တမန်ႏတောႏ 27
27
ပေါလုဖြုဲင်ꩻသင်္ဘောꩻထန်ႏလွေꩻရောမ
1စွဉ်ႏသင်္ဘောꩻ နီအဝ်ႏလိုႏဖြုဲင်ꩻလွေꩻ အီတလီခမ်း ထွိုင်ႏဆွုံꩻဖျတ် နုဲင်းနဝ်ꩻချိန်ႏ ပေါလုတွမ်ႏ ထောင်ႏသား အလင်ဖုံႏနဝ်ꩻ ဝွေꩻသီးအပ်စွဉ်ႏ ရောမစဲ့ꩻသား တရေင်တပ် ကဟဲ့ꩻဒါႏ၊ “ဧကရာဇ်ခွန် အစဲ့ꩻသား တရေင်တပ်၊” စဲ့ꩻတပ်ပိုႏတန် တဖြာꩻ မဉ်ꩻကဟဲ့ꩻဒါႏ ယုလိ စူကိုနဝ်ꩻသွူ။ 2နီလွေꩻထုမ်း သင်္ဘောꩻတဆွိုင်ꩻ ကအဝ်ႏဒါႏဝေင်ꩻ အာဒြုမုတ္တိလွဉ်တွော့ꩻ အဝ်ႏသင်္ဘောꩻဆိပ်ကို အီႏထန်ႏလွေꩻ အာသျခမ်းတဲင် နီသင်္ဘောꩻနဝ်ꩻ ထန်ႏလွေꩻစွဉ်ႏ မာကေဒေါနိခမ်း၊ ဝေင်ꩻသက်သာလောနိသား တဖြာꩻ အမဉ်ꩻကဟဲ့ꩻဒါႏ အာရိတ္တာခုနဝ်ꩻ အဝ်ႏပါလွဉ်ꩻနီနဝ်ꩻသွူ။ 3ဆုဲင်ꩻတနီꩻ နီဖျော်လွဉ်စွဉ်ႏ ဝေင်ꩻသိဒုန်သွူ။ စဲ့ꩻတပ်ပိုႏတန် ယုလိနဝ်ꩻ သညင်ꩻပေါလု နဝ်ꩻမꩻ နုဲင်းဝွေꩻ ကအဝ်ႏလိုႏဒါႏဖုံႏ ဖေႏကလꩻနဝ်ꩻ ဖေႏစွဉ်ႏဝွေꩻအခွင်ꩻ လွေꩻထုမ်ႏထွား အသွꩻဖုံႏသွူ။ 4နီအဝ်ႏနဝ်ꩻကို ထွိုင်ႏထန်ႏလွေꩻသွုပ်နဝ်ꩻ ပွိုးတလီꩻဆန်နီ နဝ်ꩻမꩻ နီသင်္ဘောꩻနဝ်ꩻ ထုမ်းလွေꩻစွဉ်ႏ သုဲင်းပရတ်ကြွန် တလီꩻဗꩻဖဲ့ꩻသွူ။ 5နီဖျတ်ကာႏလွေꩻ ကိလိကိခမ်း ပင်ႏလယ်ႏစွဉ်ႏ ပံဖုလိခမ်း ပင်ႏလယ်ႏတဲင် ဖျော်လွဉ်စွဉ်ႏ ဝေင်ꩻမုရ၊ လုကိခမ်းကိုနဝ်ꩻသွူ။ 6နဝ်ꩻကိုနဝ်ꩻ စဲ့ꩻပိုႏထီႏ သင်္ဘောꩻတဆွိုင်ꩻ အဝ်ႏဝေင်ꩻ အလဲက်သန်းဒီးယားတွော့ꩻ အီႏလွေꩻ အီတလီခမ်းနဝ်ꩻသွူ။ နဝ်ꩻမꩻ ဝွေꩻအွဉ်ႏနီထင်ႏထုမ်း သင်္ဘောꩻနဝ်ꩻသွူ။
7နီသင်္ဘောꩻ ဖြုဲင်ꩻလွေꩻ ယွယွသာႏသာႏ မွူးနီꩻထွိုင်ႏအာနဝ်ꩻ ယပ်ꩻယပ်ꩻခုဲင်ႏခုဲင်ႏ အဆုဲင်ꩻသွတ်ꩻ ဖျော်လွဉ်စွဉ်ႏ ဝေင်ꩻကနိဒပ်သွူ။ တလီꩻရော့ꩻတဝ်း နဝ်ꩻမꩻ နီဖြုဲင်ꩻငါထဲင်း တလꩻတဝ်းဒွုမ်သွူ။ နဝ်ꩻမꩻ နီသင်္ဘောꩻနဝ်ꩻ ဖြုဲင်ꩻလင်ꩻလွေꩻထိုꩻ သာလမု ကြွန်စွယ်ႏဖဲ့ꩻတဲင် ဖြုဲင်ꩻကာႏလွေꩻ ကရေတေကြွန် တလီꩻအဗꩻဖဲ့ꩻသွူ။ 8နီအဝ်ႏသွုပ် ဖြုဲင်ꩻလွေꩻဗော့ꩻ ပင်ႏလယ်ႏဖင်ႏထျꩻတဲင် ယပ်ꩻယပ်ꩻခုဲင်ႏခုဲင်ႏ ဖျော်လွဉ် ခင်ႏလမ်းတထွောင်း ကဟဲ့ꩻဒါႏ သင်္ဘောꩻဆိပ် လုမ်းဗဉ်ႏ တပေါႏအဝ်ႏညာꩻတဝ်း စွဉ်ႏဝေင်ꩻလာသဲ နဝ်ꩻသွူ။
9နီအုံပဆားနဝ်ꩻကို မွူးနီꩻညတန်၊ ပွိုးယိုခါနဝ်ꩻ ပွယ်ꩻဖြေႏလွစ် အပဲစ်နီꩻတဲ့ ထွူလဲဉ်း၊ ဗꩻတွိုႏစွဉ်ႏ ကအီႏထန်ႏ ပင်ႏလယ်ႏတဖူꩻနဝ်ꩻ အန္တရာယ်ႏ အဝ်ႏသွုပ်ဒါႏ အချိန်ႏရာႏသီႏ နဝ်ꩻမꩻ၊ ပေါလု ဖေႏကျံႏဝွေꩻသီး နုဲင်းယိုသွူ။ 10“လိုꩻဖုံႏ၊ နီပင်ႏလယ်ႏတဖူꩻနဝ်ꩻ တယ်ႏစယိုမာꩻငါ အန္တရာယ်ႏ အီႏတန်လွဉ်နဝ်ꩻ ခွေအဝ်ႏထီႏ၊ မဉ်ႏလွေꩻသွုပ်နဝ်ꩻ သင်္ဘောꩻယင် ကွန်ႏထာꩻခြိုꩻယင် အီႏသွုမ်ꩻအာမွေးတဲင် လိုꩻအသက်တဲ့ အီႏသွုမ်ꩻထိုꩻဒါႏ” နုဲင်းနဝ်ꩻသွူ။ 11ကွဲႏတွော့ꩻ စဲ့ꩻတပ်ပိုႏတန်နဝ်ꩻ လက္ခံႏဒျာႏ သင်္ဘောꩻပိုႏတန်တွမ်ႏ သင်္ဘောꩻဗွေႏ ကဒေါ့ꩻဒါႏငဝ်းတဲင် နုဲင်းပေါလု ကဒေါ့ꩻနဝ်ꩻ တလက္ခံႏတဝ်းသွူ။ 12သင်္ဘောꩻဆိပ်နဝ်ꩻ ထာꩻခွꩻလာကို တဟဝ်အုံပဆား သော့ꩻတဝ်းသွူ။ နဝ်ꩻမꩻ လိုꩻဖုံႏရင်းစွဉ်ႏ စွုမ်ႏဖြာꩻ အဝ်ႏမဉ်ထန်ႏလွေꩻဒျာႏ ပင်ႏလယ်ႏတဖူꩻ၊ အဝ်ႏကျိုꩻစာꩻ ဖေႏကဖျော်လွေꩻ ဝေင်ꩻဖိုနိတ် နဝ်ꩻသွူ။ မဉ်ႏထွာနွောင်ꩻနဝ်ꩻ ထာꩻခွꩻလာကို ဖေႏကအုံပဆားဒျာႏ နဝ်ꩻကိုသွူ။ ဝေင်ꩻဖိုနိတ်နဝ်ꩻထွာ သင်္ဘောꩻဆိပ် ကအဝ်ႏကရေတေ ကြွန်လောင်းတွော့ꩻ အဝ်ႏခွယ်ႏတောႏ တွို့ꩻနဝ်ꩻစွဉ်ႏ တွို့ꩻထင်ꩻလွေꩻ နဝ်ꩻသွူ။
တလီꩻသန်ပင်ႏလယ်ႏကို
13တလီꩻသာႏ အဝ်ႏဆꩻနဝ် ထွိုင်ႏမာꩻလွဉ်စနဝ်ꩻ သင်္ဘောꩻသားဖုံႏ ထင်းဝွေꩻသီး အကျံႏအောင်ႏလဲဉ်းတဲင် ထွို့ꩻထန်ႏချာ တဖြွီꩻပသီႏ စွိုင်လုံးလက်ꩻနဝ်ꩻတွော့ꩻ ဖြုဲင်ꩻဖေႏကဗော့ꩻလွေꩻ ကရေတေကြွန် မဉ်ႏထွာနွောင်ꩻနဝ်ꩻ ကျံႏကပ်ပယ်လွေꩻ ကရေတေ ပင်ႏလယ်ႏဖင်ႏဖဲ့ꩻသွူ။ 14ကွဲႏတွော့ꩻ တညတဝ်း တလီꩻဝစ်ꩻသန် တစွိုး ကဟဲ့ꩻဒါႏ “တလီꩻဆꩻကွဉ်ႏထင်ꩻ” နဝ်ꩻ အဝ်ႏကြွန်လောင်း ထွာႏလင်ꩻသော့ꩻစွဉ်ႏနဝ်ꩻသွူ။ 15တလီꩻသန်နဝ်ꩻ တွဲႏဗာႏစွဉ်ႏ သင်္ဘောꩻတဲင် သင်္ဘောꩻနဝ်ꩻ ဝါးဆန်တလီꩻ တလꩻနွောင်ꩻတဝ်းဒွုမ် နဝ်ꩻမꩻ နီတဲ့ တကျိုꩻစာꩻ ဖြုဲင်ꩻထဲင်းတဝ်းတဲင် အွဉ်ႏလောင်းလွဉ်ꩻဗော့ꩻဒျာႏ တလီꩻ မာꩻလွေꩻဖဲ့ꩻသွူ။ 16နီ ထွိုင်ႏကာႏလဲဉ်းထိုꩻနဝ်ꩻ နီဖျတ်ကာႏလွေꩻစွဉ်ႏ ကြွန်ပေႏ ကောဒတဲင် နီအဝ်ႏဗꩻထိုꩻယင်း တလီꩻသန် တစိꩻနဝ်ꩻသွူ။ နဝ်ꩻကိုနဝ်ꩻ ဖြီပေႏဖုံႏ ကယ်ႏအီဒါႏ အသက်တာႏ ဖေႏကကုဲင်ထိုꩻမွိုန်းနဝ်ꩻ နီထိန်ꩻဟဝ် ယပ်ꩻခုဲင်ႏဗာႏမွေးစွဉ်ႏသွူ။ 17ဖြီပေႏဖုံႏနဝ်ꩻနဝ်ꩻ ဝွေꩻသီး ထွို့ꩻထင်ႏကီ သင်္ဘောꩻတန်လောင်း ထွူတဲင် တွမ်ႏတဖြွီꩻနဝ်ꩻ စွိုင်ခူခါꩻစွဉ်ႏ သင်္ဘောꩻတန်သွူ။ ဝွေꩻသီးငမ်းသꩻ သင်္ဘောꩻအဝ်ႏခံ ဒင်ႏလူးထိုꩻ လစ်ဗျား သုဲင်ꩻကောင်နဝ်ꩻမꩻ ဝွေꩻသီးသျော့လင်ထိုꩻ သင်္ဘောꩻပိတ်ခဝ်ဖြွီꩻတွော့ꩻ သင်္ဘောꩻနဝ်ꩻ အွဉ်ႏပါလွဉ်ꩻ စွဉ်ႏတလီꩻနဝ်ꩻသွူ။ 18တလီꩻဝစ်ꩻသန်နဝ်ꩻ အဝ်ႏမာꩻသန်ဟုဲင်း သွုပ်ဒျာႏ၊ နဝ်ꩻမꩻ နုဲင်းမွူးရဝ်ꩻနီꩻ ကွန်ႏဖုံႏ ကအဝ်ႏသော့ꩻဒါႏ ဝွေꩻသီးသင်္ဘောꩻ ဟို့ꩻကိုနဝ်ꩻ ဝွေꩻသီး နုဲင်ႏထန်ႏစထိုꩻစွဉ်ႏ ယင်ဟန်ႏသွူ။ 19တဲင်နုဲင်းတရူꩻနီꩻနဝ်ꩻ ကဆဲင်ႏဒါႏ သင်္ဘောꩻအခြွိုင်းခြိုꩻ ကအဝ်ႏသော့ꩻ သင်္ဘောꩻကိုနဝ်ꩻ ဝွေꩻသီး နုဲင်ႏလင်ꩻစွဉ်ႏ ထီကိုနဝ်ꩻသွူ။ 20နီတထီႏဗာႏတဝ်းဒွုမ် မွူးတွမ်ႏဆာႏဖုံႏနဝ်ꩻ မွူးနီꩻပေါင်ꩻ ညငါႏလဲဉ်းတဲင် တလီꩻတဲ့ အဝ်ႏမာꩻသန်သွုပ်ဒျာႏ နဝ်ꩻမꩻ အဆုဲင်ꩻသွတ်ꩻ နီကအီႏလွစ် ထာꩻသီနဝ်ꩻ ထာꩻအဝ်ႏမောင်ꩻ တအဲဉ်ထဝ်းဒွုမ်သွူ။
