اِنجیل مَتّی 26
26
عیسی کِشتِه نَخشه
1عیسی گِرد اِم گفون تَمون آکَردِه پَش، اِشتَن شاگِردون نَه واتِشه: 2«بَزنیرون كه دِ روزَه پَش پِسخَ عیده و اِنسانی زوعَه تسلیم بَکَردین تا اَیی مَصلوب بِکَرِن.»
3بَس سَران کاهِنِن و قومی شِیخِن، کاهِن اَعظمی کاخی کا جَمع آبیینَه. کاهِن اَعظمی نوم قیافا بَه. 4اَوِن یَندی نَه نَخشه کَشِشونَه كه چِنتَه حیلّه نَه، عیسی دَستگیر بِکَرِن و بِکِشِن. 5امّا اَوِن واتِشونَه: «اِم كاری نَبی عیدی روزون کا اَنجام بِدَن، نَبادا مردم شورش بِکَرِن.»
عیسی بِیت‌عَنْیا کا
6وختی عیسی بِیت‌عَنیا دِه کا شَمعون جُذامی کَ کا بَه، 7ایلَه ژِنی اومَه عیسی وَر. اَ ژِن ایلَه مَرمَری یَه قَبی نَه وِر گِرونَه عطری وَردِشه و هَتَه که عیسی سِفره سَری کا نِشت بَه، عطری عیسی سَری کا ویکَردِشه. 8شاگِردِن اِم صَحنه ویندِه نَه عصبانی آبینَه واتِشونَه: «چیرا اِسراف بَکَردیرون؟ 9بَبی اِم عطری، چاکَه قِیمتی نَه بِخرَشَم و چَیی پولی آدییَم فقیرفُقرا.» 10ولی عیسی که اِمی بَزنی اَوون نَه واتِشه: «چیرا اِم ژِنی ناراحت بَکَردیرون؟ اَ چاکَه کاری بَه مِرا کَردَشه. 11فقیرفُقرا همیشه شِمَه دور و وَری کا اینَه، امّا اَز همیشه شِمَه نَه نیمَه. 12اِم ژِن، اِم عَطری چِمِن بَدَنی سَری کا ویکَردِنَه، مِن دَفن کَرده را آمادَه آکَردِشه. 13حقیقتن شِمَه نَه بَواتیم، دنیا هَر جِگا کا كه خِدا پاُتشایی خوشَ خَوَر اِعلام بِبو، اِم ژِنی کار نی چَیی یاد بودی را واتَه بَبی.»
یَهودا خیانت
14اَ موقع یهودا اَسخَریوط كه ایلَه اَ دونزَه گِله شاگِردون کا بَه، شَه سَران کاهِنون وَر، 15و واتِشه: «اَگم عیسی شِمَه تَحویل بِدَم، چِه چی بَه مِن آدییَه؟» اَوِن سی گِله نقره سِکه آدوشونَه یَهودا. 16هَ موقع نَه یَهودا ایلَه فرصتی دومله گردی که عیسی آدَه چَوون دَس.
آخِرین سور
17فَطیرَه عیدی اوّلین روزی کا که هَ پِسَخ عیده، شاگِردِن اومینَه عیسی وَر دَفَرسِشونَه: «کیا کا پیستِرَه بَه تِرا تَدارک بِوینَم تا پِسَخ عیدی سوری بَری؟» 18عیسی اَوون نَه واتِشه، بِشَه شهری را، فِلون کَسی وَر و اَیی نَه بوآجَه: «اُستاد بَواتی: ”چِمِن وَخت نِزدیک آبَه. پیستِمَه چِمِن شاگِردون نَه اِشتِه کَ کا پِسَخ عیدی سوری بَرِم.“» 19شاگِردِن هَتَه کَردِشونَه که عیسی واتَش بَه و پِسَخ عیدی سوری آمادَه آکَردِشونَه.
