اِنجیل مَتّی 27
27
یهودا خودکشی
1وختی روز آبَه، گِرد سَران کاهِنِن و قومی شیخِن جمع آبینَه و یَندی نَه مشورت کَردِشونَه كه عیسی بِکِشِن. 2بَس اَوِن عیسی دَوَسته دَس بَردِشونَه و پیلاتُسی تحویل دوشونَه که رومی فرماندار بَه.
3وختی یهودا، هَ کسی که بِه عیسی خیانت کَردِشه، ویندِشه که عیسی مَحكوم کَردَشونَه، اِشتَن کَرده کاری کا پشیمون آبَه و سی گِله نقره سِکه آگاردِنیشه بِه سَران کاهِنون و شِیخون و اَوون نَه واتِشه: 4«اَز گناه کَردَمه و باعیث بَییمَه ایلَه بی گناه آدَمی خون ویبو.» امّا اَوِن واتِشونَه: «بَمون چِه؟ اِشتَن بَزنیش!» 5بَس یَهودا، معبدی کا نقره سِکه اون ویکَردِشه زمینی سَر و شَه بِرون و اِشتَن دار ژَندِشَه. 6امّا سَران کاهِنِن نقره سِکه اون زمینی کا جمع آکَردِشونَه و واتِشونَه: «چوم اِم سِکه اِن خونَ پولی نَه، شرعاً درست نییَه اِمون دَکَرَم مَعبدی خَزانه کا.» 7بَس مشورت کَردِه پَش، اَ پولی نَه کوزَه گری زمینی خِریشونَه تا غریبون قبرستون بِبو. 8اِمی واسی اَ زمینی نَه تا اوری نَه روز نی «خونَ زمین» بَواتین. 9اِنتَه، اِرمیای پیغمبری پیشگویی اِتِفاق دَلَکَه كه بَواتی: «اَوِن اَ سی گِله نِقره سِکه پِگِتِشونَه، یعنی هَ قِیمَتی که قوم اِسرائیل اَیی را نوشونَه، 10و اَیی نَه، کوزَه گری زمینی خِریشونَه، هَتَه که خِداوند مِنَه واتَش بَه.»
محاکمه پیلاتُسی پیشی کا
11امّا عیسی، فرمانداری پیشی کا مَنده. فرماندار اَیی کا دَفَرسِشه: «تِه یهودیون پاُتشاایش؟» عیسی واتِشه: «تِه اِشتَن حِسَه واتِرَه!» 12امّا وختی سَران کاهِنِن و شیخِن، عیسی بُختون ژَنین، عیسی هیچ جَواوی نِدوشَه. 13بَس پیلاتُس عیسی کا دَفَرسِشه: «نِدَرَسی که چَده چییون اِشتِه ضِد شهادتی بَداین؟» 14امّا عیسی هیچ جَواوی بَیی نِدوشَه، حتی ایلَه بُختونی جَواوی نی نِدوشَه، جوری که فرماندار وِر تعجب کَردِشه.
15فرمانداری دَب اِم بَه كه پِسخَ عیدی را ایلَه زندانی مردمی اِنتخابی نَه آزاد آکَرِه. 16اَ زمانی کا ایلَه زندانی معروفی بَه که چَیی نوم باراباس بَه. 17بَس وختی که مردم جمع آبینَه، پیلاتُس اَوون کا دَفَرسِشه: «پیستِرونَه کمیله شِمَه را آزاد آکَرِم، باراباسی یا عیسی که اَیی نَه مسیح بَواتین؟» 18پیلاتُس اِمی واتِشَه چوم چاک بَزنی که یهودی قومی پیله تَرِن حسودی کا، عیسی تسلیم کَردَشونَه. 19و اِنتَه نی وختی پیلاتُس داوری یَه تختی سَری کا نِشت بَه، چَیی ژِن اَییرا ایلَه پَیغومی ویسا آکَردِشه، واتِشه: «اَ صالحَ مِردی نَه كاریر مَبو. چوم اوری چَیی درباره ایلَه خاوی ویندِمَه، که اَ خاو مِن وِر عذاب دوشَه.» 20امّا سَران کاهِنِن و شیخِن، جماعتی قانع کَردِشونَه که پیلاتُسی کا درخواست بِکَرِن که باراباسی آزاد آکَرِه و عیسی بِکِشِه. 21فرماندار هَنی اَوون کا دَفَرسِشه: «اِم دِ نفری کا پیستِرونَه کَمیله شِمَه را آزاد آکَرِم؟» مردم واتِشونَه: «باراباس!» 22پیلاتُس اَوون کا دَفَرسِشه: «بَس عیسایِ نَه که مسیح بَواتین، اَیی نَه چِه بِکَرِم؟» گِرد واتِشونَه: «اَیی صلیبی سَری کا بِکِش!» 23پیلاتُس دَفَرسِشه: «چیرا؟ چِه بَدی کَردَشه؟» امّا اَوِن بِلَندتَر خِلِع بَکَردین و بَواتین: «اَیی صلیبی سَری کا بِکِش!»