21လိုꩻဖုံႏတအံႏတဝ်း ထာꩻအံႏနဝ်ꩻ မွူးနီꩻညငါႏလဲဉ်း၊ တွိုႏနဝ်ꩻပေါလု အုံထွိုင်ႏ လိုꩻဖုံႏဆꩻငါတဲင်ဒေါ့ꩻ၊ “အဝ်ႏကရေတေကြွန် ချိန်ႏခါကာႏ နီသင်္ဘောꩻ တဟဝ်ထန်ႏတဝ်းနဝ်ꩻ သီဟဝ်နာႏခွေငဝ်း၊ နဝ်ꩻမꩻ နီအီႏသျောင်ႏလဲ့လꩻ ထာꩻယားကုဲင်ဖုံႏတွမ်ႏ ထာꩻသွုမ်ꩻဖုံႏသွူ။ 22ကွဲႏတွော့ꩻ ယိုခါ ခွေတောင်ꩻပြန်ႏသီ၊ သꩻတွမ်ႏကုဲင်မွိုန်း။ သီတဖြာꩻငါတဲ့ သက်အီႏ တသွုမ်ꩻကုဲင်ထိုꩻဗာႏတဝ်း၊ အီႏသွုမ်ꩻကုဲင်ဒျာႏ သင်္ဘောꩻ တစွိုးလွုမ်ꩻနဝ်ꩻသွူ။ 23ပွိုးတွော့ꩻ ဟန်ႏနာꩻ ခွေကအဝ်ႏဝုဲင်ႏ ကိုꩻကွယ်ႏဒါႏ ဗွေႏဘုရာꩻ အမို့ꩻလောင်းတမန်ႏတပါꩻနဝ်ꩻ ဖျော်လွဉ်ခွေထျꩻတဲင်၊ 24မိန်းဖေႏ၊ ‘ပေါလု တွမ်ႏငမ်းသꩻမွိုန်းဟုဲင်း။ နာꩻအီႏအုံထွိုင်ႏဗာႏ ဧကရာဇ်ခွန်တန် ဆꩻငါတဲင် ဗွေႏဘုရာꩻနဝ်ꩻ ဟဝ်မျတ်ထေ့ငါႏနာꩻ နဝ်ꩻမꩻ လိုꩻကထုမ်းလွေꩻငီꩻနာꩻ သင်္ဘောꩻထီသားဖုံႏနဝ်ꩻ အီႏအွဉ်ႏမွန်ဖေႏလို့ဒျာႏ အသက်’ နုဲင်းနဝ်ꩻသွူ။ 25နဝ်ꩻမꩻ လိုꩻဖုံႏ အွဉ်ႏရုဲင်းရုဲင်းသꩻဟုဲင်း။ ပွိုးခွေအဝ်ႏယွုမ်း အာႏကွိုꩻ ဗွေႏဘုရာꩻနဝ်ꩻမꩻ နုဲင်းခွေကဒေါ့ꩻနယ်ဖေႏဒါႏ သီအတွိုင်ꩻနဝ်ꩻ အီႏထွာလွဉ်မွေးဒျာႏသွူ။ 26ကွဲႏတွော့ꩻ နီသင်္ဘောꩻထီနဝ်ꩻ အီႏလွေꩻအဝ်ႏဒင်ႏထိုꩻ ကြွန်တဖြုံႏလောင်း” နုဲင်းနဝ်ꩻသွူ။
27တဆီလစ်ꩻနီꩻဗွေ အဟာနဝ်ꩻ နီသင်္ဘောꩻနဝ်ꩻ တလီꩻအဝ်ႏထွာႏသော့ꩻ မဲက်ဒီထရေးနီးယန်း ပင်ႏလယ်ႏကိုတွင်ꩻ မွူးကွို့ꩻနာꩻချိန်ႏ နီနဝ်ꩻ အဝ်ႏဗော့ꩻလဲဉ်း ကြွန်တဖြုံႏအထျꩻနဝ်ꩻ သင်္ဘောꩻသားဖုံႏ ရိက်လꩻစွဉ်ႏသွူ။ 28ပွိုးနဝ်ꩻမꩻ ဝွေꩻသီးအွဉ်ႏစွꩻလင်ꩻ တဖြွီꩻတဲက်ထီယော့ ထီဖွိုꩻနဝ်ꩻတွော့ꩻ ထီအယော့ အဝ်ႏပေပေါင်ꩻ တရျာꩻနီဆီသွူ။ အုံထဲင်း တဆင်ႏ ဝွေꩻသီး တဲက်လင်ꩻယင်းနဝ်ꩻ ထီႏဗာႏအဝ်ႏပေပေါင်ꩻ ကွတ်ꩻဆီလွုမ်ꩻ နဝ်ꩻသွူ။ 29ဝွေꩻသီးငမ်းသꩻ သင်္ဘောꩻထီ တလွတ်ꩻထိုꩻဗာႏ လုံးတူႏတန်ဖုံႏ နဝ်ꩻမꩻ၊ ဝွေꩻသီးအွဉ်ႏချꩻလင်ꩻ ပသီႏဝွို့လုံး သင်္ဘောꩻထီ အမေးဖဲ့ꩻထွူတဲင် ဆုတောင်ꩻ ကော့ꩻမောင်ꩻဒျာႏ ထာꩻလေလွဉ်နဝ်ꩻသွူ။ 30နဝ်ꩻထွူ သင်္ဘောꩻသားဖုံႏ အဝ်ႏသင်္ဘောꩻထီလောင်းနဝ်ꩻ ကျံႏရေႏဖင်း သျောင်ႏလဲ့ထိုꩻသွူ။ ဝွေꩻသီး ကဉ်းမာꩻနုဲင်း အွဉ်ႏချꩻလင်ꩻ ပသီႏဝွို့လုံး သင်္ဘောꩻထီ ဆꩻငါဖဲ့ꩻနဝ်ꩻတွော့ꩻ ဝွေꩻသီး အွဉ်ႏလွဉ်းလင်ꩻထိုꩻတော ဖြီပေႏထီကိုနဝ်ꩻသွူ။ 31ကွဲႏတွော့ꩻ ပေါလု ဒေါ့ꩻဖေႏ စဲ့ꩻတပ်ပိုတန်တွမ်ႏ စဲ့ꩻသားဖုံႏ၊ “သင်္ဘောꩻဝါးသားဖုံႏ မဉ်ႏတအုံကုဲင်သော့ꩻတဝ်း သင်္ဘောꩻလောင်းနဝ်ꩻ သီအသက် ကအီႏအဝ်ႏမွန်နဝ်ꩻ တွမ်ႏအဝ်ႏမောင်ꩻမွိုန်း” နုဲင်းနဝ်ꩻသွူ။ 32နဝ်ꩻမꩻ စဲ့ꩻသားဖုံႏ ဓွေါ့ꩻထဲ့ထိုꩻလို့စွဉ်ႏ ကယ်ႏအသက်ဖြီပေႏ တဖြွီꩻဖုံႏတွော့ꩻ အွဉ်ႏစွꩻလွေꩻညထိုꩻစွဉ်ႏ ဖြီပေႏဖုံႏသွူ။