20وختی شَو آبَه عیسی اِشتَن دونزَه گِله شاگِردون نَه سِفره سَری کا نِشتَه. 21سوری هَردِه موقع عیسی واتِشه: «حقیقتن شِمَه نَه بَواتیم، ایی نَفر شِمَه کا بَه مِن خیانت بَکَردی.» 22شاگِردِن وِر ناراحت آبینَه و ایلَه ایلَه عیسی کا دَفَرسین: «آقا، اَ شَخص اَزیمَه؟» 23عیسی جَواو دوشَه: «کسی که اِشتَن دَسی مِنَه قَدَرَه دیلَه کا دَنَه، هَ، بَه مِن خیانت بَکَردی. 24اِنسانی زوعَه را هَ چیی که مقدّس نیویشته اون کا نیویشته بییَه هَتَه اِتِفاق دَلَکِه، امّا وای بِه حال اَ کسی كه اِم اِتِفاق چَیی خیانتی نَه اِنسانی زوعَه سَر با. اَییرا چاکتَر بَه كه هَرگز دنیا مای.» 25اَ موقع یَهودا، کسی که پیستِشَه بِه عیسی خیانت بِکَرِه، واتِشه: «اُستاد، اَ شَخص اَزیمَه؟» عیسی جَواو دوشَه: «تِه اِشتَن حِسَه واتِرَه.»
26سوری هَردِه موقع، عیسی نونی پِگِتِشه و شُکور کَردِه پَش اَیی پَله کَردِشه آدوشَه شاگِردون و واتِشه: «بِگِرَه، بَرَه؛ اِم چِمِن بَدنَ.» 27دومله قَدَرَه پِگِتِشه و شُکور کَردِه پَش اَیی آدوشَه شاگِردون و واتِشه: «شِمَه گِرد، اِمی کا بِنجَه. 28چوم اِم چِمِن خون اِستَه كه اِم تازه عَهدی، اَیی نَه مهر بَکَردیم. چِمِن خون ویبو تا وِرَه آدَمون گناه اِن بَخشِستَه بِبون. 29شِمَه نَه بَواتیم، از اِم اَنگِرَه رَزی مَحصولی کا دِ نِنجِم تا روزی كه چِمِن آسِمونی یَه دَده پاُتشایی کا شِمَه نَه، چَیی تازه بِنجِم.»
پِطرسی هاشا کَردِه پیشگویی
30وختی که اَوِن ایلَه سرود ستایش خَندِشونَه، شینَه زیتونَ کوه طرفی را. 31اَ موقع عیسی اَوون نَه واتِشه: «شَنار شِمَه گِرد مِن تَنخا نَیَه. چوم زکریای پیغمبری کیتابی کا نیویشته بییَه:
«”شوونَه ژَنِم
و رَمَه گوسَندِن وِلا آبون.“
32امّا چِمِن زِنده آبییِه پَش، شِمَه کا نارتَر بَشیم جلیلی ولایتی را.» 33پطرس جَواو دوشَه: «حتی اَگم گِرد تِه تَنخا بَرزِن، اَز هَرگز تِه تَنخا نییَرزِم.» 34عیسی اَیی نَه واتِشه: «حقیقتن تِنَه بَواتیم، هِم شَنار، سوکی خَندِه پیش، تِه سِه کَرَه مِن هاشا بَکَردیش!» 35پطرس واتِشه: «حتی اَگم لازم بِبو تِنَه بِمِرِم، تِه هاشا نِکَرِم.» بقیه شاگِردِن نی هِمی واتِشونَه.
