တမန်ႏတောႏ 2
2
ကြောင်းစင်ဝိညာဉ်ႏတောႏအဝ်ႏကျွꩻလွဉ်
1 #
ဝိ ၂၃:၁၅–၂၁၊ ဟော်ꩻ ၁၆:၉–၁၁။ ပွယ်ꩻပဉ်တေကုတ္တေနီꩻ ထွိုင်ႏဖျော်လွဉ်ချိန်ႏ လိုꩻယွုမ်း ဗွေႏယေသျုသားဖုံႏ ကားကအဝ်ႏနဝ်ꩻ စုဗူႏလို့ဝင်ꩻ ခင်ႏလမ်း တထွောင်းကိုသွူ။ 2နဝ်ꩻကိုနဝ်ꩻ ငဝ်းအဝ်ႏမို့ꩻလောင်း သင်ႏလင်ꩻလွဉ်စွော့ꩻ ဗွိုန်နုဲင်း တလီꩻသန် မာꩻငဝ်းတဲင် နွို့ဗွေသော့ꩻစွဉ်ႏ ဝွေꩻသီး ကအဝ်ႏအုံလင်ꩻသော့ꩻ လမ်းကိုနဝ်ꩻသွူ။ 3နဝ်ꩻထွူ ဝွေꩻသီး ထီႏဗာႏမေႏ ဗွိုန်နုဲင်း ဖြေꩻဖုံႏ ပေါႏထန်ႏ စွစ်ꩻစဲစ်ꩻထာꩻတဲင် မေႏဖြေꩻနဝ်ꩻ ခွိုင်းဗာႏစွဉ်ႏ လိုꩻနဝ်ꩻကို စွုမ်ႏဖြာꩻဖြာꩻ လောင်းနဝ်ꩻသွူ။ 4ဝွေꩻသီးနဝ်ꩻ အဝ်ႏဗွေစွဉ်ႏ ကြောင်းစင် ဝိညာဉ်ႏတောႏတဲင် ဖေႏကဒေါ့ꩻ နုဲင်းဝိညာဉ်ႏတောႏ ကအဝ်ႏတမာ ဝွေꩻသီးအတွိုင်ꩻနဝ်ꩻ ဒေါ့ꩻစစွဉ်ႏ လိုꩻမျိုꩻလင်ဖုံႏ ငဝ်းသွူ။
5နဝ်ꩻကိုနဝ်ꩻ ကမ္ဘာႏလောင်း အဝ်ႏခမ်းစွုမ်ႏခမ်း ဂျူးလိုꩻမျိုꩻဖုံႏ ကရိုꩻဒါႏ ဘာႏသာႏရေꩻသားဖုံႏနဝ်ꩻ အုံသော့ꩻ ဝေင်ꩻယေရုသလမ်ႏကိုသွူ။ 6ဝွေꩻသီးထွိုင်ႏဟွိုန် ငဝ်းအုံသေင် နုဲင်းယိုချိန်ႏ လိုꩻစွိုꩻဖုံႏ စုဗူႏလိုꩻဝင်ꩻ အာငါႏနဝ်ꩻသွူ။ ကွပ်ပွိုး ဝွေꩻသီးဟွိုန်ဗာႏ လိုꩻယွုမ်းသားဖုံႏ ဒေါ့ꩻဖေႏစွဉ်ႏ ဝွေꩻသီး လိုꩻမျိုꩻ ဘာႏသာႏငဝ်းဖုံႏ အတွက် ဝွေꩻသီး ကားကအဝ်ႏ အံႏဖြာႏငါႏသွူ။ 7အဝ်ႏအံႏဖြာႏတဲင် ဝွေꩻသီးရိုꩻ၊ “လိုꩻကအဝ်ႏဒေါ့ꩻဒါႏထာꩻ နုဲင်းယို လိုꩻစားယိုဖုံႏနဝ်ꩻ ကာလိလဲခမ်းသားဖုံႏဒျာႏ မွေးတဝ်းနဲ့။ 8နဝ်ꩻထွူ ထွာနုဲင်းမုဲင်ꩻတွော့ꩻ နီကားကအဝ်ႏ ဟွိုန်ဗာႏဒါႏ ဝွေꩻသီး ဒေါ့ꩻထာꩻနဝ်ꩻ ထွာဒျာႏ နီလိုꩻမျိုꩻ ဘာႏသာႏငဝ်း နုဲင်းမုဲင်ꩻဟောင်း။ 9နီနဝ်ꩻ အဝ်ႏဒျာႏ ပါတိခမ်း၊ မိဒျန်ခမ်း၊ ဧလံခမ်း၊ မဲက်သိုပိုတေးမီးယာခမ်း၊ ယုဒခမ်း၊ ကပ်ပဒေါကိခမ်း၊ ပုန္တုခမ်းစွဉ်ႏ အာသျခမ်း။ 10အဝ်ႏဖြုဂိခမ်း၊ ပံဖုလိခမ်း၊ အီဂျစ်ခမ်းစွဉ်ႏ လစ်ဗျားနယ်ႏ ကအဝ်ႏဗော့ꩻဒါႏ ဝေင်ꩻကုရေနေသွူ။ နီယင်ဟန်ႏနဝ်ꩻ အဝ်ႏရောမခမ်း၊ 11ဂျူးလိုꩻမျိုꩻစွဉ်ႏ လိုꩻမျိုꩻလင် ကပြောင်ꩻကြုဲင်ꩻလွဉ်ဒါႏ ဂျူးဘာႏသာႏ နီစွိုးလွုမ်းတွမ်ႏ နီယင်ဟန်ႏသားဖုံႏနဝ်ꩻ အဝ်ႏဒျာႏ ကရေတေတွမ်ႏ အာရပ်ခမ်းသားဖုံႏ စွဉ်ႏတဲ့၊ ဗွေႏဘုရာꩻ မာꩻလဲဉ်း ထာꩻတန်မျတ်ခရာႏဖုံႏ နဝ်ꩻမꩻ နီကားကအဝ်ႏနဝ်ꩻ ဟွိုန်ဒျာႏ ဝွေꩻသီးဒေါ့ꩻ နီလိုꩻမျိုꩻ ဘာႏသာႏငဝ်းဖုံႏ” နုဲင်းနဝ်ꩻသွူ။ 12အံႏဖြာႏငါႏတဲင် ဝွေꩻသီး တဖြာꩻစွဉ်ႏ တဖြာꩻ အဝ်ႏရီသျွုတ် တရေင်လို့ဝင်ꩻတွော့ꩻ၊ “ထာꩻယိုနဝ်ꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။။
13ကွဲႏတွော့ꩻ လိုꩻလင်ဖုံႏနဝ်ꩻ အဝ်ႏငသွမ်ꩻဒျာႏ လိုꩻယွုမ်းသားဖုံႏတွော့ꩻရိုꩻ၊ “လိုꩻစားယိုဖုံႏနဝ်ꩻ မွန်ꩻဒျာႏဒဝ်ဖုံႏ” နုဲင်းနဝ်ꩻသွူ။
ပေတရုဟော်ꩻတရာꩻ