33ခလာ မွူးကလေ ဖေႏကအံႏထာꩻအံႏနဝ်ꩻ ပေါလုတောင်ꩻပြန်ႏ ဝွေꩻသီး ကားကအဝ်ႏ၊ “သီအဝ်ႏမောင်ꩻ အီႏထွာလွဉ်ထာꩻ နုဲင်းမုဲင်ꩻနဝ်ꩻ ယိုခါလꩻလဲဉ်း တဆီလစ်ꩻနီꩻတဲင် တချိန်ႏလွုမ်း သီတအံႏတဝ်းထာꩻအံႏ တစွိုးစွိုးနဝ်ꩻသွူ။ 34နဝ်ꩻထွူ ခွေတောင်ꩻပြန်ႏဒျာႏ၊ ဖေႏသီအသက် ကအဝ်ႏမွန်သွုပ်နဝ်ꩻ အံႏဗဲင်းထာꩻအံႏ တစွိုးစွိုးဟုဲင်း။ သီကတူႏလောင်း ကလူꩻတလီးငါတဲ့ အီႏတသွုမ်ꩻကုဲင်ထိုꩻဗာႏတဝ်း” နုဲင်းနဝ်ꩻသွူ။ 35ဒေါ့ꩻဖေႏနုဲင်းယိုထွူ ပေါလုထူႏတခိုႏ ပေါင်မုန့်ယင်ဟန်ႏ ဝွေꩻသီး ကားကအဝ်ႏဆꩻငါ အုပ်ꩻထင်ႏဗွေႏဘုရာꩻ ကေꩻဇူꩻတောႏ၊ အဲ့ꩻတခိုးတဲင် အံႏစစွဉ်ႏ ထာꩻအံႏနဝ်ꩻသွူ။ 36ဝွေꩻသီး အွဉ်ႏရုဲင်းသꩻဖုံႏတဲင် ဝွေꩻသီး ကားကအဝ်ႏ စွုမ်ႏဖြာꩻဖြာꩻ နဝ်ꩻတဲ့ အံႏစွဉ်ႏထာꩻအံႏ ယင်ဟန်ႏနဝ်ꩻသွူ။ 37နဝ်ꩻကို သင်္ဘောꩻထီလောင်း နီကားကအဝ်ႏနဝ်ꩻ အဝ်ႏ(၂၇၆)ဖြာꩻနဝ်ꩻသွူ။ 38လိုꩻစွုမ်ႏဖြာꩻ အံႏကွို့ꩻထွူ သင်္ဘောꩻထီ ဖေႏကဖွီထိုꩻနဝ်ꩻ ဗွူကလာꩻဖုံႏ ကားကအဝ်ႏနဝ်ꩻ နုဲင်ႏလင်ꩻသော့ꩻစွဉ်ႏ ပင်ႏလယ်ႏကို နဝ်ꩻသွူ။
သင်္ဘောꩻထီကုဲင်ထိုꩻ
39ထာꩻထွိုင်ႏလေလွဉ် သင်္ဘောꩻထီဝါးသားဖုံႏ ဖျော်လွဉ် ပင်ႏလယ်ႏဖင်ႏ အဖဲ့ꩻမုဲင်ꩻနဝ်ꩻ တတောင်ꩻတဝ်းသွူ။ ကွဲႏတွော့ꩻ ထွာပင်ႏလယ်ႏတကဲင်ႏ ဖင်ႏတထွောင်း ကျောင်ꩻနဝ်ꩻ ဝွေꩻသီးအဝ်ႏသေ၊ နဝ်ꩻမꩻ မဉ်ႏထွာနွောင်ꩻနဝ်ꩻ သင်္ဘောꩻထီနဝ်ꩻ ဝွေꩻသီး ထုမ်းလွေꩻစွဉ်ႏ ဖင်ႏထျꩻ ဟံႏသဲင်လောင်း ဆွုံꩻဖျတ်စွဉ်ႏ နဝ်ꩻသွူ။ 40နဝ်ꩻမꩻ ဝွေꩻသီး ဓွေါ့ꩻထဲ့ထိုꩻစွဉ်ႏ ပသီႏဝွို့လုံး နဝ်ꩻတွော့ꩻ အွဉ်ႏလွဉ်းလင်ꩻသော့ꩻစွဉ်ႏ ပင်ႏလယ်ႏကိုတဲင် တလဲင်ႏချင်ꩻ ဝွေꩻသီးစေထိုꩻစွဉ်ႏ သင်္ဘောꩻတက်ꩻဖြွီꩻ၊ နဝ်ꩻထွူ ဖေႏနေး တလီꩻကထွာႏငါစွို့ꩻဖေႏ သင်္ဘောꩻတွော့ꩻ ဖေႏကတွိုႏလွေꩻ ဖင်ႏထျꩻနဝ်ꩻ ဝွေꩻသီး ဗွောင်ဆတ်ꩻစွဉ်ႏ ပိတ်ခဝ် ကအဝ်ႏဆꩻငါဖဲ့ꩻသွူ။ 41ကွဲႏတွော့ꩻ သင်္ဘောꩻနဝ်ꩻ တွိုႏလွေꩻထီဖွိုꩻကို အကတူႏ အဝ်ႏဆွို့စွဉ်ႏ သုဲင်ꩻကောင် နဝ်ꩻမꩻ ရုဲင်ꩻတသွိုး တလꩻတဝ်းဒွုမ်တဲင်၊ သင်္ဘောꩻမေးဖဲ့ꩻဖုံႏနဝ်ꩻ ထီလဲင်ꩻ လွဉ်တွဲႏနဝ်ꩻမꩻ ထို့ပꩻကုဲင်ထိုꩻစွဉ်ႏသွူ။
42စဲ့ꩻသားဖုံႏ ငမ်းသꩻငါႏ ထောင်ႏသားဖုံႏ ယားထီဖင်းထိုꩻလို့နဝ်ꩻမꩻ ဝွေꩻသီး ကျံႏမာꩻသီထိုꩻလို့စွဉ်ႏသွူ။ 43ကွဲႏတွော့ꩻ စဲ့ꩻပိုႏတန်နဝ်ꩻ မဉ်ကယ်ႏပေါလု နဝ်ꩻမꩻ ကအီႏမာꩻနုဲင်းယိုနဝ်ꩻ ဝွေꩻရဲဆီꩻစွဉ်ႏ ဝွေꩻသီးနဝ်ꩻသွူ။ ဝွေꩻဖေႏတောစွဉ်ႏ အမိန်း လိုꩻကယားဒါႏ ထီသား စွုမ်ႏဖြာꩻ အဝ်ႏသင်္ဘောꩻလောင်း ပကျောက်ꩻလင်ꩻရီး ထီကိုတဲင် ဖေႏကယားလွေꩻ ဖင်ႏလောင်းနဝ်ꩻသွူ။ 44ထွူတဲင် ကအဝ်ႏကုဲင်သားဖုံႏနဝ်ꩻ ခွုမ်ပဲဉ်ခဝ် တဲ့နဝ်ꩻ ဖေႏကထုမ်း သင်္ဘောꩻကုဲင် အကွို့ꩻအခဝ်ဖုံႏ တဲ့နဝ်ꩻ ဖေႏကလွေꩻလွဉ်ꩻ နဝ်ꩻသွူ။ တွမ်ႏအနယ် နုဲင်းယိုနဝ်ꩻမꩻ နီကားကအဝ်ႏနဝ်ꩻ အသက်လွစ် တွိုႏလုမ်းဗဉ်ႏ လꩻယင်းစွဉ်ႏ ဖင်ႏလောင်းသွူ။
ទើបបានជ្រើសរើសហើយ៖
တမန်ႏတောႏ 27: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 27
