နီမွိုးဖြား ဖါဖြားသီးဖုံႏ နဝ်ꩻကိုတဲင် စွဉ်ႏမို့ꩻလောင်းတမန်ႏ ကအဝ်ႏဒေါ့ꩻရီဒါႏဝင်ꩻ ကောင်သုဲင်းနုဲင်း လောင်းတွော့ꩻ ကအဝ်ႏလက်ခံႏလꩻဒါႏ သက်မွန်ဗွေႏဘုရာꩻ အတရာꩻငဝ်း ကအီႏဟော်ꩻဖေႏဒါႏ နီလောင်းနဝ်ꩻ ထွာဝွေꩻနဝ်ꩻသွူ။
39“ကွဲႏတွော့ꩻ နီမွိုးဖြား ဖါဖြားသီးဖုံႏနဝ်ꩻ လွောက်ꩻနာႏတဝ်း ဝွေꩻငဝ်းနဝ်ꩻသွူ။ ဝွေꩻသီး မဉ်သဲင်ꩻချာဒျာႏ အီဂျစ်ခမ်းနဝ်ꩻမꩻ ဝွေꩻသီး နွန်ႏထန်ႏထိုꩻ ဝွေꩻနဝ်ꩻသွူ။ 40#ထလ ၃၂:၁။ နဝ်ꩻမꩻ ဝွေꩻသီးဒေါ့ꩻဖေႏ အာရုန်၊ ‘ မာꩻဖေႏသွော့ နီဘုရာꩻတပါꩻပါꩻ ကအီႏအွဉ်လွေꩻဒါႏ နီနဝ်ꩻဖုံႏ။ ကအွဉ်ထန်ႏဒါႏနီ အီဂျစ်ခမ်း ပါꩻခိုမောသျေနဝ်ꩻ ထွာလဲဉ်း နုဲင်းမုဲင်ꩻနဝ်ꩻ နီတသေတဝ်း’ နုဲင်းနဝ်ꩻသွူ။ 41#ထလ ၃၂:၂–၆။ နဝ်ꩻထွူ ဝွေꩻသီးမာꩻ ဖိုးထီးရွုတ်တုတဗာႏ၊ ပူႏဇောႏဖေႏ ရွုတ်တု ယဇ်ထာꩻပူႏဇောႏတဲင် နုဲင်းဝွေꩻသီးနမ်း ကအဝ်ႏမာꩻလဲဉ်းနဝ်ꩻ မာꩻစွဉ်ႏ ပွယ်ꩻထူႏဂွုဏ်ႏသွူ။ 42#အာ ၅:၂၅–၂၇ (LXX)။ နဝ်ꩻမꩻ ဗွေႏဘုရာꩻ အဝ်ႏဝွေꩻသီးထျꩻ ခွယ်ညာꩻထိုꩻတဲင် အွဉ်ႏစွဉ်ႏဝွေꩻသီး ဝုဲင်ႏကိုꩻကွယ်ႏထိုꩻ ဆာႏဖုံႏမို့ꩻလောင်း နုဲင်းလိတ်ကျမ်ꩻကို ကတဲမ်းသေꩻခါꩻဒါႏ၊
‘ဣသရေး လိုꩻမျိုꩻဖုံႏဟွေး၊ ကန္တာရထာꩻခြာကို နေင်ႏပေါင်ꩻ လစ်ꩻဆီလွုမ်းလွုမ်း၊
သီကမာꩻသီတွော့ꩻ ကပူႏဇောႏဒါႏ ယဇ်ထာꩻသားဖုံႏ နဝ်ꩻနဝ်ꩻ၊
ထွာခွေတာႏ တမွေးတဝ်းသွူ။
43သီကအဝ်ႏတော လွေꩻဒါႏနဝ်ꩻ ထွာဒျာႏ မောလွိုက် ဘုရာꩻသုမ်း၊
တွမ်ႏရဲဖန်ရွုတ်တု၊ သီဆာႏဘုရာꩻ တာႏဒျာႏသွူ။
ရွုတ်တု နဝ်ꩻဖုံႏနဝ်ꩻ သီမာꩻ အီႏကိုꩻကွယ်ႏ တာႏနဝ်ꩻသွူ။
နဝ်ꩻမꩻ သီနဝ်ꩻ ခွေအီႏဝါးထန်ႏ ပသာတလဲဉ်ႏထိုꩻ ဗာဗုလုန်ခမ်း’ နုဲင်းနဝ်ꩻသွူ။
44 # ထလ ၂၅:၉၊၄၀။ “နီမွိုးဖြား ဖါဖြားသီႏ ဗွေႏဘုရာꩻ ကနင်းဒါႏ သုမ်းတောႏနဝ်ꩻ အဝ်ႏငီꩻစွဉ်ႏ ဝွေꩻသီး ကန္တာရထာꩻခြာကိုသွူ။ သုမ်းတောႏနဝ်ꩻ ဖေႏကမာꩻ နုဲင်းဗွေႏဘုရာꩻ ကဒေါ့ꩻနယ်ဖေႏဒါႏ မောသျေအတွိုင်ꩻ နုဲင်းမောသျေ ကအွဉ်ႏနယ် ဖေႏလဲဉ်းသွူ အတွိုင်ꩻနဝ်ꩻ မာꩻမဲဉ်ႏလွဉ်ꩻစွဉ်ႏသွူ။ 45#ယောသျု ၃:၁၄–၁၇။ ဆုဲင်ꩻနဝ်ꩻ နီမွိုးဖြား ဖါဖြားသီး နုဲင်းဝွေꩻသီး ကလꩻသွုပ်ဒါႏ ဝွေꩻသီး ဖါဖုံႏထျꩻ သုမ်းတောႏနဝ်ꩻ အီလွေꩻငီꩻပါ တွမ်ႏဝွေꩻသီး၊ နုဲင်းဝွေꩻသီး ကလွေꩻငီꩻစွဉ်ႏ ယောသျုချိန်ႏ သုမ်းတောႏနဝ်ꩻ အီလွေꩻသော့ꩻထိုꩻ လိုꩻမျိုꩻဖုံႏ ဗွေႏဘုရာꩻ ကဝါးထန်ႏရီး ထိုꩻဖေႏဒါႏ အခမ်းထီကိုနဝ်ꩻသွူ။ သုမ်းတောႏနဝ်ꩻ အွဉ်ႏဗꩻတွိုႏစွဉ်ႏ ခွန်ဒါဝိဒ်စိုးသွူ။ 46#၂သျာ ၇:၁–၁၆၊ ၁ရာႏချုပ် ၁၇:၁–၁၄။ ဒါဝိဒ်လꩻမဲ့ငါ ဗွေႏဘုရာꩻထျꩻတဲင် ဝွေꩻဖေႏကလꩻအခွင်ꩻ ကမာꩻဗာႏ ယာကုပ် ဗွေႏဘုရာꩻတာႏ ကနင်းဒါႏ ဗိမာန်ႏတောႏကျောင်ꩻ ခင်ႏလမ်းနဝ်ꩻ ဝွေꩻဆုတောင်ꩻ စွဉ်ႏဗွေႏဘုရာꩻသွူ။ 47#၂သျာ ၇:၁–၁၆၊ ၁ရာႏချုပ် ၁၇:၁–၁၄။ ကွဲႏတွော့ꩻ ပါꩻကတယ်ႏဗာႏဒါႏ ဝွေꩻဗွေႏအလမ်းနဝ်ꩻ ထွာတောဒျာႏ သောလမုန်သွူ။
