တမန်ႏတောႏ 26
26
ပေါလုဒေါ့ꩻရဲကာႏကွယ်ႏချာဝွေꩻနမ်းခွန်တန်အဂြိပ္ပဆꩻငါ
1ခွန်တန်အဂြိပ္ပ ဒေါ့ꩻဖေႏပေါလု၊ “ကအီႏဒေါ့ꩻ နာꩻနမ်းတင်တာႏနဝ်ꩻ နာꩻလꩻလဲဉ်းအခွင်ꩻ၊” နုဲင်းနဝ်ꩻတဲင် ပေါလုယွိုင်ႏ အစူတွော့ꩻ ဒေါ့ꩻရဲကာႏကွယ်ႏချာ ဝွေꩻနမ်းနုဲင်းဆꩻလယိုသွူ။
2ခွန်တန်အဂြိပ္ပ၊ ဂျူးလိုꩻမျိုꩻဖုံႏ ကစွဲꩻတရာꩻဒါႏ ခွေသွဉ်းခရာႏ ကားကအဝ်ႏ၊ ကအီႏဒေါ့ꩻ ရဲကာႏကွယ်ႏချာဗာႏ ခွေနမ်းတာႏ နီဗွေႏဆꩻငါနဝ်ꩻ ခွေသွဉ်းလအခွင်ꩻ ဟန်ႏနီꩻယိုနဝ်ꩻ ခွေသွဉ်းယူႏစဉ်ꩻစာꩻ ထွာအခွင်ꩻ တန်မျတ်ငါႏသွူ။ 3ဂျူးထွုံꩻစံႏစွဉ်ႏ အချင်ꩻချင်ꩻ ကထေင်ငဝ်းအာဒါႏလို့ဝင်ꩻ ခရာႏနဝ်ꩻ နီဗွေႏခွန်တန် အဝ်ႏသေလို့လဲဉ်းဒျာႏသွူ။ စွဉ်ႏထာꩻသယ်ꩻခံႏ ဖေႏကနာႏ ခွေသွဉ်းငဝ်းနဝ်ꩻ ခွေသွဉ်း တောင်ꩻပြန်ႏဒျာႏသွူ။
4“တယ်ႏစွဉ်ႏ ခွေသွဉ်းရွယ်ႏပေႏခါကာႏ ခွေသွဉ်း သက်မွန် အုံႏအဝ်ႏထာꩻ နုဲင်းမုဲင်ꩻနဝ်ꩻ ဂျူးလိုꩻမျိုꩻဖုံႏ ကားကအဝ်ႏ အဝ်ႏသေလို့နဝ်ꩻသွူ။ ခွေဘဝတစိုးလွုမ်း အရီးသွတ်ꩻ ခွေသွဉ်း ဇာႏတိရပ်ရာႏကို၊ ထွူဝေင်ꩻယေရုသလမ်ႏကို ခွေအုံအဝ်ႏထာꩻ နုဲင်းမုဲင်ꩻနဝ်ꩻ ဝွေꩻသီး အဝ်ႏသေဒျာႏသွူ။ 5#တ ၂၃:၆၊ ဖိ ၃:၅။ ဝွေꩻသီးအဝ်ႏသေ သေႏသေႏဒျာႏအတွိုင်ꩻ ခွေနဝ်ꩻ တယ်ႏစွဉ်ႏအစကာႏ အဝ်ႏအုံဒျာႏ နုဲင်းနီဘာႏသာႏ စီꩻကန်ꩻ အခြေင်းသွတ်ꩻ၊ ဖါရိသဲဂွိုဏ်ꩻ စွုမ်ꩻစွိုꩻကိုသား တဖြာꩻကျောင်ꩻ ဝွေꩻသီးမဉ်ႏ မဉ်ခံႏဖေႏ သက်သေႏတဲ့ ခံႏနွောင်ꩻဒျာႏတဲင် 6ကွပ်ပွိုး ခွေသွဉ်း အဝ်ႏမောင်ဒျာႏ ဗွေႏဘုရာꩻ ကအွဉ်ႏဂတိ သစ္စာႏခါꩻဒါႏ နီမွိုးဖြား ဖါဖြားသီးဖုံႏ နဝ်ꩻအတွက် ကအီႏခံႏဗာႏ အစဲစ်ဆေꩻနဝ်ꩻ ယိုခါ ခွေသွဉ်း အဝ်ႏအုံထွိုင်ႏဗာႏ ယိုကိုသွူ။ 7ဂတိတောႏနဝ်ꩻနဝ်ꩻ ကထွာဒါႏ နီလိုꩻမျိုꩻဖုံႏ တဆီနီခွိုꩻ နုဲင်းဝွေꩻသီး ကအဝ်ႏဝုဲင်ႏ ကိုꩻကွယ်ႏဒါႏ နီꩻနီꩻနာꩻနာꩻအတွိုင်ꩻ ကအဝ်ႏမောင်ꩻ အီႏလက်ခံႏလꩻဒါႏ နဝ်ꩻသွူ။ နီဗွေႏခွန်တန်၊ ကွပ်ပွိုး ထာꩻအဝ်ႏမောင် နုဲင်းယိုနဝ်ꩻမꩻ ခွေသွဉ်းအဝ်ႏခံႏဗာႏ ဂျူးလိုꩻမျိုꩻဖုံႏစားယို စွဲꩻတရာꩻခွေသွူ။ 8လိုꩻကသီလဲဉ်းတွော့ꩻ ဗွေႏဘုရာꩻ ကမာꩻထွိုင်ႏမွန်ချာနဝ်ꩻ ကထီႏဗာႏလဲဉ်းသား လိုꩻကအဝ်ႏယိုကိုဖုံႏနဝ်ꩻ ပွိုးတမုဲင်ꩻ တယွုမ်းတဝ်းတွိုႏ နုဲင်းမုဲင်ꩻဟောင်း။