27
ပေါလုဖြုဲင်ꩻသင်္ဘောꩻထန်ႏလွေꩻရောမ
1စွဉ်ႏသင်္ဘောꩻ နီအဝ်ႏလိုႏဖြုဲင်ꩻလွေꩻ အီတလီခမ်း ထွိုင်ႏဆွုံꩻဖျတ် နုဲင်းနဝ်ꩻချိန်ႏ ပေါလုတွမ်ႏ ထောင်ႏသား အလင်ဖုံႏနဝ်ꩻ ဝွေꩻသီးအပ်စွဉ်ႏ ရောမစဲ့ꩻသား တရေင်တပ် ကဟဲ့ꩻဒါႏ၊ “ဧကရာဇ်ခွန် အစဲ့ꩻသား တရေင်တပ်၊” စဲ့ꩻတပ်ပိုႏတန် တဖြာꩻ မဉ်ꩻကဟဲ့ꩻဒါႏ ယုလိ စူကိုနဝ်ꩻသွူ။ 2နီလွေꩻထုမ်း သင်္ဘောꩻတဆွိုင်ꩻ ကအဝ်ႏဒါႏဝေင်ꩻ အာဒြုမုတ္တိလွဉ်တွော့ꩻ အဝ်ႏသင်္ဘောꩻဆိပ်ကို အီႏထန်ႏလွေꩻ အာသျခမ်းတဲင် နီသင်္ဘောꩻနဝ်ꩻ ထန်ႏလွေꩻစွဉ်ႏ မာကေဒေါနိခမ်း၊ ဝေင်ꩻသက်သာလောနိသား တဖြာꩻ အမဉ်ꩻကဟဲ့ꩻဒါႏ အာရိတ္တာခုနဝ်ꩻ အဝ်ႏပါလွဉ်ꩻနီနဝ်ꩻသွူ။ 3ဆုဲင်ꩻတနီꩻ နီဖျော်လွဉ်စွဉ်ႏ ဝေင်ꩻသိဒုန်သွူ။ စဲ့ꩻတပ်ပိုႏတန် ယုလိနဝ်ꩻ သညင်ꩻပေါလု နဝ်ꩻမꩻ နုဲင်းဝွေꩻ ကအဝ်ႏလိုႏဒါႏဖုံႏ ဖေႏကလꩻနဝ်ꩻ ဖေႏစွဉ်ႏဝွေꩻအခွင်ꩻ လွေꩻထုမ်ႏထွား အသွꩻဖုံႏသွူ။ 4နီအဝ်ႏနဝ်ꩻကို ထွိုင်ႏထန်ႏလွေꩻသွုပ်နဝ်ꩻ ပွိုးတလီꩻဆန်နီ နဝ်ꩻမꩻ နီသင်္ဘောꩻနဝ်ꩻ ထုမ်းလွေꩻစွဉ်ႏ သုဲင်းပရတ်ကြွန် တလီꩻဗꩻဖဲ့ꩻသွူ။ 5နီဖျတ်ကာႏလွေꩻ ကိလိကိခမ်း ပင်ႏလယ်ႏစွဉ်ႏ ပံဖုလိခမ်း ပင်ႏလယ်ႏတဲင် ဖျော်လွဉ်စွဉ်ႏ ဝေင်ꩻမုရ၊ လုကိခမ်းကိုနဝ်ꩻသွူ။ 6နဝ်ꩻကိုနဝ်ꩻ စဲ့ꩻပိုႏထီႏ သင်္ဘောꩻတဆွိုင်ꩻ အဝ်ႏဝေင်ꩻ အလဲက်သန်းဒီးယားတွော့ꩻ အီႏလွေꩻ အီတလီခမ်းနဝ်ꩻသွူ။ နဝ်ꩻမꩻ ဝွေꩻအွဉ်ႏနီထင်ႏထုမ်း သင်္ဘောꩻနဝ်ꩻသွူ။
7နီသင်္ဘောꩻ ဖြုဲင်ꩻလွေꩻ ယွယွသာႏသာႏ မွူးနီꩻထွိုင်ႏအာနဝ်ꩻ ယပ်ꩻယပ်ꩻခုဲင်ႏခုဲင်ႏ အဆုဲင်ꩻသွတ်ꩻ ဖျော်လွဉ်စွဉ်ႏ ဝေင်ꩻကနိဒပ်သွူ။ တလီꩻရော့ꩻတဝ်း နဝ်ꩻမꩻ နီဖြုဲင်ꩻငါထဲင်း တလꩻတဝ်းဒွုမ်သွူ။ နဝ်ꩻမꩻ နီသင်္ဘောꩻနဝ်ꩻ ဖြုဲင်ꩻလင်ꩻလွေꩻထိုꩻ သာလမု ကြွန်စွယ်ႏဖဲ့ꩻတဲင် ဖြုဲင်ꩻကာႏလွေꩻ ကရေတေကြွန် တလီꩻအဗꩻဖဲ့ꩻသွူ။ 8နီအဝ်ႏသွုပ် ဖြုဲင်ꩻလွေꩻဗော့ꩻ ပင်ႏလယ်ႏဖင်ႏထျꩻတဲင် ယပ်ꩻယပ်ꩻခုဲင်ႏခုဲင်ႏ ဖျော်လွဉ် ခင်ႏလမ်းတထွောင်း ကဟဲ့ꩻဒါႏ သင်္ဘောꩻဆိပ် လုမ်းဗဉ်ႏ တပေါႏအဝ်ႏညာꩻတဝ်း စွဉ်ႏဝေင်ꩻလာသဲ နဝ်ꩻသွူ။
9နီအုံပဆားနဝ်ꩻကို မွူးနီꩻညတန်၊ ပွိုးယိုခါနဝ်ꩻ ပွယ်ꩻဖြေႏလွစ် အပဲစ်နီꩻတဲ့ ထွူလဲဉ်း၊ ဗꩻတွိုႏစွဉ်ႏ ကအီႏထန်ႏ ပင်ႏလယ်ႏတဖူꩻနဝ်ꩻ အန္တရာယ်ႏ အဝ်ႏသွုပ်ဒါႏ အချိန်ႏရာႏသီႏ နဝ်ꩻမꩻ၊ ပေါလု ဖေႏကျံႏဝွေꩻသီး နုဲင်းယိုသွူ။ 10“လိုꩻဖုံႏ၊ နီပင်ႏလယ်ႏတဖူꩻနဝ်ꩻ တယ်ႏစယိုမာꩻငါ အန္တရာယ်ႏ အီႏတန်လွဉ်နဝ်ꩻ ခွေအဝ်ႏထီႏ၊ မဉ်ႏလွေꩻသွုပ်နဝ်ꩻ သင်္ဘောꩻယင် ကွန်ႏထာꩻခြိုꩻယင် အီႏသွုမ်ꩻအာမွေးတဲင် လိုꩻအသက်တဲ့ အီႏသွုမ်ꩻထိုꩻဒါႏ” နုဲင်းနဝ်ꩻသွူ။ 11ကွဲႏတွော့ꩻ စဲ့ꩻတပ်ပိုႏတန်နဝ်ꩻ လက္ခံႏဒျာႏ သင်္ဘောꩻပိုႏတန်တွမ်ႏ သင်္ဘောꩻဗွေႏ ကဒေါ့ꩻဒါႏငဝ်းတဲင် နုဲင်းပေါလု ကဒေါ့ꩻနဝ်ꩻ တလက္ခံႏတဝ်းသွူ။ 12သင်္ဘောꩻဆိပ်နဝ်ꩻ ထာꩻခွꩻလာကို တဟဝ်အုံပဆား သော့ꩻတဝ်းသွူ။ နဝ်ꩻမꩻ လိုꩻဖုံႏရင်းစွဉ်ႏ စွုမ်ႏဖြာꩻ အဝ်ႏမဉ်ထန်ႏလွေꩻဒျာႏ ပင်ႏလယ်ႏတဖူꩻ၊ အဝ်ႏကျိုꩻစာꩻ ဖေႏကဖျော်လွေꩻ ဝေင်ꩻဖိုနိတ် နဝ်ꩻသွူ။ မဉ်ႏထွာနွောင်ꩻနဝ်ꩻ ထာꩻခွꩻလာကို ဖေႏကအုံပဆားဒျာႏ နဝ်ꩻကိုသွူ။ ဝေင်ꩻဖိုနိတ်နဝ်ꩻထွာ သင်္ဘောꩻဆိပ် ကအဝ်ႏကရေတေ ကြွန်လောင်းတွော့ꩻ အဝ်ႏခွယ်ႏတောႏ တွို့ꩻနဝ်ꩻစွဉ်ႏ တွို့ꩻထင်ꩻလွေꩻ နဝ်ꩻသွူ။
တလီꩻသန်ပင်ႏလယ်ႏကို
13တလီꩻသာႏ အဝ်ႏဆꩻနဝ် ထွိုင်ႏမာꩻလွဉ်စနဝ်ꩻ သင်္ဘောꩻသားဖုံႏ ထင်းဝွေꩻသီး အကျံႏအောင်ႏလဲဉ်းတဲင် ထွို့ꩻထန်ႏချာ တဖြွီꩻပသီႏ စွိုင်လုံးလက်ꩻနဝ်ꩻတွော့ꩻ ဖြုဲင်ꩻဖေႏကဗော့ꩻလွေꩻ ကရေတေကြွန် မဉ်ႏထွာနွောင်ꩻနဝ်ꩻ ကျံႏကပ်ပယ်လွေꩻ ကရေတေ ပင်ႏလယ်ႏဖင်ႏဖဲ့ꩻသွူ။ 14ကွဲႏတွော့ꩻ တညတဝ်း တလီꩻဝစ်ꩻသန် တစွိုး ကဟဲ့ꩻဒါႏ “တလီꩻဆꩻကွဉ်ႏထင်ꩻ” နဝ်ꩻ အဝ်ႏကြွန်လောင်း ထွာႏလင်ꩻသော့ꩻစွဉ်ႏနဝ်ꩻသွူ။ 15တလီꩻသန်နဝ်ꩻ တွဲႏဗာႏစွဉ်ႏ သင်္ဘောꩻတဲင် သင်္ဘောꩻနဝ်ꩻ ဝါးဆန်တလီꩻ တလꩻနွောင်ꩻတဝ်းဒွုမ် နဝ်ꩻမꩻ နီတဲ့ တကျိုꩻစာꩻ ဖြုဲင်ꩻထဲင်းတဝ်းတဲင် အွဉ်ႏလောင်းလွဉ်ꩻဗော့ꩻဒျာႏ တလီꩻ မာꩻလွေꩻဖဲ့ꩻသွူ။ 16နီ ထွိုင်ႏကာႏလဲဉ်းထိုꩻနဝ်ꩻ နီဖျတ်ကာႏလွေꩻစွဉ်ႏ ကြွန်ပေႏ ကောဒတဲင် နီအဝ်ႏဗꩻထိုꩻယင်း တလီꩻသန် တစိꩻနဝ်ꩻသွူ။ နဝ်ꩻကိုနဝ်ꩻ ဖြီပေႏဖုံႏ ကယ်ႏအီဒါႏ အသက်တာႏ ဖေႏကကုဲင်ထိုꩻမွိုန်းနဝ်ꩻ နီထိန်ꩻဟဝ် ယပ်ꩻခုဲင်ႏဗာႏမွေးစွဉ်ႏသွူ။ 17ဖြီပေႏဖုံႏနဝ်ꩻနဝ်ꩻ ဝွေꩻသီး ထွို့ꩻထင်ႏကီ သင်္ဘောꩻတန်လောင်း ထွူတဲင် တွမ်ႏတဖြွီꩻနဝ်ꩻ စွိုင်ခူခါꩻစွဉ်ႏ သင်္ဘောꩻတန်သွူ။ ဝွေꩻသီးငမ်းသꩻ သင်္ဘောꩻအဝ်ႏခံ ဒင်ႏလူးထိုꩻ လစ်ဗျား သုဲင်ꩻကောင်နဝ်ꩻမꩻ ဝွေꩻသီးသျော့လင်ထိုꩻ သင်္ဘောꩻပိတ်ခဝ်ဖြွီꩻတွော့ꩻ သင်္ဘောꩻနဝ်ꩻ အွဉ်ႏပါလွဉ်ꩻ စွဉ်ႏတလီꩻနဝ်ꩻသွူ။ 18တလီꩻဝစ်ꩻသန်နဝ်ꩻ အဝ်ႏမာꩻသန်ဟုဲင်း သွုပ်ဒျာႏ၊ နဝ်ꩻမꩻ နုဲင်းမွူးရဝ်ꩻနီꩻ ကွန်ႏဖုံႏ ကအဝ်ႏသော့ꩻဒါႏ ဝွေꩻသီးသင်္ဘောꩻ ဟို့ꩻကိုနဝ်ꩻ ဝွေꩻသီး နုဲင်ႏထန်ႏစထိုꩻစွဉ်ႏ ယင်ဟန်ႏသွူ။ 19တဲင်နုဲင်းတရူꩻနီꩻနဝ်ꩻ ကဆဲင်ႏဒါႏ သင်္ဘောꩻအခြွိုင်းခြိုꩻ ကအဝ်ႏသော့ꩻ သင်္ဘောꩻကိုနဝ်ꩻ ဝွေꩻသီး နုဲင်ႏလင်ꩻစွဉ်ႏ ထီကိုနဝ်ꩻသွူ။ 20နီတထီႏဗာႏတဝ်းဒွုမ် မွူးတွမ်ႏဆာႏဖုံႏနဝ်ꩻ မွူးနီꩻပေါင်ꩻ ညငါႏလဲဉ်းတဲင် တလီꩻတဲ့ အဝ်ႏမာꩻသန်သွုပ်ဒျာႏ နဝ်ꩻမꩻ အဆုဲင်ꩻသွတ်ꩻ နီကအီႏလွစ် ထာꩻသီနဝ်ꩻ ထာꩻအဝ်ႏမောင်ꩻ တအဲဉ်ထဝ်းဒွုမ်သွူ။