24بَس وختی پیلاتُس ویندِشه که نِه فقط چَیی گف فایده ای نیشه بَلکَم کارا شورش بَبی، آو پِگِتِشه و مردمی چِمون پیشی کا اِشتَن دَسون شوشتِشه و واتِشه: «اِم مِردی خون چِمِن گردن نییَه. شِمَه اِشتَن بَزنیرون!» 25مردم گِرد جَواو دوشونَه: «چَیی خون چَمَه گردَن و چَمَه خِردَنون گَردَن بِبو!» 26دومله پیلاتُس، باراباسی اَوون را آزاد آکَردِشه و دستور دوشَه که عیسی شِلاق بِژَنن و دومله اَیی صَلیبی سَری کا بِکِشِن.
عیسی مسخره کَرده
27دومله فرمانداری سَربازِن، عیسی بَردِشونَه فرمانداری کاخی سِرا دیلَه و گِرد سَربازِن چَیی دور جَمع آبینَه. 28اَوِن عیسی خَلااون بَروَردِشونَه و ایلَه اَرغوانی یَه اَبایی پِرَندِشونَه چَیی دوشی سَر. 29و بِرّی نَه ایلَه تاج وَتِشونَه و چَیی سَری کا نوشونَه و ایلَه لِسی آدوشونَه چَیی راست دَس. چَیی پیشی کا زِنگ ژَندِشونَه و مسخره کَرین و بَواتین: «سلام بَر یَهودیون پاُتشا!» 30اَوِن عیسی دیمی کا چاف ویکَردِشونَه، لِسی چَیی دَسی کا ویگِتِشونَه و اَ لِسی نَه چَیی سَری کا ژَندِشونَه. 31چَیی مسخره کَردِه پَش، اَبا چَیی دوشی سَری کا پِگِتِشونَه و چَیی اِشتَن خَلا اَیی دَکَردِشونَه. دومله اَیی بَردِشونَه که مصلوب بِکَرِن.
عیسی صَلیبی سَری کا کِشِن
32وختی کارا بَشین بِرون، ایلَه مِردی نَه دیمادیس بینَه که قیرَوونی اَهالی بَه و چَیی نوم شمعون بَه، و اَئی مجبور کَردِشونَه كه عیسی صَلیبی چَیی دومله بِبَره. 33وختی آرَستینَه جِگایی که چَیی نوم جُلجُتا بَه، یعنی جُمجُمه، 34سَربازِن، شَراوی آدوشونَه عیسی که چَیی دیلَه کا زَردَه آو دَکَردَشون بَه. امّا وختی عیسی اَیی چَشِشَه، نِپیستِشه اَیی بِنجِه. 35وختی عیسی صَلیبی سَری کا مِخَ کو کَردِشونَه، چَیی خَلا اون تَقسیم کَردِه را، اِشتَن دیلَه کا قُرعه دَرَفَندِشونَه. 36و دومله اوآکا نِشتینَه و نگهبانی دوشونَه. 37اَوِن عیسی جُرمی ایلَه تخته سَری کا نیویشتِشونَه و چَیی صلیبی کَفا کا وَصل کَردِشونَه که: «اِمَه عیسی، یَهودیون پاُتشا.»