9 #
တ ၈:၃၊ ၂၂:၄၊ ၅။ “ထာꩻကားကအဝ်ႏ ကဆန်ဒါႏ ဝေင်ꩻနာဇရဲစ်သား ယေသျုအမုနဝ်ꩻ ခွေအီႏဆန်ချာနဝ်ꩻ ခွေသွဉ်းနမ်းနဝ်ꩻတဲ့ အဝ်ႏထင်းဒျာႏ ဟဝ်မာꩻနဝ်ꩻသွူ။ 10ကွပ်နုဲင်းနဝ်ꩻမꩻ ခွေမာꩻသော့ꩻလဲဉ်း ဝေင်ꩻယေရုသလမ်ႏကိုနဝ်ꩻသွူ။ ခွေလꩻ ယဇ်ပရောဟိတ်တန်ဖုံႏထျꩻ အခွင်ꩻတဲင် အွဉ်ႏခံသော့ꩻလဲဉ်း ဗွေႏဘုရာꩻ အလိုꩻဖုံႏ ထောင်ႏကို အာငါႏသွူ။ ထွိုင်ႏဖေႏ ဝွေꩻသီး ထာꩻသီတံႏချိန်ႏ ကဆန်ဒါႏ ဝွေꩻသီးနဝ်ꩻတဲ့ ခွေအဝ်ႏထောက်ခံႏဒျာႏသွူ။ 11တရာꩻစရွပ်ကိုဖုံႏနဝ်ꩻတဲ့ ခွေအဝ်ႏ ဖေႏဝွေꩻသီး အပဲစ်တံႏ အာလဲင်ႏတန်တဲင် ဖေႏဝွေꩻသီး ကအွဉ်ႏကုဲင်ထိုꩻ အထာꩻယွုမ်းဖုံႏနဝ်ꩻ အဝ်ႏကျိုꩻစာꩻမာꩻသွူ။ ခွေသꩻလျားသန် မွေးနေးစွဉ်ႏ ဝွေꩻသီး နဝ်ꩻမꩻ ခွေလဲင်ꩻလွေꩻ နစ်စက်တွိုႏနေး ဝွေꩻသီး ခမ်းလင် ဝေင်ꩻတောႏဖုံႏကို နဝ်ꩻသွူ။။
ပေါလုဒေါ့ꩻနယ်ဝွေꩻပြောင်ꩻကြုဲင်ꩻလွဉ်ခရာႏ
(တမန်ႏတောႏ ၉:၁–၁၉၊ ၂၂:၆–၁၆)
12ပွိုးထာꩻအင်းရွယ်ႏချက် အဝ်ႏနုဲင်းယိုအတွက် စွဉ်ႏယဇ်ပရောဟိတ်တန်ဖုံႏ အာႏဏာႏ တွမ်ႏအမိန်းနဝ်ꩻ ခွေလွေꩻ ဝေင်ꩻဒမာသကတ်သွူ။ 13တဖူꩻတန်လောင်း ထွာမွူးနွောင်းချိန်ႏ ဘွုန်ꩻတောႏ ကတန်ငါႏ နီဗွေႏ၊ ထာꩻလေရောင်ႏ လေလဲဉ်းကယ်ꩻက မွူးရောင်ႏနဝ်ꩻ အဝ်ႏမို့ꩻလောင်း လင်ꩻလွဉ်တဲင် အရောင်ႏနဝ်ꩻ တောင်ႏခူစွဉ်ႏခွေ တွမ်ႏပါꩻခိုဖုံႏ ကအဝ်ႏလွေꩻငီꩻဒါႏ ခွေသားဖုံႏနဝ်ꩻ ခွေထီႏဗာႏသွူ။ 14နီကားကအဝ်ႏ ခြို့ꩻဝꩻလင်ꩻလို့စွဉ်ႏ ထာꩻဟံႏလောင်းတဲင် ခွေဟွိုန်ငဝ်းတစွိုး ဒေါ့ꩻအီဖေႏခွေ စွဉ်ႏဟေဗြဲငဝ်း သျောလု၊သျောလု၊ ပွိုးတမုဲင်ꩻ နာꩻအဝ်ႏနစ်စက်ဗာႏတွိုႏခွေ နုဲင်ႏမုဲင်ꩻဟောင်း။ ဗွိုန်နုဲင်း ဖိုးထီးတဗာႏ ကအဝ်ႏပတ်ꩻချာ အဗွေႏခွဉ်းနာနဝ်ꩻ နာꩻအဝ်ႏမာꩻဆာချာ ဗာႏတွိုႏ နာꩻနမ်းနုဲင်းမုဲင်ꩻ’ နုဲင်းနဝ်ꩻသွူ။ 15ခွေသွဉ်းရီ၊ ‘ဗွေႏ၊ နီဗွေႏနဝ်ꩻ ထွာပါꩻမုဲင်ꩻဟောင်း’ နုဲင်းနဝ်ꩻတဲင် ဗွေႏဘုရာꩻလဝ်းချာ၊ ‘ခွေနဝ်ꩻထွာ ယေသျု၊ ပါꩻနာꩻကအဝ်ႏ နစ်စက်နဝ်ꩻသွူ။ 16ကွဲႏတွော့ꩻ ထွိုင်ႏတဲင် အုံထွိုင်ႏသွော့။ ဖေႏကခန်ꩻဗာႏနာꩻ နုဲင်းခွေသွဉ်း တဖြာꩻနဝ်ꩻ ခွေပေါႏလွဉ်ဗာႏ နာꩻထျꩻသွူ။ ဟန်ႏနီꩻ နုဲင်းနာꩻကထီႏဗာႏလဲဉ်း ခွေတွမ်ႏ နုဲင်းခွေကအီႏအွဉ်ႏနယ်နာꩻ အနာႏဂတ်ခရာႏနဝ်ꩻ နာꩻအီႏဒေါ့ꩻနယ်ဖေႏဗာႏ လိုꩻလင်ဖုံႏသွူ။ 17ခွေကအီႏ အွဉ်ႏစွꩻလွေꩻနာꩻ ဣသရေး လိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ အကိုနဝ်ꩻ ခွေအီႏကယ်ႏနာꩻသွူ။ 18နာꩻနဝ်ꩻ အီႏဗွောင်ဖေႏဗာႏ ဝွေꩻသီးမဲ့ဖုံႏတဲင် ဝွေꩻသီး အဝ်ႏထာꩻခေ့ꩻ ဖေႏကသဲင်ꩻထေ့ခွိုန်ꩻ ထာꩻလေ၊ အဝ်ႏစားတန်ႏတန်ꩻခိုꩻ ဆꩻလ ဖေႏကသဲင်ꩻထေ့ခွိုန်ꩻချာ ဗွေႏဘုရာꩻထျꩻသွူ။ ပွိုးနုဲင်းနဝ်ꩻမꩻ စွဉ်ႏဝွေꩻသီး ထာꩻယွုမ်းခွေနဝ်ꩻ ဝွေꩻသီးအီႏလꩻ အပဲစ်လွစ်ခွင်ꩻတဲင် ဝွေꩻသီး အီႏလက္ခံႏလꩻ ခင်ႏလမ်း ဗွေႏဘုရာꩻ ကလွိုက်ထူႏဒါႏ လိုꩻဖုံႏ အကို’ နုဲင်းနဝ်ꩻသွူ။
ပေါလုဒင်ႏနယ်ဝွေꩻထာꩻမာꩻ
19“နဝ်ꩻမꩻ ခွန်တန်အဂြိပ္ပ၊ ခွေသွဉ်းကလꩻဒါႏ ဗျာဒိတ်ရူႏပါႏရုံႏ အဝ်ႏခမ်းထီမို့ꩻလောင်း လွဉ်နဝ်ꩻ ခွေသွဉ်း တလွောက်ꩻနာႏတဝ်း တလꩻတဝ်းသွူ။ 20#တ ၉:၂၀၊ ၂၈၊ ၂၉။ အရီးသွတ်ꩻနဝ်ꩻ ဝေင်ꩻဒမာသကတ်ကိုတွမ်ႏ ဝေင်ꩻယေရုသလမ်ႏကို ထွူတဲင် ဣသရေး တခမ်းလွုမ်းတွမ်ႏ လိုꩻမျိုꩻလင်ဖုံႏကို ခွေဟော်ꩻဖေႏနဝ်ꩻ ဝွေꩻသီး ကမာꩻဒါႏ အပဲစ်ဖုံႏ ဖေႏကလꩻ ထာꩻကော့ꩻမာႏတွော့ꩻ ဖေႏကသဲင်ꩻထေ့ချာ ဗွေႏဘုရာꩻထျꩻတဲင် လꩻလဲဉ်းထာꩻကော့ꩻမာႏကျောင်ꩻ ကထွိုက်မာꩻဒါႏ ထာꩻဖုံႏနဝ်ꩻ ဝွေꩻသီး အီႏအွဉ်ႏနယ်ဗာႏသွူ။ 21ပွိုးအကျောင်ꩻခရာႏ နုဲင်းယိုအတွက် ခွေသွဉ်းအဝ်ႏသော့ꩻ ဗိမာန်ႏတောႏ ကျောင်ꩻကိုကျာꩻ ဂျူးလိုꩻမျိုꩻဖုံႏ ဆွမ်ꩻခွေသွဉ်းတဲင် ဝွေꩻသီး ကျံႏမာꩻသီထိုꩻ ခွေသွဉ်းသွူ။ 22ကွဲႏတွော့ꩻ ဗꩻတွိုႏစွဉ်ႏဟန်ႏနီꩻယို ဗွေႏဘုရာꩻ အဝ်ႏစွဲကိုဖေႏ ခွေသွဉ်းနဝ်ꩻမꩻ ခွေသွဉ်း အဝ်ႏအုံထွိုင်ႏဗာႏထာꩻ ယိုကို၊ အဝ်ႏခံႏနယ်ဗာႏ ပေႏပေႏတန်တန် သီဖုံႏသက်သေႏနဝ်ꩻသွူ။ နုဲင်းခွေကရိုꩻယိုနဝ်ꩻ ဗွိုန်ဒျာႏစွဉ်ႏ ပရောဖဲစ်ဖုံႏတွမ်ႏ မောသျေ ကဒေါ့ꩻဖေႏဒါႏ ထာꩻကအီႏထွာလွဉ်ဒါႏ ခရာႏဖုံႏနဝ်ꩻသွူ။ 23#၂ကော ၁၅:၂၀၊ ဟေသျာ ၄၂:၆၊ ၄၉:၆။ မေသျိယနဝ်ꩻ အီႏခံႏစာꩻဗာႏ မွေးနေးစွဉ်ႏ ထာꩻဒုက္ခတဲင် အရီးသွတ်ꩻ အဝ်ႏထာꩻသီကို အီႏထွိုင်ႏမွန်လွဉ်ချာ ထာꩻကယ်ႏတင်ႏ ထာꩻလေနဝ်ꩻ အီႏကေႏညာႏဖေႏဗာႏ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ” ဒေါ့ꩻရဲကာႏကွယ်ႏချာနမ်း နုဲင်းနဝ်ꩻသွူ။