14နဝ်ꩻထွူ ပေတရု အုံထွိုင်ႏငီꩻစွဉ်ႏ တမန်ႏတောႏ အလင် တဆီပုဲင်ဖြာꩻတွော့ꩻ ဒေါ့ꩻသန်စ ဖေႏနေးစွဉ်ႏ လိုꩻစွိုꩻဖုံႏ၊ “သွꩻဟဝ်ဂျူးဖုံႏ တွမ်ႏသီလိုꩻ ကအဝ်ႏအုံသော့ꩻဒါႏ ဝေင်ꩻယေရုသလမ်ႏကို ကားကအဝ်ႏဖုံႏ၊ နာႏခွေငဝ်းတွော့ꩻ ထာꩻယို အဓိပ္ပါယ်ႏဖုံႏနဝ်ꩻ ခွေအီႏဒေါ့ꩻနယ်ဖေႏ သီသွူ။ 15နုဲင်းသီကရိုꩻအတွိုင်ꩻ လိုꩻစားယိုဖုံႏနဝ် မွန်ꩻဒဝ် တမွေးတဝ်း၊ ယိုနဝ်ꩻ မွူးရဝ်ꩻခိုႏ စအဝ်ႏ ကွတ်ꩻနားရီႏလွုမ်ꩻသွူ။ 16ယိုနဝ်ꩻထွာဒျာႏ ပွိုင်းဝွို့တွမ်ႏ နုဲင်းပရောဖဲစ် ယောလ ကဟော်ꩻခါꩻဒါႏနဝ်ꩻသွူ။
17 # ယောလ ၂:၂၈–၃၂ (LXX)။ ‘ဗွေႏဘုရာꩻ ကရိုꩻဒါႏ အဆုဲင်ꩻသွတ်ꩻ မွူးနီꩻကို နုဲင်းခွေကအီႏမာꩻနဝ်ꩻ ထွာနုဲင်းယိုသွူ။
ခွေဝိညာဉ်ႏတောႏနဝ်ꩻ ခွေအီႏထောက်ꩻလူးဖေႏ လိုꩻစွုမ်ႏဖြာꩻလောင်းသွူ။
သီပိုခိုဖုံႏ၊ သီပိုမူႏဖုံႏနဝ်ꩻ အီႏကေႏညာႏ ခွေတရာꩻ။
သီလိုꩻခိုယွဲဖုံႏနဝ်ꩻ အီႏထီႏဗာႏ ရူႏပါႏရုံႏဖုံႏတဲင်၊
သီလိုꩻဖြားဖုံႏနဝ်ꩻ အီႏလꩻ ထာꩻဗေင်ႏမင်းဖုံႏသွူ။
18မွေးသွူ၊ ခွေအသွဉ်း အခိုတွမ်ႏ အမူႏနီမျိုꩻလွုမ်း လောင်းဖုံႏ စွဉ်ႏတဲ့၊
အနီꩻနဝ်ꩻဖုံႏကိုနဝ်ꩻ ခွေအီႏထောက်ꩻလူးဖေႏ ခွေဝိညာဉ်ႏတောႏတဲင်၊
ဝွေꩻသီး အီႏကေႏညာႏဖေႏ ခွေတရာꩻနဝ်ꩻသွူ။
19မို့ꩻလောင်းကီနဝ်ꩻ ခွေအီႏမာꩻနယ် အံႏဖြာႏခရာႏ နိမိတ်လက္ခဏာႏ တွမ်ႏ
ဆꩻလဖဲ့ꩻ ဟံႏတန်လောင်းနဝ်ꩻ ဟဝ်အံႏဖြာႏခရာႏဖုံႏသွူ။
နဝ်ꩻကိုနဝ်ꩻ အီႏထွာသွီႏ၊ မေႏတွမ်ႏ မေႏလူးဒွိုန် ခေ့ꩻနဝ်ꩻသွူ။
20တန်မျတ်တွော့ꩻ ဘွုန်ꩻသရေႏတောႏ ဗွေႏကျွꩻလွဉ်နီꩻ ခလားကတွိုႏနဝ်ꩻ၊
မွူးရောင်ႏ အီႏခေ့ꩻတဲင်၊
လာရောင်ႏနဝ်ꩻ အီႏထွာခွိုန်ꩻ တနျာႏထိုꩻ နုဲင်းသွီႏသွူ။
21တွိုႏနဝ်ꩻ ဖေႏကစွဲကိုတာႏ လိုꩻကဆုတောင်ꩻထင်ႏဒါႏ ဗွေႏဘုရာꩻနဝ်ꩻ အီႏလꩻထာꩻကယ်ႏတင်ႏ’သွူ။
22သွꩻဣသရေး လိုꩻမျိုꩻဖုံႏ၊ နာႏသွော့ ငဝ်းနုဲင်းယိုဖုံႏ။ စွဉ်ႏနိမိတ် လက္ခဏာႏဖုံႏတွမ်ႏ ထာꩻအံႏဖြာႏခရာႏဖုံႏနဝ်ꩻ ဗွေႏဘုရာꩻ မာꩻနယ်ဖေႏလဲဉ်း စွဉ်ႏဝွေꩻဗွေႏ၊ ထာꩻကအဝ်ႏ ထွာလွဉ်သော့ꩻ သီအကိုနဝ်ꩻ သီနမ်းအဝ်ႏသေလဲဉ်းသွူ။ နဝ်ꩻမꩻ နာဇရဲစ်ဝေင်ꩻသား ဗွေႏယေသျုနဝ်ꩻ ထွာလိုꩻတဖြာꩻ အဝ်ႏဗွေတွမ်ႏ ဗွေႏဘုရာꩻ အာႏဏာႏတန်ꩻခိုꩻနဝ်ꩻ အဝ်ႏအွဉ်ႏနယ် သျင်ꩻဖေႏသီသွူ။ 23#မ ၂၇:၃၅၊ မာ ၁၅:၂၄၊ လု ၂၃:၃၃၊ ယော ၁၉:၁၈။ မဲဉ်ႏလွဉ်ꩻစွဉ်ႏ နုဲင်းဗွေႏဘုရာꩻ အကျံႏတောႏ ကအဝ်ႏအတွိုင်ꩻ ဝွေꩻဗွေႏနမ်း ဆွုံꩻဖျတ်ခါꩻလဲဉ်း ဗွေႏယေသျုနဝ်ꩻ အီႏအပ်ဖေႏ သီစူကိုသွူ။ စွဉ်ႏလိုꩻအပဲစ်သားဖုံႏနဝ်ꩻ တွဲႏဒပ်ဝွေꩻဗွေႏ ကင်းထွန်ႏလောင်းတဲင် သီမာꩻသီ ဝွေꩻဗွေႏသွူ။ 24#မ ၂၈:၅၊ ၆၊ မာ ၁၆:၆၊ လု ၂၄:၅။ ကွဲႏတွော့ꩻ ထာꩻသီနဝ်ꩻ အီႏတအွဉ်ႏခံသွုပ် သေႏသေႏ နွောင်ꩻတဝ်း ဝွေꩻဗွေႏ၊ နဝ်ꩻမꩻ ဗွေႏဘုရာꩻနဝ်ꩻ အဝ်ႏထာꩻသီကို မာꩻထွိုင်ႏမွန်ဖေႏ ဝွေꩻဗွေႏတဲင် အွဉ်ႏလွစ်ဖေႏ ထာꩻသီတန်ꩻခိုꩻသွူ။ 25#သာ ၁၆:၈–၁၁ (LXX)။ ပွိုင်းဝွို့တွမ်ႏ ဝွေꩻဗွေႏခရာႏနဝ်ꩻ ခွန်တန်ဒါဝိဒ်ဒေါ့ꩻ၊
‘ဗွေႏဘုရာꩻနဝ်ꩻ ခွေအဝ်ႏထီႏ သေႏသေႏဗာႏဒျာႏ ခွေဆꩻငါသွူ။
