တမန်ႏတောႏ 5
5
အာနာနိစွဉ်ႏသာဖိရေ
1ကွဲႏတွော့ꩻ နဝ်ꩻကို ပါꩻခိုမဉ်ꩻ အာနာနိနဝ်ꩻ အဝ်ႏတဖြာꩻ၊ ဝွေꩻစွဉ်ႏ အမာသာဖိရေနဝ်ꩻ စာထိုꩻ ဝွေꩻသီး ကပဲင်ႏဒါႏ ဥစ္စာႏပစ္စေꩻ ယင်ဟန်ႏသွူ။ 2ကွဲႏတွော့ꩻ ဝွေꩻစွဉ်ႏ အမာနဝ်ꩻ သဘော်ꩻတူႏလို့ဝင်ꩻ ရွဉ်နဝ်ꩻ ဝွေꩻထူႏခါꩻထိုꩻ နမ်းတာႏ တထာႏဝတွော့ꩻ ကအဝ်ႏကုဲင်နဝ်ꩻ အပ်ဖေႏ တမန်ႏတောႏဖုံႏထျꩻသွူ။ 3ပေတရု ဒေါ့ꩻဖေႏဝွေꩻ၊ “အာနာနိ၊ ပွိုးတမုဲင်ꩻ နာꩻဖေႏဗာႏတွိုႏ စာႏတန်ႏအခွင်ꩻ အုပ်စိုꩻနာꩻတဲင် စွဉ်ႏကထူႏသေꩻခါꩻ ရွဉ်တထာႏဝ နာꩻကစာလဲဉ်းဒါႏ ဥစ္စာႏပစ္စေꩻနဝ်ꩻ နာꩻလိန်ႏလဲဉ်အီဗာႏတွိုႏ ကြောင်းစင် ဝိညာဉ်ႏတောႏ နုဲင်းမုဲင်ꩻဟောင်း။ 4ခလားနာꩻကစာ ဥစ္စာႏပစ္စေꩻနဝ်ꩻ နာꩻထာꩻခြိုꩻပဲင်ႏဒျာႏ။ တဲင်နာꩻစာထွူ ရွဉ်နဝ်ꩻ ထွာဒျာႏနာꩻရွဉ်။ နဝ်ꩻထွူ ဖေႏကမာꩻထိုꩻဗာႏ အစားနုဲင်းနဝ်ꩻနဝ်ꩻ ပွိုးတမုဲင်ꩻ နာꩻဆွုံꩻဖျတ်ဗာႏတွိုႏ နုဲင်းမုဲင်ꩻဟောင်း။ နာꩻလဲဉ် လိုꩻလွုမ်ꩻတမွေးတဝ်း၊ နာꩻလဲဉ်ဒျာႏ ဗွေႏဘုရာꩻ” နုဲင်းနဝ်ꩻသွူ။ 5အာနာနိ ထွိုင်ႏဟွိုန် ငဝ်းနုဲင်းယို တလဲင်ႏချင်ꩻ ဝွေꩻဝꩻလင်ꩻ သီထိုꩻစွဉ်ႏတဲင် လိုꩻကဟွိုန်ဗာႏဒါႏ ထာꩻယိုခရာႏသား ကားကအဝ်ႏနဝ်ꩻ ငမ်းသꩻလွစွဉ်ႏသွူ။ 6လိုꩻယွဲဖုံႏနဝ်ꩻ နွို့လွဉ်တွော့ꩻ လွမ်စွဉ်ႏ ဝွေꩻရုပ်ခန္ဓာႏတဲင် ထမ်ႏထန်ႏထိုꩻ ဝွေꩻတွော့ꩻ သင်္ဂြိုဟ်ႏစွဉ်ႏနဝ်ꩻသွူ။
7ညသွံနားရီႏရပ် ထွာလဲဉ်းထာꩻ နုဲင်းမုဲင်ꩻ ဝွေꩻမာနဝ်ꩻ တသေတဝ်းတဲင် နွို့လွဉ်သော့ꩻစွဉ်ႏသွူ။ 8ပေတရုရီဝွေꩻမူႏ၊ “နာꩻတွမ်ႏ နာꩻဝါꩻ ကစာဒါႏ သီဥစ္စာႏပစ္စေꩻ ကလꩻလွဉ်ဒါႏရွဉ် လို့လို့နဝ်ꩻ ယိုသွူနဲ့ဟောင်း ဒေါ့ꩻနယ်သွော့ခွေ” နုဲင်းနဝ်ꩻသွူ။
ဝွေꩻမူႏလဝ်းချာ၊ “မွေး၊ လို့လဲဉ်းနဝ်ꩻသွူ” နုဲင်းနဝ်ꩻသွူ။
9နဝ်ꩻမꩻ ပေတရု ဒေါ့ꩻဖေႏဝွေꩻမူႏ၊ “ကအီႏကျံႏစမ်ꩻထွား ဗွေႏဘုရာꩻ ဝိညာဉ်ႏတောႏနဝ်ꩻ ပွိုးတမုဲင်ꩻ နာꩻတွမ်ႏ နာꩻဝါꩻ ဆွုံꩻဖျတ်ဗာႏတွိုႏ နုဲင်းမုဲင်ꩻဟောင်း။ လိုꩻခိုဖုံႏ ကသင်္ဂြိုဟ်ႏ နာꩻဝါꩻနဝ်ꩻ ယိုခါ စဖျော်လွဉ် တခါꩻတန်ထျꩻတဲင် ဝွေꩻသီး အီႏထမ်ႏထန်ႏလွေꩻထိုꩻ နာꩻနေနေ” နုဲင်းနဝ်ꩻသွူ။ 10တလဲင်ႏချင်ꩻ ဝွေꩻမူႏ ဝꩻလင်ꩻစွဉ်ႏ ပေတရုခင်ႏထျꩻတဲင် သီထိုꩻစွဉ်ႏသွူ။ လိုꩻခိုယွဲဖုံႏ နွို့လွဉ်သော့ꩻတဲင် ထီႏပါꩻမူႏ သီထိုꩻလဲဉ်းနဝ်ꩻမꩻ ဝွေꩻသီး ထမ်ႏထန်ႏ ပါꩻမူႏနဝ်ꩻတဲင် သင်္ဂြိုဟ်ႏစွဉ်ႏ အဝါꩻထျꩻနဝ်ꩻသွူ။ 11အသေန်းတောႏ တဖြုံႏလွုမ်းတွမ်ႏ လိုꩻလင်ဖုံႏ ကဟွိုန်ဗာႏ ထာꩻယိုခရာႏ ကားကအဝ်ႏနဝ်ꩻ ငမ်းသꩻရောင်စွဉ်ႏနဝ်ꩻသွူ။
နိမိတ်လက္ခဏာႏတွမ်ႏဟဝ်အံႏဖြာႏခရာႏဖုံႏ