21လိုꩻဖုံႏတအံႏတဝ်း ထာꩻအံႏနဝ်ꩻ မွူးနီꩻညငါႏလဲဉ်း၊ တွိုႏနဝ်ꩻပေါလု အုံထွိုင်ႏ လိုꩻဖုံႏဆꩻငါတဲင်ဒေါ့ꩻ၊ “အဝ်ႏကရေတေကြွန် ချိန်ႏခါကာႏ နီသင်္ဘောꩻ တဟဝ်ထန်ႏတဝ်းနဝ်ꩻ သီဟဝ်နာႏခွေငဝ်း၊ နဝ်ꩻမꩻ နီအီႏသျောင်ႏလဲ့လꩻ ထာꩻယားကုဲင်ဖုံႏတွမ်ႏ ထာꩻသွုမ်ꩻဖုံႏသွူ။ 22ကွဲႏတွော့ꩻ ယိုခါ ခွေတောင်ꩻပြန်ႏသီ၊ သꩻတွမ်ႏကုဲင်မွိုန်း။ သီတဖြာꩻငါတဲ့ သက်အီႏ တသွုမ်ꩻကုဲင်ထိုꩻဗာႏတဝ်း၊ အီႏသွုမ်ꩻကုဲင်ဒျာႏ သင်္ဘောꩻ တစွိုးလွုမ်ꩻနဝ်ꩻသွူ။ 23ပွိုးတွော့ꩻ ဟန်ႏနာꩻ ခွေကအဝ်ႏဝုဲင်ႏ ကိုꩻကွယ်ႏဒါႏ ဗွေႏဘုရာꩻ အမို့ꩻလောင်းတမန်ႏတပါꩻနဝ်ꩻ ဖျော်လွဉ်ခွေထျꩻတဲင်၊ 24မိန်းဖေႏ၊ ‘ပေါလု တွမ်ႏငမ်းသꩻမွိုန်းဟုဲင်း။ နာꩻအီႏအုံထွိုင်ႏဗာႏ ဧကရာဇ်ခွန်တန် ဆꩻငါတဲင် ဗွေႏဘုရာꩻနဝ်ꩻ ဟဝ်မျတ်ထေ့ငါႏနာꩻ နဝ်ꩻမꩻ လိုꩻကထုမ်းလွေꩻငီꩻနာꩻ သင်္ဘောꩻထီသားဖုံႏနဝ်ꩻ အီႏအွဉ်ႏမွန်ဖေႏလို့ဒျာႏ အသက်’ နုဲင်းနဝ်ꩻသွူ။ 25နဝ်ꩻမꩻ လိုꩻဖုံႏ အွဉ်ႏရုဲင်းရုဲင်းသꩻဟုဲင်း။ ပွိုးခွေအဝ်ႏယွုမ်း အာႏကွိုꩻ ဗွေႏဘုရာꩻနဝ်ꩻမꩻ နုဲင်းခွေကဒေါ့ꩻနယ်ဖေႏဒါႏ သီအတွိုင်ꩻနဝ်ꩻ အီႏထွာလွဉ်မွေးဒျာႏသွူ။ 26ကွဲႏတွော့ꩻ နီသင်္ဘောꩻထီနဝ်ꩻ အီႏလွေꩻအဝ်ႏဒင်ႏထိုꩻ ကြွန်တဖြုံႏလောင်း” နုဲင်းနဝ်ꩻသွူ။
27တဆီလစ်ꩻနီꩻဗွေ အဟာနဝ်ꩻ နီသင်္ဘောꩻနဝ်ꩻ တလီꩻအဝ်ႏထွာႏသော့ꩻ မဲက်ဒီထရေးနီးယန်း ပင်ႏလယ်ႏကိုတွင်ꩻ မွူးကွို့ꩻနာꩻချိန်ႏ နီနဝ်ꩻ အဝ်ႏဗော့ꩻလဲဉ်း ကြွန်တဖြုံႏအထျꩻနဝ်ꩻ သင်္ဘောꩻသားဖုံႏ ရိက်လꩻစွဉ်ႏသွူ။ 28ပွိုးနဝ်ꩻမꩻ ဝွေꩻသီးအွဉ်ႏစွꩻလင်ꩻ တဖြွီꩻတဲက်ထီယော့ ထီဖွိုꩻနဝ်ꩻတွော့ꩻ ထီအယော့ အဝ်ႏပေပေါင်ꩻ တရျာꩻနီဆီသွူ။ အုံထဲင်း တဆင်ႏ ဝွေꩻသီး တဲက်လင်ꩻယင်းနဝ်ꩻ ထီႏဗာႏအဝ်ႏပေပေါင်ꩻ ကွတ်ꩻဆီလွုမ်ꩻ နဝ်ꩻသွူ။ 29ဝွေꩻသီးငမ်းသꩻ သင်္ဘောꩻထီ တလွတ်ꩻထိုꩻဗာႏ လုံးတူႏတန်ဖုံႏ နဝ်ꩻမꩻ၊ ဝွေꩻသီးအွဉ်ႏချꩻလင်ꩻ ပသီႏဝွို့လုံး သင်္ဘောꩻထီ အမေးဖဲ့ꩻထွူတဲင် ဆုတောင်ꩻ ကော့ꩻမောင်ꩻဒျာႏ ထာꩻလေလွဉ်နဝ်ꩻသွူ။ 30နဝ်ꩻထွူ သင်္ဘောꩻသားဖုံႏ အဝ်ႏသင်္ဘောꩻထီလောင်းနဝ်ꩻ ကျံႏရေႏဖင်း သျောင်ႏလဲ့ထိုꩻသွူ။ ဝွေꩻသီး ကဉ်းမာꩻနုဲင်း အွဉ်ႏချꩻလင်ꩻ ပသီႏဝွို့လုံး သင်္ဘောꩻထီ ဆꩻငါဖဲ့ꩻနဝ်ꩻတွော့ꩻ ဝွေꩻသီး အွဉ်ႏလွဉ်းလင်ꩻထိုꩻတော ဖြီပေႏထီကိုနဝ်ꩻသွူ။ 31ကွဲႏတွော့ꩻ ပေါလု ဒေါ့ꩻဖေႏ စဲ့ꩻတပ်ပိုတန်တွမ်ႏ စဲ့ꩻသားဖုံႏ၊ “သင်္ဘောꩻဝါးသားဖုံႏ မဉ်ႏတအုံကုဲင်သော့ꩻတဝ်း သင်္ဘောꩻလောင်းနဝ်ꩻ သီအသက် ကအီႏအဝ်ႏမွန်နဝ်ꩻ တွမ်ႏအဝ်ႏမောင်ꩻမွိုန်း” နုဲင်းနဝ်ꩻသွူ။ 32နဝ်ꩻမꩻ စဲ့ꩻသားဖုံႏ ဓွေါ့ꩻထဲ့ထိုꩻလို့စွဉ်ႏ ကယ်ႏအသက်ဖြီပေႏ တဖြွီꩻဖုံႏတွော့ꩻ အွဉ်ႏစွꩻလွေꩻညထိုꩻစွဉ်ႏ ဖြီပေႏဖုံႏသွူ။