24ပေါလုဒေါ့ꩻ ရဲကာႏကွယ်ႏချာ အနမ်း စွဉ်ႏအနယ်ꩻယိုနဝ်ꩻ ဖေတုခြောဝ်သန် စွဉ်ႏဝွေꩻ၊ “ပေါလု၊ နာꩻဗာႏထိုꩻလဲဉ်းနဲ့ နာꩻကသွဉ် မွေးနေးစွဉ်ႏ နာꩻထာꩻဒါႏနဝ်ꩻ မာꩻဗားအီထိုꩻလဲဉ်းနာꩻနဲ့” နုဲင်းနဝ်ꩻသွူ။
25ပေါလုလဝ်းချာ၊ “နီဗွေႏခွန်တန်၊ ခွေသွဉ်း တဗားတဝ်း၊ ခွေသွဉ်း ကအဝ်ႏဒေါ့ꩻနဝ်ꩻ စွဉ်ႏသမ္မာႏသတိꩻ အမဉ်ႏတရာꩻဒျာႏသွူ။ 26ခွန်တန်အဂြိပ္ပ ထာꩻယိုဖုံႏခရာႏနဝ်ꩻ ကွပ်ပွိုး နီဗွေႏ အဝ်ႏသေနဝ်ꩻမꩻ ခွေသွဉ်း ဒေါ့ꩻရုဲင်းဗွိုန်ႏ ဖေႏလို့နွောင်ꩻ နီဗွေႏသွူ။ ပွိုးထာꩻကထွာလွဉ်လဲဉ်း ဒါႏဖုံႏနဝ်ꩻ ထွာဗဉ်ႏဗꩻတေ့ꩻနေး အစောက်အစဲင်ႏကို တမွေးတဝ်းနဝ်ꩻမꩻ ထာꩻနဝ်ꩻဖုံႏနဝ်ꩻ နီဗွေႏ အဝ်ႏသေလို့လဲဉ်းဒျာႏကျောင်ꩻ ခွေသွဉ်း အဝ်ႏသေစဲင်းသွူ။ 27ခွန်တန်အဂြိပ္ပ၊ နီဗွေႏယွုမ်းနေ ပရောဖဲစ်ဟောင်း။ နီဗွေႏ ယွုမ်းဒျာႏကျောင်ꩻနဝ်ꩻ ခွေသွဉ်းအဝ်ႏသေ” နုဲင်းနဝ်ꩻသွူ။
28ခွန်တန်အဂြိပ္ပ ဒေါ့ꩻဖေႏပေါလု၊ “အချိန်ႏဒွေါင်ႏပေႏကို နုဲင်းယိုနဝ်ꩻ နာꩻထင်းဒျာႏ နာꩻအီႏမာꩻလꩻခွေ ဖေႏကထွာလွဉ် ခရစ်ယာန်ႏ တဖြာꩻဟောင်း” နုဲင်းနဝ်ꩻသွူ။
29ပေါလုလဝ်းချာ၊ “အချိန်ႏဆေ့ꩻပေႏတဲ့နဝ်ꩻ၊ အာတဲ့နဝ်ꩻ၊ နီဗွေႏတွမ်ႏ ကအဝ်ႏကုဲင်ဒါႏ လိုꩻကနာႏခံႏဒါႏ ခွေသွဉ်းငဝ်း ဟန်ႏနီꩻယိုသားဖုံႏ ကားကအဝ်ႏနဝ်ꩻ ဖေႏကလွစ်ထန်ႏဗာႏ အဝ်ႏစွိုင်ပသီႏဖြွီꩻယိုဖုံႏ နုဲင်းခွေနဝ်ꩻ ခွေသွဉ်း အဝ်ႏဆုတောင်ꩻထေ့ ဗွေႏဘုရာꩻထျꩻနဝ်ꩻသွူ။
30တွိုႏနဝ်ꩻခွန်တန်၊ ခွန်ခံႏ၊ မိဖုရာꩻ ဗေရနိတ်တွမ်ႏ လိုꩻလင်ဖုံႏ ကားကအဝ်ႏနဝ်ꩻ ထွိုင်ႏစွဉ်ႏသွူ။ 31နဝ်ꩻထွူအဝ်ႏနဝ်ꩻကို ထန်ႏလွေꩻတဲင် တဖြာꩻတွမ်ႏတဖြာꩻ ဒေါ့ꩻဖေႏလို့ဝင်ꩻ၊ “ပါꩻယို ကအီႏသီထွိုက်ဗာႏ မဉ်ႏတမွေးတဝ်း ကအီႏအွဉ်ႏခံထွိုက်ဗာႏ ထောင်ႏနဝ်ꩻ ဝွေꩻအပဲစ် တစွိုးစွိုး တအဲဉ်ထဝ်းသွူ။ 32နဝ်ꩻမꩻ ခွန်တန်အဂြိပ္ပဒေါ့ꩻဖေႏ ဖေတု၊ “ပါꩻခိုယိုနဝ်ꩻ ဝွေꩻမဉ်ႏတရိုꩻတဝ်း အီႏခံႏထူႏ အယူႏခံႏ ဧကရာဇ် ခွန်တန်ထျꩻနဝ်ꩻ အွဉ်ႏစွꩻလွစ်ဝွေꩻ လꩻလဲဉ်း” နုဲင်းနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 26: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 26