12တမန်ႏတောႏဖုံႏ မာꩻနယ် နိမိတ်လက္ခဏာႏ တွမ်ႏဟဝ်အံႏဖြာႏခရာႏ လိုꩻဖုံႏခြာနဝ်ꩻ အာငါႏသွူ။ လိုꩻကယွုမ်းသားဖုံႏ ကားကအဝ်ႏနဝ်ꩻ မော့ꩻခွဲ စုဗူႏလို့ဝင်ꩻ သောလမုန် တခါꩻမုခ်ကိုနဝ်ꩻသွူ။ 13လိုꩻစွိုꩻ ကောင်းထန်ႏဖုံႏနဝ်ꩻ လဲင်ꩻအံႏဖြာႏမွေးနေး ဝွေꩻသီးစွဉ်ႏတဲ့ ပါꩻမုဲင်ꩻတဖြာꩻငါ တပါငီꩻဗွိုန်ႏတဝ်း ဝွေꩻသီး စွုမ်ꩻစွိုꩻကိုဖုံႏသွူ။ 14ကွဲႏတွော့ꩻ လိုꩻကယွုမ်းလွဉ် ဗွေႏဘုရာꩻသား လိုꩻခိုတွမ်ႏ လိုꩻမူႏဖုံႏနဝ်ꩻ နွို့လွဉ်သော့ꩻ အစွိုꩻကို ကယိန်းအာလွဉ် ထဲင်းစွဉ်ႏသွူ။ 15နုဲင်းတမန်ႏတောႏဖုံႏ ကအဝ်ႏမာꩻ ထာꩻမာꩻနဝ်ꩻ အဆုဲင်ꩻသွတ်ꩻ လဲင်ꩻတွိုႏနေးစွဉ်ႏ ပေတရု ကထောင်ကာႏလွေꩻ ထာꩻချိန်ႏ ဖေႏနေး ဝွေꩻအယောင်ꩻ ဖေႏကဗာႏလူး ဝွေꩻသီးလောင်းနဝ်ꩻ လိုꩻဖုံႏအီလွဉ် လိုꩻဆာဖုံႏ၊ ပါစွဉ်ႏခင်ႏလမ်း ဗေင်ႏဖုံႏတဲင် အွဉ်ႏလင်ꩻစွဉ်ႏ တဖူꩻလောင်းဖုံႏသွူ။ 16တဲင်လိုꩻဖုံႏ အဝ်ႏဝေင်ꩻယေရုသလမ်ႏ အသောင်အထျꩻ ဝေင်ꩻပေႏဖုံႏနဝ်ꩻ အီလွဉ် လိုꩻဆော့ဆာဖုံႏစွဉ်ႏ လူꩻကုဲင်စောင်ꩻဖုံႏ ဝွေꩻသီးထျꩻတွော့ꩻ လိုꩻဆာဖုံႏ ကားကအဝ်ႏနဝ်ꩻ ဟဝ်ရေꩻလို့စွဉ်ႏနဝ်ꩻသွူ။
တမန်ႏတောဖုံႏခံႏဗာႏထာꩻနစ်စက်
17တွိုႏနဝ်ꩻ ယဇ်ပရောဟိတ် ခွန်တွမ်ႏ ဝွေꩻအစွုမ်ꩻစွိုꩻသားဖုံႏ ကားကအဝ်ႏ၊ ရပ်ရာႏဒေႏသ၊ သာဒုကဲ ပါတီစွုမ်ꩻစွိုꩻ သားဖုံႏနဝ်ꩻ တကေးမွေးနေးစွဉ်ႏ တမန်ႏတောႏဖုံႏသွူ။ နဝ်ꩻမꩻ ဝွေꩻသီး အီႏထူႏရေꩻလွေꩻနဝ်ꩻ ဆွုံꩻဖျတ်သွူ။ 18ဝွေꩻသီးဆွမ်ꩻ တမန်ႏတောႏဖုံႏတဲင် အွဉ်ႏသော့ꩻစွဉ်ႏ ဝွေꩻသီး ထောင်ႏကိုနဝ်ꩻသွူ။ 19ကွဲႏတွော့ꩻ အနာꩻနဝ်ꩻ ဗွေႏဘုရာꩻ တမန်ႏတပါꩻဗွောင် ထောင်ႏတခါꩻတန် အွဉ်ထန်ႏ တမန်ႏတောႏဖုံႏတွော့ꩻ ဒေါ့ꩻဖေႏဝွေꩻသီး၊ 20“လွေꩻတဲင် အုံထွိုင်ႏသော့ꩻ ဗိမာန်ႏတောႏ ကျောင်ꩻကိုတွော့ꩻ ပွိုင်းဝွို့တွမ်ႏ ဘဝတသာ ယိုခရာႏ ကားကအဝ်ႏနဝ်ꩻ ဒေါ့ꩻနယ်ဖေႏသွော့ လိုꩻဖုံႏဟုဲင်း” နုဲင်းနဝ်ꩻသွူ။ 21တမန်ႏတောႏဖုံႏ လွောက်ꩻနာႏလွဉ်ꩻတဲင် ထာꩻအီႏဗော့ꩻလေသွူချိန်ႏနဝ်ꩻ ဝွေꩻသီးနွို့သော့ꩻ ဗိမာန်ႏတောႏ ကျောင်ꩻကိုတွော့ꩻ သွဉ်သင်စဖေႏစွဉ်ႏနဝ်ꩻသွူ။
ကအီႏမာꩻကောင်စီ၊ စီꩻဝေတန် တဖြုံႏနဝ်ꩻ ယဇ်ပရောဟိတ် ခွန်တန်တွမ်ႏ ဝွေꩻအစွုမ်ꩻစွိုꩻဖုံႏနဝ်ꩻ ဟဲ့ꩻစုဗူႏစွဉ်ႏ ဂျူးလိုꩻတန်ဖုံႏသွူ၊ နဝ်ꩻထွူ ဖေႏကဟဲ့ꩻလွဉ် တမန်ႏတောႏဖုံႏ ဝွေꩻသီးဆꩻငါနဝ်ꩻ ဝွေꩻသီးဖေႏအမိန်း အွဉ်ႏစွꩻလွေꩻစွဉ်ႏ စဲ့ꩻပိုႏထောင်ႏကိုသွူ။ 22ကွဲႏတွော့ꩻ စဲ့ꩻပိုႏဖုံႏ ထွိုင်ႏဖျော်လွေꩻ ထောင်ႏကိုနဝ်ꩻ ဝွေꩻသီး တထီႏတဝ်းဒွုမ် တမန်ႏတောႏဖုံႏ၊ နဝ်ꩻမꩻ ဝွေꩻသီး သဲင်ꩻလွဉ်ချာ ကောင်စီတဲင် အွဉ်ႏဟွိုန်၊ 23နီထွိုင်ႏဖျော်လွေꩻ ထောင်ႏချိန်ႏနဝ်ꩻ နီထီႏဒျာႏ သော်ဖုံႏ အဝ်ႏခတ်ꩻခါꩻနေး၊ စဲ့ꩻပွေါးသားဖုံႏ ကားကအဝ်ႏ နဝ်ꩻတဲ့ အဝ်ႏအုံပွေါးဒျာႏ တခါꩻတန်ဖုံႏထျꩻသွူ။ ကွဲႏတွော့ꩻ နီထွိုင်ႏဗွောင် တခါꩻတန်ချိန်ႏ ကောင်းကိုနဝ်ꩻ နီတမော့ꩻတဝ်းဒွုမ် တဖြာꩻဖြာꩻ” နုဲင်းနဝ်ꩻသွူ။ 24ယဇ်ပရောဟိတ် တန်ဖုံႏတွမ်ႏ စဲ့ꩻပွေါးရံႏ ထိန်ꩻထွား ဗိမာန်ႏတောႏကျောင်ꩻ စဲ့ꩻပိုႏ ထွိုင်ႏဟွိုန် နုဲင်းယိုချိန်ႏနဝ်ꩻ တမန်ႏတောႏဖုံႏ ထွာထာꩻ နုဲင်းယိုနဝ်ꩻ ဝွေꩻသီးအံႏဖြာႏငါႏသွူ။ 25နဝ်ꩻထွူ ပါꩻခိုတဖြာꩻ နွို့လွဉ်သော့ꩻတဲင် ဒေါ့ꩻဖေႏဝွေꩻသီး၊ “နာႏဟုဲင်း။ ပါꩻခိုဖုံႏ သီကအွဉ်ႏသော့ꩻဒါႏ ထောင်ႏကိုနဝ်ꩻ အဝ်ႏသွဉ်သင်ဖေႏ လိုꩻဖုံႏ ဗိမာန်ႏတောႏ ကျောင်ꩻကို” နုဲင်းနဝ်ꩻသွူ။ 26နဝ်ꩻမꩻ စဲ့ꩻပိုႏ စွဉ်ႏဝွေꩻလိုꩻဖုံႏနဝ်ꩻ ထန်ႏလွေꩻတဲင် ဟဲ့ꩻသဲင်ꩻချာယင်း တမန်ႏတောႏဖုံႏနဝ်ꩻသွူ။ ကွဲႏတွော့ꩻ ပွိုးဝွေꩻသီး ငမ်းသꩻလိုꩻဖုံႏ နုဲင်ႏနိုဝွေꩻသီး တွမ်ႏလုံးတူႏအတွက် ဝွေꩻသီး တမာꩻကျံꩻနေးတဝ်းသွူ။
27ဝွေꩻသီးဟဲ့ꩻနွို့ တမန်ႏတောႏဖုံႏ အွဉ်ႏဝွေꩻသီးအုံထွိုင်ႏ ကောင်စီဆꩻငါတဲင် ယဇ်ပရောဟိတ်ခွန်နဝ်ꩻ ရီဝွေꩻသီး။ 28#မ ၂၇:၂၅။ ဝွေꩻဒေါ့ꩻ၊ “စွဉ်ႏပါꩻယို အမဉ်ꩻနာႏမ ဖေႏကသွဉ်သင်မွိုန်းနဝ်ꩻ နီမိန်းခြေင်း ဖေႏလဲဉ်းသီ၊ ထွားမွိုင် သီအဝ်ႏမာꩻဒျာႏ နုဲင်းမုဲင်ꩻ။ သီထာꩻသွဉ်သင်နဝ်ꩻ သီအဝ်ႏမာꩻ စွစ်ꩻလီဒျာႏ ဝေင်ꩻယေရုသလမ်ႏ တဝေင်ꩻလွုမ်းတဲင် ပွိုးဝွေꩻကသီထိုꩻတာႏနဝ်ꩻ သီမဉ်မာꩻထွာထိုꩻ နီတာႏဝွန်ႏနုဲင်းမုဲင်ꩻ” နုဲင်းနဝ်ꩻသွူ။
29ပေတရုတွမ်ႏ တမန်ႏတောႏ အလင်ဖုံႏ လဝ်းချာ၊ “နီနဝ်ꩻလွောက်ꩻနာႏဗာႏဒျာႏ ဗွေႏဘုရာꩻငဝ်း။ နာႏဗာႏတဝ်း လိုꩻငဝ်းသွူ။ 30တွမ်ႏမုဲင်းနာꩻ သီကတွဲႏဒပ်ဒါႏ ကင်းထွန်ႏလောင်းတဲင် ကမာꩻသီထိုꩻလဲဉ်းဒါႏ ဗွေႏယေသျုနဝ်ꩻ အဝ်ႏထာꩻသီကို နီဖါဖြား အဗွေႏဘုရာꩻ မာꩻထွိုင်ႏမွန်ချာယင်းလဲဉ်း ဝွေꩻဗွေႏနဝ်ꩻသွူ။ 31ဖေႏကလꩻ ထာꩻကော့ꩻမာႏတဲင် ဝွေꩻသီးအပဲစ်ဖုံႏ ဖေႏကလွစ်နဝ်ꩻ ဖေႏဣသရေး လိုꩻမျိုꩻဖုံႏ အခွင်ꩻအရေꩻတဲင် ဗွေႏဘုရာꩻ မာꩻထွိုင်ႏမွန် ဝွေꩻဗွေႏ အွဉ်ႏဝွေꩻဗွေႏ အစူထွေဖဲ့ꩻ နုဲင်းခေါင်းဆောင်တွမ်ႏ ထာꩻကယ်ႏတင်ႏ အဗွေႏနဝ်ꩻသွူ။ 32ထာꩻယိုဖုံႏ ကားကအဝ်ႏနဝ်ꩻ နီထွာ သက်သေႏသွူ။ နီတွမ်ႏ လိုꩻကလွောက်ꩻနာꩻဒါႏ ဝွေꩻဗွေႏ အမိန်းသား ဗွေႏဘုရာꩻ ကဖေႏဒါႏ ဆုကေꩻဇူꩻ ကြောင်းစင် ဝိညာဉ်ႏတောႏနဝ်ꩻတဲ့ ထွာသက်သေႏ” နုဲင်းနဝ်ꩻသွူ။