ဝွေꩻဗွေႏနဝ်ꩻ အဝ်ႏဗော့ꩻဒျာႏ ခွေတဲင် ခွေနဝ်ꩻ အီႏတနန်းခီဗာႏတဝ်း ထာꩻသွူ။
26နဝ်ꩻမꩻ ခွေနဝ်ꩻ အဝ်ႏဗွေစွဉ်ႏ ထာꩻသꩻဟဝ် သꩻရေꩻတဲင်၊
ခွေငဝ်းဖုံႏနဝ်ꩻ အဝ်ႏဗွေစွဉ်ႏ ထာꩻပျောႏသွင်ႏသွူ။
တဲင်ခွေနဝ်ꩻ ထာꩻသီမျိုꩻစွဉ်ႏတဲ့၊
ခွေအီႏအုံပဆား သေႏသေႏသော့ꩻဒျာႏ ထာꩻအဝ်ႏမောင်ꩻကို၊
27ပွိုးတွော့ꩻ နီဗွေႏ အီႏတစွဉ်ꩻကုဲင်တဝ်းခွေ မရဏ ထာꩻသီခမ်းကိုသွူ။
သစ္စာႏကအဝ်ႏဒါႏ နီဗွေႏအသွဉ်းနဝ်ꩻ ကအီႏသေင်သော့ꩻဗာႏ သဲင်ႏခဲင်ꩻအောင်ကိုနဝ်ꩻ နီဗွေႏ အီႏတဖေႏတဝ်း အခွင်ꩻသွူ။
28တဖူꩻကအွဉ်လွေꩻဒါႏ အသက်မွန်နဝ်ꩻ နီဗွေႏအွဉ်ႏနယ်ဖေႏခွေတဲင်၊
နီဗွေႏဆꩻငါနဝ်ꩻ အီႏသော့ꩻဗွေဖေႏခွေ စွဉ်ႏထာꩻသꩻပျောႏသွင်ႏ’ နုဲင်းနဝ်ꩻသွူ။
29“ခွေသွꩻဖုံႏ၊ ပွိုင်းဝွို့တွမ်ႏ မဉ်ꩻကကျော်ႏငါႏ နီဖါဖြား ခွန်တန်ဒါဝိဒ် ခရာႏနဝ်ꩻ ခွေဒေါ့ꩻနယ် တောက်ꩻသျင်ꩻစဲင်း ဖေႏလဲဉ်းသီသွူ။ ဝွေꩻသီတဲင် သင်္ဂြိုဟ်ႏထိုꩻလဲဉ်းတွော့ꩻ ဝွေꩻသဲင်ႏခဲင်ꩻအောင်နဝ်ꩻ အဝ်ႏငီꩻဒျာႏ နီယိုကို ဗꩻတွိုႏဟန်ႏနီꩻနဝ်ꩻသွူ။ 30#သာ ၁၃၂:၁၁၊ ၂သျာ ၇:၁၂၊ ၁၃။ ဝွေꩻနဝ်ꩻ အဝ်ႏထွာ ပရောဖဲစ် တပါꩻတဲင် နုဲင်းဗွေႏဘုရာꩻ ကအွဉ်ႏဂတိ သစ္စာႏခါꩻဒါႏဝွေꩻနဝ်ꩻ ဝွေꩻအဝ်ႏသေသွူ။ ဗွိုန်နုဲင်း ဒါဝိဒ်ကထွာနဝ်ꩻ ဒါဝိဒ်ပိုလီꩻ စွိုးခွိုꩻကို ဖေႏကထွာ ခွန်တန်တပါꩻ ဝွေꩻဗွေႏ အီႏမာꩻဖေႏနဝ်ꩻ ဗွေႏဘုရာꩻ အွဉ်ႏဂတိ သေꩻခါလဲဉ်းနဝ်ꩻသွူ။ 31အနာႏဂတ်ကို ဗွေႏဘုရာꩻ အဝ်ႏမာꩻလွေꩻနုဲင်းမုဲင်ꩻနဝ်ꩻ ဒါဝိဒ်ထီႏဗာႏလဲဉ်း၊ နဝ်ꩻမꩻ ပွိုင်းဝွို့တွမ်ႏ မေသျိယ ကအီႏထွိုင်ႏ မွန်လွဉ်ချာ ခရာႏချိန်ႏနဝ်ꩻ ဝွေꩻဗွေႏဒေါ့ꩻ၊
‘ဝွေꩻဗွေႏနဝ်ꩻ တစွဉ်ꩻကုဲင် သော့ꩻဗာႏတဝ်း မရဏထာꩻသီကို။
ဝွေꩻဗွေႏအနမ်းနဝ်ꩻ တသေင်သော့ꩻဗာႏတဝ်း သဲင်ႏခဲင်ꩻအောင်ကို’နုဲင်းနဝ်ꩻသွူ။
32ဗွေႏယေသျု အဝ်ႏထာꩻသီကိုနဝ်ꩻ ဗွေႏဘုရာꩻ မာꩻထွိုင်ႏမွန် ဖေႏလဲဉ်းကျောင်ꩻ ယိုနဝ်ꩻ နီကားကအဝ်ႏ ထွာသက်သေႏသွူ။ 33ဝွေꩻဗွေႏ ထွိုင်ႏမွန်လဲဉ်း ဗွေႏဘုရာꩻ စူထွေဖဲ့ꩻ၊ ဝွေꩻဗွေႏ ဖါတောႏထျꩻတဲင် နုဲင်းဖါတောႏ ကအွဉ်ႏဂတိ သစ္စာႏခါꩻလဲဉ်းသွူ အတွိုင်ꩻ ဝွေꩻဗွေႏနဝ်ꩻ ကြောင်းစင် ဝိညာဉ်ႏတောႏ အဝ်ႏလက်ခံႏလꩻလဲဉ်းနဝ်ꩻသွူ။ နုဲင်းယိုခါ သီကအဝ်ႏထီႏဗာႏတွော့ꩻ ကအဝ်ႏဟွိုန် ဗာႏလဲဉ်းနဝ်ꩻ ထွာဒျာႏ ဝွေꩻဗွေႏဖေႏ ဆုကေꩻဇူꩻတွော့ꩻ ဝွေꩻဗွေႏ ထောက်ꩻလင်ꩻဖေႏ နီလောင်းဖုံႏသွူ။ 34#သာ ၁၁၀:၁။ အကကျွꩻထင်ႏဗာႏ ခမ်းထီ မို့ꩻလောင်းကိုနဝ်ꩻ ဒါဝိဒ် တမွေးတဝ်းသွူ။ ဝွေꩻဒေါ့ꩻ၊
‘ဗွေႏဘုရာꩻနဝ်ꩻ ဒေါ့ꩻဖေႏခွေအဗွေႏ၊
အုံလင်ꩻသွော့ ခွေစူထွေဖဲ့ꩻယိုကို၊
35ရန်ႏသူႏဖုံႏနဝ်ꩻ ဗꩻတွိုႏစွဉ်ႏ ခွေအွဉ်ႏ နာꩻခင်ႏဆꩻလ၊’ နုဲင်းနဝ်ꩻသွူ။
36“ဣသရေး လိုꩻမျိုꩻဖုံႏ ကားကအဝ်ႏ၊ နဝ်ꩻမꩻ သီကမာꩻသီ ထိုꩻဒါႏပါꩻ ကင်းထွန်ႏလောင်းနဝ်ꩻ ထွာဒျာႏ ဗွေႏအပါꩻ ဗွေႏဘုရာꩻ ကမာꩻထွာဒါႏ ဗွေႏတွမ်ႏ မေသျိယနဝ်ꩻ ထွာဒျာႏ ဗွေႏယေသျု ယိုကျောင်ꩻ၊ ဖေႏသီကသေဗာႏ” နုဲင်းနဝ်ꩻသွူ။