38دِ گِله راهزن نی عیسی نَه مصلوب کَردِشونَه، ایلَه چَیی راست طرفی کا و اَ ایلَه چَیی چَپه طرفی کا. 39راه دَوییَرِن عیسی فَش بَداین و اِشتَن سَرون تَکان بَداین، 40و بَواتین: «اِی تِه كه پیستِرا معبدی خَراوَه آکَری و سه روزه هَنی اَیی وَج آکَری، حِسَه اِشتَن نجات بِده! اَگم تِه خدا زوعَه ایش صلیبی سَری نَه بِری جیر!» 41هِنتَه نی سَران کاهِنِن و توراتی معلِمِن و شیخِن نی، عیسی مسخره بَکَردین و بَواتین: 42«بقیه نجات دوشَه، اِشتَن نیمَشا نِجات بِده! اَگم قوم اِسرائیلی پاُتشا یَه، حِسَه صلیبی سَری نَه با جیر تا اَمَه اَیی ایمان بواَرم. 43اَ بِه خِدا توکل هِستِشه؛ بَس اَگم خِدا اَیی نَه خِشه، بِدا حِسَه اَیی نجات بِدَه، چوم اَ بَواتی که: ”از خِدا زوعَه ایمَه.“» 44اِنتَه نی اَ دِ گِله راهزن که عیسی نَه مصلوب بَه بینَه، اَیی فَش بَداین.
عیسی مَرگ
45ساعت دونزَه ناهاری نَه تا ساعت سِه بعد از ناهار، تاریکی گِرد اَ سرزمینی گِتِشه. 46ساعت نِزدیک سِه بعد از ناهار بَه که عیسی بِلَنده سَسی نَه خِلِع ژَندِشَه و واتِشه: «ایلی، ایلی، لَمّا سَبَقتَنی؟» یعنی «چِمِن خِدا، چِمِن خِدا، چیرا مِن تَنخا نوعَرَه؟» 47بعضی کَسِن که اوآکا مَند بینَه اِمی که دَرَسِشونَه، واتِشونَه: «اِم مِرد ایلیای پیغمبری دَخونِه.» 48ایی نَفر اَوون کا اَلبَحَل ویریتَه، ایی پَله اِسفَنج وَردِشه، ویخاستِشه تِرشِسَه شَراوی دیلَه کا، ایلَه لِسی تِکی سَری کا نوشه و بَردِشه عیسی گَ نِزدیکی تا عیسی اَیی بِنجِه. 49امّا بقیه واتِشونَه: «بومونَه، بِدارَه بِوینَم ایلیای پیغمبر بومَی اَئی نِجات بِده یا نِه؟» 50عیسی هَنی بِلنده سَسی نَه خِلِع ژَندِشَه و جان دوشَه. 51هَ موقع، معبدی پَرده، کَفا نَه تا جیر دِ پَله بَه. زمین لَرزِسته و سِنگِن چَکینَه. 52قبرِن نی آبیینَه و وِر مقدّس آدَمِن كه مَرده بینَه، زِنده آبینَه. 53اَوِن قَبرون کا بِرون اومینَه و عیسی زِنده آبییِه پَش، شینَه مقدّس شهری را که هَ اورشلیمَه و اِشتَن وِر کَسون نیشون دوشونَه. 54وختی سَربازون فرماندَه و سربازونی که عیسی صلیبی جیری کا بینَه تا نگهبانی بِدَن، زلزله و گِرد اِم ماجرا ویندِشونَه، وِر ترسی نَه و واتِشونَه: «واقعاً که اِم مِرد خِدا زوعَه بَه.» 55وِرَه ژِنَکِن نی اوآکا مَند بینَه و دوری نَه دَیِسین. اَوِن جلیلی ولایتی نَه عیسی دومله اومَه بینَه و اَیی خدمت بِکَردین. 56چَوون دیلَه کا، مریم مَجدَلیّه و مریم که یعقوب و یوسفی نَنه بَه و زِبدی زوعَه اون نَنه نی مَنده بینَه.