48“ကွဲႏတွော့ꩻ အထိုသွတ်ꩻ ဗွေႏဘုရာꩻနဝ်ꩻ တအုံသော့ꩻတဝ်းလမ်း ကတယ်ႏနေးဒါႏ စွဉ်ႏလိုꩻစူနဝ်ꩻသွူ။ နုဲင်းပရောဖဲစ်ဖုံႏ ကဒေါ့ꩻသေꩻခါꩻ၊
49 # ဟေသျာ ၆၆:၁၊ ၂။ ‘ထာဝရဘုရာꩻရိုꩻ၊ ခမ်းထီမို့ꩻလောင်းနဝ်ꩻ ထွာဒျာႏ ခွေပလ္လင်ႏတဲင်၊
ဟံႏတန်နဝ်ꩻထွာဒျာႏ ခွေခင်ႏ အွဉ်ႏဒင်ႏ ခင်ႏလမ်းသွူ။
သီကတယ်ႏဒါႏ ခွေတာႏနဝ်ꩻ ထွာလမ်း အစားမုဲင်ꩻဟောင်း။
ခွေအီႏအုံသော့ꩻတာႏ ခင်ႏလမ်းနဝ်ꩻ အဝ်ႏမုဲင်ꩻကိုဟောင်း။
50ထာꩻယိုဖုံႏ ကားကအဝ်ႏနဝ်ꩻ ခွေနမ်းမာꩻဒျာႏ တမွေးတဝ်းဟောင်း’ နုဲင်းနဝ်ꩻသွူ။
51 # ဟေသျာ ၆၃:၁၀။ တတေဖန် ဒေါ့ꩻသွုပ်၊ “သီမွော့ꩻ ကော့ဆွော့ꩻငါႏ နုဲင်းနဝ်ꩻ၊ သီမွော့ꩻနုတ်ꩻငါႏ ခွိုင်းကားမုဲင်ꩻ၊ သီကအီႏဟွိုန်ဒါႏ ဗွေႏဘုရာꩻ တရာꩻငဝ်းနဝ်ꩻ သီနားမွော့ꩻအွိုင်ငါႏ ခွိုင်းကားမုဲင်ꩻ၊ သီနဝ်ꩻ ဗွိုန်နုဲင်း သီမွိုးဖြား ဖါဖြားသီးဖုံႏနဝ်ꩻသွူ။ သီနဝ်ꩻတဲ့ အဝ်ႏဆန် သေႏသေႏဒျာႏ ကြောင်းစင် ဝိညာဉ်ႏတောႏသွူ။ 52သီမွိုးဖြား ဖါဖြားသီးဖုံႏနဝ်ꩻ တနစ်စက်တဝ်း ပရောဖဲစ် တပါꩻပါꩻ အဝ်ႏနေဟောင်း။ ကအဝ်ႏကေႏညာႏ ညလဲဉ်းဒါႏ ဗွေႏဘုရာꩻ အတရာꩻဟော်ꩻသားဖုံႏ ကကျွꩻလွဉ်ဒါႏ ဝွေꩻဗွေႏ အသွဉ်းစွို့ꩻစွဉ်ႏဖုံႏနဝ်ꩻ ဝွေꩻသီး မာꩻသီထိုꩻစွဉ်ႏသွူ။ ယိုခါ သီတဲ့ သစ္စာႏဖေါက်တဲင် မာꩻသီထိုꩻ ဝွေꩻဗွေႏသွူ။ 53စွဉ်ႏမို့ꩻလောင်းတမန်ႏဖုံႏ ပါꩻအဖြာꩻ ကလက္ခံႏလꩻလဲဉ်းဒါႏ ဗွေႏဘုရာꩻ ပညတ်တောႏဖုံႏနဝ်ꩻ ထွာဒျာႏသီသွူ၊ ကွဲႏတွော့ꩻ ပညတ်တောႏ နဝ်ꩻဖုံႏနဝ်ꩻ သီတလွောက်ꩻနာႏတဝ်း” နုဲင်းနဝ်ꩻသွူ။
နုဲင်ႏနိုတတေဖန်တွမ်ႏလုံးတူႏဖုံႏ
54ကောင်စီစွုမ်ꩻစွိုꩻ ထွိုင်ႏဟွိုန်ဗာႏ တတေဖန် ဒေါ့ꩻဟော်ငဝ်းနဝ်ꩻ ဝွေꩻသီး ဒေါသထန်ႏ မွေးနေးစွဉ်ႏတဲင် စွဉ်ႏထာꩻသꩻလျား ဝွေꩻသီး တငါဖုံႏနဝ်ꩻ အဲင်ႏစုဲင်ထေ့နယ်စွဉ်ႏ ဝွေꩻသွူ။ 55ကွဲႏတွော့ꩻ တတေဖန်နဝ်ꩻ အဝ်ႏဗွေစွဉ်ႏ ကြောင်းစင် ဝိညာဉ်ႏတောႏတဲင် ထွားကီထင်ႏ ခမ်းထီမို့ꩻလောင်းတွော့ꩻ ထီႏဗာႏဗွေႏဘုရာꩻ ဘွုန်ꩻသရေႏတွမ်ႏ ဗွေႏယေသျု အဝ်ႏအုံထွိုင်ႏ ဗွေႏဘုရာꩻ စူထွေဖဲ့ꩻနဝ်ꩻသွူ။ 56ဝွေꩻဒေါ့ꩻ၊ “ထွားမွိုင် ခွေထီႏဗာႏ မို့ꩻဗွောင်တဲင် လိုꩻပိုခိုနဝ်ꩻ အဝ်ႏအုံလင်ꩻထာꩻ ဗွေႏဘုရာꩻ စူထွေဖဲ့ꩻ” နုဲင်းနဝ်ꩻသွူ။
57ကောင်စီစွုမ်ꩻစွိုꩻဖုံႏ ခြောဝ်သန်အငဝ်းဖုံႏတွော့ꩻ စွဉ်ႏဝွေꩻသီးအစူ ပေ့ꩻချာစွဉ်ႏ ဝွေꩻသီးနားဖုံႏသွူ။ နဝ်ꩻထွူ တလဲင်ႏချင်ꩻ ဝွေꩻသီး ကားကအဝ်ႏ ဖင်းတနဲဉ်ထေ့လွဉ် ဝွေꩻထျꩻတဲင် 58တရွစ်ꩻထန်ႏဝွေꩻ ဝေင်ꩻကောင်းထန်ႏဖဲ့ꩻတွော့ꩻ တွမ်ႏလုံးတူႏဖုံႏ နုဲင်ႏနိုစွဉ်ႏဝွေꩻသွူ။ သက်သေႏခံႏသားဖုံႏနဝ်ꩻ အွဉ်ႏကုဲင် ဝွေꩻသီး ဆဲင်ꩻယွုံးတန်ဖုံႏ လိုꩻယွဲတဖြာꩻ မဉ်ꩻကဟဲ့ꩻဒါႏ သျောလုထျꩻနဝ်ꩻသွူ။ 59ဝွေꩻသီး အဝ်ႏနုဲင်ႏနိုသွုပ်သွုပ်လူး တတေဖန် တွမ်ႏလုံးတူႏတွင်ꩻ ဝွေꩻဟဲ့ꩻခြောဝ်ထင်ႏ ဗွေႏဘုရာꩻတဲင်ရိုꩻ၊ “ဗွေႏယေသျု၊ လက်ခံႏဖေႏ ခွေသွဉ်းဝိညာဉ်ႏမွိုင်” နုဲင်းနဝ်ꩻသွူ။ 60ဝွေꩻထောက်လင်ꩻ ခင်ႏလေင်းတဲင် ခြောဝ်ထန်ႏသန်ငဝ်းတငွါ၊ ဗွေႏ၊ တွမ်ႏမတ်ခါꩻမွိုန်း ဝွေꩻသီးအ ပဲစ်ဖုံႏဟုဲင်း၊” ဝွေꩻဒေါ့ꩻနုဲင်းယိုတဲင် သီထိုꩻစွဉ်ႏသွူ။
ទើបបានជ្រើសរើសហើយ៖
တမန်ႏတောႏ 7: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 7
7
တတေဖန်ကဒေါ့ꩻဟော်ꩻ
1ယဇ်ပရောဟိတ်ခွန် ရီတတေဖန်၊ “ယိုနဝ်ꩻ မွေးနေဟောင်း” နုဲင်းနဝ်ꩻသွူ။
2 #
ကမ္ဘာႏ ၁၂:၁။ တတေဖန်လဝ်းချာ၊ “ဖူးခိုဝေးခိုဖုံႏ တွမ်ႏဖါဖုံႏ၊ နာႏသွော့ ခွေငဝ်း၊ ခလားနီဖါဖြား အဗြာဟံ ကလွေꩻအုံသော့ꩻ ဟာရန်ခမ်းကိုချိန်ႏနဝ်ꩻ ဗွေႏဘုရာꩻ ဘွုန်ꩻသရေႏ ပေါႏလွဉ်ထေ့ဝွေꩻ မဲက်သိုပိုတေးမီးယား ခမ်းကိုတဲင်၊။ 3မိန်းဖေႏဝွေꩻ၊ ‘အွဉ်ႏကုဲင်ထိုꩻ နာꩻတမွိုးဖါပိုစွိုꩻဖုံႏတွမ်ႏ ခမ်းထီတဲင် လွေꩻသွော့ ခွေကအီႏအွဉ်ႏနယ်နာꩻ ခမ်းထီသူꩻဟုဲင်း’ နုဲင်းနဝ်ꩻသွူ။ 4#ကမ္ဘာႏ ၁၁:၃၁၊ ကမ္ဘာႏ ၁၂:၄။ နဝ်ꩻမꩻ ဝွေꩻထန်ႏထိုꩻ ဝွေꩻခမ်းထီတဲင် လွေꩻအုံသော့ꩻထိုꩻ ဟာရန်ခမ်းကို နဝ်ꩻသွူ။ အဗြာဟံဖါ ထွိုင်ႏသီထွူနဝ်ꩻ ဗွေႏဘုရာꩻ ထွဉ်ႏဝွေꩻခြုဲင်းလွေꩻ ယိုခါ သီကအဝ်ႏအုံသော့ꩻဒါႏ ခင်ႏလမ်း ခမ်းယိုနဝ်ꩻသွူ။ 5#ကမ္ဘာႏ ၁၂:၇၊ ၁၃:၁၅၊ ၁၅:၁၈၊ ၁၇:၈။ နုဲင်းအဗြာဟံ အပဲင်ႏနဝ်ꩻ ဟံႏတပေ ပတ်မွန်ꩻငါတဲ့ ဗွေႏဘုရာꩻ တဖေႏတဝ်းဒွိုန်း ဝွေꩻသွူ။ ကွဲႏတွော့ꩻ အီႏဖေႏ ဝွေꩻတွမ်ႏ ဝွေꩻပိုလီꩻစွိုးခွိုꩻဖုံႏ ဟံႏအပဲင်ႏနဝ်ꩻ ဗွေႏဘုရာꩻ အွဉ်ႏဂတိခါꩻဝွေꩻသွူ။ ဗွေႏဘုရာꩻ ကအွဉ်ႏဂတိဒါႏ ယိုချိန်ႏနဝ်ꩻ အဗြာဟံပို တအဲဉ်ထဝ်းဒွိုန်းသွူ။ 6#ကမ္ဘာႏ ၁၅:၁၃၊ ၁၄။ ဗွေႏဘုရာꩻ ကမိန်းဖေႏဒါႏဝွေꩻနဝ်ꩻ နုဲင်းယို၊ ‘နာꩻပိုလီꩻစွိုးခွိုꩻဖုံႏနဝ်ꩻ အီႏအုံသော့ꩻဗာႏ ခမ်းလင်တခမ်းကို၊ နဝ်ꩻကိုနဝ်ꩻ ဝွေꩻသီးအီႏခံႏဗာႏ ဝင်ꩻသွဉ်းတဲင် အီႏခံႏဗာႏ ထာꩻဒုက္ခ ထာꩻနစ်စက် နေင်ႏပေါင်ꩻ၄၀ဝသွူ။ 7#ထလ ၃:၁၂။ ကွဲႏတွော့ꩻ ခွေနဝ်ꩻ အီႏစီႏရင်ႏ ဖေႏတံႏ လိုꩻကထွဉ်ႏအံႏဒါႏ ဝွေꩻသီးတဲင် နဝ်ꩻထွူ နာꩻပိုလီꩻ စွိုးခွိုꩻဖုံႏ အီႏထန်ႏလွဉ်ဗာႏ ခမ်းထီနဝ်ꩻတွော့ꩻ အီႏဝုဲင်ႏ ကိုꩻကွယ်ႏသော့ꩻဗာႏခွေ ခင်ႏလမ်းယိုကို’ နုဲင်းနဝ်ꩻသွူ။ 8#ကမ္ဘာႏ ၁၇:၁၀–၁၄၊ ကမ္ဘာႏ ၂၁:၂–၄၊ ကမ္ဘာႏ ၂၅:၂၆၊ ကမ္ဘာႏ ၂၉:၃၁—၃၅:၁၈။ တွိုႏနဝ်ꩻ နုဲင်းပဋိညာဉ်ႏ လက္ခဏာႏတစွိုးအနေႏ ဗွေႏဘုရာꩻနဝ်ꩻ ထွဉ်ႏအဗြာဟံ စီႏမံႏသွို့ꩻလိုꩻခို အင်္ဂါႏနာပီ မင်္ဂလာႏနဝ်ꩻသွူ။ နဝ်ꩻမꩻ ဣသဲစ် လွူးလွဉ်ထွူ လꩻနွတ်ꩻနီꩻနဝ်ꩻ အဗြာဟံ သွို့ꩻဖေႏဝွေꩻ လိုꩻခိုအင်္ဂါႏနာပီ မင်္ဂလာႏနဝ်ꩻသွူ။ ဣသဲစ်နဝ်ꩻ သွို့ꩻထိုꩻဖေႏ ဝွေꩻပိုခိုယာကုပ် အင်္ဂါႏနာပီ မင်္ဂလာႏတဲင် ယာကုပ်နဝ်ꩻ သွို့ꩻဖေႏ ဝွေꩻပိုခိုဖုံႏ တဆီနီဖြာꩻ အင်္ဂါႏနာပီမင်္ဂလာႏ၊ မဉ်ꩻကကျော်ႏငါႏ နီလိုꩻမျိုꩻ အမွိုးဖြား ဖါဖြားသီး ဖုံႏနဝ်ꩻသွူ။