37လိုꩻဖုံႏထွိုင်ႏဟွိုန် နုဲင်းယိုချိန်ႏ ဝွေꩻသီး သꩻကုဲင် မွေးနေးစွဉ်ႏတဲင် ဒေါ့ꩻဖေႏ ပေတရုတွမ်ႏ တမန်ႏတောႏ အလင်ဖုံႏ၊ “ဖူးဝေးဖုံႏ၊ နီအီႏမာꩻဗာႏဒွုမ် နုဲင်းမုဲင်ꩻဟောင်း” နုဲင်းနဝ်ꩻသွူ။
38ပေတရု ဒေါ့ꩻဖေႏဝွေꩻသီး၊ “သီတဖြာꩻစီႏ ကအဝ်ႏမာꩻဒါႏ အပဲစ်နဝ်ꩻ လꩻချာဗာႏ ထာꩻကော့ꩻမာႏတဲင် ဖေႏနေး သီအပဲစ်ဖုံႏ ကအီႏလွစ်နဝ်ꩻ စွဉ်ႏဗွေႏယေသျု ခရစ်တောႏ အမဉ်ꩻနာႏမ ခံꩻသွော့ ဗတ္တိဇံႏ ထီမင်္ဂလာႏ။ နဝ်ꩻမꩻ ဗွေႏဘုရာꩻ ဆုကေꩻဇူꩻ ကြောင်းစင် ဝိညာဉ်ႏတောႏနဝ်ꩻ သီအီႏလက်ခံႏဗာႏသွူ။ 39ပွိုးတွော့ꩻ ဗွေႏဘုရာꩻ ကအွဉ်ႏသေꩻခါꩻဒါႏ ဂတိတောႏနဝ်ꩻ မာꩻဖေႏသီတွမ်ႏ သီပိုဖုံႏစွဉ်ႏ လိုꩻကအဝ်ႏညာꩻဖုံႏ ကားကအဝ်ႏ၊ စွဉ်ႏထာဝရဘုရာꩻ နီဗွေႏဘုရာꩻ နမ်း ကလွိုက်ဟဲ့ꩻဒါႏ လိုꩻဖုံႏ ကားကအဝ်ႏတာႏ” နုဲင်းနဝ်ꩻသွူ။
40ပေတရု တောင်ꩻပြန်ႏ ဒင်ႏပျနယ်ဖေႏပါက ဝွေꩻသီး တွမ်ႏငဝ်းအလင်ဖုံႏတဲ့ အာငါႏသွူ၊ ဝွေꩻတမာ ဖေႏအာႏရိုꩻ၊ “အပဲစ်တံႏ တရာꩻစီႏရင်ႏချက် ကအဝ်ႏလွဉ်လူးဒါႏ လိုꩻမွိုက်ကုဲင်ဖုံႏလောင်းနဝ်ꩻ ကယ်ႏချာသွော့ သီနမ်း” နုဲင်းနဝ်ꩻသွူ။ 41ဝွေꩻသီးဖုံႏကို လိုꩻအာဖုံႏနဝ်ꩻ ယွုမ်းဝွေꩻတရာꩻတဲင် အနီꩻနဝ်ꩻနဝ်ꩻ ခံႏဗတ္တိဇံႏ ထီမင်္ဂလာႏ အဖြာꩻ၃၀ဝဝရပ်တဲင် ပေါင်ꩻငီꩻစွဉ်ႏ အစွုမ်ꩻစွိုꩻကိုသွူ။ 42ဝွေꩻသီးနဝ်ꩻ အချိန်ႏလို့အီဗော့ꩻဒျာႏ ဝွေꩻသီးခံႏထူႏ ထာꩻသွဉ်သင် တမန်ႏတောႏဖုံႏထျꩻ၊ အုံမွန်းဒေါ့ꩻရီ ဒေါ့ꩻတောႏငီꩻလို့ဝင်ꩻ ထာꩻအံႏ ထာꩻအွꩻကိုဖုံႏ အံႏအွꩻငီꩻ ဖဉ်းမွိုတ်မာꩻသွꩻလို့ဝင်ꩻ၊ ဆုတောင်ꩻငီꩻလို့ဝင်ꩻ ဘုရာꩻဖုံႏနဝ်ꩻသွူ။
လိုꩻထာꩻယွုမ်းအဝ်ႏသားဖုံႏကိုဘဝထာꩻအုံအဝ်ႏ
43တမန်ႏတောႏဖုံႏ မာꩻနယ် နိမိတ်လက္ခဏာႏ ထာꩻအံႏဖြာႏခရာႏဖုံႏနဝ်ꩻ အာငါႏတဲင် လိုꩻစွုမ်ႏဖြာꩻ ငမ်းသꩻနေးစွဉ်ႏနဝ်ꩻသွူ။ 44#တ ၄:၃၂–၃၅။ လိုꩻကယွုမ်းသားဖုံႏ ကားကအဝ်ႏနဝ်ꩻ သွုပ်တဲင် အဝ်ႏအုံစုဗူႏ၊ ဖဉ်းမွိုတ်မာꩻသွꩻ လို့ဒျာႏဝင်ꩻတဲင် ဝွေꩻသီးကားကအဝ်ႏ ကပဲင်ႏဒါႏ ဥစ္စာႏဖုံႏနဝ်ꩻ တဖြာꩻတွမ်ႏတဖြာꩻ ဖန်းဝေႏဖေႏလို့ဝင်ꩻသွူ။ 45ဝွေꩻသီး ထာꩻခြိုꩻဥစ္စာႏတွမ်ႏ ဝွေꩻသီးကပဲင်ႏဒါႏ ထာꩻခြိုꩻဖုံႏနဝ်ꩻ ဝွေꩻသီးစာတဲင် ရွဉ်ဖုံႏ ကားကအဝ်ႏနဝ်ꩻ တဖြာꩻစီႏ နုဲင်းကအဝ်ႏလိုႏဒါႏ အတွိုင်ꩻ ဖန်းဝေႏဖေႏစွဉ်ႏ လို့ဝင်ꩻသွူ။ 46တနီꩻထွူတနီꩻ ဝွေꩻသီးစွိုꩻ မော့ꩻခွဲသော့ꩻလို့ဝင်ꩻ ဗိမာန်ႏတောႏ ကျောင်ꩻကိုတဲင် ဝွေꩻသီးလမ်းကို စွဉ်ႏထာꩻသꩻဟဝ် သꩻရေꩻ တွမ်ႏချꩻဖွိုႏသꩻတွော့ꩻ အံႏငီꩻလို့ဝင်ꩻ ဝွေꩻသီးထာꩻအံႏဖုံႏသွူ။ 47ဝွေꩻသီးအုပ်ꩻထင်ႏ ဗွေႏဘုရာꩻ ကေꩻဇူꩻတဲင် လိုꩻဖုံႏကားကအဝ်ႏ ဆꩻငါနဝ်ꩻ လꩻစွဉ်ႏမဲ့ငါသွူ။ တဲင်စွုမ်ႏနီꩻနီꩻ ဝွေꩻသီးစွုမ်ꩻစွိုꩻကို လိုꩻကလꩻ ထာꩻကယ်ႏတင်ႏသားဖုံႏနဝ်ꩻ ဗွေႏဘုရာꩻ မာꩻတိုꩻအာ ထဲင်းထဲင်းစွဉ်ႏသွူ။
ទើបបានជ្រើសរើសហើយ៖
တမန်ႏတောႏ 2: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 2
2
ကြောင်းစင်ဝိညာဉ်ႏတောႏအဝ်ႏကျွꩻလွဉ်
1 #
ဝိ ၂၃:၁၅–၂၁၊ ဟော်ꩻ ၁၆:၉–၁၁။ ပွယ်ꩻပဉ်တေကုတ္တေနီꩻ ထွိုင်ႏဖျော်လွဉ်ချိန်ႏ လိုꩻယွုမ်း ဗွေႏယေသျုသားဖုံႏ ကားကအဝ်ႏနဝ်ꩻ စုဗူႏလို့ဝင်ꩻ ခင်ႏလမ်း တထွောင်းကိုသွူ။ 2နဝ်ꩻကိုနဝ်ꩻ ငဝ်းအဝ်ႏမို့ꩻလောင်း သင်ႏလင်ꩻလွဉ်စွော့ꩻ ဗွိုန်နုဲင်း တလီꩻသန် မာꩻငဝ်းတဲင် နွို့ဗွေသော့ꩻစွဉ်ႏ ဝွေꩻသီး ကအဝ်ႏအုံလင်ꩻသော့ꩻ လမ်းကိုနဝ်ꩻသွူ။ 3နဝ်ꩻထွူ ဝွေꩻသီး ထီႏဗာႏမေႏ ဗွိုန်နုဲင်း ဖြေꩻဖုံႏ ပေါႏထန်ႏ စွစ်ꩻစဲစ်ꩻထာꩻတဲင် မေႏဖြေꩻနဝ်ꩻ ခွိုင်းဗာႏစွဉ်ႏ လိုꩻနဝ်ꩻကို စွုမ်ႏဖြာꩻဖြာꩻ လောင်းနဝ်ꩻသွူ။ 4ဝွေꩻသီးနဝ်ꩻ အဝ်ႏဗွေစွဉ်ႏ ကြောင်းစင် ဝိညာဉ်ႏတောႏတဲင် ဖေႏကဒေါ့ꩻ နုဲင်းဝိညာဉ်ႏတောႏ ကအဝ်ႏတမာ ဝွေꩻသီးအတွိုင်ꩻနဝ်ꩻ ဒေါ့ꩻစစွဉ်ႏ လိုꩻမျိုꩻလင်ဖုံႏ ငဝ်းသွူ။
5နဝ်ꩻကိုနဝ်ꩻ ကမ္ဘာႏလောင်း အဝ်ႏခမ်းစွုမ်ႏခမ်း ဂျူးလိုꩻမျိုꩻဖုံႏ ကရိုꩻဒါႏ ဘာႏသာႏရေꩻသားဖုံႏနဝ်ꩻ အုံသော့ꩻ ဝေင်ꩻယေရုသလမ်ႏကိုသွူ။ 6ဝွေꩻသီးထွိုင်ႏဟွိုန် ငဝ်းအုံသေင် နုဲင်းယိုချိန်ႏ လိုꩻစွိုꩻဖုံႏ စုဗူႏလိုꩻဝင်ꩻ အာငါႏနဝ်ꩻသွူ။ ကွပ်ပွိုး ဝွေꩻသီးဟွိုန်ဗာႏ လိုꩻယွုမ်းသားဖုံႏ ဒေါ့ꩻဖေႏစွဉ်ႏ ဝွေꩻသီး လိုꩻမျိုꩻ ဘာႏသာႏငဝ်းဖုံႏ အတွက် ဝွေꩻသီး ကားကအဝ်ႏ အံႏဖြာႏငါႏသွူ။ 7အဝ်ႏအံႏဖြာႏတဲင် ဝွေꩻသီးရိုꩻ၊ “လိုꩻကအဝ်ႏဒေါ့ꩻဒါႏထာꩻ နုဲင်းယို လိုꩻစားယိုဖုံႏနဝ်ꩻ ကာလိလဲခမ်းသားဖုံႏဒျာႏ မွေးတဝ်းနဲ့။ 8နဝ်ꩻထွူ ထွာနုဲင်းမုဲင်ꩻတွော့ꩻ နီကားကအဝ်ႏ ဟွိုန်ဗာႏဒါႏ ဝွေꩻသီး ဒေါ့ꩻထာꩻနဝ်ꩻ ထွာဒျာႏ နီလိုꩻမျိုꩻ ဘာႏသာႏငဝ်း နုဲင်းမုဲင်ꩻဟောင်း။ 9နီနဝ်ꩻ အဝ်ႏဒျာႏ ပါတိခမ်း၊ မိဒျန်ခမ်း၊ ဧလံခမ်း၊ မဲက်သိုပိုတေးမီးယာခမ်း၊ ယုဒခမ်း၊ ကပ်ပဒေါကိခမ်း၊ ပုန္တုခမ်းစွဉ်ႏ အာသျခမ်း။ 10အဝ်ႏဖြုဂိခမ်း၊ ပံဖုလိခမ်း၊ အီဂျစ်ခမ်းစွဉ်ႏ လစ်ဗျားနယ်ႏ ကအဝ်ႏဗော့ꩻဒါႏ ဝေင်ꩻကုရေနေသွူ။ နီယင်ဟန်ႏနဝ်ꩻ အဝ်ႏရောမခမ်း၊ 11ဂျူးလိုꩻမျိုꩻစွဉ်ႏ လိုꩻမျိုꩻလင် ကပြောင်ꩻကြုဲင်ꩻလွဉ်ဒါႏ ဂျူးဘာႏသာႏ နီစွိုးလွုမ်းတွမ်ႏ နီယင်ဟန်ႏသားဖုံႏနဝ်ꩻ အဝ်ႏဒျာႏ ကရေတေတွမ်ႏ အာရပ်ခမ်းသားဖုံႏ စွဉ်ႏတဲ့၊ ဗွေႏဘုရာꩻ မာꩻလဲဉ်း ထာꩻတန်မျတ်ခရာႏဖုံႏ နဝ်ꩻမꩻ နီကားကအဝ်ႏနဝ်ꩻ ဟွိုန်ဒျာႏ ဝွေꩻသီးဒေါ့ꩻ နီလိုꩻမျိုꩻ ဘာႏသာႏငဝ်းဖုံႏ” နုဲင်းနဝ်ꩻသွူ။ 12အံႏဖြာႏငါႏတဲင် ဝွေꩻသီး တဖြာꩻစွဉ်ႏ တဖြာꩻ အဝ်ႏရီသျွုတ် တရေင်လို့ဝင်ꩻတွော့ꩻ၊ “ထာꩻယိုနဝ်ꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။။
13ကွဲႏတွော့ꩻ လိုꩻလင်ဖုံႏနဝ်ꩻ အဝ်ႏငသွမ်ꩻဒျာႏ လိုꩻယွုမ်းသားဖုံႏတွော့ꩻရိုꩻ၊ “လိုꩻစားယိုဖုံႏနဝ်ꩻ မွန်ꩻဒျာႏဒဝ်ဖုံႏ” နုဲင်းနဝ်ꩻသွူ။
ပေတရုဟော်ꩻတရာꩻ
