انجیل مَتّی 17
17
عیسی شَکلُش اَلِش بو
1شش راز بعد عیسی، اُ پِطرُس و یعکوب و کاکَی یعکوب، یوحَنا شاسِه و اُ آنایا شُ بَرَئِه کاوی بلند بو که آنکا فَکَط خوشو بِت. 2آنکا جلووِ چَش آنایا، عیسی شَکلُش اَلِش بو: لوش چُنِ خورشید بَلَلَک اُشکِه و جُمَه‌یّاش چُنِ نور، سَفید بو. 3مِ موکَوا، موسی و الیاس پیغامبر اُ آنایا ظاهر بُدِت و خاد عیسی حرف شواَزاد. 4پِطرُس شُ عیسی گُت: «سرورُم، خَشِه که اَما اِکا هِم. اَگَه اُتبِئِه، اِکا سه‌تا سایَه بو نَک اَکنام، یکی اَسِی تو، یکی اَسِی موسی و یکی هم اَسِی الیاس.» 5پِطرُس هَنو حرف شَزاد که یَکدَفَه یَک اَبری که شَدِرَخشی شُ لِی آنایا سایَه بِست و صدایی از مِ اَبرا اُمَ که: «اِ پُسِ عزیزُمِه که بُری از آنا راضیام؛ اُ آنا گاش کَر بِکنی!» 6وَختی شاگردیا اِ صدائا شُشُنُفت بُری تِرسِدِت و وَ لو، لِی زِمی اُفتَدِت. 7ولی عیسی اُمَ، دست شُ لِی آنایا نَه و اُشگُت: «آپابی و مَتِرسی!» 8وَختی شاگردیا اُ بَرا چَش شُکِه، کَسِیدو شُنِدی غیر از عیسی و بَس.
9وَختی که از کاو زیر اَداندِت، عیسی شُ آنایا فَرمو دَ و اُشگُت: «چِی که تُدِدِ اُ کسی مَگائی، تا موکَه‌ای که پُسِ انسان از مُردَیّا زندَه آبِه.» 10شاگردیا از عیسی شُپُرسی: «پَ اَسِی چه معلمِی تورات اَگائِت که اوّل باید الیاس بیاد؟» 11عیسی جواب اُشدَ: «بله که الیاس اَدا و هَمَه چِیا چُنِ کَبلُش وَلم اَدَکو. 12ولی ما اُ شما اَگام که هَمِ آلَه هم الیاس اُندِ، و آنایا اُ آنا شُنِشناخت بلکه هر کَری که شُئِست خاد آنا شُکِه. هَمینا، پُسِ انسان هم از دست آنایا عذاب اَکَشِه.» 13مِ موکَوا شاگردیا شُفَهمی که عیسی دربارَهِ یحیای تعمیددَهندَه خاد آنایا حرف زَتا.
شفای پُسی که دیو اُشهاد
14آنایا وَختی اُ حَدِ جماعت رَسِدِت، یَک مردی حَدِ عیسی اُمَ و جلووِ آنا جاک اُشزاد 15و اُشگُت: «سرورُم، اُ پُسُم رحم بِکو. اَسِی که آنا تَشَنُجیه و بُری عذاب اَکَشِه، بُری وَختیا تِی تَش و تِی هُو اَفتِه. 16آنا مُحَدِ شاگردیات اَئو، ولی شُنِشابو شفا شاتِت.» 17عیسی جواب اُشدَ: «اَی نَسل بی ایمون و منحرف، تا کَی باید اُمرَهِ شما بام؟ تا کَی باید تَحَملتو بِکنام؟ اُ آنا اِکا مُحَد بیاری.» 18عیسی شُ دیو نِهِب زاد و دیو از مِ پُسا دَر اُمَ و پُسِ جِخُو شفا اُشگِرِت. 19مِ موکَوا شاگردیا حَدِ عیسی اُندِت و تِی خلوت از آنا شُپُرسی: «اَسِی چه اَما مُنِشابو آن دیوا شُدَر کِنِم؟» 20عیسی شُ آنایا جواب دَ: «وَخاطر اِکِه ایمونتو کامِه. حکیکتاً اُ شما اَگام، اَگَه کَدِ یَک دونَهِ خُندَل ایمون تُبِه، تاشابِه اُ اِ کاوا بِگائی ”از اِکا اُ آنکا اُچا“ و اَچِه و هیچ کَری اَسِی شما غیرممکن نابِه. 21ولی اِ نَمونَه دیوا وَغیر از روزَه و دعا دَر ناچِه.»