9 #
ကမ္ဘာႏ ၃၇:၁၁၊
ကမ္ဘာႏ ၃၇:၂၈၊
ကမ္ဘာႏ ၃၉:၂၊ ၂၁။ “ယာကုပ်ပိုခိုဖုံႏနဝ်ꩻ တကေးလွဉ် ဝွေꩻသီးဖူးခို ယောသပ်တဲင် ဖေႏကထွာသွဉ်းတဖြာꩻ အီဂျစ်ခမ်းကိုနဝ်ꩻ စာအံႏထိုꩻဝွေꩻသွူ။ ကွဲႏတွော့ꩻ ဗွေႏဘုရာꩻနဝ်ꩻ အဝ်ႏငီꩻစွဉ်ႏဝွေꩻ 10#ကမ္ဘာႏ ၄၁:၃၉–၄၁။ တဲင်ဟဲ့ꩻထန်ႏ လုမ်းဗဉ်ႏစွဉ်ႏ ဝွေꩻထာꩻဒုက္ခဖုံႏ ကားကအဝ်ႏကိုသွူ။ ယောသပ် ထွိုင်ႏဖျော်လွဉ် အီဂျစ်ခွန်တန် ဆꩻငါချိန်ႏ ဗွေႏဘုရာꩻ မာꩻဖေႏဝွေꩻ ထွာလိုꩻလꩻမဲ့ငါစွဉ်ႏ ဉာဏ်ႏပညာႏ အဝ်ႏသား တဖြာꩻတွော့ꩻ ခွန်တန်ခန်ꩻစွဉ်ႏ ယောသပ် ခွန်ခံႏ အုပ်တခမ်းလွုမ်းတွမ်ႏ ဟော်နန်ꩻ တဖြုံႏလွုမ်းနဝ်ꩻသွူ။ 11#ကမ္ဘာႏ ၄၂:၁၊ ၂။ နဝ်ꩻထွူ အီဂျစ် တခမ်းလွုမ်းတွမ်ႏ ခါနန်ခမ်းနဝ်ꩻ ထာꩻအံႏအွꩻ ခြောလွဉ်တွော့ꩻ မော့ꩻမွေးနေးစွဉ်ႏ ထာꩻဒုက္ခဖုံႏနဝ်ꩻသွူ။ နီမွိုးဖြား ဖါဖြားသီးဖုံႏနဝ်ꩻ ထုမ်ႏထာꩻအံႏ တစိꩻစိꩻတဲ့ တလꩻတဝ်း၊ 12နဝ်ꩻမꩻယာကုပ် ထွိုင်ႏဟွိုန် အီဂျစ်ခမ်းကို ဗွူဟူအဝ်ႏနဝ်ꩻ ဝွေꩻအွဉ်ႏစွꩻလွေꩻ ဝွေꩻပိုခိုဖုံႏ၊ ကထွာနီမွိုးဖြား ဖါဖြားသီးတဲင် ဝွေꩻသီး ဖျော်တွိုႏလွေꩻ အရီးသွတ်ꩻ နဝ်ꩻကိုသွူ။ 13#ကမ္ဘာႏ ၄၅:၁၊ ကမ္ဘာႏ ၄၅:၁၆။မော့ꩻခွဲစွဉ်ႏ ယောသပ် ဒုတိယလဲင်ႏတွော့ꩻ ဝွေꩻနမ်း အွဉ်ႏသေဖေႏ ဝွေꩻဖူးခိုဖုံႏတဲင် အီဂျစ်ခွန်တန်နဝ်ꩻ သေလွဉ်စွဉ်ႏ ယောသပ် တမွိုးဖါပိုစွိုꩻဖုံႏ ခရာႏသွူ။ 14#ကမ္ဘာႏ ၄၅:၉၊၁၀,၁၇,၁၈၊ ကမ္ဘာႏ ၄၆:၂၇ (LXX)။ နဝ်ꩻမꩻ ယောသပ်နဝ်ꩻ ပသာလွေꩻထေ့ သတင်ꩻဖေႏသား တဖြာꩻ ဝွေꩻဖါ ယာကုပ်ထျꩻ ထွန်ႏဒေါ့ꩻယာကုပ် တွမ်ႏဝွေꩻတမွိုးဖါပိုစွိုꩻ တစွိုꩻလွုမ်း လိုꩻနွတ်ꩻဆီငတ်ꩻဖြာꩻ ဖေႏကလွဉ်ထေ့ အီဂျစ်ခမ်းနဝ်ꩻသွူ။ 15#ကမ္ဘာႏ ၄၆:၁–၇၊ ကမ္ဘာႏ ၄၉:၃၃။ နဝ်ꩻထွူ ယာကုပ်ထန်ႏလွေꩻ အီဂျစ်ခမ်း တွမ်ႏဝွေꩻပိုခိုဖုံႏတွော့ꩻ သီသော့ꩻထိုꩻ ခမ်းနဝ်ꩻကိုသွူ။ 16#ကမ္ဘာႏ ၂၃:၃–၁၆၊ ၃၃:၁၉၊ ၅၀:၇–၁၃၊ ယောသျု ၂၄:၃၂။ ဝွေꩻသီး ရုပ်ခန္ဓာႏဖုံႏနဝ်ꩻ ထူႏလွေꩻထိုꩻ ဝေင်ꩻသျေခိမ်တွော့ꩻ ဝွေꩻသီးနဝ်ꩻ သင်္ဂြိုဟ်ႏသော့ꩻ သဲင်ႏခဲင်ꩻကို အဗြာဟံ ကဖြေꩻလဲဉ်းဒါႏစွဉ်ႏရွဉ် ဟာမော်ခွိုꩻနွယ်ႏ ထျꩻနဝ်ꩻသွူ။
17 #