14နဝ်ꩻထွူ ပေတရု အုံထွိုင်ႏငီꩻစွဉ်ႏ တမန်ႏတောႏ အလင် တဆီပုဲင်ဖြာꩻတွော့ꩻ ဒေါ့ꩻသန်စ ဖေႏနေးစွဉ်ႏ လိုꩻစွိုꩻဖုံႏ၊ “သွꩻဟဝ်ဂျူးဖုံႏ တွမ်ႏသီလိုꩻ ကအဝ်ႏအုံသော့ꩻဒါႏ ဝေင်ꩻယေရုသလမ်ႏကို ကားကအဝ်ႏဖုံႏ၊ နာႏခွေငဝ်းတွော့ꩻ ထာꩻယို အဓိပ္ပါယ်ႏဖုံႏနဝ်ꩻ ခွေအီႏဒေါ့ꩻနယ်ဖေႏ သီသွူ။ 15နုဲင်းသီကရိုꩻအတွိုင်ꩻ လိုꩻစားယိုဖုံႏနဝ် မွန်ꩻဒဝ် တမွေးတဝ်း၊ ယိုနဝ်ꩻ မွူးရဝ်ꩻခိုႏ စအဝ်ႏ ကွတ်ꩻနားရီႏလွုမ်ꩻသွူ။ 16ယိုနဝ်ꩻထွာဒျာႏ ပွိုင်းဝွို့တွမ်ႏ နုဲင်းပရောဖဲစ် ယောလ ကဟော်ꩻခါꩻဒါႏနဝ်ꩻသွူ။
17 # ယောလ ၂:၂၈–၃၂ (LXX)။ ‘ဗွေႏဘုရာꩻ ကရိုꩻဒါႏ အဆုဲင်ꩻသွတ်ꩻ မွူးနီꩻကို နုဲင်းခွေကအီႏမာꩻနဝ်ꩻ ထွာနုဲင်းယိုသွူ။
ခွေဝိညာဉ်ႏတောႏနဝ်ꩻ ခွေအီႏထောက်ꩻလူးဖေႏ လိုꩻစွုမ်ႏဖြာꩻလောင်းသွူ။
သီပိုခိုဖုံႏ၊ သီပိုမူႏဖုံႏနဝ်ꩻ အီႏကေႏညာႏ ခွေတရာꩻ။
သီလိုꩻခိုယွဲဖုံႏနဝ်ꩻ အီႏထီႏဗာႏ ရူႏပါႏရုံႏဖုံႏတဲင်၊
သီလိုꩻဖြားဖုံႏနဝ်ꩻ အီႏလꩻ ထာꩻဗေင်ႏမင်းဖုံႏသွူ။
18မွေးသွူ၊ ခွေအသွဉ်း အခိုတွမ်ႏ အမူႏနီမျိုꩻလွုမ်း လောင်းဖုံႏ စွဉ်ႏတဲ့၊
အနီꩻနဝ်ꩻဖုံႏကိုနဝ်ꩻ ခွေအီႏထောက်ꩻလူးဖေႏ ခွေဝိညာဉ်ႏတောႏတဲင်၊
ဝွေꩻသီး အီႏကေႏညာႏဖေႏ ခွေတရာꩻနဝ်ꩻသွူ။
19မို့ꩻလောင်းကီနဝ်ꩻ ခွေအီႏမာꩻနယ် အံႏဖြာႏခရာႏ နိမိတ်လက္ခဏာႏ တွမ်ႏ
ဆꩻလဖဲ့ꩻ ဟံႏတန်လောင်းနဝ်ꩻ ဟဝ်အံႏဖြာႏခရာႏဖုံႏသွူ။
နဝ်ꩻကိုနဝ်ꩻ အီႏထွာသွီႏ၊ မေႏတွမ်ႏ မေႏလူးဒွိုန် ခေ့ꩻနဝ်ꩻသွူ။
20တန်မျတ်တွော့ꩻ ဘွုန်ꩻသရေႏတောႏ ဗွေႏကျွꩻလွဉ်နီꩻ ခလားကတွိုႏနဝ်ꩻ၊
မွူးရောင်ႏ အီႏခေ့ꩻတဲင်၊
လာရောင်ႏနဝ်ꩻ အီႏထွာခွိုန်ꩻ တနျာႏထိုꩻ နုဲင်းသွီႏသွူ။
21တွိုႏနဝ်ꩻ ဖေႏကစွဲကိုတာႏ လိုꩻကဆုတောင်ꩻထင်ႏဒါႏ ဗွေႏဘုရာꩻနဝ်ꩻ အီႏလꩻထာꩻကယ်ႏတင်ႏ’သွူ။
22သွꩻဣသရေး လိုꩻမျိုꩻဖုံႏ၊ နာႏသွော့ ငဝ်းနုဲင်းယိုဖုံႏ။ စွဉ်ႏနိမိတ် လက္ခဏာႏဖုံႏတွမ်ႏ ထာꩻအံႏဖြာႏခရာႏဖုံႏနဝ်ꩻ ဗွေႏဘုရာꩻ မာꩻနယ်ဖေႏလဲဉ်း စွဉ်ႏဝွေꩻဗွေႏ၊ ထာꩻကအဝ်ႏ ထွာလွဉ်သော့ꩻ သီအကိုနဝ်ꩻ သီနမ်းအဝ်ႏသေလဲဉ်းသွူ။ နဝ်ꩻမꩻ နာဇရဲစ်ဝေင်ꩻသား ဗွေႏယေသျုနဝ်ꩻ ထွာလိုꩻတဖြာꩻ အဝ်ႏဗွေတွမ်ႏ ဗွေႏဘုရာꩻ အာႏဏာႏတန်ꩻခိုꩻနဝ်ꩻ အဝ်ႏအွဉ်ႏနယ် သျင်ꩻဖေႏသီသွူ။ 23#မ ၂၇:၃၅၊ မာ ၁၅:၂၄၊ လု ၂၃:၃၃၊ ယော ၁၉:၁၈။ မဲဉ်ႏလွဉ်ꩻစွဉ်ႏ နုဲင်းဗွေႏဘုရာꩻ အကျံႏတောႏ ကအဝ်ႏအတွိုင်ꩻ ဝွေꩻဗွေႏနမ်း ဆွုံꩻဖျတ်ခါꩻလဲဉ်း ဗွေႏယေသျုနဝ်ꩻ အီႏအပ်ဖေႏ သီစူကိုသွူ။ စွဉ်ႏလိုꩻအပဲစ်သားဖုံႏနဝ်ꩻ တွဲႏဒပ်ဝွေꩻဗွေႏ ကင်းထွန်ႏလောင်းတဲင် သီမာꩻသီ ဝွေꩻဗွေႏသွူ။ 24#မ ၂၈:၅၊ ၆၊ မာ ၁၆:၆၊ လု ၂၄:၅။ ကွဲႏတွော့ꩻ ထာꩻသီနဝ်ꩻ အီႏတအွဉ်ႏခံသွုပ် သေႏသေႏ နွောင်ꩻတဝ်း ဝွေꩻဗွေႏ၊ နဝ်ꩻမꩻ ဗွေႏဘုရာꩻနဝ်ꩻ အဝ်ႏထာꩻသီကို မာꩻထွိုင်ႏမွန်ဖေႏ ဝွေꩻဗွေႏတဲင် အွဉ်ႏလွစ်ဖေႏ ထာꩻသီတန်ꩻခိုꩻသွူ။ 25#သာ ၁၆:၈–၁၁ (LXX)။ ပွိုင်းဝွို့တွမ်ႏ ဝွေꩻဗွေႏခရာႏနဝ်ꩻ ခွန်တန်ဒါဝိဒ်ဒေါ့ꩻ၊
‘ဗွေႏဘုရာꩻနဝ်ꩻ ခွေအဝ်ႏထီႏ သေႏသေႏဗာႏဒျာႏ ခွေဆꩻငါသွူ။
ဝွေꩻဗွေႏနဝ်ꩻ အဝ်ႏဗော့ꩻဒျာႏ ခွေတဲင် ခွေနဝ်ꩻ အီႏတနန်းခီဗာႏတဝ်း ထာꩻသွူ။
26နဝ်ꩻမꩻ ခွေနဝ်ꩻ အဝ်ႏဗွေစွဉ်ႏ ထာꩻသꩻဟဝ် သꩻရေꩻတဲင်၊
ခွေငဝ်းဖုံႏနဝ်ꩻ အဝ်ႏဗွေစွဉ်ႏ ထာꩻပျောႏသွင်ႏသွူ။
တဲင်ခွေနဝ်ꩻ ထာꩻသီမျိုꩻစွဉ်ႏတဲ့၊
ခွေအီႏအုံပဆား သေႏသေႏသော့ꩻဒျာႏ ထာꩻအဝ်ႏမောင်ꩻကို၊
27ပွိုးတွော့ꩻ နီဗွေႏ အီႏတစွဉ်ꩻကုဲင်တဝ်းခွေ မရဏ ထာꩻသီခမ်းကိုသွူ။
သစ္စာႏကအဝ်ႏဒါႏ နီဗွေႏအသွဉ်းနဝ်ꩻ ကအီႏသေင်သော့ꩻဗာႏ သဲင်ႏခဲင်ꩻအောင်ကိုနဝ်ꩻ နီဗွေႏ အီႏတဖေႏတဝ်း အခွင်ꩻသွူ။
28တဖူꩻကအွဉ်လွေꩻဒါႏ အသက်မွန်နဝ်ꩻ နီဗွေႏအွဉ်ႏနယ်ဖေႏခွေတဲင်၊
နီဗွေႏဆꩻငါနဝ်ꩻ အီႏသော့ꩻဗွေဖေႏခွေ စွဉ်ႏထာꩻသꩻပျောႏသွင်ႏ’ နုဲင်းနဝ်ꩻသွူ။
29“ခွေသွꩻဖုံႏ၊ ပွိုင်းဝွို့တွမ်ႏ မဉ်ꩻကကျော်ႏငါႏ နီဖါဖြား ခွန်တန်ဒါဝိဒ် ခရာႏနဝ်ꩻ ခွေဒေါ့ꩻနယ် တောက်ꩻသျင်ꩻစဲင်း ဖေႏလဲဉ်းသီသွူ။ ဝွေꩻသီတဲင် သင်္ဂြိုဟ်ႏထိုꩻလဲဉ်းတွော့ꩻ ဝွေꩻသဲင်ႏခဲင်ꩻအောင်နဝ်ꩻ အဝ်ႏငီꩻဒျာႏ နီယိုကို ဗꩻတွိုႏဟန်ႏနီꩻနဝ်ꩻသွူ။ 30#သာ ၁၃၂:၁၁၊ ၂သျာ ၇:၁၂၊ ၁၃။ ဝွေꩻနဝ်ꩻ အဝ်ႏထွာ ပရောဖဲစ် တပါꩻတဲင် နုဲင်းဗွေႏဘုရာꩻ ကအွဉ်ႏဂတိ သစ္စာႏခါꩻဒါႏဝွေꩻနဝ်ꩻ ဝွေꩻအဝ်ႏသေသွူ။ ဗွိုန်နုဲင်း ဒါဝိဒ်ကထွာနဝ်ꩻ ဒါဝိဒ်ပိုလီꩻ စွိုးခွိုꩻကို ဖေႏကထွာ ခွန်တန်တပါꩻ ဝွေꩻဗွေႏ အီႏမာꩻဖေႏနဝ်ꩻ ဗွေႏဘုရာꩻ အွဉ်ႏဂတိ သေꩻခါလဲဉ်းနဝ်ꩻသွူ။ 31အနာႏဂတ်ကို ဗွေႏဘုရာꩻ အဝ်ႏမာꩻလွေꩻနုဲင်းမုဲင်ꩻနဝ်ꩻ ဒါဝိဒ်ထီႏဗာႏလဲဉ်း၊ နဝ်ꩻမꩻ ပွိုင်းဝွို့တွမ်ႏ မေသျိယ ကအီႏထွိုင်ႏ မွန်လွဉ်ချာ ခရာႏချိန်ႏနဝ်ꩻ ဝွေꩻဗွေႏဒေါ့ꩻ၊
‘ဝွေꩻဗွေႏနဝ်ꩻ တစွဉ်ꩻကုဲင် သော့ꩻဗာႏတဝ်း မရဏထာꩻသီကို။
ဝွေꩻဗွေႏအနမ်းနဝ်ꩻ တသေင်သော့ꩻဗာႏတဝ်း သဲင်ႏခဲင်ꩻအောင်ကို’နုဲင်းနဝ်ꩻသွူ။
32ဗွေႏယေသျု အဝ်ႏထာꩻသီကိုနဝ်ꩻ ဗွေႏဘုရာꩻ မာꩻထွိုင်ႏမွန် ဖေႏလဲဉ်းကျောင်ꩻ ယိုနဝ်ꩻ နီကားကအဝ်ႏ ထွာသက်သေႏသွူ။ 33ဝွေꩻဗွေႏ ထွိုင်ႏမွန်လဲဉ်း ဗွေႏဘုရာꩻ စူထွေဖဲ့ꩻ၊ ဝွေꩻဗွေႏ ဖါတောႏထျꩻတဲင် နုဲင်းဖါတောႏ ကအွဉ်ႏဂတိ သစ္စာႏခါꩻလဲဉ်းသွူ အတွိုင်ꩻ ဝွေꩻဗွေႏနဝ်ꩻ ကြောင်းစင် ဝိညာဉ်ႏတောႏ အဝ်ႏလက်ခံႏလꩻလဲဉ်းနဝ်ꩻသွူ။ နုဲင်းယိုခါ သီကအဝ်ႏထီႏဗာႏတွော့ꩻ ကအဝ်ႏဟွိုန် ဗာႏလဲဉ်းနဝ်ꩻ ထွာဒျာႏ ဝွေꩻဗွေႏဖေႏ ဆုကေꩻဇူꩻတွော့ꩻ ဝွေꩻဗွေႏ ထောက်ꩻလင်ꩻဖေႏ နီလောင်းဖုံႏသွူ။ 34#သာ ၁၁၀:၁။ အကကျွꩻထင်ႏဗာႏ ခမ်းထီ မို့ꩻလောင်းကိုနဝ်ꩻ ဒါဝိဒ် တမွေးတဝ်းသွူ။ ဝွေꩻဒေါ့ꩻ၊
‘ဗွေႏဘုရာꩻနဝ်ꩻ ဒေါ့ꩻဖေႏခွေအဗွေႏ၊
အုံလင်ꩻသွော့ ခွေစူထွေဖဲ့ꩻယိုကို၊
35ရန်ႏသူႏဖုံႏနဝ်ꩻ ဗꩻတွိုႏစွဉ်ႏ ခွေအွဉ်ႏ နာꩻခင်ႏဆꩻလ၊’ နုဲင်းနဝ်ꩻသွူ။
36“ဣသရေး လိုꩻမျိုꩻဖုံႏ ကားကအဝ်ႏ၊ နဝ်ꩻမꩻ သီကမာꩻသီ ထိုꩻဒါႏပါꩻ ကင်းထွန်ႏလောင်းနဝ်ꩻ ထွာဒျာႏ ဗွေႏအပါꩻ ဗွေႏဘုရာꩻ ကမာꩻထွာဒါႏ ဗွေႏတွမ်ႏ မေသျိယနဝ်ꩻ ထွာဒျာႏ ဗွေႏယေသျု ယိုကျောင်ꩻ၊ ဖေႏသီကသေဗာႏ” နုဲင်းနဝ်ꩻသွူ။