عیسی دعا باغ جِتسیمانی کا
36اَ موقع عیسی اِشتَن شاگِردون نَه شَه جِگایی که چَیی نوم جِتسیمانی بَه و عیسی اَوون نَه واتِشه: «اییا کا بِنِشَه، تا اَز بِشوم اوآکا، دعا بِکَرِم.» 37عیسی، پطرس و زِبدی دِ گِله زوعَه نی اِشتَن نَه بَردِشه. عیسی غمگین و تشویش بَه، 38و دومله اَوون نَه واتِشه: «غُورصَه کا نِزدیکَه بِمِرِم. شِمَه اییا کا بومونَه و مِنَه آگا بِبییَه.» 39عیسی روکَتِه شَه نار، اِشتَن دیمی زمینی کا نوشَه و دعا کَردِشه، واتِشه: «اِی چِمِن دَده، اَگم مُمكنَه اِم عَذابی قَدره بَه مِن کا دور آکَه، امّا حَلا نی اَ چیی که از پیستِمَه مَبو، بَلکَم اَ چیی بِبو که تِه پیستِرَه.» 40دومله عیسی آگَردَه اِشتَن شاگِردون وَر و ویندِشه اَوِن خِتینَه. بَس پطرسی نَه واتِشه: «نیمَشایرون ایی ساعت مِنه آگا بومونَه؟ 41آگا بِبییَه و دعا بِکَرَه که وسوسه مَبییَه. حقیقتن که روح مشتاقَه، امّا جِسم ناتوان.» 42عیسی دوّمین کَرَه شَه دعا کَردِشه، واتِشه: «اِی چِمِن دَده، اَگم هیچ رایی نییَه، جُز اِم کِه اَز اِم عَذابَ قَدره بِنجِم، بَس اِشتِه پیستَه هَر چییَه هَتَه بِبو.» 43هَنی عیسی اومَه ویندِشه اَوِن خِتینَه، چوم كه چَوون چِمِن سَنگین آبَه اینا. 44بَس هَنی اَوون وِل آکَردِشه و شَه و سِوّمین کَره را هَ دعا تکرار کَردِشه. 45دومله، آگَردَه شاگِردون وَر و اَوون نَه واتِشه: «حَلا خِتیرونَه و اِستراحت بَکَردیرون؟ دَیِسه اَ ساعت مقَرر نِزدیک آبَه و اِنسانی زوعَه، آدَن گناه کارون دَس. 46پِرِزَه، بِشَم. دَیِسه کسی که بَه مِن خیانت بَکَردی کارا بومَی.»
عیسی دَستگیری
47عیسی حَلا کارا گَف ژَنی كه یهودا، که ایلَه اَ دونزَه گِله شاگِردون کا بَه، آرَستَه. چَیی هَمراه ایلَه یال گروهی قَمَّه اون و چو و چوماقون نَه اومَه بینَه. اَوِن سَران کاهِنِن و قومی شیخون طرفی نَه اومَه بینَه. 48اَ خائن شاگِرد، اِشتَن هَمراه اون ایلَه علامتی آدوعَه ش بَه و واتَش بَه: «اَ کسی كه اَیی ماچ بَکَردیم هَ اِستَه؛ اَئی بِگِرَه.» 49بَس یهودا اَلبَحَل شَه عیسی وَر و واتِشه: «سلام، اُستاد!» و اَئی ماچ کَردِشه. 50عیسی چَیی جَواوی کا واتِشه: «اِی رَفِق، اِشتِه کاری اَنجام بِدَه.» اِم موقع اَ گروه شینَه نار و ویخِتینَه عیسی سَر و اَیی دستگیر کَردِشونَه. 51اِم موقع، ایلَه عیسی هَمراه اون کا، اِشتَن قَمَّه بَروَردِشه و اَیی نَه کاهِن اَعظمی نوکَری ژَندِشه و چَیی گوشی دَوِردِشه. 52عیسی اَیی نَه واتِشه: «اِشتِه قَمَّه بِنَه چَیی جِگا کا. هَر کسی قَمَّه بِکَشِه، قَمَّه نَه کِشتَه بَبی. 53خیال بَکَردیش كه اَز نیمَشام چِمِن آسِمونی یَه دَده کا بِپیم که ایی لحظه کا دونزَه گِله قُشونی کا نی وِرتَر، چِمِن کمکی را ملائیکه وَیسا آکَرِه؟ 54ولی اَگم اِم کاری بِکَرِم، مقدّس نیویشته اون پیشگویی درباره چِمِن چِنتَه اِتِفاق دَلَکِن؟» 55اَ موقع عیسی اَ جماعَتی نَه واتِشه: «بَگم اَز راهزَنیمَه که چو و چُماقون و قَمَّه اون نَه چِمِن گِته را اومَیرونَه؟ اَز هر روز معبدی کا نِشیم و تعلیم بَدایم و شِمَه مِن دَستگیر نِکَردِرونَه. 56امّا گِردِ اِمِن اِتفاق دَلکینَه تا پیغمبرون نیویشته اِن اَنجام بِبون.» اِم وختی کا گِرد شاگِردِن عیسی تَنخا نوشونَه و دَوَشتینَه.