ထလ ၁:၇၊ ၈။ “ဗွေႏဘုရာꩻ ကအွဉ်ႏခါꩻ ဂတိ ဝွေꩻဗွေႏ ကမာꩻခါꩻလဲဉ်းဒါႏ အဗြာဟံ အချိန်ႏ ထွိုင်ႏဗော့ꩻလွဉ် နီလိုꩻဖုံႏ ကအဝ်ႏသော့ꩻဒါႏ အီဂျစ်ခမ်းကိုနဝ်ꩻ လိုꩻအဖြာꩻ အာလွဉ်မွေးနေးစွဉ်ႏသွူ။ 18အဆုဲင်ꩻသွတ်ꩻ ခွန်တန်တပါꩻ တသေငါꩻတဝ်းဒါႏ ယောသပ်ခရာႏနဝ်ꩻ စတဲင်အုပ်စိုꩻသော့ꩻစွဉ်ႏ အီဂျစ်ခမ်းနဝ်ꩻသွူ။ 19#ထလ ၁:၁၀၊ ၁၁၊ ထလ ၁:၂၂။ ဝွေꩻနဝ်ꩻ လဲဉ်အံႏ နီမွိုးဖြား ဖါဖြားသီးဖုံႏတွော့ꩻ မာꩻမွိုက်ကျံꩻကြမ်ꩻ မွေးစွဉ်ႏဝွေꩻသီး၊ အံႏနွောင်ꩻဝွေꩻသီး၊ ဝွေꩻသီး ပိုပေႏဖုံႏ၊ ဖေႏနေး ဝွေꩻသီး ကသီထိုꩻနဝ်ꩻ အွဉ်ႏထန်ႏနွိုင်ႏထိုꩻ ဝွေꩻသီး လမ်းကောင်းထန်ႏနဝ်ꩻသွူ။ 20#ထလ ၂:၂။ အချိန်ႏယိုနဝ်ꩻထွာ မောသျေ လွူးလွဉ်ချိန်ႏ ထွာလိုꩻပေႏ ယောင်ꩻရေꩻမွေးစွဉ်ႏ တဖြာꩻနဝ်ꩻသွူ။ ဝွေꩻနဝ်ꩻ ထိန်ꩻထွားဟဝ်သော့ꩻဗာႏ လမ်းကိုသွံလာလွုမ်းတဲင်၊ 21#ထလ ၂:၃–၁၀။ ထွိုင်ႏအွဉ်ႏထန်ႏထိုꩻ ဝွေꩻလမ်းကိုချိန်ႏနဝ်ꩻ ခွန်တန်ပိုမူႏ ထူႏလွူးဝွေꩻတဲင် လွူးတန်စွဉ်ႏဝွေꩻ နုဲင်းဝွေꩻမူႏ အပိုခိုရင်ꩻနဝ်ꩻသွူ။ 22ဝွေꩻနဝ်ꩻ သွဉ်ဗာႏလို့ အီဂျစ်ထာꩻဒါႏ ဉာဏ်ႏပညာႏဖုံႏ ကားကအဝ်ႏတဲင် ထာꩻဒေါ့ꩻငဝ်းဖုံႏတွမ်ႏ အထာꩻမာꩻဖုံႏနဝ်ꩻ ထွာလွဉ်စွဉ်ႏ လိုꩻတန်မျတ် တဖြာꩻနဝ်ꩻသွူ။
23 #
ထလ ၂:၁၁–၁၅။ “မောသျေ သက်ထွိုင်ႏလꩻ လစ်ꩻဆီနဝ်ꩻ အီႏထုမ်ႏထွား ဝွေꩻသွꩻ ဣသရေး လိုꩻမျိုꩻဖုံႏ ဝင်ꩻကမာꩻနွောင်ꩻနဝ်ꩻ ဝွေꩻဆွုံꩻဖျတ်နဝ်ꩻသွူ။ 24ဝွေꩻသီးကိုတဖြာꩻ အီဂျစ်လိုꩻမျိုꩻတဖြာꩻ အဝ်ႏနစ်စက်နဝ်ꩻ ဝွေꩻထီႏဗာႏစွဉ်ႏ၊ နဝ်ꩻမꩻ ဝွေꩻလွေꩻအီႏစွဲကိုဝွေꩻတွော့ꩻ မာꩻလုမ်းလီးချာ အီဂျစ်လိုꩻမျိုꩻတဲင် မာꩻသီထိုꩻစွဉ်ႏသွူ။ 25( ဗွေႏဘုရာꩻအဝ်ႏသွုံꩻဝွေꩻ ဖေႏကအွဉ်ႏစွꩻလွစ် ဝွေꩻသီးနဝ်ꩻ ဝွေꩻလိုꩻမျိုꩻဖုံႏ အီႏသေနာႏဒျာႏ ဝွေꩻထင်းနုဲင်းနဝ်ꩻသွူ။ ကွဲႏတွော့ꩻ ဝွေꩻသီး တသေနာႏတဝ်းနဝ်ꩻသွူ။) 26ဆုဲင်ꩻတနီꩻ ဣသရေး လိုꩻမျိုꩻဝင်ꩻနီ အဝ်ႏရွို့ꩻလို့ဝင်ꩻနဝ်ꩻ ဝွေꩻထီႏတဲင် ကျံႏခြယ်မာꩻငိမ်ꩻခွꩻဖေႏ ဝွေꩻသီးတွော့ꩻ၊ ဝွေꩻဒေါ့ꩻ၊ ‘လိုꩻခိုဖုံႏ နာႏဟုဲင်း။ သီနဝ်ꩻထွာ ဣသရေး လိုꩻမျိုꩻ အချင်ꩻချင်ꩻဒျာႏ၊ ပွိုးတမုဲင်ꩻ သီအဝ်ႏရွို့ꩻ လို့ဝင်ꩻ နုဲင်းမုဲင်ꩻဟောင်း’ နုဲင်းနဝ်ꩻသွူ။ 27ကွဲႏတွော့ꩻ ပါꩻအဖြာꩻ ကမာႏသားနဝ်ꩻ နွန်ႏထန်ႏထိုꩻ မောသျေတဲင် ဝွေꩻရီ၊ ‘ ဖေႏကအုပ်စိုꩻနီတဲင် ဖေႏကမာꩻ တရာꩻလိုꩻတန်နဝ်ꩻ ပါꩻမုဲင်ꩻခန်ꩻသေꩻခါꩻ နာꩻဟောင်း။’ 28နုဲင်းနာꩻကမာꩻသီ အီဂျစ်လိုꩻမျိုꩻ မဟာနီꩻနဝ်ꩻ နာꩻမဉ်မာꩻသီ ခွေနဲ့ဟောင်း’ နုဲင်းနဝ်ꩻသွူ။ 29#ထလ ၁၈:၃၊ ၄။ မောသျေ ထွိုင်ႏဟွိုန် နုဲင်းယိုချိန်ႏ ဝွေꩻအဝ်ႏအီဂျစ်ခမ်း ဖင်းလဲ့ အုံသော့ꩻထိုꩻစွဉ်ႏ မိဒျန်ခမ်းကိုနဝ်ꩻသွူ။ နဝ်ꩻကိုနဝ်ꩻ ဝွေꩻလꩻပိုခို နီဖြာꩻသွူ။
30 #