عیسی دَفن کَردِه
57مَغریب دَم، ایلَه ثروتمنده مِردی که چَیی نوم یوسف بَه و رامَه شهری اَهالی کا بَه اومَه. اِم مِرد نی عیسی ایلَه شاگِردون کا بَه. 58اَ شَه پیلاتُسی وَر و عیسی جَنازه پیستِشَه. پیلاتُس دستور دوشَه عیسی جَنازه آدَن یوسفی. 59یوسف، جَنازه پِگِتِشَه و تمیزَه كتانَ کَفَنی کا دَپیچِستِشه، 60و اَیی تازه مَقبره ای دیلَه کا نوشَه که اَ مقبره، اِشتَرا صخره دیلَه کا تِراشتَش بَه. دومله ایلَه یالَه سِنگی نَه مَقبره دَهَنه پوشوندِشه و شَه. 61مریم مَجدَلیّه و اَ ایلَه مریم نی اوآ مَقبره پیشی کا نِشت بینَه.
مَقبره نگهبانِن
62صَبایی نَه روز، یعنی ایی روز بعد از روزی که یهودییِن آمادَه آبون مقدّس شنبه را، سَران کاهِنِن و فریسی فِرقه عُلما شینَه پیلاتُسی وَر، واتِشونَه: 63«آقا! ویرِمون اِستَه كه اَ حُقَّه باز، وختی که حَلا زِنده بَه، واتِشه که، ”از سِه روزه پَش زِنده آبوم.“ 64بَس دستور بِدَه که تا سوّمین روز مَقبره کا نِگهبانی بِکَرِن، نَبادا چَیی شاگِردِن بِشون و چَیی جَنازه بِدِزدِن و مردمی نَه بوآجِن که عیسی مَرده پَش زِنده آبییَه. اَگم اِم کاری بِکَرن، چَیی آخِرین حُقَّه، چَیی اوّلین حُقَّه کا نی بدتر بَبی.» 65پیلاتُس اَوون نَه واتِشه: «شِمَه اِشتَن ایی کافله نگهبان اِستِرونَه. بِشَه و هَتَه که صلاح بَزنیرون، مَقبره کا محافظت بِکَرَه.» 66بَس اَوِن شینَه مَقبره دَهَنه سِنگی، مُهر و موم کَردِشونَه و اوآکا نِگهبانونی نوشونَه تا مَقبره کا محافظت بِکَرِن.
ទើបបានជ្រើសរើសហើយ៖
اِنجیل مَتّی 27: ITB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
اِنجیل مَتّی 27
27
یهودا خودکشی
1وختی روز آبَه، گِرد سَران کاهِنِن و قومی شیخِن جمع آبینَه و یَندی نَه مشورت کَردِشونَه كه عیسی بِکِشِن. 2بَس اَوِن عیسی دَوَسته دَس بَردِشونَه و پیلاتُسی تحویل دوشونَه که رومی فرماندار بَه.
3وختی یهودا، هَ کسی که بِه عیسی خیانت کَردِشه، ویندِشه که عیسی مَحكوم کَردَشونَه، اِشتَن کَرده کاری کا پشیمون آبَه و سی گِله نقره سِکه آگاردِنیشه بِه سَران کاهِنون و شِیخون و اَوون نَه واتِشه: 4«اَز گناه کَردَمه و باعیث بَییمَه ایلَه بی گناه آدَمی خون ویبو.» امّا اَوِن واتِشونَه: «بَمون چِه؟ اِشتَن بَزنیش!» 5بَس یَهودا، معبدی کا نقره سِکه اون ویکَردِشه زمینی سَر و شَه بِرون و اِشتَن دار ژَندِشَه. 6امّا سَران کاهِنِن نقره سِکه اون زمینی کا جمع آکَردِشونَه و واتِشونَه: «چوم اِم سِکه اِن خونَ پولی نَه، شرعاً درست نییَه اِمون دَکَرَم مَعبدی خَزانه کا.» 7بَس مشورت کَردِه پَش، اَ پولی نَه کوزَه گری زمینی خِریشونَه تا غریبون قبرستون بِبو. 8اِمی واسی اَ زمینی نَه تا اوری نَه روز نی «خونَ زمین» بَواتین. 9اِنتَه، اِرمیای پیغمبری پیشگویی اِتِفاق دَلَکَه كه بَواتی: «اَوِن اَ سی گِله نِقره سِکه پِگِتِشونَه، یعنی هَ قِیمَتی که قوم اِسرائیل اَیی را نوشونَه، 10و اَیی نَه، کوزَه گری زمینی خِریشونَه، هَتَه که خِداوند مِنَه واتَش بَه.»