33ကောင်စီစွုမ်ꩻစွိုꩻဖုံႏ ထွိုင်ႏဟွိုန် နုဲင်းယိုချိန်ႏ ဝွေꩻသီး သꩻလျားမွေးနေးစွဉ်ႏ ထာꩻတဲင် ဝွေꩻသီး မဉ်မာꩻသီထိုꩻစွဉ်ႏ တမန်ႏတောႏဖုံႏနဝ်ꩻသွူ။ 34ကွဲႏတွော့ꩻ ဝွေꩻသီးကိုတဖြာꩻ ကထွာဖါရိသဲ၊ မဉ်ꩻကဟဲ့ꩻဒါႏ ဂါမလေလ လိုꩻဖုံႏကားကအဝ်ႏ ကရိုႏသေႏမွေးငါႏ ကထွာကျမ်ꩻဒါႏဆရာႏ တဖြာꩻနဝ်ꩻ အဝ်ႏကောင်စီပွယ်ꩻအုံကွံကို ထွိုင်ႏတဲင် ဝွေꩻဖေႏအမိန်း ဖေႏကဟဲ့ꩻထန်ႏထိုꩻ တမန်ႏတောႏဖုံႏ ကောင်းထန်ႏတဆင်ႏသွူ။ 35ထွူတဲင် ဝွေꩻဒေါ့ꩻဖေႏ ကောင်စီစွုမ်ꩻစွိုꩻသားဖုံႏ၊ “သွꩻဣသရေးလိုꩻမျိုꩻဖုံႏ၊ နုဲင်းသီကအီႏမာꩻဒါႏ လိုꩻစားယိုဖုံႏနဝ်ꩻ အွဉ်ႏသတိꩻသွော့။ 36တပေါႏညတဝ်းဒွိုန်း ပါꩻကထွာတုတနဝ်ꩻ ပေါႏလွဉ် ကေႏညာႏချာအနမ်း ထွာလိုꩻတန်မျတ် တပါꩻတဲင် လိုꩻလွေꩻလွဉ်ꩻ ဝွေꩻဆꩻချာ အဝ်ႏအဖြာꩻ လစ်ꩻရျာꩻရပ်နဝ်ꩻ သီယူႏလꩻချာသွော့။ ကွဲႏတွော့ꩻ ဝင်ꩻထွိုင်ႏမာꩻသီထိုꩻ ဝွေꩻနဝ်ꩻ ဝွေꩻတပဲ့ဖုံႏ ကားကအဝ်ႏ လီလာထိုꩻတဲင် ဝွေꩻကမာꩻဒါႏ ထာꩻဖုံႏနဝ်ꩻ ကုဲင်ထိုꩻစွဉ်ႏသွူ။ 37ဆုဲင်ꩻနဝ်ꩻ ကအဝ်ႏကောက်ထူႏဒါႏ လိုꩻမဉ်ꩻ ထာꩻလွိုတ်ꩻစရင်ꩻ ယံꩻတွင်ꩻ ကာလိလဲ ခမ်းသားတဖြာꩻ မဉ်ꩻကဟဲ့ꩻဒါႏ ယုဒနဝ်ꩻ ပေါႏလွဉ်၊ လိုꩻဖေႏကလွေꩻလွဉ်ꩻ ဝွေꩻဆꩻချာနဝ်ꩻ ဝွေꩻအော်တစွိုꩻ၊ ကွဲႏတွော့ꩻ ဝွေꩻနဝ်ꩻတဲ့ ဝင်ꩻမာꩻသီထိုꩻတဲင် ဝွေꩻလိုꩻဖုံႏ ကားကအဝ်ႏနဝ်ꩻ လီလာထိုꩻလို့ဒျာႏသွူ။ 38နဝ်ꩻမꩻ ကိစ္စယိုနဝ်ꩻ ခွေဒေါ့ꩻဖေႏသီ၊ တွမ်ႏဆန်ချာမွိုန်း လိုꩻစားယိုဖုံႏ တမုဲင်ꩻမုဲင်ꩻ။ အွဉ်ႏဗော့ꩻဝွေꩻသီးနုဲင်းနဝ်ꩻဟုဲင်း၊ မဉ်ႏထွာ ဝွေꩻသီးအကျံႏတွော့ꩻ ထွာဒျာႏ လိုꩻဇာႏတိထာꩻမာꩻနဝ်ꩻ အီႏထိုꩻမားထိုꩻဒျာႏသွူ။ 39ကွဲႏတွော့ꩻ မဉ်ႏထွာ အဝ်ႏဗွေႏဘုရာꩻထျꩻလွဉ် အကျံႏတောႏနဝ်ꩻ သီယားကုဲင်ထိုꩻ ဝွေꩻသီး တလꩻနွောင်ꩻတဝ်းသွူ။ သီနမ်းနဝ်ꩻတဲ့ ထွာဒျာႏ သီအဝ်ႏထုမ်ႏ တွိုက်ꩻဆန်ချာ ဗွေႏဘုရာꩻ” နုဲင်းနဝ်ꩻသွူ။
နုဲင်းဂါမလေလ ကဖေႏကျံႏနဝ်ꩻ ကောင်စီစွုမ်ꩻစွိုꩻနဝ်ꩻ စူꩻလွဉ်ꩻစွဉ်ႏသွူ။။ 40ဝွေꩻသီး ဟဲ့ꩻနွို့သော့ꩻချာ တမန်ႏတောႏဖုံႏ ကောင်းကို၊ ဖေႏဝွေꩻသီး ခွဉ်းတံႏတဲင် စွဉ်ႏဗွေႏယေသျု အမဉ်ꩻနာႏမ ဖေႏကဒေါ့ꩻဖျင် ထဲင်းမွိုန်းဒွုမ်နဝ်ꩻ ဝွေꩻသီးဖေႏအမိန်းတွော့ꩻ အွဉ်ႏစွꩻလွစ်ဖေႏ တမန်ႏတောႏဖုံႏသွူ။ 41ကွပ်ပွိုး ဗွေႏယေသျု တွက်တာႏ ဝွေꩻသီး ကအီႏခံႏဗာႏ တရေႏကုဲင်နဝ်ꩻ ထွိုက်တန်ႏဒျာႏ၊ ဗွေႏဘုရာꩻ အဝ်ႏမတ် လက်ခံႏဒျာႏ ဝွေꩻသီးအတွက် တမန်ႏတောႏဖုံႏ အဝ်ႏကောင်စီရွုမ်ꩻ ထွိုင်ႏထန်ႏလွေꩻနဝ်ꩻ ဝွေꩻသီး အဝ်ႏဗွေစွဉ်ႏ ထာꩻသꩻပျောႏသွူ။ 42စွုမ်ႏနီꩻနီꩻ ဗိမာန်ႏတောႏ ကျောင်ꩻကိုတွမ်ႏ လိုꩻဖုံႏ အလမ်းကိုနဝ်ꩻ ပွိုင်းဝွို့တွမ်ႏ ဗွေႏယေသျုနဝ်ꩻထွာ မေသျိယခရာႏ သတင်ꩻဟဝ်နဝ်ꩻ ဝွေꩻသီး သွဉ်သင် ဟော်ꩻဖေႏသွုပ်ဒျာႏနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 5: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 5