26
ပေါလုဒေါ့ꩻရဲကာႏကွယ်ႏချာဝွေꩻနမ်းခွန်တန်အဂြိပ္ပဆꩻငါ
1ခွန်တန်အဂြိပ္ပ ဒေါ့ꩻဖေႏပေါလု၊ “ကအီႏဒေါ့ꩻ နာꩻနမ်းတင်တာႏနဝ်ꩻ နာꩻလꩻလဲဉ်းအခွင်ꩻ၊” နုဲင်းနဝ်ꩻတဲင် ပေါလုယွိုင်ႏ အစူတွော့ꩻ ဒေါ့ꩻရဲကာႏကွယ်ႏချာ ဝွေꩻနမ်းနုဲင်းဆꩻလယိုသွူ။
2ခွန်တန်အဂြိပ္ပ၊ ဂျူးလိုꩻမျိုꩻဖုံႏ ကစွဲꩻတရာꩻဒါႏ ခွေသွဉ်းခရာႏ ကားကအဝ်ႏ၊ ကအီႏဒေါ့ꩻ ရဲကာႏကွယ်ႏချာဗာႏ ခွေနမ်းတာႏ နီဗွေႏဆꩻငါနဝ်ꩻ ခွေသွဉ်းလအခွင်ꩻ ဟန်ႏနီꩻယိုနဝ်ꩻ ခွေသွဉ်းယူႏစဉ်ꩻစာꩻ ထွာအခွင်ꩻ တန်မျတ်ငါႏသွူ။ 3ဂျူးထွုံꩻစံႏစွဉ်ႏ အချင်ꩻချင်ꩻ ကထေင်ငဝ်းအာဒါႏလို့ဝင်ꩻ ခရာႏနဝ်ꩻ နီဗွေႏခွန်တန် အဝ်ႏသေလို့လဲဉ်းဒျာႏသွူ။ စွဉ်ႏထာꩻသယ်ꩻခံႏ ဖေႏကနာႏ ခွေသွဉ်းငဝ်းနဝ်ꩻ ခွေသွဉ်း တောင်ꩻပြန်ႏဒျာႏသွူ။
4“တယ်ႏစွဉ်ႏ ခွေသွဉ်းရွယ်ႏပေႏခါကာႏ ခွေသွဉ်း သက်မွန် အုံႏအဝ်ႏထာꩻ နုဲင်းမုဲင်ꩻနဝ်ꩻ ဂျူးလိုꩻမျိုꩻဖုံႏ ကားကအဝ်ႏ အဝ်ႏသေလို့နဝ်ꩻသွူ။ ခွေဘဝတစိုးလွုမ်း အရီးသွတ်ꩻ ခွေသွဉ်း ဇာႏတိရပ်ရာႏကို၊ ထွူဝေင်ꩻယေရုသလမ်ႏကို ခွေအုံအဝ်ႏထာꩻ နုဲင်းမုဲင်ꩻနဝ်ꩻ ဝွေꩻသီး အဝ်ႏသေဒျာႏသွူ။ 5#တ ၂၃:၆၊ ဖိ ၃:၅။ ဝွေꩻသီးအဝ်ႏသေ သေႏသေႏဒျာႏအတွိုင်ꩻ ခွေနဝ်ꩻ တယ်ႏစွဉ်ႏအစကာႏ အဝ်ႏအုံဒျာႏ နုဲင်းနီဘာႏသာႏ စီꩻကန်ꩻ အခြေင်းသွတ်ꩻ၊ ဖါရိသဲဂွိုဏ်ꩻ စွုမ်ꩻစွိုꩻကိုသား တဖြာꩻကျောင်ꩻ ဝွေꩻသီးမဉ်ႏ မဉ်ခံႏဖေႏ သက်သေႏတဲ့ ခံႏနွောင်ꩻဒျာႏတဲင် 6ကွပ်ပွိုး ခွေသွဉ်း အဝ်ႏမောင်ဒျာႏ ဗွေႏဘုရာꩻ ကအွဉ်ႏဂတိ သစ္စာႏခါꩻဒါႏ နီမွိုးဖြား ဖါဖြားသီးဖုံႏ နဝ်ꩻအတွက် ကအီႏခံႏဗာႏ အစဲစ်ဆေꩻနဝ်ꩻ ယိုခါ ခွေသွဉ်း အဝ်ႏအုံထွိုင်ႏဗာႏ ယိုကိုသွူ။ 7ဂတိတောႏနဝ်ꩻနဝ်ꩻ ကထွာဒါႏ နီလိုꩻမျိုꩻဖုံႏ တဆီနီခွိုꩻ နုဲင်းဝွေꩻသီး ကအဝ်ႏဝုဲင်ႏ ကိုꩻကွယ်ႏဒါႏ နီꩻနီꩻနာꩻနာꩻအတွိုင်ꩻ ကအဝ်ႏမောင်ꩻ အီႏလက်ခံႏလꩻဒါႏ နဝ်ꩻသွူ။ နီဗွေႏခွန်တန်၊ ကွပ်ပွိုး ထာꩻအဝ်ႏမောင် နုဲင်းယိုနဝ်ꩻမꩻ ခွေသွဉ်းအဝ်ႏခံႏဗာႏ ဂျူးလိုꩻမျိုꩻဖုံႏစားယို စွဲꩻတရာꩻခွေသွူ။ 8လိုꩻကသီလဲဉ်းတွော့ꩻ ဗွေႏဘုရာꩻ ကမာꩻထွိုင်ႏမွန်ချာနဝ်ꩻ ကထီႏဗာႏလဲဉ်းသား လိုꩻကအဝ်ႏယိုကိုဖုံႏနဝ်ꩻ ပွိုးတမုဲင်ꩻ တယွုမ်းတဝ်းတွိုႏ နုဲင်းမုဲင်ꩻဟောင်း။