محاکمه پیلاتُسی پیشی کا
11امّا عیسی، فرمانداری پیشی کا مَنده. فرماندار اَیی کا دَفَرسِشه: «تِه یهودیون پاُتشاایش؟» عیسی واتِشه: «تِه اِشتَن حِسَه واتِرَه!» 12امّا وختی سَران کاهِنِن و شیخِن، عیسی بُختون ژَنین، عیسی هیچ جَواوی نِدوشَه. 13بَس پیلاتُس عیسی کا دَفَرسِشه: «نِدَرَسی که چَده چییون اِشتِه ضِد شهادتی بَداین؟» 14امّا عیسی هیچ جَواوی بَیی نِدوشَه، حتی ایلَه بُختونی جَواوی نی نِدوشَه، جوری که فرماندار وِر تعجب کَردِشه.
15فرمانداری دَب اِم بَه كه پِسخَ عیدی را ایلَه زندانی مردمی اِنتخابی نَه آزاد آکَرِه. 16اَ زمانی کا ایلَه زندانی معروفی بَه که چَیی نوم باراباس بَه. 17بَس وختی که مردم جمع آبینَه، پیلاتُس اَوون کا دَفَرسِشه: «پیستِرونَه کمیله شِمَه را آزاد آکَرِم، باراباسی یا عیسی که اَیی نَه مسیح بَواتین؟» 18پیلاتُس اِمی واتِشَه چوم چاک بَزنی که یهودی قومی پیله تَرِن حسودی کا، عیسی تسلیم کَردَشونَه. 19و اِنتَه نی وختی پیلاتُس داوری یَه تختی سَری کا نِشت بَه، چَیی ژِن اَییرا ایلَه پَیغومی ویسا آکَردِشه، واتِشه: «اَ صالحَ مِردی نَه كاریر مَبو. چوم اوری چَیی درباره ایلَه خاوی ویندِمَه، که اَ خاو مِن وِر عذاب دوشَه.» 20امّا سَران کاهِنِن و شیخِن، جماعتی قانع کَردِشونَه که پیلاتُسی کا درخواست بِکَرِن که باراباسی آزاد آکَرِه و عیسی بِکِشِه. 21فرماندار هَنی اَوون کا دَفَرسِشه: «اِم دِ نفری کا پیستِرونَه کَمیله شِمَه را آزاد آکَرِم؟» مردم واتِشونَه: «باراباس!» 22پیلاتُس اَوون کا دَفَرسِشه: «بَس عیسایِ نَه که مسیح بَواتین، اَیی نَه چِه بِکَرِم؟» گِرد واتِشونَه: «اَیی صلیبی سَری کا بِکِش!» 23پیلاتُس دَفَرسِشه: «چیرا؟ چِه بَدی کَردَشه؟» امّا اَوِن بِلَندتَر خِلِع بَکَردین و بَواتین: «اَیی صلیبی سَری کا بِکِش!»
24بَس وختی پیلاتُس ویندِشه که نِه فقط چَیی گف فایده ای نیشه بَلکَم کارا شورش بَبی، آو پِگِتِشه و مردمی چِمون پیشی کا اِشتَن دَسون شوشتِشه و واتِشه: «اِم مِردی خون چِمِن گردن نییَه. شِمَه اِشتَن بَزنیرون!» 25مردم گِرد جَواو دوشونَه: «چَیی خون چَمَه گردَن و چَمَه خِردَنون گَردَن بِبو!» 26دومله پیلاتُس، باراباسی اَوون را آزاد آکَردِشه و دستور دوشَه که عیسی شِلاق بِژَنن و دومله اَیی صَلیبی سَری کا بِکِشِن.