5
အာနာနိစွဉ်ႏသာဖိရေ
1ကွဲႏတွော့ꩻ နဝ်ꩻကို ပါꩻခိုမဉ်ꩻ အာနာနိနဝ်ꩻ အဝ်ႏတဖြာꩻ၊ ဝွေꩻစွဉ်ႏ အမာသာဖိရေနဝ်ꩻ စာထိုꩻ ဝွေꩻသီး ကပဲင်ႏဒါႏ ဥစ္စာႏပစ္စေꩻ ယင်ဟန်ႏသွူ။ 2ကွဲႏတွော့ꩻ ဝွေꩻစွဉ်ႏ အမာနဝ်ꩻ သဘော်ꩻတူႏလို့ဝင်ꩻ ရွဉ်နဝ်ꩻ ဝွေꩻထူႏခါꩻထိုꩻ နမ်းတာႏ တထာႏဝတွော့ꩻ ကအဝ်ႏကုဲင်နဝ်ꩻ အပ်ဖေႏ တမန်ႏတောႏဖုံႏထျꩻသွူ။ 3ပေတရု ဒေါ့ꩻဖေႏဝွေꩻ၊ “အာနာနိ၊ ပွိုးတမုဲင်ꩻ နာꩻဖေႏဗာႏတွိုႏ စာႏတန်ႏအခွင်ꩻ အုပ်စိုꩻနာꩻတဲင် စွဉ်ႏကထူႏသေꩻခါꩻ ရွဉ်တထာႏဝ နာꩻကစာလဲဉ်းဒါႏ ဥစ္စာႏပစ္စေꩻနဝ်ꩻ နာꩻလိန်ႏလဲဉ်အီဗာႏတွိုႏ ကြောင်းစင် ဝိညာဉ်ႏတောႏ နုဲင်းမုဲင်ꩻဟောင်း။ 4ခလားနာꩻကစာ ဥစ္စာႏပစ္စေꩻနဝ်ꩻ နာꩻထာꩻခြိုꩻပဲင်ႏဒျာႏ။ တဲင်နာꩻစာထွူ ရွဉ်နဝ်ꩻ ထွာဒျာႏနာꩻရွဉ်။ နဝ်ꩻထွူ ဖေႏကမာꩻထိုꩻဗာႏ အစားနုဲင်းနဝ်ꩻနဝ်ꩻ ပွိုးတမုဲင်ꩻ နာꩻဆွုံꩻဖျတ်ဗာႏတွိုႏ နုဲင်းမုဲင်ꩻဟောင်း။ နာꩻလဲဉ် လိုꩻလွုမ်ꩻတမွေးတဝ်း၊ နာꩻလဲဉ်ဒျာႏ ဗွေႏဘုရာꩻ” နုဲင်းနဝ်ꩻသွူ။ 5အာနာနိ ထွိုင်ႏဟွိုန် ငဝ်းနုဲင်းယို တလဲင်ႏချင်ꩻ ဝွေꩻဝꩻလင်ꩻ သီထိုꩻစွဉ်ႏတဲင် လိုꩻကဟွိုန်ဗာႏဒါႏ ထာꩻယိုခရာႏသား ကားကအဝ်ႏနဝ်ꩻ ငမ်းသꩻလွစွဉ်ႏသွူ။ 6လိုꩻယွဲဖုံႏနဝ်ꩻ နွို့လွဉ်တွော့ꩻ လွမ်စွဉ်ႏ ဝွေꩻရုပ်ခန္ဓာႏတဲင် ထမ်ႏထန်ႏထိုꩻ ဝွေꩻတွော့ꩻ သင်္ဂြိုဟ်ႏစွဉ်ႏနဝ်ꩻသွူ။
7ညသွံနားရီႏရပ် ထွာလဲဉ်းထာꩻ နုဲင်းမုဲင်ꩻ ဝွေꩻမာနဝ်ꩻ တသေတဝ်းတဲင် နွို့လွဉ်သော့ꩻစွဉ်ႏသွူ။ 8ပေတရုရီဝွေꩻမူႏ၊ “နာꩻတွမ်ႏ နာꩻဝါꩻ ကစာဒါႏ သီဥစ္စာႏပစ္စေꩻ ကလꩻလွဉ်ဒါႏရွဉ် လို့လို့နဝ်ꩻ ယိုသွူနဲ့ဟောင်း ဒေါ့ꩻနယ်သွော့ခွေ” နုဲင်းနဝ်ꩻသွူ။
ဝွေꩻမူႏလဝ်းချာ၊ “မွေး၊ လို့လဲဉ်းနဝ်ꩻသွူ” နုဲင်းနဝ်ꩻသွူ။
9နဝ်ꩻမꩻ ပေတရု ဒေါ့ꩻဖေႏဝွေꩻမူႏ၊ “ကအီႏကျံႏစမ်ꩻထွား ဗွေႏဘုရာꩻ ဝိညာဉ်ႏတောႏနဝ်ꩻ ပွိုးတမုဲင်ꩻ နာꩻတွမ်ႏ နာꩻဝါꩻ ဆွုံꩻဖျတ်ဗာႏတွိုႏ နုဲင်းမုဲင်ꩻဟောင်း။ လိုꩻခိုဖုံႏ ကသင်္ဂြိုဟ်ႏ နာꩻဝါꩻနဝ်ꩻ ယိုခါ စဖျော်လွဉ် တခါꩻတန်ထျꩻတဲင် ဝွေꩻသီး အီႏထမ်ႏထန်ႏလွေꩻထိုꩻ နာꩻနေနေ” နုဲင်းနဝ်ꩻသွူ။ 10တလဲင်ႏချင်ꩻ ဝွေꩻမူႏ ဝꩻလင်ꩻစွဉ်ႏ ပေတရုခင်ႏထျꩻတဲင် သီထိုꩻစွဉ်ႏသွူ။ လိုꩻခိုယွဲဖုံႏ နွို့လွဉ်သော့ꩻတဲင် ထီႏပါꩻမူႏ သီထိုꩻလဲဉ်းနဝ်ꩻမꩻ ဝွေꩻသီး ထမ်ႏထန်ႏ ပါꩻမူႏနဝ်ꩻတဲင် သင်္ဂြိုဟ်ႏစွဉ်ႏ အဝါꩻထျꩻနဝ်ꩻသွူ။ 11အသေန်းတောႏ တဖြုံႏလွုမ်းတွမ်ႏ လိုꩻလင်ဖုံႏ ကဟွိုန်ဗာႏ ထာꩻယိုခရာႏ ကားကအဝ်ႏနဝ်ꩻ ငမ်းသꩻရောင်စွဉ်ႏနဝ်ꩻသွူ။
နိမိတ်လက္ခဏာႏတွမ်ႏဟဝ်အံႏဖြာႏခရာႏဖုံႏ