عیسی محاکمه یَهودی شورا پیشی کا
57دومله کسونی که عیسی دَستگیر کَردَشون بَه، اَیی بَردِشونَه قیافا وَر، که کاهِن اَعظم بَه. اوآکا توراتی معلِمِن و شیخِن جمع آبَه بینَه. 58پطرس دوری نَه شَه عیسی دومله تا آرَستَه کاهِن اَعظمی کَ سِرا. پطرس شَه دیلَه نِگهبانون نَه نِشتَه تا بِوینِه آخِر چِه بَبی. 59سَران کاهِنِن و گِرد شورا اَعضا تَقَّلا بَکَردین که دوروعَه شهادتی عیسی ضِد بِتلفِن تا اَیی بِکِشِن؛ 60امّا با اِم که وِرَه دوروعَه شاهِدونی شینَه نار، اَوِن نِشاستِشونَه دلیلی پیدا بِکَرِن تا بِشان عیسی بِه مرگ محکوم بِکَرِن. آخِر دِ نفر اومینَه نار، 61و واتِشونَه: «اِم مِرد واتَشه: ”اَز بَشایم خِدا معبدی خَراو آکَرِم و سِه روزی کا اَیی هَنی اَز نو وَج آکَرِم.“» 62اَ موقع کاهِن اَعظم پِرِشتَه و عیسی نَه واتِشه: «هیچ جَواوی نِدَی؟ اِم چَه که اِم دِ نفر اِشتِه ضِد شهادتی بَداین؟» 63امّا عیسی ساكت مَندَه. کاهِن اَعظم عیسی نَه واتِشه: «تِه قَسَّم بَدایم اَ خِدایی سَر که زِندَه یَه، اَگم تِه مسیح موعود، خِدا زوعَه ایش، بَمون نَه بوآج.» 64عیسی جَواو دوشَه: «تِه اِشتَن حِسَه واتِرَه! ولی شِمَه نَه بَواتیم، چِمی پَش اِنسانی زوعَه بَویندیرون که خِدای قادِری راستَ دَسی وَری کا نِشتَه و آسِمونی خِرون سَری نَه بومَی.» 65اَ موقع کاهِن اَعظم اِشتَن خَلا یَخه پِزارنیشه و واتِشه: «کُفر واتِشه! دِ شاهِدمون چیرایَه؟ حِسَه چَیی کُفر واتِه دَرَسِرونَه. 66شِمَه حُکم چَه؟» شورا اَعضا جَواو دوشونَه: «چَیی جَزا مَرگَه.» 67اَ موقع عیسی دیمی کا چاف ویکَردِشونَه، اَیی ژَندِشونَه. بعضی نی چَیی دیمی کا سیله ژَنین، 68بَواتین: «اِی مسیح، حِسَه غِیبی نَه بوآج کی تِه ژَندِشَه؟»
پطرسی هاشا
69اَ موقع پطرس بِرونی کا، سِرا کا نِشت بَه، که خاتَکی چَیی وَر اومَه واتِشه: «تِه نی عیسایِ جلیلی هَمراه بیش!» 70ولی پطرس گِردی ناری کا هاشا کَردِشه واتِشه: «اَز نیمَزنِم تِه چِه بَواتیش.» 71دومله پطرس شَه بَلتَه طرفی را. اوآ کا ایلَه دییَر خاتَکی اَئی ویندِشه و کَسونی نَه که اوآکا مَند بینَه واتِشه: «اِم مِرد نی عیسایِ ناصری همراه بَه!» 72هَنی پطرس هاشا کَردِشه، قَسَّم هَردِشه که: «اَز اِم مِردی آنِزونِم.» 73تِلی پَش، کسونی که اوآکا مَند بینَه، اومینَه نار و پطرسی نَه واتِشونَه: «شکی نییَه که تِه نی ایلَه اَوون کا ایش! اِشتِه لهجَه کا معلومَه!» 74اِم موقع پطرس اِشتَن لَعن کَردِشه و قَسَّم هَردِشه که: «از اِم مِردی آنِزونِم!» هَ لحظه سوک خَندِشه. 75اَ موقع پطرس، عیسی گفون ویر وَردِشه که بَیی نَه واتَش بَه: «سوکی خَندِه پیش تِه سِه کَرَه مِن هاشا بَکَردیش.» بَس پطرس شَه بِرون، های های دادِش کَردَه.