عیسی مسخره کَرده
27دومله فرمانداری سَربازِن، عیسی بَردِشونَه فرمانداری کاخی سِرا دیلَه و گِرد سَربازِن چَیی دور جَمع آبینَه. 28اَوِن عیسی خَلااون بَروَردِشونَه و ایلَه اَرغوانی یَه اَبایی پِرَندِشونَه چَیی دوشی سَر. 29و بِرّی نَه ایلَه تاج وَتِشونَه و چَیی سَری کا نوشونَه و ایلَه لِسی آدوشونَه چَیی راست دَس. چَیی پیشی کا زِنگ ژَندِشونَه و مسخره کَرین و بَواتین: «سلام بَر یَهودیون پاُتشا!» 30اَوِن عیسی دیمی کا چاف ویکَردِشونَه، لِسی چَیی دَسی کا ویگِتِشونَه و اَ لِسی نَه چَیی سَری کا ژَندِشونَه. 31چَیی مسخره کَردِه پَش، اَبا چَیی دوشی سَری کا پِگِتِشونَه و چَیی اِشتَن خَلا اَیی دَکَردِشونَه. دومله اَیی بَردِشونَه که مصلوب بِکَرِن.
عیسی صَلیبی سَری کا کِشِن
32وختی کارا بَشین بِرون، ایلَه مِردی نَه دیمادیس بینَه که قیرَوونی اَهالی بَه و چَیی نوم شمعون بَه، و اَئی مجبور کَردِشونَه كه عیسی صَلیبی چَیی دومله بِبَره. 33وختی آرَستینَه جِگایی که چَیی نوم جُلجُتا بَه، یعنی جُمجُمه، 34سَربازِن، شَراوی آدوشونَه عیسی که چَیی دیلَه کا زَردَه آو دَکَردَشون بَه. امّا وختی عیسی اَیی چَشِشَه، نِپیستِشه اَیی بِنجِه. 35وختی عیسی صَلیبی سَری کا مِخَ کو کَردِشونَه، چَیی خَلا اون تَقسیم کَردِه را، اِشتَن دیلَه کا قُرعه دَرَفَندِشونَه. 36و دومله اوآکا نِشتینَه و نگهبانی دوشونَه. 37اَوِن عیسی جُرمی ایلَه تخته سَری کا نیویشتِشونَه و چَیی صلیبی کَفا کا وَصل کَردِشونَه که: «اِمَه عیسی، یَهودیون پاُتشا.»
38دِ گِله راهزن نی عیسی نَه مصلوب کَردِشونَه، ایلَه چَیی راست طرفی کا و اَ ایلَه چَیی چَپه طرفی کا. 39راه دَوییَرِن عیسی فَش بَداین و اِشتَن سَرون تَکان بَداین، 40و بَواتین: «اِی تِه كه پیستِرا معبدی خَراوَه آکَری و سه روزه هَنی اَیی وَج آکَری، حِسَه اِشتَن نجات بِده! اَگم تِه خدا زوعَه ایش صلیبی سَری نَه بِری جیر!» 41هِنتَه نی سَران کاهِنِن و توراتی معلِمِن و شیخِن نی، عیسی مسخره بَکَردین و بَواتین: 42«بقیه نجات دوشَه، اِشتَن نیمَشا نِجات بِده! اَگم قوم اِسرائیلی پاُتشا یَه، حِسَه صلیبی سَری نَه با جیر تا اَمَه اَیی ایمان بواَرم. 43اَ بِه خِدا توکل هِستِشه؛ بَس اَگم خِدا اَیی نَه خِشه، بِدا حِسَه اَیی نجات بِدَه، چوم اَ بَواتی که: ”از خِدا زوعَه ایمَه.“» 44اِنتَه نی اَ دِ گِله راهزن که عیسی نَه مصلوب بَه بینَه، اَیی فَش بَداین.
