တမန်ႏတောႏ 25
25
ပေါလုဖျော်လွေꩻဧကရာဇ်ခွန်တန်ထျꩻ
1ခွန်ဖေတု ဖျော်လွဉ် ခမ်းနဝ်ꩻကိုထွူ ထွိုင်ႏညသွံနီꩻ အဝ်ႏဝေင်ꩻကဲသရိနဝ်ꩻ လွေꩻထိုꩻ ဝေင်ꩻယေရုလမ်ႏသွူ။ 2နဝ်ꩻကို ယဇ်ပရောဟိတ်တန်ဖုံႏ တွမ်ႏဂျူးခေါင်းဆောင် လိုꩻတန်ဖုံႏနဝ်ꩻ ဒင်ႏပျနယ် ဝွေꩻသီး ကဆန်ချာဒါႏ ပေါလုမာꩻ အပဲစ်ဖုံႏနဝ်ꩻသွူ။ ဝွေꩻသီး တောင်ꩻပြန်ႏ ခွန်ဖေတု၊ 3ပွိုးဝွေꩻသီး ကျံႏမာꩻသီတေ့ꩻ ပေါလု တဖူꩻလောင်းနဝ်ꩻမꩻ ဖေႏနေး ပေါလုကလွဉ် ဝေင်ꩻယေရုသလမ်ႏသွူ။ 4ဖေတုလဝ်းချာ၊ “ပေါလုနဝ်ꩻ အဝ်ႏချုပ်ခါꩻလဲဉ်း ထောင်ႏတဖြုံႏ၊ ဝေင်ꩻကဲသရိကိုတဲင် တညတဝ်း ခွေအီႏသဲင်ꩻချာ နဝ်ꩻကိုသွူ။ 5အွဉ်ႏသီခေါင်းဆောင် လိုꩻတန်ဖုံႏ လွေꩻလွဉ်ꩻတွမ်ႏခွေ ဝေင်ꩻကဲသရိတဲင် ဝွေꩻမာꩻလဲဉ်း ထာꩻအမာႏ မဉ်ႏအဝ်ႏတစွိုးစွိုးနဝ်ꩻ စွဲꩻတရာꩻသွော့ ပါꩻခိုနဝ်ꩻဟုဲင်း” နုဲင်းနဝ်ꩻသွူ၊၊
6ခွန်ဖေတု အုံငီꩻထဲင်းယင်း တွမ်ႏဝွေꩻသီး သွစ်ꩻနီꩻ၊ မဉ်ႏတမွေးတဝ်း အနီꩻတဆီရပ် ထွူတဲင် လွေꩻထိုꩻ ဝေင်ꩻကဲသရိနဝ်ꩻသွူ။ တွိုႏနုဲင်းမွူးရဝ်ꩻနီꩻ ဖေႏကဟဲ့ꩻလွဉ်သော့ꩻ ပေါလု တရာꩻရွုမ်ꩻကိုနဝ်ꩻ ဝွေꩻအုံလင်ꩻ ထာꩻစီႏရင်ႏ တရာꩻ ပလ္လင်ႏလောင်းတဲင် ဖေႏစွဉ်ႏအမိန်းသွူ။ 7ပေါလုထွိုင်ႏ ဖျော်လွဉ်ချိန်ႏ ဂျူးလိုꩻမျိုꩻဖုံႏ ကအဝ်ႏဒါႏ ဝေင်ꩻယေရုသလမ်ႏလွဉ်နဝ်ꩻ အုံထွိုင်ႏခူစွဉ်ႏ ဝွေꩻတွော့ꩻ စတဲင် ပဲစ်ဒင်ႏဆန်ချာ သန်မွေးနေးစွဉ်ႏ ဝွေꩻတဲ့ ဝွေꩻသီး တအွဉ်ႏနယ်နွောင်ꩻတဝ်း သက်သေႏသွူ။ 8ကွဲႏတွော့ꩻ ပေါလု ရဲကာႏကွယ်ႏချာ ဝွေꩻနမ်း၊ “ကပဲစ်မာႏဆန်ချာ ဂျူးပညတ်ကျမ်ꩻ တဲ့နဝ်ꩻ ဆန်ချာဒါႏ ဗိမာန်ႏတောႏကျောင်ꩻ တဲ့နဝ်ꩻ ဆန်ချာဒါႏ ရောမ ဧကရာဇ်ခွန်တန် တဲ့နဝ်ꩻ တစွိုးစွိုးငါတဲ့ ခွေတမာꩻမာႏဗာႏတဝ်း” နုဲင်းနဝ်ꩻသွူ။
9ကွဲႏတွော့ꩻ ခွန်ဖေတုနဝ်ꩻ မဉ်လꩻမဲ့ငါ ဂျူးလိုꩻမျိုꩻဖုံႏထျꩻ နဝ်ꩻမꩻ ဝွေꩻရီပေါလု၊ “နာꩻမဉ်လွေꩻနေ ဝေင်ꩻယေရုသလမ်ႏသူꩻတွော့ꩻ ကစွဲꩻတရာꩻဒါႏ ယိုဖုံႏနဝ်ꩻ အီႏခံႏနေ အစဲစ်ဆေꩻ ခွေဆꩻငါ နဝ်ꩻကိုဟောင်း” နုဲင်းနဝ်ꩻသွူ။
10ပေါလုဒေါ့ꩻ၊ “ခွေနဝ်ꩻ မဉ်အုံထွိုင်ႏဒျာႏ ဧကရာဇ်ခွန်တန်နမ်း ကစီႏရင်ႏဒါႏ တရာꩻရွုမ်ꩻဆꩻငါ၊ ခွေအီႏခံႏဒျာႏ အစဲစ်ဆေꩻ နဝ်ꩻကိုသွူ။ နုဲင်းနီဗွေႏနမ်း ကအဝ်ႏသေစဲင်းဒျာႏအတွိုင်ꩻ ခွေတပဲစ်မာႏဗာႏတဝ်း ဂျူးလိုꩻမျိုꩻဖုံႏသွူ။ 11ခွေမဉ်ႏယားကုဲင်ထိုꩻ ပညတ်တရာꩻ ဥပဒေႏတွော့ꩻ ကအီႏထွိုက်တန်ႏ ထာꩻသီတံႏ ခွေမဉ်ႏမာꩻလဲဉ်း ထာꩻတစွိုးစွိုး ဖေႏကလွစ်နဝ်ꩻ ခွေတကွီတဝ်းသွူ။ ကွဲႏတွော့ꩻ ဝွေꩻသီး ကစွဲꩻတရာꩻခွေ မဉ်ႏတမဲဉ်ႏတဝ်းနဝ်ꩻ ပါꩻမုဲင်ꩻတဖြာꩻတဲ့ အပ်ထိုꩻခွေ ဝွေꩻသီး အစူကို တလꩻတဝ်းသွူ။ ခွေအီႏခံႏထူႏဒျာႏ အယူႏခံႏ ဧကရာဇ် ခွန်တန်ထျꩻ” နုဲင်းနဝ်ꩻသွူ။
12တွိုႏနဝ်ꩻ ခွန်ဖေတု တွိုင်ႏပင်ႏတွမ်ႏ ကောကဖေႏကျံႏဒါႏ ဝွေꩻသား လိုꩻတန်ဖုံႏထွူ လဝ်းချာ၊ “နာꩻရိုꩻ နာꩻအီႏခံႏထူႏဒျာႏ ဧကရာဇ်ခွန်တန်ထျꩻ အယူႏခံႏ နဝ်ꩻမꩻ၊ နာꩻအီႏလွေꩻဗာႏ ဧကရာဇ်ခွန်တန်ထျꩻ” နုဲင်းနဝ်ꩻသွူ။
ပေါလုဖျော်လွေꩻအဂြိပ္ပတွမ်ႏဗေရနိတ်ဆꩻငါ
13ဆုဲင်ꩻအချိန်ႏ ထွိုင်ႏညပသာႏနဝ်ꩻ ခွန်တန်အဂြိပ္ပတွမ်ႏ အမိဖုရာꩻ ဗေရနိတ် လွဉ်ဝေင်ꩻကဲသရိတဲင် အီႏလွေꩻလယ်ႏ နုတ်ဆက် ခွန်ခံႏဖေတုနဝ်ꩻသွူ။ 14ဝွေꩻသီး ဖျော်လွေꩻနဝ်ꩻကို အုံမွူးနီꩻ အာငါႏထွူ ပေါလု အခေႏအနေႏနဝ်ꩻ ခွန်ခံႏဖေတု သျင်ꩻနယ်ဖေႏ ခွန်တန်၊ “ယိုကိုနဝ်ꩻ ခွန်ဖေလစ်ꩻ အွဉ်ႏခံသေꩻခါꩻ ပါꩻခိုတဖြာꩻ ထောင်ႏကိုအဝ်ႏ၊ 15တဲင်ခွေထွိုင်ႏလွေꩻ ဝေင်ꩻယေရုသလမ်ႏချိန်ႏ ဂျူးယဇ်ပရောဟိတ် တန်ဖုံႏတွမ်ႏ ဘာႏသာႏရေꩻ လိုꩻတန်ဖုံႏနဝ်ꩻ စွဲꩻတရာꩻဝွေꩻတဲင် အွဉ်ႏခွေ ဖေႏနေး ကစီႏရင်ႏ ဝွေꩻအပဲစ်တံႏနဝ်ꩻသွူ။ 16ကွဲႏတွော့ꩻ တရာꩻခံႏသား တဖြာꩻနဝ်ꩻ တွမ်ႏကစွဲꩻတရာꩻဒါႏသား ပေါႏတအွဉ်ႏခွယ်ႏတောႏ ဗာႏတဝ်းဝင်ꩻ မဲ့ငါ တွော့ꩻ ဝွေꩻသီး ကစွဲꩻတရာꩻဒါႏ အချက်ဖုံႏနဝ်ꩻတဲ့ တရာꩻခံႏသား ဒေါ့ꩻရဲကာႏကွယ်ႏချာနမ်း ပေါႏအခွင်ꩻတဖေႏ တဝ်းတွော့ꩻ ဖေႏအပဲစ်တံႏ စီႏရင်ႏထိုꩻနဝ်ꩻ နီရောမထွုံꩻစံႏ တအဲဉ်ထဝ်း နုဲင်းနဝ်ꩻနဝ်ꩻ ခွေဒေါ့ꩻနယ်ဖေႏ ဝွေꩻသီးသွူ။ 17ဝွေꩻသီး ထွိုင်ႏဖျော်လွဉ် ယိုကိုချိန်ႏ ခွေတဖျုန်ꩻတဝ်း အချိန်ႏသွူ၊ နုဲင်းမွူးရဝ်ꩻနီꩻ ခွေအုံလင်ꩻ တရာꩻစီႏရင်ႏ ပလ္လင်ႏလောင်းတဲင် ဖေႏကဟဲ့ꩻလွဉ်သော့ꩻ ပါꩻခိုနဝ်ꩻ ဖေႏအမိန်းသွူ။ 18ကစွဲꩻတရာꩻဒါႏ ဝွေꩻသားဖုံႏနဝ်ꩻ အုံထွိုင်ႏတဲင်၊ ဝွေꩻသီး စွဲꩻတရာꩻဝွေꩻ စွဉ်ႏတဲ့ ခွေသွဉ်းထင်း ဝွေꩻနဝ်ꩻ ရာႏဇဝွတ်မုပဲစ် တစိꩻစိꩻငါတဲ့ အဲဉ်ထဝ်းသွူ။ 19ဝွေꩻသီး ထေင်ငဝ်းအာ လို့အီဒျာႏဝင်ꩻ စွဉ်ႏဝွေꩻ ဘာႏသာႏရေꩻခရာႏ ပွိုင်းဝွို့တွမ်ႏ ပါꩻတဖြာꩻ မဉ်ꩻကဟဲ့ꩻဒါႏ ယေသျု ကသီထိုꩻလဲဉ်းဒါႏ နဝ်ꩻသွူ။ ကွဲႏတွော့ꩻ ဝွေꩻအသက် အဝ်ႏမွန်ဒျာႏကျောင်ꩻ ပေါလု အဝ်ႏကေႏညာႏဒျာႏသွူ။ 20ပျဿနာႏယိုဖုံႏ ခွေကအီႏ ဖေႏသျင်ꩻဗာႏနဝ်ꩻ ဆွုံꩻဖျတ် တကျင်ႏလယ်ႏတဝ်း နဝ်ꩻမꩻ၊ ခွေရီပေါလု ဝွေꩻမဉ်လွေꩻဒျာႏ ဝေင်ꩻယေရုသလမ်ႏတွော့ꩻ အမုယိုနဝ်ꩻ မဉ်ခံနေ အစဲစ်ဆေꩻ နဝ်ꩻကိုဟောင်း” နုဲင်းနဝ်ꩻသွူ။ 21ကွဲႏတွော့ꩻ ပေါလုနဝ်ꩻ ဝွေꩻမဉ်ခံႏထူႏဒျာႏ ဧကရာဇ်ခွန်တန် စီႏရင်ႏဆွုံꩻဖျတ် ဝွေꩻအမုနဝ်ꩻမꩻ ဗꩻတွိုႏစွဉ်ႏ ခွေကပသာလွေꩻဝွေꩻ ဧကရာဇ်ခွန်တန်ထျꩻနဝ်ꩻ အွဉ်ႏခံခါꩻဗော့ꩻဝွေꩻ အချုပ်ကိုနဝ်ꩻ ခွေဖေႏစွဉ်ႏအမိန်း” နုဲင်းနဝ်ꩻသွူ။
22ခွန်အဂြိပ္ပဒေါ့ꩻဖေႏ ခွန်ခံႏဖေတု၊ “ခွေနမ်းမဉ်ဟွိုန် ပါꩻခိုယို အထာꩻဒေါ့ꩻ” နုဲင်းနဝ်ꩻသွူ။
ခွန်ခံႏဖေတုလဝ်းချာ၊ “မွူးရဝ်ꩻနီꩻ ခွန်တန် အီႏဟွိုန်ဗာႏ ဝွေꩻငဝ်း” နုဲင်းနဝ်ꩻသွူ။
23တွိုႏနုဲင်းမွူးရဝ်ꩻနီꩻ ခွန်တန်အဂြိပ္ပတွမ်ႏ အမိဖုရာꩻ ဗေရနိတ်နဝ်ꩻ တွမ်ႏခွန်ခြွိုင်း ခွန်တန် အဘွုန်ꩻသရေႏ တန်ငါႏတဲင် ကျွꩻလွဉ်တွမ်ႏ ခွန်အခန်ꩻအနာꩻ စဲ့ꩻတပ်ခေါင်း ဆောင် လိုꩻတန်ဖုံႏတွမ်ႏ ဝေင်ꩻကို ဂွုဏ်ႏသရေႏအဝ်ႏ ခေါင်းဆောင် လိုꩻတန်ဖုံႏနဝ်ꩻ နွို့လွဉ်သော့ꩻ ညီႏလာႏခံႏ အစီꩻဝေꩻ အခန်ꩻလုဲင်းကိုသွူ။ ခွန်ခံႏဖေတု ဖေႏအမိန်းတဲင် ဝင်ꩻဟဲ့ꩻလွဉ်သော့ꩻ ပေါလုသွူ။ 24ခွန်ခံႏဖေတုဒေါ့ꩻ၊ “ခွန်တန် အဂြိပ္ပတွမ်ႏ လိုꩻကကျွꩻလွဉ်ဒါႏ ယိုကိုသားဖုံႏ ကားကအဝ်ႏ တွမ်ႏနီ။ သီ ကအဝ်ႏထီႏဗာႏ ပါꩻခိုယိုနဝ်ꩻ ဂျူးလိုꩻမျိုꩻဖုံႏ ကအဝ်ႏယိုကိုတွမ်ႏ ဝေင်ꩻယေရုသလမ်ႏကိုသား နီစွိုꩻလွုမ်းနဝ်ꩻ ဆန်ချာဝွေꩻ အဝ်ႏတွိုင်ႏကွီထင်ႏခွေ၊ ဝွေꩻယို အသက်အဝ်ႏမွန် ထွိုက်ထဲင်းတဝ်းဒွုမ် ဝွေꩻသီးခြောဝ် နုဲင်းနဝ်ꩻသွူ။ 25ကွဲႏတွော့ꩻ ကအီႏထွိုက်သီနဝ်ꩻ ခွေတထီႏတဝ်း ဝွေꩻမာꩻအပဲစ် တစွိုးစွိုးသွူ။ ဝွေꩻနမ်းရိုꩻဒျာႏ အီႏခံႏထူႏအယူႏခံႏ ဧကရာဇ်ခွန်တန်ထျꩻ နဝ်ꩻမꩻ ခွေဆွုံꩻဖျတ်လဲဉ်း အီႏပသာလွေꩻ ဝွေꩻနဝ်ꩻသွူ။ 26ကွဲႏတွော့ꩻ ကအီႏတဲမ်း ပသာထေ့ဗာႏ ဧကရာဇ်ခွန်တန်ထျꩻ ပွိုင်းဝွို့တွမ်ႏ ဝွေꩻခရာႏ စဲင်းစဲင်းတဗာႏ နုဲင်းမုဲင်ꩻနဝ်ꩻ ခွေထျꩻ တစွိုးစွိုး အဲဉ်ထဝ်းသွူ။ နဝ်ꩻမꩻ ခွေထေထန်ႏလွဉ်ဗာႏဝွေꩻ သီဆꩻငါ ယိုကိုတွမ်ႏ အရေꩻတန်သွတ်ꩻ ခွန်တန် အဂြိပ္ပ ဆꩻငါနဝ်ꩻသွူ။ နဝ်ꩻမꩻ စုံႏစမ်ꩻစဲစ်ထွား ဝွေꩻအမုထွူ ဖေႏနေးခွေကဒင်ႏ တဲမ်းနယ်အခရာႏ ဖေႏကအဝ်ႏသွူ။ 27ပွိုးတွော့ꩻ စွဲꩻတရာꩻဒါႏဝွေꩻ အချက်အခရာႏ တဖေါႏထန်ႏနယ် စဲင်းတဝ်းတွော့ꩻ မဉ်ႏအွဉ်ႏစွꩻလွေꩻထိုꩻ ထောင်ႏသား တဖြာꩻယို ခွေထာꩻထီႏနဝ်ꩻ အနယ်ꩻတမွေးတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 25: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 25