9 #
တ ၈:၃၊ ၂၂:၄၊ ၅။ “ထာꩻကားကအဝ်ႏ ကဆန်ဒါႏ ဝေင်ꩻနာဇရဲစ်သား ယေသျုအမုနဝ်ꩻ ခွေအီႏဆန်ချာနဝ်ꩻ ခွေသွဉ်းနမ်းနဝ်ꩻတဲ့ အဝ်ႏထင်းဒျာႏ ဟဝ်မာꩻနဝ်ꩻသွူ။ 10ကွပ်နုဲင်းနဝ်ꩻမꩻ ခွေမာꩻသော့ꩻလဲဉ်း ဝေင်ꩻယေရုသလမ်ႏကိုနဝ်ꩻသွူ။ ခွေလꩻ ယဇ်ပရောဟိတ်တန်ဖုံႏထျꩻ အခွင်ꩻတဲင် အွဉ်ႏခံသော့ꩻလဲဉ်း ဗွေႏဘုရာꩻ အလိုꩻဖုံႏ ထောင်ႏကို အာငါႏသွူ။ ထွိုင်ႏဖေႏ ဝွေꩻသီး ထာꩻသီတံႏချိန်ႏ ကဆန်ဒါႏ ဝွေꩻသီးနဝ်ꩻတဲ့ ခွေအဝ်ႏထောက်ခံႏဒျာႏသွူ။ 11တရာꩻစရွပ်ကိုဖုံႏနဝ်ꩻတဲ့ ခွေအဝ်ႏ ဖေႏဝွေꩻသီး အပဲစ်တံႏ အာလဲင်ႏတန်တဲင် ဖေႏဝွေꩻသီး ကအွဉ်ႏကုဲင်ထိုꩻ အထာꩻယွုမ်းဖုံႏနဝ်ꩻ အဝ်ႏကျိုꩻစာꩻမာꩻသွူ။ ခွေသꩻလျားသန် မွေးနေးစွဉ်ႏ ဝွေꩻသီး နဝ်ꩻမꩻ ခွေလဲင်ꩻလွေꩻ နစ်စက်တွိုႏနေး ဝွေꩻသီး ခမ်းလင် ဝေင်ꩻတောႏဖုံႏကို နဝ်ꩻသွူ။။
ပေါလုဒေါ့ꩻနယ်ဝွေꩻပြောင်ꩻကြုဲင်ꩻလွဉ်ခရာႏ
(တမန်ႏတောႏ ၉:၁–၁၉၊ ၂၂:၆–၁၆)
12ပွိုးထာꩻအင်းရွယ်ႏချက် အဝ်ႏနုဲင်းယိုအတွက် စွဉ်ႏယဇ်ပရောဟိတ်တန်ဖုံႏ အာႏဏာႏ တွမ်ႏအမိန်းနဝ်ꩻ ခွေလွေꩻ ဝေင်ꩻဒမာသကတ်သွူ။ 13တဖူꩻတန်လောင်း ထွာမွူးနွောင်းချိန်ႏ ဘွုန်ꩻတောႏ ကတန်ငါႏ နီဗွေႏ၊ ထာꩻလေရောင်ႏ လေလဲဉ်းကယ်ꩻက မွူးရောင်ႏနဝ်ꩻ အဝ်ႏမို့ꩻလောင်း လင်ꩻလွဉ်တဲင် အရောင်ႏနဝ်ꩻ တောင်ႏခူစွဉ်ႏခွေ တွမ်ႏပါꩻခိုဖုံႏ ကအဝ်ႏလွေꩻငီꩻဒါႏ ခွေသားဖုံႏနဝ်ꩻ ခွေထီႏဗာႏသွူ။ 14နီကားကအဝ်ႏ ခြို့ꩻဝꩻလင်ꩻလို့စွဉ်ႏ ထာꩻဟံႏလောင်းတဲင် ခွေဟွိုန်ငဝ်းတစွိုး ဒေါ့ꩻအီဖေႏခွေ စွဉ်ႏဟေဗြဲငဝ်း သျောလု၊သျောလု၊ ပွိုးတမုဲင်ꩻ နာꩻအဝ်ႏနစ်စက်ဗာႏတွိုႏခွေ နုဲင်ႏမုဲင်ꩻဟောင်း။ ဗွိုန်နုဲင်း ဖိုးထီးတဗာႏ ကအဝ်ႏပတ်ꩻချာ အဗွေႏခွဉ်းနာနဝ်ꩻ နာꩻအဝ်ႏမာꩻဆာချာ ဗာႏတွိုႏ နာꩻနမ်းနုဲင်းမုဲင်ꩻ’ နုဲင်းနဝ်ꩻသွူ။ 15ခွေသွဉ်းရီ၊ ‘ဗွေႏ၊ နီဗွေႏနဝ်ꩻ ထွာပါꩻမုဲင်ꩻဟောင်း’ နုဲင်းနဝ်ꩻတဲင် ဗွေႏဘုရာꩻလဝ်းချာ၊ ‘ခွေနဝ်ꩻထွာ ယေသျု၊ ပါꩻနာꩻကအဝ်ႏ နစ်စက်နဝ်ꩻသွူ။ 16ကွဲႏတွော့ꩻ ထွိုင်ႏတဲင် အုံထွိုင်ႏသွော့။ ဖေႏကခန်ꩻဗာႏနာꩻ နုဲင်းခွေသွဉ်း တဖြာꩻနဝ်ꩻ ခွေပေါႏလွဉ်ဗာႏ နာꩻထျꩻသွူ။ ဟန်ႏနီꩻ နုဲင်းနာꩻကထီႏဗာႏလဲဉ်း ခွေတွမ်ႏ နုဲင်းခွေကအီႏအွဉ်ႏနယ်နာꩻ အနာႏဂတ်ခရာႏနဝ်ꩻ နာꩻအီႏဒေါ့ꩻနယ်ဖေႏဗာႏ လိုꩻလင်ဖုံႏသွူ။ 17ခွေကအီႏ အွဉ်ႏစွꩻလွေꩻနာꩻ ဣသရေး လိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ အကိုနဝ်ꩻ ခွေအီႏကယ်ႏနာꩻသွူ။ 18နာꩻနဝ်ꩻ အီႏဗွောင်ဖေႏဗာႏ ဝွေꩻသီးမဲ့ဖုံႏတဲင် ဝွေꩻသီး အဝ်ႏထာꩻခေ့ꩻ ဖေႏကသဲင်ꩻထေ့ခွိုန်ꩻ ထာꩻလေ၊ အဝ်ႏစားတန်ႏတန်ꩻခိုꩻ ဆꩻလ ဖေႏကသဲင်ꩻထေ့ခွိုန်ꩻချာ ဗွေႏဘုရာꩻထျꩻသွူ။ ပွိုးနုဲင်းနဝ်ꩻမꩻ စွဉ်ႏဝွေꩻသီး ထာꩻယွုမ်းခွေနဝ်ꩻ ဝွေꩻသီးအီႏလꩻ အပဲစ်လွစ်ခွင်ꩻတဲင် ဝွေꩻသီး အီႏလက္ခံႏလꩻ ခင်ႏလမ်း ဗွေႏဘုရာꩻ ကလွိုက်ထူႏဒါႏ လိုꩻဖုံႏ အကို’ နုဲင်းနဝ်ꩻသွူ။
ပေါလုဒင်ႏနယ်ဝွေꩻထာꩻမာꩻ
19“နဝ်ꩻမꩻ ခွန်တန်အဂြိပ္ပ၊ ခွေသွဉ်းကလꩻဒါႏ ဗျာဒိတ်ရူႏပါႏရုံႏ အဝ်ႏခမ်းထီမို့ꩻလောင်း လွဉ်နဝ်ꩻ ခွေသွဉ်း တလွောက်ꩻနာႏတဝ်း တလꩻတဝ်းသွူ။ 20#တ ၉:၂၀၊ ၂၈၊ ၂၉။ အရီးသွတ်ꩻနဝ်ꩻ ဝေင်ꩻဒမာသကတ်ကိုတွမ်ႏ ဝေင်ꩻယေရုသလမ်ႏကို ထွူတဲင် ဣသရေး တခမ်းလွုမ်းတွမ်ႏ လိုꩻမျိုꩻလင်ဖုံႏကို ခွေဟော်ꩻဖေႏနဝ်ꩻ ဝွေꩻသီး ကမာꩻဒါႏ အပဲစ်ဖုံႏ ဖေႏကလꩻ ထာꩻကော့ꩻမာႏတွော့ꩻ ဖေႏကသဲင်ꩻထေ့ချာ ဗွေႏဘုရာꩻထျꩻတဲင် လꩻလဲဉ်းထာꩻကော့ꩻမာႏကျောင်ꩻ ကထွိုက်မာꩻဒါႏ ထာꩻဖုံႏနဝ်ꩻ ဝွေꩻသီး အီႏအွဉ်ႏနယ်ဗာႏသွူ။ 21ပွိုးအကျောင်ꩻခရာႏ နုဲင်းယိုအတွက် ခွေသွဉ်းအဝ်ႏသော့ꩻ ဗိမာန်ႏတောႏ ကျောင်ꩻကိုကျာꩻ ဂျူးလိုꩻမျိုꩻဖုံႏ ဆွမ်ꩻခွေသွဉ်းတဲင် ဝွေꩻသီး ကျံႏမာꩻသီထိုꩻ ခွေသွဉ်းသွူ။ 22ကွဲႏတွော့ꩻ ဗꩻတွိုႏစွဉ်ႏဟန်ႏနီꩻယို ဗွေႏဘုရာꩻ အဝ်ႏစွဲကိုဖေႏ ခွေသွဉ်းနဝ်ꩻမꩻ ခွေသွဉ်း အဝ်ႏအုံထွိုင်ႏဗာႏထာꩻ ယိုကို၊ အဝ်ႏခံႏနယ်ဗာႏ ပေႏပေႏတန်တန် သီဖုံႏသက်သေႏနဝ်ꩻသွူ။ နုဲင်းခွေကရိုꩻယိုနဝ်ꩻ ဗွိုန်ဒျာႏစွဉ်ႏ ပရောဖဲစ်ဖုံႏတွမ်ႏ မောသျေ ကဒေါ့ꩻဖေႏဒါႏ ထာꩻကအီႏထွာလွဉ်ဒါႏ ခရာႏဖုံႏနဝ်ꩻသွူ။ 23#၂ကော ၁၅:၂၀၊ ဟေသျာ ၄၂:၆၊ ၄၉:၆။ မေသျိယနဝ်ꩻ အီႏခံႏစာꩻဗာႏ မွေးနေးစွဉ်ႏ ထာꩻဒုက္ခတဲင် အရီးသွတ်ꩻ အဝ်ႏထာꩻသီကို အီႏထွိုင်ႏမွန်လွဉ်ချာ ထာꩻကယ်ႏတင်ႏ ထာꩻလေနဝ်ꩻ အီႏကေႏညာႏဖေႏဗာႏ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ” ဒေါ့ꩻရဲကာႏကွယ်ႏချာနမ်း နုဲင်းနဝ်ꩻသွူ။