عیسی مَرگ
45ساعت دونزَه ناهاری نَه تا ساعت سِه بعد از ناهار، تاریکی گِرد اَ سرزمینی گِتِشه. 46ساعت نِزدیک سِه بعد از ناهار بَه که عیسی بِلَنده سَسی نَه خِلِع ژَندِشَه و واتِشه: «ایلی، ایلی، لَمّا سَبَقتَنی؟» یعنی «چِمِن خِدا، چِمِن خِدا، چیرا مِن تَنخا نوعَرَه؟» 47بعضی کَسِن که اوآکا مَند بینَه اِمی که دَرَسِشونَه، واتِشونَه: «اِم مِرد ایلیای پیغمبری دَخونِه.» 48ایی نَفر اَوون کا اَلبَحَل ویریتَه، ایی پَله اِسفَنج وَردِشه، ویخاستِشه تِرشِسَه شَراوی دیلَه کا، ایلَه لِسی تِکی سَری کا نوشه و بَردِشه عیسی گَ نِزدیکی تا عیسی اَیی بِنجِه. 49امّا بقیه واتِشونَه: «بومونَه، بِدارَه بِوینَم ایلیای پیغمبر بومَی اَئی نِجات بِده یا نِه؟» 50عیسی هَنی بِلنده سَسی نَه خِلِع ژَندِشَه و جان دوشَه. 51هَ موقع، معبدی پَرده، کَفا نَه تا جیر دِ پَله بَه. زمین لَرزِسته و سِنگِن چَکینَه. 52قبرِن نی آبیینَه و وِر مقدّس آدَمِن كه مَرده بینَه، زِنده آبینَه. 53اَوِن قَبرون کا بِرون اومینَه و عیسی زِنده آبییِه پَش، شینَه مقدّس شهری را که هَ اورشلیمَه و اِشتَن وِر کَسون نیشون دوشونَه. 54وختی سَربازون فرماندَه و سربازونی که عیسی صلیبی جیری کا بینَه تا نگهبانی بِدَن، زلزله و گِرد اِم ماجرا ویندِشونَه، وِر ترسی نَه و واتِشونَه: «واقعاً که اِم مِرد خِدا زوعَه بَه.» 55وِرَه ژِنَکِن نی اوآکا مَند بینَه و دوری نَه دَیِسین. اَوِن جلیلی ولایتی نَه عیسی دومله اومَه بینَه و اَیی خدمت بِکَردین. 56چَوون دیلَه کا، مریم مَجدَلیّه و مریم که یعقوب و یوسفی نَنه بَه و زِبدی زوعَه اون نَنه نی مَنده بینَه.
عیسی دَفن کَردِه
57مَغریب دَم، ایلَه ثروتمنده مِردی که چَیی نوم یوسف بَه و رامَه شهری اَهالی کا بَه اومَه. اِم مِرد نی عیسی ایلَه شاگِردون کا بَه. 58اَ شَه پیلاتُسی وَر و عیسی جَنازه پیستِشَه. پیلاتُس دستور دوشَه عیسی جَنازه آدَن یوسفی. 59یوسف، جَنازه پِگِتِشَه و تمیزَه كتانَ کَفَنی کا دَپیچِستِشه، 60و اَیی تازه مَقبره ای دیلَه کا نوشَه که اَ مقبره، اِشتَرا صخره دیلَه کا تِراشتَش بَه. دومله ایلَه یالَه سِنگی نَه مَقبره دَهَنه پوشوندِشه و شَه. 61مریم مَجدَلیّه و اَ ایلَه مریم نی اوآ مَقبره پیشی کا نِشت بینَه.
مَقبره نگهبانِن
62صَبایی نَه روز، یعنی ایی روز بعد از روزی که یهودییِن آمادَه آبون مقدّس شنبه را، سَران کاهِنِن و فریسی فِرقه عُلما شینَه پیلاتُسی وَر، واتِشونَه: 63«آقا! ویرِمون اِستَه كه اَ حُقَّه باز، وختی که حَلا زِنده بَه، واتِشه که، ”از سِه روزه پَش زِنده آبوم.“ 64بَس دستور بِدَه که تا سوّمین روز مَقبره کا نِگهبانی بِکَرِن، نَبادا چَیی شاگِردِن بِشون و چَیی جَنازه بِدِزدِن و مردمی نَه بوآجِن که عیسی مَرده پَش زِنده آبییَه. اَگم اِم کاری بِکَرن، چَیی آخِرین حُقَّه، چَیی اوّلین حُقَّه کا نی بدتر بَبی.» 65پیلاتُس اَوون نَه واتِشه: «شِمَه اِشتَن ایی کافله نگهبان اِستِرونَه. بِشَه و هَتَه که صلاح بَزنیرون، مَقبره کا محافظت بِکَرَه.» 66بَس اَوِن شینَه مَقبره دَهَنه سِنگی، مُهر و موم کَردِشونَه و اوآکا نِگهبانونی نوشونَه تا مَقبره کا محافظت بِکَرِن.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company