25
ပေါလုဖျော်လွေꩻဧကရာဇ်ခွန်တန်ထျꩻ
1ခွန်ဖေတု ဖျော်လွဉ် ခမ်းနဝ်ꩻကိုထွူ ထွိုင်ႏညသွံနီꩻ အဝ်ႏဝေင်ꩻကဲသရိနဝ်ꩻ လွေꩻထိုꩻ ဝေင်ꩻယေရုလမ်ႏသွူ။ 2နဝ်ꩻကို ယဇ်ပရောဟိတ်တန်ဖုံႏ တွမ်ႏဂျူးခေါင်းဆောင် လိုꩻတန်ဖုံႏနဝ်ꩻ ဒင်ႏပျနယ် ဝွေꩻသီး ကဆန်ချာဒါႏ ပေါလုမာꩻ အပဲစ်ဖုံႏနဝ်ꩻသွူ။ ဝွေꩻသီး တောင်ꩻပြန်ႏ ခွန်ဖေတု၊ 3ပွိုးဝွေꩻသီး ကျံႏမာꩻသီတေ့ꩻ ပေါလု တဖူꩻလောင်းနဝ်ꩻမꩻ ဖေႏနေး ပေါလုကလွဉ် ဝေင်ꩻယေရုသလမ်ႏသွူ။ 4ဖေတုလဝ်းချာ၊ “ပေါလုနဝ်ꩻ အဝ်ႏချုပ်ခါꩻလဲဉ်း ထောင်ႏတဖြုံႏ၊ ဝေင်ꩻကဲသရိကိုတဲင် တညတဝ်း ခွေအီႏသဲင်ꩻချာ နဝ်ꩻကိုသွူ။ 5အွဉ်ႏသီခေါင်းဆောင် လိုꩻတန်ဖုံႏ လွေꩻလွဉ်ꩻတွမ်ႏခွေ ဝေင်ꩻကဲသရိတဲင် ဝွေꩻမာꩻလဲဉ်း ထာꩻအမာႏ မဉ်ႏအဝ်ႏတစွိုးစွိုးနဝ်ꩻ စွဲꩻတရာꩻသွော့ ပါꩻခိုနဝ်ꩻဟုဲင်း” နုဲင်းနဝ်ꩻသွူ၊၊
6ခွန်ဖေတု အုံငီꩻထဲင်းယင်း တွမ်ႏဝွေꩻသီး သွစ်ꩻနီꩻ၊ မဉ်ႏတမွေးတဝ်း အနီꩻတဆီရပ် ထွူတဲင် လွေꩻထိုꩻ ဝေင်ꩻကဲသရိနဝ်ꩻသွူ။ တွိုႏနုဲင်းမွူးရဝ်ꩻနီꩻ ဖေႏကဟဲ့ꩻလွဉ်သော့ꩻ ပေါလု တရာꩻရွုမ်ꩻကိုနဝ်ꩻ ဝွေꩻအုံလင်ꩻ ထာꩻစီႏရင်ႏ တရာꩻ ပလ္လင်ႏလောင်းတဲင် ဖေႏစွဉ်ႏအမိန်းသွူ။ 7ပေါလုထွိုင်ႏ ဖျော်လွဉ်ချိန်ႏ ဂျူးလိုꩻမျိုꩻဖုံႏ ကအဝ်ႏဒါႏ ဝေင်ꩻယေရုသလမ်ႏလွဉ်နဝ်ꩻ အုံထွိုင်ႏခူစွဉ်ႏ ဝွေꩻတွော့ꩻ စတဲင် ပဲစ်ဒင်ႏဆန်ချာ သန်မွေးနေးစွဉ်ႏ ဝွေꩻတဲ့ ဝွေꩻသီး တအွဉ်ႏနယ်နွောင်ꩻတဝ်း သက်သေႏသွူ။ 8ကွဲႏတွော့ꩻ ပေါလု ရဲကာႏကွယ်ႏချာ ဝွေꩻနမ်း၊ “ကပဲစ်မာႏဆန်ချာ ဂျူးပညတ်ကျမ်ꩻ တဲ့နဝ်ꩻ ဆန်ချာဒါႏ ဗိမာန်ႏတောႏကျောင်ꩻ တဲ့နဝ်ꩻ ဆန်ချာဒါႏ ရောမ ဧကရာဇ်ခွန်တန် တဲ့နဝ်ꩻ တစွိုးစွိုးငါတဲ့ ခွေတမာꩻမာႏဗာႏတဝ်း” နုဲင်းနဝ်ꩻသွူ။