ទើបបានជ្រើសរើសហើយ៖
اِنجیل مَتّی 26: ITB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
اِنجیل مَتّی 26
26
عیسی کِشتِه نَخشه
1عیسی گِرد اِم گفون تَمون آکَردِه پَش، اِشتَن شاگِردون نَه واتِشه: 2«بَزنیرون كه دِ روزَه پَش پِسخَ عیده و اِنسانی زوعَه تسلیم بَکَردین تا اَیی مَصلوب بِکَرِن.»
3بَس سَران کاهِنِن و قومی شِیخِن، کاهِن اَعظمی کاخی کا جَمع آبیینَه. کاهِن اَعظمی نوم قیافا بَه. 4اَوِن یَندی نَه نَخشه کَشِشونَه كه چِنتَه حیلّه نَه، عیسی دَستگیر بِکَرِن و بِکِشِن. 5امّا اَوِن واتِشونَه: «اِم كاری نَبی عیدی روزون کا اَنجام بِدَن، نَبادا مردم شورش بِکَرِن.»
عیسی بِیت‌عَنْیا کا
6وختی عیسی بِیت‌عَنیا دِه کا شَمعون جُذامی کَ کا بَه، 7ایلَه ژِنی اومَه عیسی وَر. اَ ژِن ایلَه مَرمَری یَه قَبی نَه وِر گِرونَه عطری وَردِشه و هَتَه که عیسی سِفره سَری کا نِشت بَه، عطری عیسی سَری کا ویکَردِشه. 8شاگِردِن اِم صَحنه ویندِه نَه عصبانی آبینَه واتِشونَه: «چیرا اِسراف بَکَردیرون؟ 9بَبی اِم عطری، چاکَه قِیمتی نَه بِخرَشَم و چَیی پولی آدییَم فقیرفُقرا.» 10ولی عیسی که اِمی بَزنی اَوون نَه واتِشه: «چیرا اِم ژِنی ناراحت بَکَردیرون؟ اَ چاکَه کاری بَه مِرا کَردَشه. 11فقیرفُقرا همیشه شِمَه دور و وَری کا اینَه، امّا اَز همیشه شِمَه نَه نیمَه. 12اِم ژِن، اِم عَطری چِمِن بَدَنی سَری کا ویکَردِنَه، مِن دَفن کَرده را آمادَه آکَردِشه. 13حقیقتن شِمَه نَه بَواتیم، دنیا هَر جِگا کا كه خِدا پاُتشایی خوشَ خَوَر اِعلام بِبو، اِم ژِنی کار نی چَیی یاد بودی را واتَه بَبی.»
یَهودا خیانت
14اَ موقع یهودا اَسخَریوط كه ایلَه اَ دونزَه گِله شاگِردون کا بَه، شَه سَران کاهِنون وَر، 15و واتِشه: «اَگم عیسی شِمَه تَحویل بِدَم، چِه چی بَه مِن آدییَه؟» اَوِن سی گِله نقره سِکه آدوشونَه یَهودا. 16هَ موقع نَه یَهودا ایلَه فرصتی دومله گردی که عیسی آدَه چَوون دَس.
آخِرین سور
17فَطیرَه عیدی اوّلین روزی کا که هَ پِسَخ عیده، شاگِردِن اومینَه عیسی وَر دَفَرسِشونَه: «کیا کا پیستِرَه بَه تِرا تَدارک بِوینَم تا پِسَخ عیدی سوری بَری؟» 18عیسی اَوون نَه واتِشه، بِشَه شهری را، فِلون کَسی وَر و اَیی نَه بوآجَه: «اُستاد بَواتی: ”چِمِن وَخت نِزدیک آبَه. پیستِمَه چِمِن شاگِردون نَه اِشتِه کَ کا پِسَخ عیدی سوری بَرِم.“» 19شاگِردِن هَتَه کَردِشونَه که عیسی واتَش بَه و پِسَخ عیدی سوری آمادَه آکَردِشونَه.