12တမန်ႏတောႏဖုံႏ မာꩻနယ် နိမိတ်လက္ခဏာႏ တွမ်ႏဟဝ်အံႏဖြာႏခရာႏ လိုꩻဖုံႏခြာနဝ်ꩻ အာငါႏသွူ။ လိုꩻကယွုမ်းသားဖုံႏ ကားကအဝ်ႏနဝ်ꩻ မော့ꩻခွဲ စုဗူႏလို့ဝင်ꩻ သောလမုန် တခါꩻမုခ်ကိုနဝ်ꩻသွူ။ 13လိုꩻစွိုꩻ ကောင်းထန်ႏဖုံႏနဝ်ꩻ လဲင်ꩻအံႏဖြာႏမွေးနေး ဝွေꩻသီးစွဉ်ႏတဲ့ ပါꩻမုဲင်ꩻတဖြာꩻငါ တပါငီꩻဗွိုန်ႏတဝ်း ဝွေꩻသီး စွုမ်ꩻစွိုꩻကိုဖုံႏသွူ။ 14ကွဲႏတွော့ꩻ လိုꩻကယွုမ်းလွဉ် ဗွေႏဘုရာꩻသား လိုꩻခိုတွမ်ႏ လိုꩻမူႏဖုံႏနဝ်ꩻ နွို့လွဉ်သော့ꩻ အစွိုꩻကို ကယိန်းအာလွဉ် ထဲင်းစွဉ်ႏသွူ။ 15နုဲင်းတမန်ႏတောႏဖုံႏ ကအဝ်ႏမာꩻ ထာꩻမာꩻနဝ်ꩻ အဆုဲင်ꩻသွတ်ꩻ လဲင်ꩻတွိုႏနေးစွဉ်ႏ ပေတရု ကထောင်ကာႏလွေꩻ ထာꩻချိန်ႏ ဖေႏနေး ဝွေꩻအယောင်ꩻ ဖေႏကဗာႏလူး ဝွေꩻသီးလောင်းနဝ်ꩻ လိုꩻဖုံႏအီလွဉ် လိုꩻဆာဖုံႏ၊ ပါစွဉ်ႏခင်ႏလမ်း ဗေင်ႏဖုံႏတဲင် အွဉ်ႏလင်ꩻစွဉ်ႏ တဖူꩻလောင်းဖုံႏသွူ။ 16တဲင်လိုꩻဖုံႏ အဝ်ႏဝေင်ꩻယေရုသလမ်ႏ အသောင်အထျꩻ ဝေင်ꩻပေႏဖုံႏနဝ်ꩻ အီလွဉ် လိုꩻဆော့ဆာဖုံႏစွဉ်ႏ လူꩻကုဲင်စောင်ꩻဖုံႏ ဝွေꩻသီးထျꩻတွော့ꩻ လိုꩻဆာဖုံႏ ကားကအဝ်ႏနဝ်ꩻ ဟဝ်ရေꩻလို့စွဉ်ႏနဝ်ꩻသွူ။
တမန်ႏတောဖုံႏခံႏဗာႏထာꩻနစ်စက်
17တွိုႏနဝ်ꩻ ယဇ်ပရောဟိတ် ခွန်တွမ်ႏ ဝွေꩻအစွုမ်ꩻစွိုꩻသားဖုံႏ ကားကအဝ်ႏ၊ ရပ်ရာႏဒေႏသ၊ သာဒုကဲ ပါတီစွုမ်ꩻစွိုꩻ သားဖုံႏနဝ်ꩻ တကေးမွေးနေးစွဉ်ႏ တမန်ႏတောႏဖုံႏသွူ။ နဝ်ꩻမꩻ ဝွေꩻသီး အီႏထူႏရေꩻလွေꩻနဝ်ꩻ ဆွုံꩻဖျတ်သွူ။ 18ဝွေꩻသီးဆွမ်ꩻ တမန်ႏတောႏဖုံႏတဲင် အွဉ်ႏသော့ꩻစွဉ်ႏ ဝွေꩻသီး ထောင်ႏကိုနဝ်ꩻသွူ။ 19ကွဲႏတွော့ꩻ အနာꩻနဝ်ꩻ ဗွေႏဘုရာꩻ တမန်ႏတပါꩻဗွောင် ထောင်ႏတခါꩻတန် အွဉ်ထန်ႏ တမန်ႏတောႏဖုံႏတွော့ꩻ ဒေါ့ꩻဖေႏဝွေꩻသီး၊ 20“လွေꩻတဲင် အုံထွိုင်ႏသော့ꩻ ဗိမာန်ႏတောႏ ကျောင်ꩻကိုတွော့ꩻ ပွိုင်းဝွို့တွမ်ႏ ဘဝတသာ ယိုခရာႏ ကားကအဝ်ႏနဝ်ꩻ ဒေါ့ꩻနယ်ဖေႏသွော့ လိုꩻဖုံႏဟုဲင်း” နုဲင်းနဝ်ꩻသွူ။ 21တမန်ႏတောႏဖုံႏ လွောက်ꩻနာႏလွဉ်ꩻတဲင် ထာꩻအီႏဗော့ꩻလေသွူချိန်ႏနဝ်ꩻ ဝွေꩻသီးနွို့သော့ꩻ ဗိမာန်ႏတောႏ ကျောင်ꩻကိုတွော့ꩻ သွဉ်သင်စဖေႏစွဉ်ႏနဝ်ꩻသွူ။
ကအီႏမာꩻကောင်စီ၊ စီꩻဝေတန် တဖြုံႏနဝ်ꩻ ယဇ်ပရောဟိတ် ခွန်တန်တွမ်ႏ ဝွေꩻအစွုမ်ꩻစွိုꩻဖုံႏနဝ်ꩻ ဟဲ့ꩻစုဗူႏစွဉ်ႏ ဂျူးလိုꩻတန်ဖုံႏသွူ၊ နဝ်ꩻထွူ ဖေႏကဟဲ့ꩻလွဉ် တမန်ႏတောႏဖုံႏ ဝွေꩻသီးဆꩻငါနဝ်ꩻ ဝွေꩻသီးဖေႏအမိန်း အွဉ်ႏစွꩻလွေꩻစွဉ်ႏ စဲ့ꩻပိုႏထောင်ႏကိုသွူ။ 22ကွဲႏတွော့ꩻ စဲ့ꩻပိုႏဖုံႏ ထွိုင်ႏဖျော်လွေꩻ ထောင်ႏကိုနဝ်ꩻ ဝွေꩻသီး တထီႏတဝ်းဒွုမ် တမန်ႏတောႏဖုံႏ၊ နဝ်ꩻမꩻ ဝွေꩻသီး သဲင်ꩻလွဉ်ချာ ကောင်စီတဲင် အွဉ်ႏဟွိုန်၊ 23နီထွိုင်ႏဖျော်လွေꩻ ထောင်ႏချိန်ႏနဝ်ꩻ နီထီႏဒျာႏ သော်ဖုံႏ အဝ်ႏခတ်ꩻခါꩻနေး၊ စဲ့ꩻပွေါးသားဖုံႏ ကားကအဝ်ႏ နဝ်ꩻတဲ့ အဝ်ႏအုံပွေါးဒျာႏ တခါꩻတန်ဖုံႏထျꩻသွူ။ ကွဲႏတွော့ꩻ နီထွိုင်ႏဗွောင် တခါꩻတန်ချိန်ႏ ကောင်းကိုနဝ်ꩻ နီတမော့ꩻတဝ်းဒွုမ် တဖြာꩻဖြာꩻ” နုဲင်းနဝ်ꩻသွူ။ 24ယဇ်ပရောဟိတ် တန်ဖုံႏတွမ်ႏ စဲ့ꩻပွေါးရံႏ ထိန်ꩻထွား ဗိမာန်ႏတောႏကျောင်ꩻ စဲ့ꩻပိုႏ ထွိုင်ႏဟွိုန် နုဲင်းယိုချိန်ႏနဝ်ꩻ တမန်ႏတောႏဖုံႏ ထွာထာꩻ နုဲင်းယိုနဝ်ꩻ ဝွေꩻသီးအံႏဖြာႏငါႏသွူ။ 25နဝ်ꩻထွူ ပါꩻခိုတဖြာꩻ နွို့လွဉ်သော့ꩻတဲင် ဒေါ့ꩻဖေႏဝွေꩻသီး၊ “နာႏဟုဲင်း။ ပါꩻခိုဖုံႏ သီကအွဉ်ႏသော့ꩻဒါႏ ထောင်ႏကိုနဝ်ꩻ အဝ်ႏသွဉ်သင်ဖေႏ လိုꩻဖုံႏ ဗိမာန်ႏတောႏ ကျောင်ꩻကို” နုဲင်းနဝ်ꩻသွူ။ 26နဝ်ꩻမꩻ စဲ့ꩻပိုႏ စွဉ်ႏဝွေꩻလိုꩻဖုံႏနဝ်ꩻ ထန်ႏလွေꩻတဲင် ဟဲ့ꩻသဲင်ꩻချာယင်း တမန်ႏတောႏဖုံႏနဝ်ꩻသွူ။ ကွဲႏတွော့ꩻ ပွိုးဝွေꩻသီး ငမ်းသꩻလိုꩻဖုံႏ နုဲင်ႏနိုဝွေꩻသီး တွမ်ႏလုံးတူႏအတွက် ဝွေꩻသီး တမာꩻကျံꩻနေးတဝ်းသွူ။
27ဝွေꩻသီးဟဲ့ꩻနွို့ တမန်ႏတောႏဖုံႏ အွဉ်ႏဝွေꩻသီးအုံထွိုင်ႏ ကောင်စီဆꩻငါတဲင် ယဇ်ပရောဟိတ်ခွန်နဝ်ꩻ ရီဝွေꩻသီး။ 28#မ ၂၇:၂၅။ ဝွေꩻဒေါ့ꩻ၊ “စွဉ်ႏပါꩻယို အမဉ်ꩻနာႏမ ဖေႏကသွဉ်သင်မွိုန်းနဝ်ꩻ နီမိန်းခြေင်း ဖေႏလဲဉ်းသီ၊ ထွားမွိုင် သီအဝ်ႏမာꩻဒျာႏ နုဲင်းမုဲင်ꩻ။ သီထာꩻသွဉ်သင်နဝ်ꩻ သီအဝ်ႏမာꩻ စွစ်ꩻလီဒျာႏ ဝေင်ꩻယေရုသလမ်ႏ တဝေင်ꩻလွုမ်းတဲင် ပွိုးဝွေꩻကသီထိုꩻတာႏနဝ်ꩻ သီမဉ်မာꩻထွာထိုꩻ နီတာႏဝွန်ႏနုဲင်းမုဲင်ꩻ” နုဲင်းနဝ်ꩻသွူ။
29ပေတရုတွမ်ႏ တမန်ႏတောႏ အလင်ဖုံႏ လဝ်းချာ၊ “နီနဝ်ꩻလွောက်ꩻနာႏဗာႏဒျာႏ ဗွေႏဘုရာꩻငဝ်း။ နာႏဗာႏတဝ်း လိုꩻငဝ်းသွူ။ 30တွမ်ႏမုဲင်းနာꩻ သီကတွဲႏဒပ်ဒါႏ ကင်းထွန်ႏလောင်းတဲင် ကမာꩻသီထိုꩻလဲဉ်းဒါႏ ဗွေႏယေသျုနဝ်ꩻ အဝ်ႏထာꩻသီကို နီဖါဖြား အဗွေႏဘုရာꩻ မာꩻထွိုင်ႏမွန်ချာယင်းလဲဉ်း ဝွေꩻဗွေႏနဝ်ꩻသွူ။ 31ဖေႏကလꩻ ထာꩻကော့ꩻမာႏတဲင် ဝွေꩻသီးအပဲစ်ဖုံႏ ဖေႏကလွစ်နဝ်ꩻ ဖေႏဣသရေး လိုꩻမျိုꩻဖုံႏ အခွင်ꩻအရေꩻတဲင် ဗွေႏဘုရာꩻ မာꩻထွိုင်ႏမွန် ဝွေꩻဗွေႏ အွဉ်ႏဝွေꩻဗွေႏ အစူထွေဖဲ့ꩻ နုဲင်းခေါင်းဆောင်တွမ်ႏ ထာꩻကယ်ႏတင်ႏ အဗွေႏနဝ်ꩻသွူ။ 32ထာꩻယိုဖုံႏ ကားကအဝ်ႏနဝ်ꩻ နီထွာ သက်သေႏသွူ။ နီတွမ်ႏ လိုꩻကလွောက်ꩻနာꩻဒါႏ ဝွေꩻဗွေႏ အမိန်းသား ဗွေႏဘုရာꩻ ကဖေႏဒါႏ ဆုကေꩻဇူꩻ ကြောင်းစင် ဝိညာဉ်ႏတောႏနဝ်ꩻတဲ့ ထွာသက်သေႏ” နုဲင်းနဝ်ꩻသွူ။