9ကွဲႏတွော့ꩻ ခွန်ဖေတုနဝ်ꩻ မဉ်လꩻမဲ့ငါ ဂျူးလိုꩻမျိုꩻဖုံႏထျꩻ နဝ်ꩻမꩻ ဝွေꩻရီပေါလု၊ “နာꩻမဉ်လွေꩻနေ ဝေင်ꩻယေရုသလမ်ႏသူꩻတွော့ꩻ ကစွဲꩻတရာꩻဒါႏ ယိုဖုံႏနဝ်ꩻ အီႏခံႏနေ အစဲစ်ဆေꩻ ခွေဆꩻငါ နဝ်ꩻကိုဟောင်း” နုဲင်းနဝ်ꩻသွူ။
10ပေါလုဒေါ့ꩻ၊ “ခွေနဝ်ꩻ မဉ်အုံထွိုင်ႏဒျာႏ ဧကရာဇ်ခွန်တန်နမ်း ကစီႏရင်ႏဒါႏ တရာꩻရွုမ်ꩻဆꩻငါ၊ ခွေအီႏခံႏဒျာႏ အစဲစ်ဆေꩻ နဝ်ꩻကိုသွူ။ နုဲင်းနီဗွေႏနမ်း ကအဝ်ႏသေစဲင်းဒျာႏအတွိုင်ꩻ ခွေတပဲစ်မာႏဗာႏတဝ်း ဂျူးလိုꩻမျိုꩻဖုံႏသွူ။ 11ခွေမဉ်ႏယားကုဲင်ထိုꩻ ပညတ်တရာꩻ ဥပဒေႏတွော့ꩻ ကအီႏထွိုက်တန်ႏ ထာꩻသီတံႏ ခွေမဉ်ႏမာꩻလဲဉ်း ထာꩻတစွိုးစွိုး ဖေႏကလွစ်နဝ်ꩻ ခွေတကွီတဝ်းသွူ။ ကွဲႏတွော့ꩻ ဝွေꩻသီး ကစွဲꩻတရာꩻခွေ မဉ်ႏတမဲဉ်ႏတဝ်းနဝ်ꩻ ပါꩻမုဲင်ꩻတဖြာꩻတဲ့ အပ်ထိုꩻခွေ ဝွေꩻသီး အစူကို တလꩻတဝ်းသွူ။ ခွေအီႏခံႏထူႏဒျာႏ အယူႏခံႏ ဧကရာဇ် ခွန်တန်ထျꩻ” နုဲင်းနဝ်ꩻသွူ။
12တွိုႏနဝ်ꩻ ခွန်ဖေတု တွိုင်ႏပင်ႏတွမ်ႏ ကောကဖေႏကျံႏဒါႏ ဝွေꩻသား လိုꩻတန်ဖုံႏထွူ လဝ်းချာ၊ “နာꩻရိုꩻ နာꩻအီႏခံႏထူႏဒျာႏ ဧကရာဇ်ခွန်တန်ထျꩻ အယူႏခံႏ နဝ်ꩻမꩻ၊ နာꩻအီႏလွေꩻဗာႏ ဧကရာဇ်ခွန်တန်ထျꩻ” နုဲင်းနဝ်ꩻသွူ။
ပေါလုဖျော်လွေꩻအဂြိပ္ပတွမ်ႏဗေရနိတ်ဆꩻငါ
13ဆုဲင်ꩻအချိန်ႏ ထွိုင်ႏညပသာႏနဝ်ꩻ ခွန်တန်အဂြိပ္ပတွမ်ႏ အမိဖုရာꩻ ဗေရနိတ် လွဉ်ဝေင်ꩻကဲသရိတဲင် အီႏလွေꩻလယ်ႏ နုတ်ဆက် ခွန်ခံႏဖေတုနဝ်ꩻသွူ။ 14ဝွေꩻသီး ဖျော်လွေꩻနဝ်ꩻကို အုံမွူးနီꩻ အာငါႏထွူ ပေါလု အခေႏအနေႏနဝ်ꩻ ခွန်ခံႏဖေတု သျင်ꩻနယ်ဖေႏ ခွန်တန်၊ “ယိုကိုနဝ်ꩻ ခွန်ဖေလစ်ꩻ အွဉ်ႏခံသေꩻခါꩻ ပါꩻခိုတဖြာꩻ ထောင်ႏကိုအဝ်ႏ၊ 15တဲင်ခွေထွိုင်ႏလွေꩻ ဝေင်ꩻယေရုသလမ်ႏချိန်ႏ ဂျူးယဇ်ပရောဟိတ် တန်ဖုံႏတွမ်ႏ ဘာႏသာႏရေꩻ လိုꩻတန်ဖုံႏနဝ်ꩻ စွဲꩻတရာꩻဝွေꩻတဲင် အွဉ်ႏခွေ ဖေႏနေး ကစီႏရင်ႏ ဝွေꩻအပဲစ်တံႏနဝ်ꩻသွူ။ 16ကွဲႏတွော့ꩻ တရာꩻခံႏသား တဖြာꩻနဝ်ꩻ တွမ်ႏကစွဲꩻတရာꩻဒါႏသား ပေါႏတအွဉ်ႏခွယ်ႏတောႏ ဗာႏတဝ်းဝင်ꩻ မဲ့ငါ တွော့ꩻ ဝွေꩻသီး ကစွဲꩻတရာꩻဒါႏ အချက်ဖုံႏနဝ်ꩻတဲ့ တရာꩻခံႏသား ဒေါ့ꩻရဲကာႏကွယ်ႏချာနမ်း ပေါႏအခွင်ꩻတဖေႏ တဝ်းတွော့ꩻ ဖေႏအပဲစ်တံႏ စီႏရင်ႏထိုꩻနဝ်ꩻ နီရောမထွုံꩻစံႏ တအဲဉ်ထဝ်း နုဲင်းနဝ်ꩻနဝ်ꩻ ခွေဒေါ့ꩻနယ်ဖေႏ ဝွေꩻသီးသွူ။ 17ဝွေꩻသီး ထွိုင်ႏဖျော်လွဉ် ယိုကိုချိန်ႏ ခွေတဖျုန်ꩻတဝ်း အချိန်ႏသွူ၊ နုဲင်းမွူးရဝ်ꩻနီꩻ ခွေအုံလင်ꩻ တရာꩻစီႏရင်ႏ ပလ္လင်ႏလောင်းတဲင် ဖေႏကဟဲ့ꩻလွဉ်သော့ꩻ ပါꩻခိုနဝ်ꩻ ဖေႏအမိန်းသွူ။ 18ကစွဲꩻတရာꩻဒါႏ ဝွေꩻသားဖုံႏနဝ်ꩻ အုံထွိုင်ႏတဲင်၊ ဝွေꩻသီး စွဲꩻတရာꩻဝွေꩻ စွဉ်ႏတဲ့ ခွေသွဉ်းထင်း ဝွေꩻနဝ်ꩻ ရာႏဇဝွတ်မုပဲစ် တစိꩻစိꩻငါတဲ့ အဲဉ်ထဝ်းသွူ။ 19ဝွေꩻသီး ထေင်ငဝ်းအာ လို့အီဒျာႏဝင်ꩻ စွဉ်ႏဝွေꩻ ဘာႏသာႏရေꩻခရာႏ ပွိုင်းဝွို့တွမ်ႏ ပါꩻတဖြာꩻ မဉ်ꩻကဟဲ့ꩻဒါႏ ယေသျု ကသီထိုꩻလဲဉ်းဒါႏ နဝ်ꩻသွူ။ ကွဲႏတွော့ꩻ ဝွေꩻအသက် အဝ်ႏမွန်ဒျာႏကျောင်ꩻ ပေါလု အဝ်ႏကေႏညာႏဒျာႏသွူ။ 20ပျဿနာႏယိုဖုံႏ ခွေကအီႏ ဖေႏသျင်ꩻဗာႏနဝ်ꩻ ဆွုံꩻဖျတ် တကျင်ႏလယ်ႏတဝ်း နဝ်ꩻမꩻ၊ ခွေရီပေါလု ဝွေꩻမဉ်လွေꩻဒျာႏ ဝေင်ꩻယေရုသလမ်ႏတွော့ꩻ အမုယိုနဝ်ꩻ မဉ်ခံနေ အစဲစ်ဆေꩻ နဝ်ꩻကိုဟောင်း” နုဲင်းနဝ်ꩻသွူ။ 21ကွဲႏတွော့ꩻ ပေါလုနဝ်ꩻ ဝွေꩻမဉ်ခံႏထူႏဒျာႏ ဧကရာဇ်ခွန်တန် စီႏရင်ႏဆွုံꩻဖျတ် ဝွေꩻအမုနဝ်ꩻမꩻ ဗꩻတွိုႏစွဉ်ႏ ခွေကပသာလွေꩻဝွေꩻ ဧကရာဇ်ခွန်တန်ထျꩻနဝ်ꩻ အွဉ်ႏခံခါꩻဗော့ꩻဝွေꩻ အချုပ်ကိုနဝ်ꩻ ခွေဖေႏစွဉ်ႏအမိန်း” နုဲင်းနဝ်ꩻသွူ။
22ခွန်အဂြိပ္ပဒေါ့ꩻဖေႏ ခွန်ခံႏဖေတု၊ “ခွေနမ်းမဉ်ဟွိုန် ပါꩻခိုယို အထာꩻဒေါ့ꩻ” နုဲင်းနဝ်ꩻသွူ။
ခွန်ခံႏဖေတုလဝ်းချာ၊ “မွူးရဝ်ꩻနီꩻ ခွန်တန် အီႏဟွိုန်ဗာႏ ဝွေꩻငဝ်း” နုဲင်းနဝ်ꩻသွူ။