20وختی شَو آبَه عیسی اِشتَن دونزَه گِله شاگِردون نَه سِفره سَری کا نِشتَه. 21سوری هَردِه موقع عیسی واتِشه: «حقیقتن شِمَه نَه بَواتیم، ایی نَفر شِمَه کا بَه مِن خیانت بَکَردی.» 22شاگِردِن وِر ناراحت آبینَه و ایلَه ایلَه عیسی کا دَفَرسین: «آقا، اَ شَخص اَزیمَه؟» 23عیسی جَواو دوشَه: «کسی که اِشتَن دَسی مِنَه قَدَرَه دیلَه کا دَنَه، هَ، بَه مِن خیانت بَکَردی. 24اِنسانی زوعَه را هَ چیی که مقدّس نیویشته اون کا نیویشته بییَه هَتَه اِتِفاق دَلَکِه، امّا وای بِه حال اَ کسی كه اِم اِتِفاق چَیی خیانتی نَه اِنسانی زوعَه سَر با. اَییرا چاکتَر بَه كه هَرگز دنیا مای.» 25اَ موقع یَهودا، کسی که پیستِشَه بِه عیسی خیانت بِکَرِه، واتِشه: «اُستاد، اَ شَخص اَزیمَه؟» عیسی جَواو دوشَه: «تِه اِشتَن حِسَه واتِرَه.»
26سوری هَردِه موقع، عیسی نونی پِگِتِشه و شُکور کَردِه پَش اَیی پَله کَردِشه آدوشَه شاگِردون و واتِشه: «بِگِرَه، بَرَه؛ اِم چِمِن بَدنَ.» 27دومله قَدَرَه پِگِتِشه و شُکور کَردِه پَش اَیی آدوشَه شاگِردون و واتِشه: «شِمَه گِرد، اِمی کا بِنجَه. 28چوم اِم چِمِن خون اِستَه كه اِم تازه عَهدی، اَیی نَه مهر بَکَردیم. چِمِن خون ویبو تا وِرَه آدَمون گناه اِن بَخشِستَه بِبون. 29شِمَه نَه بَواتیم، از اِم اَنگِرَه رَزی مَحصولی کا دِ نِنجِم تا روزی كه چِمِن آسِمونی یَه دَده پاُتشایی کا شِمَه نَه، چَیی تازه بِنجِم.»
پِطرسی هاشا کَردِه پیشگویی
30وختی که اَوِن ایلَه سرود ستایش خَندِشونَه، شینَه زیتونَ کوه طرفی را. 31اَ موقع عیسی اَوون نَه واتِشه: «شَنار شِمَه گِرد مِن تَنخا نَیَه. چوم زکریای پیغمبری کیتابی کا نیویشته بییَه:
«”شوونَه ژَنِم
و رَمَه گوسَندِن وِلا آبون.“
32امّا چِمِن زِنده آبییِه پَش، شِمَه کا نارتَر بَشیم جلیلی ولایتی را.» 33پطرس جَواو دوشَه: «حتی اَگم گِرد تِه تَنخا بَرزِن، اَز هَرگز تِه تَنخا نییَرزِم.» 34عیسی اَیی نَه واتِشه: «حقیقتن تِنَه بَواتیم، هِم شَنار، سوکی خَندِه پیش، تِه سِه کَرَه مِن هاشا بَکَردیش!» 35پطرس واتِشه: «حتی اَگم لازم بِبو تِنَه بِمِرِم، تِه هاشا نِکَرِم.» بقیه شاگِردِن نی هِمی واتِشونَه.
عیسی دعا باغ جِتسیمانی کا
36اَ موقع عیسی اِشتَن شاگِردون نَه شَه جِگایی که چَیی نوم جِتسیمانی بَه و عیسی اَوون نَه واتِشه: «اییا کا بِنِشَه، تا اَز بِشوم اوآکا، دعا بِکَرِم.» 37عیسی، پطرس و زِبدی دِ گِله زوعَه نی اِشتَن نَه بَردِشه. عیسی غمگین و تشویش بَه، 38و دومله اَوون نَه واتِشه: «غُورصَه کا نِزدیکَه بِمِرِم. شِمَه اییا کا بومونَه و مِنَه آگا بِبییَه.» 39عیسی روکَتِه شَه نار، اِشتَن دیمی زمینی کا نوشَه و دعا کَردِشه، واتِشه: «اِی چِمِن دَده، اَگم مُمكنَه اِم عَذابی قَدره بَه مِن کا دور آکَه، امّا حَلا نی اَ چیی که از پیستِمَه مَبو، بَلکَم اَ چیی بِبو که تِه پیستِرَه.» 40دومله عیسی آگَردَه اِشتَن شاگِردون وَر و ویندِشه اَوِن خِتینَه. بَس پطرسی نَه واتِشه: «نیمَشایرون ایی ساعت مِنه آگا بومونَه؟ 41آگا بِبییَه و دعا بِکَرَه که وسوسه مَبییَه. حقیقتن که روح مشتاقَه، امّا جِسم ناتوان.» 42عیسی دوّمین کَرَه شَه دعا کَردِشه، واتِشه: «اِی چِمِن دَده، اَگم هیچ رایی نییَه، جُز اِم کِه اَز اِم عَذابَ قَدره بِنجِم، بَس اِشتِه پیستَه هَر چییَه هَتَه بِبو.» 43هَنی عیسی اومَه ویندِشه اَوِن خِتینَه، چوم كه چَوون چِمِن سَنگین آبَه اینا. 44بَس هَنی اَوون وِل آکَردِشه و شَه و سِوّمین کَره را هَ دعا تکرار کَردِشه. 45دومله، آگَردَه شاگِردون وَر و اَوون نَه واتِشه: «حَلا خِتیرونَه و اِستراحت بَکَردیرون؟ دَیِسه اَ ساعت مقَرر نِزدیک آبَه و اِنسانی زوعَه، آدَن گناه کارون دَس. 46پِرِزَه، بِشَم. دَیِسه کسی که بَه مِن خیانت بَکَردی کارا بومَی.»
عیسی دَستگیری
47عیسی حَلا کارا گَف ژَنی كه یهودا، که ایلَه اَ دونزَه گِله شاگِردون کا بَه، آرَستَه. چَیی هَمراه ایلَه یال گروهی قَمَّه اون و چو و چوماقون نَه اومَه بینَه. اَوِن سَران کاهِنِن و قومی شیخون طرفی نَه اومَه بینَه. 48اَ خائن شاگِرد، اِشتَن هَمراه اون ایلَه علامتی آدوعَه ش بَه و واتَش بَه: «اَ کسی كه اَیی ماچ بَکَردیم هَ اِستَه؛ اَئی بِگِرَه.» 49بَس یهودا اَلبَحَل شَه عیسی وَر و واتِشه: «سلام، اُستاد!» و اَئی ماچ کَردِشه. 50عیسی چَیی جَواوی کا واتِشه: «اِی رَفِق، اِشتِه کاری اَنجام بِدَه.» اِم موقع اَ گروه شینَه نار و ویخِتینَه عیسی سَر و اَیی دستگیر کَردِشونَه. 51اِم موقع، ایلَه عیسی هَمراه اون کا، اِشتَن قَمَّه بَروَردِشه و اَیی نَه کاهِن اَعظمی نوکَری ژَندِشه و چَیی گوشی دَوِردِشه. 52عیسی اَیی نَه واتِشه: «اِشتِه قَمَّه بِنَه چَیی جِگا کا. هَر کسی قَمَّه بِکَشِه، قَمَّه نَه کِشتَه بَبی. 53خیال بَکَردیش كه اَز نیمَشام چِمِن آسِمونی یَه دَده کا بِپیم که ایی لحظه کا دونزَه گِله قُشونی کا نی وِرتَر، چِمِن کمکی را ملائیکه وَیسا آکَرِه؟ 54ولی اَگم اِم کاری بِکَرِم، مقدّس نیویشته اون پیشگویی درباره چِمِن چِنتَه اِتِفاق دَلَکِن؟» 55اَ موقع عیسی اَ جماعَتی نَه واتِشه: «بَگم اَز راهزَنیمَه که چو و چُماقون و قَمَّه اون نَه چِمِن گِته را اومَیرونَه؟ اَز هر روز معبدی کا نِشیم و تعلیم بَدایم و شِمَه مِن دَستگیر نِکَردِرونَه. 56امّا گِردِ اِمِن اِتفاق دَلکینَه تا پیغمبرون نیویشته اِن اَنجام بِبون.» اِم وختی کا گِرد شاگِردِن عیسی تَنخا نوشونَه و دَوَشتینَه.