37လိုꩻဖုံႏထွိုင်ႏဟွိုန် နုဲင်းယိုချိန်ႏ ဝွေꩻသီး သꩻကုဲင် မွေးနေးစွဉ်ႏတဲင် ဒေါ့ꩻဖေႏ ပေတရုတွမ်ႏ တမန်ႏတောႏ အလင်ဖုံႏ၊ “ဖူးဝေးဖုံႏ၊ နီအီႏမာꩻဗာႏဒွုမ် နုဲင်းမုဲင်ꩻဟောင်း” နုဲင်းနဝ်ꩻသွူ။
38ပေတရု ဒေါ့ꩻဖေႏဝွေꩻသီး၊ “သီတဖြာꩻစီႏ ကအဝ်ႏမာꩻဒါႏ အပဲစ်နဝ်ꩻ လꩻချာဗာႏ ထာꩻကော့ꩻမာႏတဲင် ဖေႏနေး သီအပဲစ်ဖုံႏ ကအီႏလွစ်နဝ်ꩻ စွဉ်ႏဗွေႏယေသျု ခရစ်တောႏ အမဉ်ꩻနာႏမ ခံꩻသွော့ ဗတ္တိဇံႏ ထီမင်္ဂလာႏ။ နဝ်ꩻမꩻ ဗွေႏဘုရာꩻ ဆုကေꩻဇူꩻ ကြောင်းစင် ဝိညာဉ်ႏတောႏနဝ်ꩻ သီအီႏလက်ခံႏဗာႏသွူ။ 39ပွိုးတွော့ꩻ ဗွေႏဘုရာꩻ ကအွဉ်ႏသေꩻခါꩻဒါႏ ဂတိတောႏနဝ်ꩻ မာꩻဖေႏသီတွမ်ႏ သီပိုဖုံႏစွဉ်ႏ လိုꩻကအဝ်ႏညာꩻဖုံႏ ကားကအဝ်ႏ၊ စွဉ်ႏထာဝရဘုရာꩻ နီဗွေႏဘုရာꩻ နမ်း ကလွိုက်ဟဲ့ꩻဒါႏ လိုꩻဖုံႏ ကားကအဝ်ႏတာႏ” နုဲင်းနဝ်ꩻသွူ။
40ပေတရု တောင်ꩻပြန်ႏ ဒင်ႏပျနယ်ဖေႏပါက ဝွေꩻသီး တွမ်ႏငဝ်းအလင်ဖုံႏတဲ့ အာငါႏသွူ၊ ဝွေꩻတမာ ဖေႏအာႏရိုꩻ၊ “အပဲစ်တံႏ တရာꩻစီႏရင်ႏချက် ကအဝ်ႏလွဉ်လူးဒါႏ လိုꩻမွိုက်ကုဲင်ဖုံႏလောင်းနဝ်ꩻ ကယ်ႏချာသွော့ သီနမ်း” နုဲင်းနဝ်ꩻသွူ။ 41ဝွေꩻသီးဖုံႏကို လိုꩻအာဖုံႏနဝ်ꩻ ယွုမ်းဝွေꩻတရာꩻတဲင် အနီꩻနဝ်ꩻနဝ်ꩻ ခံႏဗတ္တိဇံႏ ထီမင်္ဂလာႏ အဖြာꩻ၃၀ဝဝရပ်တဲင် ပေါင်ꩻငီꩻစွဉ်ႏ အစွုမ်ꩻစွိုꩻကိုသွူ။ 42ဝွေꩻသီးနဝ်ꩻ အချိန်ႏလို့အီဗော့ꩻဒျာႏ ဝွေꩻသီးခံႏထူႏ ထာꩻသွဉ်သင် တမန်ႏတောႏဖုံႏထျꩻ၊ အုံမွန်းဒေါ့ꩻရီ ဒေါ့ꩻတောႏငီꩻလို့ဝင်ꩻ ထာꩻအံႏ ထာꩻအွꩻကိုဖုံႏ အံႏအွꩻငီꩻ ဖဉ်းမွိုတ်မာꩻသွꩻလို့ဝင်ꩻ၊ ဆုတောင်ꩻငီꩻလို့ဝင်ꩻ ဘုရာꩻဖုံႏနဝ်ꩻသွူ။
လိုꩻထာꩻယွုမ်းအဝ်ႏသားဖုံႏကိုဘဝထာꩻအုံအဝ်ႏ
43တမန်ႏတောႏဖုံႏ မာꩻနယ် နိမိတ်လက္ခဏာႏ ထာꩻအံႏဖြာႏခရာႏဖုံႏနဝ်ꩻ အာငါႏတဲင် လိုꩻစွုမ်ႏဖြာꩻ ငမ်းသꩻနေးစွဉ်ႏနဝ်ꩻသွူ။ 44#တ ၄:၃၂–၃၅။ လိုꩻကယွုမ်းသားဖုံႏ ကားကအဝ်ႏနဝ်ꩻ သွုပ်တဲင် အဝ်ႏအုံစုဗူႏ၊ ဖဉ်းမွိုတ်မာꩻသွꩻ လို့ဒျာႏဝင်ꩻတဲင် ဝွေꩻသီးကားကအဝ်ႏ ကပဲင်ႏဒါႏ ဥစ္စာႏဖုံႏနဝ်ꩻ တဖြာꩻတွမ်ႏတဖြာꩻ ဖန်းဝေႏဖေႏလို့ဝင်ꩻသွူ။ 45ဝွေꩻသီး ထာꩻခြိုꩻဥစ္စာႏတွမ်ႏ ဝွေꩻသီးကပဲင်ႏဒါႏ ထာꩻခြိုꩻဖုံႏနဝ်ꩻ ဝွေꩻသီးစာတဲင် ရွဉ်ဖုံႏ ကားကအဝ်ႏနဝ်ꩻ တဖြာꩻစီႏ နုဲင်းကအဝ်ႏလိုႏဒါႏ အတွိုင်ꩻ ဖန်းဝေႏဖေႏစွဉ်ႏ လို့ဝင်ꩻသွူ။ 46တနီꩻထွူတနီꩻ ဝွေꩻသီးစွိုꩻ မော့ꩻခွဲသော့ꩻလို့ဝင်ꩻ ဗိမာန်ႏတောႏ ကျောင်ꩻကိုတဲင် ဝွေꩻသီးလမ်းကို စွဉ်ႏထာꩻသꩻဟဝ် သꩻရေꩻ တွမ်ႏချꩻဖွိုႏသꩻတွော့ꩻ အံႏငီꩻလို့ဝင်ꩻ ဝွေꩻသီးထာꩻအံႏဖုံႏသွူ။ 47ဝွေꩻသီးအုပ်ꩻထင်ႏ ဗွေႏဘုရာꩻ ကေꩻဇူꩻတဲင် လိုꩻဖုံႏကားကအဝ်ႏ ဆꩻငါနဝ်ꩻ လꩻစွဉ်ႏမဲ့ငါသွူ။ တဲင်စွုမ်ႏနီꩻနီꩻ ဝွေꩻသီးစွုမ်ꩻစွိုꩻကို လိုꩻကလꩻ ထာꩻကယ်ႏတင်ႏသားဖုံႏနဝ်ꩻ ဗွေႏဘုရာꩻ မာꩻတိုꩻအာ ထဲင်းထဲင်းစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.