33ခလာ မွူးကလေ ဖေႏကအံႏထာꩻအံႏနဝ်ꩻ ပေါလုတောင်ꩻပြန်ႏ ဝွေꩻသီး ကားကအဝ်ႏ၊ “သီအဝ်ႏမောင်ꩻ အီႏထွာလွဉ်ထာꩻ နုဲင်းမုဲင်ꩻနဝ်ꩻ ယိုခါလꩻလဲဉ်း တဆီလစ်ꩻနီꩻတဲင် တချိန်ႏလွုမ်း သီတအံႏတဝ်းထာꩻအံႏ တစွိုးစွိုးနဝ်ꩻသွူ။ 34နဝ်ꩻထွူ ခွေတောင်ꩻပြန်ႏဒျာႏ၊ ဖေႏသီအသက် ကအဝ်ႏမွန်သွုပ်နဝ်ꩻ အံႏဗဲင်းထာꩻအံႏ တစွိုးစွိုးဟုဲင်း။ သီကတူႏလောင်း ကလူꩻတလီးငါတဲ့ အီႏတသွုမ်ꩻကုဲင်ထိုꩻဗာႏတဝ်း” နုဲင်းနဝ်ꩻသွူ။ 35ဒေါ့ꩻဖေႏနုဲင်းယိုထွူ ပေါလုထူႏတခိုႏ ပေါင်မုန့်ယင်ဟန်ႏ ဝွေꩻသီး ကားကအဝ်ႏဆꩻငါ အုပ်ꩻထင်ႏဗွေႏဘုရာꩻ ကေꩻဇူꩻတောႏ၊ အဲ့ꩻတခိုးတဲင် အံႏစစွဉ်ႏ ထာꩻအံႏနဝ်ꩻသွူ။ 36ဝွေꩻသီး အွဉ်ႏရုဲင်းသꩻဖုံႏတဲင် ဝွေꩻသီး ကားကအဝ်ႏ စွုမ်ႏဖြာꩻဖြာꩻ နဝ်ꩻတဲ့ အံႏစွဉ်ႏထာꩻအံႏ ယင်ဟန်ႏနဝ်ꩻသွူ။ 37နဝ်ꩻကို သင်္ဘောꩻထီလောင်း နီကားကအဝ်ႏနဝ်ꩻ အဝ်ႏ(၂၇၆)ဖြာꩻနဝ်ꩻသွူ။ 38လိုꩻစွုမ်ႏဖြာꩻ အံႏကွို့ꩻထွူ သင်္ဘောꩻထီ ဖေႏကဖွီထိုꩻနဝ်ꩻ ဗွူကလာꩻဖုံႏ ကားကအဝ်ႏနဝ်ꩻ နုဲင်ႏလင်ꩻသော့ꩻစွဉ်ႏ ပင်ႏလယ်ႏကို နဝ်ꩻသွူ။
သင်္ဘောꩻထီကုဲင်ထိုꩻ
39ထာꩻထွိုင်ႏလေလွဉ် သင်္ဘောꩻထီဝါးသားဖုံႏ ဖျော်လွဉ် ပင်ႏလယ်ႏဖင်ႏ အဖဲ့ꩻမုဲင်ꩻနဝ်ꩻ တတောင်ꩻတဝ်းသွူ။ ကွဲႏတွော့ꩻ ထွာပင်ႏလယ်ႏတကဲင်ႏ ဖင်ႏတထွောင်း ကျောင်ꩻနဝ်ꩻ ဝွေꩻသီးအဝ်ႏသေ၊ နဝ်ꩻမꩻ မဉ်ႏထွာနွောင်ꩻနဝ်ꩻ သင်္ဘောꩻထီနဝ်ꩻ ဝွေꩻသီး ထုမ်းလွေꩻစွဉ်ႏ ဖင်ႏထျꩻ ဟံႏသဲင်လောင်း ဆွုံꩻဖျတ်စွဉ်ႏ နဝ်ꩻသွူ။ 40နဝ်ꩻမꩻ ဝွေꩻသီး ဓွေါ့ꩻထဲ့ထိုꩻစွဉ်ႏ ပသီႏဝွို့လုံး နဝ်ꩻတွော့ꩻ အွဉ်ႏလွဉ်းလင်ꩻသော့ꩻစွဉ်ႏ ပင်ႏလယ်ႏကိုတဲင် တလဲင်ႏချင်ꩻ ဝွေꩻသီးစေထိုꩻစွဉ်ႏ သင်္ဘောꩻတက်ꩻဖြွီꩻ၊ နဝ်ꩻထွူ ဖေႏနေး တလီꩻကထွာႏငါစွို့ꩻဖေႏ သင်္ဘောꩻတွော့ꩻ ဖေႏကတွိုႏလွေꩻ ဖင်ႏထျꩻနဝ်ꩻ ဝွေꩻသီး ဗွောင်ဆတ်ꩻစွဉ်ႏ ပိတ်ခဝ် ကအဝ်ႏဆꩻငါဖဲ့ꩻသွူ။ 41ကွဲႏတွော့ꩻ သင်္ဘောꩻနဝ်ꩻ တွိုႏလွေꩻထီဖွိုꩻကို အကတူႏ အဝ်ႏဆွို့စွဉ်ႏ သုဲင်ꩻကောင် နဝ်ꩻမꩻ ရုဲင်ꩻတသွိုး တလꩻတဝ်းဒွုမ်တဲင်၊ သင်္ဘောꩻမေးဖဲ့ꩻဖုံႏနဝ်ꩻ ထီလဲင်ꩻ လွဉ်တွဲႏနဝ်ꩻမꩻ ထို့ပꩻကုဲင်ထိုꩻစွဉ်ႏသွူ။
42စဲ့ꩻသားဖုံႏ ငမ်းသꩻငါႏ ထောင်ႏသားဖုံႏ ယားထီဖင်းထိုꩻလို့နဝ်ꩻမꩻ ဝွေꩻသီး ကျံႏမာꩻသီထိုꩻလို့စွဉ်ႏသွူ။ 43ကွဲႏတွော့ꩻ စဲ့ꩻပိုႏတန်နဝ်ꩻ မဉ်ကယ်ႏပေါလု နဝ်ꩻမꩻ ကအီႏမာꩻနုဲင်းယိုနဝ်ꩻ ဝွေꩻရဲဆီꩻစွဉ်ႏ ဝွေꩻသီးနဝ်ꩻသွူ။ ဝွေꩻဖေႏတောစွဉ်ႏ အမိန်း လိုꩻကယားဒါႏ ထီသား စွုမ်ႏဖြာꩻ အဝ်ႏသင်္ဘောꩻလောင်း ပကျောက်ꩻလင်ꩻရီး ထီကိုတဲင် ဖေႏကယားလွေꩻ ဖင်ႏလောင်းနဝ်ꩻသွူ။ 44ထွူတဲင် ကအဝ်ႏကုဲင်သားဖုံႏနဝ်ꩻ ခွုမ်ပဲဉ်ခဝ် တဲ့နဝ်ꩻ ဖေႏကထုမ်း သင်္ဘောꩻကုဲင် အကွို့ꩻအခဝ်ဖုံႏ တဲ့နဝ်ꩻ ဖေႏကလွေꩻလွဉ်ꩻ နဝ်ꩻသွူ။ တွမ်ႏအနယ် နုဲင်းယိုနဝ်ꩻမꩻ နီကားကအဝ်ႏနဝ်ꩻ အသက်လွစ် တွိုႏလုမ်းဗဉ်ႏ လꩻယင်းစွဉ်ႏ ဖင်ႏလောင်းသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.