23တွိုႏနုဲင်းမွူးရဝ်ꩻနီꩻ ခွန်တန်အဂြိပ္ပတွမ်ႏ အမိဖုရာꩻ ဗေရနိတ်နဝ်ꩻ တွမ်ႏခွန်ခြွိုင်း ခွန်တန် အဘွုန်ꩻသရေႏ တန်ငါႏတဲင် ကျွꩻလွဉ်တွမ်ႏ ခွန်အခန်ꩻအနာꩻ စဲ့ꩻတပ်ခေါင်း ဆောင် လိုꩻတန်ဖုံႏတွမ်ႏ ဝေင်ꩻကို ဂွုဏ်ႏသရေႏအဝ်ႏ ခေါင်းဆောင် လိုꩻတန်ဖုံႏနဝ်ꩻ နွို့လွဉ်သော့ꩻ ညီႏလာႏခံႏ အစီꩻဝေꩻ အခန်ꩻလုဲင်းကိုသွူ။ ခွန်ခံႏဖေတု ဖေႏအမိန်းတဲင် ဝင်ꩻဟဲ့ꩻလွဉ်သော့ꩻ ပေါလုသွူ။ 24ခွန်ခံႏဖေတုဒေါ့ꩻ၊ “ခွန်တန် အဂြိပ္ပတွမ်ႏ လိုꩻကကျွꩻလွဉ်ဒါႏ ယိုကိုသားဖုံႏ ကားကအဝ်ႏ တွမ်ႏနီ။ သီ ကအဝ်ႏထီႏဗာႏ ပါꩻခိုယိုနဝ်ꩻ ဂျူးလိုꩻမျိုꩻဖုံႏ ကအဝ်ႏယိုကိုတွမ်ႏ ဝေင်ꩻယေရုသလမ်ႏကိုသား နီစွိုꩻလွုမ်းနဝ်ꩻ ဆန်ချာဝွေꩻ အဝ်ႏတွိုင်ႏကွီထင်ႏခွေ၊ ဝွေꩻယို အသက်အဝ်ႏမွန် ထွိုက်ထဲင်းတဝ်းဒွုမ် ဝွေꩻသီးခြောဝ် နုဲင်းနဝ်ꩻသွူ။ 25ကွဲႏတွော့ꩻ ကအီႏထွိုက်သီနဝ်ꩻ ခွေတထီႏတဝ်း ဝွေꩻမာꩻအပဲစ် တစွိုးစွိုးသွူ။ ဝွေꩻနမ်းရိုꩻဒျာႏ အီႏခံႏထူႏအယူႏခံႏ ဧကရာဇ်ခွန်တန်ထျꩻ နဝ်ꩻမꩻ ခွေဆွုံꩻဖျတ်လဲဉ်း အီႏပသာလွေꩻ ဝွေꩻနဝ်ꩻသွူ။ 26ကွဲႏတွော့ꩻ ကအီႏတဲမ်း ပသာထေ့ဗာႏ ဧကရာဇ်ခွန်တန်ထျꩻ ပွိုင်းဝွို့တွမ်ႏ ဝွေꩻခရာႏ စဲင်းစဲင်းတဗာႏ နုဲင်းမုဲင်ꩻနဝ်ꩻ ခွေထျꩻ တစွိုးစွိုး အဲဉ်ထဝ်းသွူ။ နဝ်ꩻမꩻ ခွေထေထန်ႏလွဉ်ဗာႏဝွေꩻ သီဆꩻငါ ယိုကိုတွမ်ႏ အရေꩻတန်သွတ်ꩻ ခွန်တန် အဂြိပ္ပ ဆꩻငါနဝ်ꩻသွူ။ နဝ်ꩻမꩻ စုံႏစမ်ꩻစဲစ်ထွား ဝွေꩻအမုထွူ ဖေႏနေးခွေကဒင်ႏ တဲမ်းနယ်အခရာႏ ဖေႏကအဝ်ႏသွူ။ 27ပွိုးတွော့ꩻ စွဲꩻတရာꩻဒါႏဝွေꩻ အချက်အခရာႏ တဖေါႏထန်ႏနယ် စဲင်းတဝ်းတွော့ꩻ မဉ်ႏအွဉ်ႏစွꩻလွေꩻထိုꩻ ထောင်ႏသား တဖြာꩻယို ခွေထာꩻထီႏနဝ်ꩻ အနယ်ꩻတမွေးတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.