ထလ ၃:၁–၁၀။ “အနေင်ႏလစ်ꩻဆီ ထွိုင်ႏကာႏလဲဉ်းထိုꩻနဝ်ꩻ မို့ꩻလောင်းတမန်ႏ တပါꩻပေါႏနယ်ထေ့ မောသျေ မေႏပျော်ꩻကို မေႏကအဝ်ႏခိုးထာꩻပုန် ကန္တာရတခြာ သုဲင်းနုဲင်းကောင်နဝ်ꩻထျꩻသွူ။ 31နုဲင်းမောသျေ ကအဝ်ႏထီႏဗာႏနဝ်ꩻ ဝွေꩻအံႏဖြာႏငါႏတဲင် ဖေႏကထီႏဗာႏ ဟဝ်ဟဝ်နဝ်ꩻ လွေꩻဗော့ꩻစွဉ်ႏ ထာꩻပုန်သွူ။ ကွဲႏတွော့ꩻ ဝွေꩻဟွိုန် ဗွေႏထာဝရဘုရာꩻငဝ်း၊ 32‘ခွေနဝ်ꩻထွာ နာမွိုးဖြား ဖါဖြားသီးဖုံႏ ဗွေႏဘုရာꩻ၊ အဗြာဟံ၊ ဣသဲစ်တွမ်ႏ ယာကုပ်သီး ဗွေႏဘုရာꩻ၊’ နုဲင်းနဝ်ꩻတဲင် မောသျေ ငမ်းသꩻငါႏတွော့ꩻ ထွားတဗွိုန်ႏတဝ်းသွူ။ 33ထာဝရဘုရာꩻ မိန်းဖေႏဝွေꩻ၊ ‘ဗွောင်ႏထိုꩻ နာꩻခင်ႏဖါႏဟုဲင်း၊ ပွိုးတွော့ꩻ နာꩻကအဝ်ႏအုံထွိုင်ႏဒါႏ ခင်ႏလမ်းနဝ်ꩻ ထွာဟံႏကြောင်းစင်သွူ။ 34ခွေလိုꩻဖုံႏ အီဂျစ်ခမ်းကို ခံႏဗာႏထာꩻနစ်စက် ဒုက္ခနဝ်ꩻ ခွေထီႏဗာႏလဲဉ်းသွူ။ ဝွေꩻသီး ကသောင်ခြင်ꩻဒါႏ ထာꩻနဝ်ꩻ ခွေဟွိုန်လဲဉ်းတဲင် အီႏအွဉ်ႏစွꩻလွစ်ဖေႏ ဝွေꩻသီးနဝ်ꩻ ခွေအဝ်ႏကျွꩻလင်ꩻသွူ။ လွဉ်ယိုခါဟုဲင်း၊ ခွေအီႏအွဉ်ႏစွꩻလွေꩻနာꩻ အီဂျစ်ခမ်းသူꩻ’ နုဲင်းနဝ်ꩻသွူ။
35 #
ထလ ၂:၁၄။ “မောသျေနဝ်ꩻ အဝ်ႏထွာ ပါꩻအဖြာꩻ ဣသရေး လိုꩻမျိုꩻဖုံႏ ကပယ်ႏနဝ်ꩻသွူ။ ဝွေꩻသီးရီ၊ ‘နာꩻနဝ်ꩻ ဖေႏကအုပ်စိုꩻနီတွော့ꩻ ဖေႏကမာꩻနီ တရာꩻလိုꩻတန်နဝ်ꩻ ပါꩻမုဲင်ꩻ ခန်ꩻနာꩻဟောင်း၊’ နုဲင်းနဝ်ꩻသွူ။ ဝွေꩻနဝ်ꩻထွာဒျာႏ ပါꩻအဖြာꩻ ဗွေႏဘုရာꩻ ကအွဉ်ႏစွꩻလွဉ်တွော့ꩻ ဖေႏကအုပ်စိုꩻ လိုꩻဖုံႏတဲင် ဖေႏကအွဉ်ႏစွꩻလွစ်ဖေႏ ဝွေꩻသီးနဝ်ꩻ မို့ꩻလောင်းတမန်ႏ ကပေါႏနယ်ထေ့ဒါႏဝွေꩻ မေႏကအဝ်ႏခိုး ထာꩻပုန်ကိုနဝ်ꩻ အဝ်ႏစွဲကိုသွူ။ 36#ထလ ၇:၃၊ ထလ ၁၄:၂၁၊ ကွ ၁၄:၃၃။ ဝွေꩻနဝ်ꩻ အွဉ်ထန်ႏလိုꩻဖုံႏ အီဂျစ်ခမ်းကိုတွော့ꩻ မာꩻနယ်နိမိတ် လက္ခဏာႏတွမ်ႏ ထာꩻအံႏဖြာႏခရာႏဖုံႏ အီဂျစ်ခမ်းကိုတွမ်ႏ ပင်ႏလယ်ႏတနျာႏထျꩻ စွဉ်ႏကန္တာရ ထာꩻခြာကို နေင်ႏပေါင်ꩻ လစ်ꩻဆီသွူ။ 37#ဟော်ꩻ ၁၈:၁၅၊ ၁၈။ မောသျေနဝ်ꩻထွာ ပါꩻအဖြာꩻ ကဒေါ့ꩻဖေႏဒါႏ၊ ဣသရေး လိုꩻမျိုꩻဖုံႏ၊ ‘ဗွိုန်နုဲင်းဝွေꩻဗွေႏ အွဉ်ႏစွꩻလွဉ် ခွေအတွိုင်ꩻ ဗွေႏဘုရာꩻ အီႏအွဉ်ႏစွꩻလွဉ်ဖေႏသီ ပရောဖဲစ်တပါꩻတဲင် ဝွေꩻနဝ်ꩻ အီႏထွာလွဉ်ဗာႏဒျာႏ သီလိုꩻမျိုꩻကို တဖြာꩻ’ နုဲင်းနဝ်ꩻသွူ။ 38#ထလ ၁၉:၁—၂၀:၁၇၊ ဟော်ꩻ ၅:၁–၃၃။ ပါꩻကအဝ်ႏငီꩻစွဉ်ႏ ဣသရေး လိုꩻမျိုꩻဖုံႏ ကအဝ်ႏစုဗူႏသော့ꩻဒါႏ ကန္တာရထာꩻခြာကို၊ ဝွေꩻနဝ်ꩻ အဝ်ႏငီꩻစွဉ်ႏ နီမွိုးဖြား ဖါဖြားသီးဖုံႏ နဝ်ꩻကိုတဲင် စွဉ်ႏမို့ꩻလောင်းတမန်ႏ ကအဝ်ႏဒေါ့ꩻရီဒါႏဝင်ꩻ ကောင်သုဲင်းနုဲင်း လောင်းတွော့ꩻ ကအဝ်ႏလက်ခံႏလꩻဒါႏ သက်မွန်ဗွေႏဘုရာꩻ အတရာꩻငဝ်း ကအီႏဟော်ꩻဖေႏဒါႏ နီလောင်းနဝ်ꩻ ထွာဝွေꩻနဝ်ꩻသွူ။