دوّمین پیشگوئِنِ عیسی دربارَهِ مرگ و زندَه آبُدَش از مُردَیّا
22وَختی که عیسی و شاگردیاش تِک منطکَهِ جلیل جمع آبُستادِت، عیسی شُ آنایا گُت: «پُسِ انسان وَ هَمِ زودِنیا اُ دست مردم تسلیم اَبِه. 23آنایا شَکشِت و آنا تِی رازِ سوّم زندَه اَدَبِه.» شاگردیا بُری پریشون بُدِت.
مالیات معبد
24وَختی عیسی و شاگردیاش اُ شهر کَفَرناحوم رَسِدِت، مأمورِی مالیاتِ دو دِرهَمِنِ معبد، حَدِ پِطرُس اُندِت و شُگُت: «استادتو مالیات معبدا نادَ؟» 25آنا جواب اُشدَ: «بله که اَدَ!» وَختی پِطرُس اُ خونَه چو، کَبل از اِکِه چِی بِگِه، عیسی شُ آنا گُت: «شَمعون، تو چه فکری اَکنِش؟ پادشاهِی دنیا از چه کسِی خَراج یا مالیات اَگِرِت؟ از بَچیاشو یا از غریبَه‌یّا؟» 26پِطرُس جواب اُشدَ: «از غریبَه‌یّا.» عیسی شُ آنا گُت: «پَ بَچیا مُعافِت! 27ولی اَسِی اِکِه اُ آنایا توهین مُنِکِردِسبِه، اُ لب دریاچَه اُچا و کُلّاب هُبی. کَپِ اوّلین مَهِنی که اُتگِرِت واز آکو، یَک خُردَهِ چهار دِرهَمی اَدَجُرِش، واسِه و خاد آنا سَهم ما و خوتا هادِ.»
ទើបបានជ្រើសរើសហើយ៖
انجیل مَتّی 17: LAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل مَتّی 17
17
عیسی شَکلُش اَلِش بو
1شش راز بعد عیسی، اُ پِطرُس و یعکوب و کاکَی یعکوب، یوحَنا شاسِه و اُ آنایا شُ بَرَئِه کاوی بلند بو که آنکا فَکَط خوشو بِت. 2آنکا جلووِ چَش آنایا، عیسی شَکلُش اَلِش بو: لوش چُنِ خورشید بَلَلَک اُشکِه و جُمَه‌یّاش چُنِ نور، سَفید بو. 3مِ موکَوا، موسی و الیاس پیغامبر اُ آنایا ظاهر بُدِت و خاد عیسی حرف شواَزاد. 4پِطرُس شُ عیسی گُت: «سرورُم، خَشِه که اَما اِکا هِم. اَگَه اُتبِئِه، اِکا سه‌تا سایَه بو نَک اَکنام، یکی اَسِی تو، یکی اَسِی موسی و یکی هم اَسِی الیاس.» 5پِطرُس هَنو حرف شَزاد که یَکدَفَه یَک اَبری که شَدِرَخشی شُ لِی آنایا سایَه بِست و صدایی از مِ اَبرا اُمَ که: «اِ پُسِ عزیزُمِه که بُری از آنا راضیام؛ اُ آنا گاش کَر بِکنی!» 6وَختی شاگردیا اِ صدائا شُشُنُفت بُری تِرسِدِت و وَ لو، لِی زِمی اُفتَدِت. 7ولی عیسی اُمَ، دست شُ لِی آنایا نَه و اُشگُت: «آپابی و مَتِرسی!» 8وَختی شاگردیا اُ بَرا چَش شُکِه، کَسِیدو شُنِدی غیر از عیسی و بَس.