عیسی محاکمه یَهودی شورا پیشی کا
57دومله کسونی که عیسی دَستگیر کَردَشون بَه، اَیی بَردِشونَه قیافا وَر، که کاهِن اَعظم بَه. اوآکا توراتی معلِمِن و شیخِن جمع آبَه بینَه. 58پطرس دوری نَه شَه عیسی دومله تا آرَستَه کاهِن اَعظمی کَ سِرا. پطرس شَه دیلَه نِگهبانون نَه نِشتَه تا بِوینِه آخِر چِه بَبی. 59سَران کاهِنِن و گِرد شورا اَعضا تَقَّلا بَکَردین که دوروعَه شهادتی عیسی ضِد بِتلفِن تا اَیی بِکِشِن؛ 60امّا با اِم که وِرَه دوروعَه شاهِدونی شینَه نار، اَوِن نِشاستِشونَه دلیلی پیدا بِکَرِن تا بِشان عیسی بِه مرگ محکوم بِکَرِن. آخِر دِ نفر اومینَه نار، 61و واتِشونَه: «اِم مِرد واتَشه: ”اَز بَشایم خِدا معبدی خَراو آکَرِم و سِه روزی کا اَیی هَنی اَز نو وَج آکَرِم.“» 62اَ موقع کاهِن اَعظم پِرِشتَه و عیسی نَه واتِشه: «هیچ جَواوی نِدَی؟ اِم چَه که اِم دِ نفر اِشتِه ضِد شهادتی بَداین؟» 63امّا عیسی ساكت مَندَه. کاهِن اَعظم عیسی نَه واتِشه: «تِه قَسَّم بَدایم اَ خِدایی سَر که زِندَه یَه، اَگم تِه مسیح موعود، خِدا زوعَه ایش، بَمون نَه بوآج.» 64عیسی جَواو دوشَه: «تِه اِشتَن حِسَه واتِرَه! ولی شِمَه نَه بَواتیم، چِمی پَش اِنسانی زوعَه بَویندیرون که خِدای قادِری راستَ دَسی وَری کا نِشتَه و آسِمونی خِرون سَری نَه بومَی.» 65اَ موقع کاهِن اَعظم اِشتَن خَلا یَخه پِزارنیشه و واتِشه: «کُفر واتِشه! دِ شاهِدمون چیرایَه؟ حِسَه چَیی کُفر واتِه دَرَسِرونَه. 66شِمَه حُکم چَه؟» شورا اَعضا جَواو دوشونَه: «چَیی جَزا مَرگَه.» 67اَ موقع عیسی دیمی کا چاف ویکَردِشونَه، اَیی ژَندِشونَه. بعضی نی چَیی دیمی کا سیله ژَنین، 68بَواتین: «اِی مسیح، حِسَه غِیبی نَه بوآج کی تِه ژَندِشَه؟»
پطرسی هاشا
69اَ موقع پطرس بِرونی کا، سِرا کا نِشت بَه، که خاتَکی چَیی وَر اومَه واتِشه: «تِه نی عیسایِ جلیلی هَمراه بیش!» 70ولی پطرس گِردی ناری کا هاشا کَردِشه واتِشه: «اَز نیمَزنِم تِه چِه بَواتیش.» 71دومله پطرس شَه بَلتَه طرفی را. اوآ کا ایلَه دییَر خاتَکی اَئی ویندِشه و کَسونی نَه که اوآکا مَند بینَه واتِشه: «اِم مِرد نی عیسایِ ناصری همراه بَه!» 72هَنی پطرس هاشا کَردِشه، قَسَّم هَردِشه که: «اَز اِم مِردی آنِزونِم.» 73تِلی پَش، کسونی که اوآکا مَند بینَه، اومینَه نار و پطرسی نَه واتِشونَه: «شکی نییَه که تِه نی ایلَه اَوون کا ایش! اِشتِه لهجَه کا معلومَه!» 74اِم موقع پطرس اِشتَن لَعن کَردِشه و قَسَّم هَردِشه که: «از اِم مِردی آنِزونِم!» هَ لحظه سوک خَندِشه. 75اَ موقع پطرس، عیسی گفون ویر وَردِشه که بَیی نَه واتَش بَه: «سوکی خَندِه پیش تِه سِه کَرَه مِن هاشا بَکَردیش.» بَس پطرس شَه بِرون، های های دادِش کَردَه.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company