39“ကွဲႏတွော့ꩻ နီမွိုးဖြား ဖါဖြားသီးဖုံႏနဝ်ꩻ လွောက်ꩻနာႏတဝ်း ဝွေꩻငဝ်းနဝ်ꩻသွူ။ ဝွေꩻသီး မဉ်သဲင်ꩻချာဒျာႏ အီဂျစ်ခမ်းနဝ်ꩻမꩻ ဝွေꩻသီး နွန်ႏထန်ႏထိုꩻ ဝွေꩻနဝ်ꩻသွူ။ 40#ထလ ၃၂:၁။ နဝ်ꩻမꩻ ဝွေꩻသီးဒေါ့ꩻဖေႏ အာရုန်၊ ‘ မာꩻဖေႏသွော့ နီဘုရာꩻတပါꩻပါꩻ ကအီႏအွဉ်လွေꩻဒါႏ နီနဝ်ꩻဖုံႏ။ ကအွဉ်ထန်ႏဒါႏနီ အီဂျစ်ခမ်း ပါꩻခိုမောသျေနဝ်ꩻ ထွာလဲဉ်း နုဲင်းမုဲင်ꩻနဝ်ꩻ နီတသေတဝ်း’ နုဲင်းနဝ်ꩻသွူ။ 41#ထလ ၃၂:၂–၆။ နဝ်ꩻထွူ ဝွေꩻသီးမာꩻ ဖိုးထီးရွုတ်တုတဗာႏ၊ ပူႏဇောႏဖေႏ ရွုတ်တု ယဇ်ထာꩻပူႏဇောႏတဲင် နုဲင်းဝွေꩻသီးနမ်း ကအဝ်ႏမာꩻလဲဉ်းနဝ်ꩻ မာꩻစွဉ်ႏ ပွယ်ꩻထူႏဂွုဏ်ႏသွူ။ 42#အာ ၅:၂၅–၂၇ (LXX)။ နဝ်ꩻမꩻ ဗွေႏဘုရာꩻ အဝ်ႏဝွေꩻသီးထျꩻ ခွယ်ညာꩻထိုꩻတဲင် အွဉ်ႏစွဉ်ႏဝွေꩻသီး ဝုဲင်ႏကိုꩻကွယ်ႏထိုꩻ ဆာႏဖုံႏမို့ꩻလောင်း နုဲင်းလိတ်ကျမ်ꩻကို ကတဲမ်းသေꩻခါꩻဒါႏ၊
‘ဣသရေး လိုꩻမျိုꩻဖုံႏဟွေး၊ ကန္တာရထာꩻခြာကို နေင်ႏပေါင်ꩻ လစ်ꩻဆီလွုမ်းလွုမ်း၊
သီကမာꩻသီတွော့ꩻ ကပူႏဇောႏဒါႏ ယဇ်ထာꩻသားဖုံႏ နဝ်ꩻနဝ်ꩻ၊
ထွာခွေတာႏ တမွေးတဝ်းသွူ။
43သီကအဝ်ႏတော လွေꩻဒါႏနဝ်ꩻ ထွာဒျာႏ မောလွိုက် ဘုရာꩻသုမ်း၊
တွမ်ႏရဲဖန်ရွုတ်တု၊ သီဆာႏဘုရာꩻ တာႏဒျာႏသွူ။
ရွုတ်တု နဝ်ꩻဖုံႏနဝ်ꩻ သီမာꩻ အီႏကိုꩻကွယ်ႏ တာႏနဝ်ꩻသွူ။
နဝ်ꩻမꩻ သီနဝ်ꩻ ခွေအီႏဝါးထန်ႏ ပသာတလဲဉ်ႏထိုꩻ ဗာဗုလုန်ခမ်း’ နုဲင်းနဝ်ꩻသွူ။
44 # ထလ ၂၅:၉၊၄၀။ “နီမွိုးဖြား ဖါဖြားသီႏ ဗွေႏဘုရာꩻ ကနင်းဒါႏ သုမ်းတောႏနဝ်ꩻ အဝ်ႏငီꩻစွဉ်ႏ ဝွေꩻသီး ကန္တာရထာꩻခြာကိုသွူ။ သုမ်းတောႏနဝ်ꩻ ဖေႏကမာꩻ နုဲင်းဗွေႏဘုရာꩻ ကဒေါ့ꩻနယ်ဖေႏဒါႏ မောသျေအတွိုင်ꩻ နုဲင်းမောသျေ ကအွဉ်ႏနယ် ဖေႏလဲဉ်းသွူ အတွိုင်ꩻနဝ်ꩻ မာꩻမဲဉ်ႏလွဉ်ꩻစွဉ်ႏသွူ။ 45#ယောသျု ၃:၁၄–၁၇။ ဆုဲင်ꩻနဝ်ꩻ နီမွိုးဖြား ဖါဖြားသီး နုဲင်းဝွေꩻသီး ကလꩻသွုပ်ဒါႏ ဝွေꩻသီး ဖါဖုံႏထျꩻ သုမ်းတောႏနဝ်ꩻ အီလွေꩻငီꩻပါ တွမ်ႏဝွေꩻသီး၊ နုဲင်းဝွေꩻသီး ကလွေꩻငီꩻစွဉ်ႏ ယောသျုချိန်ႏ သုမ်းတောႏနဝ်ꩻ အီလွေꩻသော့ꩻထိုꩻ လိုꩻမျိုꩻဖုံႏ ဗွေႏဘုရာꩻ ကဝါးထန်ႏရီး ထိုꩻဖေႏဒါႏ အခမ်းထီကိုနဝ်ꩻသွူ။ သုမ်းတောႏနဝ်ꩻ အွဉ်ႏဗꩻတွိုႏစွဉ်ႏ ခွန်ဒါဝိဒ်စိုးသွူ။ 46#၂သျာ ၇:၁–၁၆၊ ၁ရာႏချုပ် ၁၇:၁–၁၄။ ဒါဝိဒ်လꩻမဲ့ငါ ဗွေႏဘုရာꩻထျꩻတဲင် ဝွေꩻဖေႏကလꩻအခွင်ꩻ ကမာꩻဗာႏ ယာကုပ် ဗွေႏဘုရာꩻတာႏ ကနင်းဒါႏ ဗိမာန်ႏတောႏကျောင်ꩻ ခင်ႏလမ်းနဝ်ꩻ ဝွေꩻဆုတောင်ꩻ စွဉ်ႏဗွေႏဘုရာꩻသွူ။ 47#၂သျာ ၇:၁–၁၆၊ ၁ရာႏချုပ် ၁၇:၁–၁၄။ ကွဲႏတွော့ꩻ ပါꩻကတယ်ႏဗာႏဒါႏ ဝွေꩻဗွေႏအလမ်းနဝ်ꩻ ထွာတောဒျာႏ သောလမုန်သွူ။
48“ကွဲႏတွော့ꩻ အထိုသွတ်ꩻ ဗွေႏဘုရာꩻနဝ်ꩻ တအုံသော့ꩻတဝ်းလမ်း ကတယ်ႏနေးဒါႏ စွဉ်ႏလိုꩻစူနဝ်ꩻသွူ။ နုဲင်းပရောဖဲစ်ဖုံႏ ကဒေါ့ꩻသေꩻခါꩻ၊
49 # ဟေသျာ ၆၆:၁၊ ၂။ ‘ထာဝရဘုရာꩻရိုꩻ၊ ခမ်းထီမို့ꩻလောင်းနဝ်ꩻ ထွာဒျာႏ ခွေပလ္လင်ႏတဲင်၊
ဟံႏတန်နဝ်ꩻထွာဒျာႏ ခွေခင်ႏ အွဉ်ႏဒင်ႏ ခင်ႏလမ်းသွူ။
သီကတယ်ႏဒါႏ ခွေတာႏနဝ်ꩻ ထွာလမ်း အစားမုဲင်ꩻဟောင်း။