9وَختی که از کاو زیر اَداندِت، عیسی شُ آنایا فَرمو دَ و اُشگُت: «چِی که تُدِدِ اُ کسی مَگائی، تا موکَه‌ای که پُسِ انسان از مُردَیّا زندَه آبِه.» 10شاگردیا از عیسی شُپُرسی: «پَ اَسِی چه معلمِی تورات اَگائِت که اوّل باید الیاس بیاد؟» 11عیسی جواب اُشدَ: «بله که الیاس اَدا و هَمَه چِیا چُنِ کَبلُش وَلم اَدَکو. 12ولی ما اُ شما اَگام که هَمِ آلَه هم الیاس اُندِ، و آنایا اُ آنا شُنِشناخت بلکه هر کَری که شُئِست خاد آنا شُکِه. هَمینا، پُسِ انسان هم از دست آنایا عذاب اَکَشِه.» 13مِ موکَوا شاگردیا شُفَهمی که عیسی دربارَهِ یحیای تعمیددَهندَه خاد آنایا حرف زَتا.
شفای پُسی که دیو اُشهاد
14آنایا وَختی اُ حَدِ جماعت رَسِدِت، یَک مردی حَدِ عیسی اُمَ و جلووِ آنا جاک اُشزاد 15و اُشگُت: «سرورُم، اُ پُسُم رحم بِکو. اَسِی که آنا تَشَنُجیه و بُری عذاب اَکَشِه، بُری وَختیا تِی تَش و تِی هُو اَفتِه. 16آنا مُحَدِ شاگردیات اَئو، ولی شُنِشابو شفا شاتِت.» 17عیسی جواب اُشدَ: «اَی نَسل بی ایمون و منحرف، تا کَی باید اُمرَهِ شما بام؟ تا کَی باید تَحَملتو بِکنام؟ اُ آنا اِکا مُحَد بیاری.» 18عیسی شُ دیو نِهِب زاد و دیو از مِ پُسا دَر اُمَ و پُسِ جِخُو شفا اُشگِرِت. 19مِ موکَوا شاگردیا حَدِ عیسی اُندِت و تِی خلوت از آنا شُپُرسی: «اَسِی چه اَما مُنِشابو آن دیوا شُدَر کِنِم؟» 20عیسی شُ آنایا جواب دَ: «وَخاطر اِکِه ایمونتو کامِه. حکیکتاً اُ شما اَگام، اَگَه کَدِ یَک دونَهِ خُندَل ایمون تُبِه، تاشابِه اُ اِ کاوا بِگائی ”از اِکا اُ آنکا اُچا“ و اَچِه و هیچ کَری اَسِی شما غیرممکن نابِه. 21ولی اِ نَمونَه دیوا وَغیر از روزَه و دعا دَر ناچِه.»
دوّمین پیشگوئِنِ عیسی دربارَهِ مرگ و زندَه آبُدَش از مُردَیّا
22وَختی که عیسی و شاگردیاش تِک منطکَهِ جلیل جمع آبُستادِت، عیسی شُ آنایا گُت: «پُسِ انسان وَ هَمِ زودِنیا اُ دست مردم تسلیم اَبِه. 23آنایا شَکشِت و آنا تِی رازِ سوّم زندَه اَدَبِه.» شاگردیا بُری پریشون بُدِت.
مالیات معبد
24وَختی عیسی و شاگردیاش اُ شهر کَفَرناحوم رَسِدِت، مأمورِی مالیاتِ دو دِرهَمِنِ معبد، حَدِ پِطرُس اُندِت و شُگُت: «استادتو مالیات معبدا نادَ؟» 25آنا جواب اُشدَ: «بله که اَدَ!» وَختی پِطرُس اُ خونَه چو، کَبل از اِکِه چِی بِگِه، عیسی شُ آنا گُت: «شَمعون، تو چه فکری اَکنِش؟ پادشاهِی دنیا از چه کسِی خَراج یا مالیات اَگِرِت؟ از بَچیاشو یا از غریبَه‌یّا؟» 26پِطرُس جواب اُشدَ: «از غریبَه‌یّا.» عیسی شُ آنا گُت: «پَ بَچیا مُعافِت! 27ولی اَسِی اِکِه اُ آنایا توهین مُنِکِردِسبِه، اُ لب دریاچَه اُچا و کُلّاب هُبی. کَپِ اوّلین مَهِنی که اُتگِرِت واز آکو، یَک خُردَهِ چهار دِرهَمی اَدَجُرِش، واسِه و خاد آنا سَهم ما و خوتا هادِ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company