24ပေါလုဒေါ့ꩻ ရဲကာႏကွယ်ႏချာ အနမ်း စွဉ်ႏအနယ်ꩻယိုနဝ်ꩻ ဖေတုခြောဝ်သန် စွဉ်ႏဝွေꩻ၊ “ပေါလု၊ နာꩻဗာႏထိုꩻလဲဉ်းနဲ့ နာꩻကသွဉ် မွေးနေးစွဉ်ႏ နာꩻထာꩻဒါႏနဝ်ꩻ မာꩻဗားအီထိုꩻလဲဉ်းနာꩻနဲ့” နုဲင်းနဝ်ꩻသွူ။
25ပေါလုလဝ်းချာ၊ “နီဗွေႏခွန်တန်၊ ခွေသွဉ်း တဗားတဝ်း၊ ခွေသွဉ်း ကအဝ်ႏဒေါ့ꩻနဝ်ꩻ စွဉ်ႏသမ္မာႏသတိꩻ အမဉ်ႏတရာꩻဒျာႏသွူ။ 26ခွန်တန်အဂြိပ္ပ ထာꩻယိုဖုံႏခရာႏနဝ်ꩻ ကွပ်ပွိုး နီဗွေႏ အဝ်ႏသေနဝ်ꩻမꩻ ခွေသွဉ်း ဒေါ့ꩻရုဲင်းဗွိုန်ႏ ဖေႏလို့နွောင်ꩻ နီဗွေႏသွူ။ ပွိုးထာꩻကထွာလွဉ်လဲဉ်း ဒါႏဖုံႏနဝ်ꩻ ထွာဗဉ်ႏဗꩻတေ့ꩻနေး အစောက်အစဲင်ႏကို တမွေးတဝ်းနဝ်ꩻမꩻ ထာꩻနဝ်ꩻဖုံႏနဝ်ꩻ နီဗွေႏ အဝ်ႏသေလို့လဲဉ်းဒျာႏကျောင်ꩻ ခွေသွဉ်း အဝ်ႏသေစဲင်းသွူ။ 27ခွန်တန်အဂြိပ္ပ၊ နီဗွေႏယွုမ်းနေ ပရောဖဲစ်ဟောင်း။ နီဗွေႏ ယွုမ်းဒျာႏကျောင်ꩻနဝ်ꩻ ခွေသွဉ်းအဝ်ႏသေ” နုဲင်းနဝ်ꩻသွူ။
28ခွန်တန်အဂြိပ္ပ ဒေါ့ꩻဖေႏပေါလု၊ “အချိန်ႏဒွေါင်ႏပေႏကို နုဲင်းယိုနဝ်ꩻ နာꩻထင်းဒျာႏ နာꩻအီႏမာꩻလꩻခွေ ဖေႏကထွာလွဉ် ခရစ်ယာန်ႏ တဖြာꩻဟောင်း” နုဲင်းနဝ်ꩻသွူ။
29ပေါလုလဝ်းချာ၊ “အချိန်ႏဆေ့ꩻပေႏတဲ့နဝ်ꩻ၊ အာတဲ့နဝ်ꩻ၊ နီဗွေႏတွမ်ႏ ကအဝ်ႏကုဲင်ဒါႏ လိုꩻကနာႏခံႏဒါႏ ခွေသွဉ်းငဝ်း ဟန်ႏနီꩻယိုသားဖုံႏ ကားကအဝ်ႏနဝ်ꩻ ဖေႏကလွစ်ထန်ႏဗာႏ အဝ်ႏစွိုင်ပသီႏဖြွီꩻယိုဖုံႏ နုဲင်းခွေနဝ်ꩻ ခွေသွဉ်း အဝ်ႏဆုတောင်ꩻထေ့ ဗွေႏဘုရာꩻထျꩻနဝ်ꩻသွူ။
30တွိုႏနဝ်ꩻခွန်တန်၊ ခွန်ခံႏ၊ မိဖုရာꩻ ဗေရနိတ်တွမ်ႏ လိုꩻလင်ဖုံႏ ကားကအဝ်ႏနဝ်ꩻ ထွိုင်ႏစွဉ်ႏသွူ။ 31နဝ်ꩻထွူအဝ်ႏနဝ်ꩻကို ထန်ႏလွေꩻတဲင် တဖြာꩻတွမ်ႏတဖြာꩻ ဒေါ့ꩻဖေႏလို့ဝင်ꩻ၊ “ပါꩻယို ကအီႏသီထွိုက်ဗာႏ မဉ်ႏတမွေးတဝ်း ကအီႏအွဉ်ႏခံထွိုက်ဗာႏ ထောင်ႏနဝ်ꩻ ဝွေꩻအပဲစ် တစွိုးစွိုး တအဲဉ်ထဝ်းသွူ။ 32နဝ်ꩻမꩻ ခွန်တန်အဂြိပ္ပဒေါ့ꩻဖေႏ ဖေတု၊ “ပါꩻခိုယိုနဝ်ꩻ ဝွေꩻမဉ်ႏတရိုꩻတဝ်း အီႏခံႏထူႏ အယူႏခံႏ ဧကရာဇ် ခွန်တန်ထျꩻနဝ်ꩻ အွဉ်ႏစွꩻလွစ်ဝွေꩻ လꩻလဲဉ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.