ခွေအီႏအုံသော့ꩻတာႏ ခင်ႏလမ်းနဝ်ꩻ အဝ်ႏမုဲင်ꩻကိုဟောင်း။
50ထာꩻယိုဖုံႏ ကားကအဝ်ႏနဝ်ꩻ ခွေနမ်းမာꩻဒျာႏ တမွေးတဝ်းဟောင်း’ နုဲင်းနဝ်ꩻသွူ။
51 # ဟေသျာ ၆၃:၁၀။ တတေဖန် ဒေါ့ꩻသွုပ်၊ “သီမွော့ꩻ ကော့ဆွော့ꩻငါႏ နုဲင်းနဝ်ꩻ၊ သီမွော့ꩻနုတ်ꩻငါႏ ခွိုင်းကားမုဲင်ꩻ၊ သီကအီႏဟွိုန်ဒါႏ ဗွေႏဘုရာꩻ တရာꩻငဝ်းနဝ်ꩻ သီနားမွော့ꩻအွိုင်ငါႏ ခွိုင်းကားမုဲင်ꩻ၊ သီနဝ်ꩻ ဗွိုန်နုဲင်း သီမွိုးဖြား ဖါဖြားသီးဖုံႏနဝ်ꩻသွူ။ သီနဝ်ꩻတဲ့ အဝ်ႏဆန် သေႏသေႏဒျာႏ ကြောင်းစင် ဝိညာဉ်ႏတောႏသွူ။ 52သီမွိုးဖြား ဖါဖြားသီးဖုံႏနဝ်ꩻ တနစ်စက်တဝ်း ပရောဖဲစ် တပါꩻပါꩻ အဝ်ႏနေဟောင်း။ ကအဝ်ႏကေႏညာႏ ညလဲဉ်းဒါႏ ဗွေႏဘုရာꩻ အတရာꩻဟော်ꩻသားဖုံႏ ကကျွꩻလွဉ်ဒါႏ ဝွေꩻဗွေႏ အသွဉ်းစွို့ꩻစွဉ်ႏဖုံႏနဝ်ꩻ ဝွေꩻသီး မာꩻသီထိုꩻစွဉ်ႏသွူ။ ယိုခါ သီတဲ့ သစ္စာႏဖေါက်တဲင် မာꩻသီထိုꩻ ဝွေꩻဗွေႏသွူ။ 53စွဉ်ႏမို့ꩻလောင်းတမန်ႏဖုံႏ ပါꩻအဖြာꩻ ကလက္ခံႏလꩻလဲဉ်းဒါႏ ဗွေႏဘုရာꩻ ပညတ်တောႏဖုံႏနဝ်ꩻ ထွာဒျာႏသီသွူ၊ ကွဲႏတွော့ꩻ ပညတ်တောႏ နဝ်ꩻဖုံႏနဝ်ꩻ သီတလွောက်ꩻနာႏတဝ်း” နုဲင်းနဝ်ꩻသွူ။
နုဲင်ႏနိုတတေဖန်တွမ်ႏလုံးတူႏဖုံႏ
54ကောင်စီစွုမ်ꩻစွိုꩻ ထွိုင်ႏဟွိုန်ဗာႏ တတေဖန် ဒေါ့ꩻဟော်ငဝ်းနဝ်ꩻ ဝွေꩻသီး ဒေါသထန်ႏ မွေးနေးစွဉ်ႏတဲင် စွဉ်ႏထာꩻသꩻလျား ဝွေꩻသီး တငါဖုံႏနဝ်ꩻ အဲင်ႏစုဲင်ထေ့နယ်စွဉ်ႏ ဝွေꩻသွူ။ 55ကွဲႏတွော့ꩻ တတေဖန်နဝ်ꩻ အဝ်ႏဗွေစွဉ်ႏ ကြောင်းစင် ဝိညာဉ်ႏတောႏတဲင် ထွားကီထင်ႏ ခမ်းထီမို့ꩻလောင်းတွော့ꩻ ထီႏဗာႏဗွေႏဘုရာꩻ ဘွုန်ꩻသရေႏတွမ်ႏ ဗွေႏယေသျု အဝ်ႏအုံထွိုင်ႏ ဗွေႏဘုရာꩻ စူထွေဖဲ့ꩻနဝ်ꩻသွူ။ 56ဝွေꩻဒေါ့ꩻ၊ “ထွားမွိုင် ခွေထီႏဗာႏ မို့ꩻဗွောင်တဲင် လိုꩻပိုခိုနဝ်ꩻ အဝ်ႏအုံလင်ꩻထာꩻ ဗွေႏဘုရာꩻ စူထွေဖဲ့ꩻ” နုဲင်းနဝ်ꩻသွူ။
57ကောင်စီစွုမ်ꩻစွိုꩻဖုံႏ ခြောဝ်သန်အငဝ်းဖုံႏတွော့ꩻ စွဉ်ႏဝွေꩻသီးအစူ ပေ့ꩻချာစွဉ်ႏ ဝွေꩻသီးနားဖုံႏသွူ။ နဝ်ꩻထွူ တလဲင်ႏချင်ꩻ ဝွေꩻသီး ကားကအဝ်ႏ ဖင်းတနဲဉ်ထေ့လွဉ် ဝွေꩻထျꩻတဲင် 58တရွစ်ꩻထန်ႏဝွေꩻ ဝေင်ꩻကောင်းထန်ႏဖဲ့ꩻတွော့ꩻ တွမ်ႏလုံးတူႏဖုံႏ နုဲင်ႏနိုစွဉ်ႏဝွေꩻသွူ။ သက်သေႏခံႏသားဖုံႏနဝ်ꩻ အွဉ်ႏကုဲင် ဝွေꩻသီး ဆဲင်ꩻယွုံးတန်ဖုံႏ လိုꩻယွဲတဖြာꩻ မဉ်ꩻကဟဲ့ꩻဒါႏ သျောလုထျꩻနဝ်ꩻသွူ။ 59ဝွေꩻသီး အဝ်ႏနုဲင်ႏနိုသွုပ်သွုပ်လူး တတေဖန် တွမ်ႏလုံးတူႏတွင်ꩻ ဝွေꩻဟဲ့ꩻခြောဝ်ထင်ႏ ဗွေႏဘုရာꩻတဲင်ရိုꩻ၊ “ဗွေႏယေသျု၊ လက်ခံႏဖေႏ ခွေသွဉ်းဝိညာဉ်ႏမွိုင်” နုဲင်းနဝ်ꩻသွူ။ 60ဝွေꩻထောက်လင်ꩻ ခင်ႏလေင်းတဲင် ခြောဝ်ထန်ႏသန်ငဝ်းတငွါ၊ ဗွေႏ၊ တွမ်ႏမတ်ခါꩻမွိုန်း ဝွေꩻသီးအ ပဲစ်ဖုံႏဟုဲင်း၊” ဝွေꩻဒေါ့ꩻနုဲင်းယိုတဲင် သီထိုꩻစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.