33ကောင်စီစွုမ်ꩻစွိုꩻဖုံႏ ထွိုင်ႏဟွိုန် နုဲင်းယိုချိန်ႏ ဝွေꩻသီး သꩻလျားမွေးနေးစွဉ်ႏ ထာꩻတဲင် ဝွေꩻသီး မဉ်မာꩻသီထိုꩻစွဉ်ႏ တမန်ႏတောႏဖုံႏနဝ်ꩻသွူ။ 34ကွဲႏတွော့ꩻ ဝွေꩻသီးကိုတဖြာꩻ ကထွာဖါရိသဲ၊ မဉ်ꩻကဟဲ့ꩻဒါႏ ဂါမလေလ လိုꩻဖုံႏကားကအဝ်ႏ ကရိုႏသေႏမွေးငါႏ ကထွာကျမ်ꩻဒါႏဆရာႏ တဖြာꩻနဝ်ꩻ အဝ်ႏကောင်စီပွယ်ꩻအုံကွံကို ထွိုင်ႏတဲင် ဝွေꩻဖေႏအမိန်း ဖေႏကဟဲ့ꩻထန်ႏထိုꩻ တမန်ႏတောႏဖုံႏ ကောင်းထန်ႏတဆင်ႏသွူ။ 35ထွူတဲင် ဝွေꩻဒေါ့ꩻဖေႏ ကောင်စီစွုမ်ꩻစွိုꩻသားဖုံႏ၊ “သွꩻဣသရေးလိုꩻမျိုꩻဖုံႏ၊ နုဲင်းသီကအီႏမာꩻဒါႏ လိုꩻစားယိုဖုံႏနဝ်ꩻ အွဉ်ႏသတိꩻသွော့။ 36တပေါႏညတဝ်းဒွိုန်း ပါꩻကထွာတုတနဝ်ꩻ ပေါႏလွဉ် ကေႏညာႏချာအနမ်း ထွာလိုꩻတန်မျတ် တပါꩻတဲင် လိုꩻလွေꩻလွဉ်ꩻ ဝွေꩻဆꩻချာ အဝ်ႏအဖြာꩻ လစ်ꩻရျာꩻရပ်နဝ်ꩻ သီယူႏလꩻချာသွော့။ ကွဲႏတွော့ꩻ ဝင်ꩻထွိုင်ႏမာꩻသီထိုꩻ ဝွေꩻနဝ်ꩻ ဝွေꩻတပဲ့ဖုံႏ ကားကအဝ်ႏ လီလာထိုꩻတဲင် ဝွေꩻကမာꩻဒါႏ ထာꩻဖုံႏနဝ်ꩻ ကုဲင်ထိုꩻစွဉ်ႏသွူ။ 37ဆုဲင်ꩻနဝ်ꩻ ကအဝ်ႏကောက်ထူႏဒါႏ လိုꩻမဉ်ꩻ ထာꩻလွိုတ်ꩻစရင်ꩻ ယံꩻတွင်ꩻ ကာလိလဲ ခမ်းသားတဖြာꩻ မဉ်ꩻကဟဲ့ꩻဒါႏ ယုဒနဝ်ꩻ ပေါႏလွဉ်၊ လိုꩻဖေႏကလွေꩻလွဉ်ꩻ ဝွေꩻဆꩻချာနဝ်ꩻ ဝွေꩻအော်တစွိုꩻ၊ ကွဲႏတွော့ꩻ ဝွေꩻနဝ်ꩻတဲ့ ဝင်ꩻမာꩻသီထိုꩻတဲင် ဝွေꩻလိုꩻဖုံႏ ကားကအဝ်ႏနဝ်ꩻ လီလာထိုꩻလို့ဒျာႏသွူ။ 38နဝ်ꩻမꩻ ကိစ္စယိုနဝ်ꩻ ခွေဒေါ့ꩻဖေႏသီ၊ တွမ်ႏဆန်ချာမွိုန်း လိုꩻစားယိုဖုံႏ တမုဲင်ꩻမုဲင်ꩻ။ အွဉ်ႏဗော့ꩻဝွေꩻသီးနုဲင်းနဝ်ꩻဟုဲင်း၊ မဉ်ႏထွာ ဝွေꩻသီးအကျံႏတွော့ꩻ ထွာဒျာႏ လိုꩻဇာႏတိထာꩻမာꩻနဝ်ꩻ အီႏထိုꩻမားထိုꩻဒျာႏသွူ။ 39ကွဲႏတွော့ꩻ မဉ်ႏထွာ အဝ်ႏဗွေႏဘုရာꩻထျꩻလွဉ် အကျံႏတောႏနဝ်ꩻ သီယားကုဲင်ထိုꩻ ဝွေꩻသီး တလꩻနွောင်ꩻတဝ်းသွူ။ သီနမ်းနဝ်ꩻတဲ့ ထွာဒျာႏ သီအဝ်ႏထုမ်ႏ တွိုက်ꩻဆန်ချာ ဗွေႏဘုရာꩻ” နုဲင်းနဝ်ꩻသွူ။
နုဲင်းဂါမလေလ ကဖေႏကျံႏနဝ်ꩻ ကောင်စီစွုမ်ꩻစွိုꩻနဝ်ꩻ စူꩻလွဉ်ꩻစွဉ်ႏသွူ။။ 40ဝွေꩻသီး ဟဲ့ꩻနွို့သော့ꩻချာ တမန်ႏတောႏဖုံႏ ကောင်းကို၊ ဖေႏဝွေꩻသီး ခွဉ်းတံႏတဲင် စွဉ်ႏဗွေႏယေသျု အမဉ်ꩻနာႏမ ဖေႏကဒေါ့ꩻဖျင် ထဲင်းမွိုန်းဒွုမ်နဝ်ꩻ ဝွေꩻသီးဖေႏအမိန်းတွော့ꩻ အွဉ်ႏစွꩻလွစ်ဖေႏ တမန်ႏတောႏဖုံႏသွူ။ 41ကွပ်ပွိုး ဗွေႏယေသျု တွက်တာႏ ဝွေꩻသီး ကအီႏခံႏဗာႏ တရေႏကုဲင်နဝ်ꩻ ထွိုက်တန်ႏဒျာႏ၊ ဗွေႏဘုရာꩻ အဝ်ႏမတ် လက်ခံႏဒျာႏ ဝွေꩻသီးအတွက် တမန်ႏတောႏဖုံႏ အဝ်ႏကောင်စီရွုမ်ꩻ ထွိုင်ႏထန်ႏလွေꩻနဝ်ꩻ ဝွေꩻသီး အဝ်ႏဗွေစွဉ်ႏ ထာꩻသꩻပျောႏသွူ။ 42စွုမ်ႏနီꩻနီꩻ ဗိမာန်ႏတောႏ ကျောင်ꩻကိုတွမ်ႏ လိုꩻဖုံႏ အလမ်းကိုနဝ်ꩻ ပွိုင်းဝွို့တွမ်ႏ ဗွေႏယေသျုနဝ်ꩻထွာ မေသျိယခရာႏ သတင်ꩻဟဝ်နဝ်ꩻ ဝွေꩻသီး သွဉ်သင် ဟော်ꩻဖေႏသွုပ်ဒျာႏနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.